عندي احساس اننا بيتنصب علينا ...و نصبه مش صغيره ابدا

[لماضة مصرية جدا]

السلام عليكم و رحمة الله و بركاته

معلشي يا جماعة علشان انا فهمي علي ادي

ممكن حد يقولي

هي اللجان اللي اتشكلت من ساعة الثورة بتاعت لجنة تقصي الحقائق لموقعة الجمل

و لجنة استرداد الفلوس المنهوبة وصلت لحد فين

هو ليه محدش بيقولنا حكاية الفلوس دي رسيت علي ايه؟؟؟

مش قصدي انهم يعني يطلعونا علي التفاصيل

بس مش المفروض برضه يبقي كل فترة يفهموا الناس الابديت

انا و الله معنديش مشكلة ان الناس تطلع تقول

لا منفعشي علشان الفلوس كانت مستخبية في المرتبة و متخيط عليها غرزة البطانية

بس حد يقولنا

لسه فيه ملاحقة.....و لا ايه؟؟؟

[MZohairy]

و الله حتى لو قالولنا معلش سامحونا كنا بنكذب عليكم علشان كنا مضطرين لكده لإرغام مبارك على التنحي ..و الله ممكن نعذرهم و نسامحهم و عفا الله عما سلف و نبتدي صفحه جديده نضيفه شفافه مليانه ثقه متبادله

انما كده صعب ان حد يقتنع باللي بيحصل

و الله العظيم تلاته انا نفسي اصدق و نفسي اقتنع و نفسي تكون العلاقه محترمه مع المجلس العسكري....بس مش قادر

و حتى المستفيدين من الوضع الحالي و الوضع القادم كمان مش مصدقين بس عاملين مصدقين علشان الاستفاده المحتمله المستقبليه

[MZohairy]

طب الاهم من كده

ايه فايدة الإنتخابات اذا تمت تحت اشراف مساعدي العادلي و تلاميذه و القائمه المعروفه من الظباط اللي ذكرنا جزء منها قبل كده؟

و تحت اشراف قضاه شاركوا في التزويرات السابقه و ما زالوا في مناصبهم؟؟؟

صباح الخير

[لماضة مصرية جدا]

و الله العظيم تلاته انا نفسي اصدق و نفسي اقتنع و نفسي تكون العلاقه محترمه مع المجلس العسكري....بس مش قادر

و حتى المستفيدين من الوضع الحالي و الوضع القادم كمان مش مصدقين بس عاملين مصدقين علشان الاستفاده المحتمله المستقبليه

ما هو ده اللي عمالين نقوله و نزعق بيه

و لما نتكلم الناس تقولنا

خربتوا البلد و هتخربوها

و هتغرقوها

و حاجات كتير كدهمش بفهم منها حاجة

المواطن البسيط العادي

قدامنا 3 ملفات

الداخلية

الاعلام

محاكمة الفاسدين

ايه اللي حصل فيهم من 11 فبراير؟؟؟

[ابراهيم عبد العزيز]

طب الاهم من كده

ايه فايدة الإنتخابات اذا تمت تحت اشراف مساعدي العادلي و تلاميذه و القائمه المعروفه من الظباط اللي ذكرنا جزء منها قبل كده؟

و تحت اشراف قضاه شاركوا في التزويرات السابقه و ما زالوا في مناصبهم؟؟؟

صباح الخير

ستكون نفس النتيجة يا اخ محمد زهيري

فجميع الادوات التى كان النظام البائد يستخدمها فى الانتخابات لتحقيق نتائج يريدها مازالت موجودة , وانت تفضلت بسردها

حتى المجالس المحلية رأينا استماتة على المحافظة عليها وكأن الهدف ان يتم عقد الانتخابات فى ظل وجود هذه المحليات لاداء ادوار معينة

صباح النور يا استاذ محمد