اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

لفائف القرفة


لونا
 مشاركة

Recommended Posts

زي ما هو واضح من العنوان

لذيذة جدًا و المفاجأة إنها سهلة لأني عملتها بعجينة العشر دقائق

كانت أول مرة أجرب السينابون و أول مرة أجرب عجينة ال10 دقائق

المقادير :

المرحلة الأولى ؛

فنجان قهوة سكر /

2 ملعقة أكل خميره فوريه /

2 كأس ماء دافي /

2 كأس دقيق /

ذرة ملح /

2 ملعقة حليب بودر

المرحلة الثانية :

3 كاسات دقيق /

نصف كاس زيت/

الطريقة :

- تخلط المواد الجافة من مكونات المرحلة الأولى

- يضاف الماء الدافيء ( لازم تستحملي تحطي صابعك في الماء )

حتى تصبح عجينة سائلة قليلًا .

- نتركها 10 دقائق فقط ثم نضيف مكونات المرحلة الثانية.

- وتعجن جيدًا وتستخدم مباشرة.

- ملحوظة: الكمية كبيرة ممكن تقسم لعمل سينابون بالإضافة إلى فطائر أو بيتزا فرصة مادام الفرن شغال

- تفرد العجينة على شكل مستطيل بسمك نصف سنتيمتر تقريبًا.

- توزع عليها قطع زبدة صغيرة في درجة حرارة الغرفة.

- نرش سكر ثم قرفة مطحونة طازة.

- نبدأ نلف المستطيل من الضلع الطويل (طول المستطيل و ليس عرضه ).

_ و نقطعها قطع بعرض 2.5 أو 3 سم .

- ترص القطع على مسافات - لأن حجمها يتضاعف - في صينية مدهونة.

- نكون مولعين الفرن من قبلها طبعًا و لا تأخذ وقت كثير حتى تحمر من تحت

نرفعها على الرف العلوي حتى تحمر من أعلى

- يصب عليها و هي ساخنة صوص شيكولاتة أو صوص كرامل أو صوص الحليب و الجبنة

عملت الأخير عبارة عن لبن مكثف و عدة قطع من الجبن النستو حتى يصبح القوام كثيف قليلًا

( بدل اللبن المكثف يمكن إستخدام لبن بودرة و سكر و كمية ماء قليلة)

400du.jpg

403hj.jpg-

و دي صورة لما تبقى من كرواسون بالجبنة و الزعتر عملته بحوالي تلت كمية العجين

397b.jpg

جربوها حتعجبكم .. و سهلة

تم تعديل بواسطة لونا
رابط هذا التعليق
شارك

تسلم ايدك شكلها لذيذ جدا

والصوره اجمل ايضا ......

رغم اني ممتازه في عمل المعجنات .....

الا انني لم اجرب عملها ولا مره .....

شجعتيني لذلك وتسلمي مره اخرى

رابط هذا التعليق
شارك

شكرًا يا أمل حياتي

جربيها و خلي الأولاد يعملوا معاكي

حيتبسطوا أوي .. الفرد و اللف .. بتبقى حفلة

و الأولاد عندي هما اللي لفوا الكرواسون كله عجبتهم اللعبة

*****************************************************************************

أهلًا بيكي يا نوران

نورتي المنتدى

و شكرًا لمرورك بالتوبيك

رابط هذا التعليق
شارك

حرررررررررررام عليكم ....

انا بعشق السينابو....واللى اتعمل هنا ده

لعب باعصابى ....

ماينفعش اقول تسلم ايدكم من غير ما ادوق

حد يحدفنى باالدريفرى بسرعة

رابط هذا التعليق
شارك

طب أعمل إيه أنا دلوقت؟

شيكو حبيبتي

لو كان بإيدي كنت أفضل جنبك ........

و أجي لغاية عندك بدستة كاملة

ممكن تستني لآخر الشهر لما أنزل مصر إن شاء الله ؟

رابط هذا التعليق
شارك

تسلمي يا نوران بس جربي و قولي لي

*********************************************************************

كنت عايزة أكتب ملاحظة في الآخر و نسيت

لما نلف العجينة رول .. لو قطعناها بالسكينة ممكن تخلي الشكل مش مظبوط

أجيب خيط و أحطه تحت الرول .. و أجيب الطرفين بتوع الخيط من فوق و أشده لغاية لما تقطع القطعة

يا رب تكون وصلت

رابط هذا التعليق
شارك

تسلم ايديكى

ده انتى بنت حلال ...بقالى كتييير عاوزه اعمله بس لازم ادخل اجيب الطريقه من النت

و طبعا مفيش و قت و انشغالى بالعيال بيخلينى انسى ادور عليها

لقيتك جايبالى الطريقه لغايه عندى.

تسلم ايديكى ...هجربها بكره ان شاء الله بس بنصف المقادير علشان اعرف اعجنها فى الفود بروسيسور

و لا العجيبنه تقيله و ممكن يبوظ؟؟؟

رابط هذا التعليق
شارك

تسلم ايديكى

ده انتى بنت حلال ...بقالى كتييير عاوزه اعمله بس لازم ادخل اجيب الطريقه من النت

و طبعا مفيش و قت و انشغالى بالعيال بيخلينى انسى ادور عليها

لقيتك جايبالى الطريقه لغايه عندى.

تسلم ايديكى ...هجربها بكره ان شاء الله بس بنصف المقادير علشان اعرف اعجنها فى الفود بروسيسور

و لا العجيبنه تقيله و ممكن يبوظ؟؟؟

تسلمي يا حبيبتي

شوفي أنا ما جربتش قبل كدة أعجن عجاين الفطاير و البيتزا في الفود بروسيسور

باخليه للحاجات الخفيفة بس

بس لو إنت متعودة تستعمليه في البيتزا مثلًا .. إستعمليه

و عمومًا المرحلة الأولى بتبقى شبه سائلة و يا دوب تتقلب بالمعلقة

المرحلة التانية هي اللي بتحتاج عجن و طبعًا كل ما عجنتيها أكتر بتبقى أنجح

و إبقي وافيني بالنتايج

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

    • لفائف سلمون مع .. .. وبالفلفل الملون

      سلمون فيليه يقطع شرائح طولية .. سمك 1 سم تقريبا .. يتبل بعصير الليمون لمدة 20 دقيقة .. تجهز له خلطة عبارة عن فصين ثوم معجون وشبت أخضر يقطع ناعم وملح وزيت زيتون .. يتم دهن شرائح السلمون بالخليط .. وتلف دوائر وتثبت بخلة أسنان خشب .. وتوضع فى صينية فرن .. ومعها بعض شرائح الفلفل الملون ندخلها فرن حامى مسبقا على درجة حرارة 200 لمدة 15 دقيقة .. ثم نضيف المكون السرى (اللى مطلوب تعرفوه) ونشعل عليها الشواية على نار متوسطة لمدة 5 دقائق أخرى وهتكون بالشكل الرائع ده قدمتها مع أرز بسمتى مسلوق

      في المطبخ

    • لفائف القرفة

      المقادير: العجينة :- 3كوب دقيق 4ملاعق كبيرة حليب بودرة 2ملعقة خميرة فورية 2بيضة ثلاثة ارباع فنجان شاي زيت 1 فنجان شاي سكر الحشوة :- 3ملاعق سكر ناعم 2 ملعقة قرفة مطحونة ملعقة واحدة مكسرات مطحونة ( لوز او فستق او ....)+ الشيرة.. ( الشربات ) الطريقة: تعجن مقادير العجينة ثم تغطى وتترك في مكان دافيءلمدة نصف ساعة لتختمر . تفرد العجينة وتدهن بالزيت وتوضع الحشوة ثم تلف مثل السويس روول ثم تقطع شرائح ثم ترص في صينية وتوضع في الفرن الى ان تتحمر من الاعلى والاسفل . تخرج من

      في المطبخ

×
×
  • أضف...