اذهب الي المحتوي
جويرية

جدل في القرن السابع الهجري حول تعليم المرأة الكتابة

  

3 اصوات

  1. 1. ما رأيك هل المرأة تتعلم القراءة و الكتابة ؟

    • نعم أوييد
      3
    • لا ارفض
      0


Recommended Posts

جويرية حبيبتي

في الزمن اللي بتتكلمي عنه كان نادر من الرجال اللي بيعرف يقرا و يكتب أصلا

و بعدين العبرة بما فعله الرسول الكريم و صحابته... المراة كانت تتعلم بل و تعلم

كانت تطبب المرضى و تخرج في الغزوات

كانت و كانت و كانت

للاسف بعد كده الناس اعتبرت تقاليد المجتمع دين او على الاقل اللي جم بعدهم مقدروش يميزوا الفرق بين تقاليد المجتمع و افكاره و بين صحيح الدين

شارك هذه المشاركه


رابط المشاركه
شارك

كتابة ايه و بتاع ايه بس؟؟؟

اهم حاجه تتعلم الطبيخ

حستفيد ايه انا بذمتك لو بتكتب حلو و بتطبخ وحش؟ :closedeyes:

صحيح و يبقي الستات زي عساكر الامن المركزي بينفذوا الاوامر بس بدون تفكير ، و الزوج ميتعبش نفسه في انه يقتعها برأيه و مفيش الرأي و الرأي الاخر

دي حاجة مريحة خالص :)

تم تعديل بواسطة جويرية

شارك هذه المشاركه


رابط المشاركه
شارك

مش فاهمة

ممكن حضرتك توضحى شوية تقصدي ايه

ايه المشكلة من ان المراة تتعلم ؟؟

شايفة ان فيه 3 اسباب

اولا ليه زمان ماكنوش الستات بيستغلوا سلاح الانوثة ان هيا مثلا تبعد الزوج عن اهله او ان هيا تخليه ينفذ كا مطالبها و ممكن تخليه يسرق او يقتل ، زي ما فيه جرايم كتير السبب وراها النساء

لقيت ان زمان عشان مكنوش متعلمين

يعني هيا عندها سلاح فطري ، طيب ايه الهدف من ان نزود السلاح ده لدرجة انه يبي ترسانة جوية ممكن تقضي علي العالم كله

ثانيا : تكلفة الفرصة البديلة ، يعني الست لو مش ضيعت الوقت في التعليم كان مش حيبقي وراها شغلة غير عمايا الاكل و شيل الاطفال

انا مش حنسي اخت جدتي الي كانت كل يوم بتحكيلي قصص قبل ما انام

كل ما افتكر لما كنا صغيرين في وقت اجازات المدارس ، كانوا يدونا الاطفال الللي اصغر منا نلاعبهم و نأكلهم

فالطفل الصغير مش بيبقي عنده ام واحدة كل انثي في العيلة بتبقي امه ، الام مش فاضية 24 ساعة تشيل ابنها

يعني نقارن بين طفل في ايام المدارس ، وهوه قاعد في المشاية لوحده كل يوم و لأن الام بتعمل حاجة في المطبخ او عندها مشاغل كتير ، و بين طفل في وقت الاجازات ، و قاعد بين كذا بنت بيتسابقوا عليه دي تشيله و دي تمرجحه ودي تفسحه

ثالثا : هوه اللي عقله محدود التعليم يا تري بيكبر العقل ده و لا بينقصه

انا شايفة انه بينقصه ، لأنه بيفتح مجالات للأنسان اكبر من طاقته ، فبيزيد الغباء مش بينقص

يعني كا ما الواحد خد شهادة اكبر كل ما كان اكتر جهلا

زي الشرير مثلا التعليم بيزود شره ، يعني زي مبارك ده لو مدخلش كلية الطيران كان زمانه بيزرع في الارض ، وكان اخر الشر الي حيعمله ان يسرق حتة من ارض جاره ولا ميأكلش الحمار ولا البقرة

شارك هذه المشاركه


رابط المشاركه
شارك

طبعا ده بعتمد على تصنيف المخلوق المسمى المرأة هل هو أنسان أو لأ ولو ظهر - وده مش ضروري - إنه إنسان يبقى أكيد حنرجع للقرآن حيث يقول عز وجل " ولقد كرمنا بني آدم وحملناهم في البر والبحر"

مس مهم السؤال ده ... بس ممكن نسأله بطريقة تانيه

هل نعلم المرأة أم لا

هل نعلم المرأه قيادة السيارة أم لا

هل نعلم المرأة العلوم المختلفة ام أم لا

هل نسمح بعمل المرأه أم لا

.

.

.

وقائمة العار طويله في وقت سبقتنا فيه كل البشرية لتحجرنا عند تلك الأفكار

-------

المهم

طبعا أنا لا أوافق على تعليم المرأه الكتابة لأنها كده ممكن تتجرأ وتطلب حاجات تانيه ...

مش عار ولا حاجة ، لأن مفيش راجل يقدر يشيل طفل ولا يلاعبه و لا يهتم بيه زي الست ، فالأمومة دي نعمة من ربنا مش حاجة نتعاير بيها

يعني تخيلي 16 سنة تعليم دول ، الواحد انفقهم في شيل الاطفال و ملاعبتهم ، تخيلي الطفل دي يطلع ازاي ، يطلع طفل ملوش حل ، زي القادة اللي حرروا امم و فتحوا بلاد ، دول بيبقوا اطفال شبعانين حنان ، اما الطفل اللي عاش طفولة جافة و خايف ، بيفضل طول عمره خايف ، ولو الدنيا اتهدت من تحته مش بيتحرك عشان ياخد حقه

شارك هذه المشاركه


رابط المشاركه
شارك

أعتقد أنى لم أفهم و لم أستوعب المقصود من الموضوع حيث أن التعليم - من منظور إسلامى بديهية تسبق أى نقاش.

ما سبق كان إستهلالا لابد منه

ربما لو تفضلتى حضرتك بعرض أمثلة مما ظننت أو عرفتى منه أن مسألة تعليم البنات الكتابة كان محل نقاش و قبول و إعتراض ربما بذلك نستطيع المشاركة بموضوعية .

و لعلك تعرفين بالتأكيد أن أول آية نزلت فى القرآن هى " إقرأ"

هذه الفتوي

http://www.islamweb.net/fatwa/index.php?page=showfatwa&Option=FatwaId&Id=63461

بتقول ان تعليم القراءة جائز ، يعني مش واجب ، يعني فيه في بعض حالات ممكن يكون غير جائز وممكن يكون مكروه وممكن يكون محرم

شارك هذه المشاركه


رابط المشاركه
شارك

تعليم كتابه للبنات ايه بس يا جويريه ربنا يهديكى

انت كدا هتفتحى عنين البنات على الحاجات العيب دى

بصى انا هقولك على حل حلو قوى

احنا المفروض ان احنا نطالب الدوله انها تصرف لكل مواطن تتولدله بنت عيارين بندقيه علشان يطخها و نخلص من عارها

لكن كتابه و كلام فارغ لا طبعا ميصحش

هو احنا بناتنا بتوع الحاجات قليله الادب دى

:)

الخديوي اسماعيل فلس و افلس مصر معاه عشان يرضي الامبراطورة اوجيني ، قريت شعر كاتبه امل دنجل عن اوجيني ، و افتتاح قناة السويس

تخيلي ست واحدة تفلس دول بأكملها ، امال لو 10 ستات زي دي بس يعملوا ايه يبيدوا الحياة علي هذا الكوكب

شارك هذه المشاركه


رابط المشاركه
شارك

مع جوجو

مش حتقدر تغمض عينيك :happy:

طيب نتكلم جد

انتي قلتي :

((اظن ان المؤييدن كانت حجتهم ان السيدة حفصة رضي الله عنهاكانت بتتعلم الكتابة علي يد السيدة الشفاء بنت الحارث

و اظن ان المعارضين كانت حجتهم ان المرأة مش مفروض نديها سلاح زي الكتابة ))

حجة المؤيدين تعلو وتنسخ حجة المعارضين لان لها سند من امهات المؤمنين

ما فيش ابسط من كده

ده انا مذيعة في روتانا مثلا :)

ايوة بس مش فرض تعلم الكتابة ، بدليل ان جيل جداتنا غالبهم مش بيعرفوا يكتبوا

شارك هذه المشاركه


رابط المشاركه
شارك

الشيخ نعمان الالوسي ألف كتاب او رسالة باسم

الإصابة في منع النساء من الكتابة

الكتاب ده من 100 سنة

ملقتش الكتاب ده

بس اقواله

فمثل النساء والكتب كمثل شرير سفيه، تهدي أليه سيفا أو سكير تعطيه زجاجة خمر، فاللبيب من الرجال من ترك زوجته في حالة من الجهل والعمى، فهو أصلح لهن وأنفع

الشيخ نعمان الآلوسي ليس من سواد الناس، فهو من عائلة دينية لا تحتاج إلى تعريف لشهرتها، وكان في زمانه واعظا وداعية وقاضيا ومدرسا، وباحثا، له كتب وتصانيف عديدة في حقول اختصاصه الديني، ومناصرو أفكاره الذين كتبوا عن سيرته يسمونه "سيف الله المسلول على أهل البدع والأهواء، والبلاء المبرم على خالف الشريعة الغراء." (الشيخ نعمان الآلوسي، سلفي عاصر فترة ظهور دعوة محمد بن عبد الوهاب وكان من المنادين لها في العراق، وكان والي بغداد عبد الوهاب باشا قد أمر بنفي الشيخ نعمان ومعه ابن عمه محمود شكري الآلوسي وآخرين إلى الأناضول بتهمة الترويج لفكرة الخروج على السلطان، وتأسيس مذهب يناصب كل الأديان، قبل أن يصفح عنهم، بعد وصولهم إلى الموصل).

يااااااااااه

و لما الموضوع كده

حضرتك ليه بقى عايزة تبقي من أهل البدع و الأهواء

لا و مش بس كده

ده انتي كمان بتحرضي واحدة غلبانة و في حالها على المعاصي

اتقي الله يا جويرية

و قومي اقفلي اللاب توب ده فورا

توبي يا بنتي الدنيا منفاتة

:closedeyes:

اوعي تزعلي

أنا أداعبكِ يا جوجو

بس يا بنتي الله لا يسيئك

رسينا على بر

انتي مع مين؟

:Head:

انت ابن مين فيهم

وائل و الا رشا؟

:blink:

:)

انا مع تعلم الكتابة ، بس تعلم القراءة و الكتابة و بس كفاية ، اهو الواحدة تعرف تفك الخط و كفاية

شارك هذه المشاركه


رابط المشاركه
شارك

يا أختنا أدي نص الفتوي اللى انتي جبتيها وياريت نقفل الموضوع ده لأنه بدأ يبقى جدال فى الباطل وبيضحك علينا الناس لما يظهر في محركات البحث وممكن انت تطبقي قناعتك على بناتك مستقبلاً

"ونصوص الوحي من القرآن والسنة مليئة بالحث على طلب العلم والتنويه به وبأهله، وذلك يشمل الرجال والنساء إلا ما ورد النص بتخصيصه كما هو مقرر في علم الأصول، والعلم المأمور به شرعا هو العلم النافع الذي يعلم المرء دينه ودنياه ويزكي نفسه ويحسن أخلاقه، كما قال النبي صلى الله عليه وسلم إنما بعثت لأتمم صالح الأخلاق. رواه البخاري في الأدب المفرد، كما رواه غيره بألفاظ مختلفة.

وكون بعض من تعلموا من النساء أو الرجال ساءت أخلاقهم لا ينبغي أن يحملنا ذلك على ترك التعلم أو نستدل له بالأحاديث الموضوعة والواهية.

فالحديث الذي ذكره القرطبي رواه الحكيم في نوادر الأصول وهو مظنة الأحاديث الضعيفة والموضوعة كما هو معروف عند أهل العلم. وقد ورد مثله بألفاظ مختلفة منها: لا تنزلوهن الغرف ولا تعلموهن الكتابة. قال الألباني في السلسلة: موضوع ومثله: واستعينوا عليهن بالعرى وأكثروا لهن من قول لا كما قال ابن الجوزي، والقرطبي إنما ذكره في معرض التحذير من فتنة النساء.

وتعليم المرأة يزيد من عقلها كما هو الحال بالنسبة للرجل، ونقصان دينها وعقلها لا يعني ذلك تركها للتعلم ولا علاقة له به. وقد وضحه النبي صلى الله عليه وسلم بأن شهادتها بنصف شهادة الرجل وأنها تجلس عن الصلاة أيام الدورة الشهرية.

ولهذا فقد أمر النبي صلى الله عليه وسلم الشفاء بنت عبد الله أن تعلم حفصة أم المؤمنين الرقية كما علمتها الكتابة، كما رواه أحمد وأبو داود وغيرهما، وصححه الألباني.

وفي هذا إقرار منه صلى الله عليه وسلم وحث على تعلم المرأة للقراءة والكتابة والطب بالضوابط الشرعية طبعا، ولتفاصيل ذلك نرجو الاطلاع على الفتويين: 49818، 53572 وما أحيل عليه فيهما.

والله أعلم."

شارك هذه المشاركه


رابط المشاركه
شارك
يا أختنا أدي نص الفتوي اللى انتي جبتيها وياريت نقفل الموضوع ده لأنه بدأ يبقى جدال فى الباطل وبيضحك علينا الناس لما يظهر في محركات البحث وممكن انت تطبقي قناعتك على بناتك مستقبلاً

ليه ده انا حتي مؤيدة لتعلم المرأة الكتابة و كمان صوت بنعم

شارك هذه المشاركه


رابط المشاركه
شارك

جويرية حبيبتي

في الزمن اللي بتتكلمي عنه كان نادر من الرجال اللي بيعرف يقرا و يكتب أصلا

و بعدين العبرة بما فعله الرسول الكريم و صحابته... المراة كانت تتعلم بل و تعلم

كانت تطبب المرضى و تخرج في الغزوات

كانت و كانت و كانت

للاسف بعد كده الناس اعتبرت تقاليد المجتمع دين او على الاقل اللي جم بعدهم مقدروش يميزوا الفرق بين تقاليد المجتمع و افكاره و بين صحيح الدين

قال رسول الله صلي الله عليه و سلم

الحديث ((استوصوا بالنساء خيرا فإن المرأة خلقت من ضلع أعوج وإن أعوج ما في الضلع أعلاه ..))

فالتعليم بأة اضافة انه مضيعة للوقت ، فهو بيزود العوج ، يعني بيخلي الستات اكتر عوجا

عارفة اللي مطلوب من الست في الدنيا اقل بكتير جدا من التعليم اللي بتاخده ، تخيلي لما تقعدي في البيت و تنضفي الترابيزة اللي ليكي 20 سنة بتنضفي نفس الترابيزة ، و تنقي الرز للمرة العشر تلاف في حياتك ، حاجة رتيبة و متكررة

اهو ستات زمان مش كانوا بيزهقوا عشان قدراتهم كانت اقل ، اما دلوقتي اللي في دماغها اكبر من كونها ست مكانها الاول و الاخير بيتها

تلاقي الواحد تقعد في البيت تقولك حاسة بملل طب وزمان مش كانوا بيحسوا بالملل ليه ، و لو راحت شغلها تتعب من كتر المجهود اللي في شغلها ، تبقي عايزة شغل تفصيل حاجة بسيطة كدة تخرجها من البيت بس مش يكون شغل متعب

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • كيف تحمي نفسك من تزوير وصل الامانة - من اليوم السابع

      ياما فى الحبس مظاليم".. كيف توقع إيصال الأمانة وتحمى نفسك من تزويره؟ الثلاثاء، 17 يناير 2017 01:00 ص سجن-ارشيفية   كتب أحمد عبد الهادي فى الآونة الأخيرة ازدادت أمام المحاكم قضايا إيصالات الأمانة بصورة بشعة بعد انتشار التعامل بها بين الأفراد بعضهم البعض، وأصبح يطلب البائع من المشترى عند الشراء بالتقسيط التوقيع على إيصال أمانة على بياض فيوافق الأخير وهو لا يدرى أنه قد وقع فى الفخ عندما يتعثر فى السداد يكتب التاجر فى الإيصال مبالغ خيالية وي

      في القوانين والقضايا

    • تغطية وجه المرأة حرام .. حرام .. حرام!

      تغطية وجه المرأة حرام .. حرام .. حرام!النقاب وتغطية وجه المرأة أذكى عمل قام به إبليس شخصياً باسم السماء، فتطيع به المرأة الشيطان وتظن أنه الله!كيف تمكن الرجل في أكبر عملية دجل وتزوير وتحريف الكلم عن مواضعه أن يقنع الحمقىَ أنَّ تغطية وجه المرأة فضيلة، وأوامر إلــَـهية، وتوجيهات إسلامية؟دعاة النقاب والخمار وتغطية وجه المرأة يفتحون الباب، عن جهل أو قصد، لكل أنواع الرذيلة، فضلا عن أن تغطية وجه المرأة، نقابا أو خماراً، معصية صريحة لأوامر العلي القدير الذي قال ( يا أيها الناس إنا خلقناكم من ذكر وأنثى

      في المغتربين المصريين - egyptian expatriates

    • هل أنانية … أن تشغلني صحتي عن الكتابة ؟

      منذ عشرة أيام و أنا انوي الكتابة في عدة مسائل   اولها كان تعليقا من الكاتب ناجح ابراهيم الذي رفع القبعة للبابا تواضروس و مسيحيو مصر الذين يذودون عن الوطن بالصلاة من أجل هؤلاء الذين يرمون الكنائس بالطوب.  سنصلي في الشوارع أو في الجوامع … وطن بلا كنائس افضل من كنائس بلا وطن ، و لقد وجه كلمة لهؤلاء الذين اعتلوا منصة الاعتصام في رابعة … لو ان أحدكم كان عنده الشجاعة وطالب المعتصمين بفض الاعتصام حتى الجمعة القادمة  اما كان هذا وحده كافيا لحقن الدماء. النقطة الثانية كانت اعادة التنبيه عفوا مجرد لفت نظر

      في الملتقى العام لزوار محاورات المصريين

    • سفر المرأة الحامل

      عاوز استفسر بس ايه الاعتراض على سفر الحامل من السعوديه الى مصر . وازاى هيعرفوا انها حامل . وازاى نحل المشكلة لو فيه مشكله من الاساس من قبل شركات الطيران

      في المغتربين المصريين - egyptian expatriates

    • اصبت بإلتهاب العصب السابع منذ يومين

      السلام عليكم ... منذ فترة يومين الى ثلاث ايام و لله الحمد اصبت بإلتهاب العصب السابع نتيجة لتعرضي لهواء المكيف الخاص بالسيارة بشكل مباشر على وجهي ثم الخروج الى الطقس الحار جداً, و حالياً عيني اليمين تدمع بشكل شبه متواصل و ميلان للفم ناحية الشمال, ولا استطيع تذوق الطعام بشكل طبيعي, ذهبت امس لدكتور و عطاني حقن مضاد الالتهاب (الفاكيموترابسين) يومياً لمدة 5 ايام, و فيتامين بي Debovit لمدة يومين و مضغ العلكة ايضاً على الناحية المخدرة. بدأت العلاج امس و لكن اليوم احس انه اشتد من حيث التدميع زاد و بالف

      في استشارات طبية و نفسية

×
×
  • اضف...