اذهب الي المحتوي
ozoozo

عندي مشكلة تشابه أسماء وحكم غيابي وكمان تصريح العمل

Recommended Posts

الحمد لله ان ربنا طلعك منها بسلامه

علشان موضوعك ده في شي الكل للازم يفهمه كويس اي حد منا عامل توكيل لاي محامي لابد بعد انتهاء مهمه التوكيل لابد يتلغي لان للاسف في بعض المحامين الضمير ميت بيخالي اي حد يرفع قضيه بشيك وهو بيروح يعمل معارضه من غير العميل ما يعرف وبكدا بيخد حكم نهائي اما التنفيذ او الدفع ربنا يسترها علي الجميع

شارك هذه المشاركه


رابط المشاركه
شارك
طول عمري بقول ان اسم والدي غريب شويه وعمري ماهالاقي حد شبه اسمي

فعلاً أنا عُمري ما شوفت حد إسمه

Ozo

بس الأسامي دي كانت موجودة زمان عادي ..

لا ياريس OzoOzo ده اسم مركب علي بعضه انما الحج اسمه OyoOyo

--------

انا بفكر اغير اسمي واخليه محمد جرجس احمد كوهين :closedeyes:

عشان اتاكد ان التشابه ده مش هايحصل تاني

تم تعديل بواسطة ozoozo

شارك هذه المشاركه


رابط المشاركه
شارك

الحمد لله ان ربنا طلعك منها بسلامه

علشان موضوعك ده في شي الكل للازم يفهمه كويس اي حد منا عامل توكيل لاي محامي لابد بعد انتهاء مهمه التوكيل لابد يتلغي لان للاسف في بعض المحامين الضمير ميت بيخالي اي حد يرفع قضيه بشيك وهو بيروح يعمل معارضه من غير العميل ما يعرف وبكدا بيخد حكم نهائي اما التنفيذ او الدفع ربنا يسترها علي الجميع

هو المشكله ان الراجل ده مش انا اساسا انما تشابه اسماء بس لكن الرقم القومي مختلف ومهنته لحام اكسجين وعنوانه مختلف وكاتب شيك ب80 الف ......انما الحظ بقي قليل البخت يلاقي السجن في التصريح

ولازم ابقي ماشي بورق القضيه لحد ماتخلص عشان لو كمين وقفني واستعلم عن بطاقتي ماهايصدق ياخد اي حد سد خانه

شارك هذه المشاركه


رابط المشاركه
شارك

الحمد لله انها عدت على خير

بعد كده جيب شنطة كبيرة حط فيها كل اوراقك وشهادات الميلاد والدراسة والتطعيمات اللى اخدتها

والاهم قسيمة جوازك تحملها معاك مطرح ماطروح من عارف القضية الجاية ايه لتطلع هربان من نفقة

ولاحاجة ( نصيحة اوعى تنزل اجازة وقت تقفيل القضايا وتنفيذ الاحكام ) هههههههه

لازم تبتسم لان اللى حصل دليل ان انت اكيد فى مصر

شارك هذه المشاركه


رابط المشاركه
شارك

اركان

تيمور

كابتشينو

لماضه

مدام هند

امل حياتي

شاوشنك

مدام ذهبيه

دامو

ابوهنا

فيرال مايند

مهندس ابو يوسف

طارق المصري

ابو العز

الغريب

سين سين

مصريه متغربه

حسام

عصام ابو الفتح

عنبو

طائر الليل

بنك روز

استاذ خالد شحاته

نور العين

العطار

ابومحمدين ابن مصطفي

دياب

عمده

غريب الخير

رؤوف

شكرا علي نصايحكم ومشاعركم اللي هونت عليا كتير قبل مااروح المحكمه :give_rose: .....المشكله ان معظمنا لسه شاكك في النظام وحاسس انه ممكن يظلمه في اي وقت انما لو في بلد تاني كنت هابقي مطمن اكتر

تم تعديل بواسطة ozoozo

شارك هذه المشاركه


رابط المشاركه
شارك

الف مبرووووك يا أزأز وكفارة وقدر الله وما شاء فعل

-----------

سؤال تانى بالمرة ل سيادة الركن القائد س س

وحتى دي كمان مش مهم لو الواحد مظبط أموره في الشغل بتاعه

يعنى ايه الحتة دى فى موظفى الحكومة

شارك هذه المشاركه


رابط المشاركه
شارك

كفاره ياريس

الاستاذ احمد

مين قال ان تصريح العمل اتلغى

كل مره الباشا بتاع الجوازات يسالنى فى المطار عن تصريح الجيش وتصريح العمل

بس بصراحه هو اهم حاجه عنده تصريح الجيش

بس كان لازم يسالنى عن تصريح العمل

ومرات يسال عن تصريح الجيش بس

هو القرار ده لسه لم يصل مطار القاهره

شارك هذه المشاركه


رابط المشاركه
شارك

... والا كنت هاضطر اعمل قضيه معارضه ...

انت جبت كلمة "معارضة" دي منين بقى يا باشا؟

شوف بقى شوية المعلومات العامة القانونية دي ...

قضية الشيك بدون رصيد دي جنحة. وطرق الطعن على الحكم فيها نوعان: طرق عادية وطرق غير عادية. الطرق العادية طريقان: المعارضة والاستئناف. الطرق غير العادية طريقان: النقض والتماس إعادة النظر.

الأحكام بتنقسم من ناحية حضور المتهم أو محاميه إلى 3 أنواع: أحكام حضورية (يعني المتهم حضر)، أحكام حضورية اعتبارية (يعني المتهم ماحضرش لكن محاميه حضر)، وأحكام غيابية (يعني لا المتهم حضر ولا محاميه).

فالمعارضة طريق عادية للطعن على الحكم الغيابي في الجنح. ومعناها إن المتهم بيطلب من المحكمة "معارضة" الحكم الصادر ضده لأنه ببساطة لم يتمكن من حضور جلسة المرافعة في القضية (ولا محاميه طبعًا - المحكمة واجب عليها انتداب محامي في الجنايات فقط لكن الجنح ممكن مايكونش فيه محامي للمتهم عادي). وبالتالي لم يستطع الدفاع عن نفسه، وذلك بسبب عذر مقبول (شهادة مرضية بـ 10 جنيه من أي مستشفى والمحكمة بتقبلها عادي). وده استنادًا للمبدأ القضائي بوجوب تمكين المتهم من الدفاع عن نفسه. والمحكمة بتقبل معارضة المتهم وبتحدد جلسة للمعارضة أمام "نفس المحكمة" اللي أصدرت الحكم، اللي هي محكمة الجنح. ولازم المتهم يحضر الجلسة دي عشان يدافع عن نفسه. لو محضرش، الحكم بيتأيد أوتوماتيك ومالوش فرصة معارضة تاني لكن عنده فرصة استئناف. لو استأنف، لازم يحضر جلسة الاستئناف أمام محكمة الجنح المستأنفة وإلا يتأيد الحكم أوتوماتيك ويبقى برضه غيابي، وفي الحالة دي عنده الحق في عمل "معارضة استئنافية"، شبه معارضة حكم أول درجة بالظبط. تتحدد جلسة أمام نفس المحكمة، اللي هي محكمة الجنح المستأنفة. لازم يحضر، لو محضرش، يتأيد الحكم وبكده يبقى نهائي ويكون المتهم كده استنفذ طرق الطعن العادية.

معلومة كمان سريعة: محكمة الجنح بيكون فيها قاضي واحد بس. محكمة الجنح المستأنفة (يعني اللي بتمثل محكمة الاستئناف لمحكمة الجنح) بتضم في تشكيلها 3 قضاة، وفي معظم القضايا بتكون هي المحكمة الابتدائية في نفس دائرة محكمة الجنح اللي أصدرت حكم أول درجة. محكمة الجنح اسمها برضه "المحكمة الجزئية" في نفس الدائرة.

كمان معلومة سريعة: انقضاء الدعوى الجنائية في الجنح بيكون بعد 3 سنين. يعني بعد مرور 3 سنين على آخر إجراء في القضية (حكم، تحقيق، ... الخ)، بتكون الدعوى الجنائية لا وجود لها، يعني مينفعش يتعمل فيها أي إجراءات. والعقوبة نفسها بتسقط بعد 5 سنين.

ألف حمد الله على السلامة :give_rose:

شارك هذه المشاركه


رابط المشاركه
شارك

كفاره ياريس

الاستاذ احمد

مين قال ان تصريح العمل اتلغى

كل مره الباشا بتاع الجوازات يسالنى فى المطار عن تصريح الجيش وتصريح العمل

بس بصراحه هو اهم حاجه عنده تصريح الجيش

بس كان لازم يسالنى عن تصريح العمل

ومرات يسال عن تصريح الجيش بس

هو القرار ده لسه لم يصل مطار القاهره

يا عمنا انا بقالى 3 مرات بسافر ولا حد بيسال عن تصريح العمل ده

ولسه اخر مرة راجع من مصر من شهر محدش بردوا سال ولا عبر

ولا عمرى شفت بتوع الجوازات بيسالوا

------------

بالنسبة لتصريح الجيش - انا عامل الختم البيضاوى عالجواز عشان محدش يوجع دماغى بعد كدة

شارك هذه المشاركه


رابط المشاركه
شارك

... والا كنت هاضطر اعمل قضيه معارضه ...

انت جبت كلمة "معارضة" دي منين بقى يا باشا؟

شوف بقى شوية المعلومات العامة القانونية دي ...

قضية الشيك بدون رصيد دي جنحة. وطرق الطعن على الحكم فيها نوعان: طرق عادية وطرق غير عادية. الطرق العادية طريقان: المعارضة والاستئناف. الطرق غير العادية طريقان: النقض والتماس إعادة النظر.

الأحكام بتنقسم من ناحية حضور المتهم أو محاميه إلى 3 أنواع: أحكام حضورية (يعني المتهم حضر)، أحكام حضورية اعتبارية (يعني المتهم ماحضرش لكن محاميه حضر)، وأحكام غيابية (يعني لا المتهم حضر ولا محاميه).

فالمعارضة طريق عادية للطعن على الحكم الغيابي في الجنح. ومعناها إن المتهم بيطلب من المحكمة "معارضة" الحكم الصادر ضده لأنه ببساطة لم يتمكن من حضور جلسة المرافعة في القضية (ولا محاميه طبعًا - المحكمة واجب عليها انتداب محامي في الجنايات فقط لكن الجنح ممكن مايكونش فيه محامي للمتهم عادي). وبالتالي لم يستطع الدفاع عن نفسه، وذلك بسبب عذر مقبول (شهادة مرضية بـ 10 جنيه من أي مستشفى والمحكمة بتقبلها عادي). وده استنادًا للمبدأ القضائي بوجوب تمكين المتهم من الدفاع عن نفسه. والمحكمة بتقبل معارضة المتهم وبتحدد جلسة للمعارضة أمام "نفس المحكمة" اللي أصدرت الحكم، اللي هي محكمة الجنح. ولازم المتهم يحضر الجلسة دي عشان يدافع عن نفسه. لو محضرش، الحكم بيتأيد أوتوماتيك ومالوش فرصة معارضة تاني لكن عنده فرصة استئناف. لو استأنف، لازم يحضر جلسة الاستئناف أمام محكمة الجنح المستأنفة وإلا يتأيد الحكم أوتوماتيك ويبقى برضه غيابي، وفي الحالة دي عنده الحق في عمل "معارضة استئنافية"، شبه معارضة حكم أول درجة بالظبط. تتحدد جلسة أمام نفس المحكمة، اللي هي محكمة الجنح المستأنفة. لازم يحضر، لو محضرش، يتأيد الحكم وبكده يبقى نهائي ويكون المتهم كده استنفذ طرق الطعن العادية.

معلومة كمان سريعة: محكمة الجنح بيكون فيها قاضي واحد بس. محكمة الجنح المستأنفة (يعني اللي بتمثل محكمة الاستئناف لمحكمة الجنح) بتضم في تشكيلها 3 قضاة، وفي معظم القضايا بتكون هي المحكمة الابتدائية في نفس دائرة محكمة الجنح اللي أصدرت حكم أول درجة. محكمة الجنح اسمها برضه "المحكمة الجزئية" في نفس الدائرة.

كمان معلومة سريعة: انقضاء الدعوى الجنائية في الجنح بيكون بعد 3 سنين. يعني بعد مرور 3 سنين على آخر إجراء في القضية (حكم، تحقيق، ... الخ)، بتكون الدعوى الجنائية لا وجود لها، يعني مينفعش يتعمل فيها أي إجراءات. والعقوبة نفسها بتسقط بعد 5 سنين.

ألف حمد الله على السلامة :give_rose:

شكر ياباشا علي المعلومات والمحاضره القانونيه دي

هو المحامي بتاعي قاللي الحمدلله ان الرقم القومي بتاع المتهم مذكور في المحضر ومرفق معه صوره ضوئيه من البطاقه وبكده مش محناجين معارضه

ولو المعلومات دي مش موجوده كنا هانعمل معارضه عشان المحكمه ترفضها وتقول اني غير ذي صفه في القضيه وده يعتبر حكم من المحكمه ان القضيه مش بتاعتي وكمان تاريخ تحرير الشيك كنت بره مصر

فهل الاجراءات اللي كان هايخدها المحامي دي صح؟ اصلي كمان سألت كذا واحد وقاللي المعارضه دي قولتلهم ازاي وانا ماليش دعوه يقولولي عشان يترفض لتقديمه من غير صفه خصومه في القضيه

بالمناسبه معلومه عرفتها علي الماشي ان الكومبيوتر بتاع الاحكام مابيتكتبش فيه الرقم القومي للمتهم وده بيخلي اي حد اسمه زي اسم المتهم يتقبض عليه لحد مايبانله اصحاب ويجيب صوره المحضر من النيابه ويقول ان القضيه مش بتاعته

اوم ايه سألت ليه مايكتبوش الرقم القومي قالك بقي ايه اصل الفورمه بتاعه الاحكام مافيهاش خانه يتكتب فيها الرقم القومي ....................................تييييييييتتتتتتت ياوطن وفي الاخر الناس مش فاهمه اسباب قيام الثوره رغم ان مبارك صاحب الضربه الولبيه االلي كسرت باب الحريه

سؤال بقي هل ورق القضيه اللي مكتوب عليا افضل ماشي بيه دليل براءه لبتوع تنفيذ الاحكام ومايقبضوش عليا اصلا لو وريتهالهم ولا لازم يقبضوا عليا ويعرضوني علي النيابه والنيابه هي اللي تطلعني ؟

ااااااااااااااااي براحه ياوطن ضرب القفا مش كده

شارك هذه المشاركه


رابط المشاركه
شارك

الف مبرووووك يا أزأز وكفارة وقدر الله وما شاء فعل

-----------

سؤال تانى بالمرة ل سيادة الركن القائد س س

وحتى دي كمان مش مهم لو الواحد مظبط أموره في الشغل بتاعه

يعنى ايه الحتة دى فى موظفى الحكومة

ترجع أحداث هذه القصة إلى صيف سنة 2003 .. لما صديق لي يعمل في جهة حكومية جه يشتغل بالسعودية .. فالكلام جاب بعضه وبأسألة إنت طلعت تصريح العمل ؟

قال لي لأ ...

قولت له ليه ؟

قال : عشان تصريح العمل لموظفي الحكومة عاوز له لفه .. وموافقة رسمية بالاجازة .. وضرايب ولا مش عارف إيه بندفعها وشغلانه .. وأنا مظبط أموري ودي في الشركة ... وبعدين يابني تصريح العمل لغير موظفي الحكومة إتلغى .. ووأنا في المطار ما حدش قال لي إنت فين

فأذبهللت وما صدقتهوش ...

المهم نزلت بعدها في أول سنة 2004 ... وعملت تصريح العمل ... وقولت أخليه في جيبي أشوف الظابط هايسألني عليه ولا لأ .. ما سألش .. روحت قولت له : مش هاتشوف تصريح العمل ؟

قال لي : لأ مش ضروري

فقلت له : أنا كبرت في دماغي بقى ... بقى تخلوني أضيع يوم من عُمري وأدفع ووأروح وأجي .ويومتاني عشان أستلمه وتقول لي مش ضروري ؟

من بعدها قولت لا تصريح بعد اليوم ....

وفعلاً 7 سنوات الأن ... وأكثر من 20 مره سفر رايح جاي على مصر ولا حد قال لي اراضيك فين .. وزي ما قولت لكم مره واحده من 3 سنوات ظابط سألني فقلت له ما طلعتوش .. فقال لي قول وحياة الأخوة هاستخرج تصريح عمل المرة الجاية وأمضي التعهد ده ...

وكل سنة وإنت طيب

شوفت يا ابو هنا أنت كمان بقى ؟

شارك هذه المشاركه


رابط المشاركه
شارك

حمدا لله على سلامتك يا أخ : ozozo

وكان اختبار من ربك والحمد لله عدى على خير بفضله سبحانه

شارك هذه المشاركه


رابط المشاركه
شارك

ولو المعلومات دي مش موجوده كنا هانعمل معارضه عشان المحكمه ترفضها وتقول اني غير ذي صفه في القضيه وده يعتبر حكم من المحكمه ان القضيه مش بتاعتي وكمان تاريخ تحرير الشيك كنت بره مصر

فهل الاجراءات اللي كان هايخدها المحامي دي صح؟ اصلي كمان سألت كذا واحد وقاللي المعارضه دي قولتلهم ازاي وانا ماليش دعوه يقولولي عشان يترفض لتقديمه من غير صفه خصومه في القضيه

يا باشا انت محاميك قالك كده يبقى كلامه مظبوط. وحسب معلوماتي المتواضعة إن ده صح 100%.

شوف يا سيدي ... الحكم القضائي بشكل عام لا يجبه إلا حكم قضائي. يعني نفترض جدلا إن المحكوم عليه ده اسمه نفس اسمك بالظبط ما عدا الاسم الرابع مختلف. وجت المحكمة غلطت في الحكم وكتبت الاسم الرابع اسمك بدل اسمه، ده رغم إن كل أوراق القضية مش انت خالص، يعني بالاسم الصحيح للمحكوم عليه التاني. ده اسمه خطأ مادي كتابي، وفي الجنح ماينفعش يتصحح إلا في جلسة. يعني لازم معارضة أو استئناف ... الخ. غير كده بيفضل الحكم زي ما هو بغلطه. في الدعاوى المدنية ينفع طلب للمحكمة بتصحيح الخطأ المادي ويتصحح عادي. في الجنح والجنايات لأ. فكلام المحامي كلام مظبوط تمامًا وهو الصح المضمون حسب معرفتي القليلة.

بتوع تنفيذ الأحكام بقى مابتفرقش معاهم. يعني هم مالهمش دعوة خالص بقصة الأخطاء دي. هم بيعملوا حصر جلسة بجلسة في المحكمة بأسماء وعناوين المحكوم عليهم بالحبس (عنوانك غير عنوانه، يبقى منطقي مش هيروحوا لمحل إقامتك عشان الحكم). وبناء على الحصر ده يبدأوا يحاولوا القبض عليهم لتنفيذ الأحكام. لكن أول ما بيعمل معارضة أو استئناف بيتساب عادي.

لكن بيني وبينك في الظروف دي مين من الشرطة أصلا هيفكر يروح ينفذ حكم الحبس على واحد كاتب شيكات بدون رصيد؟ وكمان مش حكم نهائي. يعني هيقبض عليه من هنا، هيعمل معارضة من هنا ويسيبوه. ده فيه قضايا قتل وبلطجة وتجار مخدرات ... الخ. فهناك أولويات للتنفيذ لأن الأحكام كتير جدًا.

فيه معلومة نسيت أقولك عليها: مدة المعارضة 10 أيام من تاريخ إعلان المحكوم عليه بالحكم. يعني المفروض محضر المحكمة يروح لمحل إقامة المحكوم عليه ويعلنه بالحكم (لأنه كان حكم غيابي). من التاريخ ده تتحسب 10 أيام هي المدة المسموح للمحكوم عليه فيها بعمل معارضة للحكم. (لكن برضه ممكن يتأخر عن كده ويجيب أي عذر مرضي والمحكمة تقبله).

اوم ايه سألت ليه مايكتبوش الرقم القومي قالك بقي ايه اصل الفورمه بتاعه الاحكام مافيهاش خانه يتكتب فيها الرقم القومي ....................................تييييييييتتتتتتت ياوطن وفي الاخر الناس مش فاهمه اسباب قيام الثوره رغم ان مبارك صاحب الضربه الولبيه االلي كسرت باب الحريه

أيوة الأحكام فعلاً بتصدر بالاسم الرباعي للمحكوم عليه، وبس كده. أوراق القضية فيها عنوانه وبقية بياناته.

سؤال بقي هل ورق القضيه اللي مكتوب عليا افضل ماشي بيه دليل براءه لبتوع تنفيذ الاحكام ومايقبضوش عليا اصلا لو وريتهالهم ولا لازم يقبضوا عليا ويعرضوني علي النيابه والنيابه هي اللي تطلعني ؟

بتوع تنفيذ الأحكام، اللي هي إدارة ضمن الداخلية، بيروحوا للمحكوم عليه على محل إقامته. انت محل إقامتك غير محل إقامة المحكوم عليه الأصلي، يبقى هيجولك ليه؟ الموضوع ظهر بسبب تصريح العمل اللي اعتمد فيه الظابط على الاسم الرباعي فقط. فأعتقد إن بتوع تنفيذ الأحكام لا علاقة لهم بيك خالص. بس انت ممكن تسأل وتقول: لو أنا رحت دلوقتي القسم عشان أطلع صحيفة الحالة الجنائية هيطلع فيها الحكم ده؟ مش عارف. اسأل المحامي برضه.

نسيت أسألك ... هي النيابة جابت الرقم القومي للمحكوم عليه منين؟ هو حضر التحقيقات؟

أنا على فكرة مش محامي، بس تقدر تقول هواية.

:give_rose:

تم تعديل بواسطة shawshank

شارك هذه المشاركه


رابط المشاركه
شارك
قال : عشان تصريح العمل لموظفي الحكومة عاوز له لفه .. وموافقة رسمية بالاجازة .. وضرايب ولا مش عارف إيه بندفعها وشغلانه .. وأنا مظبط أموري ودي في الشركة

معلشى ياريس ..انا اسف ..بس وضح اكتر

يعنى ايه ودى ....يعنى واحد مسافر بره بالسنة من غير اجازة يبقى يتبلغ عنه غياب يبقى المفروض يترفد

او محدش يبلغ عنه فبالتالى كل مستحقاته ماشية ومين يتحمل المسئولية دى؟؟؟؟

معلش وضح

شارك هذه المشاركه


رابط المشاركه
شارك

حمد لله على سلامتك يا ozozo وخلى بالك المرة الجايه..ما تخدش مبالغ بسيطه العب فوق المليون..

وابتسم انت فى :egyflag: ..الظريف بئاان الرقم القومى مش بتضاف علشان ملوش خانه واى حد بنفس الاسم يتقفش على ما يبناله اصحاب..فكرنى باللمبى لما قال مبشلش بطاقه علشان مليش جيب ورا..

شارك هذه المشاركه


رابط المشاركه
شارك
Guest عابر سبيل

بالعقل كدة  مفروض أي ورقة يتحط فيها الرقم القومي   ..... طيب إزاي ؟

أنا مش عارف   يعني العالم و الكل و الكليلة  نستنا لما تحصل مصيبة في ورقة معينة تمس أحد حشاكيل واحد مهم يتم تعديل الإستمارة و يتحط فيها الرقم القومي ؟

أنا عارف الموضوع قديم  لكن لغاية دولوقتي  محامين يدوخوا البني آدم بقضايا وصولات أمانة  ترفع في كل محافظات مصر

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×