اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

من اجل رشاقتك ...بمعلقه زيت واحده (بطاطس مقليه)


rewsha
 مشاركة

Recommended Posts

وانا قاعده الف شويه في بعض المنتديات ,لقيت الموضوع ده

وقلت اخد راْيكم فيه ,ولو حد جربه يقول لنا عل النتائج

بصراحه لو القلايه دي بجد

من بكره الصبح .انزل اجيب 10 واوزع على اهلي واصحابي .وابقى اقسط لهم فلوسها بالتقسيط المريح (اصلها غاليه شويتين)

ندخل على المهم بقى

13007539768485.jpg

دي صورتها

اما عن وظائفها بقى خدوا عندكم

استطاعت شركة Tefal الفرنسية تطوير قلاية جديدة ومتطورة والمتخصصة لقلي رقائق البطاطس بوزن كيلوجرام

والتي لا تستخدم إلا ملعقة زيت واحدة فقط من زيت الزيتون , وهو ما يجعل الرقائق صحية تماما.و القلاية الجديدة تسمى AciFry

وتقوم بالعمل بأن بتوزيع الهواء الساخن المخلوط ببخار الزيت حول البطاطس بالتساوي , وتقوم القلاية بتسوية البطاطس كلها في

20 دقيقة, والمحصلة هي بطاطس طازجة وصحية وبدهون 3 بالمائة فقط , بالطبع فإنه لا يوجد مصفاة للزيت في تلك القلاية,

وهي متوفرة بالأسواق.

العقبة الوحيدة لهذه القلاية هي مدة الطهي : 1 كلغ من الرقائق يتطلب 40 دقيقة من الطبخ

السعر بقى

مفاجأه

بس من غير ضرب :sofa:

1800 جنيه بس

رابط هذا التعليق
شارك

اختي rewsha ......

هذه القلايه موجوده منذ فتره ليست قصيره

هنا بالخليج والحقيقه ايضا انني لم اجربها ....

ولكن اعتقد انها غير عمليه ويوجد لها فيديو

توضيحي على موقع اليوتيوب .....

وايضا سعرها مرتفع وعلى من جربها ان يشرح لنا

إن كان من المجدي شرائها ......

رابط هذا التعليق
شارك

شوفي الموضوع ده كدة يا روشة

الرباط الخاص بي

يااااااااااااه

كل ده اتكتب في المحاورات وانا نايمه على وداني ؟؟؟

وانا اللي كنت فاكراها اختراع بقى

وهاخد انا براءه الاختراع ده في المحاورات :sad:

ربنا يكرمك يا لونا

انا موضوع انواع القلايات ده عدى عليه اني اشوفه خالص

بس كويس اني كتبت هنا قبل ما تطق في دماغي وانزل اضيع تحويشة العمر في حتة قلايه من ام 45 دقيقه لكل ربع كيلو بطاطس

مره تانيه باشكرك يا لونا

وطبعا الاخت امل حياتي ...لك جزيل الشكر على المعلومات اللي نصحتوا بيها :give_rose:

رابط هذا التعليق
شارك

عارفة يا روشة انا باقطع البطاطس عادي كأني حاقليها وبعدين اجيب صينية تيفال واحط فيها شوية زيت صغيرين واحط البطاطس فيها واقلبها شوية في الزيت ده وبعدين اوزعها في الصينية بحيث تبقي طبقة واحدة بس ، وبعدين احطها في الفرن علي درجة حرارة عالية يعني مثلا 260 درجة ، واسيبها لحد ما تحمر وممكن اقلبها مرة علشان تحمر من الناحيتين ، بس وبتبقي معقولة جدا ، اعتقد هي نفسة فكرة القلاية دي بس تبقي وفرتي ال 1800 جنية:) ، هو طبعا اكيد اللي مقلي حيبقي اطعم بس دي معقولة جدا ، يعني العيال بيحبوها وجوزي بقي حتي بيزعل لما احمر البطاطس علشان دي طبعا صحية اكتر ،ممكن تجربيها كدة وتشوفي

رابط هذا التعليق
شارك

يا روشة .. ما انا قلت قبل كده .. آراء اللي اشتروها برة كانت غير مشجعة إطلاقا

http://www.egyptiantalks.org/invb/index.php?showtopic=121664&view=findpost&p=742185

و فعلا في الفرن بتطلع جميلة .. ممكن تحطي عليها روز ماري -إكليل الجبل - و زعتر مع الزيت

رابط هذا التعليق
شارك

عارفة يا روشة انا باقطع البطاطس عادي كأني حاقليها وبعدين اجيب صينية تيفال واحط فيها شوية زيت صغيرين واحط البطاطس فيها واقلبها شوية في الزيت ده وبعدين اوزعها في الصينية بحيث تبقي طبقة واحدة بس ، وبعدين احطها في الفرن علي درجة حرارة عالية يعني مثلا 260 درجة ، واسيبها لحد ما تحمر وممكن اقلبها مرة علشان تحمر من الناحيتين ، بس وبتبقي معقولة جدا ، اعتقد هي نفسة فكرة القلاية دي بس تبقي وفرتي ال 1800 جنية:) ، هو طبعا اكيد اللي مقلي حيبقي اطعم بس دي معقولة جدا ، يعني العيال بيحبوها وجوزي بقي حتي بيزعل لما احمر البطاطس علشان دي طبعا صحية اكتر ،ممكن تجربيها كدة وتشوفي

عُلم وسينفذ

ولو عجبتهم كده في البيت ....هادعي لك دعوه حلوه

اصل بصراحه انا باعمل دايت وهمه مستلميني في البيت (بطاطس محمره )كل يوم على العشاء

وسما (بنتي الصغنونه) بتحبها قوي ,وانا خايفه عليها من كتر الزيت

رابط هذا التعليق
شارك

  • 2 weeks later...
من بكره الصبح .انزل اجيب 10 واوزع على اهلي واصحابي .وابقى اقسط لهم فلوسها بالتقسيط المريح (اصلها غاليه شويتين)

يعنى حابب اقول وانا مكسوف والله

يعنى لو هتقسطى يبقى اعملى حسابى فى واحده angl::

والسؤال : ينفع تحمر لحمه وفليه وكبده وكدهوت يعنى ؟

اصل الواد ابنى بيحبهم وفهيمه / مديرة المنزل بتعملهم

بالطريقه الهندى اصلها فلبينيه !! bv:-

الموضوع هايل تسلمى / :give_rose:

رابط هذا التعليق
شارك

يعنى لو هتقسطى يبقى اعملى حسابى فى واحده

حضرتك تؤمر ..

هاخليهم 11 بدل 10

العربون 30 % ..و في دُفعه اولى و.قسط شهري وقسط ربع سنوي ودفعه عند الاستلام

والدفع بالعُمله الصعبه

اتفقنا؟؟؟

سمعنا الفاتحه بقى

رابط هذا التعليق
شارك

يعنى لو هتقسطى يبقى اعملى حسابى فى واحده

حضرتك تؤمر ..

هاخليهم 11 بدل 10

العربون 30 % ..و في دُفعه اولى و.قسط شهري وقسط ربع سنوي ودفعه عند الاستلام

والدفع بالعُمله الصعبه

اتفقنا؟؟؟

سمعنا الفاتحه بقى

ولا الضالين امين

الظاهر ان فهيمه ارحم smk:

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

×
×
  • أضف...