صفوت بالزى الأبيض واللهم لا شماتة

[fatfouta]

سبحان المعز المذل

تم تعديل 24 أبريل 2011 بواسطة Mohammad

[Dreamwithme]

سبحان الله

تستاهلي عليها 20 نقطة خضرا ورصيدي خلص يا فتفت خدي دي :give_rose:

[jamalpody]

http://www.youtube.com/watch?v=o4Sy7v3Q1sc&feature=player_embedded#at=41

[se_ Elsyed]

لو جيبتي لنا هناء وشيرين .. قصدي علاء وجمال ... ممكن نعينك ادفايزر يا فتفوته

[rewsha]

سبحان المعز المذل

الصورة دي حقيقي وله بجد؟

قصدي بجد وله متركبه ؟

اصل انا مش مصدقه عنيه

:blink:

[الباشمهندس ياسر]

و يشف صدور قوم مؤمنين

بصدر ممتليء بالايمان .. احمد ربي ان اريتني مالم اكن اتخيل ان اراه في هذه الدنيا

ربنا و لك الحمد حمدا يليق بجلال وجهك و عظيم سلطانك

[fatfouta]

سبحان المعز المذل

الصورة دي حقيقي وله بجد؟

قصدي بجد وله متركبه ؟

اصل انا مش مصدقه عنيه

:blink:

اى والله يا بنتى صدقى عينيكى

الصورة موجودة على المصرى اليوم من الصبح...بس الناس محتاجة شوية صحصحة ومش واخدين بالهم من الصورة

حتى انا اول ماشوفتها قعدت مثلا تلت ساعة متنحة وبصا عليها ومش مصدقة

اللى نفسى اشوفه العادلى...هو فين انا مش فاهمة

ده حتى فى الجلسة اللى قبل اللى فاتت كان مراسل العاشرة مساءا ان القاضى زعق للناس اللى واقفين حوالين القفص فى المحكمة عشان يداروا عليه وقالهم....((انا مش شايفه منكم ومش عارف اذا كان هو ولا لأ!!! راحوا وسعوله

مافيش واحد كده ابن حلال يصورهولنا ويبرد قلبنا وقلب اهالى الشهداء؟؟

تم تعديل 23 أبريل 2011 بواسطة fatfouta

[fatfouta]

وفيديو كمان

http://www.youtube.com/watch?v=fWiPlPGLJGQ&feature=share

[مهيب]

يا بنت الايه يا فتفوتة .. لأ بجد صورة فى الجون

[الغريب]

أيه يا جماعة

هو محدش هيصحينا بقى ولا أيه

والله العظيم الواحد ما مصدق نفسه حتى الآن

سبحان الله العظيم

آية من آيات الله في الأرض ، الحمدلله أننا عيشنا وشوفنها وأحنا في قوانا العقلية

[Folana]

السلام عليكم ورحمة الله...

بمناسبة موضوعك يافتفوتة ...وجدت فى الموضوعات القديمة موضوع بعنوان " هل يتولى صفوت الشريف رئاسة الحكومة المقبلة"

للفاضل ggamalبتاريخ 2002

يحتوى على مداخلات جميلة..وخصوصا نبؤة "كليو" :

على كدة الحكومة الحالية و السابقة و الأسبق مكانهم جميعا فى أبو زعبل.....

ولو بتابعنا اقولها لقد صدق حدسك عزيزتى كليو....

واليكم رابط الموضوع

هل يتولى صفوت الشريف......."العنوان"

تحياتى

[ssmaly]

وفيديو كمان

http://www.youtube.com/watch?v=fWiPlPGLJGQ&feature=share

انا مش داخل اشمت فى حد زى صفوت الشريف انا داخل اتشفى فيه بس

وكنت عاوز اشوف صورته لاقيت صورة وفيديو كمان ربنا يخليكى لامثالى المتشفين

ويارب اشوفه ببدلة بس يكون غير لونها الى ازرق او يارب تكون بدلة حمرا لانه بيحب الالوان الفرايحى ماهو طول عمره عايق

[rewsha]

يا بنت الإيه يا فتفوته؟؟؟ bv:-

طب إرري واعترفي ...انت بتشتغلي لحساب مين ؟ po::

وبتاخدي كام على كل صوره ؟ i*:

وانا مش هاقول لحد . mc:

هاقسم معاكي بالنص بس :P

[engmido]

ظفوت يابنى ؟؟؟؟

[Howayda Ismail]

تقارير رقابية تتهم الشريف بالاستيلاء على 50 مليار جنيه فى 22 عامًا

فيما تواصل هيئة الفحص والتحقيق بجهاز الكسب غير المشروع، برئاسة المستشار عاصم الجوهرى تحقيقاتها فى اتهام صفوت الشريف، رئيس مجلس الشورى السابق بجمع ثرواته بطرق غير مشروعة.

تلقى الجهاز أمس تحريات رقابية تكشف استيلاء الشريف على أكثر من 50 مليار جنيه قيمة ضرائب مستحقة على وزارة الإعلام خلال فترة توليه منصب وزير الإعلام، والمتمثلة فى نسبة الـ36 % كـ«ضريبة دمغة» من قيمة الإعلانات المذاعة بالتليفزيون والتى يحصل على قيمتها اتحاد الإذاعة والتليفزيون.

وبحسب تقرير الرقابة الإدارية، وتقرير مدير التحريات بمباحث التهرب الضريبى، فإن الشريف بصفته وزيرا للإعلام استولى خلال الفترة من 1984 وحتى سنة 2004 على مبالغ مالية تتعدى 50 مليار جنيه متمثلة فى نسبة الـ36 % من قيمة الإعلانات المذاعة بالتليفزيون، بالإضافة إلى نسبة الـ10 % من قيمة ضريبة المبيعات التى تم تحصيلها على الإعلانات خلال الفترة من العام 1991 وحتى 2004.

وكان جهاز الكسب غير المشروع قرر ضم البلاغ المقدم من المحاميين محمود رشدى الدميرى، وإسراء علاء يتهمان فيه الشريف بتحصيل رسوم الضرائب وعدم تسديدها، إلى التحقيقات التى تجرى مع الشريف فى اتهامه بالكسب غير المشروع.

كما يبدأ الجهاز اليوم التحقيق مع أبناء صفوت الشريف فى اتهامهم بالتحصل على أموال ليست من حقهم مستغلين فى ذلك نفوذ والدهم.

وكان المستشار عاصم الجوهرى، أمر الخميس الماضى بتجديد حبس صفوت الشريف، رئيس مجلس الشورى السابق 15 يوما على ذمة اتهامه بالكسب غير المشروع والتربح واستغلال منصبه فى تحقيق ثروات طائلة لا تتناسب مع دخله الذى حدده القانون.