كيك الخمس دقائق

[pink rose]

قولت نخرج من مود الخنقة بتاعت السياسة شوية و اجيبلكم طريقة كيك في منتهى السهولة

ممكن الشباب كمان يعملوه و في 5 دقائق بس

http://www.youtube.com/watch?v=1qYrREqX2Dc

الطريقة سهلة جدا

4 معالق دقيق كبيرة بس مش ماليانين و منخولين

4 معالق سكر عادي

معلقتين كاكاو

بيضة

3 معالق لبن

3 معالق زيت

نص كوباية تقريبا تشوكليت تشسبس

فانيليا

الطريقة طبعا زي ما هو في الفيديو كده

انا جربتها و كانت جميلة جدا

لو جربتوها تعالوا قولولي رأيكم فيها ايه

[لونا]

دي وصفة سهلة و دي وصفة هايلة

هاجربها إن شاء الله و أقولك على النتيجة

[pink rose]

في انتظار الاخبار يا لونا

[المهندسه]

ايوه كده يا بينكايه ..ادينى اكتر من الحاجات السهله ال تنفعنى دى ...

بس سؤال كده على هامش المهرجان هههههه ...اجيب منين التشيبس ؟؟؟....بس اوعى تقولى من مستلزمات الحلويات ال فى العليا

علشان انتى عارفه ابو ليلى ناصيه الشارع بالنسبه له بعيييييده اوى..

[pink rose]

ايوه كده يا بينكايه ..ادينى اكتر من الحاجات السهله ال تنفعنى دى ...

بس سؤال كده على هامش المهرجان هههههه ...اجيب منين التشيبس ؟؟؟....بس اوعى تقولى من مستلزمات الحلويات ال فى العليا

علشان انتى عارفه ابو ليلى ناصيه الشارع بالنسبه له بعيييييده اوى..

فعلا من قسم مستلزمات الحلويات بس اللي في بنده

[المهندسه]

ايوه كده يا بينكايه ..ادينى اكتر من الحاجات السهله ال تنفعنى دى ...

بس سؤال كده على هامش المهرجان هههههه ...اجيب منين التشيبس ؟؟؟....بس اوعى تقولى من مستلزمات الحلويات ال فى العليا

علشان انتى عارفه ابو ليلى ناصيه الشارع بالنسبه له بعيييييده اوى..

فعلا من قسم مستلزمات الحلويات بس اللي في بنده

افادكم الله ...انتى بصراحه استاذه فى الحلويات و عن تجربه ....طيب و الله لجربها و اقولك

[لونا]

جربتها ..

الطعم رااائع ..

الطريقة سهللللللة ..

أحلى حاجة ما فيش مواعين :closedeyes:

شكرًا يا ريمو أو بينكي زي ما تحبي

جربتها النهاردة الصبح .. ما كانش عندي عيش للسندوتشات

ما خدتش وقت خالص

عملتها في mug زي الفيديو..و لكن لزقت فيه

عملت واحدة تانية في قالب سيليكون علشان ما تلزقش

هي طعمها جميل جدًا ..

بس طلعت ناشفة شوية

بم إنك الخبيرة يا ريمو

تفتكري لو بدلت ملعقة زيت بملعقة قشطة تبقى طرية شوية؟؟

[Folana]

السلام عليكم ورحمة الله...

أنا كمان جربتها دلوقت..قلت وأنا بألف على الموضوعات كده أعملها ( شغل موظفين بقى ) :)

ومش عندى تشيبس ، فكسرت الشيكولاتة اللى بأقدمها للضيوف عليها :)..كله يهون فى سبيل التجربة

وأضفت شوية بيكنج بودر نونو ..

وقعدت قدام الميكروويف أشاهد شطارتى..

فضلت تعلى وتعلى وتعلى ..أنا قلت الامور خرجت عن السيطرة والميكروويف سقفه حيطير..

بس جت سليمة..لانها هبطت تانى لحد ماتساوت بفوهة المج..

الطعم جميل جدا..بس برضه كانت ناشفة شوية مع انى اضفت ملعقة زيت واحدة ..والشكل ماكانش عاطفى خالص بعد ماقلبتها على الطبق..يعنى منبعجة كده ...هى ممكن تتقدم مع الايس كريم ، تبقى جميلة ...لكن المشكلة انها مش بتتقطع زى الكيك اللى ماباعرفش اعمله برضه...يعنى تحسى انها مقددة كده :)

نعمل ايه يا روزا؟؟؟

[Folana]

السلام عليكم...

إضافة مُلحة:

دى نشفت جدا دلوقت ....بعد مابردت شوية تحولت إلى زلطة..

بس حيأكلوها...يعنى حيأكلوها...غصب وإقتدار..

متهيألى لو سوينها فى الفرن العادى ممكن ربنا يفرجها ولا ايه؟؟

[pink rose]

ايه يا اخواتي الشطارة دي

بصوا هو انا عملتها زي الفيديون بالظبط

و طلعت انشف شوية مش زي الكيك الطري اللي مدام فولانة ما بتعرفش تعمله دا

بس انا قولت يمكن عشان انا كنت مكبرة معالق الدقيق و ما كنتش ناخلاه

عشان كده اضفت للوصفة ان الدقيق يتنخل و كمان ما تملوش المعالق اوي

فا مش عارفه هل انتوا جربتوا كده و لا عملتوا زي الفيديون بالظبط

اللي انا فاهماه ان البتاعه دي بتتعمل و تتاكل في ساعتها كده لانها حاجه في السريع يعني هافف عليكي تاكلي حاجه حلوة او ما فيش عيش

احنا ممكن نزود فيها مكونات باحب اوي الاختراعات لحد الحاجة ما تظبط معايا و تعجبني انا

اللي هايطريها اكتر من القشطة كمان الزبادي لو ضيفنا معلقة صغيرة زبادي ممكن تطلع طرية اكتر من كده

الزبادي بصراحة له مفعول السحر في الكيك العادي بيخليه يدوب في البوء

مدام فولانة

الكيك العادي

5 بيضات و فانيليا

3 معالق سمنة

علبة قشطة صغيرة

2 كوب (مايا) سكر

2 و نص كوب(مايا) دقيق

كوب( مايا) لبن

نص كوباية زبادي

بيكنج بودر

ملحوظة مايااللي بين قوسين دي يعني الكوباية المستعملة في القياس هي كوباية الماياالطويلة مش كوبيات الشاي

الطريقة

هاتضربي البيض الاول لحد ما حجمه يتضاعف

تضربي السمنة لوحدها لحد ما لونها يبيض و بعدين تضيفي القشطة و تنزلي عليهم بالسكر

و بعدين اللبن

و تضيفي البيض عليهم

و بعد كده الزبادي

وفي الاخر الدقيق المنخول مع البيكنج بودر بالتدريج

طبعا قبل ما تبدئي بالليلة دي تشغلي الفرن على 180

و تكوني داهنة الصينية سمنة و رشاها دقيق

و تدخليها الفون على الشبكة

بعد 35 دقيقة ممكن تفتحي الفرن و تختبري السوى بسكينة لو طلعت نضيفة يبقى استوت لو طلع فيها لسا عجين سيبيها 10 دقايق و جربي تاني

عموما هي معايا بتتظبط على ساعة الا ربع الظبط و طبعا بتختلف من فرن للتاني

لو في اي استفسار انا معاكي في اي وقت

[Folana]

السلام عليكم ورحمة الله...

أول حاجة....عايزة أقولكم انى توصلت لحل مشكلة المينى كيك الناشفة دى...أصلى سحبت كرسى وقعدت فى المطبخ لأن الموضوع كبر معايا ...

خمس دقايق كتير على حجم الكيكة الصغير ده..أنا ظبطت الميكروويف على دقيقتين وكام ثانية كده..طلعت كويسة .

تانى حاجة...جات لى فكرة جهنمية بخصوص انه بديل عن العيش...ممكن نضيف ذرة ملح وذرة قرفة وجبنة رومى مبشورة مثلا...بدل السكر والكاكاو والشيكولاتة...ويبقى كيك حادق بدل العيش....حأجربها واقولكم..

تالت وأهم حاجة...تسلم ايدك ياروزا...حأجرب الكيكة واقولك على النتيجة..ما اتحرمش من ذوقك..

[pink rose]

السلام عليكم ورحمة الله...

أول حاجة....عايزة أقولكم انى توصلت لحل مشكلة المينى كيك الناشفة دى...أصلى سحبت كرسى وقعدت فى المطبخ لأن الموضوع كبر معايا ...

خمس دقايق كتير على حجم الكيكة الصغير ده..أنا ظبطت الميكروويف على دقيقتين وكام ثانية كده..طلعت كويسة .

تانى حاجة...جات لى فكرة جهنمية بخصوص انه بديل عن العيش...ممكن نضيف ذرة ملح وذرة قرفة وجبنة رومى مبشورة مثلا...بدل السكر والكاكاو والشيكولاتة...ويبقى كيك حادق بدل العيش....حأجربها واقولكم..

تالت وأهم حاجة...تسلم ايدك ياروزا...حأجرب الكيكة واقولك على النتيجة..ما اتحرمش من ذوقك..

الله ينور يا مدام فولانة على الافكار الخطيرة

مستنية نتيجة التجربة

[ام سلمي]

فتحتوا نفسي :)

تسلم ايديكي علي الموضوع يا بنك روز ، انا لسة ما جربتهاش بس حاحاول اجرب ان شاء الله ،

انا بس حبيت أأكد علي كلام مدام فلانة ان الخمس دقايق كتير ، طبعا حتسألوا طب وانا عرفت ازاي اذا ما كنتش جربت بنفسي :)

اصل الراجل في الفيديو قايل 3 دقايق بس ، انما العنوان بتاع خمس دقايق ده تقريبا الوقت الكلي اللي يدخل فيه وقت اضافة المقادير وتقليبها وكدة

تم تعديل May 31, 2011 بواسطة ام سلمي

[pink rose]

فتحتوا نفسي :)

تسلم ايديكي علي الموضوع يا بنك روز ، انا لسة ما جربتهاش بس حاحاول اجرب ان شاء الله ،

انا بس حبيت أأكد علي كلام مدام فلانة ان الخمس دقايق كتير ، طبعا حتسألوا طب وانا عرفت ازاي اذا ما كنتش جربت بنفسي :)

اصل الراجل في الفيديو قايل 3 دقايق بس ، انما العنوان بتاع خمس دقايق ده تقريبا الوقت الكلي اللي يدخل فيه وقت اضافة المقادير وتقليبها وكدة

ايوة هو الخمس دقايق دول وقت التحضير و السوى كله على بعضه

لكن الوقت في الميكرويف 3 دقايق بس

[Folana]

السلام عليكم ...

تصوروا فعلا !!!

هم تلات دقايق بس..يعنى المشكلة كانت عندى أنا؟

هى فعلا ظبطت بعد دقيقتن وشوية ثوانى..ياريتنى ركزت مع الفيديو من الاول ووفرت البضاعة اللى راحت فى الارض..:))

خيرها فى غيرها...:)

[pink rose]

جربتها تاني النهاردة مع اضافة بعض المكونات

اضفت ربع معلقة صغيرة بيكنج بودر

نص معلقة صغيرة قشطة

معلقة صغيرة مش مليانة زبادي

طلعت طرية جدا

سيبتها شوية قولت يمكن تنشف بعد فترة زي ما حصل مع مدام فولانة

لكن الحمدلله المرة دي و بعد نص ساعة فضلت زي ما هي طرية كأنها لسا طالعة من الميكروويف

يالا جربوها تاني بالاضافات و قولولي رأيكم

مدام فولانة ايه اخبار الفكرة الجهنمية جربتيها و لا لسا؟

[Folana]

مدام فولانة ايه اخبار الفكرة الجهنمية جربتيها و لا لسا؟

السلام عليكم ورحمة الله..

يوه ه ه ياروزا..ده أنا سويت الهوايل :)

جربتها ايوه وصورتها لك كمان بس مش حأعرف اضيف الصورة دلوقت ..لاحقاً إن شاء الله..

جربتها مرة بالجبنة الكيرى وشوية ملح صغيرة وشوية بيكنج بودر صغيرين وملعقة زبادى كبيرة وبيضة عليها شوية قرفة نونو علشان ريحتها ...

وبعد ما استوت قطعت منها شريحتين وقلبتهم فى بيضة وقليتهم على النار...عجبتهم جدا فى الحالتين ..

ثم بعد ذلك الموضوع كبر أكتر فى دماغى :)...وعملتها تانى بالجبنة الرومى المبشورة..طبعا ملعقة برضه لان المقادير كلها صغيرة...وقطعت عليها فلفل رومى قطع صغيرة..وشوية مبشور جزر صغيرين برضه وكمان قطعت عليها كام زيتونة كده ...وزبادى وشوية قرفة صغيرة جدا..ورشيت على الوش حبة البركة....ولم أضف بيض لانى شخصيا مش بحب طعم البيض فى اى حاجة ...

المرة الجاية حأجربها باللحمة المعصجة...:) وربنا يستر

أنا الحقيقة بحب البيكرى أكتر من الحلويات ..ولانها سهلة وتتحفظ بسرعة وسريعة..فأنا حبيت ألاعبها كل الالعاب..:)

تسلم افكارك النيرة...وتسلم ايدك على وصفاتك الذكية..

أسعد الله مساك

[Folana]

السلام عليكم ورحمة الله..

أنا جيت تانى ...:)

حأنزل لك الصور...لان كان عندى مشكلة فى النت الايام اللى فاتت ...

بصى ياستى دى صورة الكيك ( ما عرفش حيبقى اسمها ايه وهى بالجبنة :) )

دى عملتها بالجبنة الكيرى ...وزى ماقلت لك عملت واحدة كمان بالجبنة الرومى والجزر والزيتون الاسود والفلفل الرومى..بس مالحقتش اصورها لانى كنت أكلتها :)

وطبعا الشريحة المقطوعة دى قليتها بالبيض بعد كده كما سبق ووضحت...

ودى عملتها النهاردة ..بس زى مقاديرك..بالسكر والكاكاو يعنى...ومعها توت برى وآيس كريم وكمان صوص كراميل اللى سايح على الطبق ده :)...عجبت ولادى جدا...

المشكلة دلوقت ياروزا انى حأتسبب فى حدوث أزمة فى الدقيق...لان كل شوية اجربها بطريقة مختلفة....اكتبى لنا وصفة حاجة تانية يالا علشان أنسى كيكة الخمس دقايق دى ولك الاجر والثواب لانك حتنقذى البشرية من مجاعة قد تحدث بسبب استهلاكى للدقيق ......بس تكون وصفة بدون دقيق .. .

[pink rose]

يا جماله يا جماله

تسلم ايدك يا مدام فولانة

[مصرية و أفتخر]

تسلم الأيادى