اذهب إلى المحتوى
محاورات المصريين

أسئلة مشروعة


raouf

Recommended Posts

انا قرات الاسئلة بس للاسف لقيتها صعبة ممكن حد يرد على الكاتبة

كتبتها صافيناز سليمان ونشرها الكاتب الصحفى عمر طاهر

...

...س1: ما معنى أن يطلع فى التليفزيون شخص ما يقول للمصريين إيه دخل ربنا فى السياسة؟

س2: ليه كل وسائل الإعلام مابتستضيفش ذوى الفكر السياسى الدينى إلا علشان تحرجهم وتتصيد لهم الأخطاء؟

س3: إزاى سيدنا محمد بيقول لو أن فاطمة سرقت لقطعت يدها ولسه فيه ناس بتقول حرام عليكم سيبوا حسنى مبارك؟

س4: إذا كانت الدولة الإسلامية دولة فاشلة على مر العصور زى ما بيقول علاء الأسوانى، طيب إيه نموذج الدولة المدنية العلمانية العظيمة اللى هانعمل زيها؟

س5: ليه أيام الاستفتاء كنتوا بتتكلموا عن الديمقراطية وبعد النتيجة كله طلع يقول إن مصر كلها جهلة؟

س6: ليه لما أقول رأيى لازم الأول أحلف إنى مش من الإخوان ولا السلفيين؟

س7 :ليه الإعلام رسخ فى نفوس الأطفال والمراهقين والمسيحيين إنك لو شفت واحد ملتحى ولابس جلابية قصيرة أو واحدة منقبة أجرى (على فكرة أنا مش منقبة)؟

س8: ليه كل أفلام عادل إمام (وهو من له من التكريم أكتر من أى عالم أو مفكر أو رجل دين) لازم بيقى فيها واحد ملتحى أهبل أو حرامى أو متطرف ؟

س9: ليه كل شوية بنشوف كلمة الشيخ الشعراوى الثائر الحق ومش بنشوف وجهة نظره فى العلمانية وهى موجودة ومنتشرة على الإنترنت؟

س10: ليه الخمستاشر عشرين واحد اللى فى كل التليفزيونات والجرايد والندوات بيحاولوا بالعافية يوصلوا إن رأيهم بس هو اللى صح، ومع كده بيقولوا إنهم ضد الديكتاتورية ومع الديمقراطية؟

س11: ليه الإعلام بيرسخ إن الاسلام واللى هما مايعرفوش عنه غير الإخوان والسلفيين معناه قطع اليد؟ هى ليه الناس خايفة من قطع اليد؟ إنت بتسرق؟

س12: ليه واحد نسى يحلق دقنه الصبح ونزل خطف شنطة واحدة ماشية فى الشارع تتكتب بكرة فى الجرنال: سلفى يروع الآمنين فى الشارع؟

س13: ليه من حق شخص أو مجموعة من الأشخاص إنهم يقرروا لنا نعيش إزاى لكن ربنا مش من حقه؟

س14: ليه الناس اللى بتقول قال الله وقال الرسول تبقى مضطهدة فى عصر مبارك وبعد الثورة أيضا؟

س15: ليه الناس خايفة من الدين ومش خايفة من العقل البشرى؟

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

غريبة 28 مشاهدة وولا حد جاوب على اى سؤال

الظاهر انها فعلا صعبة

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

عارف لية يا عزيزى ...لانك غير مصنف يعنى لو حد تانى مثلآ كتب ما تم نقلة مثلك لتم الرد وبعدين اصبر يمكن المانع خير ...

ردى بقى هو يتلخص فى كلمتين .. ليس لدينا نخبة حقيقية من المثقفين بل لدينا نخبة من اللصوص والمتكبرين والارزاق على الله ههههههههههههههه قابل ياريس رؤوف

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...