اذهب إلى المحتوى
محاورات المصريين

ثورة الأخلاق


pink rose

Recommended Posts

قومنا بثورة على الظلم والطغيان و بفضل الله تمكنا من ازاحة الكابوس اللي كان جاثم على صدورنا

و افتكرت و افتكر كتير غيري اننا اتغيرنا

لكن للاسف نظرة سريعة على حياتنا و سلوكياتنا لا مش الكل اتغير

و محتاجين ثورة جديدة

ثورة اخلاق

ثورة تكون مهمتها نشر الفضيلة و الاخلاق الطيبة

جوزي حكالي موقف كان في مصر وماشي بالعربية و عطلت في الشارع و الحمدلله انها عطلت في جنب الشارع و في متسع للعربيات التانية تعدي جنبه

شغل الفلاشر و نازل يشوف مالها

و الا سواق تاكسي ورا ينزل و يتخانق معاه يقوله بطلت و التاني يقوله لا ما عطلتش دور و اطلع

جوزي يقوله عطلانة يا عم و الشارع واسع اهو تقدر تعدي و التاني دماغه والف سيف ان جوزي يدور و يطلع عشان هو يعدي و كان هايتهجم عليه لولا الناس اتلمت قام السواق ركب التاكسي بتاعه و عدى و كمل طريقه

الله هو فيه ايه

ادخلوا حضراتكم على اي بيج على الفيس و اقرأوا التعليقات تحت اي خبر فجأة الواحد بيحس انه دخل غرزة حشاشين و قعد وسطهم الفاظ نابية تعليقات في منتهى الوقاحة

ايه يا جماعة هو في ايه

لقيتني باطلع نفسي من صفحات كتير و بعدين قعدت مع نفسي و قولت طب لما ان اطلع و غيري يطلع هانسيب الناس دي هي اللي تفضل

هل دا يجوز ان المحترم هو اللي يسيب المكان و لا الوحش هو اللي المفروض يقل و يختفي

اللي محتاجين مجهودنا مش الناس اللي في الجوامع لا الناس اللي البارات مش الناس اللي على الصفحات الدينية لا الناس اللي على صفحات قلة الادب (بس انا ما اقدرش ادخل هناك ممكن اخوانا الرجالة يعملوا كده و يكون لهم الثواب )

دورنا اننا ندخل للناس دي و نحاول على اد ما نقدر اننا نساعدهم على مغالبة نفسهم على اد ما نقدر و ربنا يوفقنا مدام نيتنا خير

افتكرت حديث الرسول عليه الصلاة و السلام من رأي منكم منكرا فاليغيره بيده او بلسانه او بقلبه و هذا اضعف الايمان

طيب ما تيجوا نغير بلسانا

يمكن كلمتنا تأثر في واحد او اتنين او عشرة و يتوب اللي الله من افعاله

و لئن يهدى بك الله رجلا واحدا خير من حمر النعم

مش بس الهداية الدخول في الاسلام

الهداية ممكن تكون توبة عاصي

ممكن تكون عودة للاخلاق

انما الامم الاخلاق ما بقيت فان هم ذهبت اخلاقهم ذهبوا

فاكرين زما كان ببقى مكتوب على الكراريس بتاعتنا في المدرسة

اقوال مأثورة كده

او احاديث

النظافة من الايمان

قم للمعلم وفيه التبجيلا كاد المعلم ا يكون رسولا

و غيرها

كنا ممكن نكون مش فاهمينها لكن مع الوقت و تكررها رسخت في عقولنا

ما افتكرش ان حد فيا جيلنا يعني كان بيبجح في مدرسه صح و لا انا غلطانة

عموما عشان انا بقيت رغاية اليومين دول

الفكرة تتلخص في اننا

هانمسك كل اسبوع خلق معين و نجيب آيات قرآنية احاديث شريفة اصحاحات من الانجيل( و دي يساعدنا فيها اخوانا المسيحين) اقوال مأثورة حكم مشهورة عن الخلق دا و بكل بساطة احنا على اي بيج في الفيس نقوم حاطين التعليق دا

سهلة و مش هاتاخد منكم ثواني

بس ان شاء الله اكيد هاناخد ثواب و باخلاص النوايا ممكن ربنا يبارك في العمل الصغير و يكون له تأثير ايجابي كبير

دا لينك الثورة على الفيس

الدعوة للثورة مفتوحة للكل

اللي يحب يشارك معايا على الفيس بتجميع المواد اللي هانكتبها

صور فلاشات مادة مكتوبة

اهلا و مرحبا بيه

اللي يحب يساعدني ها بتجميع الحاجات دي و انا انقلها هناك يا مرحبا

اللي يحب يقدم افكار اقتراحات حتى دعوة طيبة

التوبيك مفتوح و قلبنا مفتوح للكل

تم تعديل بواسطة pink rose
رابط هذا التعليق
شارك

image%20(1).jpg

واحد يسألني و يقولي ليه يا كابتن بينك اختارتي تحطي موضوعك دا في انجازات المصريين

اقوله عشان لو قدرنا نساهم في عودة الاخلاق هايكون دا انجاز حقيقي للمصريين

منتظرة تعليقات حضراتكم و مداخلاتكم

رابط هذا التعليق
شارك

ها يا جماعة

محتاجة اقتراحاتكم

ابدأ الاسبوع دا بخلق ايه؟

ان شاء الله ناوية ابدأ كل جمعة بخلق جديد

و النهاردة اول يوم

اشيروا عليا اي خلق الاسبوع دا نبدأ بيه

مستنياكم

:give_rose:

رابط هذا التعليق
شارك

انتوا شايفين كده يعني

ابدأ بخلق الصدق

اوك نزولا على رغبة حضراتكم نبدأ بسم الله بخلق الصدق

بجد باحس كتير انكم بتساعدوني و تساندوني

و داالمتوقع منكم

جزاكم الله خير

طبعا هاتقولولي ريم اتجننت :blink:

بس اعمل ايه باوهم نفسي انكم معاياعشان ما اتضايقش

في موضوع احياء الليل قاعدة بارفع الموضوع كل يوم او واحدة من الاخوات الكرام لما كنت غايبة

الموضوع مفتوح من شهر بالظبط

و ولا حد قال سلامو عليكو انا بدأت معاكم

ما حدش بل ريقي غير استاذ تامر حسن الله يكرمه لما كتب انه و اسرته الكريمة صاموا يوم الخميس

عارفين مش مشكلة انا هاكمل لوحدي و ربنا يقدرني

و ان شاء الله يبارك

و برضو مش هايأس ان حد هنا ممكن يتعاون معايا

رابط هذا التعليق
شارك

جزاكى الله كل خير يا أخت بينك على مبادرتك

واكيد ندعمها بقوة

ونسأل الله أن يحسن خلقنا جميعا

ولكن يا أخت بينك روز لكى نصل للمستوى الذى يرضينا فى أخلاقياتنا كشعب مصرى بشكل خاص وشعب اسلامي بشكل عام

فيجب وجود شىء مهم جدا يا أخت بينك وهو القدوة

رسول الله صلى الله عليه وسلم أرسله الله على قوم ( جاهلية ) وكانوا فى قمة الانحدار الأخلاقى

ولكن لأنهم وجدوا القائد العظيم والقدوة الحسنة رسول الله صلى الله عليه وسلم خرج منهم الصحابة الذين نقتدى بهم حتى يومنا هذا

لا نريد أن نلقى باللوم كله على الشعب يا أخت بينك لأنه بالفعل يفتقد القدوة

فمثلا على مستوى الدولة

الموظف الصغير عندما يسرق فهو يسرق لأنه وجد مسئوله الرفيع يسرق ولا يعاقبه

الموظف الحكومي الذى يتعامل بغلظة مع المواطنين فهو يفعل ذلك لأنه يرى المسئول الكبير عندما يدخل لمكتبه أحد المواطنين البسطاء لرفع شكوى فإنه يزجره ويعامله بغلظة

الاعلامي الذى لا يتحرى الصدق فى اخباره ولا ينحاز للحق فهو لم يكن ليفعل ذلك إلا لأنه يعلم أن رئيس تحريره لن يعترض أو مثلا هو رأى رئيس تحريره فى بداية التحاقه بمهنة الاعلام يطلب منه أن يغطي حادثة ما بطريقة معينة وان يخفى حقائق منها

وامثلة كثيرة

القدوة شىء مهم جدا جدا فى مسالة الاخلاق يا أخت بينك

مطلوب القدوة على مستوى الدولة

مطلوب أن يكون الابوين قدوة حسنة للابناء على مستوى الأسرة

مطلوب أن يكون المدرسين قدوة حسنة للتلاميذ على مستوى المدرسة

فالقدوة او القائد يا أخت بينك شبهه احد علماء الاسلام بانه مثل الرقم (1) بجانب الأصفار

يعنى مثلا اذا أتيتي بمجموعة من الأصفار وليكن 6 اصفار بجانب بعضهم , هل يكون لهذا الرقم قيمة ؟؟

بالتاكيد لا ولو وصل عدد الأصفار لمليون صفر

ولكن لو أتيتى بجانب هذه الأصفار الستة بالرقم (1) فسيصبح الرقم مليون بعد ان كان بلا قيمة

الأصفار هى حالة الامة فى زمن الضعف

والرقم (1) هو القائد او القدوة الذى يرسله الله سبحانه وتعالى ليحول الامر من الحالة الصفرية الى الحالة الرقمية

أريدك يا أخت بينك روز جزاكى الله خير أن تدعى للاخلاق وفى نفس الوقت تبحثي لنا عن القدوة حتى تكون النتائج أكثر ابهارا

وتحياتي لشخصك الكريم

22a6e3c5-9edb-4f2a-8ffd-d5374f952097.jpg

رابط هذا التعليق
شارك

كل ما آجي أشارك يا ريم

ما الاقيش حاجة اكتبها

أصل ما ينفعش نخللي المريض يتبع نظام غذائي سليم

و هو لسه في غرفة الإنعاش

  • أعجبني 1

أعد شحن طاقتك

حدد وجهتك

و اطلق قواك

رابط هذا التعليق
شارك

التدهور الاقتصادي في مصر يوءدي لتدهور الاخلاق والقيم بشكل عام

مش عارفه انا شايفاه بالعكس

طالما ما فيش اخلاق دا هايؤدي لتدهور الوضع الاقتصادي

طالما ما فيش اخلاق يبقى في سرقة يبقى في غش يبقى في اهمال يبقى في اهدار للوقت

و الحاجات دي اللي بدورها هاتوصلنا لتدهور اقتصادي

رابط هذا التعليق
شارك

ما شاء الله عليكى يا مدام روز

بس الموضوع محتاج حملة شعبية مش منتدى

بس لو انا هاختار هاختار صفة الايثار

النظام السابف جعل الشعب يغيش كانه فى غابة اللى يقدر يسرق حاجة يسرقها

اللىيقدر ياحد حق اخيه ياخده

سبلصلح مصر اذا بدا كل مواطن بان يحب لاخيه ما يحب لنفسه

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

جزاكى الله كل خير يا أخت بينك على مبادرتك

واكيد ندعمها بقوة

ونسأل الله أن يحسن خلقنا جميعا

ولكن يا أخت بينك روز لكى نصل للمستوى الذى يرضينا فى أخلاقياتنا كشعب مصرى بشكل خاص وشعب اسلامي بشكل عام

فيجب وجود شىء مهم جدا يا أخت بينك وهو القدوة

رسول الله صلى الله عليه وسلم أرسله الله على قوم ( جاهلية ) وكانوا فى قمة الانحدار الأخلاقى

ولكن لأنهم وجدوا القائد العظيم والقدوة الحسنة رسول الله صلى الله عليه وسلم خرج منهم الصحابة الذين نقتدى بهم حتى يومنا هذا

لا نريد أن نلقى باللوم كله على الشعب يا أخت بينك لأنه بالفعل يفتقد القدوة

فمثلا على مستوى الدولة

الموظف الصغير عندما يسرق فهو يسرق لأنه وجد مسئوله الرفيع يسرق ولا يعاقبه

الموظف الحكومي الذى يتعامل بغلظة مع المواطنين فهو يفعل ذلك لأنه يرى المسئول الكبير عندما يدخل لمكتبه أحد المواطنين البسطاء لرفع شكوى فإنه يزجره ويعامله بغلظة

الاعلامي الذى لا يتحرى الصدق فى اخباره ولا ينحاز للحق فهو لم يكن ليفعل ذلك إلا لأنه يعلم أن رئيس تحريره لن يعترض أو مثلا هو رأى رئيس تحريره فى بداية التحاقه بمهنة الاعلام يطلب منه أن يغطي حادثة ما بطريقة معينة وان يخفى حقائق منها

وامثلة كثيرة

القدوة شىء مهم جدا جدا فى مسالة الاخلاق يا أخت بينك

مطلوب القدوة على مستوى الدولة

مطلوب أن يكون الابوين قدوة حسنة للابناء على مستوى الأسرة

مطلوب أن يكون المدرسين قدوة حسنة للتلاميذ على مستوى المدرسة

فالقدوة او القائد يا أخت بينك شبهه احد علماء الاسلام بانه مثل الرقم (1) بجانب الأصفار

يعنى مثلا اذا أتيتي بمجموعة من الأصفار وليكن 6 اصفار بجانب بعضهم , هل يكون لهذا الرقم قيمة ؟؟

بالتاكيد لا ولو وصل عدد الأصفار لمليون صفر

ولكن لو أتيتى بجانب هذه الأصفار الستة بالرقم (1) فسيصبح الرقم مليون بعد ان كان بلا قيمة

الأصفار هى حالة الامة فى زمن الضعف

والرقم (1) هو القائد او القدوة الذى يرسله الله سبحانه وتعالى ليحول الامر من الحالة الصفرية الى الحالة الرقمية

أريدك يا أخت بينك روز جزاكى الله خير أن تدعى للاخلاق وفى نفس الوقت تبحثي لنا عن القدوة حتى تكون النتائج أكثر ابهارا

وتحياتي لشخصك الكريم

جزاك الله خير اخي الفاضل ابراهيم

معلش في الاول عندي اختلاف بسيط مع حضرتك

حضرتك بتقول ان النبي عليه الصلاة و السلام جه و كان قدوة و دا اكيد طبعا

بس الرسول عليه الصلاة و السلام لما بعث كان عند العرب اخلاق موجودة بالفعل ما كانش في انهيار اخلاقي

بدليل قوله صلى الله عليه و سلم انما بعثت لاتمم مكارم الاخلاق

كان العرب عندهم الكرم عندهم الشجاعة عندهم النخوة و اخلاق كتير و بعث النبي ليتممها

بالنسبة لموضوع القدوة

حضرتك بتقول لازم الابوين يكونوا قدوة

لازم المدير يكون قدوة

طب ما انا و حضرتك آباء

حضرتك في شغلك و بيتك تكون قدوة

انا في بيتي و تعاملاتي في شغلي او في محيط عائلتي اكون قدوة

المقصود ان احنا ما نستناش نلاقي قدوة لازم احنا اللي نكونها

تحياتي لحضرتك

رابط هذا التعليق
شارك

كل ما آجي أشارك يا ريم

ما الاقيش حاجة اكتبها

أصل ما ينفعش نخللي المريض يتبع نظام غذائي سليم

و هو لسه في غرفة الإنعاش

حبيبتي عبير انتي كاتبة في توقيعك

من انت التغيير الذي تريده للعالم

يبقى ازاي مش لاقيه كلام تكتبيه

خاليني اقولك حاجه ليه ما نخليش الاخلاق جزء من كورس العلاج اللي بنقدمه للمريض

ايه رأيك؟

رابط هذا التعليق
شارك

الأخت بينك روز بعد التحية

أود بعد اذن حضرتك أرد على نقطتين وردت فى تعليقك

بدليل قوله صلى الله عليه و سلم انما بعثت لاتمم مكارم الاخلاق

المقصود بقول رسول الله صلى الله عليه وسلم ( بعثت لأتمم مكارم الاخلاق ) أى الاخلاق التى وردت فى الكتب السماوية التى نزل بها الرسل من قبله ولا يعني الحديث الاخلاق الموجودة فى العرب

بس الرسول عليه الصلاة و السلام لما بعث كان عند العرب اخلاق موجودة بالفعل ما كانش في انهيار اخلاقي

بدليل قوله صلى الله عليه و سلم انما بعثت لاتمم مكارم الاخلاق

كان العرب عندهم الكرم عندهم الشجاعة عندهم النخوة و اخلاق كتير و بعث النبي ليتممها

صحيح العرب كان عندهم النخوة والشجاعة والكرم واحترام الكلمة

ولكن كان هناك انهيار أخلاقى فى أمور أخرى

مثل انتشار الزنا وانتشار اختلاط الأنساب وشرب الخمر ولعب الميسر وشرب الدم ووأد البنات واستعباد الناس وانعدام حقوق الضعيف وغيرها من الاخلاقيات السيئة والتى قضى الرسول عليها لأنه كان قدوة حسنة صلى الله عليه وسلم

عموما أنا لا أريد الخروج عن موضوعك الجميل

ما رأيك أن تكون بدايتك بخلق الامانة ؟؟

فهو خلق نفتقده بشدة هذه الايام

وجزاكي الله خير عليه وان شاء الله سيؤتى اكله

تم تعديل بواسطة ابراهيم عبد العزيز

22a6e3c5-9edb-4f2a-8ffd-d5374f952097.jpg

رابط هذا التعليق
شارك

ما شاء الله عليكى يا مدام روز

بس الموضوع محتاج حملة شعبية مش منتدى

بس لو انا هاختار هاختار صفة الايثار

النظام السابف جعل الشعب يغيش كانه فى غابة اللى يقدر يسرق حاجة يسرقها

اللىيقدر ياحد حق اخيه ياخده

سبلصلح مصر اذا بدا كل مواطن بان يحب لاخيه ما يحب لنفسه

حملة شعبية؟؟؟؟؟؟؟؟؟؟

طب و احنا مين ما احنا الشعب

صدقني لو كل واحد فينا اشترك و اتجمعنا و اتجمعنا هانكبر و نزيد

لو كل واحد فينا اخد على عاتقه زي ما بيقولوا نشر الاخلاق هاتلاقي ناس كتير زيك

و هانكون قوة

هو يعني جروب خالد سعيد كان موجود قبل كده

بس الانتشار هو اللي كبره و خرج برة المنتديات و الفيس و بقى في الشارع و كان له دور في الثورة

تحياتي

  • أعجبني 1
رابط هذا التعليق
شارك

الأخت بينك روز بعد التحية

أود بعد اذن حضرتك أرد على نقطتين وردت فى تعليقك

بدليل قوله صلى الله عليه و سلم انما بعثت لاتمم مكارم الاخلاق

المقصود بقول رسول الله صلى الله عليه وسلم ( بعثت لأتمم مكارم الاخلاق ) أى الاخلاق التى وردت فى الكتب السماوية التى نزل بها الرسل من قبله ولا يعني الحديث الاخلاق الموجودة فى العرب

بس الرسول عليه الصلاة و السلام لما بعث كان عند العرب اخلاق موجودة بالفعل ما كانش في انهيار اخلاقي

بدليل قوله صلى الله عليه و سلم انما بعثت لاتمم مكارم الاخلاق

كان العرب عندهم الكرم عندهم الشجاعة عندهم النخوة و اخلاق كتير و بعث النبي ليتممها

صحيح العرب كان عندهم النخوة والشجاعة والكرم واحترام الكلمة

ولكن كان هناك انهيار أخلاقى فى أمور أخرى

مثل انتشار الزنا وانتشار اختلاط الأنساب وشرب الخمر ولعب الميسر وشرب الدم ووأد البنات واستعباد الناس وانعدام حقوق الضعيف وغيرها من الاخلاقيات السيئة والتى قضى الرسول عليها لأنه كان قدوة حسنة صلى الله عليه وسلم

عموما أنا لا أريد الخروج عن موضوعك الجميل

ما رأيك أن تكون بدايتك بخلق الامانة ؟؟

فهو خلق نفتقده بشدة هذه الايام

وجزاكي الله خير عليه وان شاء الله سيؤتى اكله

شرفتني يا فندم

ممكن بالنسبة للنقطة الاولى اكون انا فاهمة غلط و شكرا على التوضيح

اما بالنسبة للنقطة التانية

مش دا الواقع عندنا حاليا

في اخلاق و ناس محترمة كتير

و في ناس مش محترمة و في اخلاقيات وحشة

يعني ما احناش ميــــح اخلاق

و دا يساعدنا كتير في موضوعنا دا

المهم اننا ما نستناش حد نبدأ احنا بنفسنا و ننشر الاخلاق الطيبة

و باخلاص النية هاتلاقي ربنا بيساعدك و يفتحلك ابواب كتير ما كنتش تتخيلها

وافر الاحترام

رابط هذا التعليق
شارك

كل ما آجي أشارك يا ريم

ما الاقيش حاجة اكتبها

أصل ما ينفعش نخللي المريض يتبع نظام غذائي سليم

و هو لسه في غرفة الإنعاش

حبيبتي عبير انتي كاتبة في توقيعك

من انت التغيير الذي تريده للعالم

يبقى ازاي مش لاقيه كلام تكتبيه

خاليني اقولك حاجه ليه ما نخليش الاخلاق جزء من كورس العلاج اللي بنقدمه للمريض

ايه رأيك؟

لسه يا ريم

المريض متعلق له محاليل

لا بد من انقاذ حياته أولا

و بعدين نبتدي العلاج

أعد شحن طاقتك

حدد وجهتك

و اطلق قواك

رابط هذا التعليق
شارك

الثورة علي النظام والنجاح في تغييره مش هيغير اخلاق الشعب لازم مواكبه نهضه اقتصاديه تجعل المستقبل افضل للشباب علشان تظهر اخلاق الشعب المصري النبيله

رابط هذا التعليق
شارك

كل ما آجي أشارك يا ريم

ما الاقيش حاجة اكتبها

أصل ما ينفعش نخللي المريض يتبع نظام غذائي سليم

و هو لسه في غرفة الإنعاش

حبيبتي عبير انتي كاتبة في توقيعك

من انت التغيير الذي تريده للعالم

يبقى ازاي مش لاقيه كلام تكتبيه

خاليني اقولك حاجه ليه ما نخليش الاخلاق جزء من كورس العلاج اللي بنقدمه للمريض

ايه رأيك؟

لسه يا ريم

المريض متعلق له محاليل

لا بد من انقاذ حياته أولا

و بعدين نبتدي العلاج

انتي النهاردة مش انتي

يمكن بكرة يجي و ترجعي انتي انتي

فاهمة حاجه

يا رب تكوني فاهماني

خدي دول شمي فيهم و هاتبقى زي الفل

:give_rose: :give_rose: :give_rose:

بصي في وشوش ولادك و هاتلاقي ربنا بعتلك طاقة امل كبيرة

رابط هذا التعليق
شارك

لما زوجي مش أهلي اللي بعيد

يتهمني إني ضد الدين و ليبرالية علمانية و كارهة للشرع

يبقى لازم ما أبقاش أنا يا ريم

لما الفتنة توصل لحد بيتي و شريك حياتي اللي معاشرني من 12 سنة

يبقى فاضل إيه ؟؟

لا حول و لا قوة إلا بالله

على فكرة زوجي مش متابع المحاورات بالمرة

ده بس المبدأ اللي ماشي دلوقت

لو ما انتاش معانا تبقى علينا

أعد شحن طاقتك

حدد وجهتك

و اطلق قواك

رابط هذا التعليق
شارك

لما زوجي مش أهلي اللي بعيد

يتهمني إني ضد الدين و ليبرالية علمانية و كارهة للشرع

يبقى لازم ما أبقاش أنا يا ريم

لما الفتنة توصل لحد بيتي و شريك حياتي اللي معاشرني من 12 سنة

يبقى فاضل إيه ؟؟

لا حول و لا قوة إلا بالله

على فكرة زوجي مش متابع المحاورات بالمرة

ده بس المبدأ اللي ماشي دلوقت

لو ما انتاش معانا تبقى علينا

عااااااااااادي

ما انا جوزي كان ضد الثورة

و انا بموافقتي ليها باخرب البلد و ....... و ,,,,,,, و انتي عارفه باقي الرصة

و يوم ما اتنحى المتنحي حسسني ان ابوه مات

عادي يعني دا ما غيرش من قناعتي و لا كنت عاملة زيك كده

لان اللي بيني و بينه ما يروحش عشان اختلاف في الآراء

و اكيد ان شاء الله انتوا كده كمان

استهدي بالله و روقي

و حاولي لو ينفع تغيروا جو شوية

كبريها تكبر صغيرها تصغر

و على رأي زكية زكريا كشكشيها ما تعرضيهاش

روقي يا ست روقي

الله يصلحلك حالك و حالنا

اللهم آمين

رابط هذا التعليق
شارك

يا ريم انا مش زعلانة من زوجي

انا مرعوبة من الخلاف و الفرقة اللي بتدب بيننا و بين أقرب الناس

و سيادة مبدا اللي مش معانا يبقى علينا

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...