كيف نربي أبناء متميزين How Good Parents Raise Great Kids

[عبير يونس]

كتاب كنت قد قرأته منذ سنوات

حقيقة كتاب رائع

و للدهشة

فإن ما نسعى لتوفيره لأبناءنا ليس إطلاقا هو المطلوب لجعلهم متميزون!!!

فالكتاب عبارة عن بحث على عينة كبيرة و عشوائية في المجتمع الأمريكي

على مختلف المستويات المادية

و الاجتماعية

و حتى من يأتون من Broken Homes

ممن انفصل أبويهم

أو حتى كان أحد الوالدين غير سليم نفسيا

فقد تقوم جدة أو خالة مثلا بهذا الدور

و ينشأ الطفل متميزا

الكتاب يبحث في الأسباب الحقيقية للتميز

في عالمنا العربي

نحرص أن نعطي لأبنائنا ما حّرمنا منه

و في سبيل لك قد نحرمهم من تواجدنا معهم

ليخبرونا عن تجاربهم الصغيرة

التي نتعلم منها أكثر مما نعلمهم

الأبناء ... ثروة بشرية متميزة جدا

فنحن نراهم منذ ولادتهم و نرى تطور حياتهم

بشكل لا يتسنى لنا مع غيرهم

نشهد صناعتهم و صياغتهم

التي بلا شك لنا فيها أثر كبير

لو تحبوا حضراتكم ممكن نتناقش في الكتاب

:)

[pink rose]

مش محتاج سؤال يا مصرية

طبعا نحب

و معلش لو ما لقيتيش تفاعل كبير من الافاضل الزملاء هنا

لانهم مش فاضيين قاعدين يقطعوا في بعض بالاتهامات

انت علماني

انت ليبرالي

انت سلفي

انت اخوان

و للاسف ناسيين انهم في الاول و الاخر مصريين و انها محتاجاهم كلهم

ربنا يهدي

كملي موضوعك دا يا مصرية لانه فعلا يهمني

و يا ريتك تكملي موضوعك بتاع المليونيرات كمان

و باشكرك انك بتحاولي تغيري من المود السائد في المحاورات

[عبير يونس]

ميرسي يا حبيبتي على التفاعل

طب والله العظيم إنك انتي تحديدا جيتي على بالي و أنا بأكتب

خصوصا انك ما شاء الله بتهتمي اوي بمريومة ربنا يباركلك فيها

و لو كل الامهات زيك

أكيد ولادنا حيبقوا متميزين فعلا

و متخافيش مش ناسية موضوع المليونيرات

أنا بس انشغلت شوية

عشان الولاد خلاص أخدوا الأجازة الصيفية

و الطلبات ما شاء الله نازلة ترف صباحا و مساء

:closedeyes:

و زوجي الغالي مشغول جدا الاسبوعين دول

فكل حاجة على دماغي وحدي يافندم

و لا عارفين نخرج و لا نزور و لا نتزار

المهم

انه هو حياخد أجازة

و انا حأخلص أجازتي

:sad:

[بركة]

شدي حيلك يا مصرية انا بكلم نفسي من العيال خلاص

والغربة مش مخلياهم عايشين في بيئة طبيعية

[pink rose]

الله يكرمك

دا انا امبارح كان هايجلي شلل بسبب مريومة دي

بس طبعا مش هي اللي غلطانة انا اللي غلطانة

اختي حملتلي شوية افلام كرتون كده جملة واحدة

و للاسف حطيتهم على الكومبيوتر بتاع مريم بدون ما اشوفهم

اكتفيت بس بالاسامي و كانوا افلام كرتون قديمة بندق و مش عارفه ايه

مش من الافلام اللي فيها علاقات حب و كلمات انا ما اقدرش اقولها

المهم انا لاقياها اليومين دول بتتكلم معايا بطريقة فوقية شوية و فيها حدة

المهم قولتلها امبارح افتحي لما نتفرج على فيلم سوا

و صعقت من الفيلم

المفروض بندق دا عنده ابن

اتفرجي على الابن بيتكلم مع باباه ازاي

اخلاق غيرنا نهااااااااااااائي

قولت اشوف رأيها ايه في طريقة المعاملة لقيتها بتقولي هو غلطان بس باباه هو السبب و بتدافع عن الابن جدا

مع ان احنا ككبار لو بصينا للفيلم هانفهم ان باباه كان معاه حق من حبه فيه عاوز يكون جنبه اطول وقت ممكن و يسانده بس الابن فهمها انه تدخل في شؤنه و في الاخر الابن تفهم الموقف كالعادة اننا بنفهم الحاجات دي متأخر

طبعا قعدنا نتناقش كتير فيه

المهم اتفقت معاها انها تفتح بس الافلام اللي انا شوفتها و ما فيش قلق منها لحد ما اشوف الباقي و افلترهم

و الله كنت عاوزة افتح توبيك عن الموضوع دا

بس بصراحة لقيتني هاكلم نفسي زي موضوع رمضان قرب يجي

حسيت اننا قربنا نلغي كل حاجه حلوة من حياتنا بسبب السياسة و غمها

[hanzmolar]

يا ريت لو حد عنده لنك للكتاب ده. انا بدور عليه من الصبح و مش عارف أجيبه. كل اللى لقيته sample

[عبير يونس]

نبدأ على بركة الله

كما أسلفت أن الكتاب يبحث في أسرار تميز الأطفال والمراهقين

من شرائح مختلفة ماديا و اجتماعيا و عرقيا

فالمجتمع الأمريكي يجمع أعراقا متعددة

لازالوا - رغم انخراطهم في المجتمع - محتفطين بعاداتهم و قيمهم

الكتاب يتضمن عشرات القصص

كما يرويها أصحابها عن تجاربهم في التعامل مع أبنائهم

و يبوب تلك القصص في ستة فصول

أو ستة أشياء لا بد أن نمنحها لأبنائنا

هي:

التواصل

Communicate

تشجيع التطور الفكري

Encourage Intellectual Development

الانضباط

Discipline

توطيد الاعتداد بالذات

Install Self-Esteem

تعليم القيم

Teach Values

تشجيع التواصل الاجتماعي

Support Socialization

[المهندسه]

ارجوووووكى يا مصريه تكملى ...لانى مهتمه جدا جدا جدا ...بالموضوع ده و كنت بدور من فتره عن اى حاجه على

النت تفيدنى....خصوصا ان ليلى بنتى الكبيره ....شخصيتها متعبه اوى اوى..منطويه و بعيده عنى انا و ابوها

وواخده جنب اوى مننا فى البيت مع ان مع الناس بره بتتواصل بشكل مذهل و بخصوص التمييز موضوع الحوار...كتير بحس

ان فى امل فيها ..لكن ...لو عرفت المفتاح ال ادخل به لها ...او الطريقه الواجب اتباعها

والله تعبانه جدا معها فى كل شىءلدرجه انى فكرت اروح لدكتور طب نفسى ..هو ال يقوللى اعمل ايه معاها

انا شايفه ان الكتاب ده ...ممكن نلاقى فى حالات مشابهه لبنتى ..من الانطواء و العزله...

ياريت تكملى الحوار و على رأى ريمو لو مالاقتيش تواصل من الاعضاء ياريت برضه تكملى ..لانه يهمنى

انا و ريمو جداا..و ربنا يباركلك يارب

[لونا]

موضوع مهم جدًا و جميل يا مصرية

يا رب بس ألحق أتابعه لأني قربت أسافر

[Obied Allah]

الموضوع جميل جدا وانا بسجل متابعة بيه

انا لسه متجوزتش اصلا بس مهتم جدا بالتربية السليمة, وكنت بدًور على كتاب عشان اديه لخطيبتى عشان الموضوع ده فعلا مهم جدا

وكًملى على بركة الله , كلنا معاكى وربنا يجزيكِ خيرا عنا جميعا وربنا يعينك ان شاء الله

[شيماء حمدين]

الموضوع فعلا مهم وكلنا محتاجين نقرأ ونتناقش فى موضوع التربيه السليمه

ربنا يعينك يا مصريه لانى كل عنوان عنصر كتبتيه محتاج مجهود عالى جدا مننا عشان نقدر نعمل به او نطبقه لكى نصنع من ابنائنا رجالا اسوياء نفسيا ومن بناتنا فتيات صالحاتواسوياء

انا بسجل متابعتى للموضوع وياريت يكون فيه نفاش على كل عنصر

[نورالعين]

متابعة جدا

وفقك الله مصرية