اذهب إلى المحتوى
محاورات المصريين

أي كلام


Ahmed Mohsen

Recommended Posts

حين ذهبت الى البحرين .. كنت اتحرج كثيرا حين يحدثنى احد ابناء البلد .. فاضطر ان اجعله يعيد الكلام مرة اخرى ومرة ثالثه وبهدوء حتى افهم mf( .. على طريقة "واحده واحده" بتاعة سعيد صالح :angry:

وكنت اسعد سعاده خفيه حين اتحدث انا باللهجه المصريه فلا يطلب منى احد ان اعيد كلامى .. فهو مفهوم لهم كما يبدو من استجاباتهم !! ys): الا انى كنت اتساءل بعدها .. هل نحن انانيون !! :rolleyes: اكتفينا بان يفهم اشقاؤنا لهجتنا ولم نحاول بالمثل ان نتقرب منهم لنفهمهم !! حتى انى لا استطيع ان ابذل اى جهد مع اى عمل فنى بلهجه عربيه ايا كانت "الا لو كانت العربيه الفصحى" كى استمع اليه او اتابعه !! sch: تناكه غير مستحبه اطلاقا :o

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

  • الردود 468
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

عايز دوشة ........ طب خد ...... دماغى فيها بابور زلط و موسيقى حسب الله ...

و كل ده ليه .... عشان سمعت كلام كليو و فرى و محبط و هشام ... و قلت أنزل القاهرة الجديدة اللى بيقولوا عليها دى .....

أول صدمة ... تصوروا الطريق الدائرى ( الرنج ) اللى بيربط القاهرة كلها من الخارج و طوله مش عارف كام و تمانين كيلومتر و يمر فوق كورنيش المعادى .. ليس لم مطلع من جهة المعادى :rolleyes: ... يعنى اللى عايز يروح شمال القاهرة لازم يطلع فى اتجاه الهرم الى أن يقابل اول ( يوتيرن ) و بعدين يلف و يأخذ اتجاه شمال القاهرة و التمع و مصر الجديدة ....

معلش بسيطة رجعت لغاية قرب الهرم و لفيت ورجعت ..... الطريق واسع و جيد الرصف لكن ينقصه طبعا التخطيط الى حارات و أظهار حرف الرصيف من كل جانب .... المشكلة بقى مش فى الاسفلت .... المشكلة انه لا يوجد يفط ارشاديه تقول لك انت فين و المدخل ده يودى على ايه ؟؟؟؟؟؟ sdm: ...

بصراحة حاجه تفرس ...... طريق تكلف مليارات ( 5 مليار على ما أعتقد ) .... و نستخسر فية شوية لوح ارشادية بكام ألف جنية ...... المهم لقيت لوحة عليها البوابة رقم 5 .... أنا قلت يمكن مرقمين المداخل زى القرى السياحية مثلا .... جيت أدخل لقيتها أكادمية الشرطة !!!!! المهم دخللللللللتتتتتت ( التجمع مش الأكادمية طبعا )

مبانى تحفه .... قمة فى التصميم و تناسق الألوان و فن البناء و زوق راقى جدا .. معظم العمارات و الفيلات بدون سكان ...... حركة البناء على قدم وساق .... قريبة جدا من القاهرة ......

المشكلة ان لازم يكون معاك ...... دليل ..... و انت رايح تتفرج ...... vmp:

تهت ... أخدت ضربة شمس ..... أخيرا عرفت أخرج و أخدت الرنج و رجعت بسلامة الله .......

رابط هذا التعليق
شارك

أول صدمة ... تصوروا الطريق الدائرى ( الرنج ) اللى بيربط القاهرة كلها من الخارج و طوله مش عارف كام و تمانين كيلومتر و يمر فوق كورنيش المعادى .. ليس لم مطلع من جهة المعادى  ... يعنى اللى عايز يروح شمال القاهرة لازم يطلع فى اتجاه الهرم الى أن يقابل اول ( يوتيرن ) و بعدين يلف و يأخذ اتجاه شمال القاهرة و التمع و مصر الجديدة ....

طبعا ليها.... دخلة يمين تطلعك على كارفور عدل...

بطلوا افترا بأة ...

يا سااااااترررر عالحقد بتاع الناس بتوع القاهرة القديم ة دول.....

إففففف....

:rolleyes:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

عمرك فى أى بلد شفت صوان أو تعريشة فوق كوبرى حيوى؟؟

لأ؟؟؟ تبقى ماعدتش على كوبرى 6 أكتوبر الأسبوع اللى فات..!!

كنت نازلة وسط البلد لقيت الكوبرى مقفول....

فضلت ماشية ماشية... لحد بعد قسم الأزبكية على طول فوجئت إن فيه فوق الكوبرى تعريشة زرقاء زى قاعة كبار زوار ومفروش سجاد أحمر وكراسى و قصارى زرع....!!!!!

قولت يمكن بيفتتحوا وصلة جديدة للكوبرى....

لكن معقول فى كوبرى زى 6 أكتوبر يقفلوه فى مكان حيويى زى ده (شارع الجلاء) وينصبوا صوان....!!!! طيب اللى كانوا قاعدين فى الصوان دول.... كانوا قاعدين يعملوا ايه ولا بيتفرجوا على إيه.....!!!

حاجة تجنن....!!! :rolleyes:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

كليو كتبت :

إقتباس 

أول صدمة ... تصوروا الطريق الدائرى ( الرنج ) اللى بيربط القاهرة كلها من الخارج و طوله مش عارف كام و تمانين كيلومتر و يمر فوق كورنيش المعادى .. ليس لم مطلع من جهة المعادى  ... يعنى اللى عايز يروح شمال القاهرة لازم يطلع فى اتجاه الهرم الى أن يقابل اول ( يوتيرن ) و بعدين يلف و يأخذ اتجاه شمال القاهرة و التمع و مصر الجديدة ....

طبعا ليها.... دخلة يمين تطلعك على كارفور عدل...

بطلوا افترا بأة ...

يا سااااااترررر عالحقد بتاع الناس بتوع القاهرة القديم ة دول.....

إففففف....

على ما يبدو أن المطالع و المنازل أصبحت من الأماكن السرية زى اللى كان بيتكتب عليها زمان ( ممنوع الأقتراب و التصوير ) ...... يعنى مثلا المطلع من دول تلاقى حواليه مموهات و عوامل تضليل لحسن سواق يجروء و يطلع من أول مرة ....... لازم ياخد على عينة و يلف تلاته اربعه كيلو فى ييجى نصف ساعة عشان المرة اللى جاية يخلى باله و يفضل مفنجل عينيه و يبطل سطل و ياخد المطلع من أول مرة ......

و الله يا كليو انا وصلت لغاية المحكمة الدستوريه و عملت يو تيرن وفضلت مبحلق طول ما انا ماشى لغاية لما بقى الكوبرى بتاع الطريق الدائرى فوق دماغى و مفيش مطالع ..... و بعدين لقيت فى وسط أكوام قش وزبالة العربيات طالعة يمين !!!!! طلعت وراها !!! لقيت نفسى فى الهرم :rolleyes: ....

بكرة هروح أدور على المطلع السرى ده و اقولكم عليه ..... و متبرع ب 100 جنية تكلفة يافطة حديد تشير الى ذلك المطلع المعجزه ...

عقلى الباطن بيقولى كليو سكنت فى حتة نضيفة و محدش هيعرف يكلمها و كل شوية هتتمنظر علينا ..... جتنا نيلة فى حظنا المهبب .... سحابة سودة وعادم عربيات ... أففففف هتخنق ...
:angry:
رابط هذا التعليق
شارك

حين ذهبت الى البحرين .. كنت اتحرج كثيرا حين يحدثنى احد ابناء البلد .. فاضطر ان اجعله يعيد الكلام مرة اخرى ومرة ثالثه وبهدوء حتى افهم  mf( .. على طريقة "واحده واحده" بتاعة سعيد صالح  :angry:

وكنت اسعد سعاده خفيه حين اتحدث انا باللهجه المصريه فلا يطلب منى احد ان اعيد كلامى .. فهو مفهوم لهم كما يبدو من استجاباتهم !!  ys): الا انى كنت اتساءل بعدها .. هل نحن انانيون !! :rolleyes:  اكتفينا بان يفهم اشقاؤنا لهجتنا ولم نحاول بالمثل ان نتقرب منهم لنفهمهم !! حتى انى لا استطيع ان ابذل اى جهد مع اى عمل فنى بلهجه عربيه ايا كانت "الا لو كانت العربيه الفصحى" كى استمع اليه او اتابعه !! sch: تناكه غير مستحبه اطلاقا  :o

الموضوع مش موضوع تناكة ولا انانية

هم عرفوا لهجتنا من كتر الافلام والمسلسلات المصرية اللى بيشوفوها

اما هم فرصيدهم الفنى قليل جدا

وان كان فى هذه الايام الفضائيات لعبت دور كبير فى التعرف على اللهجات العربية عموما

وخصوصا اللبنانية

حكم انا كنت دايما بحتار فى كلمتين باللبنانى ( نبلش ) و ( مهضومة ) بس دلوقتى خلاص بقى فهمت اللبنانى كله بفضل رزان مغربى cl:

عموما من احسن اللهجات العربية هى المصرية واللبنانية

اما الخليجة فدى بتجيبلى صداع بصراحة

رابط هذا التعليق
شارك

اقولكم النهاردة على موقف تحفة عدى عليا و انا فى الكلية ......

كان عندى محاضرة الساعة 2 الظهر و الدنيا شمس و عرق و حاجة تفرس ....... و كالعادة فى كل كلياتنا المرموقة ......... الدكتورة ماتجيشش الا بعد نص ساعة و احياناً 40 دقيقة ! و تلاقيها وشها مكشر و ضاربة بوز لفوق ..... و لا كأنها حتدفع صدقة للعيال اللى قاعدين مستنيينها دول ! sch:

اووووووووم ايه بقى ........ الدكتورة تدخل بمتهى الثقة العمياء و تقوم حاطة شنطتها و تطلع إزازة مية ساقعة ( واحنا ميتين من العطش و عاملين زى الزبدة السايحة ) و تقول :good afternoon ladies & gentlemen !

please be quite ....because we have a lot of work today

now open your books please....... & read this summry on the first poem ........ i'll give you 4 min

طبعاً احنا مبلمين :o و مش عارفين هى بتتكلم عن ايه أصلا !!!!!

المفروض انها محاضرة لغة عربية !!!! مش شعر إنجليزى !!

- دكتور ممكن اقول حاجة ....

- i said be quit

- دكتور .... لو سمحتى ثانية واحدة

- i warn you :D

- الله ! يعنى ماينفعش اسأل !

- تسأل على ايه يابنى ؟!؟! هو انا لسة شرحت حاجة ؟!

- يا دكتور المفروض ان دى محاضرة لغة عربية مش شعر !!

- اقعد يا بنى ! بطلوا اللى بتتعاطوه ده ! جتكوا القرف !

- بس .......

- شششششششششش ..!

الدكتورة بدأت فى الشرح ..... و محدش من اللى قاعدين اتجرأ انه يفتح بقه ......و مش فاهمين اى حاجة من اللى بتقوله ..... لانه ببساطه مش من المنهج ..... كأننا دخلنا مدرج حقوق انجليزى و احنا فى آداب !

3 دقايق و الباب بيخبط ......... 3 خبطات مليانة ثقة ( عمياء )........ و لقينا دكتور اللغة العربية دخل المدرج ......!

الدكتورة بتاعت الشعر بصتله بدهشة ....و استنكار ..... ! :rolleyes: و غضب ........ ازاى يقتحم محاضرتها بالشكل الفج ده sdm:

بس الراجل مدلهاش الفرصة ...و قام كلمها على جنب .... و قالها ان دى محاضرة لغة عربية ! مش شعر .......!

الست وشها جاب الوان فسفورية .....و فتحت شنطتها و القت نظرة على رقم المدرج مرة تانية ! ووشها اصبح شفتشى مدّى على بُحلُقِى ...و قالتله : انا اسفة قريت الرقم غلط ........و بصلتنا نظرة تحمل مزيج من الغضب و من الرغبة الشديدة فى الانتقام mf( ........ و خصوصاً الواد اللى تجرأ و سألها فى اول المحاضرة :D

و خدت بعضها و جرى على برة ووشها مازال يحمل بقايا اللون النبيتى الغمق مع شوية أخضر ناحية الودان اليمنى mf(

و السؤال : لحد امتى حيفضل بعض الاساتذة الجامعيين فى مصر فاكرين ان منتهى العلم هو اللى وصلوا له ؟ و لحد امتى حيتبعوا اسلوب التغطرس على الطلبة المساكين ؟ و لحد امتى حيظن بعضهم انه سقراط زمانه و انه مافيش قبله ولا بعده استاذ ! ........ و انا مش بقول ( بعضهم ) مجاملة لحد ... cl:

انا مابجاملش حد ! انا شوفت بعينى اساتذة فى منتهى العبقرية فى التعامل مع الطلبة و فى نفس الوقت اساتذة فى تخصصهم أمثال الدكتور / محمد العنانى ...... و الدكتور / عبد العزيز حمودة ...... و الدكتور / وجدى غنيم ....و الدكتورة / نجلاء الحديدى ..... و غيرهم من الدكاترة اصحاب السمعة الممتازة من الطلبة و من المجتمع .......

اتمنى من كل دكتور جامعى يقرأ الكلام ده ...... انه لو كان شديد مع الطلبة ...... ياريت يخف عليهم شوية ........ العيال مش ناقصة بهدلة فى البيت + بهدلة فة المواصلات + بهدلة فى المحاضرات !

ده احنا فى زمن مايعلم بيه الا ربنا ..... :angry:

معلش عملتلكم صداع عقلى ......

اسيبكم مع وعد بطرح مشكلة أخرى ...... فى .......

برنامج ( حياتى ) .......

يقدمه لكم violinking........

تم تعديل بواسطة Violinking

44489_10151097856561205_1288880534_n.jpg

رابط هذا التعليق
شارك

فيولين كينج .....

أنا عايز حقي ... بسبب موضوعي ده حبيب قلبي ونور عيوني ... إنت اكتشفت نفسك كمذيع ألمعي .... مرة في برنامج "كيف تسمم اطفالك في خمس دقائق" ومرة تانية في برنامج "حياتي".

أحسنلك تطلع بالمعلوم وإلا ................ :rolleyes:

أنا أطالب بحق الإكتشاف .... إنت إكتشافي

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك

الموضوع مش موضوع تناكة ولا انانية

هم عرفوا لهجتنا من كتر الافلام والمسلسلات المصرية اللى بيشوفوها

اما هم فرصيدهم الفنى قليل جدا

وان كان فى هذه الايام الفضائيات لعبت دور كبير فى التعرف على اللهجات العربية عموما

وخصوصا اللبنانية

حكم انا كنت دايما بحتار فى كلمتين باللبنانى ( نبلش ) و ( مهضومة ) بس دلوقتى خلاص بقى فهمت اللبنانى كله بفضل رزان مغربى  :angry:

عموما من احسن اللهجات العربية هى المصرية واللبنانية

اما الخليجة فدى بتجيبلى صداع بصراحة

يا محمد لو لم يكن الموضوع به استعلاء .. كان ممكن الاقى داخل نفسى رغبه او استعداد للاصغاء لما يذاع الآن من برامج او مسلسلات عربيه بلهجة اهل بلادها !! لكن الحقيقه ليس لدى اى رغبه ولهذا اشعر بالاستغراب و الضيق :rolleyes:

ربما كان يمكن فيما مضى التحجج بان اعمالنا الفنيه هى الاكثر انتشارا .. لكن الآن !! بعد انتشار الفضائيات لم تعد هذه الحجه مقبوله ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

أنا حاليا ، وفي هذا الوقت من السنة ........

حاسس إن أنا داخل في مرحلة من السلام مع النفس و الطمأنينة السرمدية والانسجام مع الكون ، و محاولة استنشاق الوسط المحيط ودفعه في مجرى الدم ، بالاضافة طبعا للاستكانة المريحة و صفاء الذهن ...... وحاجات كتير بالشكل ده ..... :)

واحد يقوللي إيه الهفلطة اللي انت داخل تكتبها دي يابني ؟؟؟!!! :D

أقول له :

أولا : الموضوع اسمه حبيب قلب أحمد محسن ( أي كلام سابقا )

ثانيا : أنا فعلا بموت في الوقت ده من السنة ، انتهاء الصيف ودخول الخريف انتظارا لفصل الشتاء ،

وأنا أصلا بعتبر الخريف ده أجمل فصول السنة في مصر يليه الشتاء ، أما عن الربيع فكفانا الله شر الزعابيب و الخماسين وأدوار البرد المفاجئ والرمد الربيعي و حمو النيل

وأنا مش عارف صراحة ، مين ده اللي فكر في يوم من الأيام أنه يكتب أغنية عن الربيع ، والجو البديع والكلام ده كله ،

أنهي ربيع اللي بيتكلم عنه ده ، مفيش اجمل من الخريف

أما عن الصيف ، فمافيش داعي أصلا إني أكتب عن الرطوبة والحرارة والخنقة والناس اللي مش طايقة بعضها فيه ، أزياء الصيف االلي الواحد بيشوفها ويقول في عقل باله ، ربنا يتوب علينا من الصيف و بلاويه

نرجع مرجوعنا ، ان الفترة دي من السنة ، كانت بتبقى مرعبة بالنسبة لي زمان أيام الدراسة

لأنها كانت بتحسس الواحد ببداية الكابوس الدراسي ( أقصد العام الدراسي ) الجديد ، وشقاء ينتهي بعد 8 أشهر من دلوقتي

إنما بعد ما اتخرجت من 5 سنين ، اتحول الشعور ده جوايا لكل الكلام الكبير اللي انتوا قريتوه في أول المداخلة

كفاية عليا قوي اني أنزل بعد العشاء في الشارع أشم ريحة شبورة غريبة مع نسمة باردة تدخل نخاشيشي ، وألاقي نفسي روحت في سراب اللامعقول ، وحالة الانسجام البيئي الكوني التأقلمي رباعي الأبعاد سالفة الذكر pps:

هل يا ترى خد فيكو فكر في الكلام اللي انا بقوله ده قبل كده وحس بيه ؟

ولا انا اللي بقى بيتهيألي حاجات ، وماكانش فيه داعي أتقل في العشا قبل ما انام ؟؟!!!! :P

و يجعله عامر

تحياتي وتقديري ...................

تم تعديل بواسطة Tamsite

قلب الوطن مجروح ........ لا يحتمل أكــتر

نهرب وفين هنروح ......... لما الهموم تكتر

رابط هذا التعليق
شارك

هل يا ترى خد فيكو فكر في الكلام اللي انا بقوله ده قبل كده وحس بيه ؟

أيوه

بس الامر لم يحتج منى لخمس سنوات بعد التخرج كى استشعره

يمكن من اول سنه بعد التخرج شعرت ان مسئولية العمل مهما كانت لا تقارن بالاحساس الثقيل بمسئولية الدراسه .. حتى انى كنت اشفق على اختى و اقاربى الذين لم يتخرجوا بعد .. يعنى رغم ان كان لديهم اجازات بمواعيد محدده و معروفه الا ان وقت الامتحان كان بالنسبه لهم وقت شده .. وكنت اشعر انا فى هذا الوقت بالتحرر من هذه الامور المقلقه .. و الحمد لله :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

الموضوع مش موضوع تناكة ولا انانية

هم عرفوا لهجتنا من كتر الافلام والمسلسلات المصرية اللى بيشوفوها

اما هم فرصيدهم الفنى قليل جدا

وان كان فى هذه الايام الفضائيات لعبت دور كبير فى التعرف على اللهجات العربية عموما

وخصوصا اللبنانية

حكم انا كنت دايما بحتار فى كلمتين باللبنانى ( نبلش ) و ( مهضومة ) بس دلوقتى خلاص بقى فهمت اللبنانى كله بفضل رزان مغربى  mfb:

عموما من احسن اللهجات العربية هى المصرية واللبنانية

اما الخليجة فدى بتجيبلى صداع بصراحة

يا محمد لو لم يكن الموضوع به استعلاء .. كان ممكن الاقى داخل نفسى رغبه او استعداد للاصغاء لما يذاع الآن من برامج او مسلسلات عربيه بلهجة اهل بلادها !! لكن الحقيقه ليس لدى اى رغبه ولهذا اشعر بالاستغراب و الضيق :blink:

ربما كان يمكن فيما مضى التحجج بان اعمالنا الفنيه هى الاكثر انتشارا .. لكن الآن !! بعد انتشار الفضائيات لم تعد هذه الحجه مقبوله ..

يمكن لأن أعمالهم الفنية تتسم بقدر كويس من التفاهة ما عدا السوريين... أظن لو كان العمل ذو مضمون جيد كان ده فى حد ذاته سيكون دافع ليكى ولينا أن نتابع ومن خلال المتابعة نتعرف على لهجتهم

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

ما هو المشكله يا كليو ان انا بصراحه :blink: .. بصراحه يعنى مش باديهم فرصه اساسا .. عشان اعرف يعنى هل مستوى العمل جيد ام لا .. اول ما الاقى عمل فنى عربى احول القناه فورا بدون اى نقاش :) mfb:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

ما هو المشكله يا كليو ان انا بصراحه  :rolleyes: .. بصراحه يعنى مش باديهم فرصه اساسا .. عشان اعرف يعنى هل مستوى العمل جيد ام لا .. اول ما الاقى عمل فنى عربى احول القناه فورا بدون اى نقاش  cl:  cl:

دى بقى مشكلتك انتى cl:

انا فعلا بحب المسلسلات السورية جدا

زى الزير سالم و المتنبى والحجاج ومرايا

وفى بردو ايمن زيدان بيعمل مسلسلات جميلة اوى زى جميل وهناء وهولاكو

وفى بردو مسلسل صلاح الدين

يعنى السوريين انتاجهم من المسلسلات رائع وبيبقى انتاجها مكلف واعمالهم محترمة

فى مسلسل هيتعرض فى رمضان ان شاء الله ع ال ام بى سى اسمه ( الطريق الى كابل ) شكله جامد

رابط هذا التعليق
شارك

فى مسلسل هيتعرض فى رمضان ان شاء الله ع ال ام بى سى اسمه ( الطريق الى كابل ) شكله جامد

تخيل انى فعلا كنت داخله اقول انى نفسى جدا اتفرج عليه cl: :rolleyes:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

فى مسلسل هيتعرض فى رمضان ان شاء الله ع ال ام بى سى اسمه ( الطريق الى كابل ) شكله جامد

تخيل انى فعلا كنت داخله اقول انى نفسى جدا اتفرج عليه cl: :rolleyes:

يبقى هتجوز قبلك cl:

رابط هذا التعليق
شارك

فى مسلسل هيتعرض فى رمضان ان شاء الله ع ال ام بى سى اسمه ( الطريق الى كابل ) شكله جامد

تخيل انى فعلا كنت داخله اقول انى نفسى جدا اتفرج عليه :D cl:

يبقى هتجوز قبلك cl:

:rolleyes:

إنت بتتلكك cl:

ماشى يا سيدى مبروك مقدما :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

يا سلام فى طبق شوربة خضار دلوقت smk: و عليه ليمونه tth:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

النهاردة بعد ما خلصت شغل... عديت على واحدة صاحبتى قلت أقعد معاها شوية... فضلت قاعدة معاها لغاية الساعة 9:00 وبعدين رحت جيبت طلبات للبيت وروحت...

دخلت أوضتى........

tth: smk: bk: cl:

مافيش إزاز فى الأوضة....!!!! cl:

أتارى ماما خلعت الإزاز اللى فى الشقة كلها وودته عشان يتدهن ...!!!!

المهم إن فى التجمع الخامس - قمة تل المقطم - الدنيا طبيعى برررررررررررد وانت قافل الإزاز....

ما بال لما مافيش إزاز أصلا.... eey::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

أتارى ماما خلعت الإزاز اللى فى الشقة كلها وودته عشان يتدهن ...!!!!

بيتدهن ليه ؟؟

غارة؟؟... tth: smk:

تم تعديل بواسطة G.G
situations r a matter of mind, if u don't mind, they don't matter
رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...