اذهب إلى المحتوى
محاورات المصريين

أي كلام


Ahmed Mohsen

Recommended Posts

معلش بقي يا جماعة استحملوني ....

أصلي نفسي أفتح موضوع بس مش لاقي أي مواضيع في دماغي

حاسس إن دماغي فاضيةةةةةةةةة

مش عارف ليه

بس هي كبرت في دماغي افتح موضوع ....

أنا حر بقي ...

وبعدين الحرية الشخصية حق يكفله الدستور

دستور يا سيادنا

:huh: :lol: :P :D :P :)

إيه العك والتخاريف اللي أنا عمال أقولها دي

الظاهر إني ابتديت أخرف

ألحق أمشي بقي لحسن تقولوا عليا اتجننت

سلااااااااااااااام

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك

  • الردود 468
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

معقول مش لاقى حاجه تكتب فيها من اول ما تصحى من نومك لحد ما ترجع تنام (ده اذا جالك نوم) فيه مليون حاجه تكتب فيها انا حأديك امثله و انت الباقى

: الميه اللى حا تستخدمها (اهدارها-التلوث فيها-الميه المقطوعه -البيوت اللى لسه ما دخاتهاش-فرشه الأسنان و ماكينه الحلاقه و الكوبايه و ...و.... صنع فى الصين)

- الفطار(الغلاء - القمح اللى مش عارفين نزرعه-التلوث فى الخضار و الأمراض اللى بتصيبنا منه)

- لو بتلبس (الملابس و صناعتهاو القطن اللى بنصدره خام و نستورده اغلى بعد كده)

- المواصلات و الزحمه و المرور

-.........كمل انت بقه

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك

المناسبة بقى ......... مدام فى ناس كتير نفسها تفتح موضوع .... و مافيش افكار فى دماغها .........

ايه رأيكم نخلى الموضوع ده ..... بيتكلم عن اى حاجة ؟

يعنى .............

مثلا..........

انا حقولكم على طريقة عمل البيض الاومليت بالجبنة الموزاريلا ....

الاول بنجيب بيضة ( او اتنين زى ما انتم عايزين )+ شريحتين جبنة موزاريلا + شوية فيجيتار ( اللى بيتحط على الفراخ البانية ) + ملح + فلفل + شطة ( لهواة الشطة ) + اى برطمان تلاقيه فى المطبخ حط منه !

شوية سمنة على الطاسة ......و اديها شوية ملح ......و اصبر 20 ثانية لحد ما السمنة تسيح ( آه ! نسيت اقولكم ولعوا البوتاجاز على الطاسة ! ) و بعدين تقطعوا شرايح الجبنة الموزاريلا لقطع صغيرة و تفرشوها على الطاسة على شكل دواير دواير دواير .......

و بعدين تحطوا الفيجيتار و البيضة ( او الاتنين ) و تديها تقليب .......... :huh:

و تصبروا حوالى 180 دقيقة ! قصدى ثانية .......

و بعدين تطفوا عالطاسة و تحطوها فى طبق ( يفضل لو كان سرفيس او طبق مسطح ) .......و تحطوا شوية الفلفل اللى حيلتكم + اى برطمان تلاقوه عندكم فى المطبخ تحطوا منه شوية .....

و بالهنا و الشفا ....... :P :D

و ماتنسوش :lol: !

( من كتاب ابلة فيولين الجديد .... كيف تسمم اولادك فى 5 دقايق ! )

انتظروا بقية العروض القادمة ! ( لو حد منكم عاش بعد الوجبة الاولانية ! )

تحياتى.........

44489_10151097856561205_1288880534_n.jpg

رابط هذا التعليق
شارك

طيب ممكن احكى موقف حصل لى النهارده الصبح

وماكنتش عارفه هل مفروض اتكلم عنه ام لا !! ولو اتكلمت اضعه فى اى باب

ركبت التاكسى عشان آجى الشغل

السائق ملتحى و مشغل شرائط قرآن .. عال العال بدايه موفقه جدا

خلص الوجه اللى كان شغال

لقيت السواق خرّج الشريط !!

افتكرته هيقلبه !! لقيته حط شريط تانى

طرطقت ودانى عشان اعرف عنوان الشريط :D

لقيت ناس بتصرخ و تقول "لست حره .. لست حره" :o

بسسسسسسسسسس .. ده بيكلمنى انا بقى :lol: .. مع ان مفيش ما يستدعى اساسا !! :P

والحقيقه لقيت نفسى بامنع نفسى من الابتسام بصعوبه .. خصوصا ان الشريط فعلا ممتلئ بالصراخ و صوت مماثل لصوت الكرباج .. ولا يمكن انا اللى فهمت غلط :D .. بس اللى كنت متاكده منه ان الاصوات فى الخلفيه تصرخ بكلمة "لست حره لست حره" :P

الطريف ان المقدمه استغرقت حوالى خمس دقائق واما خلاص الشيخ كان هيبدا يتكلم كنت انا وصلت و اضطريت آسفة انى انزل قبل ما اسمع الرساله التى اراد سائق التاكسى توجيهها الىّ بصوره غير مباشره :P .. بس بجد حاجه توتر الاعصاب .. ما ممكن كل ما يريد ان يقوله الشيخ يقوله بهدوء "خصوصا ان فى الغالب صوته بعد كده كان هادى حين بدا الكلام" !!

طيب ليه المقدمه المرعبه دى mf( .. الحقيقه هذه الطريقه فى النصح بتعصبنى جدا و مستفزه للغايه :) .. ولا شك انى اشعر بالامتنان لسائق التاكسى على ما شعرت انه نصيحه يريد ان يوصلها الىّ بصوره غير مباشره .. بس فعلا مش فاهمه ايه السبب خصوصا انى لم ار انه ينطبق علىّ الصفات السيئه التى بدا بها الشريط :huh:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

شوية فيجيتار ( اللى بيتحط على الفراخ البانية )

بردو معرفش الجيتار اللى بتقول عليه ده يا وليد

:huh:

رابط هذا التعليق
شارك

الاول بنجيب بيضة ( او اتنين زى ما انتم عايزين )+ شريحتين جبنة موزاريلا + شوية فيجيتار ( اللى بيتحط على الفراخ البانية ) + ملح + فلفل + شطة ( لهواة الشطة ) + اى برطمان تلاقيه فى المطبخ حط منه !

لو سمحت يا شيف فيوليشين : مش الفيجيتار ده هو البقسماط اللي الواحد بيدقلج فيه الفراخ أو اللحمة عشان تبقى بانية او بوفتيك ؟

يبقى إزاي هايبقى مكون من مكونات البيض ؟

وبعدين حاول في كتاباتك إنك تبعد عن السلع الإستفزازية زي الجبنة الموزريلا والإستكوزا ( صفايح صفايح ... والفلوس رزم رزم ... واخد بالك ياللي في بالي ) حرام عليكو معانا ناس مرتباتها 120 ج / الشهر ( خالصة الضرايب ) :huh:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الاول بنجيب بيضة ( او اتنين زى ما انتم عايزين )+ شريحتين جبنة موزاريلا + شوية فيجيتار ( اللى بيتحط على الفراخ البانية ) + ملح + فلفل + شطة ( لهواة الشطة ) + اى برطمان تلاقيه فى المطبخ حط منه !

لو سمحت يا شيف فيوليشين : مش الفيجيتار ده هو البقسماط اللي الواحد بيدقلج فيه الفراخ أو اللحمة عشان تبقى بانية او بوفتيك ؟

يبقى إزاي هايبقى مكون من مكونات البيض ؟

وبعدين حاول في كتاباتك إنك تبعد عن السلع الإستفزازية زي الجبنة الموزريلا والإستكوزا ( صفايح صفايح ... والفلوس رزم رزم ... واخد بالك ياللي في بالي ) حرام عليكو معانا ناس مرتباتها 120 ج / الشهر ( خالصة الضرايب ) :huh:

ينصر دينك يا سى السيد

انا بردو عملت عبيط ومرضتش اسال ع الجبنة الغوريلا دى وقلت كفاية عليه انى مش عارف الجيتار

الله يسامحك يا وليد

رابط هذا التعليق
شارك

إحنا محدثين قنوات فضائيه mf(

فى بداية تعرفنا عليها كان كل شئ جميل و مبهر .. خصوصا الاعلانات !! :P

لكن مع تكرارها تفقد معناها و بريقها .. خاصة اذا كانت كلها تتكلم عن سلع غذائيه .. بصوره تتخيل معها ان الشعوب العربيه لا هم لها سوى الاكل :) .. حتى انى كرهت سماع اعلانات اللبن من كثرة الانواع التى يعلن عنها واصبحت اشعر بالغثيان كلما ارى اعلانا مماثلا .. :D

لكن الاهم من هذا اعلانات لفتت فكرتها نظرى جدا .. الام تريد ان تقنع اطفالها بتناول اللبن مثلا وهم يرفضون .. فترفع السماع و تتصل بزوجها :D و تقول : احمد .. الاولاد ما يبغوا ياكلون .. كيف اسوى !! :P

فكل ما اشوف الاعلان ده اتساءل .. طيب و احمد مفروض يسيب شغله وييجى يأكل العيال مثلا ولا هيعمل لك ايه !! :P لدرجة انى يوم الخميس الماضى سالت امل زميلتى لو مرت بموقف مماثل تعمل ايه .. حيث انها بانتظار حادث سعيد يعنى !! فقالت لى ماعرفش اما يبقى العيل يشرف ابقى اقول لك :huh:

انا ماعرفش الستات المصريين بيعملوا نفس الحكايه ولا لا .. لكن فعلا تعجبت للغايه من فكرة ان الزوجه تنتظر من زوجها حل لجميع المشاكل الحياتيه بما فيهم هذه المشكله .. :lol:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

طريقة عمل البطاطس المحمرة بالبقصماط و الفيجيتار ( فاكرينه ! بتاع الفراخ البانية )

المقادير :

نص كيلو بطاطس ( دا الrange بتاعى ! كل واحد على حسب مقداره :lol: ) بس لازم تكون بطاطس من النوع الصغير جدا اللى فى حجم كورة تنس الطاولة + كيس فيجيتار ( يفضل مع البطاطس ان يكون سبايسى يعنى مشطشط ) + شوية بقسماط + طاسة للقلى ( مش للاكل ! ) + شوية زيت عباد شمس ( زيت التموين لأ :huh: ) + بيضة

طريقة التحضير :

نحط البطاطس الصغيرة فى إناء و نلاه ماء و نسلق البطاطس ( يفضل وضع ملح فى الاناء مع البطاطس ).......

بعد ما نسلقها ..... بنطلعها و نقشرها ......

و بعدين بنجيب الطاسة بتاعت القلى و نملاها زيت لحد عينيها ....... و نستنى حوالى دقيقة و ربع ....

فى اثناء الانتظار ..... حنطلع الفيجيتار و حنطش البيضة فى طبق .... و بعدين نحط البطاطس فى البيض و نطلعها و نمرمغها فى التراب ! قصدى نمرمغها فى الفيجيتار ..... لحد لمااااااا تتكسى تماما بالفيجيتار .....

و نسمى بالله و ننطق الشهادتين .......... و ....... نرمى البطاطس فى الزيت !

( يفضل لو ترتدى بدلة حرائق أو حتى قفازين ... كما يفضل مغادرة المطبخ بعد رمى البطاطس فى الزيت مباشرة ).......

طبعا بعد ما نجرى من المطبخ حنسمع اصوات عجيبة جوا .......... طنشوا خااااااالص اللى بيحصل ........ و لا كأن فى حاجة ......

و بعد دقايق ....... تخشوا المطبخ ( بحذر شديد ) و تلقوا نظرة على الطاسة .....لو البطاطس خدت اللون البرتقالى الغامق ... يبقى تطلعوها من الطاسة .....

يفضل وضعها فى طبق غويط ......

و بالهنا و الشفا ......آه! طبعاً حتسألونى طيب البقسماط نعمل بيه ايه ؟ أقولكم ......

انا قولتلكم فى حالة لو دخلتم المطبخ و لقيتم البطاطس خدت اللون البرتقالى الغامق ..... تطلعوها .... طيب ........ لو غدت اللون الاسود الغامق ... ايه اللى حيحصل !؟

أقولكم ...... حتطلعوها برضه ...... بس حترموها فى الزبالة ....... و هنا تأتى فايدة البقسماط .......

لانكم حتجيبوه و تجيبوا معاه شوية دُقة ...... و تغمسوا و يادار ما دخلت شر :P

و الى وجبة اخرى ( انتوا لسة ماحرمتوش ؟ )

44489_10151097856561205_1288880534_n.jpg

رابط هذا التعليق
شارك

على فكرة يا فيروز ممكن تكون بتكلم الراجل فى الشغل مش علشان يسيب اللى فى ايده و يجى جرى لأ ...ده لمجرد التهديد للواد علشان يعرف ان ابوه لما يجى حا يتصرف معاه .....

فيه بقى اعلان اسوأ منه لما الأطفال بيتباهوا بحب امهم ليهم وواحد بيقول ان امه بتحبه علشان بتطبخ له دجاج الوطنيه .....ففى الأعلان التانى الولد بيقول لأبوه ليه امى مش بتحبنى علشان ما بتطبخ دجاج الوطنيه ........ حاجه تفرس ......

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك

ماشاء الله ماشاء الله .........

موضوعي حبيبي نور عينايا اللي هو كل عمري وروحي وقلبي واللي لسة مش عارفلو موضوع ... بقي بقدرة قادر فقرة من برنامج (صحي ومفيد) !!!!!!!!!

صحيح الشعب المصري مش بيفكر غير في معدته ........

بيض وفيجيتار وموزاريللا ولبن واستاكوزا ........ أحمدك يا رب

فاضل بقي الكافيار والكانابيه والمارون جلاسيه وابن الإيه .....

عالعموم ....... ياللا كملوا ......... أنا عايز دوشة للصبح

arg:: arg:: arg:: arg::

دوشة يا دنيا دوشة ..... دوشة وماعدش رحمة ..... مولد وصاحبه غايب

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك

بناءً على رغبة الجماهير العريضة من الاعضاء ... اللى مرتبهم أقل من 1000 جنية فى الشهر ........ حنقدم وجبات اقل فى التكلفة ....... و حنتضطر نسيب وجبات الناس اللى( فوق فوق ) و ننزل للناس اللى ( تحت تحت ) :D

و حقدملكم طريقة عمل الطعمية :huh: :lol: :P

بالمايونيز :D :P :)

لكن ..............

بعد الفاصل ........

فأبقوا معنا .....

44489_10151097856561205_1288880534_n.jpg

رابط هذا التعليق
شارك

فى عدد 25/9/2004 من جريدة اخبار اليوم

يتحدث احد الكتّاب متحمسا عن فكرة "تاكسى العاصمه"

ويقترح مشروعا تشرف عليه الشركات الخاصه .. و سيارات جديده للخدمه المتميزه .. التى بدورها ستطرد الخدمه الردئيه الموجوده حاليا الى الاقاليم .. ثم لن تلبث الخدمه الجديده ان تنتشر و تقتل و تبيد .. فتصل الى الاقاليم طارده مقدمى الخدمه الردئيه من اصحاب التاكسيات القديمه !!

لماذا يتحدث الكاتب عن سائقى التاكسيات وكأنهم أعداء من اسرائيل !! كل الهدف الآن هو تشريدهم و قطع عيشهم لمجرد ايجاد مبرر لشركه جديده "على غرار شركة الزباله الجديده" تاخذ من قوت المصريين ولا تترك لهم بديلا آخر يناسب اقواتهم !! سائقو التاكسى لازالوا يحملون الجنسيه المصريه وهمومهم جزء -او يفترض ان تكون جزء- من هموم الامه المصريه يا اخى الذى لا اذكر اسمه !!

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

انا ماعرفش الستات المصريين بيعملوا نفس الحكايه ولا لا

:lol: :P

أفهم ايه من الصفاره دى يا إسو :)

هى المدام بتدخل المنتدى؟ mf(

على فكرة يا فيروز ممكن تكون بتكلم الراجل فى الشغل مش علشان يسيب اللى فى ايده و يجى جرى لأ ...ده لمجرد التهديد للواد علشان يعرف ان ابوه لما يجى حا يتصرف معاه .....

تهديد ايه بس يا فريده قلبك ابيض :P

دول جايبين عيال شكلهم مش بيخافوا اساسا :huh: .. و ابهات شكلهم مش بيخوفوا خالص :D

فيه بقى اعلان اسوأ منه لما الأطفال بيتباهوا بحب امهم ليهم وواحد بيقول ان امه بتحبه علشان بتطبخ له دجاج الوطنيه .....ففى الأعلان التانى الولد بيقول لأبوه ليه امى مش بتحبنى علشان ما بتطبخ دجاج الوطنيه ........ حاجه تفرس ......

فيه كمان اعلان عن شيكولاته اسمها "كندر" على ما اذكر !! الام فيه بتدلل على حبها لابنائها بشرائها هذه الشيكولاته لهم !! ارحمونا يا ناس هو كله اكل اكل :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

طيب ححكى على حاجة حصلت امبارح ..

وكان نفسى اكتبلكم وقتها واحترت ....اكتبها فين ؟؟ واكتبها والا لأ

والآن قررت اكتبها فى الموضوع ده واو انه مش اى كلام !!

السنة اللى فاتت ابنى كان فى سنة ثانية فى الآداب قسم علوم انسانية ....وكان عنده بروفيسور عامل رعب لكل الدفعات اللى قبل منهم ...وكل اللى قبلهم حذروهم منه ....هو من اصل المانى .

والمهم من اول محاضرة طلب منهم كل واحد يكتب اللى هو عاوزه ...فى الفلسفة .فى علم النفس ..فى التاريخ ...فى الفنون .

كل واحد يكتب اى حاجة تخطر على باله وهو بكدة حايتعرف عليهم .........والمهم .

ابنى طبعا معروف انه له افكار كدة لوحده ...وهو له هدف ومحدد

والمهم البروفيسور بعد كام يوم اتكلم معاه وقال له انه له مستقبل عظيم .....وقال له انا اعتقد انك حاجة من اتنين ؟؟

اما عبقرى .......او.......مجنون .

كان له دائما وضع خاص عنده وكان يحبه جدا ....

مش هو ده موضوعنا .....

السنة دى ابنى فى سنة ثالثة .........المفاجأة ....

هذا البروفيسور المشهور ......(( اللى الكل بيترعب منه ))....

يطلب من ابنى ان يكتب بحث .....او اى اشياء وتعليقات يطلبها

ولا يضع عليها اسمه ....

ويطلب منه ان يكون هذا سر بينهم لأنه يريد ان يدرس جيدا طريقة تفكيره لأنه يريده ان يعمل معه بعد هذا ويرسل له ابحاثه ودراساته لمجلة تصدر فى بروكسل ..و..و..

ابنى عنده 19 سنة ..وككل المصريين دائما متفاءل.....

فجأة وجدته مكتئب.....ولما سألته قال .لاشئ...ارهاق بسيط.

اعترف لأخته انه ...( يشم رائحة غير جيدة فى الموضوع )..

ويعلم ان البروفيسور يريد مجهوده .....وسوف يضع عليه اسمه

لكنه لا يجرؤ على الرفض......

قال لها بامكانى التسويف ....بامكانى كتابة اى افكار تقليدية ....

مشكلته ....انه يعلم انه فى حالة رفضه .....ممكن تكون النتيجة .الرسوب فى مادة البروفيسور او يعطيه مقبول ..وهذا طبعا شئ سوف يؤثر على الكوريكلوم ...

للآن لم اتدخل .......

مش ممكن طبعا حد فينا حايتدخل لأن الوضع حرج جدا جدا....

خايفة ......

آخر حاجة كنت اتخيلها ان ده ممكن يحصل معايا .....

يعنى علنى عاوز يسرق (( فكر )) الولد ......

اشعر انه جبروت ....ولست ادرى هل احنث بالقسم لابنتى انى لن اذكر شئ ....واتدخل فى الأمر ؟؟..

ام اترك ابنى يتصرف بطريقته .....ولا يهتم ؟؟

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

يا نهار ابيض

هو النظام ده موجود بره كمان !! :o مش فى مصر بس mf(

انا رايى ان حضرتك لا تتدخلى سوى بالنصح لو امكن .. هل يمكن لابنك ان يقدم شكوى؟ :angry:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

يافيروز يابنتى يا حبيبتى ...

دى حاتبقى كلمة ده ...قصاد كلمة ده .

وبعدين ؟؟

حايقولوا له انت عندك وهم ...

وممكن يكره الكلية او يحول لحاجة تانية ..

والجامعة دى معروفة انها من افضل الجامعات على مستوى اوروبا .....يعنى فى كل الكليات سواء كانت آداب او هندسة او صيدلة ....بتاخد اكبر مجاميع ..

يعنى خوفى يتحول كل مسار حياته .....

مش عارفة اعمل ايه ؟؟.....انا مش مبينة له حاجة ...بس شايفاه قلقان ...واخته بتقوللى اتركيه يحل مشاكله بنفسه ولو ان المرة دى ممكن الحل يكون خطير ...

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

خلاص لو مش هينفع المواجهه مفيش غير انه يكتب كلام ليس له قيمه .. خاصة انى لا اظن انه سيستطيع حتى لو اجبر نفسه ان يكتب على سجيته كما كان يفعل من قبل .. ويمكن له على اقصى تقدير يبذل بعض الجهد فى اضفاء روح العبقريه -او الجنون :angry:- على ما يكتب .. وربنا معاه ntw:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

أنا رأيي الشخصي يا مدام سلوى .. إن إبن حضرتك يكتب بحث محترم ويُبدع فيه .. وبعدين يسجل البحث ده في الجامعة بأي طريقة إن شالله يسجله في الشهر العقاري ... وبعدين يديه للمعلم البلطجي .. التاني طبعاً هايبلع الطعم ويحط إسمه على البحث وينشره بقى على النت ولا ياخد به درجة مش مهم .. اهم حاجة إن إبنك يتتبع أثار البحث وبالتأكيد هايعرف هو راح فين.. ساعتها بقى يروح جايب إثباتات إن البحث ده بتاعه ويضفح الهر الألماني واللي ما يشتري يتفرج وباتأكيد الجامعة لن تسمح بوجود لص من ضمن طاقم التدريس فيها...

في طريقة أخيرة لو أعيتنا الحيلة ... إن حضرتك تبعتي تذاكر لعدد 4 أفراد وأنا هاتصرف واجمع 3 غيري ونروح أسبانيا - خلسه - ونضرب هتلر الألماني ده علقه ما كلهاش روميل في العلمين .. عشان يحرم يرعب الأولاد الصغيرين ويسرق مجهوداتهم وسندوتشاتهم ... ونعمل بعد كده إنسحاب تكتيكي ولا من شاف ولا من دري وتبقى عملية نضيفة 100 % ( وبالمره أتفرج على ماتشين كوره واحد لريال مدريد والتاني لبرشلونة .. عايز أشوف العيال العفاريت دول على الطبيعة قبل ما أموت )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...