أي كلام

[METALLICA]

معلش يا ام محمد سماح النوبه و اسوان !!

صعبة قوي

[METALLICA]

Violinking ايه أخبار التبيخ :o

[yasovinas]

يا سلام عليك انت يا س س واد ما جبتكش ولاده

موديست بيتلكك عايز يفطر قال ايه افتكر الكلام على صورة محمد

طيب فيروز ومعزورة بس على كده يا فيروز انت من الاسبوع الجاي نطلب رفع كل مشاركاتك لغايه ما بعد العيد

[وليد صفوت]

g.g. :

كل دقيقتين تمر طائرة,,مش عارفة فيه ايه,,زي ما يكون حولوا مسار الطائرات في مصر أو لغوا مطار معين ,,فأصبحت الطائرات كلها تنزل في مطار القاهرة!

حاجة غريبة..

انا كمان لاحظت كده !!!

كل دقيقتين بالتمام و الكمال تمر طائرة فوقنا الى مطار الماظة ( أو القاهرة ) طائرات مدنية طبعاً ....... و لا اعرف السبب ......... لم تحدث قبل ذلك اطلاقاً ؟؟!!

حد يعرف السبب؟

[وليد صفوت]

Violinking  ايه أخبار التبيخ  :wub:

و الله يا ميتاليكا من ساعة ما الكسارولا بتاعتى ما انكسرت و انا مش عارف اخترع وجبات جديدة :o

زائد ان الست الوالدة حرمتنى من دخول المطبخ الى قيام الساعة ...... و حلفت عليا انها لو شافتنى فى المطبخ تانى ..... حتحرمنى من الغذاء الى اليوم التالى :wub:

و كل ده ليييييييه ؟؟؟

قال ايه .......... عشان شافتنى بحط الرز فى الخلاط عشان اعمل ( رز بالخلطة ) !!!!!

طيب حد يقوللى انا عملت ايه غلط ؟؟؟؟

يا جماعة لازم نبقى متجددين ... و لازم نبحث عن الجديد فى عالم المطبخ ..... و عشان كده انا لم استسلم ..... حستنى لحد لما الكل ينام ...... و اجرب اخترع الرز بالخلطة بتاعى ........ و لما تنجح العملية ........ حبقى أقولكم عالطريقة :wub:

مع تحياتى.....

[bentmasria]

فعلا يا جى جى كانت عروسة جميله حزينة

انا كانت من هواياتى التصوير والرسم وفى الوقت ده كنت بستمتع بتصوير مناسبات الصديقات ولاحظت شرودها فاحتفظت لها بعده لقطات خاصة واستأذنتها فى ان اقوم برسمها ووافقت وانتهى الموضوع بالانفصال وظلت هذه اللقطات هى الشىء الوحيد من رفات ما مات

احيانا تاسرنى الوجوه المعبرة ...ولحظات الحيرة والوجد

فيرووووووووووووووز بقى فيه منك باليوسفى وبرضه دايخة

يا قمر الصورة الرمزية بتاعتى حمودى حبيب الب مامى وهو علامتى المميزة فى كل مكان احب ان تختفى ملامحى العجوز وراء براءة وجهه الملائكى فلا احس ان السنون مرت ولا الا بانى اولد من ابتسامته

ولو عاوزة تشوفى اجمل ابتسامة من مادا ماما

غنى معايا

انا ولد سكر

دمى شهد مكرر

انا اسمى محمد

انا قمرة واسمر

انا يا مامى ظريف

دمى يا مامى خفيف

اقعد مع تيتى

وانام فى حضن مامتى

وارقص وابقى نضيف

:o :wub: :wub:

دى النشيد الوطنى لدولة محمد افندى

ربنا يخليكم يا خالات واخوال سى محمد

ام محمد

[Cleo]

g.g. :

كل دقيقتين تمر طائرة,,مش عارفة فيه ايه,,زي ما يكون حولوا مسار الطائرات في مصر أو لغوا مطار معين ,,فأصبحت الطائرات كلها تنزل في مطار القاهرة!

حاجة غريبة..

انا كمان لاحظت كده !!!

كل دقيقتين بالتمام و الكمال تمر طائرة فوقنا الى مطار الماظة ( أو القاهرة ) طائرات مدنية طبعاً ....... و لا اعرف السبب ......... لم تحدث قبل ذلك اطلاقاً ؟؟!!

حد يعرف السبب؟

موسم السياحة و موسم العمرة...

كل سنة و انتم طيبين..

[Tafshan]

انا غاوي في رمضان اتفرج على برامج الطبيخ على المحطات لبمختلفه ، و اكتشفت شيف عسسسسل على قناة دريم :

الشيف قال : اهم حاجه في رمضان .. اننا نختار اكلات خفيفه على الفطار

انا : جمييل !!!

الشيف : النهارده هنعمل : طاجن البامية باللحمة الضاني hpc:!:

انا : ايييييي !! ازاي ده بأه يبقى خفيف ؟؟؟؟

الشيف : اول حاجة ... نشوح بصله مفرومه في شوية زبدة صغيرين .. معلش انا بأستخدم كمية صغيره جداً ( و يستخدم الكبشه و يضع نص قالب الزبدة على البصل )

انا : (ماسك بطني من المغص) يخرب بيتك.... دي فيها عسر هضم وقتي !!!

الشيف : (بعد ساعه من الوصف و اضافة كل ملبكات المعدة اخفها و طأه اللحمه الضاني fsh:: ) و بكده يبقى الفطار خفيف و صحي و بالهنا و الشفا

انا: (مصاب بالحموضة الهستيرية ) الله يهنيك !!!

[فــيــروز]

طيب فيروز ومعزورة بس على كده يا فيروز انت من الاسبوع الجاي نطلب رفع كل مشاركاتك لغايه ما بعد العيد

ماكانش العشم خالص B)

يا سيدى س.س. يقول زى ما هو عايز :P هو يعنى هو اللى هيتحاسب؟ mc:

فيرووووووووووووووز بقى فيه منك باليوسفى وبرضه دايخة

يا قمر الصورة الرمزية بتاعتى حمودى حبيب الب مامى وهو علامتى المميزة فى كل مكان احب ان تختفى ملامحى العجوز وراء براءة وجهه الملائكى فلا احس ان السنون مرت ولا الا بانى اولد من ابتسامته

انا شخصيا بافضل فيروز بالتفاح

بس ده كلام بردو يا ام محمد

بسم الله ما شاء الله الصوره الجديده جميييييييله جدا .. ما شاء الله ولا حول ولا قوة الا بالله :) ده انا هاضطر احجزه بقى للبنت عيوشه بنتى :D أما تبقى تيجى يعنى لو ربنا اراد :) ربنا يحفظه يا رب و يبارك لك فيه rs:

[yasovinas]

عيوشة يا فيروز

لا ده الصيام عامل عمايله

[فــيــروز]

عيوشة يا فيروز

لا ده الصيام عامل عمايله

الحقيقه اسم عائشه من الاسماء الجميله التى تعجبنى B)

وفعلا لو كان لدى ابنه كنت اود ان اسميها عائشه بس للاسف الناس لن تناديها عائشه ولكن ستناديها عيشه mc: او زيى تقول لها عيوشه :) لكن بصفتى انا هاكون مامتها من حقى اقول لها اى حاجه :) بس المشكله فى الناس اللى هتقول لها عيشه .. باحس ان جمال الاسم راح خالص rs: وكمان اسم خديجه حلو كتير :P

تم تعديل 28 أكتوبر 2004 بواسطة فــيــروز

[Lighthouse]

بمناسبة الكلام عن برامج الطبخ على الفضائيات سواء في رمضان او قبله

انا ايضا احب مشاهدة هذه البرامج واكتر حاجة بتغيظني فيها عند اضافة المقادير عندما تأخذ مقدمة البرنامج قصدي الطبخة يعني جزء من المقادير وتترك الباقي ( علشان يترمي )

حاجة بتغيظني جدا بصراحة واشعر فيها بالتصنع :)

وبيعجنبي الطريقة الطبيعية في تنفيذ الوصفات كأن تأخذ مقدمة البرنامج او مقدمه كل المقادير وتكاد تمسح الاطباق تماما كما نفعل في بيوتنا

[Salwa]

من اجمل برامج المطبخ فى رمضان ...

برنامج جميل جدا وبسيط بييجى على القناة المغربية وهو عبارة عن طريقة عمل اكلات من قرى مختلفة بنفس الطريقة التقليدية

واجمل حاجة ..( شئ غريب جدا )....ان السيدات تقوم بعمل كل شئ وهن جالسات ......على الطبلية ....

حتى يوجد بجانبها موقد تضع عليه البرام على الفحم ....وممكن تطبخ نوعين من الطعام فى نفس الاناء .....يعنى فوق الغطاء الأول تضع الاناء الثانى ...(( يعنى بطريقة البخار )) بس طبعا بالطريقة البدائية جدا والجميلة جدا جدا .......

واجمل حاجة بتعجبنى انهم مازالوا يحتفظوا بنفس التقاليد القديمة

ياريتنا كنا احنا كمان فضلنا محتفظين بتقاليد مطبخنا .......

وبما انى افضل دائما طهو الطعام فى البرام ........فأنا استمتع وانا اشاهد هذا البرنامج...

بصراحة البرام المغربى ........عشرة على عشرة .

[maksoof]

مافيش تكليف

ده بمناسبة الكلام عن الأكل. كنت دايما باسمع التعبير ده فى مصر سواء فى بيتنا أو فى بيوت تانية. و بصراحة لغاية دلوقت لسة مش فاهم الجملة دى جت منين و معناها إيه؟

هل معناها إن إحنا عارفين إنك بخيل و عايزين نطمئنك إن الأكلة دى ببلاش فكل على قد ما تقدر؟

و يعنى لو ما قلناش "ما فيش تكليف" يبقى معناها إنتظر الفاتورة بعد الأكل؟

و اللا لها معنى تانى؟

عموما أنا لغاية دلوقت لما باتعزم عند حد مصرى فدايما قبل ما آكل -من باب الإحتياط يعنى- باسألهم: "يا ترى فيه تكليف؟" :angry:

[yasovinas]

لا يا مكسوف للاسف فهمتها غلط

ما فيش تكليف او ما تعملش تكليف او ارقع التكليف

معناها اتصرف بطبيعتك وكل براحتك يعني ما تتكلفش في الاكل وتاكل بحساب خوفا من ان الناس تقول عليك حاجه يعني المقصود هو انك تاكل كما لوكنت في بيتك

[yasovinas]

مدام سلوى صباح الخير

طيب انت بتفهميهم ازاي ولا البرنامج بالفرنسي

بصراحه اكتر من مرة وكنوع من انواع التحدي لنفسي :angry: احاول اشاهد اي برنامج على الفضائية المغربيه مش بفهم ولا كلمه :blink:

[Tafshan]

تحذير هام :

برجاء ابعاد زوجاتكم عن برامج الطبيخ في قناة دبي

السبب :

في يوم كنت فاضي بقلب في القنوات لاقيت برنامج طبيخ في دبي الفضائيه :

طبق اليوم : جمبري بالافوكادو :angry:

المقادير:

1 كيلو جمبري جامبو ( اعتقد انه بقى من الاحجار الكريمه في مصر و بقي بيتباع بالجرام عند الجوهرجية )

Limon Grace ( معرفش ايه ده خالص )

ربع كيلو افوكادو ( ده هو اللى بيقول )

ملح

فلفل...

المهم ، حط الحاجات على بعض .. و بالهنا و الشفا .. اكله صحية و اقتصاديه fsh::

طبعاً اكله زي دي تكلف ميزانيه لواحدها ، ربنا يستر على عبيده

[se_ Elsyed]

ربع كيلو افوكادو ( ده هو اللى بيقول )

بما إن عندي حب إستنطاع .. قصدي إستطلاع وخوض التجارب الجديدة حتى لو كانت مُضره .. فكنت دايماً أسمع سمع خير عن الأفوكادو ولا الأفوكاتو ( ربنا يرجعه بالسلامه ) وإنه أكثر فاكهة على الإطلاق تحتوي على سعرات حرارية .. قولت قشطه قوي يعني الواحد ياكل له حباية أفوكادو من هنا ويفتح على الرابع مره واحده ... الكلام ده كان من ييجي 4 سنين كده .. المهم روحت السوبر ماركت أنا وواحد صاحبي ودخلنا على الولد بتاع الخضار بكل قلاطه وقولت له إوزن يا بني كيلو من اللي هناك ده .. هو حاجة كده شكل الكمثرى بس خضرا وتشبه الجوافة اللي لسه ما أستوتش ..

روحت وكلي أمل أكل حاجة حلوه .. وألاقيها لك يا مبارك .. علجم والله علجم .. قولنا يمكن حباية ولا أتنين ورميناهم في الزبالة ... صممت بقى إني أخد الباقى وأرجع السوبر ماركت تاني .. فسألت الولد الهندي ... البتاع ده بيتاكل إزاي يا صديج .. فالواد بص لي بإشمئزاز وعرف إني مُحدث نعمه وإن كبيري قوي أجيب ربع كيلو حرنكش واكله في الضلمه كمان .. وقال لي بكل قلاطه : هذا ما في أكل صديج .. هذا في عصير بس ... فقولت له ما أنا عارف يالا بس كنت بأختبرك وأشوفك خضرواتي متمكن ولا لأ .

من ساعتها ما بقتش أجرب حاجة مش عارفها ...

بس في فاكهة أموت وأجربها .. هي حاجة عامله زي المنجا بس كبيرة وشبة جوزة الهند وهي خضرا .. أعتقد إسمها الباباي أو الباباز ....

حد جربها قبل كده ؟

[amir]

بس في فاكهة أموت وأجربها .. هي حاجة عامله زي المنجا بس كبيرة وشبة جوزة الهند وهي خضرا .. أعتقد إسمها الباباي أو الباباز ....

حد جربها قبل كده ؟

كان عندنا شجرة باباز فى الجنينه قبل ( .... ) سنه

الطعم لا بأس به و لكننى لا احب رائحته

كل و ماتخافش

[kfaya]

أقتباس : س س كتب

أعتقد إسمها الباباي أو الباباز ....

كان فى حلقات كرتون زمان اسمها .... بوباى ... ده الراجل اللى كان لما ياكل سبانخ عضلاته بتتنفخ و يضرب الشارع كله ...

ما تجرب حكاية السبانخ دى يا س س ... :angry: