كل سنة وأنا طيبة...عيد ميلادي التاسع و الثلاثون!

[عبير يونس]

طبعا خفت تقطعوا بعض على مين يفتح موضوع تهنئة

فدرءً للمشاكل

قررت افتحه أنا

ههههههههههه

مصرية متغربة:

كل سنة و أنتي طيبة يا مصرصر و عمر مديد مليء بالطاعات آمين

مصرية متغربة:

و انتي طيبة يا حبيبتي

اتفضلوا

متخافوش أنا لسه بعقلي

أنا بس حبيت أقدم لحضراتكم رسالة

أبدأ بيها سنة جديدة من عمري

ما تستناش السعادة تخبط عليك

اسعد نفسك

انبسط قد ما تقدر

حتى لو محدش دق بابك

تقدر تبقى سعيد

و سعادتك اللي حتسمحلها تتحرك جواك

هي اللي حتجذب كل ما يسعدك

و تلاقي حبايبك حواليك

بدل ما تنتظر

بادر

مش مهم أبدا مين اللي يبدأ

في حاجة انت عاوزها و واثق انها حتسعدك

تحياتي لكم جميعا

سعيدة حد السما

اني في وسطيكم

و كل سنة وحضراتكم بخير

[Alrefaey]

كل سنة وحضرتك بخير

[عبير يونس]

كل سنة وحضرتك بخير

و حضرتك بخير يافندم

[ذهبية]

كل سنة و انتى طيبة

:waving: :waving: :waving:

يارب يديك العمر الطويل تسعدى بية فى وسط اسرتك

وتكون السنة الجديدة من عمرك احلى فى الطاعة و حب الله وعمل الخير

ملاحظة على جنب

احييك على شجاعتك فى ذكر السن الحقيقى

[rewsha]

تصدقي ان فكرتيني بنفسي

يوم عيد ميلادي انا اللي فتحت توبيك باهني فيه نفسي برضو

وقعدت اوزع جاتوه وبيبسي قدددد كده

علشان الم الزباين ....قصدي المعازيم :happy:

كل سنه وانتي طيبه ويارب السنه دي تحققي كل اللي بتتمنيه

[pink rose]

كل سنة و انتي طيبة يا مصرية

سنة جديدة يا رب تكون عليكي سعيدة

و تحققي فيها كل اللي بتتمنيه

[م تيمور المراغي]

كل سنه وانت طيبه يا ست الكل ,,

و انت اول واحده تقول عن سنها بقوة كده ولا همها

عقبال 199 سنه ان شاء الله :happy:

في فرحة وسعادة ولا هناء لا يوصف ,,

[عبير يونس]

كل سنة و انتى طيبة

:waving: :waving: :waving:

يارب يديك العمر الطويل تسعدى بية فى وسط اسرتك

وتكون السنة الجديدة من عمرك احلى فى الطاعة و حب الله وعمل الخير

ملاحظة على جنب

احييك على شجاعتك فى ذكر السن الحقيقى

الله يكرمك يا قمر على الدعوات الحلوة دي

ربنا يجعل لك نصيب منها

آمين

اما فيما يتعلق بموضوع السن

احم احم

المسألة لا تحتاج إلى شجاعة

تحتاج إلى رضا عن الذات

و حب للحياة

و ايه يعني لما ابقى 50

و 70 كمان؟؟؟

حأبقى عجوزة يعني؟؟

العجز ده بيبتدي جوانا قبل ما يظهر على وشوشنا

تعرفي يا ذهبية

مامتي لحد سن 63 مكانش في وشها أي تجاعيد

و كان وشها منور زي البدر و اللي يشوفها يقول أختي

كنا بنلبس زي بعض

لما بابا اتوفى

و بعد مرور سنة واحدة

وشها كرمش و تقولي عندها 90 سنة

عشان هي اللي اختارت كده

هي حست ان حياتها خلاص مبقلهاش قيمة بعد رحيل بابا

فلما عجزّت من جواها ظهر عليها من برة

لما الحياة بتموت جوانا

بنعجّز

حتى لو كان العمر في البطاقة تحت العشرين

احنا ليه فاكرين ان التقدم في العمر مشكلة؟

التقدم في العمر

يعني زيادة خبرات

و مهارات

العقل بيفتح أكتر

و قدرتنا على مواجهة تحديات الحياة كمان بتكبر

ليه بنخاف نكبر؟؟؟

دي مجرد برمجة

فلنتخلص منها

و لنسمتع بالحياة

و لنحمد الله تعالى على نعمة الحياة

بكل ما تحتويه

كل يوم جديد ... أمل جديد

[عبير يونس]

روشة هانم كعب الغزال

ميرسي يا حبيبتي

على دعواتك الحلوة

:wub:

و طمنيني

لميتي معازيم ؟؟:unsure:

و يا ترى الهدايا اللي لمتيها غطت تكاليف البوفيه؟؟؟

لازم نفكر زي المليونيرات يا قمر

;)

ريمو هانم كعب الغزال

ميرسي يا قمر

تورتة جنان

يارب يكرمك

و تفتحي محل حلواني قد الدنيا

يتحاكوا عليه في العالم كله

آمين

أخي الفاضل تيمور

ميرسي على التهنئة

و الدعوات الحلوة

[بركة]

ما انا روحتلك هناك وهناكهم وسيبتلهم هناهم

حد فاهم حاجة

كل سنة وانت جميلة وسعيدة ومشرقة

كل سنة وانت الاخت العزيزة

كل سنة وانت العقل والحكمة والنضج

قوليلنا بقا حاسسة ان ايه فيكي اتغير السنة دي ؟

[Damo]

هااابييييي بيرثداااااي :waving: :loll:

عقبال مليوووووون سنة

[باهى الطائر الحزين]

كل سنه وانتِ فى طاعه،، محبه لقرآة القرآن وسماعه

[Howayda Ismail]

معلش يامصرية

والله كنت ناوية افتح لك انا توبيك التهنئة

بس ياختى اصل عندنا كمبيوتر واحد بنخمسوا فيه انا والعيال وميعاد ورديتى كان فات

وعشان اقوم فصلوا عنى الراوتر ههههههههههه

كل سنة وانت طيبة يااجمل فيلسوفة عرفتها

كل سنة وانت فى سعادة وهنا وقاعدة معانا هنا

كل سنة وانت محققة احلامك وفرحانة بولادك

كل سنة و انت طيبة يااااااااااااااااااااامصرية

[Om Zayd]

السلام عليكم و رحمة الله و بركاته

سنة جديدة سعيدة عليكم جميعا

و آدي مفكرة جدييييييدة خالص

عايزينك تمليها فرح و تأملات

[عبير يونس]

بركة البركة

ربنا يكرمك يا حبيبتي

و يسعد قلبك يارب

انتي أختي و حبيبتي فعلا

ربنا يديم اخوتنا في الله

آمين

اتغيّر فيا السنة دي حاجات كتييييييييييير

متهيألي انتو كمان شايفينها معايا

أهمها

اني عرفت سر التغيير

لاقيت فانوسي السحري

عقبالكم كلكم لما تلاقوه

آمين

دامو حبيبة قلبي

عصفورة المحاورات

ربنا يسعدك يارب

و يكتب لك الخير كله عاجله و آجله

أخي الطائر مُحب الياسمين

دعوة حلوة جدا

أشكرك عليها من كل قلبي

اللهم اجعل لك حظا منها

آمين

[عبير يونس]

هنودة الغالية اوي

دمك زي العسل

عجبتني حكاية بتخمسوا في الكومبيوتر دي

ههههههههههه

و ميرسي يا حبيبتي على كلامك الحلو ده

و السجع الجميل

ربنا ما يحرمني منك يارب

و يبارك لك في زوجك و أولادك

و خصوصا بنتنا آيات ربنا يحميها

آمين

أم زيد الغالية اوي

ميرسي يا حبيبتي

و هدية جميلة اوي المفكرة دي

ربنا يملأ أيامك كلها بالفرح

و يبارك لك في زيد الغالي

و تفرحي بيه و تقري عينا

[شرف الدين]

بسم الله الرحمن الرحيم

كل سنة وانتي طيبة

إن شاء الله تكون سنة جديدة مليانة بالخير والسعادة والجمال

كل عام وأنتم إلى الله أقرب.

[عبير يونس]

بسم الله الرحمن الرحيم

كل سنة وانتي طيبة

إن شاء الله تكون سنة جديدة مليانة بالخير والسعادة والجمال

كل عام وأنتم إلى الله أقرب.

و حضرتك طيب يا فندم

و جزاك الله كل خير على الدعاء

[Alshiekh]

طبعا بما ان ده عيد ميلاد مصرية متغربة

وبما انها كانت عاملة حسابها ومحضرة التورتات والمشروبات والسنديتشات

يبقى أنا قلت اجيب لها حاجة تانية تليق بأحلى عيد ميلاد لاحلى مصرية مغتربة في المنتدى

http://www.youtube.com/watch?v=U2ZYXqpaMLk

[عبير يونس]

ميرسي جدا يا أستاذي و والدي الغالي أستاذ محمد

و جودي مع حضراتكم هو أحلى حاجة حياتي

انتو بجد عائلتي

ربنا يديم عليّ نعمة تواجدي بين حضراتكم