اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

قصـــة المحـــــــاوراتيين ,, والصنـــــدوق ..


Recommended Posts

قرار وزاري ,,

التوبيك ده خلاص استنفذ المطلوب منه وحيتقفل ,,

ميرسي انكوا بتفهموا ,,

تيم الوزارة

computer-recovery.jpg

مبدع يا ساري يا حبيبي والله ,, انت زي ماتكون دخلت جوه كل واحد فينا ,, ولا نقول للابداع ,, ساري يا ابداع انت والله :redrose:

رابط المشاركه
شارك
  • الردود 62
  • Created
  • اخر رد

Top Posters In This Topic

Top Posters In This Topic

Popular Posts

صباح الخير يحكى انه في يوم من الايام .. قرر الادفايزر الهمام .. راعي الذمام .. ان يجمع المحاوراتيين والمحاوراتيات .. ومن منهم قد مضى ومن هو آت .. ووقف فيهم خطيبا .. وقال اننا قد جمعنا امرنا .. واست

قال الراوي بعد ان تم اعتماد رأي الصندوق .. واشاع المشرفين انه الرأي الصدوق .. امتلأت جيوب المشرفين بريع الكتاب .. وانقسم المحاوراتيين لاقسام واحزاب .. عند الإشراف قد فاضت الخزانة .. وتيمور تم ايدا

قال الراوي وبعد ان تم نصب الصندوق في وسط ميدان المحاورات .. وبعد ان استعد الجميع لقول ما يراه في غنيمة الدولارات .. اجتمع الادفايزر بمجموعة المشرفين ... وقال لهم اني لكم ناصح امين .. دعوا التصويت يأ

رائع ياساري:give_rose:

اولا التلون وتقمص كل هذا العدد من الشخصيات دون ان تطغي عليها شخصيتك الاساسيه لهو شئ رائع ...كل الادباء العظام ستجد في روايتهم تنوع هائل في الشخصيات كشكسبير في مسرحياته او محفوظ في رواياته

ثانيا : ماشاء الله انت متابع ردود الناس وقالوا ايه من كام سنه وتاريخ دخولهم للمنتدي والوان ونوع الخطوط بتاعتهم

ثالثا انت نسيت تقول اني كنت حاطط صباعي في مناخيري وانا واقف في الطابورsmk:

تم تعديل بواسطة ozoozo
رابط المشاركه
شارك

حاقول ايه بس

انا مش مصدقة انك كتبت الكلام داه لوحدك

انت متاكد انك لم تستعن بصديق - متاكد انك ما روحتش ل س س

او لماضة او فتفوتة او شيكوز او اى حد يساعدك فى السيناريو

- جامد اوى يا سارى بجد انت اتقمصت فعلا الشخصيات بتاعتنا

كمان مذاكر كويس الموضوعات والمشاركات على المنتدى - وشكلك فعلا زى ما لماضة بتقول

بتبص من خرم الباب على المحاوراتية

انا معاهم طول الوقت لكن ما عنديش قدرة انى اكون مذاكرة الموضوعات كدا ولا حافظة شخصياتهم بالطريقة دى

ممتاز حقيقي ممتاز - اصبر بس اشحن وهاغرقك اخضر

لا وايه جملتى المشهورة ( انا مش قصير اوزعة - انا طويل واهبل )- الله يحظك يا شيخ :)

ولا شخصية ازوزو وس س وزوهيري وارتكيت ومغتربة واسد ومصرية متغربة وفلانة وسلوى ومحمد

وابو محمد ودريم وث مى وفتفوتة ( انشرووووووووه ) ولا الطائر الحزين وشجر الليمون

وشخصية ماما قلب ابيض - رهيببببببببببببة - حسستنى انها مش فى البلد خالص

ربنا يخليك يا سارى - بجد مبدع يا ابنى خففت شوية من حدة المشاكل

اللى كانت على المنتدى فى الايام اللى فاتت - بدعيلك من قلبي - روووووح يا شيخ .... وتعالى بسررررعة ههههههههه

اوعدك انى حاحرم نفسي من الغطا علشان تستغطى - ومن العشا علشان تستعشا

على فكرة بس انت ليه ما ركزتش على ضحى - ضحي شخصيتها فى المشاركات

واضحة جدا ومتميزة وقوية - هات اى راى وهات الراى اللى عكسه بكل ثقة هتلاقيه ضحى

وهات شخصية مكاوى مع ان مكاوى شخصية صعبة شوية

ونسيت بوسي وهى بتحكى عن ابنها عمورة وعن صحبتها الحشرية والحسودة

وعن خيانة الرجالة وااااه من الرجالة

كمل كمل .... انت مبدع

رابط المشاركه
شارك

سيداتي آنساتي سادتي الأفاضل

* doha

* architect

* الباشمهندس ياسر

* masraweya

* قلب ابيض

* حوريةعين

* ozoozo

* اغابي

اشكركم كلكم .. نفر نفر .. ودي بعض الردود .. مع بعض الورود

:clappingrose::clappingrose::clappingrose:

-----------------------------------------

ضحى

يوه .. كنت هنسى ... صح لسانك

الله يصح بدنك استاذتي الفاضلة .. بس عايز نقدك الذي لا يرحم واللي ادمنته بصراحة ... بانتظاره سيدتي

:clappingrose:

----------------------------------------

باشمهندس ياسر

صليب الصخر لو صابه اللي مصيبني

تصفق صفاه وصب صلصال ذايبه

قول عاش يا ابو العم

عاش يا ابو العم .. :P

ولو اني مش عارف ازاي الواحد يكون ابو عمه بنفس الوقت زي ما قال ارك زمان ..

بس مقبولة منك .. سكتني بالرد فعلا

تحياتي لك

----------------------------------------

مصراوية

ادينا مستنظرين الحلقة التالتة

بس بجد عجبتني جدا جدا جدا

والحلقة التالتة اهي نزلت يا سيدتي

انا اللي مبسوط اكتر بمرورك smk:

تحياتي سيدتي

---------------------------------------

ماما قلب ابيض

طب أحياااااااات ابوك خلينى امر من قدام الكامره مره واحده بس ...العيال يشوفونى واتسيط على حسك يا ابو السوارى ياخويا "مش

انا اول واحده قلت لك يا ابو السوارى بردوا "

يا ماما انتي تامري .. كلوا هيمر .. بس لكل واحد دوره

:)

هو انتي فاكرة اني هاخليكي بحالك .. اهو نزلتك بالحلقة التالتة .. ولسه كمان

انتي اول واحدة قالت لي ابو السواري وحقوق الملكية محفوظة .. بس انتي تعالي بدري شويتين .. وبطلي استغراب

:P

تحياتي ماما قلب ابيض .. والله تنوريني دايما

-------------------------------------------

حورية عين

بس معلشي لازم تدي بتوع الكويت دور اكبر في الفيلم

فين الزعيمة بتاعتنا ( قلب أبيض)

دي رمزنا ازاي تنساها

دي قلب ابيض رمزنا كلنا .. مش بتاعتكو بس ..

وبعدين بتوع الكويت لهم نصيب الاسد بكل افلامي .. بس انتي عايزين نشوف افلامك كمان ..

شكرا لمرورك وتشجيعك حورية .. وبانتظراك دائما

--------------------------------------------

اركتكت

قرار وزاري ,,

التوبيك ده خلاص استنفذ المطلوب منه وحيتقفل ,,

ميرسي انكوا بتفهموا ,,

تيم الوزارة

اقعد يا سيدي انتا ولع فيا واخرتها هترطبقها على دماغي

عموما هاتشعلق فيك .. واقول ده اللي غرر فيا .. ده اللي لبسني الحزام الناسف

انت رد سجون ومتعود ع الاقسام بس انا ما عتبتهاش

صباحك ... عيش وحلاوة ..

--------------------------

اوزاوز

اولا التلون وتقمص كل هذا العدد من الشخصيات دون ان تطغي عليها شخصيتك الاساسيه لهو شئ رائع ...كل الادباء العظام ستجد في روايتهم تنوع هائل في الشخصيات كشكسبير في مسرحياته او محفوظ في رواياته

معقولة اللي بيتكلم ده اوزاوز ؟؟ ادي اول بركات التوبيك .. مغتربة اتسخطت لاوز اوز

:P

يا عم الحاج مستشكرين .. شكسبير مين .. ونجيب محفوظ مين ..؟؟

انا فوق العالم دي

:closedeyes:

اهو زوهيري اتسخط للساري وبيرد عليك

تم تعديل بواسطة الســـاري
رابط المشاركه
شارك

؟؟ ادي اول بركات التوبيك .. مغتربة اتسخطت لاوز اوز

على فكرة يا ساري اوزو ده بحر غويط مالوش قرار بس عاوز الي يلاغيه

نروق كده ملي ورانا ونبقى نجر رجلية واحده واحده :happy:

وبالنسبة للوزارة ياساري ولا تشيل في بالك ,, انت نبض الشعب ياعمي وكلنا اقلامك ;)

رابط المشاركه
شارك

؟؟ ادي اول بركات التوبيك .. مغتربة اتسخطت لاوز اوز

على فكرة يا ساري اوزو ده بحر غويط مالوش قرار بس عاوز الي يلاغيه

نروق كده ملي ورانا ونبقى نجر رجلية واحده واحده :happy:

وبالنسبة للوزارة ياساري ولا تشيل في بالك ,, انت نبض الشعب ياعمي وكلنا اقلامك ;)

ياخي بحر ايه وزفت ايه

منكم لله انتم وثورتكم

ادينا ياخويا اهو بقينا عواطليه ومفيش حد نديله كرباجين ولا حد ورايا يقولي ده لسه مش جاهز زود الفولت شويه

منكم لله خربتم البلد

248832985002_576x432q100.jpg

تم تعديل بواسطة ozoozo
رابط المشاركه
شارك

شكلك حترجع لمهمتك الرائعة الضارية الضاربة المقدسة عن قريب يا بحر الالم ,,

اخواننا بيحوموا حولين الفريسة ,,

ولازم لها سواطير حامية عشان تفك

رابط المشاركه
شارك

حاقول ايه بس

انا مش مصدقة انك كتبت الكلام داه لوحدك

انت متاكد انك لم تستعن بصديق - متاكد انك ما روحتش ل س س

او لماضة او فتفوتة او شيكوز او اى حد يساعدك فى السيناريو

- جامد اوى يا سارى بجد انت اتقمصت فعلا الشخصيات بتاعتنا

كمان مذاكر كويس الموضوعات والمشاركات على المنتدى - وشكلك فعلا زى ما لماضة بتقول

بتبص من خرم الباب على المحاوراتية

انا معاهم طول الوقت لكن ما عنديش قدرة انى اكون مذاكرة الموضوعات كدا ولا حافظة شخصياتهم بالطريقة دى

ممتاز حقيقي ممتاز - اصبر بس اشحن وهاغرقك اخضر

لا وايه جملتى المشهورة ( انا مش قصير اوزعة - انا طويل واهبل )- الله يحظك يا شيخ :)

ولا شخصية ازوزو وس س وزوهيري وارتكيت ومغتربة واسد ومصرية متغربة وفلانة وسلوى ومحمد

وابو محمد ودريم وث مى وفتفوتة ( انشرووووووووه ) ولا الطائر الحزين وشجر الليمون

وشخصية ماما قلب ابيض - رهيببببببببببببة - حسستنى انها مش فى البلد خالص

ربنا يخليك يا سارى - بجد مبدع يا ابنى خففت شوية من حدة المشاكل

اللى كانت على المنتدى فى الايام اللى فاتت - بدعيلك من قلبي - روووووح يا شيخ .... وتعالى بسررررعة ههههههههه

اوعدك انى حاحرم نفسي من الغطا علشان تستغطى - ومن العشا علشان تستعشا

على فكرة بس انت ليه ما ركزتش على ضحى - ضحي شخصيتها فى المشاركات

واضحة جدا ومتميزة وقوية - هات اى راى وهات الراى اللى عكسه بكل ثقة هتلاقيه ضحى

وهات شخصية مكاوى مع ان مكاوى شخصية صعبة شوية

ونسيت بوسي وهى بتحكى عن ابنها عمورة وعن صحبتها الحشرية والحسودة

وعن خيانة الرجالة وااااه من الرجالة

كمل كمل .... انت مبدع

سيدتي اغابي

مش عارف اقول لك ايه ولا ايه ولا ايه

كلماتك دي حقيقة تخليني مش عارف اعبر ومش عارف اتكلم

اما بالنسبة لضحى و مكاوي ، كل واحد دوره جاي .. ومعاكي حق .. هما كاركترات غنية جدا

:P

انتم الله يعينكم مشغولين بمتابعة امور بلدكم .. بس انا فاضي على قولة تامر اقعد ادرسكم من سكات

smk:

اشكرك سيدتي على التشجيع والمتابعة .. واتمنى تكون القصة عجبت الجميع مثلك .. :clappingrose::clappingrose::clappingrose:

رابط المشاركه
شارك

ساري ..

ما عدتش تعمل أفلام تاني خالص ..

ركز على القصص :closedeyes:

أولًا ظابط اللهجة المصرية إلى حد كبير جدًا ( شكلك فيك عرق مصري)

ثانيًا ظابط الكاركتر بتاع معظم الشخصيات ( هو انت بتذاكر في المحاورات يا ابني ؟)

و خاصة لماضة و مغتربة و مزوهيري و طائر الليل الحزين و أسد

الحوار اللي بين س س و اوزوزو .. فظييييييع موتني من الضحك :hysterical:

كمان فيه تنوع كبير في طريقة حوار كل شخصية .. يعني ما تحسش إن الكاتب هو اللي بيتكلم ..

لأ كل شخصية بتتكلم بنفسها

كل ما كنت أعدي على التوبيك ده.. أقول لما أبقى رايقة أفتحه

ياريتني كنت فتحته من يومها و كنت زماني رقت على طول

ساري ..

ربنا يسعدك :roseop:

تم تعديل بواسطة لونا
رابط المشاركه
شارك

والله والله ياشيخ وما لك على حلفان ....انا مش عارفه اوصف لك مدى اعجابى اد ايه

انت انسان وووووووووهمى بجد

ماشاء الله عليك مذاكر بشكل يعقد ..لون الخط والتعليق نفسه اتقال امتى وفين ولما مين قال ايه ..

الله اكبر بسم الله ماشاء الله عليك

"كنت هامووووت من الضحك وانت بتقول عن لسانى " هى ريمو غيرت اسمها ؟؟ وانا مش دريانه ؟

لانى بجد اتفاجأت والله ......................وانا مش دريانه

على فكره انا بهدينى بالنيابه عنك الاغنيه دى

http://www.youtube.com/watch?v=uHoKRY7M7Rs

بس يا سارى انا لى ظروفى يا اخى ..والله كتر خير الدنيا وكتر خيركم انى متواصله معاكم كده ...انت لو تعرف اللى عندى

" انت ما قريتش يوميات همسه وفرقه الخمسه ؟؟؟؟"

ابو السوارى الغالى .....الى الامام

الى الامام

كل مره اقول ده اخره خلاص ...بس بتبهرنى بعدها

هاقولك المره دى فى انتظار المزيد دوما

ويسعد ايامك ولحظاتك زى ما بتسعدنا ياااارب

عاوزاك تركز مع مكااااوى ده يطلع منه بلاااااوى ....

تم تعديل بواسطة قلب ابيض
رابط المشاركه
شارك

قال الراوي

بعد ان تم اعتماد رأي الصندوق .. واشاع المشرفين انه الرأي الصدوق .. امتلأت جيوب المشرفين بريع الكتاب .. وانقسم المحاوراتيين لاقسام واحزاب .. عند الإشراف قد فاضت الخزانة .. وتيمور تم ايداعه بالزنزانة .. في المحاورات .. طغت الجدالات .. بمختلف الترددات .. ان هناك تلاعب بالاصوات .. وتغيير لراي بعض المشاركين والمشاركات .. وحسبنا الله العزيز المكين .. على ما كان يجري في الخفاء ولا نعلمه .. او كان يجري في العلن ولا نفهمه ..

مرت ايام ثلاثة وتيمور في غياهب السجون .. و كان في سجنه يقاسي كل انواع الشجون .. فتارة يغضب ويهدد بالويل والثبور .. وتارة يستسلم لعظائم الامور .. وغالبا يحلم بحكمة الشجاع الصبور .. ويترك لعقله التخطيط ويقرا ما بين السطور .. ثم قال بعد طول تفكير .. وبعد عناء وتدبير

هي والله ثورة تأكل الاخضر واليابس .. وتنزع الظالم و تفك المحابس

وعلى هذا الراي قد طاب عزمه واستراح الخاطر .. ان هي الا ايام وتفتح العنابر .. فويل لكم يا بني اشراف

--------------------------------------

المكان : ساحة المحاورات

الزمان : بعد ثلاثة ايام من حبس تيمور

الحدث : يخرج تيمور من السجن وقد طالت لحيته .. يستقبله الرجال بالاحضان والنساء بالزغاريط

اوز اوز :

كفارة يا معلم

حسام عبد الفتاح :

اوعى تفتكر اني كنت قاعد ساكت .. انا عملت المستحيل عشان اخرجك .. عارف يا هندسة لو ما كانوش خرجوك النهاردة كنت هاعمل ايه ؟ .. انا ساعة الجد ماليش حل ..

التونسي :

الله فرجها .. الله فرجها

تيمور خيوله مسرجها

والحرية عالي درجها

من قلب الحبس مخرجها

العطار :

ضايعين من غيرك والله يا ريس .. ربنا ما يرضاش بالظلم

اركتكت :

متشكر خالص

مش عارف من غيركم كنت هاعمل ايه :give_rose:

والظالم ليه يوم ..

تامر مصطفى :

على ايه الغاغة دي بس ؟ .. هو مانديلا يعني اللي طلع من حبسه ؟

طارق حسن :

مبروك الافراج يا عمدة .. دقنك طالعة اهو .. انت بقيت اخوان ولا ايه ؟

اركتكت :

آآآه بس على اللي عدى عليا في الحبس ..

كانوا يعذبوني كل يوم ..

ما تقوليش ابو غريب .. ولا جوانتانمو

هند علي :

عملوا فيك ايه يا ضنايا يا ابني .. شكلك متشحتف خالص

تامر مصطفى :

ما عملوش فيه حاجة يا مدام هند .. انتم مكبرين الموضوع ليه بس .. تلاقيه اترزع كم كف على كم شلوت وخلصت القضية

ضحى :

اعتقد دلوقتي بقى واضح رأيي اللي قلته من اول وكلكم كدبتوه .. قلت من اول انهم مش هيسيبوا اللي صوت بلأ على مزاجو .. واهو كلامي طلع كله صح .. بس فين اللي بيفهم ؟

حسام :

سبتهم يضربوك ليه .. الفجرة .. عارف لو انا مكانك ؟ كنت طبقت كل الكونغ فو والتايكوندو بخلقتهم .. اصلي لما ازعل ابقى وحش اوي

اركتكت :

هو انا قادر عليهم كلهم .. ؟؟ دول استخدموا كل حاجة .. كهربا .. انتزاع اضافر .. سلخ .. تكسير عضام .. كل حاجة

قلب ابيض :

يا ضنايا يا بني .. كل ده ؟

تامر مصطفى :

يا ماما قلب ابيض ما تصدقيش كل حاجة بقى .. اهي اضافره زي الفل بس هو اللي عايش الدور اوي

بوسي :

ايوة .. انت اوفر اوي يا تيمور .. عقدة اضطهاد متجذرة

دامو :

ايه متجذرة دي يا بوسي ؟

اوزاوز :

ايه بلوفر دي يا بوسي ؟

اركتكت :

يا جماعة متشكر خالص .. تعبتكم معايا :flr1:

اما اولئك ال ( تيييييييييييييت

فاقول لهم ..

جررررررررررررر

قلب ابيض :

بص يا ابني يا تيمور .. احنا ياما اختلفنا معاك بس بالظرف ده كلنا معاك .. تلاقيك على لحم بطنك يا عيني .. تعال عندنا بالديوانية بتاعتنا اصلي عاملة طاجن مسقعة باللحمة تاكل ايدك وراها

تامر مصطفى :

ما تتعبيش نفسك يا ماما قلب ابيض .. الراجل زي الفل اهو .. تلاقيه لسه متغدي

اركتكت :

تلات ايام ما اكلتش فيها حاجة يا ماما ... تصوري ..

بندق :

يا راجل مش لسه باعت لك امبارح صينية بط بالبردقان ؟

اركتكت :

اخدوها الظلمة ..وتعازموا عليها

اوزاوز :

معذورين والله .. انا لو مكانهم هاعمل اللي عملوه

لونا :

ممكن تعطيني وصفة الطبخة دي ياشيف بندق ؟ .. طول عمري نفسي اعمل صينية بط بالبردقان

اوزاوز :

وانا طول عمري نفسي اكل بط بالبردقان

الساري :

وانا طول عمري نفسي افهم .. ازاي بط .. وبردقان ؟؟

اركتكت :

انا اعتذر يا ماما قلب ابيض ..

خبز الاحرار هو الثورة :happy:

لن يدخل الزاد فمي حتى انتقم

اوزاوز :

شششششششش .. اسكت انتا .. احنا معاكي يا قلب ابيض .. مايصحش نكسفك برضو

نغسل فين ايدينا ؟

اركتكت :

كلنا مش هناكل اي حاجة لغاية ما نثور عليهم بقى ..

ثوار .. نتحد .. من اجل القضية

تامر مصطفى :

اول مرة اتفق معاك .. يالله يا سيدي روح اعمل لك ثورة هناك بعيد

اوزاوز :

ثورة مين يا عم انتا .. تقول لك طاجن مسقعة باللحمة .. باللحمة يا راجل انتا

قلب ابيض :

والله يا تيمور يا بني انتا كسفتني .. فعلا .. ناكل ازاي والظلمة دول ياكلوا عيش الغلابة ؟؟

دامو :

يعني ايه مسقعة يا اوزاوز ؟ يعني حاجة ساقعة ؟

اوزاوز :

يعني داهية تاخد تيمور هو و ثورته

---------------------------------

المكان : ساحة المحاورات

الزمان : بعد اربعة ايام من حبس تيمور

الحدث : يخرج تيمور مع مجموعة ضخمة من ثوار 31 فبراير مرددين هتاف .. الاعضاء يريدون اسقاط الاشراف

فتفوتة :

انشرووووووا .. ثورة .... انشرووووووووا .. مصيبة ... انشرووووووووا

مظاهرات ضخمة يقودها تيمور المراغي .. تتجه الى مبنى الاشراف الرئيسي ..

المظاهرات تقطع طرق المحاورات .. وتغلق الميادين ..

ومعانا هنا بعض المتظاهرين .. نسمع بيقولوا ايه ..

تعال انتا يا فندم .. انتا يا اللي لابس الطربوش .. ممكن تعرفنا بنفسك ؟

احمد سيف :

انا باحث عن الحقيقة .. مدافع عن الحرية

فتفوتة :

ممكن تقول لنا مطالبكم ايه من الثورة دي ؟

احمد سيف :

اعادة الاستفتاء .. الغاء الاشراف ..

فتفوتة :

متشكرين خالص يا استاذ .. ومعانا استاذ تاني .. ممكن تعرفنا بنفسك ؟

كومنق سوون :

انا من سيجتث راس الظلام .. انا الذي سيحرق اكبادهم

فتفوتة :

وعايز ايه من كل اللي تعملوه ده ؟

كومنق سون :

قطع رأس الافعى الكبرى .. فرعون هذا المنتدى .. سي السيد

فتفوتة :

ومعانا واحد هنا كمان ويظهر انه متحمس اوي .. انتا مين سعادتك ؟

حسام :

بصوا .. انا مش هاسكت تاني .. انا هاطربقها فوق دماغهم كلهم .. انا هاحرق .. انا هاثور .. انا

فتفوتة مقاطعة :

طيب بالراحة شوية .. التف بتاعك غرق المايك .. قول اللي انت عايز تقوله بس بهدوء شوية لو سمحت

حسام :

انا مش هاقبل يعدلوا الاستفتاء زي ماهما عايزين .. من حقنا نقول كلمتنا

المهندسة :

انتا يا راجل انتا مش كنت معاهم وعايز تعطي الخزرانة للمشرفين عشان يضربونا ..؟

حسام :

لا لا لا .. دي كانت مسرحية .. اخدعهم عشان يحزنوا عليكم ويطلقوا سراحكم

فتفوتة :

كانت معكم فتفوتة .. في بث حي ومباشر من قلب المظاهرات

---------------------------------------------------

المكان : مبنى الاشراف الرئيسي

الزمان : بعد خمسة ايام من حبس تيمور

الحدث : المشرفين مجتمعين في قاعة الاجتماعات .. يتزعمهم سي السيد

سي السيد :

ايه المصيبة دي .. بيعملوا ايه دول ؟؟

ابو محمد :

ثورة ايها المعلم الفاضل .. ثورة مضادة .. ثورة فئوية .. ثورة جياع

اسد :

انا في شدة الحزن ..

في شدة الغضب ..

في شدة الزعل ..

سي السيد :

طب نعمل ايه ؟؟ الادفايزر على وشك الوصول .. .. ولو شاف الغاغة دي هيبهدلنا

المشرف محمد :

انا رأيي نخلص عليهم .. نحرقهم

سلوى :

لا .. لا .. انا رايي نفلت عليهم شوية بلطجية .. مع جمال وبغال وحمير

سكوب :

انا اشوف نتفاوض معاهم .. ونسكتهم بشوية فلوس

سي السيد :

ولا حل ينفع .. عايز حل جذري

فلانة :

هو اللي عامل الهرجلة دي كلها تيمور .. بس ما ينفعش دلوقتي نحبسه تاني .. احسن هيولعوا اكتر

سي السيد :

طب رسوني على حل .. الادفايزر طيارته قربت .. يجي يشوف المنتدى بالمنظر ده ؟

سكوب :

مافيش حل غير اللي قلته .. اندهو تيمور ومعاه تلاتة من كبار القادة بتوعوا .. الراجل ده مصدق نفسه اوي .. قولوا له انت جدع اوي .. وانت احرجتنا .. وانت بطل .. انفخوه كدا شوية ..

سي السيد :

ننفخ مين يا ابو جونيور .. انتا شايفنا نفيخة بلاليم ؟ .. من امتى بندادي ونطبطب على الفوضى ؟

سكوب :

يا سي السيد الزمان اتغير .. هو انتا فاكر المنتدى بقى زي ايامنا لما كنا نمشي في الميادين والعالم توطي تبوس ايدينا ؟ وما يرفعوش عينهم بعنينا ؟ ده جيل بايظ .. ولو ما نفعتكش العصايا .. جرب الطبطبة

فلانة :

اتفق مع سكوب .. اهو على راي المثل ايه اللي رماك ع المر .. اللي امر منه .. وما فيش امر من المراغي دا

مصرية متغربة :

يا عم سي السيد مافيش داعي تعصلج دماغك اكتر من كدا .. احنا كلنا عارفين ان دماغك ساعات تبقى عاملة زي الجــز .. أ .. أ .. زي الجزرة .. ايوة هي الجزرة .. الجزرة آه .. الجزرة والعصايا ..

أبو محمد :

الفاضلة مصرية متغربة .. انا ما فهمتش انتي عايزة تقولي ايه ؟

مصرية متغربة :

لا .. لا ولا حاجة .. اقصد سياسة الجزرة والعصايا .. ليه ما نطبقهاش معاهم .. ؟

سي السيد :

يا ما كان نفسي استخدم العصايا وبس .. لكن نعمل ايه .. انا خلاص .. هيجيني شلل .. لو شاف الادفايزر المنظر ده اللي بالساحات والميادين هيطردنا كلنا ونبقى نبيع سميط وجبنة احسن لنا

امرنا لله .. حد يندهلي الاركتزفت ده

سلوى :

انا ما افضلش نناديه لان ده هيخليه يحس انه مهم اوي .. وتكبر الحكاية بدماغه وهو من غير حاجة اصلا مفكر نفسه جيفارا .. وهيقعد يتدلع ويتنطط علينا ويقول انا مش عايز اتفاوض معاكوا .. افضل حل ننزل احنا بنفسنا ونكلمهم فرد فرد ونحاول نهديهم

أسد :

نعم يا مدام سلوى

أؤيدك ..

جداً ..

جدا ..

ابو محمد :

الفاضلة سلوى .. احييكي على الفكرة الجهنمية

سي السيد :

إذن .. الى الميدان

---------------------------------------------

المكان : ساحة المحاورات

الزمان : بعد ستة ايام من حبس تيمور

الحدث : يتفاجأ الاعضاء بتواجد المشرفين معهم .. يكلمهوهم و يستمعوا منهم

سي السيد :

انا مش عارف انتم عاملين الدوشة دي كلها ليه .. محنا قدامكو اهو وابوابنا مفتوحة على طول ..

اسد :

كلام سي سيد صح ..

لماذا هذه الغاغة ..

لماذا ..

لماذا ..

ضحى :

اهو المشرفين جم اهم .. مش قلت لكم هينزلوا وما فيش داعي من الثورات دي ؟ .. عشان تعرفوا اني كنت صح وكنتم كلكوا تغلطوني .. اهو طلع كلامي صح اهو

حسام :

انا ماليش دعوة يا ابو الاسيان .. هو تيمور اللي عمل الليلة دي كلها .. انا ماليش دعوة

اركتكت :

آه يا جبان ..

وعاملي فيها سبع البرومبا اول .. ؟؟

bsh:) حسابك هيبقى معايا بعدين

حسام :

ماليش دعوة بيك يا راجل انتا .. هو انا من امتى اعرفك .. بليز يا ابو الاسيان .. سماح النوبة دي

دياب :

ايه مالها النوبة بس .. ؟ بطلوا تجيبوا سيرة بلدنا ع الفاضي والمليان .. ايه العنصرية دي

زوهيري :

عن نفسي .. جيت افسح كلبي .. اصله مخنوق اليومين دول

:closedeyes:

سي السيد :

يا جماعة هدوء بليز .. احنا مش جايين نعاقب حد .. احنا جايين نتفاهم معاكو باللتي هي احسن .. انتم عايزين ايه ؟؟

كومنق سوون :

نريد اجتثاث الباطل

اركتكت :

نريد اعادة الاستفتاء .. نريد اسقاط الاشراف .. بل نريد اسقاط الادفايزر شخصيا

مغتربة :

نريد صيانة حقنا الدستوري الذي كفله لنا قانون المحاورات رقم 73657456 والذي ينص انه في حالةاي تلاعب بنتيجة الاستفتاءات من قبل المشرفين فإنه تلغى عضوياتهم الشرفية ويحالوا للتحقيق في لجنة يكون للاعضاء عضو ممثل فيها يحمل ما لا يقل عن 50 تقييما ايجابيا

احمد انور :

نريد عدالة .. مساواة .. نريد مساحة اكبر للتوقيع تتسع لصوري الضخمة

اصل الصور اللي باعرضها بتوقيعي صغيرة اوي وعاوزها تغطي نص الصفحة على الاقل

جويرية :

عايزين احصنة وجمال كوسيلة مواصلات بالمنتدى

سقراط المصري :

نريد ان تمنحوني جائزة اكثر توقيع شهي على الاطلاق

بينك روز :

نريد ان يكون لنا مطلق الحرية في تغيير اسامينا باي وقت

لماضة مصرية جدا :

نريد شعاع امل يخبط على قلب كل واحد مننا ويمنحه طاقة دفء يشعشع على كل ضحكاية تطلع من كل شفة تزغرط حوالينا

تامر مصطفى :

نريد تثبيت توبيك مغتربي الكويت .. حرام عليكوا بأة

سلوى :

يا جماعة بالراحة شوية .. ايه المطالب دي كلها .. ؟ هنوفر ايه ولا ايه

اوزاوز :

نريد لحمة راس .. نريد كبدة جملي .. نريد بط بالبردقان

مسافر زاده الخيال :

نريد تغيير اسم المنتدى من محاورات المصريين الى محاورات العرب ..

حسام :

كل دي مطالب يا مجرمين .. احنا اسفين يا ريس .. والله انتم مستحملينا كتير

سي السيد :

خلاص فهمتكم .. انا فهمتكم .. اكتبوا طلباتكم دي وابعتوها برسالة للاشراف واحنا هندرسها

اسلام المصري :

ياما كتبنا وارسلنا وعملنا وفعلنا وما فيش فايدة

دريم وذ مي :

انا مش عايزة حاجة .. انا عايزة بس اقول لكم

ربنا يسعدكم زي ما بتسعدونا دايما :cheer::cheer:

ابو محمد :

اعتقد كلام الفاضل سي السيد واضح جدا .. وكمان كلام الفاضلة سلوى .. وكمان طلباتكم واضحة .. بس اكتبوها و بطلوا الدوشة دي

اركتكت :

يا عمي الفاضل احنا مش عاوزين اي حاجة من ديت

عايزينكم تشاركونا وبس

عايزين نحس انكم مننا واننا منكم

مش عايزين تحسسونا انكم بابراج عاجية

مش عايزين نشوفكم مرة بالاسبوع

مصرية متغربة :

هو انت فاكرنا ايه .. احنا بشر

طب والله العظيم احنا بشر

المشرف عضو عادي وبيؤدي الاشراف كتكليف . .

انا مذهولة .. مصدومة

هو انتم شايفينا ايه ؟؟

جلاميد مالهاش قلب ؟

دامو :

مصرية متغربة .. يعني ايه جلاميد ؟

شرف الدين :

يا سيدتي الفاضلة .. ما قلناش انتم مش اعضاء .. بس انتم اعضاء مميزين ..

بعقولكم الكبيرة .. وتاريخكم ..

عايزين بأة تتعاملوا معانا كأفراد زيكم ...

طب والله العظيم احنا كلنا بنحبكوا ونتشكر فيكوا كلكم ..

بس انتم اللي بايديكم ترجع المحاورات صالون ثقافي ..

اعطوا شوية مساحة حرية ..

ما تخلوش المنتدى قالب واحد جامد .. الناس تختلف وهتفضل تختلف ليوم الدين

بدل ما تزعلوا اننا بس بقينا بننشر اخبار .. ليه ما تحاولوش تنزلوا مواضيع ليكو ثقيلة

مش برضو احسن من لما تنسحبوا .. ؟

واهو الموضوع اللي يكون خفيف يروح بسرعة ..

والموضوع الجامد .. يفضل مرفوع دايما

هو ده اللي كنتم تعملوه زمان

سي السيد :

انا بكل مكان موجود .. اكتر مشاركات .. اكتر تقييم .. اكتر ..

شرف الدين :

ما ننكرش كل ده .. بس عايزين روح اكتر ..

مش عايزينكم تتخانقوا .. تحجروا على بعض الاراء ..

عايزين بس تخفوا علينا شوية من بعض القرارات

وساعتها صدقني ..

مش هتحتاجو اي صندوق .. لا صندوق نعم ولا صندوق لا

لان راينا كلنا فيكم هيبقى واحد ومبني على الاحترام والتقدير

مهما اختلفت نظرتنا بالدين او السياسة او ... او .. او

سي السيد :

يا سيدي كلام جميل وكلام معقول ما اقدرش اقول حاجة عنو .. بس برضو انتم عليكم بلاوي زرقا .. ساعات تقلبوا المنتدى شات .. و مش ممكن نطبطب ع المخالفات .. لازم تتواجه بحزم

اركتكت :

واجهها يا سيدي بحزم ..

بس برضو بشوية روح ..

مش كدة حلو ؟ :happy:

- فترة صمت -

سي السيد :

بص يا ابني انت وهو .. انا اختلف مع بعض وليس كل اللي قلتوه .. بالنسبة لطلباتكو دي اوعدكم ادرسها .. انا ومجموعة الاشراف

اركتكت :

مش عايزينكم تدرسوها ..

عايزينكم بس

تفكروا فيها شوية .. وما تردوش علينا بالتوبيك دا لانه مش مكانه .. ردوا عليها بعقولكم وفكركم ..

واهم حاجة

بقلبكم :happy:

سي السيد :

خير ان شاء الله .. يالله يا مشرفين .. كل واحد ع القسم بتاعه .. رسالتهم وصلت

اركتكت :

خير ان شاء الله .. يالله يا ثوار .. كل واحد على شغله .. رسالتكم وصلت

ضحى :

شفتوا ازاي .. ؟ قلت لكم الحوار هو افضل طريقة .. بس ما صدقتونيش .. عشان تعرفوا ان كلامي صح ..

لماضة :

صباحكم .. طاقة فرح .. تنور كل ايامنا وليالينا

فتفوتة :

السلام والوئام يعودان للمحاورات .. خبر جديد لانج .. انشروووووووووا

التونسي :

اللي نشرها اللي نشرها

اهو ده اللي يا روح قلبي قشرها

قشر القشرة وبان اللب

والله وحشنا يا سيدي الحب

اللي نشرها اللي نشرها

دريم وذ مي :

انا فرحانة .. انا فرحانة .. انا هايغمى عليا من الفرحة

:cheer:

حسام :

اوعى تفتكر يا تيمور اني كنت هاسيبك .. دي كانت تمثيلية بس .. ولا انتا عارف حسام حبيبك عمره ما يفلسع

اركتكت :

اعمل فيك ايه بس .. مضطر اسامحك .. مهو مش ممكن المشرفين يبقوا احسن مننا .. ويسامحونا ويتحملونا ..

قلب ابيض :

يسامح مين على مين .. فيه ايه بالضبط يا باشمهندس ؟؟ اصل لي تلات ايام غايبة عن المنتدى ومش عارفة جرى ايه

سمبا :

حصل كل خير يا ماما قلب ابيض .. انا مش مصدق وداني .. سمعت اسد وهو ماشي يقول

انا في شدة السعادة ..

في شدة الفرح ..

_____________________________

قال الراوي

قرر المشرفون التنازل عن ريع الكتاب للاعضاء .. تطبيقا للنتيجة الحقيقية للاستفتاء .. ورفض الاعضاء استلام الغنيمة .. لان المشرفين احق بتلك التكريمة .. ووصل بحمد الله الادفايزر .. في موكب مهيب مثل جريندايزر .. ليتفاجأ بالشعب الكريم يهنؤونه بالسلامة .. و يقولوا ان لا ثورة في حضرة الكرامة .. و قرروا ان يستفيدوا من ريع الكتاب في تحسين المنتدى .. فجاوزت شهرته الافاق وجاوزت كل المدى .. واصبح شعار كل من يكتب حرفا في التوبيكات .. افتخر فانت تكتب بالمحاورات

وانشد طائر الليل الحزين :

اليك فاتنتي .. ازفك التهاني

لقد امسيت في عالمي الثاني

منتصرا لمستقبلي .. لحاضري .. لقلمي

فلا تقولي لي متى سيزول المي

زال الالم .. ورفعنا العلم

انها ديباجة السعادة

فلا تنتظري الاشادة

اعتبريها من قلبي إفادة

سلاما .. لكل من غادرنا وذهب ..

وقال كلاما من ذهب

وننتظر الاياب .. بكل شوق ملتهب

لك وحدك ..

فاتنتي ..

-------------------------------------

كتب كلماتها الطائر .. وغناها زوهيري .. واضافتها لماضة لفراشة المساء بالاحساس فقط .. وقرأها كل المحاوراتيين ..

وقام باخراجها الساري

- تمت -

رابط المشاركه
شارك

015.gif015.gif015.gif

راااااااااااااائع يا سارى

مجهود مميز واتقان لا جدال فيه ...015.gifلعبت كل الشخصيات وحسينا بالجو العام والديكور ويمكن الموسيقى التصويريه كمان015.gif ...خاصه فى مشاهد فتفوته انشروووووووووووووا

وشمينا ريحه المسقعه كمان ....

وصفك الدقيق ومعايشتك للشخصيات يؤكد حبك لكل شخصيه منهم واندماجك معاها

واعتقد ان كلنا بنحبك يا سارى ......

وبنقولك الله عليك يا ابو السوارى يا جااااامد :clappingrose::clappingrose::clappingrose::clappingrose:

رابط المشاركه
شارك

ساري يا صديقي....لقد أبدعت فعلا فأسعدتنا

خد مني دي أوسكار أحسن تأليف (خد بالك أنا مداياك واحدة أحسن إخراج قبل كده والحساب يجمع)

AwardOscar.jpg

ع جنب بقي ياريت بجد تستغل الموهبة دي بشكل أوسع ...بشكل احترافي لأنك موهوب بجد مش هزار

أه نسيت كنت هأمشي من غير ما أقولك

ربنا يسعدك زي ما بتسعدنا دائما :cheer: :cheer: :cheer: (عشان تعرف مين بيتكلم)

رابط المشاركه
شارك

ساري ..

ما عدتش تعمل أفلام تاني خالص ..

ركز على القصص :closedeyes:

أولًا ظابط اللهجة المصرية إلى حد كبير جدًا ( شكلك فيك عرق مصري)

ثانيًا ظابط الكاركتر بتاع معظم الشخصيات ( هو انت بتذاكر في المحاورات يا ابني ؟)

و خاصة لماضة و مغتربة و مزوهيري و طائر الليل الحزين و أسد

الحوار اللي بين س س و اوزوزو .. فظييييييع موتني من الضحك :hysterical:

كمان فيه تنوع كبير في طريقة حوار كل شخصية .. يعني ما تحسش إن الكاتب هو اللي بيتكلم ..

لأ كل شخصية بتتكلم بنفسها

كل ما كنت أعدي على التوبيك ده.. أقول لما أبقى رايقة أفتحه

ياريتني كنت فتحته من يومها و كنت زماني رقت على طول

ساري ..

ربنا يسعدك :roseop:

وربنا يسعدك انتي كمان لونا .. ويا رب تكوني رايقة دايما كدة على طول

:give_rose::give_rose:

لا والله ما فيش عرق مصري ولا عرق تاني .. فيه عرق بدوي بس

:closedeyes:

اما عن ضبط اللهجة المكتوبة خلاص .. اللي يعاشر الكرام يتعلم الكلام

:)

ده مثل لسه مخترعه حالا

:P

تحياتي لونا

رابط المشاركه
شارك

يخرب بيت كدة :D

يا سارى ايه الجمال والروعة دى

انت فنان بجد

----------------------

على جنب بقى انت مطلعنى بياع اوى كدة ليه

مكنوش 3 سالب اديتهم لـ................

تيمور حبيب قلبى عمرى مبيعه ولو على رقبتى

لو شفتوه فى الحرب اقتلوه :P

رابط المشاركه
شارك

والله والله ياشيخ وما لك على حلفان ....انا مش عارفه اوصف لك مدى اعجابى اد ايه

انت انسان وووووووووهمى بجد

ماشاء الله عليك مذاكر بشكل يعقد ..لون الخط والتعليق نفسه اتقال امتى وفين ولما مين قال ايه ..

الله اكبر بسم الله ماشاء الله عليك

"كنت هامووووت من الضحك وانت بتقول عن لسانى " هى ريمو غيرت اسمها ؟؟ وانا مش دريانه ؟

لانى بجد اتفاجأت والله ......................وانا مش دريانه

على فكره انا بهدينى بالنيابه عنك الاغنيه دى

http://www.youtube.com/watch?v=uHoKRY7M7Rs

بس يا سارى انا لى ظروفى يا اخى ..والله كتر خير الدنيا وكتر خيركم انى متواصله معاكم كده ...انت لو تعرف اللى عندى

" انت ما قريتش يوميات همسه وفرقه الخمسه ؟؟؟؟"

ابو السوارى الغالى .....الى الامام

الى الامام

كل مره اقول ده اخره خلاص ...بس بتبهرنى بعدها

هاقولك المره دى فى انتظار المزيد دوما

ويسعد ايامك ولحظاتك زى ما بتسعدنا ياااارب

عاوزاك تركز مع مكااااوى ده يطلع منه بلاااااوى ....

العزيزة والغالية ماما قلب ابيض

كالعادة سيدتي سباقة في الكلام الجميل وفي الدعم والتشجيع

اشكرك من كل قلبي سيدتي

الموضوع مش مذاكرة اوي بقدر ما اني احب استكشف اللوازم اللغوية اللي عند فرد وتقليدها

وبعدين اقرا ردودك من زمان وعارفو الله مشاغلك الله يعنيك .. ما انا قلت ان وراكي جيش تعملي لهم دعم لوجستي

:P :P

بالنسبة لمكاوي يمكن ان شاء الله في مرات قادمة يكون له نصيب اكبر .. للاسف ما ذاكرتش مكاوي اوي بس الردود القليلة اللي قريتها له نبأتني انه شخصية غنية يبقى امخمخ عليها بعدين ان شاء الله

ومن جديد شكرا لك قلب ابيض

شكر لكل مشاعرك الطيبة تجاهي ..

رابط المشاركه
شارك

كالعادة ياسارى

ابداع مابعده ابداع تعجز معه الكلمات ان توفيه حقه

09ldezt18.gif

كل الشكر لكي مدام هند على مرورك الكريم .. وكلماتك الرائعة

:clappingrose:

----------------------------------------------

ساري يا صديقي....لقد أبدعت فعلا فأسعدتنا

خد مني دي أوسكار أحسن تأليف (خد بالك أنا مداياك واحدة أحسن إخراج قبل كده والحساب يجمع)

AwardOscar.jpg

ع جنب بقي ياريت بجد تستغل الموهبة دي بشكل أوسع ...بشكل احترافي لأنك موهوب بجد مش هزار

أه نسيت كنت هأمشي من غير ما أقولك

ربنا يسعدك زي ما بتسعدنا دائما :cheer: :cheer: :cheer: (عشان تعرف مين بيتكلم)

ويارب تكوني بكل سعادة دايما يا دريم .. ويغمى عليكي من الفرح :P :P

ومستشكر خالص ع الاوسكار ... لسه كمان عندنا افكار جديدة .. بإذن الله تعجبكم كلكم

شكرا دريم .. شكرا من الاعماق

:clappingrose::clappingrose:

تم تعديل بواسطة الســـاري
رابط المشاركه
شارك

شهادتي فيك مجروحة يا ساري و انت عارف قيمتك الانسانية والفكرية والابداعية عندي قد ايه ,,

ربي يحميك وتزيد مع الايام تالقا وجمالا و سموا في كل شيئ ,,

لكن بيني وبينك الثورة لم تنتهي بعد ,,

والنهاية المفتوحة كانت الانسب لتلكما قصة ,,

رابط المشاركه
شارك

حسام عبد الفتاح

حبيبي سحس ..

بيني وبينك انتا معذور .. الاركتكت ده شكله مش هيجيبها لبر

عارف يا سحس .. مهما حاولنا نبيعه .. مش هنقدر .. الراجل زي اللي عمل لنا كلنا عمل .. وربنا يستر

-------------------------------------------------

شهادتي فيك مجروحة يا ساري و انت عارف قيمتك الانسانية والفكرية والابداعية عندي قد ايه ,,

ربي يحميك وتزيد مع الايام تالقا وجمالا و سموا في كل شيئ ,,

لكن بيني وبينك الثورة لم تنتهي بعد ,,

والنهاية المفتوحة كانت الانسب لتلكما قصة ,,

عزيزي ارك

تقدر تقول اني احاول استشرف المستقبل

وأحاول اقراه بطريقتي

واراه .. بل واتمناه .. ان ينتهي هكذا

ممكن اكون خيالي شوية وانتا واقعي اكتر

بس زي ما حاولت اقول بالقصة

طول ما فيه حوار .. هتكون فيه نتائج بعون الله

الاهم نبعد عن الشخصنة في الحوار

ونبعد عن الاستفزازات

اعتقد لو ده يحصل هتكون انتا اول من يجهض الثورة

مش كده ؟

وشكرا لاطرائك يالغالي .. متعودين منك دايما كل تشجيع

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...