اذهب إلى المحتوى
محاورات المصريين

عمرك حسيت.. عمرك حسيت!!!!؟


التونسى

Recommended Posts

عمرك حسيت..عمرك حسيت!!؟

عمرك حسيت .. إن الدنيا .. فــ عنيك .. بتهون

وان حياتك .. ماسخه.. وبايخه ... وعديمة اللون

عمرك حسيت ..إنك قربت .. تصير... مجــنـون

وانك مطحون.. وكمان مسجون.. فى براح الكون

عمرك حسيت .. عمرك حسيت!!؟

عمرك حسيت .. إنك عايز .. تصــرخ .. وتثــور

زى البركان .. إللى بيغلى .. وخــلاص حيفــور

عمرك حسيت .. إنك شمعه .. عـُمرها .. مهــدور

بتموت ف مكانها ..لجل ما توهب غيرها .. النور

عمرك حسيت .. عمرك حسيت!!؟

عمرك حسيت .. إنك حــاير.. بيـــن إتجاهـــين

وانك ضليت السكه ..وتُهــت .. مع التايــهين

عمرك حسيت .. إنك نِفســك.. تبقى بجناحين

وتطـــير .. وتفارق دُنيِــتنا .. المليانه أنيـــــن

عمرك حسيت .. عمرك حسيت!!؟

عمرك حسيت .. إنـك متغــرب .. بــين النـــاس

وانك مش لاقى.. معنى جميل ..إسمه الإخلاص

عمرك حسيت .. إنك فى الحب .. وقعت خلاص

مع إنك .. حاطط على قلبك ..قــفــل .. وحراس

عمرك حسيت .. عمرك حسيت!!؟

عمرك حسيت .. إن الكلمه .. فـ حَلقَك..مدبوحه

والصرخه الساكنه.. فـ نظراتك..ساكته ومجروحه

عمرك حسيت.. إن البركه.. فـ رِزقك.. مطروحه

وبتدعى.. ودايما كده.. أبواب السما..مفـتوحه

عمرك حسيت..عمرك حسيت!!؟

اتمنى أن تحوز قبولكم

و .. التونسى

flower1.gifflower1.gif

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

صعب نلاقى كلام يوصف الابداع

اكيد حسيت

I shall be telling this with a sigh

Somewhere ages and ages hence:

Two roads diverged in a wood, and I—

I took the one less traveled by,

And that has made all the difference

رابط هذا التعليق
شارك

السلام عليكم و رحمة الله و بركاته

صباح الاحساس اللي بيتدفق زي زخات المطر فيربت علي الروح كده قطرة قطرة و يصحي فيها احساس كان الواحد فاكر نفسه لوحده فيه

حاولت اظلل عبارات عجبتني من ...عمرك حسيت

و لقتني بظلل الكلمات كلها

من بين الحيرة...و الغربة....و التيه....و حلم الطيران....و الجنون...و الحب....و الدعاء...لقتني بقول لحضرتك

ايوه حسيت

و صحيت جوايا حاجات كتير

حسيت اني كبرت خمسين سنة......يوم ما شلت علي كتفي شنطة سفر

و حسيت اني طفلة قليلة الحيلة....لما بشوف تدابير القدر

اتخنقت لما بحس اني بعافر في الدنيا لوحدي.....و شايلة حلمي و عندي علي كتفي

و لما كنت بقع في السكة...مش بس بلاقي نفسي عنيدة

بلاقي ربنا دايما يديني ولادة جديدة

تسلم ايديك استاذي

و صباح حضرتك....احساس....نتقاسمه في دروب الحياة....عشان احنا بني أدمين....و لازم "نحس"

رابط هذا التعليق
شارك

واخيراً

اهلت علينا نسماتُك .. كلربيع

لا فض فوك ولاعاش شانؤك ،ارهاصات اضاءات فكر ... و لا يتأسفون على شئ منها

أدبر ، لهي كانت أهون في أعينهم من التراب .. فأين هم منها الآن .. حكامُنا؟!

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

عمرك حسيت إن الكون مليان بالنور

و إن الرزق واسع

وسع البحور

مستني نمد ايدينا و نطلب

و يقولك

طول ما ربك موجود

مش راح تغلب

عمرك حسيت ان الدنيا مليانة سعادة

زي البحر...

كل ما تاخد منه

تلقاه فزيادة

عمرك حسيت إن ربك بيحبك

بيبعت لك رسايل

بتقولك

يا ابن آدم

ياللي للغم و الهم شايل

محدش في الكون ده

ليه عليك جمايل

كله من فضل ربك

و غيره كله زايل

أعد شحن طاقتك

حدد وجهتك

و اطلق قواك

رابط هذا التعليق
شارك

أحساس رائع وكلمات رقيقة

تسلم الأيادي :give_rose:

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك

صعب نلاقى كلام يوصف الابداع

اكيد حسيت

الإحســـاس ... تلك النعمة ... وذاك العــذاب .. أن تشعر بالأخرين .. مثلما تشعر بنفسك .. فتفرح ... لفرحهم .. وتحزن لحزنهم

الإحســـاس ... بدونه .. يفقد الإنسان .. عنصر مهم .. من أهم عناصر تكوينه البشرى .. فيصبح ألة صماء .. باردة ..مجوفه

أسعدنى جد مرورك وتعليقك اختى الفاضله ((جاسمين))flower1.gifوحمدا لله أن لاقت خواطرى الزجلية تلك استحسانك وقبولك

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

أشحن و لي عودة باذن الله

:clappingrose:

حمدا لله أن وفقنى فى كتابة تلك الخواطر بالعاميه .. بما جعلها تلقى هذا التقدير الحسن .. أشكرك اختى الفاضلة ((أم زيد)) clappingrose.gif على تواجدك .... وتعليقك .. ربنا يقدرنى دايما فى كتابة ما يلقى قبولكم

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

جميلة جدا

وكاشفة جدا

:give_rose:

والاجمل عندى هو تواجد حضرتك الاخ الفاضل ((أيمن))give_rose.gif.. وكذا استحسانك لما نظمت .. من أبيات .. كاشفة فعلا .. رأيت فحواها فى نفسى ... ورايتها فى اخرون .. وجئت هنا لأصيغها .. بأدواتى الشعرية المتواضعه .. وحمدا لله ان وفقت الى حد ما فى مسعاى هذا لايصال خواطرى وافكارى

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

عمرك حسيت يا تونسي باشا انك كنت ظالمنا طول فترة غيابك الزجلي ..

رائعة يا استاذي ... رائعة .. ومن دون مجاملة .. لا اراها تقل عن زجليات كثيرة مشهورة .. واتمنى ان تجمعها .. وتنشرها بديوان .. هناك الكثير من يحبون قراءة الزجل .. وانا منهم

تحياتي لك استاذي

،، مع اجمــل تحيـــاتي

الســــاري

782283329.png

رابط هذا التعليق
شارك

السلام عليكم و رحمة الله و بركاته

صباح الاحساس اللي بيتدفق زي زخات المطر فيربت علي الروح كده قطرة قطرة و يصحي فيها احساس كان الواحد فاكر نفسه لوحده فيه

حاولت اظلل عبارات عجبتني من ...عمرك حسيت

و لقتني بظلل الكلمات كلها

من بين الحيرة...و الغربة....و التيه....و حلم الطيران....و الجنون...و الحب....و الدعاء...لقتني بقول لحضرتك

ايوه حسيت

و صحيت جوايا حاجات كتير

حسيت اني كبرت خمسين سنة......يوم ما شلت علي كتفي شنطة سفر

و حسيت اني طفلة قليلة الحيلة....لما بشوف تدابير القدر

اتخنقت لما بحس اني بعافر في الدنيا لوحدي.....و شايلة حلمي و عندي علي كتفي

و لما كنت بقع في السكة...مش بس بلاقي نفسي عنيدة

بلاقي ربنا دايما يديني ولادة جديدة

تسلم ايديك استاذي

و صباح حضرتك....احساس....نتقاسمه في دروب الحياة....عشان احنا بني أدمين....و لازم "نحس"

الاخت المبدعه ((لماضه))

give_rose.gif...حين يمتطى قلمك ..صهوة خيالك .. ويركض جامحا .. فى مروج المشاعر .. و وديان الاحاسيس .. من ذا الذى ..يستطيع ملاحقتك .. او حتى مجاراتك ..فيما تكتبينه !!؟ ... وقد جعلتينى ..ألهث .. وراء ((مُهرةافكارك)) .. والتى(( ما شاء الله )) تنطلق دائما ..فى إنسيابية و إسهاب .. محاولا بلوغها .. لأوفيها حقها.. من التعليق والتقدير..

أشكرك على تواجدك ..وعلى إثراءك للطرح ..وعلى تعليقاتك المميزه دوما ..ليس هنا فقط .. ولكن.. فى كل موضع ..تطئينه ...بكلماتك الرشيقه

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

واخيراً

اهلت علينا نسماتُك .. كلربيع

لا فض فوك ولاعاش شانؤك ،ارهاصات اضاءات فكر ... و لا يتأسفون على شئ منها

أدبر ، لهي كانت أهون في أعينهم من التراب .. فأين هم منها الآن .. حكامُنا؟!

عمرك حسيت .. إنك طائر .. فى الليل .. وحزين

هَمَك .. بلدك.. إللى شايلها .. فى حبابى العــــيــن

عمرك حسيت .. إنك شاعر .. مرهف .. ورزين

وحقيقى .. ف حُبك ..لصحابك .. مُخلص ..وأمين

عمرك حسيت . عمرك حسيت

الاخ الجميل ((طائر الليل الحزين))

give_rose.gifأعترف بأنك من الاسباب التى .. شحذت هِمتى.. للعودة ثانية لنشاطى الادبى والشعرى بالمحاورات.. بعد أن جعلتنى الثورة أغرق حتى الثمالة فى بحور السياسة ودروبها ودهاليزها .. والحمد لله ان وفقنى فى نظم تلك الخواطر الزجليه التى بدات كتابتها منذ حوالى سنتين ... وقمت بإنهائها ..وتنقيحها مؤخرا.. أشكرك على تشجيعك وتواجدك .. وكذا على مداخلتك المميزه المصاغه باسلوبك الادبى الجميل المعروف لنا

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

شكراً على هذه الأحساس العالي جداً .. الذي مس الأعماق ..

أيوه ............ أكيد ............. طبعاً ............. حسيـت ..

تم تعديل بواسطة عبد الله غريب
رابط هذا التعليق
شارك

عمرك حسيت إن الكون مليان بالنور

و إن الرزق واسع

وسع البحور

مستني نمد ايدينا و نطلب

و يقولك

طول ما ربك موجود

مش راح تغلب

عمرك حسيت ان الدنيا مليانة سعادة

زي البحر...

كل ما تاخد منه

تلقاه فزيادة

عمرك حسيت إن ربك بيحبك

بيبعت لك رسايل

بتقولك

يا ابن آدم

ياللي للغم و الهم شايل

محدش في الكون ده

ليه عليك جمايل

كله من فضل ربك

و غيره كله زايل

عمرك حسيت .. إن إيمانـك .. أشبه .. بالنور

بيشع .. وينبع .. من قـلـبك .. وبيمـلا بحـــور

عمرك حسيت ..إنـك راضــى .. وإنك مستــور

وطموحك..ولا جاه ولا سُلطه..ولا مال وقصور

عمرك حسيت .. عمرك حسيت!!!؟

يبدو أن قريحتى الشعريه.. مازلت ملئ.. ببعض الخواطر الزجليه(( التكميليه)).. فى نفس سياق الفكرة الرئيسيه .. ولكن يعود الفضل لكى أختى الفاضلة ((مصرية مغتربه))

give_rose.gif فى كتابة المقطع المكتوب أعلاه .. بعد قراءتى لمداخلتك الفلسفية الجميله .. والتى داعبت فكرى.. وأثارت فى خيالى أبيات زجلية جديده.. فشكرا وعرفاناً ..على تواجدك وعلى وتفاعلك وتواصلك الادبى مع ما نظمت .. مما أثرى الطرح .. ورفع من قيمته

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

أحساس رائع وكلمات رقيقة

تسلم الأيادي :give_rose:

سلمتى من كل سوء أختى الفاضله (دريم ويث مى)give_rose.gif.. أسعدنى وجودك .. وثنائك على خواطرى الزجلية .. وربنا دايما يقدرنى على أن تلقى كتاباتى الشعريه قبولكم واستحسانكم

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

عمرك حسيت يا تونسي باشا انك كنت ظالمنا طول فترة غيابك الزجلي ..

رائعة يا استاذي ... رائعة .. ومن دون مجاملة .. لا اراها تقل عن زجليات كثيرة مشهورة .. واتمنى ان تجمعها .. وتنشرها بديوان .. هناك الكثير من يحبون قراءة الزجل .. وانا منهم

تحياتي لك استاذي

عمرك حسيت .. إنك واحد .. م الناس .. محبوب

ومعاك تأشيره .. بتدخل بيها .. قـلـوب.. وقـلـوب

.

عمرك حسيت ..إنــك مُـبــدِع ... إنــك مــوهــوب

وخفيف الدم .. سواء فى الفـكـره .. أو الإسلـوب

.

عمرك حسيت ... عمرك حسيت

.

.

.

حبيبى يالسارى

give_rose.gif حقيقى بشكرك جدا على مداخلتك .. وعلى رفعك لروحى المعنويه و الزجليه .. عشان كده بهديك شخصيا ذلك المقطع الزجلى الجديد والمكتوب أعلاه .. واللى حضمه ان شاء الله للعمل الاصلى .. هو والمقاطع الاخرى اللى كتبتها فى معرض ردى على المداخلات ها هنا

والله يالسارى.. انا بكتب الشعر والخواطر .. بدافع من الحب والهوايه ..أكثر منه ..بدافع الشهره .. ورغم إن كتير بينصحونى انى أحترف الموضوع ده .. وانى على الاقل اجمع اعمالى فى كتاب او ديوانب إسمى الاصلى .. مثلما دعوتنى هنا يالسارى .. لكنى مش متحمس للموضوع ده بصراحه ..تقول كسل ...تقول شك وعدم اقتناع .. بس تقدر تتأكد انى سعيد ومكتفى حقيقى بنشر اعمالى الشعريه وتلقى ردود الافعال المباشره .. فى المنتديات المختلفه .. رغم ان كتير من أشعارى وخواطرى نازله بأسماء مستعاره مختلفه ..ومش بإسمى الاصلى .. مما يعرضها طبعا للسرقه والنقل والاقتباس ..

closedeyes.gif

نورت الموضوع يالسارى ... وعايزين بقى نشوف لك ابداعات جديده .. وتتواجد بينا اكثر واكثر

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

شكراً على هذه الأحساس العالي جداً .. الذي مس الأعماق ..

أيوه ............ أكيد ............. طبعاً ............. حسيـت ..

وأنا بدورى أشكرك اخى الكريم عبدالله give_rose.gif.. على تواجدك .. وتعليقك الطيب .. الذى أثلج صدرى ..واسمح لى أن أستثمر مداخلتى تلك فى وضع خاطرة زجليه جديده تتسق مع نفس الفكرة الرئيسيه للموضوع .. قد كتبتها لتوى

عمرك حسيت..إنك قرأن..ماشى..على الأرض

بتـطبق ديـنـك.. فى حيـاتـك.. وتـأدى الفـرض

.

عمرك حسيت ..إنك خايف .. من يوم العرض

اليوم الفــصل .. اليوم الحــق .. اليوم الوعــد

.

عمرك حسيت.. عمرك حسيت

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

طبعاً حسيت

مين فينا مكانش في يوم مجروح

و بكلمه إتردت فيه الروح

مين فينا ماحسش يوم نفسه

محتاج إنه يفضفض و يبوح

طبعاً حسيت

أخي الفاضل التونسي

أحيـيـك على هذه الكلمات السلسه النافذه تماماً إلى القلوب

دام لقلمك بريقه و لكلماتك رونقها

تحياتي

أم كريم

تم تعديل بواسطة زهرة الجبل

n4hr_13490737523.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      فى حاجات مش المفروض نقرب منها أو نتكلم عنها أو حتى نثير أى نقاش حولها.من ضمن هذه الحاجات أن الزوج كده ييجى فعرض المقال كاملاً
    • 0
      طبعا حتقول لى إن الستات مفترية وإنهم بيقتلوا أزواجهم..حقول لك لا وألف لا.الستات مش مفترية وإن الجرائم اللىعرض المقال كاملاً
    • 6
      يعلم الله .. وهو المطلع على النوايا .. محاولاتى الحثيثه والدائمه .. من خلال تواجدى بانجلترا .. لتشجيع وتحفيز من اعرفهم وحتى من لا اعرفهم معرفه وطيده .. لزيارة مصر .. والتمتع بجوها ..وسحرها.. واثارها .. والحميميه فى التعامل مع الاجانب من قبل المصريين .. وذلك فى محاولة منى ولو بسيطه لتشجيع السياحه والتى كنت يوما احد العاملين فيها .. واليوم شاهدت هذا الفيديو .. وكان له أثر مؤلم وصادم ومهين على نفسى .. ألهذه الدرجه وصل التسيب والاهمال والفساد بمصر .. ألهذه الدرجه المزريه وصلت إحدى مطارات بلادى
    • 7
      http://www.youtube.com/watch?v=awPNm2GWXSU&feature=kp عندما كنا شبابا لم يكن للعمر معنى لم أفكر فيه سوى لحظة لا ثانى لها إلى أن مر يوما رجل عجوز وهذا ما قاله لى : (محاولة لترجمة ما يلقيه العبقرى "أورسون ويلز" بصوته) (فى أغنية عمرها أكثر من ثلاثين عاما) I know what it is to be young أعرف ما معنى أن يكون المرء شابا but you don't know what it is to be old ولكنك لا تعرف ما معنى أن يكون المرء عجوزا someday, you'll be saying the same thing يوما ما سوف تقول نفس
    • 32
      هذا اختبار ياباني رهيييييييييييييييييييب سهل جداً و عايز له شوية تركيز.. الطريقة كالاتي لغير الناطقين باللغة اليابانية هههههههههه اولا راح تطلع شاشه بالياباني وفيه كلمة start اضغط عليها راح يطلع عد تنازلى من 3 الى 1 وبعدين تطلع أرقام احفظها بسرعه لما تطلع الدواير اضغط عليها بحيث الرقم الأصغر فالأكبر وانتظر بعد عشر محاولات بيطلع عمر عقلك الحقيقي هذا هو الرابط حساب عمرك العقلى
×
×
  • أضف...