اذهب إلى المحتوى
محاورات المصريين

إنتى أخت والا واحدة من على الرصيف؟


Alshiekh

Recommended Posts

مش عايز حد يستغرب ومش عايز حد يزعل من العنوان

فكما تم تقسيم الأمة إلى فسطاطين

تم تقسيم نساء الأمة إلى فئتين

الفئة الأولى تسمى أخوات ومفردها " أخت "

والفئة الثانية تسمى " نساء الرصيف " ومفردها " واحدة من على الرصيف "

هذا ليس تقسيمي ولكنه تقسيم فضيلة المحامي المفوه والكادر الكبير والقيادي الإخواني البارز وعضو مجلس الشعب السابق عن الإخوان المسلمين.

يرى المحامي والخطيب المفوه أن " الأخ " يجب أن يتزوج من " أخت " وليس من واحدة أحبها من على الرصيف.

ياترى هل سيتحول الإخوان لـ " جيتو إسلامي " داخل المجتمع؟ فنراهم فى المستقبل يمنعون اعضاء وعضوات الجماعة من الزواج من خارجها؟ وهل سنراهم يوما يقومون بمظاهرات لعودة الأخت المخطوفة والتى أجبرت على الزواج من شاب غير إخواني؟




http://www.youtube.com/watch?v=WpZ9fEXsbho

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

  • الردود 62
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

على فكرة يا استاذ محمد

انا عارف الموضوع ده عن الإخوان من زمان

تقدر تقول من 3 سنين أو أكتر

موضوع إن الأخ لازم يتجوز أخت

وكان مرة واحد باعت استشارة لموقع إسلام اونلاين عشان يسأل .. هل في مشكلة لو هو اتجوز واحدة من خارج الجماعة ( مش أخت يعني ). تخيل. !!

وانا سبق واتناقشت مع ناس اعرفهم من الإخوان حوالين الموضوع ده وكان تبريرهم إن الأخت هي الوحيدة اللي تقدر تستحمل ظروف الأخ !!!!

على أساس بقى إن الأخ بيجاهد وبيحارب ... ومفيش واحدة عادية هتستحمل الظروف دي ... لكن الأخت عشانها متربية في الجماعة وعارفة كويس جدا ظروف الجماعة فتقدر تستحمل حياة الأخ اللي منقسمة بين الدعوة والجهاد والاعتقالات وكده يعني ... ومش هتشتكي

يعني بصراحة عندهم مبررات قوية لكل حاجة.

( بس بصراحة برضه يا أستاذ محمد ساعات بيحصل استثناءات ).

وبعدين بصراحة يعجبك فيهم نظامهم وقوتهم .. وإن ليهم قيادة كلامها بيتسمع .. مش زي التانيين مش عارفين لهم راس من رجلين

تم تعديل بواسطة شرف الدين

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك

الكلام ده معروف لجميع من اختلط بمجموعة الاخوان والسلفيين وتعامل معهم سواء منهم او خارج وسطهم

واعتقد ان ذلك افضل لهم لان بناتهم ادرى بافكارهم ومتعودة طباعهم وتقريبا ليس لهم حرية الاختيار

كما ان لبعضهم افكار متشددة بعيدا عن الجهاد والكلام ده ولكن تتعلق بالملبس وعلاقات صلة القرابة

والحياة الاجتماعية بوجه عام لن تتحملها الفتاة العادية

كما يختارون من لها المقدرة على الدعوى وانشطة فى حلقات علم ودروس او تحفيظ قران وذلك لايتوفر الا بينهم

المشكلة ان كثير منهم غير مقتنع بتعليم الفتيات اكثر من المرحلة الاعدادية وتتزوج فى سن صغيرة

وهناك حالات طلاق تتم سريعا لعدم التوافق ولحداثة سن الفتاة وفرق السن الكبير احيانا

ويتم التعجل لزواجها مرة اخرى بعد شهور قليلة وربما يكبرها ايضا بكثير ومتزوج من اخرى

وعادى جدا قبول الزوجة الاولى زواجه مرة اخرى وكذلك قبول الفتاة ان تكون زوجة ثانية

زمان ومازال كان هناك عائلات ريفية كفئة الفلاحين والصعايدة لايتزوجون الا من داخل العائلة وابناء العمومة

وذلك يتم ايضا داخل الاسر النوبية لدرجة ربما ان فتيات يفوتها سن الزواج ولكن لاتتزوج الا نوبى مثلها

حتى بين القبائل البدوية وبعضهايتم الزواج من داخل القبيلة

يعنى دا شئ طبيعى يتم على اساس العيلة الواحدة معروفين لبعض والنساء هى التى يعرفن من لديهم فتيات فى سن الزواج

وهناك اسر عادية , منهم من يرفض ارتباط ابنتهم بذوى اللحى والجلباب وان تم يشترط على الفتاة النقاب

رابط هذا التعليق
شارك

الكلام بتاع صبحي صالح أترد عليه كتير لكن يا أستاذ : محمد

إيه رأيك في رأي عمر حمزاوي إنه يجوز للمسلمة أن تتزوج مسيحي وحكاية الزواج المدني واسمع كمان العجب والعجاب من مفكرين علمانيين أو ليبراليين آخرين

http://www.youtube.com/watch?v=X-jFQ9o1wiM&feature=share

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

لماذا دائما ننظر دائما للكلمة التى يظنها البعض انها خطأ ونترك لب الموضوع هل يستحق ام لا

لماذا فكرنا يعتمد على تصيد الكلمات ومن هذه النقطة نفتح لها حورات فلان قال كده وفلان قال كده

لماذا الجميع يحب التجريح هل للنقض فقط ام وراؤه شئ يريدان يبين لهم اننا الصح والجميع لايفهم شئ الا نحن

ياجماعة الخير هذه الفترة تريد ان تبحث عن الايجابيات من اى فرد كان ولكن هذه الايجابيات لاتكون لمصلحة احد

لمصلحة الوطن اولا ولكن دائما ارى المواضيع هنا تطرح من اجل النقض والجدل وفقط

رابط هذا التعليق
شارك

إحنا دلوقتي ماشاء الله كمسلمين اتقسمنا لفئتين

ودلوقتي احنا سايبين كل حاجة وننتقل إلى تتبع أخطاء بعض

واستغلال أي سقطات أو زلات ... عشان نعمل عليها بروباجندا لمصلحة أفكاره وإنه يكون له اليد العليا

يكون لكم اليد العليا في إيه؟؟؟؟؟

البلد ممكن تكون بتغرق.... ولنا ألف عدو

واحنا قاعدين نخلق أعداء لنا من نفسنا

كأن مشاكلنا خلصت وفاضل بس مشكلة الحجاب والنقاب ... ولا الواحد يتجوز أخت ززز ولا واحدة من على الرصيف

طب مايتجوزوا اللي على مزاجهم

الصراع مشتعل كأن الإخوان ولا السلفيين قفزوا على كرسي الحكم أو حتى ناويين يعملوا كده

ولو كان يعني سمعتوا ان إخواني أو سلفي اترشح لمنصب قيادي كده - يخوّف أو يقيّد الحريات اللي بينادوا بيها-

طب ماتدوهم فرصة ... شوفوا أفكارهم رسمي وشوفوا قراراتهم ... وإنجازاتهم

وبعدين حاسبوهم

هي المناصب دايمة ومش هاينفع تتغير

ده أمريكا بعد سنين من العنصرية واضطهاد السود.... اختاروا رئيس لهم أسود مع ان لسه فيه أمريكان كتير معتبرين إن السود من طبقة تانية أقل منهم

ومع ذلك في الآخر ادوهم فرصة واختاروا الأصلح منهم لبلدهم على حسب رأيهم

احنا سايبين المهم وقاعدين نقسم بعض لفئات .... ونحاسب فيهم ونغلط فيهم ...

ومش عارف إيه آخرتها

ماتشوفوا بلدنا واقتصادها رايحين لفين الأول

du3a.gif
رابط هذا التعليق
شارك

طب مالاخر

اقول لكوا على فكره حلوه !

مش احنا 22 %

وانتوا 77 %

طيب

سيبوا لنا القاهرة والساحل الشمالي و 6 اكتوبر ,,

وخدوا انتوا الباقي طالبينوها او افغينوها او سعويدوها على راحتكوا

ويبقى شيل ده من ده يرتاح ده عنده !

ايه رايكوا !

فكره ثورية مش كده !

المجد لولادك المخلصين ...

رابط هذا التعليق
شارك

لماذا دائما ننظر دائما للكلمة التى يظنها البعض انها خطأ ونترك لب الموضوع هل يستحق ام لا

لماذا فكرنا يعتمد على تصيد الكلمات ومن هذه النقطة نفتح لها حورات فلان قال كده وفلان قال كده

لماذا الجميع يحب التجريح هل للنقض فقط ام وراؤه شئ يريدان يبين لهم اننا الصح والجميع لايفهم شئ الا نحن

ياجماعة الخير هذه الفترة تريد ان تبحث عن الايجابيات من اى فرد كان ولكن هذه الايجابيات لاتكون لمصلحة احد

لمصلحة الوطن اولا ولكن دائما ارى المواضيع هنا تطرح من اجل النقض والجدل وفقط

المفروض من يلقى كلمة يعرف تبعيتها واثارها خاصة وهو يعلم انها تسجل وهناك الكثيرين من يتصيدوا

لهذا الكلام ولانلوم عليهم فى ذلك لان زلات اللسان كثرت هذه الايام من فئات محسوبة من المسلمين وكانه

يتحدث بحال المسلمين جميعا وكثيرا مايظلمون الفئة التى ينتمون اليها بتلك التصريحات والاحاديث

واخيرا لاارى عيبا انت تتزوج كل فئة من بعضها طالما لايضر ذلك بالاخرين ولكن خانه التعبير عن ذلك وكان هناك اسلوب افضل لتوصيل وجهة نظره

ولما نعيب على هذا الزواج ولانعيب على غيره من قصر زواج النوبيين والقبائل من بعضهم البعض

تم تعديل بواسطة Hend ali
رابط هذا التعليق
شارك

طب مالاخر

اقول لكوا على فكره حلوه !

مش احنا 22 %

وانتوا 77 %

طيب

سيبوا لنا القاهرة والساحل الشمالي و 6 اكتوبر ,,

وخدوا انتوا الباقي طالبينوها او افغينوها او سعويدوها على راحتكوا

ويبقى شيل ده من ده يرتاح ده عنده !

ايه رايكوا !

فكره ثورية مش كده !

لا طبعا يابشمهندس

دى دعوة للانقسام والفرقة والادهى والامر تقسيم البلد كما يراد ان يفعل بها

ربنا يهدى الحال لنا جميعا وعقلاء الامة يواجهون شطحات افكار 22% او 77 % بفكر هادئ ينقذ بهاالبلد وينقذنا معاها

رابط هذا التعليق
شارك

برضو العنوان مش بيعبر عن محتوي الفيديو

حضرتك بتسب كل النساء عشان تلاقي غلطة علي الاخوان

الفئة الأولى تسمى أخوات ومفردها " أخت "

والفئة الثانية تسمى " نساء الرصيف " ومفردها " واحدة من على الرصيف

المتحدث مقالش كدة بالمرة

يرى المحامي والخطيب المفوه أن " الأخ " يجب أن يتزوج من " أخت " وليس من واحدة أحبها من على الرصيف

ده مش كلام الاخوان بس ، ده معظم الاسر المصرية ، مش بيعترضوا ان ابنهم يحب براحته ، بس عند الجواز مش بيقبلوا غير واحدة متناسبة مع مكانتهم الاجتماعية و اطباعهم و عاداتهم

الا بذكر الله تطمئن القلوب

رابط هذا التعليق
شارك

المفروض من يلقى كلمة يعرف تبعيتها واثارها خاصة وهو يعلم انها تسجل وهناك الكثيرين من يتصيدوا

لهذا الكلام ولانلوم عليهم فى ذلك لان زلات اللسان كثرت هذه الايام من فئات محسوبة من المسلمين وكانه

يتحدث بحال المسلمين جميعا وكثيرا مايظلمون الفئة التى ينتمون اليها بتلك التصريحات والاحاديث

واخيرا لاارى عيبا انت تتزوج كل فئة من بعضها طالما لايضر ذلك بالاخرين ولكن خانه التعبير عن ذلك وكان هناك اسلوب افضل لتوصيل وجهة نظره

ولما نعيب على هذا الزواج ولانعيب على غيره من قصر زواج النوبيين والقبائل من بعضهم البعض

ايه الغلط اللي قاله

هوه قال

( واحد متدين يسيب واحدة كاملة الايمان كاملة التدين كاملة السلوك ، يسيب ده كله ، و ياخد واحدة حبها من علي الرصيف )

في الجزئية دي متكلمش عن الاخوان تحديدا و اتكلم بشكل عام

و اظن بشكل عام الكلام ده منطقي

الا بذكر الله تطمئن القلوب

رابط هذا التعليق
شارك

معلش اسمحوا لي اضيف الفيديو ده لأنه تكملة حديث صبحي صالح ،( ولا ادري هل تعمد من وضع المقطع علي اليوتيوب ان يقطعه من المنتصف ام لا ) صبحي صالح وضح النقطة دي في المقطع ده ردا علي سؤال مني الشاذلي ، هل اي فتاة مش من الاخوان تبقي من علي الرصيف ، ممكن تبدأوا من الدقيقة 3

http://www.youtube.com/watch?v=vRIRR2-qGpQ&feature=related

تلخيص كلامه ان اي واحدة متدينة تجمع ال 10 خصال اللي اتكلم عليهم(من تدين واخلاق و خلافه ) ينطبق عليها "كم معنا وليس منا" يعني تعتبر زي اي واحدة من الاخوات حتي لو كانت لا تنتمي لجماعة الاخوان ، فأذن لو انت مربي بنتك كويس ومتدينةو علي خلق ما فيش اخ حيعتبرها اقل من الاخوات، وهو قال اكتر من مرة لفظ كم معنا وليس منا بمعني ان كل النساء المتدينات يعتبروا ضمنيا معهم حتي لو ليسوا من جماعة الاخوان ، وهنا يبقي المناقشة هل افضل اجوز ابني واحدة متدينة وعلي خلق واللا واحدة غير ملتزمة افضل ؟ طبعا الافضل المتدينة ، لقول رسول الله صلي الله عليه وسلم فاظفر بذات الدين تربت يداك ،

ومني الشاذلي سألته هل ذات الدين لازم تكون اخوانية قال لها لا مش لازم تكون اخوانية مين اللي قال لازم تكون اخوانية؟ وقال انه ما قالش ان هما احسن من الناس وان في ناس احسن منهم ،

اذن ما فيش مشكلة في كلامه برأيي ،

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

[size="5"]تصريح القيادى الاخوانى والخاص بحصر زواج عضو الجماعة من (( اخت )) يندرج تحت بند ( زلة لسان ) ويجب أن يعتذر عنه العضو الذى قام بالتصريح به

فما قاله لا يندرج تحت لا قانون ولا شريعة

ولا ادرى من أين أتى العضو بهذا الكلام , فحتى البنات من أل بيت رسول الله صلى الله عليه وسلم تزوجوا من خارج البيت ولم يكن فى ذلك غضاضة , ثم بعد هذا ياتى قيادى الاخوان ليصرح بهذا الكلام الغير معقول!!

هو كلام لا يمت للدين بصلة وبكل صراحة هذه النعرة التى تظهر بين الحين والاخر فى جماعة الاخوان هى التى تجعل كثير من الناس تخشى منهم وذلك بسبب خلط البعض منهم الدين بالهوى

تم تعديل بواسطة ابراهيم عبد العزيز

22a6e3c5-9edb-4f2a-8ffd-d5374f952097.jpg

رابط هذا التعليق
شارك

اهي مني الشاذلي قاعدة بتتصيد الاخطاء ليه ، او بتقوله كلام مقالوش ، هو غلطان ان يقبل يظهر في برنامجها

الصبر ، يصبروا 3 شهور لغاية الانتخابات ، و اهو كل يوم من دا

مش عارفة لو حكم الاسلاميين مصر ، كل الناس دي حتتغير و كعادتها حتطبل و تزمر للنظام

ولا كون ان الاسلاميين يحكموا ده من المستحيلات و خليهم يحلموا براحتهم

الا بذكر الله تطمئن القلوب

رابط هذا التعليق
شارك

كان نفسي استاذ محمد يفتح موضوع عن زلات لسان يحيي الجمل او نوال السعداوي علشان بس يبقى فيه حيادية

علي اي حال ورغم ذلك اتفق معاه ومع البعض الذي يرى انه لابد علي من يتحدث امام حشد من الناس وامام الفضائيات ان ينتقي الكلام الذي يقرب ولا يفرق ولا يصنف الناس خاصة في هذه المرحلة

- صبجي صالح وضح معنى هذه الكلمة ولكنه اخطأ في طريقة التعبير كما اخطأ في اسلوب تعبيره في الحوار الذي كان يجريه ولابد عليه وعلي غيره ان ينتقوا الكلمات جيدا وان يعرف كل من يتحدث امام العامة انه لا يوجد هناك فصيل افضل من فصيل او طائفة او جماعة افضل من جماعة

- واذا اراد اي شخص ان يقول كلام خاص عن جماعته او حزبه الذي ينتمي اليه ان يقول ذلك بعيدا عن وسائل الاعلام وان يكون الكلام موجه الي جماعته او حزبه فقط حتى لا يساء فهمه ممن لا ينتمي اليه

- الناس الان وخاصة العامة لن ينتظروا تفسير وتحليل لكلمة كلمة قيلت بل سيأخذوا الكلام على ظاهره

لذلك كما ادافع عن الاخوان والسلفيين اقول ان صبحي صالح كان اسلوب حديثه يحمل عده اوجه وكان به شيئ من الاعجاب بالنفس وكان يريد اظهار انه ذو كاريزما خاصة حتي في حواره مع منى الشاذلي استعجبت عن ادعائه عدم معرفته بالضيف الذي سيتحاور معه

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك

الرجل قال اخت (يعني ملتزمة) متدينة

وهذا حازم شومان (سلفي وليس اخواني) وزوجتة من الاخوان المهم هو دين الشخص وليس انتماؤة

http://www.youtube.com/watch?v=de7ENxynRyA&feature=related

رابط هذا التعليق
شارك

مش ممكن

مني الشاذلي بتقول

بتقول معني كلامك

( اللي مش اخوانية تبقي من علي الرصيف

دي مذيعة و لا محرضة

فين المهنية ، في عملها ، منتهي الحقد الاسود

انا حتكلم عن الاخ صبحي صالح بيتكلم عن ايه

اللي هيا مفروض كان تعمله مع الضيف و تديله فرصة يوضح قصده

فيه مشكلة بتواجه البنات اللي هما منتمين للتيار الاسلامي ، ان الاولاد مش بيتجوز من البنات اللي هما من نفس الاخوان او التيار الاسلامي عموما ، بيخطب واحدة مش منهم و بيقول انا حلبسها النقاب انا حخليها تحفظ القران

طيب البنات اللي من نفس الجماعات دول يعملوا ايه ، هما لابسين نقاب او خمار ، ممكن الناس العاديين ميقبلوش اللبس ده ، هيا مش عايزة تعمل فرح و عايزة فرح اسلامي ، حتلاقي موضوع الفرح و الدي جي ده شئ اساسي

فالبنت بتقعد و الولد بيتجوز ، فطبعا هوه بيتكلم بيقول البنات دول اخواتكم و انتم اولي بيهم ، و هيا البنت ماتتعاقبش بان هيا اختارت طريق الدين ، و يا تقعد من غير جواز يا أما تضطر تغير مبادئها

طبعا المذيعة اللامعة كان مفروض توصل للكلام ده من الضيف ، لكن مفيش اعلام اصلا عندنا ، كل حاجة ماشية بالبركة

تم تعديل بواسطة جويرية

الا بذكر الله تطمئن القلوب

رابط هذا التعليق
شارك

كان نفسي استاذ محمد يفتح موضوع عن زلات لسان يحيي الجمل او نوال السعداوي علشان بس يبقى فيه حيادية

علي اي حال ورغم ذلك اتفق معاه ومع البعض الذي يرى انه لابد علي من يتحدث امام حشد من الناس وامام الفضائيات ان ينتقي الكلام الذي يقرب ولا يفرق ولا يصنف الناس خاصة في هذه المرحلة

دي مش زلة لسان ، دي مشكلة داخل الجماعة نفسها ، و هو لم يتحدث عن المشكلة دي في الاعلام ، غير لأن واضح ان هيا اتقالت في مكان تاني ، وواضح ان هوه عايز يوضح قصده

حرب المقاطع ، بس و الله الحرب دي بتزود تمسك الناس بالتيار الاسلامي ، و خليهم يتعبوا نفسهم من غير فايدة

تم تعديل بواسطة جويرية

الا بذكر الله تطمئن القلوب

رابط هذا التعليق
شارك

الشئ الواضح هو نظرة الانتصار المتكبر في عين السيدة منى الشاذلي

و نظرة زهو الغرور من الدكتور خالد

لأنهما ظنا أنهما حققا نصرا على كل من يتمسك بالاسلام

و أنهما نفذا عملية اغتيال معنوي لمن تجرأ و كان عضوا في لجنة التعديلات الدستورية

بلا شك أن أداء و تصريحات الأستاذ صبحي كانت غير موفقة اعلاميا و لكن ما حدث كان محكمة تفتيش

و الأستاذة منى فقدت مهنيتها في هذه الحلقة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...