اذهب إلى المحتوى
محاورات المصريين

الوعاء الذهبي الملئ بالقبلات


Dreamwithme

Recommended Posts

الوعاء الذهبي .. (مؤثرة جدااا)

عاقب رجلٌ ابنته ذات الثلاثة ...أعوام لأنها اتلفت لفافة من ورق التغليف الذهبية.

فقد كان المال شحيحاً و استشاط غضباً حين رأى الطفلة تحاول أن تزين إحدى العلب بهذه اللفافة لتكون على شكل هدية.

على الرغم من ذلك ,

أحضرت الطفلةُ الهديةَ لأبيها بينما هو جالس يشرب قهوة الصباح, وقالت له: " هذه لك, يا أبتِ!! "

!!!!

أصابه الخجل من ردة فعله السابقة,

ولكنه استشاط غضباً ثانية عندما فتح العلبة و اكتشف أن العلبة فارغة.

ثم صرخ في وجهها مرة أخرى قائلاً " ألا تعلمين أنه حينما تهدين شخصا هدية, يفترض أن يكون بداخلها شئ ما؟"

ثم ما كان منه إلا أن رمى بالعلبة في سلة المهملات و دفن وجهه بيديه في حزن.

عندها ,نظرت البنت الصغيرة إليه و عيناها تدمعان

و قالت " يا أبي إنها ليست فارغة, لقد وضعت الكثير من القُبَل بداخل العلبة. وكانت كل القبل لك يا أبي "

تحطم قلب الأب عند سماع ذلك.

و راح يلف ذراعيه حول فتاته الصغيرة, و توسل لها أن تسامحه.

...فضمته إليها و غطت وجهه بالقبل.

ثم أخذ العلبة بلطف من بين النفايات وراحا يصلحان ما تلف من ورق الغلاف المذهب

وبدأ الأب يتظاهر بأخذ بعض القبلات من العلبة فيما ابنته تضحك و تصفق وهي في قمة الفرح.

استمتع كلاهما بالكثير من اللهو ذلك اليوم.

و أخذ الأب عهداً على نفسه أن يبذل المزيد من الجهد للحفاظ على علاقة جيدة بابنته, وقد فعل

إزداد الأب و ابنته قرباً من بعضهما مع مرور الأعوام.

ثم خطف حادثٌ مأساوي حياة الطفلة بعد مرور عشر سنوات.

وقد قيل أن ذلك الأب, وقد حفظ تلك العلبة الذهبية كل تلك السنوات, قد أخرج العلبة و وضعها على طاولة قرب سريره

وكان كلما شعر بالإحباط, كان يأخذ من تلك العلبة قبلة خيالية و يتذكر ذلك الحب غير المشروط من ابنته التي وضعت تلك القبل هناك

.........

كل واحد منا كبشر, قد أعطي وعاءاً ذهبياً قد مُلأ بحبٍ غير مشروط من أبناءنا و أصدقائنا و أهلنا. وما من شئ أثمن من ذلك يمكن أن يملكه أي إنسان ..

منقوووووووووول

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك

الحب الغير مشروط لا وجود له بين البشر

فأنا أحبك لأنك تسعدني

لأني احتاج إلى وجودك بجانبي

أو حتى لأنك تحبني

هل يوجد بشر يحب حبا غير مشروط؟

لا أعتقد

حتى حبنا لله تعالى - إذا كان صادقا - فهو أيضا أملا في الثواب والجنة

أعتقد أن الحب الوحيد الغير مشروط

هو حب الله تعالى لنا

فهو حب بلا انتظار لمقابل

و حب بلا احتياج فهو سبحانه الغني و نحن الفقراء

حب المعطي الكريم المالك لكل الأشياء

و الذي يحب منحها لكل عباده حتى من لايؤمنون به يعطيهم

محبة الله تعالى لعباده تفوق عددهم

و رحمته التي تملأ الأرض ليت إلا جزء من مائة جزء من رحمته جل وعلا

و الله يكفيه عذابا من يحيا و يموت و هو لا يشعر بذلك الحب و لا يراه

و لا أرى شيء أشد من ذلك حسرة يوم القيامة

نترك كل هذا الحب و نتذلل لمن دونه

نحب من يرفضنا و يضيق بنا و نعرض عن رب العالمين

لمع أمام عيني الآن قوله جل و علا

{وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاء مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلاً }الكهف50

أعد شحن طاقتك

حدد وجهتك

و اطلق قواك

رابط هذا التعليق
شارك

الوعاء الذهبي .. (مؤثرة جدااا)

عاقب رجلٌ ابنته ذات الثلاثة ...أعوام لأنها اتلفت لفافة من ورق التغليف الذهبية.

فقد كان المال شحيحاً و استشاط غضباً حين رأى الطفلة تحاول أن تزين إحدى العلب بهذه اللفافة لتكون على شكل هدية.

على الرغم من ذلك ,

أحضرت الطفلةُ الهديةَ لأبيها بينما هو جالس يشرب قهوة الصباح, وقالت له: " هذه لك, يا أبتِ!! "

!!!!

أصابه الخجل من ردة فعله السابقة,

ولكنه استشاط غضباً ثانية عندما فتح العلبة و اكتشف أن العلبة فارغة.

ثم صرخ في وجهها مرة أخرى قائلاً " ألا تعلمين أنه حينما تهدين شخصا هدية, يفترض أن يكون بداخلها شئ ما؟"

ثم ما كان منه إلا أن رمى بالعلبة في سلة المهملات و دفن وجهه بيديه في حزن.

عندها ,نظرت البنت الصغيرة إليه و عيناها تدمعان

و قالت " يا أبي إنها ليست فارغة, لقد وضعت الكثير من القُبَل بداخل العلبة. وكانت كل القبل لك يا أبي "

تحطم قلب الأب عند سماع ذلك.

و راح يلف ذراعيه حول فتاته الصغيرة, و توسل لها أن تسامحه.

...فضمته إليها و غطت وجهه بالقبل.

ثم أخذ العلبة بلطف من بين النفايات وراحا يصلحان ما تلف من ورق الغلاف المذهب

وبدأ الأب يتظاهر بأخذ بعض القبلات من العلبة فيما ابنته تضحك و تصفق وهي في قمة الفرح.

استمتع كلاهما بالكثير من اللهو ذلك اليوم.

و أخذ الأب عهداً على نفسه أن يبذل المزيد من الجهد للحفاظ على علاقة جيدة بابنته, وقد فعل

إزداد الأب و ابنته قرباً من بعضهما مع مرور الأعوام.

ثم خطف حادثٌ مأساوي حياة الطفلة بعد مرور عشر سنوات.

وقد قيل أن ذلك الأب, وقد حفظ تلك العلبة الذهبية كل تلك السنوات, قد أخرج العلبة و وضعها على طاولة قرب سريره

وكان كلما شعر بالإحباط, كان يأخذ من تلك العلبة قبلة خيالية و يتذكر ذلك الحب غير المشروط من ابنته التي وضعت تلك القبل هناك

.........

كل واحد منا كبشر, قد أعطي وعاءاً ذهبياً قد مُلأ بحبٍ غير مشروط من أبناءنا و أصدقائنا و أهلنا. وما من شئ أثمن من ذلك يمكن أن يملكه أي إنسان ..

منقوووووووووول

تسلم ايدك يادريم

تعرفي .............. ان الانسان دايماً بيحس بالنعمة بعد فقدانها ؟؟؟؟

الحب نعمة .......... ورزق في نفس الوقت ........ لو عايزة تعرفي انتي بتحبي فولان او فولانة اد ايه ........ تخيلي انهم ممكن يبعدوا عنك للابد ......... ساعتها بس هتعرفي اذا كنتي بتحبيهم ولا لأ واد ايه

ساعات كمان بنبقي بنحب ناس اوي ومابنحسش اننا بنحبهم الا بعد لما نبعد عنهم ....... ويستحيل اللقاء ......

الانسان تركيبه غير مفهومة .......... هو نفسه ساعات كتير مابيبقاش فاهم نفسه ....... ولا عارف هو عايز ايه

لكن ربنا سبحانه وتعالي رزقنا بنعمة الحب ........... والدنيا من غير حب غابة لايمكن العيش فيها مطلقاً

دمتي بين من احببتهم وأحبوكي

اللهم إرزقني بفرحة ... تجعلني أسجد لك باكية .

رابط هذا التعليق
شارك

السلام عليكم و رحمة الله و بركاته

قصة جميلة اوي يا دريمي

انا قريتها قبل كده

بس سبحان الله كل ما اقراها احس ان فيه طاقة كده بقت تتمشي جوه كل خلية فيا

تسلم ايديكي و قلبك :give_rose:

لما بقرا القصة دي بفتكر ان احنا متربناش ان احنا نعبر عن حبنا للي بنحبهم لا بالكلام و لا بالقرب الجسدي

يعني افتكر اني لما كنت احضن ماما مثلا تتكسف اوي و تقولي خير يا لمضة فيه ايه

بس بابا مع انه صعيدي....عودني ان الحضن ده مش بس انك بترمي نفسك جوه دراعين اكبر منك....لا ده حماية بتحوطك و بتفضلي شايلاها منين ما تكوني...و حتي لما بتكبري

لما كبرت ابتديت ما "ابخلشي" علي اللي حواليا بقبلات مسروقة...علي غفلة و باحضان ممكن تتاخد خطف

عارفة انتي اخوكي ايون...الكبير دوت...اللي هو يبقي لسه مزعق فيكي و كدهوت و انتي بتبقي كاتمة الضحكة بالعافية....تخيلي رد فعله لو انتي رميتي نفسك في حضنه مثلا....يااااااااه هيتغير المود ع طول...(و ده طبعااذا ما سبقشي هو و اداني بونية في وشي...ايه الرومانسية دي..اخواتي و انا عارفاهم :blink: )

افتكرت دلوقتي.....مشهد المطار....عارفة لما بنسافر و نودع....غير لما بنبقي راجعين ...اللهفة....و الجري من اخر الصالة لغاية البوابة....و النط جوه الحضن....يااااااااااااااااه بيشيل تعب الغربة كله

عودت عفاريتي الصغيرين (ولاد اخويا اللي بيبقوا زي الاتب في ضهري في الصيف :closedeyes: )انهم يبقي قريبين من مشاعرهم و يعبروا عنها اوي

....يعني يقولوا كلمات زي...."بحبك...وحشتيني....متغبيش"....

و عودتهم ان فيه بوسة الصبح...دي لما بنصحي من النوم...اينعم بيبقوا قايمين منكوشين و انا بفضل اسال.....ولاد مين دولم اصلا :blink: ...بس برضه لازم اول حاجة لما نصحي نقول الدعاء و بعدين بووووسة

و فيه زيها قبل النوم...و برضه لو حصل و مكنوش غاسلين سنانهم يبقي امري الي الله استحمل لحوسة المكرونة و الصلصة

و بضحك من قلبي....اوي...لما "عوكل افندي" يسالني دي بقي بتاعت ايه....و اقوله بتاعت انك اصلا سألت :wub:

فيه حضن لما بنتصالح....

و فيه بوسطات نبعتها لبعض في الهوا....و بتوصل...بس اهم حاجة نقول لبعضينا احنا عايزنها بوسطة علي القورة و لا ع الوش

بحس ان الاطفال بمفرداتهم هم ممكن يعلمونا ان الحب يكون ليه مساحات واضحة في حياتنا....و نقدر كمان نعبر عنه...مش بس نفضل نقولها بينا و بين نفسنا

طولت عليكي

بس حسيت بمساحة اقتراب اوي في القصة هنا

مساكي.....بوسطة.....من قلب....لقلب

مساكي...وعاء دهب...مليان كل الخير:give_rose:

تم تعديل بواسطة لماضة مصرية جدا
رابط هذا التعليق
شارك

الحب الغير مشروط لا وجود له بين البشر

فأنا أحبك لأنك تسعدني

لأني احتاج إلى وجودك بجانبي

أو حتى لأنك تحبني

هل يوجد بشر يحب حبا غير مشروط؟

لا أعتقد

حتى حبنا لله تعالى - إذا كان صادقا - فهو أيضا أملا في الثواب والجنة

أعتقد أن الحب الوحيد الغير مشروط

هو حب الله تعالى لنا

فهو حب بلا انتظار لمقابل

و حب بلا احتياج فهو سبحانه الغني و نحن الفقراء

حب المعطي الكريم المالك لكل الأشياء

و الذي يحب منحها لكل عباده حتى من لايؤمنون به يعطيهم

محبة الله تعالى لعباده تفوق عددهم

و رحمته التي تملأ الأرض ليت إلا جزء من مائة جزء من رحمته جل وعلا

و الله يكفيه عذابا من يحيا و يموت و هو لا يشعر بذلك الحب و لا يراه

و لا أرى شيء أشد من ذلك حسرة يوم القيامة

نترك كل هذا الحب و نتذلل لمن دونه

نحب من يرفضنا و يضيق بنا و نعرض عن رب العالمين

لمع أمام عيني الآن قوله جل و علا

{وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاء مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلاً }الكهف50

الجميلة مصرية

اسمحيلي أختلف معاكي

مش كل الحب مشروط ......... يمكن انا لما احب اهلي واخواتي واصحابي .......... يبقي محتجاهم جنبي ........ ووجودهم مجرد وجودهم بيسعدني

لكن معني كدة ياقمر انهم لو بعدوا عني هبطل احبهم ؟؟؟؟؟؟

طيب ليه الأم بتحب ابنها المسافر او خلينا نقول المهاجر ؟؟؟؟؟ يمكن علي أمل انها تشوفه

طيب لما تحب ابنها المتوفي ؟؟؟؟؟؟؟؟؟؟ وهي متأكدة انها استحالة تشوفه في الدنيا ؟؟؟؟

بلاش الام

الأرملة اللي بتعيش علي ذكري زوجها الراحل ؟؟؟؟؟؟؟؟؟

والابن اللي بيترحم علي والدليه ؟؟؟

والصديق اللي فقد صديقه ؟؟؟؟

طيب لما انا احب حد ومحتاجه وجوده جنبي ........ وحبي ليه مشروط ببقاءه ووجوده ........... نفسر بإيه حبي ليه حتى بعد الفراق ؟؟؟؟ ما الشرط اتنفي اهه واصبح شرط البقاء بجواري مش موجودة يبقي ايه تفسيرنا لوجود الحب ؟؟؟

ساعات بيكون الحب مجرد للحب وبس .............. او غريزة ...... يعني الام اللي ماتقدرش تكره ابنها العاق لأن غريزة حبه اكبر بكتير من أفعاله

وساعات بنحب شخصيات في خيالنا احنا وبس ........ ولما مانلاقيهومش في الواقع نعمل مساحة خاصة جداً في خيالنا نحب فيها وبس ........ هنا الحب مشروط فعلاً ....... لأنه بيمنحنا السعادة حتى وإن كانت مزيفه

لكن حينما لايمنح الحب سوى الالم ........... والذكريات .......... وفي نفس الوقت مابنقدرش نستغنى عنه ؟؟؟؟؟؟ زي قصة دريم ........ الاب هنا حبه لبنته بيفكره بيها واكيد بيتألم لفقدانها ...... ومع ذلك مش قادر يبطل يفتكرها ولا قادر يبطل يحبها

عارفة يامصرية

لأن فيه مع الحب حاجة تانية لازقة فيه ............. ومن غيرها مايبقاش اسمه حب ........... يبقي اسمه أنانية ......... او اي حاجة فيما عدا الحب

الاخلاص

ساعات كتير اوي بنقابل ناس ونعرفهم ......... وبنفترق ........... ونتوه في زحمة الحياه .......... لكن عمرنا ابداً مانسيناهم ولاهما نسيونا

كلنا كدة

من شوية كنت بكلم صديقتي الصدوق ............ انتيمتي يعني

عارفة بقالي كام ستة ماشوفتهاش ؟؟؟؟؟؟؟

حوالي 3 سنوات ............ واعتقد ان فرص لقانا بتقل يوم عن التاني ............ في اوقات كتيرة اوي ببقي هموت واشوفها ....... وهي كمان

لكن ظروفنا بتمنعنا ............. وساعات بنقعد شهور مانعرفش حاجة عن بعض

لكن عمرنا مانسينا بعض .......... وحبي ليها وحبها ليا اصبح بلا شروط

صحيح النوع دة من الحب مش منتشر اوي ........... لكنه موجود

زي لما تدي حد حاجة او تاخدي حاجة من حد وانتي عارفة انها من غير مقابل خالص

وإن كان فيه مقابل في النوعية دي من الحب ........... يبقي رضا الله ( اقصد ان المقابل موش دنيوي ) ........... زي لما تقولي لحد بحبك في الله

بس خلاص

احسن حاسة اني بقيت بتكلم زي عمو اسامة منير في البرنامج بتاعه دة موش عارفة اسمه الصراحة يعني

اللهم إرزقني بفرحة ... تجعلني أسجد لك باكية .

رابط هذا التعليق
شارك

يوما ما عدت من عملي مرهق التفكير من هم سيطر على تفكيري حتى أرهق جسدي

وبعد صلاة أديتها لم استطع الجلوس

فاستلقيت على ظهري و أغمضت عيني أحاول السكون و ليس السكوت

وأنا مغمض العينين وجدت أصابع صغيرة أعرفها تعبث في شعري

أصابع ابني عمر وكان ما زال في عامه الأول

وقد تعلم الجلوس من فترة بسيطة و لم يتعلم المشي بعد

لقد جاء يحبي على يديه و ركبتيه و لم أشعر به

لامستني أصابعه الجميلة ...

أصابعه الصغيرة مثل كل الأطفال لها ملمس ساحر

ولكني لم أفتح عيني من التعب و استمررت في حالتي

وهو يحاول أكثر و يشد في شعري

وبدأ يحاول رفع رأسي

حينها بدأت الاستجابة له

ورفعت رأسي قليلا عن الأرض

ظننت أنها لعبته أن يرفعها و يخفضها

ولكنه لم يكن يريد اللعب

فما أن رفعت رأسي عن الأرض

وضع رجله تحت رأسي

وجلس يحرك أصابعه في شعري

أنه يجعل من رجله الصغيرة وسادة أستريح عليها

فتحت عيني

فوجدت عيونه تحتضني

ضحك ضحكة جميلة

فضحكت

فانشرح قلبي

قمت و قد زال همي

فشكرت ربي

وضممت إلي ابني

لقد أحس بي

لأنه يحبني

لا لشيء فعلته

ولكن هكذا هي قلوب الأطفال

بريئة

لا تعرف إلا الحب

 

رابط هذا التعليق
شارك

حبيبتي رضوى

المقابل هو المقابل

حتى لو معنوي و غير ملموس كالاحساس بالسعادة

أليس هذا هو المقابل للحب؟؟

هل تحبين شخصا أو شيئا يصيبك بالتعاسة؟؟؟

حب الأم لولادها ألا يشعرها بالسعادة؟؟؟!!!

و حتى المقابل الأخروي أليس مقابل؟؟؟

وجهة نظري أنني من البشر

و يسعدني ذلك

الحب غير المشروط ليس من طبيعة البشر

ففيه تنزه و استغناء لا يليق إلا برب العالمين فقط

فكري في كل أحبائك و سترين أنك تحصلين على مقابل لحبك لهم

إن لم يكن حبا متبادلا

فهو سعادة بقربهم

أو حتى سعادة بذكراهم لو كانوا فارقونا

و حتى عند وصلك لمن قطعوك من الأهل فأنتي تطلبين الأجر الأخروي

ليس عيبا الاعتراف بذلك

عن نفسي أنا أكثر إنسانة تحب في الدنيا

أحب كل الناس و لله الحمد

و أحب كل ما هو جميل

و أفتش عن الجمال في كل شيء لأحبه

و لو كنا جبلنا على عدم انتظار المقابل

ما كان وعدنا الله تعالى الجنة و ما كنا صبرنا على المكاره للحصول عليها

و قد وصف الرسول صلوات الله و سلامه عليه الجنة بأنها سلعة الله حين قال: ( ألا إن سلعة الله غالية، ألا أن سلعة الله الجنة)

أعد شحن طاقتك

حدد وجهتك

و اطلق قواك

رابط هذا التعليق
شارك

برده ياجميلة

فيه انواع للحب بدون مقابل ............ وزي ماقولت القصة بتاعتنا ...... الحب هنا لايجلب سوى الحزن حتى الذكرى هنا ........ هتثير الحزن ......... ويبقى النسيان عملة نادرة لايمكن الحصول عليها ..........

دي وجهه نظري في الموضوع دة ياقمراية ........... او بمعنى اصح تجربتي المتواضعة جداً في تلك الحياه

اللهم إرزقني بفرحة ... تجعلني أسجد لك باكية .

رابط هذا التعليق
شارك

يوما ما عدت من عملي مرهق التفكير من هم سيطر على تفكيري حتى أرهق جسدي

وبعد صلاة أديتها لم استطع الجلوس

فاستلقيت على ظهري و أغمضت عيني أحاول السكون و ليس السكوت

وأنا مغمض العينين وجدت أصابع صغيرة أعرفها تعبث في شعري

أصابع ابني عمر وكان ما زال في عامه الأول

وقد تعلم الجلوس من فترة بسيطة و لم يتعلم المشي بعد

لقد جاء يحبي على يديه و ركبتيه و لم أشعر به

لامستني أصابعه الجميلة ...

أصابعه الصغيرة مثل كل الأطفال لها ملمس ساحر

ولكني لم أفتح عيني من التعب و استمررت في حالتي

وهو يحاول أكثر و يشد في شعري

وبدأ يحاول رفع رأسي

حينها بدأت الاستجابة له

ورفعت رأسي قليلا عن الأرض

ظننت أنها لعبته أن يرفعها و يخفضها

ولكنه لم يكن يريد اللعب

فما أن رفعت رأسي عن الأرض

وضع رجله تحت رأسي

وجلس يحرك أصابعه في شعري

أنه يجعل من رجله الصغيرة وسادة أستريح عليها

فتحت عيني

فوجدت عيونه تحتضني

ضحك ضحكة جميلة

فضحكت

فانشرح قلبي

قمت و قد زال همي

فشكرت ربي

وضممت إلي ابني

لقد أحس بي

لأنه يحبني

لا لشيء فعلته

ولكن هكذا هي قلوب الأطفال

بريئة

لا تعرف إلا الحب

السلام عليكم و رحمة الله و بركاته

رائعة استاذي

مش عشان بس بتاعت عموري...و اسم عمر دايما ليه مقعد في القلب

عشان احساسها صادق اوي

و بيخبط علي القلب اوي

جزي الله حضرتك كل الخير انك جبت "مقعد في القلب" و سمحت لينا نشاركك اياه

ربنا يخليلك عمر و يكون قرة عين حضرتك في الدنيا و الاخرة يا رب

مسا حضرتك........حب..."عمر"...و اخواته

رابط هذا التعليق
شارك

شكرا لمروركم جميعا والأهم بصراحة من مروركم إن كل واحد كتب مشاركة بصراحة تفيض بالحب والمشاعر الرقيقة

خدتوني في دنيا تانية بصراحة من جمال مشاركتكم....

أولا حبيبتي مصرية متغربة: أنا هأنضم لرضوي في الدفاع عن إن ممكن الحب غير المشروط يكون مابين البشر

في رأيي حب ربنا لينا ليس حب غير مشروط ولكنه حب آخر أعلي من الحب غير المشروط حب السيد للعبد حب غير مفهوم له سبب وغير مفهوم له كنه

ولا ينتهي ولا يوصف بصفات مثل حب البشر للبشر

بعكس الحب غير المشروط ممكن يكون بين البشر ونعم عندك حق له مقابل لكن المقابل أن تكون أنت أنت ....يعني الطفل ببراءة بيحب أمه وأبوه وعايزهم يكونوا موجودين فقط

مفيش شئ هيأثر علي هذا الحب في قلبه ....مش عارفة ممكن أكون غلط بس أعتقد إن الحب غير المشروط ليس معناها أنه حب بلا مقابل ولكن معناه أنه ليس له شرط

بمعني أنا أحبك عشان أنت أنت كما أنت مش مطلوب منك تكون شجاع أو عبقري عشان أحبك

لأ أنك بحبك في كل حالاتك لما بتبقي قوي أو وأنت ضعيف.....

ثانيا الجميلة رضوي والله يا بنتي قلتي كلام جميل جدا وأنا لو من نجوم أف أم ألغي برنامج أسامة منير وأجيبك أنتي تقدمي مكانه

ثالثا لماضة مصرية جدا : عارفة يا لماضة أنتي نقلتيني باحساسك وقصتك مع العائلة لمساحة تانية خالص

أنا بصراحة محظوظة جدا أنا من أسرة عاطفية جدا جدا وممكن أزعل من ماما عشان بقالها يومين ما دلعتنيش ولا قالتلي كلام حب

يعني إحنا أسرة بتعبر عن مشاعرها وتدلدق كده من غير تفكير

رابعا أستاذ عادل أبو عمر ...ربنا يارب يبارك لك في عمر وتستمع به ودائما يكون في مواقف جميلة كده تشاركنا بيها

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك

برده ياجميلة

فيه انواع للحب بدون مقابل ............ وزي ماقولت القصة بتاعتنا ...... الحب هنا لايجلب سوى الحزن حتى الذكرى هنا ........ هتثير الحزن ......... ويبقى النسيان عملة نادرة لايمكن الحصول عليها ..........

دي وجهه نظري في الموضوع دة ياقمراية ........... او بمعنى اصح تجربتي المتواضعة جداً في تلك الحياه

احترم وجهة نظرك يا رضوى باشا

و زي ما انتي قلتي هناك فعلا أنواع للحب بدون مقابل

على غرار

الحب من غير أمل أسمى معاني الغرام

و أني أبقى مبسوطة ان اللي حبيته راح اتجوز واحدة تانية

و المهم ان هو سعيد يبقى هو ده أقصى ما أتمنى

لو ده قصدك

فده يخالف طبيعتي بشدة و لا يمكن أقبله

و أراه تعذيبا للنفس

و امعانا في الحزن والأسى

و برضه احترم من يرون ذلك

و إن كنت أشفق عليهم

و أتمنى من كل قلبي

أن ينعم كل البشر بالسعادة و الحب و الجمال

في الدنيا

و الآخرة

تحياتي يا قمراية يا جميلة

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 16
      هل ممكن حد يجاوب - بس بشفافية لو سمحتم - على السؤال البسيط ده ؟ ليه كان القذافى هو الرئيس الوحيد الذى اغتيل وتم التمثيل بجثته   من بين رؤساء ما اسمته أمريكا : "الربيع العربى" ؟  
    • 27
      مليون مبروك يا ريمون على الخطوبة السعيدة وربنا يتمم لك بخير يارب و بإذن الله تتهنى بعروستك و تتهنى بيك و عقبال ما تتنقل الدبل للايد الشمال آمين
    • 1
      الشعب المصري ده مش ممكن خفة دم وتلعيقات بديهية سريعة وغير مدروسة وتلقائية تموت من الضحك حتى في عز الأزمات والكوارث - حتى انت كمان بتقول عز ؟ - وما فيش شعب بيسخر من نفسه وحاله زيينا ما هو إحنا لو ما عملناش كده يبقى هانطق ونموت ده حقيقي مش تهريج جريدة المصري اليوم فتحت مجال لوضع تعليقات للقراء على الأخبار ... فالنهاردة جمعوا التعليقات حوالين الأسعار الهلامية الحلزونية والتي يتحكم فيها شخص نكرة إسمه احمد عز ... اللي هو عبارة عن أراجوز وواجهه للكبار اللي لقوا في الموضوع ده سبوبه تخليهم
    • 6
      سيد عسران فتي بورسعيد الذهبي أخيراً استراح الفارس .. .. نعم استراح الفارس الذي عاش طيلة عمره مناضلاً ، متشبثاً بحب الوطن ، معانقاً الجميع ممن يلقونه بحب جارف وقلب يسع الدنيا بأسرها ، هكذا كان وسيظل عم سيد ملء الضمير الوطني ، وفي ذاكرة هذه الأمة مهما علا علي السطح هؤلاء الذين لا يكفون عن الثرثرة والمزايدة والإدعاءات الرخيصة من أجل نيل غرض مؤقت عابر .. كان سيد عسران يمثل ضمير أمته وهي تواجه عدواناً غاشماً من دول ثلاث جاءت لتجهض حلمها ، ولكن أبناء الوطن والذين ينذرون أرواحهم في سبيله عانقو
×
×
  • أضف...