اذهب إلى المحتوى
محاورات المصريين

اللازانيا


pink rose

Recommended Posts

img1515r.jpg

الموضوع دا لواحدة صاحبتي هي عارفه نفسها عاوزة تعرف طريقة اللازانيا

المقادير

علبة لازانيا

بشاميل

لحمة مفرومة معصجة مضاف عليها صلصلة

الطريقة

نجيب الصينية اللي هانعمل فيها اللازانيا و نحط طبقة بشاميل

طبقة من رقائق اللازانيا

طبقة لحمة مفرومة

طبقة رقائق لازانيا

طبقة لحمة مفرومة

طبقة رقائق لازانيا

و اخيرا طبقة من البشاميل

و نرش على الوش شوية سمنة صغيرين عشان الوش يحمر و جبنة موتزاريلا

و ندخلها فرن عالي نوعا و نحطها على الشبكة في النص يعني

و نسيبها لحد ما القعر يحمر شوية و بعدين نفتح الشواية لحد الوش ما ياخد اللون الدهبي

و ادي صورة و هي مقطوعة عشان تشوفوا الطبقات

img1519g.jpg

اي اسئلة احنا حاضرين

رابط هذا التعليق
شارك

والله يا اخت ريمو اللازانيا دى بسمع عنها من زمان بس لحد وقت قريب مكنتش اعرفها

لحد متشجعت ورحت بيتزا هت عشان اجيب سلطة لاقيت هناك لازانيا قولت اهو نجرب

بس بصراحة توحفة (والله حكاية)

بس ما اظنش انهم عملوها بالاحترافية اللى انتى عاملاها

بإذن الله لما انزل الاجازة اخد طريقتك وانفذها فى البيت (هجرب فيهم ولاما تعجبهم لاما نطلبلهم الاسعاف) :D

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك

بصراحة انا كلتها ايطالى بس اية جنان محدش بيعملها زيهم مهما حصل شيء غريب ايطالى شكل وطعم تانى لدرجة ان بطلبها من واحد صاحبى بيسافر ايطايا 3مرات فى السنة يجيبها لى كل رحلة وبستقبلة فى المطار علشان بحبها

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

السلام عليكم ورحمة الله...

تسلم ايدك ياريمو...

شكلها شهى جدا.. أنا ملاحظة انك ماسلقتيش رقائق اللازانيا ..يعنى ممكن تتعمل من غير سلق؟ بتدى نتيجة كويسة ولابتكون ناشفة؟

عمرى ماجربتها كده الحقيقة...وكمان لو اضفتى صلصة البيتسو على العصاج حتديك طعم جميل ..

انا حأجربها من غير ما اسلق اللازانيا

وانت جربيها مع صلصة البيتسو..

ونتقابل هنا بعد التجربة :)

تسلم ايديك...:give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

مجرمة كما العاده ..

عرفتي منين اني امبارح بالتحديد كنت طالبه لزانيا من المطعم .. وعرفتي منين اني وانا باكلها افتكرتك وقلت معقوله بتعمل اللزانيا كمان غير سلق انا لازم اطلبها واعرف الطريقة بالتفصيل .. نهارك كما العاده ابيض .. مش مستغربة خالص تلميس الاسلاك ده ..

تسلم ايدك وباذن الله جاري التطبيق وان شاء الله هعلمك بالنتيجه ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

السلام عليكم ورحمة الله...

تسلم ايدك ياريمو...

شكلها شهى جدا.. أنا ملاحظة انك ماسلقتيش رقائق اللازانيا ..يعنى ممكن تتعمل من غير سلق؟ بتدى نتيجة كويسة ولابتكون ناشفة؟

عمرى ماجربتها كده الحقيقة...وكمان لو اضفتى صلصة البيتسو على العصاج حتديك طعم جميل ..

انا حأجربها من غير ما اسلق اللازانيا

وانت جربيها مع صلصة البيتسو..

ونتقابل هنا بعد التجربة :)

تسلم ايديك...:give_rose:

استاذتى فولانه بالنيابه عن ريمو ..بعد اذن حضرتك هجاوبك ..

ريمو عملتها قبل كده و هى مسلوقه لكن ما شكرتش فيها و قالت ان الطعم اتغير كتيييير و كان مش ولابد

فجربتها من غير ما تسلقها و قالت انها تحفه..

تحياتى لحضرتك :give_rose:

سألني

احدهم ما أكبر دولة في العالم.. قلت له وبكل فخر (مصر).. قالي انت ملكش في

الجغرافيا.. قولتله انت اللي ملكش في التاريخ

161656_797420187_6336538_n.jpg

رابط هذا التعليق
شارك

السلام عليكم ورحمة الله...

بأشكرك على التوضيح اختى الفاضلة المهندسة....اتأخرت فى الرد عليك...معذرة..

ومعلش ماكنتش متابعة كويس....نجربها من غير سلق..

ما اخبيش عليك..اصلى اتخانقت مرة فى مطعم ايطالى بسبب اللازانيا..وقلت لهم هاتولى المدير...وازاى تقدموا لازانيا بايتة وازاى وازاى...الرجل حاول يفهمنى ان دى احدى طرق عمل اللازانيا ..واللى بتكون بدون سلق ....وماصدقتهوش الا بعد ما قرأت الموضوع ده...:)

ياه ه ه ...ده كان حتة يوم ...:D

تحياتى :give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

السلام عليكم ورحمة الله...

بأشكرك على التوضيح اختى الفاضلة المهندسة....اتأخرت فى الرد عليك...معذرة..

ومعلش ماكنتش متابعة كويس....نجربها من غير سلق..

ما اخبيش عليك..اصلى اتخانقت مرة فى مطعم ايطالى بسبب اللازانيا..وقلت لهم هاتولى المدير...وازاى تقدموا لازانيا بايتة وازاى وازاى...الرجل حاول يفهمنى ان دى احدى طرق عمل اللازانيا ..واللى بتكون بدون سلق ....وماصدقتهوش الا بعد ما قرأت الموضوع ده...:)

ياه ه ه ...ده كان حتة يوم ...:D

تحياتى :give_rose:

حصل خير ...حصل خير ...

يا خبر يا ترى الناس قالت ايه فى المطعم !!!!يا دى الكزوف يا ولاد fr1::

الواحد يعيش و يتعلم ....

بس فعلا جربيها اكيد هتبقى تحفه طالما ام مريم قالت كده...دى خبره و اسئلينى انا

ده دوقت التورت بتاعتها تحفففففففففففه جدا

تسلم ايديها

ا

سألني

احدهم ما أكبر دولة في العالم.. قلت له وبكل فخر (مصر).. قالي انت ملكش في

الجغرافيا.. قولتله انت اللي ملكش في التاريخ

161656_797420187_6336538_n.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...