حملة المليار لتطوير العشوائيات ......هو ده اللى المفروض نعمله دلوقت

[Howayda Ismail]

أنهى الفنان محمد صبحي استعداداته لإطلاق مبادرة جديدة تحمل عنوان "معا لريادة مصر بعد ثورة 25 يناير"، حيث تحمل المبادرة جملة من المبادئ والقيم والمفاهيم التي تؤكد تمسك المواطن المصري بمبادئ الحرية والعدالة والديمقراطية، فضلا عن وجود نظام ديمقراطي حر يقوم على الشفافية وحرية التعبير عن مطالب الشعب الشرعية بصورة منظمة.

وتدعو المبادرة -التي انطلقت فعالياتها،امس "الخميس" ، بكلية الحقوق جامعة الإسكندرية، بالتعاون مع جمعية البيئة العربية- إلى حملة المليار جنيه، لمكافحة العشوائيات في مصر، والتي تحقق حلم الشعب المصري في الريادة والتقدم عالميا، وذلك من خلال استخدام أحدث مفاهيم التنمية المستدامة، وما انتهى إليه العالم من تكنولوجيات متقدمة، تهدف إلى حماية البيئة وحقوق الإنسان.

ومن المقرر أن يعلن الفنان محمد صبحي بدء فعاليات المبادرة بإعلان حملة المليار جنيه، لإنقاذ مصر من العشوائيات، والتي تهدف إلى تحقيق حلم الملايين من المصريين في مساكن صديقة للبيئة، تتوافر بها جميع المرافق، ومنها: المياه النظيفة والصرف الصحي والآمن والتوافق مع الطبيعة، من أجل سلامة وصحة الإنسان وصيانة كرامته، وإنقاذ مصر من الأساليب العشوائية الخاطئة التي باتت سائدة خلال الفترة الماضية.

وفي السياق ذاته، أكد الدكتور أحمد هندى، عميد كلية الحقوق، أن الكلية تضع جميع إمكاناتها لتحقيق آمال الشباب وتطلعاتهم نحو مستقبل أفضل للبلاد. مشيرا إلى أهمية استثمار روح الثورة في دعم الإنجازات والانطلاق بمصر نحو المستقبل، والحفاظ على الحق في الحياة بكرامة، والإبقاء على الروح الجماعية التي كانت من أهم أسباب نجاح الثورة.

[Howayda Ismail]

[Howayda Ismail]

[Howayda Ismail]

http://www.youtube.com/watch?v=6gFPsEobW24

[pink rose]

هي دي الحاجات اللي لازم شعب مصر كله يتكاتف عشان انجازها فعلا

حاجه تفيد البلد بجد

ناس خايفة على مصر و مهمومة بيها بجد

ونيس شكرا جزيلا

تم تعديل 15 مايو 2011 بواسطة pink rose

[عنبو]

والله فكره ممتازه هو ليه الناس مش متفاعله معها

[عادل أبو عمر]

والله فكره ممتازه هو ليه الناس مش متفاعله معها

الناس مش متفاعلة عشان هي فكرة صح و غيرها ألف فكرة صح ممكن نبني بيها بلدنا ... بس فيه ناس شايفة الصح بس االي في دماغها هي و بس .. حتى لو خدوا اتوبيسات و فولوها سولار عشان يعبروا سيناء ... مع إنهم ممكن يفكروا بس لو قعدوا في بيوتهم و ماشتغلوش السولار اللي مش لاقيينه في مصر دلوقتي و ضيعوه ع الأرض ده كان ممكن يشغل كام مصنع و كام فرن و كام مركب صيد و كام مرفق عام يساعد و يأكل الناس اللي بشتغل بجد عشان تبني مصر

ربنا يهدينا جميعا و يوحدنا لما فيه صالح بلادنا

[عنبو]

والله فكره ممتازه هو ليه الناس مش متفاعله معها

الناس مش متفاعلة عشان هي فكرة صح و غيرها ألف فكرة صح ممكن نبني بيها بلدنا ... بس فيه ناس شايفة الصح بس االي في دماغها هي و بس .. حتى لو خدوا اتوبيسات و فولوها سولار عشان يعبروا سيناء ... مع إنهم ممكن يفكروا بس لو قعدوا في بيوتهم و ماشتغلوش السولار اللي مش لاقيينه في مصر دلوقتي و ضيعوه ع الأرض ده كان ممكن يشغل كام مصنع و كام فرن و كام مركب صيد و كام مرفق عام يساعد و يأكل الناس اللي بشتغل بجد عشان تبني مصر

ربنا يهدينا جميعا و يوحدنا لما فيه صالح بلادنا

لا ازاى ياعم كله يهون علشان خاطر فلسطين ومش مشكله مصر تولع والناس تشحت مش مشكله

المهم اننا نطلع فى الاعلام ونقول تحيا فلسطين وهنرمى اسرائيل فى البحر

ربنا يهدينا جميعا ويظهر الحق ويرزقنا اتباعه

[Howayda Ismail]

محمد صبحي: “من صنع أعداء الثورة هي الثورة”

تطرق الفنان الكبير محمد صبحي إلى وضع العشوائيات في مصر، مشيرا إلى أنه شيء يدعو إلى الخوف والذعر؛ نظرا لعدم وجود أي مقوم من مقومات الحياة، مشددا على الحكومة وأبناء الثورة بسرعة مد أيدي العون والمساعدة لتلك المناطق.. جاء ذلك خلال حواره مع الإعلامية رولا خرسا ببرنامج “الحياة والناس” والمذاع على فضائية الحياة، وأشاد صبحي بمبادرة المجلس الأعلى للقوات المسلحة بإعادة بناء وتأهيل المناطق العشوائية.

وأعرب صبحي في حديثه عن مخاوفه من سقوط القانون في مصر أثناء الثورة مشيدا بدور الشعب في حماية ثورته البيضاء، مؤكدا أن رجال الشرطة بعد الثورة لن يستطيعوا أن يمارسوا ما كانوا يمارسونه قبلها، مشيرا إلى أن هناك أصابع خارج وداخل مصر تنادي بغياب الشرطة وإلغاء دورها القيادي لزيادة البلطجة وأعمال العنف، مؤكدا أن الثورة تحوي شخصيات أكثر فسادا وإضرارا بالبلاد مؤكدا أن “من صنع أعداء الثورة هي الثورة”.

كما شدد على أهمية عودة جهاز الشرطة لحماية البلاد نظرا لأن الجيش لا يصلح لقيادة البلاد في تلك الفترة لأن “عقيدته وروحه البطولية لا تظهر إلا بلقاء العدو” وهذا ما يتنافى مع جهاز الشرطة القائم على البحث والاستقصاء.

وأكد محمد صبحي أن البرامج الانتخابية لجميع مرشحي الرئاسة منذ القدم جميعها متشابهة وجميع المرشحين لا يحددون آليات وإيدلوجيات تطبيق تلك البرامج، وأضاف إن الحرية الحالية أعطت اختلافات كثيرة ومتعددة، حيث تساءل عن كيفية اختيار المئة الذين سيقومون بإعادة صياغة الدستور.

[fatfouta]

الفنان محمد صبحي يستعد لحملة (المليار) للقضاء على العشوائيات في مصر

آخر تحديث: السبت 21 مايو 2011 5:31 م بتوقيت القاهرة

صرح الفنان محمد صبحي لـ"بوابة الشروق"، أنه يستعد إلى تجهيز "حملة المليار" لإلغاء العشوائيات في مصر، وكيفية مساعدة سكانها، حتى يعيشوا حياة كريمة، مؤكدا أنه لم يدخل في أي أعمال تليفزيونية في المرحلة المقبلة لهذا السبب.

ويقول صبحي عن الحملة: إنها "تقوم على حصر العشوائيات ومعرفة كم البطالة والأمية الموجودين بها، وهدفنا أولا محو الأمية من العشوائيات، ثانيا، توفير مساكن يوجد بها الكهرباء والماء والصرف الصحي لأهالي المناطق العشوائية، وثالثا، القضاء على البطالة عن طريق عمل مشاريع صغيرة بتلك المناطق".

ويضيف، "الحملة سوف تتم تحت رعاية برنامج "واحد من الناس"، للإعلامي عمرو الليثي، لما لمسناه من اتجاهه إلى مساعدة العشوائيات وعرض مشكلاتهم، هذا بالإضافة إلى أننا سوف نتعاون مع الجيش في هذه الحملة، وسف نبدأ بمحافظات القاهرة والجيزة والإسكندرية وبورسعيد".

[pink rose]

صرح الفنان محمد صبحي لـ"بوابة الشروق"، بأنه سيتجه، غدًا الثلاثاء، إلى لندن على نفقته الخاصة، في رحلة تستغرق أسبوعين يزور خلالها أيضا باريس وألمانيا، وذلك لحث الجاليات المصرية المتواجدة هناك لدعم مشروع "المليار" الذي دعا له لإلغاء العشوائيات في مصر، وكيفية مساعدة سكانها، حتى يعيشوا حياة كريمة.

وقال صبحي لـ"بوابة الشروق"، إن "المجلس العسكري قام باستخراج رقم حساب للحملة (7/555666) من البنك المركزي المصري، وأخبرني المشير طنطاوي أن القوات المسلحة ستتبرع بمبلغ 50 مليون جنيه دعمًا للحملة".

يذكر أن محمد صبحي كان قد صرح لـ"بوابة الشروق" منذ ما يقرب من شهر، بأن "الحملة تقوم على حصر العشوائيات ومعرفة كم البطالة والأمية الموجودين بها، وهدفنا

أولا: محو الأمية من العشوائيات،

ثانيا: توفير مساكن يوجد بها الكهرباء والماء والصرف الصحي لأهالي المناطق العشوائية،

وثالثا: القضاء على البطالة عن طريق عمل مشاريع صغيرة بتلك المناطق".

رقم حساب الحملة (7/555666) البنك المركزي المصري

تم تعديل 6 يونيو 2011 بواسطة pink rose

[المهندسه]

يا جماعه الحلقه رائعه جدا ...بيتكلم عن مشروع اصلاح العشوائيات مع عمرو الليثى و محمد صبحى و حنان ترك

و رجل الاعمال الاستاذ رمزى صاحب فكرة بنك الطعام ...ياريت تفتحوها حالا ...

[المهندسه]

ايه ال انا بسمعه ده...ايه الناس ال بتحب بلدها اوى دى و بتحب اكتر عمل الخير ابتغاء وجه الله فقط

والله و الله انا لو فى مصر كنت شاركت معاهم بأيدى ..ده انا حاسه انى ولا حاجه جنبهم

ربنا يباركلهم يارب و يسدد خطاهم و يقويهم

امين يارب

[spain]

ايه ال انا بسمعه ده...ايه الناس ال بتحب بلدها اوى دى و بتحب اكتر عمل الخير ابتغاء وجه الله فقط

والله و الله انا لو فى مصر كنت شاركت معاهم بأيدى ..ده انا حاسه انى ولا حاجه جنبهم

ربنا يباركلهم يارب و يسدد خطاهم و يقويهم

امين يارب

قولنا حنبني السد العالي ..و..ادي احنا بنينا السد العالي

يارب فعلا نعمل كده في كل مشروع

نضع هدف ونحققه

انا بس ليا تعقيب صغير

هو ليه؟

ليه؟

بيقولوا كل شوية اشتغلوا اشتغلوا

احنا بنعبد الشغل بعد ربنا

في واحد مننا بيصحي الصبح مش بيروح عمله

حد سمع عن اي حد اخد اجازة من نفسه عارضه وقعد

الكلمة دي بتنرفزني

اعملوا مشاريع يلتف حواليها الشباب وشوفوا حيشتغلوا ولا لا

عمرو خالد من أول الحلقة ما بطلش يقول ....اشتغلوا

بينرفزني

تم تعديل 9 يونيو 2011 بواسطة spain

[المهندسه]

هو قصده يا spain نشتغل بجد و حماس و صدق و ضمير

لان كتيييير اوى قاعد على الكرسى بيشتغل من غير اى حماس و جد و مستنى اول الشهر القبض و بس

المهم ....اتفرجى على خالد يوسف دلوقت مع عمرو خالد ...بيدافع عن افلامه ....سبحاااان الله

[pink rose]

كلام الباشمهندسة صحيح

مش الكل بيتشغل بضمير

مش الكل بيروح يشغله ما بيشيلش راسه من شغله على المرواح

انا كنت باشتغل في مدرسة

و عارفه ايه اللي بيحصل

و الله و الله كان في مدرسين بيدخلوا الفصل يقفلوا عليهم الباب و يقول للعيال عيشوا حياتكم و نتقابل بالليل في الدرس

فا لما عمرو بيقول اشتغلوا معناها اتقنوا العمل

الحلقة بكل المقاييس رااااااااااااااااائعة

ربنا يجعلها في ميزان حسناتهم

[المهندسه]

طيب بالمناسبه رقم الحساب للتبرع للحمله هو 555666/7 البنك المركزى

بس انا عاوزه اسأل سؤال انا ازاى احط فلوس فى الحساب ده ...من اى بنك و هو هيحول و لا لازم اروح البنك المركزى نفسه؟؟

[se_ Elsyed]

حد سمع عن اي حد اخد اجازة من نفسه عارضه وقعد

اه للأسف

بعض رجال الشرطة لسه مآنتخين في البيت وزي ما يكون عليهم تار

وشُغل عن شُغل يفرق يا سنيوريتا سبين ...

طب ما أحنا كلنا كنا بنشتغل أيام مبارك .. لكن عملنا إيه بالشغل ده ؟

ولا حاجه

لكن الشغل اللي بجد هو اللي عمله وبيعمل للأسف ناس ما عندهمش دين سماوي .. تخيلي ؟ زي الكوريين واليابانيين

ومع ذلك ناس عرفت معنى كملة شُغل وعمل بيدفع للأمام

مش شغل تقضية واجب وعلى قد فلوسهم وأعتصامات .. و just now or never

فهل ده شُغل ؟

الشغل هو اللي عمله اليابانييون بعد الزلزال الاخير وقرروا يشتغلوا ساعتين يومياً بدون مقابل عشان يعمروا مدينة فوكوشيما

الشغل هو اللي عملة موظفي شركات البترول الحكومية عندنا النهاردة وقرروا يتبرعوا باجر يوم شهرياً لمصلحة حساب بناء الاقتصاد القومي وكذلك قرروا يشتغلوا ساعتين يوميا بدون مقابل

بإختصار ... عاوزين شغل ثورة ..... ثورة يعني تغيير .. يعني غير شغلنا قبل ذلك

اما موضوع العشوائيات .. فللأسف الكلام عنه يطول وعاوز مجلدات

لكن يُمكننا تعريفها بأنها " مفرخة للإجرام ولكل انواع الموبقات "

ويجب علينا جميعاً ان نشكر الله ليل نهار إن الثورة لم تاتي من ناحيتهم ...

أسف أنا ضد التصنيف .. فدول مننا برضوا

لكن أقصد إن الطبقة التي تزيد عن نسبة 40 % من المجتمع والتي تم تهميشها بل وسحقها خلال تلك الفترة ... لو كانت ثارت ... كانت أكلتنا جميعاً بما فينا السُلطة الفاسدة .. صدقوني الموضوع مش سهل وكلمة بتتقال .... لكن هو موضوع يجب ان يتم وضعه على قائمة الاولويات لإن الخطر من ناحيته مازال قائماً ... ويجب أن ننزع فتيل تلك القنابل قبل أن تنفجر فينا جميعاً

معليش هاطول عليكم شويه

زززززمان قوي كنا ويمكن مازالنا من الطبقة المتوسطة .. ولاد البلد يعني .... وإتربينا في مناطق شعبية ... لكن المناطق دي زي السيدة زينب والحلمية القديمة وبولاق وأمبابة إلخ .. كانت منبع الجدعنة والرجولة وكان كل شارع وكل حارة عبارة عن مجتمع محترم قائم بذاته وكله بيخاف على بعضه إلى اخر القيم الاصيلة المندثرة للأسف

لكن مع ضعف هيبة الحكومة واهتمامها بنفسها فقط وبامن الرئيس ورجاله ... تفشت العشوائيات والفساد وبقى اللي عاوز يعمل حاجه يعملها

بالمناسبة ... هاوعدكم إن قريب خلال شهر او اقل هانزل لكم صور عجيبة هاتجيني من مصر ... وهي لعشوائيات مختلفة ... للأسف تولدت بعد ثورة يناير في الزحمة . كلفت أخويا يجمع الصور دي وممكن انزل بنفسي واجيبها واعرضها لكم

وهي عبارة عن ....

إنتوا عارفين البلوكات اللي بتبنيها المحافظة في مناطق كثيرة وبتملكها للناس باسعار رمزية ؟

بين يوم وليلة وفي الهيصة زي ما قولت لكم ... وده هايبقى كلام موثق ... إبتدى سكان الدور الأرضي يبنوا في الشارع غرف زيادة .. اه والله في قلب الشارع ... وأبتدا السكان اللي في الادوار العُليا يطلعوا ببروز ويعملوا مساحات زيادة ... وإبتدا ناس يبنوا أمام البلوكات دي دكاكين ..... دي امثلة على العشوائيات وليس حصراً

طب الناس دي بتعمل كده ليه ؟

يتعمل كده عشان حاسين بالظلم على مر السنين ولهم نظرة ضد المجتمع بتخليهم يتحينوا أي فرصة زي دي وياخدوا حقهم بدراعهم ... وهما شايفين أصحاب السيارات والشقق الفاخرة والفلل الوهمية و و و

فبيقول لك انا لو عملت كده هابقى زي اللي جاب معلقة صغيرة وغرف في الخباثة من البحر ... إيه البحر هايتأثر ؟

دي فلسفتهم

معليش طولت عليكم لكن كنت عاوز أبين يعني إيه عشوائيات

[se_ Elsyed]

طيب بالمناسبه رقم الحساب للتبرع للحمله هو 555666/7 البنك المركزى

بس انا عاوزه اسأل سؤال انا ازاى احط فلوس فى الحساب ده ...من اى بنك و هو هيحول و لا لازم اروح البنك المركزى نفسه؟؟

لأ مش هاينفع يا ام ليلى ... لازم رقم الحساب + السويفت كود بتاع البنك المركزي المصري كمان عشان التحويل يوصل بسهولة

وإتفضلي في فندم السويف كود اهو عشان الموضوع يبقى سهل

36001304

[pink rose]

هل نقدر هنا اننا نساهم في نشر فكرة حملة المليار هنا على صفحات المحاورات

اظن دا دورنا و دا الوقت اللي نقدر نساعد البلد فيه

العشوائيات عار في جبين مصر

كنا كلنا شايفينه زمان و مستائين منه لكن ساكتين

لاننا كنا عارفين اننا مهما عملنا كله هايروح هباء في جيوب الحرامية

لكن حاليا مع وجود حملة محترمة

يراعها ناس نحسبهم على خير ان شاء الله و لا نزكي على الله احدا

ليه ما ننضمش ليهم احنا كمان هنا كامحاورات المصريين

و لو حتى بتبني الحملة اعلانيا

نثبت موضوع عن الحملة ما اقصدش تثبيت الموضوع في القسم لا اقصد تثبيت الموضوع زي الاعلانات الادارية مثل معا ضد الفتنة الطائفية

نحط لوجو الحملة على المحاورات

احنا كااشخاص نبذل قصارى جهدنا في نشر الحملة و مساندتها

ايه رأيكم؟