اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

بطاطس بانكيك


chef badawy
 مشاركة

Recommended Posts

بطاطس بانكيك

المقادير

1 كجم بطاطس – 100 جم جبن شيدر مبشور – 2 بيضه مخفوقه – بصله كبيرة مفرومه

حزمة بقدونس مفروم – ملح – فلفل – 2 معلقة زيت ذرة

100 جم ذرة صفرا

الطريقه

تغسل البطاطس جيدا ثم توضع فى ماء يغلى على النار

تسلق البطاطس نصف سلق ثم ترفع من على النار وتترك حتى تبرد

نبشر البطاطس على الوش الخشن

نضيف البيض المخفوق والجبن السيدر المبشور

يدبل البصل فى طاسة مع قليل من زيت الذرة على النار ثم يضاف الى البطاطس

يضاف البقدونس المفروم وتقلب البطاطس جيدا مع المقادير السابقه تدور البطاطس باليد

او فى فورمة مدوره ثم توضع ثم ترص فى صينيه وتوضع فى الثلاجة لكى تتماسك جيدا

نضع طاسه تيفال على النار بها نصف معلقة زيت ذرة ثم نرص بها البطاطس ونقلبها عندما تنضج

من الجانب الاخر وتقلب حتى تاخذ لون من الجانبين

ترص فى طبق التقديم بطريقة دائريه ويرش عليها الذرة الصفراء ةالبقدونس المفروم

تقدم ساخنة مع الاسماك بالكريم وسلاطة الذرة الصفرا

رابط هذا التعليق
شارك

السلام عليكم ورحمة الله...

إسمح لى أرحب بك أخى الكريم شيف بدوى..

أهلا بك أخاً عزيزا بين إخوانك فى محاورات المصريين..

وإسمح لى أشيد بوصفتك الرائعة دى للبطاطس...كنا نتمنى لو فيه صورة توضح الرؤية :)

وياريت كمان طريقة الأسماك بالكريمة وطريقة سلطة الذرة علشان الوجبة تبقى كاملة...:)

ونتمنى أن يطيب لك المقام بيننا وتسعدنا بتقديم وصفاتك الجديدة ..

أهلا بك مرة أخرى

وتسلم ايدك....:give_rose:

رابط هذا التعليق
شارك

أهلا أهلا شيف بدوي

نوّرت المحاورات يافندم

منتظرين وصفات لذيذة

ميرسي مقدما

:clappingrose:

رابط هذا التعليق
شارك

السلام عليكم ورحمة الله...

إسمح لى أرحب بك أخى الكريم شيف بدوى..

أهلا بك أخاً عزيزا بين إخوانك فى محاورات المصريين..

وإسمح لى أشيد بوصفتك الرائعة دى للبطاطس...كنا نتمنى لو فيه صورة توضح الرؤية :)

وياريت كمان طريقة الأسماك بالكريمة وطريقة سلطة الذرة علشان الوجبة تبقى كاملة...:)

ونتمنى أن يطيب لك المقام بيننا وتسعدنا بتقديم وصفاتك الجديدة ..

أهلا بك مرة أخرى

وتسلم ايدك....:give_rose:

انا شاكر جدا لحضراتكم وان شاء الله هيكون فى وصفات اكتر ومشاركات اكتر ومنيوهات متكامله بس دى اول مشاركه وضعتها كتجربه والمره القادمه ستكون مفاجأه ان شاء الله

رابط هذا التعليق
شارك

يا مرحبا يا مرحبا

نورت محاورات المصريين يا شيف

ما شاء الله الطبق شكله يجنن

تسلم الايادي

معلش بقى عاوزاك تستحملنا عشان اكيد هايبقى عندنا اسئلة كتيرررررررررررررر

خصوصا ان رمضان على الابواب كل سنة و حضرتك طيب

هابدأ بسؤال صغنن اوي

عاوزة طريقة كروكيت الدجاج

انا جربته طلع شغال يعني بس مش زي المطاعم

هاقول لحضرتك الطريقة اللي عملتها و لو في تعديل اضافة يا ريت تقولي

جيبت صدور فراخ سويتها في مايتها

و بعدين فرمتها

و كنت عاملة باشاميل تقيل اتقل من بتاع المكرونة

و قلبتهم على بعض و سيبته في التلاجة ساعة

و بعدين بدأت اشكله كور او صوابع

و بعدين نزلته في البيض و بعدها بقسماط

و قليته في الزيت

طلع مقبول بس انا باحب الحاجه يكون طعمها حلو عشان اقتنع بيها مش مجرد مقبولة الطعم

يا ريت حضرتك تقولي على الطريقة اللي يطلع بيها زي طعم المطاعم

ميرسي كتير مقدما

رابط هذا التعليق
شارك

السلام عليكم ورحمة الله...

تسلم ايدك ياشيف بدوى..الصورة بتتكلم لوحدها...

والطريقة سهلة وتتحفظ بسرعة...

سؤال بس جانبى بعد إذنك..هو حضرتك "شيف" فعلا ولا ده إسم فقط ؟

فى الحالتين احنا سعداء بإنضمامك لنا..ومنتظرين المفاجأت اللى وعدتنا بها ...وفى انتظارك معنا على مائدة رمضان

كمان ولأن الشىء بالشىء يذكر....عندنا موقع لاضافة الوصفات أنا مش عارفة اسمه ايه :)..

لكن اسمح لى أضيفه فى موضوعك حتى اذا تسنى لك إضافة وصفاتك فيه نكون ممنونين جدا..او طبعا باقى الاخوة والاخوات الافاضل ممكن يساعدونا فى استكماله ..

مطبخ محاورات المصريين

واهلا بك مرة أخرى ...

تحياتى

:give_rose:

رابط هذا التعليق
شارك

اعرفكم بنفسى

احمد بدوى

مدير مطبخ فى فندق خمس نجوم بالقاهره

خبره عشرون عاما فى مجال الطهى والغذاء الامن

حاصل على 3 ميداليه ذهبيه و 2 فضيه و 3 برونزيه من جمعية الطهاه المصريين فى مسابقات فنون الطهى والنحت

صاحب شركة فوود ستايل لتقديم الوجبات الجاهزه والهووم ديليفرى

مدير مطبخ ست البيت للكاترنج والحفلات والوجبات سابقة التجهيز

شكرا لحضراتكم واتشرفت بمعرفتكم

رابط هذا التعليق
شارك

تشرفنا شيف احمد

انا شوفت الفيديو اللي على اليوتيوب

ما شاء الله حاجه تفتح النفس بصحيح

ميرسي كتير على وصفة الكروكيت

بس سؤال صغير معلش الفراخ تكون مستوية قبل الفرم ؟؟

رابط هذا التعليق
شارك

السلام عليكم ورحمة الله...

أهلا بك مرة أخرة شيف بدوى...يسعدنا أكيد أن يكون معنا شيف متخصص وله إسمه زى حضرتك..

وأرجو أن يتسع صدرك لأسلئتنا وطلباتنا خصوصا فى الشهر الكريم كل سنة وحضرتك طيب..

وفى إنتظار المفاجآت اللى وعدتنا بها....

وبعد اذنك سنقوم بفصل وصفة الفراخ الكروكيت فى موضوع منفصل لتسهيل البحث والمتابعة للاخوة والاخوات الافاضل ...

مودتى واحترامى:give_rose:

رابط هذا التعليق
شارك

تم نقل وصفة كروكيت الدجاج فى موضوع منفصل لسهولة المتابعة

الفراخ الكروكيت

تحياتى:clappingrose:

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

    • من اجل رشاقتك ...بمعلقه زيت واحده (بطاطس مقليه)

      وانا قاعده الف شويه في بعض المنتديات ,لقيت الموضوع ده وقلت اخد راْيكم فيه ,ولو حد جربه يقول لنا عل النتائج بصراحه لو القلايه دي بجد من بكره الصبح .انزل اجيب 10 واوزع على اهلي واصحابي .وابقى اقسط لهم فلوسها بالتقسيط المريح (اصلها غاليه شويتين) ندخل على المهم بقى دي صورتها اما عن وظائفها بقى خدوا عندكم استطاعت شركة Tefal الفرنسية تطوير قلاية جديدة ومتطورة والمتخصصة لقلي رقائق البطاطس بوزن كيلوجرام والتي لا تستخدم إلا ملعقة زيت واحدة فقط من زيت الزيتون , وهو ما يجعل الرقائق صحية تم

      في المطبخ

    • دجاج تانى .. مع بطاطس بالزعتر وبصل أخضر

      اليوم لفيت فى سوق السمك لمدة ساعة تقريبا على انه حاجة تعجبنى ولا أطلع بفكرة جديدة مفيش نهائى .. رجعت وعندى دجاج من الأمس قلت ما بدهاش البطاطس تقطع شرائح ثم تتبل بزيت الزيتون والملح والزعتر وتوضع فى المايكروييف لمدة 6 دقائق .. أو لمدة 20 دقيقة فى الفرن ببساطة .. دجاج مخلى يتبل بدبس رمان وملح وخل بسلمك من الليلة السابقة .. يوضع فى قلاية لمدة 8 دقايق على كل ناحية .. ينقل الدجاج اللى صيينة الفرن ويوضع فى فرن متوسط الحرارة لمدة 35 دقيقة .. بعدما ينضج نخرجه ونضع عليه البصل الأخضر المقطع و

      في المطبخ

    • بطاطس ماكدونالدز

      السلا عليكم ورحمة الله وبركاتة الموضوع دة انا قريتة فى احد المنتديات وصعقت بشدة لمحتواة يا ريت يا جماعة اى حد عندة معلومات تاكد او تنفى الكلام دة مايبخلش علينا بية واليكم نص الموضوع مطاعم مكدونالدز كانت مطاعم مكدونالدز قد أعلنت عام تسعين، في حملة إعلامية صاخبة، عن نيتها في تغيير زيت القلي من حيواني إلى نباتي ليصبح صالحا للنباتيين الذين لا يأكلون الطعام المقلي بشحم البقر ولكن اتضح الآن أن ذلك لم يكن دقيقا، حيث تقلى البطاطس قليا أوليا في معامل مكدونالدز في الولايات المتحدة ثم تجمد وتشحن بعد

      في حماية المستهلك - consumer support

    • بطاطس بيوريه بالكريمة

      صينية بطاطس بيوريه بالكريمة أعزائى: بعد أن جربت تأثير هذه الوجبة فى علاج حالة الاكتئاب إياه(أنظر موضوع:بتعمل ايه و انت متضايق؟) قلت لازم أوصفلكم الأكلة العبقرية دى و أنصح عم الأفوكاتو ألا يقرأ هذا الموضوع لأنه يجمع بين كل النشويات و البروتينات و الدهون اللى ممكن يتخيلها إلى جمهور الأكيلة...مبعرفش أقول مقادير لكن جربوا طريقتى(طريقة الصندل)أى: حط أى حاجة تيجى فى وشك انشالله حتى فردة صندل ما لهاش صاحب :o تجيبوا كيلو ونص بطاطس (يفضل المتوسطة الحجم أو الصغيرة) و تتغسل كويس قوى و بعدين تسلقوا

      في المطبخ

×
×
  • أضف...