كنتُ .... و الآن...

[عبير يونس]

كنت أخبر الجميع بما أشعر غير آبهة بردود أفعالهم

و لا بعواقب الأمور

كثيرا ما كنت أظن ذلك تهورا

و لكنني رغم ذلك كنت أقوم به

و الآن

تفاجأت أنني أصبحت كتومة جدا

لم أعد أخبر أي أحد بأي شيء

بت أحتفظ لنفسي بكل شيء و أي شيء

من إسراف و تبذير ... إلى بخل و تقتير

[الباشمهندس ياسر]

التغيير في حياتنا شيء طبيعي و منطقي

لان خلاف التغيير .. الجمود

و الجمود شيء مش كويس

الجمود يعني مفيش تطوير .. مفيش ابداع .. مفيش مراجعة لاوراقنا و حساباتنا

اللي انتي فيه ده شيء طبيعي و صحي

و اللي قلقك انك اتغيرتي من النقيض الي النقيض ده لانك غالبا شخصية حادة الطبع .. مع الوقت الامور هتستقيم

ربنا يهدينا جميعا و يصلحلنا الحال

[التونسى]

كنت أخبر الجميع بما أشعر غير آبهة بردود أفعالهم

و لا بعواقب الأمور

كثيرا ما كنت أظن ذلك تهورا

و لكنني رغم ذلك كنت أقوم به

و الآن

تفاجأت أنني أصبحت كتومة جدا

لم أعد أخبر أي أحد بأي شيء

بت أحتفظ لنفسي بكل شيء و أي شيء

من إسراف و تبذير ... إلى بخل و تقتير

...... ومن ثم .. وبعد فترة .. قد تطول .. وقد تقصر .. ستصلين بإذن الله .. الى منطقة وسط ... بين هذا .. وذاك

[لماضة مصرية جدا]

السلام عليكم و رحمة الله و بركاته

هو انا ينفع اختلف مع اللي قبلي استاذي التونسي و باشمهندس

حتي لو الواحد انتقل من اقصاه....الي اقصاه....دش مش حاجة تخوف

لان ده الطبيعي...و الطبيعي ان الواحد يدوق طعم الكفتين

بس هو بيبقي مش طبيعي...لما الانتقال ده يحصل بشكل يخض....يعني الواحد يكون في اقصي اليمين...و متكملشي ثانية و يبقي في اقصي اليسار

السؤال....انتي لاقية نفسك في انهي كفة

مش يمكن...لما كنتي في الكفة الاولانية...لقيتي...ان ردود افعال الناس...ظالمة اوي ليكي....فابتديتي تاخدي منحي تاني

كل واحد مننا عنده القوقعة بتاعته...بيحب يهرب ليها...عشان يرجع يرتب اوراقه

و ده مش تغيير....دي حالة...ترتيب روحك...مش كل حتة فينا لازم نديها للي حوالينا

مش كل اقتراب مننا للاخرين لازم يكون بمساحات نمنحها من سلامنا النفسي

انا مش شايفاه تغيير....انا شايفه...محاولة لالتقاط الانفاس

و برضه....انتي حباكي في انهي حالة...و ده الاهم

و دي وجهة نظري

و معذرة اني كتبت فكرتي بشكل او بلغة عامية....معرفتش اوضحها بلغة عربية فصحي و كدهوت...(اهي اخر كلمة دي ضمنت اني اجيب صاج كحك...مش كحكاية واحدة..يا جدعان طلعوني من هنا)

مساكي مصرية....نفس متصالحة....و راحة بال...لا تنقطع

[عبير يونس]

أشكر حضراتكم على التفاعل الجميل ده

بس ده موضوع زي الخواطر و الحديث مع النفس و كدهوت

ممكن يكون خطوة للتصالح مع النفس و التحاور معها و اكتشاف مناطق فيها لم نصل إليها بعد

كان هدفي منه ان كل واحد يدخل يقول هو كان ايه و دلوقت بقى ايه

يمكن ما كانش واضح انها خاطرة

:blush2:

يللا كلاكيت تاني مرة

و بسرعة كل اللي شاركوا فوق ياسر باشا و تونسي باشا و لموضة هانم

يشاركوا تاني و يقولوا لنا كانوا ايه و دلوقتي ايه

خواطر

و جبر الخواطر عليك يارب :wub:

[لماضة مصرية جدا]

السلام عليكم و رحمة الله و بركاته

اتصدقي....اني كنت هقولك...ما تيجي نعمله....كنت..,,,و بقيت

بنفس الفكرة اللي انتي قولتيها....يا رب يكون توارج خواطرنا داميا في طاعة...لا بس سيبكي انتي...شوفتيني و انا عاملة نفسي محلل نفساوي....(وش حد ضارب حاطط القلم فوق ودنه و بيقنع نفسه انه داااااااكتور)

الفكرة حلوة اوي يامصرية....بس هو لازمن و حتمن و لابد الواحد يقولها بالفصحي و كده...و لا يقدر...يكتب زي ما هو عاوز

اصل وجود التوبيك في الحتة بتاعت الشعر و القراءات محسسني اني لازم ابقي في الصالون

علي العموم لغاية ما تردي عليا...انا هحدف الحتة بتاعتي....عشان ابقي برضك فلت من قصة اللغة العربية :closedeyes:

كنت.....حساسة جدا....و اللي بيقولي كلمة بعيط

دلوقتي.....دمعتي مبقتشي قريبة خالص....غير في الفراق..و فراق امي و بس

كنت....بخاف من الموت

دلوقتي......بستناه....عشان بدعي انه يكون طريقي للجنة

كنت....لو قدامي اي حاجة او قرار...اقعد افكر قيمة مثلا سنة....و بعدين اتراجع

دلوقتي....بصلي استخارة...و بدوس....و طول الطريق بدعي و بحس ان ربنا بيبعتلي اشارات

كنت زمان......بحفظ قرآن اسرع

دلوقتي للاسف......اتأخرت كتير

كنت....بحب السفر زي عينيا

دلوقتي......بكره حتي اني اتنقل من حي لحي....(تقريبا تشبعت خلاص)

كنت.....بصدق كل كلمة تتقال...و افتكر انها وعد

دلوقتي...بصدق برضه...بس بدي مساحة اكبر...للحذر....(و هنا يحضرني المثل الخالد...اللي قاله عم ماهر البقال...اللي اتلسع من الشوربة مياكلشي ايس كريم كيمو كونو)

كنت بحب الاطفال....زي عينيا....و كتير قالولي هبقي ام مجنونة...قصدي ام تجنن

دلوقتي.....بحب الاطفال...بارت تيم.....يعني ساعة ساعتين و يتكلوا علي الله

كنت ......ببين انفعالاتي...اسرع

دلوقتي.....بحرق.....في اعصابي....زي السيجارة....بس لجوه

اكمل....و لا شكلي بوظت الشعر علي القراءات علي الكل كليلة :blink:

[عبير يونس]

كنت.....حساسة جدا....و اللي بيقولي كلمة بعيط

دلوقتي.....دمعتي مبقتشي قريبة خالص....غير في الفراق..و فراق امي و بس

كنت....بخاف من الموت

دلوقتي......بستناه....عشان بدعي انه يكون طريقي للجنة

كنت....لو قدامي اي حاجة او قرار...اقعد افكر قيمة مثلا سنة....و بعدين اتراجع

دلوقتي....بصلي استخارة...و بدوس....و طول الطريق بدعي و بحس ان ربنا بيبعتلي اشارات

كنت زمان......بحفظ قرآن اسرع

دلوقتي للاسف......اتأخرت كتير

كنت....بحب السفر زي عينيا

دلوقتي......بكره حتي اني اتنقل من حي لحي....(تقريبا تشبعت خلاص)

كنت.....بصدق كل كلمة تتقال...و افتكر انها وعد

دلوقتي...بصدق برضه...بس بدي مساحة اكبر...للحذر....(و هنا يحضرني المثل الخالد...اللي قاله عم ماهر البقال...اللي اتلسع من الشوربة مياكلشي ايس كريم كيمو كونو)

كنت بحب الاطفال....زي عينيا....و كتير قالولي هبقي ام مجنونة...قصدي ام تجنن

دلوقتي.....بحب الاطفال...بارت تيم.....يعني ساعة ساعتين و يتكلوا علي الله

كنت ......ببين انفعالاتي...اسرع

دلوقتي.....بحرق.....في اعصابي....زي السيجارة....بس لجوه

اكمل....و لا شكلي بوظت الشعر علي القراءات علي الكل كليلة :blink:

شوفي يا لموضة يا بنتي يا حبيبتي

انا حأعتبرك حالة استثنائية جدا

و الحقيقة انك كده فعلا

و لأن الموضوع خواطر فاكتبي كل ما يجول في خاطرك كما هو بدون ترتيب

ممكن بقى نلعب

( وش عيل بينظم صحابه و يوزع عليهم الأدوار في اللعبة )

طول عمري كنت عايشة في دور المخرج

شكله التوبيك باظ باين و الا ايه :blink:

[عبير يونس]

كنت و لازلت لا أخاف من الموت

كنت أخاف من ابعاده لأشخاص أحبهم عن حياتي

و الآن أراه قد يقربني من أشخاص أحبهم ابتعدوا عن حياتي

[عبير يونس]

كنت أخاف من النجاح و لكنني لم أخف من الفشل نهائيا

و الآن لازلت لا أخشى الفشل بل أنه معلمي

و لا زلت أيضا غير مهووسة بالنجاح و لكنني لم أعد خائفة منه... لا ضير أن ننجح أحيانا فيما نقوم به

كان قلبي يخفق بشدة و أشعر به يجري بسرعة كفتاة استحت من كلمة إعجاب

و الآن قلبي يخفق بشدة عندما أرى رسائل النور من ربي و عندما اتأكد كل لحظة أنه معي و يهديني

كنت أخاف من الرفض فأسعى بكل قوة أن أكون أنا البادئة بالرفض

و الآن لا يهمني ذلك و أتقبل كل الناس و لا أجد أي خسارة أن يرفضني أحد... فباتأكيد ستكون خسارتهم هم و ليست خسارتي أنا

كنت لا أستطيع النوم قبل أن أطمئن على أبي و أمي و أغطيهم و أؤمن إغلاق باب الشقة و أعود مرة أخرى لغرفة أبي و أمي أنظر إليهم و اطمئن أنهم يتنفسون

و الآن قد أنام قبل الجميع

[tarek hassan]

كنت أخبر الجميع بما أشعر غير آبهة بردود أفعالهم

و لا بعواقب الأمور

كثيرا ما كنت أظن ذلك تهورا

و لكنني رغم ذلك كنت أقوم به

و الآن

تفاجأت أنني أصبحت كتومة جدا

لم أعد أخبر أي أحد بأي شيء

بت أحتفظ لنفسي بكل شيء و أي شيء

من إسراف و تبذير ... إلى بخل و تقتير

(( وَلَقَدْ أَرْسَلْنَا نُوحاً إِلَىَ قَوْمِهِ إِنّي لَكُمْ نَذِيرٌ مّبِينٌ * أَن لاّ تَعْبُدُوَاْ إِلاّ اللّهَ إِنّيَ أَخَافُ عَلَيْكُمْ عَذَابَ يَوْمٍ أَلِيمٍ * فَقَالَ الْمَلاُ الّذِينَ كَفَرُواْ مِن قِوْمِهِ مَا نَرَاكَ إِلاّ بَشَراً مّثْلَنَا وَمَا نَرَاكَ اتّبَعَكَ إِلاّ الّذِينَ هُمْ أَرَاذِلُنَا بَادِيَ الرّأْيِ وَمَا نَرَىَ لَكُمْ عَلَيْنَا مِن فَضْلٍ بَلْ نَظُنّكُمْ كَاذِبِينَ))

الناس في هذه الآية صنفان :

- صنف يبدي رأيه بسهولة ويسر ودون مواربة وهم قد سارعوا باتباع نوح عليه السلام

- وصنف يستعمل ألفاظ أظن واعتقد

وبالنسبة لما تفضلت حضرتك به

فرأيي أن الحالة الأولى لك أفضل حيث إن سهولة إبداء الرأي قد ذكرت في سياق الذين آمنوا مع نوح عليه السلام

تم تعديل 14 أبريل 2011 بواسطة tarek hassan

[التونسى]

بناءا على رغبة الاخت الفاضله مغتربه مصريه .. أعود ثانيه

كنت مجنونا .. مندفعا .. متهورا .. والان.... فأنا أقل جنونا ...واندفاعا ....وتهورا

كنت فى صراعات دنيويه... ونفسيه ..مضنيه .. والان .. أنا أكثر هدوء.. واستقرار نفسى وعقلى

كنت نحيف جدا جدا .((61 كيلو )).. والان زاد وزنى فوق المعدل الطبيعى نسبة الى طولى.. فوصلت ((90 كيلو))

كنت أكتب الشعر والقصص بشكل شبه يومى .. الأن خمد بركان قريحتى .. الا قليلا

كنت أتكلم كثيرا .. الان .. أحيانا كثيره ..أدخل فى صمت رهيب .. يرتاب منه.. من هم حولى ((ما بتتكلمش ليه ...انت عيان يا تونسى)):unsure:

.كنت انام قليلا بفعل الارق والقلق .. الان أنام بعمق ((بعد ما اكتشفت ان طولها زى عرضها .. وفوقها زى تحتها .. ويمينها زى شمالها))

تم تعديل 14 أبريل 2011 بواسطة التونسى

[عبير يونس]

أستاذي الفاضل أستاذ طارق

لم أقصد ابداء الرأي

أقصد مشاعري

ما أشعر به

يعني كان ممكن أكون زعلانة من حد و أواجهه بزعلي من غير ما أفكر في رد فعله حيبقى ايه

يعني في ناس لما تعرف انك زعلان

تجري عليك تصالحك

و في ناس تتجادل معاك و تقولك لا انت اللي غلطان

و في ناس تنبسط انهم قدروا يزعلوك

و في ناس تتجاهلك و لا كأنك قلت حاجة

و حتى في المشاعر الحلوة الجميلة

كنت أبوح بها لمن حولي

فيفهمها القليلون

و يسيء فهمها الكثيرون

يعني مثلا بأحب الجمال و بأحب أشوف الأشياء الجميلة بس في الناس

فممكن بعفوية أبدي اعجابي بلون بلوزة زميلتي في العمل

أو أي حاجة في مظهرها

أو حتى في سلوكها

انها دايما مبتسمة

أو انها بتراعي مشاعر الناس

أو انها مجتهدة

او ...او

في ناس اعتبرت ده تملق!!!

و ناس اعتبرته حب للظهور!!!

و ناس اعتبرته نفاق!!!

و الآن

طبعا ما بيهمنيش المشاعر السلبية دي ( طبعا كانت بتحزنني في الماضي)

ما بطلتش أشوف الأشياء الجميلة

و ما بطلتش التنويه عنها

ده شيء بيسعدني قبل ما يسعد الآخرين

بس النسبة للزعل لم أعد أبوح بمشاعري لأحد

صرت كتومة

أتضايق و أهدأ مع نفسي دون أن يعلم أحد

يعني

باختصار

لغيت العتاب من حياتي

و لغيت الاعتراف بمشاعر الضيق

بس ما لغيتش احاسيسي بالجمال من حولي و ملاحقتي له و ابرازه كلما سنحت الفرصة

عرفت صديقة نصحتني بالرجوع لطبيعتي القديمة و مقاومة ذلك

فكما ترى صديقتي أن الآخرين لهم حق عليّ أن يعلموا ما هو موقفهم في حياتي

قاومت لفترة و حاولت

سامحيني يا صديقتي العزيزة

لقد عدت للكتمان

و التقوقع مرة أخرى

أنا و نفسي نتحاور و نتخانق و نزعل و نتصالح

أصلى عارفة نفسي

و معرفش الناس التانيين

و نفسي كفاية عليا

حأقدر أسكتها لما اتخنق منها

احنا أصلنا فاهمين بعض

و هنا تبرز بشدة مقولة سعودية بتتقال لما حد يحاول يضايقك أو يتنطط عليك

( مع نفسك) :closedeyes:

[مروان]

انت من النوع اللي بيحب السلام مع نفسه ومع الاخرين ومبيحبش العتاب والتلاوم لانه يخلق حالة من الضيق والزعل لزا تحولين الكتمان والصمت

وهو شعور يلازم زوي النفوس الشفافة المرهفة

ربنا معاك

[عبير يونس]

انت من النوع اللي بيحب السلام مع نفسه ومع الاخرين ومبيحبش العتاب والتلاوم لانه يخلق حالة من الضيق والزعل لزا تحولين الكتمان والصمت

وهو شعور يلازم زوي النفوس الشفافة المرهفة

ربنا معاك

يا خبر انا كل ده

أحسب نفسي على خير و لا أزكيها على الله

أما من جهة باحب السلام دي فطبعا طبعا طبعا

ما باحبش المشاكل نهائيا

مقلتش حضرتك

خاطرتك

ماذا كنت و كيف أصبحت؟

[Salwa]

كنت اتحرك وكأن لدى طاقة غير مرئية ( هدية من رب العالمين ) ..استطيع ان افكر فى اكثر من فكرة ومشكلة وحلها ....استطيع ان اتحرك فى اتجاه وبسرعة اتحول الى اتجاه آخر وانجز اعمالا تحتاج لثلاثة ايام... فى يوم واحد ...!!!

أذهب الى عملى واراعى بيتى واولادى واحضر اجتماعات المدارس واصاحبهم فى كل تحركاتهم ف الملاعب والبيسين واسافر مع زوجى ...و..و...ولدى وقت لى ولهواياتى ..

كيف؟؟

اضحك...اضحك ضحكة كبيرة ..عندما اتذكر كل شئ..

وكأن الله سبحانه وتعالى يختصنا فى مرحلة من مراحل حياتنا ...بكل هذه القوة وكل هذه الطاقة الحيوية ..( كى نستغلها اجمل استغلال صحى بما يعود على الأبناء وعلينا بكل الخير ).

اقول ..

لاحظت اليوم شيئا مدهشا ...ماهو؟؟

لاحظت..انى كنت فى السابق ....اجرى ...اسمع دقات قلبى وكأنها تدق اجراسا فى اذناى ...كنت لااسير ..كنت اطير ..

كنت كمن يجرى بجسده ...ثم يرتاح..كى تلحقه نفسه..او..روحه.

والآن؟؟؟

اليوم فقط ...وكأنى كنت انتظر اليوم ...

لاحظت...

انى اسير الهوينا....ولا اتعجل ان الحق (( بروحى ونفسى ...,وطاقتى )) التى سبقتنى ...,وقفت تنتظر ان يلحق بها الجسد الذى تعود على الهدوء والسير ببطء وكأن لاحساب للزمن ...لايوجد ما يدعو (( للحاق بأى شئ ))..

صباح الخيرات..

هذه خاطرة كتبتها فى موضوع آخر ولكنها توضح نفس فكرة موضوعك الرائع يامصرية متغربة .

كنت...والآن.

جمعة مباركة ان شاء الله. :give_rose:

[عبير يونس]

كنت

لا أرى أي حل غير الهجرة

و الآن

أريد السفر لأهداف كثيرة ليس من بينها أبدا الاستقرار خارج مصر

[مروان]

انت من النوع اللي بيحب السلام مع نفسه ومع الاخرين ومبيحبش العتاب والتلاوم لانه يخلق حالة من الضيق والزعل لزا تحولين الكتمان والصمت

وهو شعور يلازم زوي النفوس الشفافة المرهفة

ربنا معاك

يا خبر انا كل ده

أحسب نفسي على خير و لا أزكيها على الله

أما من جهة باحب السلام دي فطبعا طبعا طبعا

ما باحبش المشاكل نهائيا

مقلتش حضرتك

خاطرتك

ماذا كنت و كيف أصبحت؟

كنت سعيدا ولا اعرف اني في سعادة

حتى سافرت واصبحت وحيدا تعيسا

[Howayda Ismail]

سبحان مغير الاحوال يامصرية

انا كنت عصبية ونكدية واخدة الدنيا على العاصى زى مابيقولوا

لانى كنت باحمل الامور اكتر من اللازم والصراحة جوزى صبر على كتير اوى

يمكن عشان من صغرى كنت جد اوى والامور عندى ياا بيض يااسود مافيهاش الوان غيرهم

لكن لما ولادى كبروا وكبرت معاهم غيروا فى حاجات كتير ياما

اكتشفت النكد ده وش كنت بادارى وراه عشان متعاملش مع حد

صراحة ندمت على ايام حملت اعصابى فيها كتير على الفاضى ومافيش حاجة تستاهل الزعل

لكن باقول لنفسى وعسى ان تكرهوا شيئا وهو خيرا لكم مش جايز ربنا كان ربنا رايد لى الخير فى الفترة دى

[Dreamwithme]

كنت أقلق دائما علي الغد

الآن استمتع بيومي وأعيشه كأنه أخر يوم في عمري

أخطط للغد لكن لا أنتظره بقلق

[عبير يونس]

كنت

بأحب المذاكرة

و الآن

أعشقها

كنت

أخاف من الامتحانات

و الآن

أنتظرها

كنت

أحلل من حولي

و الآن

أشعر بهم