قائمة تجاهل للمداخلات

[pink rose]

هل في المنتدى هنا آلية معينة لاسقاط بعض المداخلات؟

يعني مثلا احط عندي (س) من الاعضاء في قائمة التجاهل

قوم مداخلاته في اي موضوع ما تظهرش عندي و انا باتصفح التوبيك

لو في الله يكرمكم قولولي اشغلها ازاي عندي

لو ما فيش الله يكرمكم برضو حاولوا تشوفلنا الموضوع دا

[se_ Elsyed]

يعني مثلا احط عندي (س) من الاعضاء في قائمة التجاهل

يعني سيبتي كل الخمسة وأربعين حرف بتوع حروف الهجاء ... ومالقيتيش إلا السين ؟

ربنا يسامحك يا بنك روس ( ريمو سابقاً )

[pink rose]

يعني سيبتي كل الخمسة وأربعين حرف بتوع حروف الهجاء ... ومالقيتيش إلا السين ؟

ربنا يسامحك يا بينك روز ( ريمو سابقاً )

يا نهار ابيض

مش ممكن اللي توقعته لقيته

كنت عارفه انك هاترد الرد دا و الله

و كتبت فعلا بين قوصين مش س س

و بعدين قولت لا عشان ما حدش يفكر اني باهزر و انا فعلا باتكلم في الموضوع دا جد

معلش يا سي س س

مش انت المقصود نوهااااااااائي في الحوار دا

انت سيبت فكرة الموضوع و مسكت في حرف السين كانه حكر على سعادتك

المهم في خاصية كده هنا و لا ما فيش

عشان في ناس ضغطها بيعلى من بعض المداخلات و انا منهم و بالتالي باحاول اشوف حل للمسألة دي غير اني اسيب المنتدى

[pink rose]

ما هو مش معقول الناس كلها تطفش من المنتدى

مش عشان جالك جار (************ ********** *********) و حط ما بين الاقواس اللي انت عاوزه تقوم تعزل من بيتك اللي انت بتحبه و عايش فيه من سنين

المفروض سكان العمارة يتجمعوا و يشوفلهم حلول تخليهم ما يتعاملوش و لا يحسوا بالجار دا كأنه غير موجود

و يبقى كده ارتحنا

تم تعديل 6 يونيو 2011 بواسطة Folana

[se_ Elsyed]

عشان في ناس ضغطها بيعلى من بعض المداخلات و انا منهم و بالتالي باحاول اشوف حل للمسألة دي غير اني اسيب المنتدى

طب ليه حرام عليكو

ليه بتكرهوا الراجل .. ليه ليه ؟

طب ممكن اهدي النفوس ونخمن مين هو أو هي ؟

--------

عامة إحنا عندنا خدمة 5 نجوم .... والخدمة إسمها " طنش تعيش "

لتفعيل الخدمة ..

كليك على إسمك ( إسمك إنت )

وأختار من القايمة فوق " ملف العضو "

وبعدين من على اليمين " تعديل قائمة التجاهل "

هايفتح لك شاشة عالشمال ويقول لك " أضف مستخدماً جديداً .. وتحتها مشاركات ورسائل خاصة كمان اللي هي المحادثات يعني إعدام ومسح بأستيكة ...

تروح كاتب سي السيد .. يبقى كده خلاص ... راح في الوبا

تم تعديل 6 يونيو 2011 بواسطة Folana

[Om Zayd]

السلام عليكم و رحمة الله و بركاته

شوفي يا بينك

جنب اسمك فوق فيه قايمة .. هتلاقي فيها

manage ignored users

بس انا مجربتهاش قبل كده

[المهندسه]

طيب يا ابو عمر مش كنت قولت من الاول على الخاصيه دى ...بدل الواحد ما بقاش يدخل المنتدى و لا يشارك علشان ضغطه ما يعلاش

المفروض ان احنا ندخل المنتدى علشان نرتاح شويه من قرف البيت و العيال مش علشان ضغطنا يعلى و يجيلنا السكر بدرى بدرى

يا استاذ س س شوفلك الحل الله يكرمك احسن يجى يوم و انت نفسك تطفش من حرقه الدم..و بعد شويه نقول ياااه كان فى منتدى اسمه محاورات المصريين

بس جاله الوبا بعيد عنكم و خد كل ال فيه ...

تم تعديل 6 يونيو 2011 بواسطة Folana

[pink rose]

يحيا العدل

يحيا العدل

الحمدلله تم المراد و تخلصت من المداخلات اللي مش عاوزة اشوفها

بس للاسف الحلو ما يكملش مش بتتشال من الاقتباسات بتاعت الاعضاء الاخرين

لذلك نهيب بالاخوة الافاضل عدم استعمال خاصية الاقتباس مع (ض) من الاعضاء

عشان الناس اللي زي حالاتي ضغطهم يتظبط

س س شاكرين مهللين

ام زيد ميرسي يا جميلة و على فكرة لازم تجربي الخاصية دي توووووووووحفة

[Alattar]

كليك على إسمك ( إسمك إنت )

وأختار من القايمة فوق " ملف العضو "

وبعدين من على اليمين " تعديل قائمة التجاهل "

هايفتح لك شاشة عالشمال ويقول لك " أضف مستخدماً جديداً .. وتحتها مشاركات ورسائل خاصة كمان اللي هي المحادثات يعني إعدام ومسح بأستيكة ...

السلام عليكم و رحمة الله و بركاته

شوفي يا بينك

جنب اسمك فوق فيه قايمة .. هتلاقي فيها

manage ignored users

بس انا مجربتهاش قبل كده

جزاكم الله خيرا علي التوضيح..أنا كنت متخيل انها لتجاهل الرسائل الواردة من أي عضو بس..ما كنتش أعرف انها للمشاركات كمان

و بعدين أنا من يوم ما أخذت الرخصة و أنا عارف ان فيه ناس كتير مش طايقاني عشان الواد المذعور اللي انا حاططه..و عمال يسوق و يصول و يجول في المنتدي ده..بس ان شاء الله قريبا هشيله لما ربنا يكرمني و أجيب عربية ان شاء الله..و ليكوا كلكوا طقم ساقع..و حبة مندي

[التونسى]

اعتقد يا بينك رغم التجاهل حتفضل المشكله موجوده... لانك ممكن تتخبطى فى مدخلاته فى حالة اقتباسها فى مدخلات الاعضاء الاخرين..وتقريها غصب عنك ..

[pink rose]

اعتقد يا بينك رغم التجاهل حتفضل المشكله موجوده... لانك ممكن تتخبطى فى مدخلاته فى حالة اقتباسها فى مدخلات الاعضاء الاخرين..وتقريها غصب عنك ..

ما انا عشان كده قولت الحلو ما يكملش

و باطالب الزملاء الافاضل

ارجوكم

ارجوكم

بلاش اقتباسات للمداخلات

و لنجعل شعار المرحلة

التجاهل مصلحتك اولا

تم تعديل 6 يونيو 2011 بواسطة Folana

[المهندسه]

كليك على إسمك ( إسمك إنت )

وأختار من القايمة فوق " ملف العضو "

وبعدين من على اليمين " تعديل قائمة التجاهل "

هايفتح لك شاشة عالشمال ويقول لك " أضف مستخدماً جديداً .. وتحتها مشاركات ورسائل خاصة كمان اللي هي المحادثات يعني إعدام ومسح بأستيكة ...

السلام عليكم و رحمة الله و بركاته

شوفي يا بينك

جنب اسمك فوق فيه قايمة .. هتلاقي فيها

manage ignored users

بس انا مجربتهاش قبل كده

جزاكم الله خيرا علي التوضيح..أنا كنت متخيل انها لتجاهل الرسائل الواردة من أي عضو بس..ما كنتش أعرف انها للمشاركات كمان

و بعدين أنا من يوم ما أخذت الرخصة و أنا عارف ان فيه ناس كتير مش طايقاني عشان الواد المذعور اللي انا حاططه..و عمال يسوق و يصول و يجول في المنتدي ده..بس ان شاء الله قريبا هشيله لما ربنا يكرمني و أجيب عربية ان شاء الله..و ليكوا كلكوا طقم ساقع..و حبة مندي

معلش ردى خارج المووع ذاته ...بس كنت عاوزه اقولك يا عطار ان الصوره حلوه جدااا

[tarek hassan]

يحيا العدل

يحيا العدل

بس للاسف الحلو ما يكملش مش بتتشال من الاقتباسات بتاعت الاعضاء الاخرين

لذلك نهيب بالاخوة الافاضل عدم استعمال خاصية الاقتباس مع (ض) من الاعضاء

عشان الناس اللي زي حالاتي ضغطهم يتظبط

س س شاكرين مهللين

ام زيد ميرسي يا جميلة و على فكرة لازم تجربي الخاصية دي توووووووووحفة

مين ضاد دا يا جماعة

والله أنا شاكك في نفسي أصل أنا بعد الضاد عالطول يعني بعد ما أنا دخلت الموضوع ده أصبح الشخص ده موجود هنا ولا بالطبع لاء

تم تعديل 6 يونيو 2011 بواسطة Folana

[pink rose]

يحيا العدل

يحيا العدل

بس للاسف الحلو ما يكملش مش بتتشال من الاقتباسات بتاعت الاعضاء الاخرين

لذلك نهيب بالاخوة الافاضل عدم استعمال خاصية الاقتباس مع (ض) من الاعضاء

عشان الناس اللي زي حالاتي ضغطهم يتظبط

س س شاكرين مهللين

ام زيد ميرسي يا جميلة و على فكرة لازم تجربي الخاصية دي توووووووووحفة

مين ضاد دا يا جماعة

والله أنا شاكك في نفسي أصل أنا بعد الضاد عالطول يعني بعد ما أنا دخلت الموضوع ده أصبح الشخص ده موجود هنا ولا بالطبع لاء

انتوا هاتحيروني ليه يا جماعة

اقول س يزعل س س

اقول ض اخونا طارق يقول انا بعد الضاد

عموما انا قولت ض لانه حرف تقيل على القلب كده

رجاء حار لحضرتك يا استاذ طارق انت بالذات بلاش اقتباسات للمداخلات المستفزة

[Folana]

السلام عليكم ورحمة الله..

الإخوة الأعزاء..

بعد إذن حضراتكم ..قمت بحذف بعض الكلمات التى يمكن اعتبارها خارجة عن سياق الموضوع

من حق أى عضو أن يضع اسم أى عضو اخر فى قائمة التجاهل ..وهى خاصية لا نستطيع نحن كفريق اشراف استخدامها للأسف :)..ولكنها حق مكفول للجميع..

ورجاء خاص ..لا نرى أى داع للتلميح أو التوضيح أو أى كلام مرسل من شأنه إحراج أى عضو/ة فى المنتدى

ولنتذكر جميعا أن الاختلاف فى الرأى لايفسد للود قضية .

بأعتذر لحضراتكم عن الاجراء الادارى الذى قمت به...وأتمنى أن يسود الود والتفاهم بين الجميع...

خالص مودتى واحترامى

[engmido]

ليه كده ياريمو يابريمو

-------

لا بجد ببساطة المداخلة اللى ما تعجبكيش متقريهاش مجرد ما تشوفى اسم العضو اللى كاتبها

واذا كان هو اللى فاتح الموضوع بيبقى مكتوب برة اسم اللى كاتب هذا الموضوع

وشكراااا

تم تعديل 6 يونيو 2011 بواسطة Folana

[Alshiekh]

لاأرى في تجاهل عضو فكرة جيدة

فهي تحرمني من معرفة كيف يفكر الآخرون

أرى أن كل رأي أو كتابة يمثل معرفة جديدة بالنسبة لي.

من يتعود التجاهل ستكون معرفته ناقصة.

تخيل انك مدير وستتجاهل شكاوى او آراء افراد بعينهم ، إما انك تظلمهم بتجاهلهم ، واما انك ستخسر فكرة ربما لم يتطرق غيره اليها.

[pink rose]

الموضوع مش لتجاهل فكر يا استاذ محمد

احنا هنا بنتكلم مع بعض من فترة

عن نفسي بقالي سنتين في المنتدى و عمر ما فكرة تجاهل كلام حد جت في بالي

لكن قائمة التجاهل مفيدة جدا في حالات وجود مداخلات كل مهمتها الاستفزاز بدون تقديم اي فكر جديد

و تقريبا اغلبنا حفظ اسلوب الاخرين في الكلام

نختلف مع بعض في اراءنا دا شئ محمود و الاختلاف سنة الله في خلقه و الا كان خلقنا كلنا على نفس الشكل و الدين و الطباع

دا في فيش فيه مشاكل

تم تعديل 6 يونيو 2011 بواسطة Folana

[م تيمور المراغي]

اعتذار واجب لاي زميل فاضل شعر مني بالتعالي عليه سواء ده كان عن قصد مني او غير قصد ,,

المتكبر هو الله عز وجل فقط ,,

اما البشر فلا يليق بهم الا كل تواضع وتبسط مع كل الناس

ولو اتينا لاي ممارسة ديمقراطية سليمه حنجد ان اول شرط من شروطها الامتزاج والتوحد مع الكل وليس التعالي عليهم حتى ولو كانوا اقل منك علما و مكانة و نسبا ,,

الكبر من الشيطان فلن يمنعني ذلك ان اعترف اني اخطأت في حق الكثيرين ومن الامس والله وانا بفكر في صيغة مقبولة للاعتذار واتناقشت فيها بالفعل مع زملائي في العمل ,,

هذي يدي ممدوده للجميع بالمحبة والسلام ,,

واوعدكم اني لن اتعامل مع اي اخ او اخت لا بالتلميح ولا بالتصريح الا بكل خير

ان شاء الله ,,

[tarek hassan]

اعتذار واجب لاي زميل فاضل شعر مني بالتعالي عليه سواء ده كان عن قصد مني او غير قصد ,,

المتكبر هو الله عز وجل فقط ,,

اما البشر فلا يليق بهم الا كل تواضع وتبسط مع كل الناس

ولو اتينا لاي ممارسة ديمقراطية سليمه حنجد ان اول شرط من شروطها الامتزاج والتوحد مع الكل وليس التعالي عليهم حتى ولو كانوا اقل منك علما و مكانة و نسبا ,,

الكبر من الشيطان فلن يمنعني ذلك ان اعترف اني اخطأت في حق الكثيرين ومن الامس والله وانا بفكر في صيغة مقبولة للاعتذار واتناقشت فيها بالفعل مع زملائي في العمل ,,

هذي يدي ممدوده للجميع بالمحبة والسلام ,,

واوعدكم اني لن اتعامل مع اي اخ او اخت لا بالتلميح ولا بالتصريح الا بكل خير

ان شاء الله ,,

ربنا يتقبل منا صالح أعمالنا ويهدينا ويرشدنا للصراط المستقيم

يعني هتتواضع وتحرم تقول الدستور أولا ومجلس رئاسي والكلام ده هههههه

يا باشمهندس اختلاف الرأي لا يفسد للود قضية ولكن مطلوب مننا جميعا أن نتوجه بجهودنا مخلصين لخدمة الوطن فنحن نحسب أنفسنا مثقفين وعلينا دور يجب أن نؤديبه بإخلاص ونحاول قدر استطاعتنا للعمل على رفعة بلدنا وينبغي أن يكون رأينا نابعا من الحب للوطن والخوف على مصالحه

بارك الله في جميع الأخوة الأفاضل ونشكرك على موقفك المحترم يا باشمهندس

تم تعديل 6 يونيو 2011 بواسطة tarek hassan