الحملة الشعبية لرجوع عنبو من جمل الافلام والاعلانات المصرية

[Simba]

أرجع يا عنبو لما كل الناس عايزة تبقي فتوات اومال مين اللي هينضرب .. توفيق الدقن

أرجع يا عنبو احلي من الشرف مفيش ... توفيق الدقن

من النهاردة مفيش حكومة ... فيه عنبو .. احمد السقا

ارجع يا عنبو كده برضه يا خاين :wub: هند رستم

انت فين يا عنبو ... انا هنا يا سلاااامة فيلم واسلاماه

ارجع يا عنبو هي حبكت فيلم الزوجة الثانية

ارجع وهتبقي ليلة يا ابو العلا اقصد يا عنبو فيلم الزوجة التانية

ارجع وحياة تيتا عماد حمدي

بعت البيت بالحشيش يا شيخ عنبو فيلم الكيت كات

سلام عشان عنبو العطار

معروف كمان وزباينه كتار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

عنبو العطار عنبو العطار

___

الصلا عالزين

الصلا عالزين

ياعنبو مفتح عالخدين

جبت الجمال ده ياحلوه منين

البركه في عنبو ياضي العين البركه في عنبو

انا جيت اهني بشكل جديد

ومعايا فيتامين كله حديد

_____

لأنه من أرقى أنواع الليمون في العالم (!!)

فهي تجلب لي ولك ... الانتعاش

عنبو خمس خمسات ـ الانتعاش

عنبو خمس خمسات ـ لنتعاش

____

عنبو ابو زيد بيجيب اجوان

هو وعماد متعب كمان

_____

علي عنبو الساكن في دير القطان الدواء فيه سم قاتل

_______________

الشعب ايد واحدة

الرجاء دعم الحملة ومواصلة النضال :)

[Alattar]

سلام عشان عنبو العطار

معروف كمان وزباينه كتار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

عنبو العطار عنبو العطار

يعني طلعنا قرايب كمان..ما شاء الله ..ما شاء الله

ارجع يا ابن عمي

عنبو...عودي..قبل الفجر...دي عروسة النيل علي ما أتذكر يعني

[الغريب]

أنا سألته في الجبل مبتدخلش المحاورات ليه قالي "هنا وهناك واحد"

رد دبلوماسي مش كدة

ماشي يا عنبو bsh:)

[قلب ابيض]

الشعب ايد واحدة

الرجاء دعم الحملة ومواصلة النضال :)

كلاكيت تانى مره ....

عنبو يا ولدى ..لملم خلاجاتك وبوووس فى اخواتك .....وارجع محاوراتك

دم هناااااااااادى فى اديك ياعنبو :P

[Damo]

يااااه يا أستاذ سمبا اخدتها من طرف لساني

عود يا عنبو

معقول مصر رجعتلنا وانت لسة ؟؟؟؟

أنا مش متحركه من هنا لحد ماتتنفذ مطالبي

واااادي قعدة

[مغتربة]

جميله جدا استاذ سمبا معتقدش ان استاذ محمد لما هيقراها هيفضل متمسك بقرار الانسحاب اكتر من كده لانه

[ozoozo]

ارجع ياعنبو

بقي عندنا شات زي الجبل وبناقش في مواضيع هامه وجاده

واخر موضوع الاسبوع اللي فات كان

بتحط صباعك في مناخيرك كم مره في اليوم ؟

عايزينك تيجي تدلي بدلوك معانا في اجتماع هذا الاسبوع للشات

ارجوك

[لونا]

برافو يا سمبا ...

رصيدي خلص

عنبو أعضاء المحاورات في انتظارك

( و الله ما أعرف سبب إعلان انسحابك )

تم تعديل 16 أبريل 2011 بواسطة لونا

[الباشمهندس ياسر]

اوعي ترجع ياض

لو رجعت هغزك

[Om Zayd]

اوعي ترجع ياض

لو رجعت هغزك

آدي ال

reverse psychology

و لاّ بلاش

:closedeyes:

[م تيمور المراغي]

احنا اسفين يا عنبو :happy:

المحاورات مالهاش طعم من غيرك يا حبيبي

[fatfouta]

اوعي ترجع ياض

لو رجعت هغزك

:bro:

انا اؤيدك

:waf:

[م تيمور المراغي]

عنبو يرجع

وفتفت وياسر يريحوا على الدكه شوية :closedeyes:

[Simba]

عقلك في راسك

ومطوتك في جيبك

واللي يقولك ما ترجعش المحاورات قطعه .. اللمبي

انسحاب عنبو من المحاورات باااطل

بااااطل ... بااااطل شئ من الخوف

طب وشرفك يا عنبو لا نشتري السيرفير اللي بيقف عليه المحاورات ... اسماعيل ياسين من العتبة الخضرا

ارجع يا عنبو من بعدك نحط ساندويتش الطعمية فين في الامانات عمر الحريري العتبة الخضرا

ارجع يا عنبو اطمن ... اعلانات سوبر مان الشرطة اليومين دول

ارجع يا عنبو للسمو للعلو للارتفاع فيلم ام رتيبة

ارجع يا عنبو علشان تمرجحنا مرجح فيلم حماتي ملاك ماري منيب

رجع يا عنبو وحط طوبة علي طوبة بلاش العركة تبقي منصوبة ماري منيب

ارجع يا عنبو انا كنت جزء من النظام دلوقتي مصر بتتغير وانا كمان اعلانات اون تي في

ارجع يا عنبو علشان تدعم حملتنا التاريخية في توعية الشعوب العربية ان الزواج من واحدة واتنين لا يكفي .... دي من عندي :closedeyes:

[se_ Elsyed]

إيه ده ؟

هو عنبو محصرم ومحتجب ؟؟؟؟

لو كنت اعرف كده ما كنتش بعتت له نسخة من الكتاب لا وكتبت له عليها إهداء خاص ...

ماشي يا عنبو ؟

عالعموم ... اللي مالوش أهل ... فالمحاورات أهله ( فيلم زينب وبراهيم وهي بتكح وعندها سعال ديكي )

أرجع يا عنبو .. أنا قبل الثورة ما كنتش باحب البامية .. وبعد الثورة برضوا لسه ما باحبش البامية .. وما باحبش عنبو ( من إرهاصات الثورة )

عنبو .. أسطورة لا يمكن ان تنتهي

عنبو ... أما العصر ... او المزمزة ..... ( ثعلب الصحراء )

عنبو هايعمل العملية .. وهايرجع أحسن من الاول يا نينه ( فردوس محمد .. وعبد الحليم في فيلم الشعر الحرير عالجبين يهفهف .... مع تحيات الأسطى سين سين المزين )

عنبو .. الا تستحم يا رجل ( محمو فرج في فيلم فجر الإسلام )

يا عنبو يا زينة الحي .... عاوزين نشوفك رايح جي ... ( كوكا في كل أفلامها بتاعت البدو )

عنبو ... خدها من فلاح إبن فلاح .. إذن أنا أكرهك ( أسمهان وهي داهنه شعرها سمنة بلدي )

الشعب يطالب .. بعودة عنبو الغائب

[الباشمهندس ياسر]

يا خسارة يا الف خسارة ع الجدعان

طب لو راجل و شايف نفسه راجل يرجع

كيمو كونو ... قصدي ارك..:

ازيك يا حبيبي ... اخبارك ايه ... عملت الواجب النهارده :)

[se_ Elsyed]

كيف يعود وأنتم تحرقون عناقيد العنب ( ريتشارد يتحدى صلاح الدين القليوبي )

اللي يشوفه منكم في المحاورات يقتله ( كاتبغا وقظز يتحدون سعد الدين بيبرس )

[م تيمور المراغي]

ازيك يا حبيبي ... اخبارك ايه ... عملت الواجب النهارده :)

بعمل فيه من 16 يناير 2011

ولسه ما خلصش !!!

http://www.egyptiantalks.org/invb/index.php?showtopic=115494

[التونسى]

سؤال سئيل كده .. وعلى هامش الموضوع .. هو ايه حكاية الجبل ده ؟:unsure:

[se_ Elsyed]

سؤال سئيل كده .. وعلى هامش الموضوع .. هو ايه حكاية الجبل ده ؟:unsure:

الدبل يا تونسي إشارة إي منتدى اخونا حشيش " المطاريد "