# لماذا لا يختار عصام شرف د. البرادعي لوزراة الداخلية ؟؟ #

[Abu Reem]

لماذا لا يتقدم الدكتور محمد البرادعي لهذه المهمة وهو ذو الخلفية القانونية

سؤال خطر في بالي امس وطرحته في احد المواضيع ، ولكن فضلت ان افتح له موضوع منفصل ، فأنا اراه اقتراح وجيه قد يرضي معظم الاطراف على الاقل في الوقت الحالي

فالرجل بخبراته في الهيئة الدولية للطاقة النووية والتي كان من مهامها التفتيش علي الاسلحة النووية تجعله قادرا علي التفتيش علي البلطجية وبقايا النظام السابق

اراها انسب المناصب للدكتور البرادعي وهو رجل مدني وطالما ذكر انه في خدمة مصر

وبخلفيته القانونية يستطيع ان يحكم الخناق على المتهمين في القضايا الكثيرة المطروحة الان!!!!!

ام ان خدمة مصر لاتصلح الا من فوق كرسي الرئاسة فقط؟؟!! وخاصة انه لو نجح في مهمته قد يحظى ببعض الثقة المفقودة لدى العديد من طوائف الشعب وقد يكون نجاحه في هذا المنصب وتخليص مصر من الفساد والاجرام والبلطجة ، هي طريقة جيدة تجعله بعد ذلك يترشح للرئاسة بعد أن يقدم تجربة عملية..بدلا من التجارب النظرية والكلام الانشائي

ايه رأيكم....؟؟؟!!!

تم تعديل 11 يوليو 2011 بواسطة Abu Reem

[MOOOM]

السلام عليكم ورحمة الله وبركاته

السيد أبو ريم .. تصدقني لو قلت لك أني والله والله كنت أفكر في هذا الكلام من يوم الجمعة الماضية [ الثورة الثانية 8/7/2011م ] ومتهيألي بردو أنه الحل الأنسب الآن .. رغم قناعتي التامة باللواء منصور عيسوي ، وما يتضح للجميع من أنه راجل محترم .. بس الظاهر الناس اتعودت على الحبيب العادلي وقلة أدبة وعجرفته وعلشان كدة مش عاجبها يمسك الوزارة راجل محترم وابن بلد بجد .

وبالنسبة للدكتور البرادعي هوه الأنسب الآن للداخلية خاصة أن حركة 6 أبريل التي يتزعمها البرادعي هي المحرك الأساسي والرئيسي الآن في اعتصامات ومظاهرات التحرير ، يبقى نخلي واحد منهم يمسك الوزارة ويورينا هوه هيعمل إيه .

وفيه موضوع استفزني جداً جداً عندما قرأته وهو أسماء الأشخاص الجدد المرشحين للوزارات في التعديلات المرتقبة .. ومنهم .. الأسواني وحمزة ووائل غنيم وغيرهم مش فاكر أسمائهم ...بس للأسف لم يذكر اسم توفيق عكاشة بتاع الفراعين ده .

بصراحة كلها أسماء مستفزة ومقززة .. ناس طلعت من الجحور وأصبحو كلهم ثورجية بعد أن كانو يمسحو الجوخ .. كلهم عملو فيها عنتر ابن شداد .. وهم خير أمثلة على عدم معرفة معنى الديمقراطية .. وفعلاً لا ينطبق عليهم غير المثل القائل [ كانو في جره وطلعو بره ] .

يعني الثورة أول من بدأها الشباب وانضم إليهم مصر كلها .. وبعد كدة بقه إلي بيعرف يتكلم ويعرف يظهر على الفضائيات بقو هما أصحاب الثورة وهما المتحدثين باسم ال85 مليون مصري .. مهم بقالهم 30 سنة بيسفو التراب ومحدش قدر يفتح بقه .. ليه ميدوش الفرصة لعصام شرف أو غيرة لتعديل الأمور .. ولا هما عايزين كل حاجة في أي وقت ؟؟

كل واحد ميعجبهمش ، يبقى من النظام السابق .. مهما بردو كانو موجودين أيام النظام السابق .. عملوا إيه ؟؟ عدلو إيه ؟؟ نشاطهم كان إيه ؟؟ وأقسم بالله أنه لو أي واحد منهم كان موجود في أي حكومات أيام مبارك .. مكنش هيعمل أقل مما فعله بتوع سجن طره حالياً .. بس الظاهر بقة لزوم الثورجه ولزوم الشو .

ياريت كلنا نتقي ربنا شوية في بلدنا .. وبلاش الصيد في المياه العكرة ..

ده الواحد لما بيسيب وظيفة ويروح وظيفة ثانية أفضل .. بياخد على الأقل شهرين ثلاثة لغاية لما يتأقلم على وضعه الحالي .. ولما واحد بيغير طبع مش كويس في نفسه أو في غيره ، بيستغرق أسابيع أو أشهر أو حتى سنين .. فما بالنا بتغيير أحوال بلد بالكامل ، عايزينها تتغير في 24 ساعة .. ده إما هبل أو جنون أو تخريف .

أعانك الله علينا يا مصر

[م تيمور المراغي]

د. برادعي رئيس الجمهورية ان شاء الله

ارشح للداخلية المستشار هشام البسطويسي !

الرجل المناسب في المكان المناسب و في الوقت المناسب

ايه رأيكم ,,

[pink rose]

ما ينفعش يا ابو ريم لان في ترتيبات تانية

قرر ائتلاف شباب الثورة، بالتوافق مع معظم الائتلافات والحركات الشبابية المتواجدة في ميدان التحرير، تسمية الدكتور محمد البرادعي، كمرشح للقوى الثورية لرئاسة الحكومة الانتقالية، بديلا للدكتور عصام شرف- رئيس مجلس الوزراء الحالي، بعد أن وافق أعضاء الائتلاف على سحب الثقة من شرف خلال اجتماع مطول داخل خيمة الاعتصام الخاصة بهم بالقرب من تمثال عمر مكرم في ميدان التحرير، بعد دقائق من خطابه الذي قالوا إنه لم يلبي طموحات المعتصمين في الميدان.

وعلمت "بوابة الشروق" -من مصادر مطلعة- أن البرادعي وافق على تسميته للمنصب، بعد مفاوضات مطولة استمرت بينه وبين مجموعة من الشباب الممثلين لمعظم الائتلافات والحركات الثورية والشبابية المتواجدة داخل ميدان التحرير، وينتظر أن يعلن رسميا عن هذه الخطوة في مؤتمر صحفي يعقد ظهر اليوم الثلاثاء.

الشروق

في دماغ بتفكر على الارض الكل عارف و متأكد ان دكتور البرادعي مش هاينتخب رئيس للجمهورية عشان اغلب الشعب المصري رافضه

فا يبقى رئيس وزراء و يبقى الميدان و الثورة هي اللي اختارت زي ما الميدان اختار دكتور عصام شرف

بس كتير من المصريين كانوا وقتها مع الميدان و مع اختياره

دلوقتي كتير من المصريين ضد الميدان و اكيد ضد اختياره

[لماضة مصرية جدا]

السلام عليكم و رحمة الله و بركاته

طب هو ايه العلاقة بين دكتور البرادعي ووزارة الداخلية؟؟؟

هو ممكن يبقي وزير خارجية معتبر....بس داخلية ليه و بناء علي ايه؟؟؟

سؤال

1- ليه منختارشي ناشط حقوقي يكون وزير للداخلية زي ما عملت تونس و كنا اتكلمنا عن الموضوع ده قبل كده....لو منفعشي ناشط حقوقي ليه ميكونشي حد من الداخلية ذات نفسيها بس يبقي في منطقة وسط كده بين الداخلية و المنظمات االحقوقية يعني فكره ميبقاش تفكير الداخلية المعتاد لكن برضه يبقي فيه فرصة للتغيير؟؟؟

السؤال الاهم

هو احنا هنقعد نختار الوزارة الجديدة؟؟؟

يعني هل الناس هيوصل بيها مرحلة انها تقول عايزين الوزير الفولاني و مش عايزين الوزير الترتاني؟؟

مش بتريق و الله

بس هل ممكن نوصل لدرجة من الشفافية و المشاركة للمرحلة دي؟؟؟

بحلم

يمكن ده خير

و الله اعلم

[م تيمور المراغي]

اذا كنا بنختار رئيس الجمهورية

مش حنختار او حتى نرشح وزير الداخلية

ده دور مطلوب من الشباب على فكره

وكنت كتبت من اسبوعين تقريبا تقرير عن اداء اغلب الوزراء واداء الحكومة تم رفعها لدكتور عصام شرف قبل خطابه بمناسبة مرور 100 يوم على توليه

حريه ,,

[الغريب]

ما ينفعش يا ابو ريم لان في ترتيبات تانية

قرر ائتلاف شباب الثورة، بالتوافق مع معظم الائتلافات والحركات الشبابية المتواجدة في ميدان التحرير، تسمية الدكتور محمد البرادعي، كمرشح للقوى الثورية لرئاسة الحكومة الانتقالية، بديلا للدكتور عصام شرف- رئيس مجلس الوزراء الحالي، بعد أن وافق أعضاء الائتلاف على سحب الثقة من شرف خلال اجتماع مطول داخل خيمة الاعتصام الخاصة بهم بالقرب من تمثال عمر مكرم في ميدان التحرير، بعد دقائق من خطابه الذي قالوا إنه لم يلبي طموحات المعتصمين في الميدان.

وعلمت "بوابة الشروق" -من مصادر مطلعة- أن البرادعي وافق على تسميته للمنصب، بعد مفاوضات مطولة استمرت بينه وبين مجموعة من الشباب الممثلين لمعظم الائتلافات والحركات الثورية والشبابية المتواجدة داخل ميدان التحرير، وينتظر أن يعلن رسميا عن هذه الخطوة في مؤتمر صحفي يعقد ظهر اليوم الثلاثاء.

الشروق

في دماغ بتفكر على الارض الكل عارف و متأكد ان دكتور البرادعي مش هاينتخب رئيس للجمهورية عشان اغلب الشعب المصري رافضه

فا يبقى رئيس وزراء و يبقى الميدان و الثورة هي اللي اختارت زي ما الميدان اختار دكتور عصام شرف

بس كتير من المصريين كانوا وقتها مع الميدان و مع اختياره

دلوقتي كتير من المصريين ضد الميدان و اكيد ضد اختياره

والله الواحد مش عارف يعلق يقول أيه عن الخبر ده ؟؟

حقيقي شر البلية ما يضحك

[Abu Reem]

وبالنسبة للدكتور البرادعي هوه الأنسب الآن للداخلية خاصة أن حركة 6 أبريل التي يتزعمها البرادعي هي المحرك الأساسي والرئيسي الآن في اعتصامات ومظاهرات التحرير ، يبقى نخلي واحد منهم يمسك الوزارة ويورينا هوه هيعمل إيه .

أنا ايضا شايف كده، يعني انصاره الان يركزون اهم مطالبهم على إدانه مبارك وكبار اعوانه بحكم قضائي يتناسب مع ما ارتكبوه ، ويطالبون باسقاط عصام شرف والمجلس العسكري من أجل هذا الطلب بالأساس، اذن فليتولى الدكتور البرادعي هذه المهمة ، ولو استطاع بالفعل الايقاع بهم ، عندها ساكون اول المؤيدين له....

[Abu Reem]

بس كتير من المصريين كانوا وقتها مع الميدان و مع اختياره

دلوقتي كتير من المصريين ضد الميدان و اكيد ضد اختياره

مش بس كده الناس دلوقت بدأت ترى الصورة على حيقيتها وبدأت تتأكد من الشكوك التي تحوم حول بعض القوى الثورية التي تتصدر المشهد الان،، ليس بسبب المطالب ..ولكن بسبب الوسائل التي يتخذونها، وفرض الرأي بطريقة واضحة ومستفزة للغاية...واتوقع ان ينقلب عليم الشعب المصري الواعي...ولن يهمه هؤلاء المغرورون ، الذين اصبحوا يعقدوا الصفقات ويتكلموا باسم الشعب....وهم الان على وشك..الوصول الى نهايتهم بأييديهم...وان شاء الله لا المجلس العسكري ولا عصام شرف ينفعوهم....ولا من يمولهم من الخارج سيطيعوا التغلب على ارادة شعب مصر...بإذن الله

تم تعديل 12 يوليو 2011 بواسطة Abu Reem

[Abu Reem]

السلام عليكم و رحمة الله و بركاته

طب هو ايه العلاقة بين دكتور البرادعي ووزارة الداخلية؟؟؟

هو ممكن يبقي وزير خارجية معتبر....بس داخلية ليه و بناء علي ايه؟؟؟

سؤال

1- ليه منختارشي ناشط حقوقي يكون وزير للداخلية زي ما عملت تونس و كنا اتكلمنا عن الموضوع ده قبل كده....لو منفعشي ناشط حقوقي ليه ميكونشي حد من الداخلية ذات نفسيها بس يبقي في منطقة وسط كده بين الداخلية و المنظمات االحقوقية يعني فكره ميبقاش تفكير الداخلية المعتاد لكن برضه يبقي فيه فرصة للتغيير؟؟؟

السؤال الاهم

هو احنا هنقعد نختار الوزارة الجديدة؟؟؟

يعني هل الناس هيوصل بيها مرحلة انها تقول عايزين الوزير الفولاني و مش عايزين الوزير الترتاني؟؟

مش بتريق و الله

بس هل ممكن نوصل لدرجة من الشفافية و المشاركة للمرحلة دي؟؟؟

بحلم

يمكن ده خير

و الله اعلم

طيب ما نسأل بالعكس ، ولماذا لا يكون محمد البرادعي وزيرا للداخلية....ماذا يمنع..؟

- وايضا لماذا لا ينفع ناشط حقوقي ، الم ينادي بالحريات وتحقيق العدالة في المجتمع...

- ثم انه خريج حقوق...وهو تخصص يتناسب مع وزراة الداخلية ...فلم لا ؟؟

- اما لماذا اصبح الناس يختاروا وزراؤهم...فهذا سؤال...سهل ..ألم يختار الناس رئيس الوزراء نفسه بعد سقوط احمد شفيق ..فهل يعجزون عن ابدءا الرأي في اختيار الوزراء...لأنه من المفروض ان الشعب الان هو القائد...

يامو.........لماضة.....

قصدي يامودمازيل...لماضة ....هيه تمشي برده ...