اذهب إلى المحتوى
محاورات المصريين

معالي وزير الداخلية ... إذا ما كنتش قدها ... سيبها لأهلها


se_ Elsyed

Recommended Posts

ان ظباط الشرطه يتفقوا انهم( يغرزوه)او (يعلموه الادب)

ما هي دي الطبطبة وخيانة الأمانة

انا لا أفهم معنى إن ضباط الشرطة يمتنعون عن العودة للعمل منذ 3 شهور وحتى الان ؟؟؟؟؟؟؟

عفواً ... دي مسخرة ...... هو ده وصف الموقف ده

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • الردود 105
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

من ضمن الحلول الفعالة أيضاً من وجهة نظري :

1- إعلان الأحكام العرفية لمدة 3 شهور على الأقل

2- تغليظ عقوبة البلطجة

وبالتالي قلة الأدب بتاعت قطع الطرق زي ما حصل النهاردة في جنوب سينا والبدو قطعوا اليوم طريقي شرم الشيخ وسانت كاترين عشان الحكومة تفرج عن أولادهم المحكوم عليهم في قضايا مختلفة وماحدش عارف يروح ولا ييجي وطظ في السياحة ...

ومثلما حدث في قنا وكل الطرق إتقطعت .. والقطارات توقفت .. حتى النقل النهري قطعوه ومنعوه .....

ومثلما حدث في العريش أول أمس

وفي اسيوط من 3 أيام

عفواً .... دي لا حرية ولا مطالبة حقه ..

دي بلطجة وإهانة للدولة ... وتخريب متعمد ....

ولا فرق بين بلطجي يخرج لقطع الطرقات على الناس الامنين ... وبين هؤلاء اللي عشان مطلب خاص مهما يكن يقوم خارج مولع ومخرب الدنيا

فهل قامت الثورة من أجل هذا أيها السادة ؟

وهل سننتظر طويلاً ونحن نرى تهاون رجال الشرطة وحجتهم : إحنا هيبتنا سقطت في الثورة والناس تجرات علينا

وسؤالي للسيد الوزير المحترم بعد شهرين تقريباً من تعيينه : ماذا تم حتى الان لإعادة تأهيل الشرطة ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ان ظباط الشرطه يتفقوا انهم( يغرزوه)او (يعلموه الادب)

ما هي دي الطبطبة وخيانة الأمانة

انا لا أفهم معنى إن ضباط الشرطة يمتنعون عن العودة للعمل منذ 3 شهور وحتى الان ؟؟؟؟؟؟؟

عفواً ... دي مسخرة ...... هو ده وصف الموقف ده

انا عايز اسأل الناس دي لسه لابسه بنطلوناتها ياوديع

قصدي لسه بتقبض مرتباتها

يعني قاعد في البيت وانا طالع عين اهلي في الشغل هنا وفي الاخر يقبض مرتيه من قوتي وقوت عيالي

:protest:

رابط هذا التعليق
شارك

الأسئلة المُحيرة هنا

والإجابات اللي يا رب تكون شافية هنا

السيد الوزير كل يوم وفي كل مره يشتكي ويبتاكى من العجز في عدد جهاز الشرطة

أتسائل هنا :

1- أين جحافل الحرس الجمهوي المدربين على أعلى مستوى واللي ضاعت عليهم إيرادات قناة السويس من قديم الازل ؟

الحرس الجمهوري يا فندم مش لحراسة الرئيس فقط، ولكنه بالأساس لحراسة منشآت السيادة الوطنية التي يمثل انتهاكها تهديدا للدولة، مثل المحكمة الدستورية والوزارات الحيوية، والمصالح الحساسة (المالية، ...إلخ)، متنساش حضرتك إن زي ما البلطجية مزقططين اليومين دول فعندك عصابات الإجرام الدولية والتهريب والموساد وغيرها هم كمان عايزين يدلعوا نفسهم في البلد اليومين دول، حلمك على الناس الله يكرمك:)

2- لماذا قامت القوات المسلحة بسحب اعداد كبييرة من الامن المركزي اللي هما في الاساس جنود قوات مسلحة وملحقين على الشرطة ؟

ده بروتوكول من زمان، وبعدين حضرتك الأمن المركزي مش بس مظاهرات، إنما كذلك تأمين لبعض المصالح وكذلك في الأساس لتأمين المنطقة السيناوية المحظور تواجد الجيش فيها أو تواجده بتسليح معين. خد بال حضرتك إن مهام مكافحة المخدرات (مثلا اقتحام نقطة تهريب حصينة) كان بيقوم بيها الأمن المركزي ومعاهم ضباط قوات خاصة.

3- لماذا لا يتم تخريج دفعات من حقوق وخلافه على الاقل لكي يقوموا باعمال إدارية في البداية ويتفرغ بقية رجال الشرطة لضبط الامن ؟

حضرتك دارس إدارة وسيد العارفين إن الشيطان يمكن في التفاصيل، يعني مين ح يدرس الناس دي؟! هل نخلي أساتذة أكاديمية الشرطة يبطلوا تعليم الضباط اللي على وشك التخرج ويتفرغوا لتعليم وتأهيل هذه الدفعات المدنية؟!!

وكم من الوقت يستغرقه إعداد مناهج لهؤلاء المدنيين؟ ثم اختبارهم ثم انتظامهم في العمل (آخذا في الاعتبار أن الطالب في كلية الشرطة يتعود بشكل كبير خلال 4 سنوات على طبيعة العمل قبل تخرجه فعليا)، والأهم هو حضرتك لازم تحسب الوقت اللي ح تستهلكه الخطوة دي من وقت ضباط الشرطة أنفسهم في الإدارات دي لتدريب الشباب دول علشان يستلموا الأمانة بشكل سليم، اللي هو وقت ح تكون الأمور هديت إن شاء الله.

بس عموما فكرة منطقية وأتصور كان اتقال إنهم حتى يشيلوا وظائف للداخلية ويخلوها تبقى تبع المحليات كده مثلا زي الجوازات وترخيص العمل وغيرها(بس طبعا كل ده مع هدوء الوضع مش دلوقتي خالص).

4- هل يعلم سعادة الوزير إن بعد شهرين سيبدا الموسم الصيفي في مصر وهو موسم السياحة وعودة المغتربين .. والجميع متخوف من الحالة الامنية .. ولو أنضرب الموسم يبقى سنتوقع ثورة جياع للناس اللي إتخرب بيتها

والله يا جماعة الخير لي صديق .. هو صديق عمري .. ما بيعرفش حاجه غير إنه tour leader من سنوات طويلة .. الولد بيبكي وبييقول لي فلوسي خلصت وقربت أمد إيدي من القعدة لإن مافيش شغل، ما بالنا بالناس اللي شغالة يوم بيوم وما عندهاش أي رصيد

ربنا يكون في عونه، لو تقدر تشير له اللنك اللي في التوقيع بتاعي جايز يساعد، المهم إنه يحاول يدور على شغل في أي حاجة إدارية، أو ترجمة، أو في مراكز التدريب حتى بارت تايم.

السيد الوزير بيقول بالنص : هانت .. كلها شهور قليلة والحالة الأمنية ترجع زي الفل

والله العظيم انا لا ليه في الشرطة او الامن ولا غيره لكن لو انا في يموقع المسئولية اللي فيه سيادة الوزير ... لأرجع الامن في أيام قليلة وبمنتهى الحزم

هههههههههههههههه يا ريت الحياة حلوة زي ما حضرتك شايفها، هو حضرتك فاكر لو الوزير يقدر يرجع الأمن في 4ساعات ليه ح يخليه يرجع في 5ساعات؟

ولو هو مقصر، طيب الحكومة ومجلس الوزراء والمجلس العسكري بجلالة قدره ح يبقى شايف كده وساكت، واللي في ابتدائي عارف إن الإحساس بالأمن هو ألف باء أي مجتمع صحي، ممكن الناس تجوع بس تحس بالخوف لأ.

وبيني وبين حضرتك لا أتصور أنه من الحكمة طرح فكرة الإقالة دي الآن ولغاية انتخابات الرئاسة أو البرلمان، ممكن لو وزير عنده قصور في جانب معين (والكمال لله وحده) يعينوله مساعدين أو مستشارين في الجزئية دي، إنما تغيير وزير في الظروف اللي احنا فيها تعتبر قضا مستعجل خصوصا لو وزارة حساسة زي الداخلية.

المشكلة بس ساعات أن الناس اللي زي حضرتك اللي قاموا بالثورة طيبين شويتين وفاكرين تغيير الرئيس زي تغيير مدرب المنتخب كده ح يخلي المنتخب يجيب أجوان زيادة في الماتش الجاي، وعادي بيس يا مان كل جمعة ليها تورتة وزحمة في التحرير، وشيلوا محافظ قنا، حاضر، اعملوا ايه حاضر، وناسيين إن في مساجين وبلطجية هم كمان لهم طلباتهم، وفي نفس الوقت مواردك وآلياتك محدودة بسبب حرق معدات وسيارات، ده غير اللي شافوه الضباط في يوم زي الجمعة28يناير في حاجة زي الفيديو ده اللي اتنشرت عليه مناقشة مع فيديو آخر لتحطيم قاعة محكمة هـنـا موضوع للزميلة فتفوتة :

http://www.youtube.com/watch?v=qJIKTRgk50o

بخصوص الموارد، سمعت أن التعليمات للشرطة أي هارب (خصوصا لو مسجل ومعروف خطورته) يبدي شبهة مقاومة أو ملاوعة يتخلص عليه بالرصاص الحي مش عايزينه في السجن عشان السجون اللي دمرت.

بس عموما الكل متفاءل بالمستقبل وإن شاء الله الجاي أحسن، بس ربنا يعدي موضوع كاميليا ده على خير، البلد دي فيها حاجة لـله كده هي اللي مخلية المركب سايرة لغاية دلوقتي.

تعليق على الهامش: حضرتك بتقول المفروض قطع الطريق في قنا وغيره يعاقبوا بعقوبة مشددة، عارف هم بيقولوا ايه؟ بيقولوا اشمعنى التحرير مهو برضه عطلوا البلد والمواصلات ومنعوا موظفي مجمع التحرير من الدخول، ووالله شفت واحدة من قنا بتقول كده للشيخ صفوت حجازي على الهواء في برنامج على قناة الناس بعد ما حرم ما يحدث في قنا، ودي آخرة العك اللي كان بعض المشايخ بيعملوه أيام الأحداث، ربنا يسامحهم دول حسابهم عند ربنا عسير.

تم تعديل بواسطة abdulmuttaleb

يا رب عفوك ورضاك

رابط هذا التعليق
شارك

أستمعت إلى تحليل لهروب جميع مساجين قسم الساحل بالأمس من السيد اللواء / محمد طلبة - مدير أمن القاهرة

إحنا في كارثة يا جماعة

كارثة حقيقية لو كان تفكير القيادات اللي في جهاز الشرطة

بيقول إيه سيادة اللوز : عند هجوم الاهالي على القسم لم نرغب في إستخدام القوة المفرطة لتجنب وقوع ضحايا .. وعند محاولة هروب المساجين من الحجز .. لم نرغب في إستخدام القوة المفرطة لتجنب وقوع ضحايا .... وأوعدك إن جميعهم سيتم إلقاء القبض عليهم خلال 48 ساعة

أنا سمعته بوداني ..

ولا تعليق

لكن خدوا دي إهداء للسيد منصور العيسوي

مصرع شخص أثناء محاولة بلطجية تهريب مساجين بدكرنس

الأربعاء، 4 مايو 2011 - 02:11

الدقهلية _ محمد صالح

حاول عدد من المسجلين خطر والخارجين على القانون اقتحام مركز شرطة دكرنس بمحافظة الدقهلية مساء أمس، الثلاثاء، مما أدى إلى مصرع أحد المواطنين.

تلقى اللواء عادل مهنا مدير أمن الدقهلية إخطاراص من مأمور مركز دكرنس بقيام عدد من المسجلين خطر بمحاولة اقتحام قسم الشرطة من الخارج لتهريب المساجين، ولقى أحد المواطنين مصرعه ويدعى حمدى إبراهيم عبد العال (34 سنة) من قرية المحمودية مركز دكرنس، وتم نقله إلى مشرحة مستشفى دكرنس العام.

وانتقلت سيارات الأمن المركزى لتأمين المكان وإعادة الهدوء إليه بأعداد كبيرة.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يا جماعه قلنا من البداية مافيش فايده من التهريج المسمى بإصلاح جهاز الشرطة

فاقد الشيء لا يعطيه واللي كان قيادي في عصابة فاسدة ما ينفعش نطلب منه الإصلاح

قبل ثورة يناير التي قادتها الطبقة الوسطى كانت التنبؤات جميعا تقول أن مصر مقبلة على ثورة جياع تنطلق من قاع المجتمع مشيعة الفوضى والخراب

والظاهر أن حكومتنا الموقرة ومن قبلها المجلس العسكري مصرين على تحقيق هذه النبوءة بعد أن تنفس الجميع الصعداء لنجاتنا منها

مش عارف ليه الناس دي مش عايزه تفهم إن الثورة هي أشبه بعملية استئصال سرطان من جسد مريض ... لا ينفع تسيب منه جزء وتقفل على كده ولا ينفع العملية اللي تاخذ ساعتين تعملها في يومين فالمريض يموت منك.

الوسيلة الوحيدة لنجاح العملية هي أن تجريها كاملة وفي أقل وقت ممكن حتى تقلل من المضاعفات والمخاطر.

والله بعد اللي بشوفه من التهريج والتواطؤ وخيانة العهد من الحكومة والمجلس بقول مافيش فايده ولك الله يا شعب مصر الذي كتب عليه أن يجاهد حتى يرث الأرض ومن عليها.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

تخيلوا

اكثر من 6 ساعات على بداية الشغل حتى هروب المحبوسين ... وولا حد طلب قوة زيادة وولا حياة لمن تنادي

أرتباك .. وتواطأ .. واهمال متعمد من الشرطة لتأديبنا ومكافأتنا على الثورة

إعادة ٢٥ متهماً والبحث عن ٦٢ هارباً من «الساحل».. ودروع من الأهالى لحماية «القسم»

كتب حسن أحمد حسين ٥/ ٥/ ٢٠١١

واصلت أجهزة البحث فى القاهرة واللجان الشعبية جهودها لمطاردة الهاربين من قسم شرطة الساحل، وتم فرض سياج حول مبنى القسم لحمايته، إثر أحداث العنف التى تعرض لها مساء أمس الأول وأسفرت عن هروب ٨٨ سجيناً كانوا محتجزين داخله، تسببت أعمال العنف فى احتراق جزء من القسم فى تبادل إطلاق الأعيرة النارية مع أهالى السجناء التى أصيب خلالها ضابط برصاصة فى الساق، وعمت حالة من الذعر بين سكان المنطقة،

«المصرى اليوم» انتقلت إلى مكان الواقعة ونقلت أقوال شهود العيان.

فى البداية قال مصدر أمنى برتبة مقدم، رفض الإفصاح عن اسمه، إنه منذ الساعات الأولى من الصباح والقسم يشهد أعمال عنف داخل الحجز، والمحتجزون يحاولون تكسير أقفال الأبواب وخلعها، وفى الوقت نفسه تجمع العشرات من ذويهم أمام القسم وبدأت أعمال الشغب، ودخل عدد من قيادات القسم لتفتيش الحجز، فهاجمهم المساجين، وبدأ أقاربهم فى إطلاق الأعيرة النارية من خارج القسم، وتمكن المحتجزون من نزع الأبواب وفروا هاربين، وبادلهم رجال الشرطة إطلاق الأعيرة النارية إلا أن عددا من أقارب السجناء كانوا ينتظرونهم أمام القسم بدراجات بخارية استقلوها وفروا هاربين.

ويقول محمود أحمد من أهالى المنطقة: «سمعنا أصوات استغاثة ثم طلقات نارية، هرولنا لنشاهد أهالى السجناء خارج القسم، بحوزتهم أسلحة نارية وبيضاء بعدها خرج عدد كبير من المساجين من داخل القسم بحوزتهم أسلحة بيضاء، وبدأت المواجهة بين الشرطة وأهالى المساجين وتبادلوا إطلاق النيران.

أضاف: «تجمع أهالى المنطقة وفرضوا كردونات أمنية لحماية القسم من بطش المسجلين والبلطجية الذين يستغلون مثل هذه المواقف، وهتفنا (الشرطة والشعب إيد واحدة) والتف الجميع حولنا ورددوا نفس الشعار، وبعد فترة وصل عدد كبير من سيارات الشرطة، عاونهن الأهالى فى تأدية واجبهم وحماية القسم خوفا من الهجوم عليه من أى فئة خاصة أن إطلاق الأعيرة النارية بدأ منذ يومين أمام القسم دون أن يحرك أحد ساكنا.

وقال معتز على «صاحب محل» فى المنطقة: «نعيش حالة من الذعر منذ أيام وأغلقنا جميع المحال التجارية والمطاعم خوفا من بطش المساجين والبلطجية بنا، فمنذ بداية الثورة وحتى الآن نغلق محالنا التجارية مع دقات الساعة التاسعة مساء مما يؤثر على أرزاقنا، حيث ندفع إيجار هذه المحال بشكل شهرى وغلقها فى ساعات مبكرة يعرضنا لمشاكل مع الملاك.

وعلى الجانب الآخر أكد مصدر أمنى فى مديرية أمن القاهرة أن جهوداً أمنية مكثفة يتم بذلها لضبط الهاربين منذ ارتكاب واقعة الهروب، وتم التنسيق مع الشرطة العسكرية لفحص جميع مستقلى السيارات والدراجات البخارية القريبة من منطقة الساحل، وتشديد الرقابة والاطلاع على البطاقات الشخصية الخاصة بجميع المارين من الأكمنة، وتم فرض كردونات أمنية على جميع الأكمنة الموجودة فى مداخل ومخارج القاهرة، وأن الأكمنة تمكنت من ضبط ١٥ هارباً من قسم شرطة الساحل وتم تسليمهم إلى قيادات أمن القاهرة لتسليمهم إلى مسؤولى قسم شرطة الساحل وإعادتهم للحجز لاتخاذ الإجراءات القانونية سواء بالإفراج عنهم أو ترحيلهم للسجون المختلفة.

وأضاف المصدر أن ١٠ من الهاربين عادوا لتسليم أنفسهم إلى قسم شرطة الساحل، مؤكدين أنهم لم يحاولوا الهرب وأنهم أجبروا على ذلك من باقى المساجين تحت تهديد الأسلحة البيضاء.

وكان عدد من أهالى المحتجزين داخل قسم شرطة الساحل تجمعوا أمام القسم وحاولوا اقتحامه لتهريب أقاربهم ومنعتهم قوات الشرطة والجيش، وعقب تطور الأمر وتبادل إطلاق النار بين الطرفين، تمكن كل المحتجزين من الهروب.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الفار حيوان ذكي جداً ..

عندما تفكر مجموعة من الفئران في الدخول إلى مكان ..

يبدأ الدخول واحد .. إذا جاء لهم بخبر إن المكان آمن ..

بيحصل دخول بشكل أكبر ..

ثم إجتياح ..

إذا مات ولم يرجع الفار الأول ..

الفئران لا تدخل هذا المكان مطلقاً ...

مازلت أطالب .. باستعمال القوة المفرطة في التعامل مع مثل تلك الحالات

حتى ولو ماتوا كلهم وراحوا كلهم في ستين داهية

يجب إتخاذ قرار شجاع من المجلس الأعلى للقوات المسلحة باتخاذ هذا الإجراء

ومرة واحدت يتنفذ الكلام ده

كل الفئران دي حتدخل جحورها ...

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

بعد اللي حصل في امبابة واضح قوي ان عم عيسوي اخره يدير وشه الناحية التانية

محدش ينسي برضه انه راجل عجوز وصحته علي قده

عصام شرف بيجري جري وده خطواته كلها أي كلام

ايه هو اللي زيارة لسجن طرة ومرة راح فين وبيقولهم سندوني

يا عم غير السياسات كلها واللي مش عاجبة يضرب راسه في الحيط

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

قرأت خبر أمبارح عن وزارة الداخلية ..

أنا ما صدقوش وما رضيتش أنشره .. مع إنه للأسف حقيقة

- أيها السادة ... النهاردة هاتت محاكمة مدير أمن بني سويف ومعه المجرمون الضباط الذين ساعدوه في قتل المتظاهرين ... قوم إيه .. كل ضباط ومنتسبي وزارة الداخلية ببني سويف هددوا بالإضراب والأمتناع عن العمل في حالة الحكم على أي ظابط ... والنهاردة هايجمعوا أنفسهم في سيارات من كل فج عميق ويروحوا يحضروا الجلسة .. ولا تقولي تأمين سجون ولا تأمين أقسام شرطة النهاردة وإن شالله تخرب ..

فعلاً .. وزير الداخلية أثبت إنهضعيف الشخصية ... ومجرد إن ظابط شرطة أو فوات مسلحة يفكر لإي إضراب أو إتمناع عن عمل .. يعني إمتناع عن تنفيذ أوامر ... أظن أي طفل عارف عقوبة الجريمة دي بتبقى إيه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بعد اليى حصل فى امبابه وشارع عبدالعزيز و.....................الخ

لازم وزير الداخليه يعتذر للشعب المصرى ويقدم استقالته ده اقل واجب يعنى

لان واضح جداً ان الناس بتوع الداخليه بيلعبوا مش بيدروا جهاز امنى

مسؤل عن امن 80 مليون فرد

مهو طول لما بنستنى لما الكوراث تقع ونبتدى نتعامل معها يبقى مافيش فايده ولا عمرنا

هنتقدم لازم يكون فيه ناس شغاله صح وعارفه بتعمل ايه لكن بالشكل ده يبقى احنا بنهزر

تحياتى

عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

اللي حصل في امبابه بالأمس يظهر بوضوح أن جهاز أمن الد ... قصدي الأمن الوطني بدأ في ممارسة مهامه بالفعل

شدوا حيلكو يا رجاله عايزينها تولع

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

قرأت خبر أمبارح عن وزارة الداخلية ..

أنا ما صدقوش وما رضيتش أنشره .. مع إنه للأسف حقيقة

- أيها السادة ... النهاردة هاتت محاكمة مدير أمن بني سويف ومعه المجرمون الضباط الذين ساعدوه في قتل المتظاهرين ... قوم إيه .. كل ضباط ومنتسبي وزارة الداخلية ببني سويف هددوا بالإضراب والأمتناع عن العمل في حالة الحكم على أي ظابط ... والنهاردة هايجمعوا أنفسهم في سيارات من كل فج عميق ويروحوا يحضروا الجلسة .. ولا تقولي تأمين سجون ولا تأمين أقسام شرطة النهاردة وإن شالله تخرب ..

فعلاً .. وزير الداخلية أثبت إنهضعيف الشخصية ... ومجرد إن ظابط شرطة أو فوات مسلحة يفكر لإي إضراب أو إتمناع عن عمل .. يعني إمتناع عن تنفيذ أوامر ... أظن أي طفل عارف عقوبة الجريمة دي بتبقى إيه

فاقد الشيء لا يعطيه ... يا اخوانا ما فيش فايده ... مافيش فايده ... انتوا بتنفخوا في قربه مقطوعه

هنلف وندور وفي الآخر هنرجع للحل الصحيح اللي كان المفروض يطبق من أول يوم وهو إنشاء جهاز شرطة جديد وحلّ جهاز الشرطة الحالي الفاسد

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

عايزين حكومة ليها قبضة من حديد

وزير الداخلية راجل طيب زيادة عن اللزوم

ده ماينفعش البلد في حالة انفلات أمني

لازم الضرب بشدة على رؤوس البلطجة و الإرهاب

رابط هذا التعليق
شارك

السيد وزير الداخلية بيطلب من اللجان الشعبية مساعدة الشرطه ... طيب ما أنا عندي فكره أحسن ... ما نلبس بتوع اللجان ميري ونديهم طبنجات وندفع لهم مرتبات ونركن الضباط الحلوين اللي مالهمش لازمه

صحيح اللي اختشوا ماتوا

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

مايحدث في مصر ليس من فلول النظام السابق ولا من تخطيط امن الدوله الموضوع (كما اعتقد) حاله فوضي فقد احس الناس بضعف الدوله فأصبح كل واحد بيعمل اللي هوه عاوزه يعني حصل هروب للمحبوسين في احد اقسام الشرطه والظباط خافوا علي نفسهم ووقفوا يتفرجو علشان كده باقي اقسام الشرطه تعرضت لنفس الموضوع وبنفس السيناريو . مثال اخر شاهدته منذ قليل وهو الفوضي في مباره الاهلي والفريق الكيني فقد تجمع شباب التراس الاهلي وحطموا احد ابواب الاستاد ودخلوابالقوه والمضحك المبكي ان اللواء او اللوز (علي راي سين سين) قال انهم خافوا يتعرضوا للشباب وهم يعلمون ان معهم صواريخ وشماريخ واللواء مدير الاستاد قال انه بلغ الشرطه وعمل محضر ولو تتذكروا كان هذا هو نفس السيناريوا لما حدث في مباره الزمالك وعندما وجدوا الدوله ضعيفه ولا تفعل شيء فككرا نفس الاحداث وكذلك السلفين وجدوا المجلس العسكري يستعين بشيوخهم لحل المشاكل فاحسوا بقوتهم وغدا سيحملون السلاح اذا شعروا بان هناك من يمنعهم من جهادهم كما يروه بصراحه انا متشائم جدا ولا اري ضوء في اخر النفق بل اري بدايه نفق جديد لا يعلم نهايته الا الله ....... يارب .....اللهم اني لا اسالك رد القضضاء ولكن اسالك اللطف فيه

الحل في الدوله المدنيه

رابط هذا التعليق
شارك

مايحدث في مصر ليس من فلول النظام السابق ولا من تخطيط امن الدوله الموضوع (كما اعتقد) حاله فوضي فقد احس الناس بضعف الدوله فأصبح كل واحد بيعمل اللي هوه عاوزه يعني حصل هروب للمحبوسين في احد اقسام الشرطه والظباط خافوا علي نفسهم ووقفوا يتفرجو علشان كده باقي اقسام الشرطه تعرضت لنفس الموضوع وبنفس السيناريو . مثال اخر شاهدته منذ قليل وهو الفوضي في مباره الاهلي والفريق الكيني فقد تجمع شباب التراس الاهلي وحطموا احد ابواب الاستاد ودخلوابالقوه والمضحك المبكي ان اللواء او اللوز (علي راي سين سين) قال انهم خافوا يتعرضوا للشباب وهم يعلمون ان معهم صواريخ وشماريخ واللواء مدير الاستاد قال انه بلغ الشرطه وعمل محضر ولو تتذكروا كان هذا هو نفس السيناريوا لما حدث في مباره الزمالك وعندما وجدوا الدوله ضعيفه ولا تفعل شيء فككرا نفس الاحداث وكذلك السلفين وجدوا المجلس العسكري يستعين بشيوخهم لحل المشاكل فاحسوا بقوتهم وغدا سيحملون السلاح اذا شعروا بان هناك من يمنعهم من جهادهم كما يروه بصراحه انا متشائم جدا ولا اري ضوء في اخر النفق بل اري بدايه نفق جديد لا يعلم نهايته الا الله ....... يارب .....اللهم اني لا اسالك رد القضضاء ولكن اسالك اللطف فيه

حضرتك وضعت يدك على المشكلة الحقيقية التي تواجهها مصر اليوم وذكرت أمثلة ممتازة لها

طالما استمر من هم في السلطة في هذا الأداء الضعيف عاجزين أو عامدين فستسير الأمور من سيء الى أسوأ

الحل هو إجراء انتخابات مبكرة وتشكيل حكومة قوية تستطيع اتخاذ إجراءات إصلاحية فورية وضبط الأمور

فالأيدي المرتعشة لا تنجز

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

أداء منصور العيسوي بيفكرني بشيخ العرب " عبد الحليم موسى " راجل بتاع ربنا وطيب ... وكبيره ينفع بركه في البيت.. لإنه ما يعرفش حاجه في اي حاجه ... والطيبة ما تنفعش في قطاع الشرطة .. وللأسف الإتنين كانا وزراء للداخلية

هههههههههههه

سنة 91 ... كنت ورور صغير كده .. يوم إغتيال رفعت المحجوب ... وطلع الباشا عبد الحليم موسى يشرح جريمة الإغتيال إزاي إتنفذت بصفتة وزير الداخلية بقى .. وكانت فضيحة لى الهوا

رجل طيب جداً ولما بيتكلم بيعمل فضايح

قال إيه بقى ؟ يااااااااااااه لسه فاكر لحد دلوقت

" قبل موكب رفعت المحوب ما يعدي من قدم سميراميس .. كان في وفد كوري معدي برضوا بيزور مصر . لا أسف سوري .. لأ كوري .. لا سوري .. لحد ما حد جنبه لحقه وقال له إن الوفد كان سوري ... وبعدين الولاد جم بموتسيكلين وضربوا المحجوب ... جيت أنا بسرعة وبأبص كده لقيت الولاد بيجروا ناحية كوبري قصر النيل "

يا نهار إسود

البيه جه طبعاً بعد يمكن ساعة ولا حاجه من الحادث اللي غتنفذ في دقائق والجناة فص ملح ودابوا

فنحن نحتاج إلى إنسان حازم وعادل في نفس الوقت ...

ولا تناقض بين الصفتين إطلاقاً

هروب 5 سجناء من قسم البساتين

الاثنين, 09 مايو 2011 10:04

القاهرة - أ ش أ

تمكن 5 سجناء بحجز قسم شرطة البساتين من الهرب بعد معركة بين قوات الشرطة وأهالي المحتجزين بحجز القسم. كان ضباط قسم شرطة البساتين قد فوجئوا باندفاع مجموعات كبيرة من أهالي المحتجزين داخل القسم وقيامهم برشق القسم بالحجارة في محاولة منهم لتهريب أقاربهم المحبوسين داخل حجز القسم، وحاولت قوة القسم التصدي لهم إلا أنهم تمكنوا من تهريب 5 سجناء.

وانتقلت على الفور قيادات مديرية أمن القاهرة إلى القسم معززين بنحو 10 سيارات أمن مركزى لمحاولة السيطرة على الموقف والحيلولة دون هروب بقية المحتجزين داخل القسم، ومازالت الأجهزة الأمنية تواصل جهودها بالتنسيق مع القوات المسلحة في تفريق أهالي المحتجزين من أمام القسم.

من ناحية اخرى، تمكنت الأجهزة الأمنية بمديرية أمن القاهرة من إحباط محاولة هروب عدد من السجناء من حجز قسم شرطة دار السلام. كان اللواء محمد طلبة مساعد وزير الداخلية مدير أمن القاهرة قد تلقى إخطارا من قوة قسم شرطة دار السلام بقيام المحتجزين داخل حجز القسم بإحداث حالة من الهياج محاولة منهم للهرب وقيام ذويهم بالتجمع خارج القسم لمساعدتهم وإطلاق أعيرة نارية باتجاه القسم.

وانتقل على الفور اللواء أسامة الصغير مدير الإدارة العامة لمباحث القاهرة برفقة تعزيزات أمنية وتمكنوا من السيطرة على الموقف وإحباط محاولة هروب المحتجزين وصرف ذويهم

فكده .. كتر خيرك يا معالي الوزير .. وإتفضل أقعد في بيتكم ... لإن لا عند حضرتك رؤية ولا حزم ولا خطة من أساسة

يا عصام بيه شرف .. يا مجلس يا عسكري ... أي وزير محترم هاييجي ممكن يُعيد الأمن ويقضي على تلك المسخرة في 24 ساعة

مش عارف إنتو منتظرين إيه ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مش عارف إنتو منتظرين إيه ؟

معقوله مش عارف ... طيب فكر فيها شويه كمان.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...