اذهب الي المحتوي
ArabHosters
الدكتورة أم أحمد

القلايات أنواعها مميزاتها عيوبها ............خبراتكم

Recommended Posts

السلام عليكم ورحمة الله...

العطار كتب:

بس متهيألي ان الاستانلس ده بيكون خفيف شوية..و الأكل بيلزق فيه جامد..صح؟؟..ولا أنا بأه اللي اشتريته من هنا من السعودية ده نوع أي كلام؟؟

طبعا عند حضرتك حق...الإستانليس أسوأ شىء للطبيخ والأرز....لكن فيه نوع أنا جربته ومن وجهة نظرى الشخصية هو الأفضل

اسمه " Zebra Stainless Steel " ...ماركة ممتازة فى كل أدوات المطبخ...وفى الأرز وفى الطبخ أكتر من رائعة..لا الأكل بيتحرق ولا الأرز بيشيط...ده عن تجربتى أنا وغير مسئولة عن سوء الاستخدام طبعا :)

ده شكل الطاسة ( على سبيل المثال )

zebra-cookware-2pcs-stainless-steel-5ply-wok-1101-22-superbuy@11995.jpg

وده شكل العلامة التجارية

zebra-stainless-steel-16cm-billy-can-tin-auto-lock-lid-689-p.jpgzebra-stainless-steel-16cm-billy-can-tin-auto-lock-lid-[4]-689-p.jpg

حقيقى ممتاز....

طاسات بيد واحدة وصوانى فرن وطواجن وحلل

ياريت مراعاة لشعور اخوانكم العزاب..أنا عارف ان كلها حلل فاضية..بس برضه كفاية اسمها بصراحة

:)

هى زى ماحضرتك قلت كده بالظبط...حلل فاضية ...يعنى لا تقلق ..احنا كمان بنتفرج عليها بس :)

تقبل مودتى واحترامى

شارك هذه المشاركه


رابط المشاركه
شارك

السلام عليكم ورحمة الله...

أولا بخصوص استخدم الطاسات الاستانلس طبعا ممتازة جدا ، لكن اشترى نوع كويس ،...وهو افضل من الالومنيوم والتيفال...انا لا استخدم الالومنيوم فى اى شىء...وقللت جدا من استخدامى للتيفال نظراً لخطورته على الصحة اذا اتخدش...( بس بينى وبينكم مخبية من وزير الصحة اللى فى البيت حلة تيفال للارز :) )...

بخصوص الزهرطبعا هو مختلف عن الاستانلس...ده اللى هو مصنوع من حديد الزهر اظن ...هو صحى جدا وسهل فى التنضيف..لكن تقيل شوية ...واسعاره اظن من 200 الى 550 او يزيد حسب الحجم..مش عارفة فيه مصرى ولا لأ...اللى عندى مستورد بس اشتريته من هنا (هنا يعنى القاهرة) ..دى شوية صور للاوانى الزهر ، فيه طبعا كمان طاسات بيد واحدة وصوانى فرن وطواجن وحلل احجام مختلفة..بس دى عينة يعنى للشكل العام واللى قدرت اصوره

gallery_4120_23_636919.jpg

gallery_4120_23_709136.jpg

gallery_4120_23_497122.jpg

gallery_4120_23_1038934.jpg

gallery_4120_23_699127.jpg

بكدا الزهر والاسنتانلس يكسبوا دون غيرهم

أنا بطبخ الأرز في الاستانلس وأيضا المكرونه

المهم خفض الحرارة قبل جفاف مياه الأرز واستخدام رضاضة تحت الحلة

ومش هيحصل شياط إن شاء الله

أستخدم استانلس المصانع ، وزهران

وشكرا على الصور واضح أنه منتج جميل فعلا

شارك هذه المشاركه


رابط المشاركه
شارك

إزيك يا مدام فولانة

طبعا عند حضرتك حق...الإستانليس أسوأ شىء للطبيخ والأرز.

:blink:

أنا لا أستخدم غير الاستانلس من عدة سنين في كل أنواع الطبيخ و الأرز

و حتى صواني الفرن جبتها استانلس

و ما عنديش معاه مشكلة نهائي

و زي ما الدكتورة أم أحمد قالت يمكن التحكم في درجات الحرارة أثناء إستعماله

تم تعديل بواسطة لونا

شارك هذه المشاركه


رابط المشاركه
شارك

السلام عليكم و رحمة الله و بركاته

ACTIFRY

من تيفال كنت هشتريها بما يعادل 900 جنيه مصري فقط(أقل من نصف ثمنها) و تراجعت بسبب تعليقات من اشتروها على اكثر من موقع محترم

تسويقها يتم على اساس الطهي الصحي .. لكن كثير اشتكوا انها ممكن تدخن و احيانا تولع

و تيفال بتغيرها بصعوبة بعد ما اشتكوا اكثر من مرة

الطاسات الستانلس صحية و سهلة التنظيف

الزهر جميل في التحمير او الشوي بزيت قليل

شارك هذه المشاركه


رابط المشاركه
شارك

إزيك يا مدام فولانة

طبعا عند حضرتك حق...الإستانليس أسوأ شىء للطبيخ والأرز.

:blink:

أنا لا أستخدم غير الاستانلس من عدة سنين في كل أنواع الطبيخ و الأرز

و حتى صواني الفرن جبتها استانلس

و ما عنديش معاه مشكلة نهائي

و زي ما الدكتورة أم أحمد قالت يمكن التحكم في درجات الحرارة أثناء إستعماله

صواني الاستانلس بيكون سهل جدا إنها تلسع الطعام قبل أن يستوي خاصة لو مخبوزات ،كيك ،كنافة

كيف تتغلبين على ذلك؟؟؟

،

من متابعتي للأنواع الكهربية على النت وجدت أنها فيها عيب كبير وهو لابد من وجود كمية كبيرة من الزيت من لتر إلى لترين حسب النوع

فنكون بين خيارين إما أن نستهلك زيت كثير أو نستعمله مرات كثيرة والأول إهدار للمال والثاني إهدار للصحة

وإن شاء الله أشتري الاستانلس أو الزهر أو أنوع بين الاثنين

وشكرا للجميع

تم تعديل بواسطة الدكتورة أم أحمد

شارك هذه المشاركه


رابط المشاركه
شارك
صواني الاستانلس بيكون سهل جدا إنها تلسع الطعام قبل أن يستوي خاصة لو مخبوزات ،كيك ،كنافة

كيف تتغلبين على ذلك؟؟؟

،

إزيك يا دكتورة/ أم أحمد

الكنافة و الجلاش و البيتزا لا توضع في الرف السفلي أبدًا.. و لكن في الرف اللي فوقه مباشرة

و طبعًا الكيك و التارت في الرف الأوسط

و الرف العلوي البسكوتات

شارك هذه المشاركه


رابط المشاركه
شارك

صواني الاستانلس بيكون سهل جدا إنها تلسع الطعام قبل أن يستوي خاصة لو مخبوزات ،كيك ،كنافة

كيف تتغلبين على ذلك؟؟؟

،

إزيك يا دكتورة/ أم أحمد

الكنافة و الجلاش و البيتزا لا توضع في الرف السفلي أبدًا.. و لكن في الرف اللي فوقه مباشرة

و طبعًا الكيك و التارت في الرف الأوسط

و الرف العلوي البسكوتات

الله يسلمك ويعزك

جزاكم الله خيرا

أجرب إن شاء الله

شارك هذه المشاركه


رابط المشاركه
شارك

إزيك يا مدام فولانة

طبعا عند حضرتك حق...الإستانليس أسوأ شىء للطبيخ والأرز.

:blink:

أنا لا أستخدم غير الاستانلس من عدة سنين في كل أنواع الطبيخ و الأرز

السلام عليكم ورحمة الله...

وأنا اللى كنت فاكرة أن العيب فى الحلل ؟؟:closedeyes:

حقيقى كانت بتمثل لى مشكلة حقيقية فى الطبخ...لكن فيه انواع فعلا ممتازة ودى اللى باستخدمها دلوقت ..

جزاك الله خيرا يا لونا ...:give_rose:

شارك هذه المشاركه


رابط المشاركه
شارك

السلام عليكم ورحمة الله وبركاته

يوجد في الأسواق مقالي سوداء اعتقد أنها شيء مختلف عن التيفال

فهل هي صحية ؟؟؟

و عليكم السلام يا دكتوره...انا عندى القلايه السوداء دى. لو قصدك ال عامله زى الصاج شويه..مش زهر زى بتاعة مدام فولانه.

.بعد فتره بتلاقى بعد غسيله اثار صدى و طبعا ده ضار جدااا حتى لو نضفتى الصدى

قبل استخدامها لذلك لا انصح به...

ارجو ان اكون افدتك

شارك هذه المشاركه


رابط المشاركه
شارك

بالنسبة للقلاية التيفال الجديدة

غير عملية فعلًا زي ما قالت هند و فلانة

لأن 45 دقيقة كتير جدًا على الكمية الصغيرة دي..

و كدة هتكون إستهلاكها كتير أوي في الكهرباء ده غير سعرها العالي

بالنسبة للقلي أنا باستعمل طريقتين

1) القلاية الكهربائية (عندي كينوود )

باستعملها في قلي البطاطس ممتازة و أي حاجة بتحتاج قلي غزير

لو حد عايز تشتري ياخد باله من الحاجات دي:

-المهم تكون ماركة معروفة .. عشان لو احتجت للصيانة أو قطع غيار.

- اشتري الحجم الصغير عشان تقليل إستهلاك الزيت .. لأن الزيت المفروض يتغير بعد 3 مرات استعمال.

- فيه أنواع الحلة الداخلية بتتشال من القلاية .. و بكدة بتكون سهلة في تنظيفها ..

و لكن ماشفتش لغاية دلوقتي غير ماركات مش معروفة فيها الميزة دي

غير اللي عندي الحلة الداخلية ثابتة .. و بالتالي تنظيفها عايز حرص ..

عشان الميه ما تدخلش في القلاية من تحت و الأجزاء اللي لها علاقة بالكهرباء.

- الحلة الداخلية فيه منها نوعين :استانلس أو تيفلون( لا يلتصق بها الطعام )

أفضل الاستانلس لأن ساعات الزيت بيلزق .. حتى في التيفلون .. و بيكون التنظيف صعب .. عشان عدم تجريح التيفلون

2) حلة استانلس:

و دي باستخدمها في السمك أو الباذنجان

الحاجات اللي زيتها بيترمي بعد الاستعمال على طول

ميزتها :

الإستانلس تنظيفه سهل ..حتى لو لزق فيها بعض الزيت .. يتنظف بسهولة

الحلة جوانبها عالية تقلل من تطاير الزيت غير الطاسة و كمان الغطاء بيمنع البخار

أ/ عطار

الحلة الاستانلس الخفيفة .. مش حتنفع في الطبيخ فعلًا

و لكن جربها في القلي .. أنا عندي واحدة خفيفة هي اللي باستعملها في القلي

لكن باغسلها بعد مرة قلي واحدة فقط

أما لو عايز نوع حلو و أنا مجرباه من السعودية

نوع تركي إسمه( كوركماز )

و على فكرة فيه في مصر دلوقت أنواع كتير مصري و مستورد حلوة جدًا

المهم تكون القاعدة سميكة و جدار الحلة كمان ما يكونش خفيف

انا عندى النوع ده يا جماعه و هو اكثر من رائع فعلا ..انصح اى حد عاوز يشترى يجيبه

نوع تقيل جدا و مش خفيف و مش بيتغير لونه و لا بيحرق الاكل

بس هو غالى شويه مش كتير بس اغلى من الباقى

انا كنت جايباه من بندا على فكره لل فى السعوديه و هو موجود ببندا

و كتير بينزل عليه عروض

شارك هذه المشاركه


رابط المشاركه
شارك

انا عندى النوع ده يا جماعه و هو اكثر من رائع فعلا ..انصح اى حد عاوز يشترى يجيبه

نوع تقيل جدا و مش خفيف و مش بيتغير لونه و لا بيحرق الاكل

بس هو غالى شويه مش كتير بس اغلى من الباقى

انا كنت جايباه من بندا على فكره لل فى السعوديه و هو موجود ببندا

و كتير بينزل عليه عروض

عارفة يا مهندسة ..

من كتر إعجابي بحلل كوركماز ..

عملت لهم دعايةعند كل قرايبي وأصحابي و معارفي و كمان كتبت هنا قبل كدة عنها

بافكر أبعت لهم يدوني نسبة من الأرباح :happy:

و ده الموقع بتاعهم

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • الخطاب الديني بالنسبة للناس العادية

      تجديد الخطاب الديني تعبير يتردد كثيرا هذه الأيام و الناس العادية لا تعرف ما المقصود به ... هل هو موقف من الأفكار الغريبة مثل إرضاع الكبير أو "نكاح الوداع" و غيرها الكثير ؟ الإنسان العادي لا تشغله وجود الموظفين و الموظفات معا في مكاتب العمل  و لا يخطر في باله أي إتهام يمس الشرف ... الناس العادية غير مشغولة ليل نهار بنصفها الأسفل الناس العادية تحيا في سلام مع الآخرين و لا يخطر في بالهم ضرورة العداء مع غيرهم الناس العادية لا تضمر شرا لأي من البشر و خطيب الجامع يبكتنا في خطبة الجمعة على أن

      في الملتقى العام لزوار محاورات المصريين

    • أسعار المدارس العالمية في الرياض للعام 2015/2016

      بسم الله نساعد بعض في رصد أسعار المدارس العالمية في الرياض للعام الدراسي الجديد 2015/2016 وطبعا رأيكم في كل مدرسة .. وحبدأ بما رصدته بنفسي مدارس جواهر الرياض العالمية kg1 مصاريف بدون كتب او باص 10000 ريال مدارس أجيال العالم العالمية kg1 مصاريف شاملة بدون باص 16900 ريال مدارس النهضة العالمية بالروضة kg1 مصاريف بدون باص 16000 ريال

      في التعليم و العمل - education & employment issues

    • اخدت غير لائق في الكشف الطبي ما الحل ؟؟ ضروري بالله عليكم

      السلام عليكم الاخوة الكرام انا اخدت غير لائق في الكشف الطبي بسبب عيب خلقي باليد اليمني هو العيب مش ماثر عليا ف اي حاجة الحمدلله بسوق عربية وبكتب وارسم وشغلي كله اصلا كومبيوتر وزي الفل الحمدلله بس هي ايدي منظظرها ملفت عشان كده مرضوش يعدوني وادوني غير لائق السؤال بقي ايه الحل ف الموضوع دا ؟ هل اتكتب عليا مدخلش السعودية ابدا ؟؟ هل خطاب الاستثناء بيمشي لأنهم هما اللي قالولي كده ف الكشف الطبي قالولي هنعملهالك غير لائق وخلي الكفيل يبعتلك خطاب ف هل دا مضمون ولا في طرق اخري ؟؟؟؟؟؟؟؟؟؟ 

      في المغتربين المصريين - egyptian expatriates

    • سيدتي الوزيرة في منصبك نريد إلغاءا قاطعا لقرار السلام الوطني

      حضرتك شغلتينا كلنا لمدة اسبوع بقرار حضرتك الذي اجزم أنه لم يحدث مثله في اي مكان في العالم ، و مع وجود عدة مقالات جادة كل يوم في الجرائد القومية تستنكر قرارك و لكن حضرتك لم تكلفي خاطرك باستيعاب الموقف … ثم أمس في مجلس النواب  تتنصلين من قرارك  بطريقة ملتوية  - في نظري غير مقبولة - و إخترعتي حضرتك مصطلح جديد في ادارة البلد هو تعبير "سنة حسنة"  حضرتك تضعين ابو قرش مع ابو قرشين نريديد الغاءا صريحا قاطعا لقرار حضرتك الذي شغل الجميع لمدة اسبوع

      في الملتقى العام لزوار محاورات المصريين

    • أموال كثيرة لا نعرف مصدرها و لا لأين تذهب ....

      من الأخبار الحديثة أن لاعب كرة قام بتسديد أربعين مليون جنيه كاش أكرر كاش أو نقدا لنادي الزمالك ، في مكان في العالم  - عدا دول الخليج - لا يمكن أن تتم هذه المعاملة بهذا الشكل. أسعار العقارات العادية  أكرر العادية  وصلت لأرقام غير عادية .. أثرت هذه المسألة من قبل و كان تعقييب الفاضلة عطر الجنة أن ذلك يرجع إلى أن العقارات مستودع جيد للقيمة .... على عيني و راسي ... لكن و لكن كبيرة جدا  ألا تثير هذه الأرقام الريبة ؟ أليس للدولة حقوقا في هذه الأموال .. أموال العقارات  أموال الكرة  ألا  تشتمو

      في محاربة الفساد

×
×
  • اضف...