Jump to content
ArabHosters
fatfouta

الإعلان عن دستــــور مؤقــــت خلال "48 " ســــاعة

Recommended Posts

"الأعلى للقوات المسلحة": الإعلان عن دستور مؤقت خلال 48 ساعة

s1020092812238.jpg

الأحد، 20 مارس 2011 - 23:15

أكد اللواء ممدوح شاهين عضو المجلس الأعلى للقوات المسلحة، أنه خلال 48 ساعة سيبدأ إعلان دستورى مؤقت يحكم البلاد فى الفترة القادمة، معبراً عن سعادته لنسبة المشاركة فى الاستفتاء، وهو ما يوضح تحضر الشعب المصرى، لافتاً إلى أن ذلك يعبر عن السير بخطوات سليمة وواضحة نحو الديمقراطية.

وأضاف شاهين فى مداخلة تليفونية لبرنامج "على الهوا" على قناة أوربت، أن فترة ما قبل الانتخابات البرلمانية كافية لتأسيس الأحزاب الجديدة، وتكوين قاعدة جماهيرية عريضة لها، مؤكداً أنه بعد إعلان نتيجة الاستفتاء لا توجد أى تخوفات فى الفترة القادمة، والتى أوضحت مدى مشاركة المواطنين والتعبير الحقيقى عن رأيهم دون أى ضغوط.

اليوم السابع

Share this post


Link to post
Share on other sites

استر يارب

بأدعي ربنا يجنبنا صدمة الدستور المؤقت ده أو كما يُسمى " إعلان دستوري "

لإن الصدمة هاتيجي في عدم الاشارة إلى تعطيل او الغاء دستور 71 وتعديلاته والتي تحتوي على سلطات لا نهائية للرئيس ... وأيضاً المتعلقة بشكل إنتخابات مجلسي الشعب والشورى وتركيباتهما

اتمنى ان يُراعوا ذلك .. لإن الاعلان الدستوري ده هايفضل معانا لمدة سنة وأكثر من الان

Share this post


Link to post
Share on other sites

بمناسبة الاستفتاءات والدستور وقعت تحت ايدى دى....ياااااااااه كان الجرنان ذى ما كنا بنسميه يعنى بـ30 مليم

انا مش اسفة ياريس....عالظلم اللى عيشتنا فيه 30 سنة واكتر...منك لله وربنا يستر على اللى جاى

188889_10150111852126892_705631891_6950873_4059141_n.jpg

Edited by fatfouta

Share this post


Link to post
Share on other sites

مش ممكن يعني .. أنا مخنوق لإننا زي اللي بينفخ في قربه مقطوعة

أومال كنا بنعمل إستفتاء ليه ودوشة وهُليلة .. لما الخيابة هاتفضل زي ما هي وهاييجي من خلالها مجلس شعب بصمجية وسوري يعني أسف والله حريم فاضية ما تعرفش السما من العما

أنا مش قصدي الستات اللي فاهمه وبتناقض وتجادل وعارفه حقوقها .. انا قصدي الناس اللي محترفة إنتخابات وهما اللي بيكسبوا

إتصدمت أمبارح من كلام الدكتور عاطف البنا الغير منظم والغير منسق والغير مقنع .. كنت حاسس إنه كفتجي بيتكلم مش أستاذ قانون دستوري شارك في التعديل الأخير وهايشارك في الإعلان الطرطوري ولا الدستوري اللي متوقع إعلانه خلال ساعات

أتفرجوا وشوفوا

استمرار مقاعد( العمال والفلاحين والمرأة) فى مجلس الشعب المقبل

آخر تحديث: الثلاثاء 22 مارس 2011 9:38 ص بتوقيت القاهرةتعليقات: 7

قال د.عاطف البنا، عضو لجنة تعديل الدستور، إن الإعلان الدستورى الجديد سيصدره المجلس الأعلى للقوات المسلحة خلال ساعات، وسيقتصر على المواد الثمانى المعدلة التى تضمن إجراء انتخابات برلمانية ورئاسية نزيهة تحت إشراف قضائى كامل، وتذليل العقبات أمام ترشيح المستقلين والحزبيين لرئاسة الجمهورية، وتعديل أسلوب مد حالة الطوارئ، مع إلغاء صلاحيات رئيس الجمهورية لمكافحة الإرهاب بتدابير استثنائية.

وأوضح البنا لـ«الشروق» أن الإعلان الدستورى سيتضمن أيضا بيانا مختصرا لأسلوب إدارة البلاد وقت الانتخابات، وسيحتفظ المجلس العسكرى بسلطة إصدار مراسيم بقوانين مكملة للدستور، تتضمن تعديل قوانين الأحزاب ومباشرة الحقوق السياسية ومجلسى الشعب والشورى والانتخابات الرئاسية بما يتفق مع التعديلات التى وافق عليها الشعب

Share this post


Link to post
Share on other sites

دستور يا سيدنا

Share this post


Link to post
Share on other sites

ليه الإصرار على الوضع الخطأ ؟

وليه ما يتصلحش في ثواني لإنه مش محتاج كلكعه ولا وقت حتى ؟

وأوضح صبحى صالح، عضو لجنة تعديل الدستور، أن انتخابات مجلسى الشعب والشورى المقبلة ستجرى وفقا لنظام 50% عمالا وفلاحين وكذلك ستخصص كوتة للمرأة أسوة بآخر انتخابات برلمانية.

وأضاف صالح أنه تم الإبقاء على تحديد السن الدنيا للترشح فى انتخابات مجلس الشعب بـ30 سنة وللمحليات 25 سنة، مع ترك الحرية كاملة للجنة القضائية العليا المشرفة على الانتخابات لتحديد الأسلوب الأمثل لإدارة عمليتى التصويت والفرز بما يضمن إشرافا قضائيا كاملا عليها، حيث تختار بين إجراء الانتخابات فى يوم واحد أو تقسيمها لمراحل

النقطة بتاعت 30 سنة دي تم خداعنا فيها لإن كل الأراء وهما نفسهم قالوا إن سن الترشح للبرلمان هاينخفض إلى 25 سنة ...

وخلوا بالكم .... الدستور شيء مقدس المفروض الدول المحترمة لا تغيره إلا كل فترة طويلة جداً تستمر يمكن قرون لإن كتر تغييره يؤدي إلى عدم الإستقرار .. لو هو معمول صح يعني

وبالتالي يا لجنة يا فاهمه يا كبار في السن والمقام يا حلوين ... ليه لحد دلوقت الفطاحل اللي زي طارق البشري والبنا وصبحي صالح ويحي الجمل وغيرهم مع حفظ الألقاب .. ليه ما حدش قادر يجاوب على سؤال هام جداً ....

وهو اللجنة التاسيسية الي ستضع الدستور الدائم .. هاتبقى من بين أعضاء مجلسي الشعب والشورى فقط ... ولا هاتضم ناس من بره من مختلف الأطياف ؟

أ أ أ أ

ماحدش عارف يجاوب . تخيلوا ؟

أتحدى حد يكون إتسأل السؤال ده في أي برنامج وقدر يجاوب ...

عارفين ليه ؟

لإن اللجنة هاتبقى عائلية وعلى الضيق فيمابينهم ... يعني مش بعيد تلاقي فيها الحاجة جمالات والحج عبدو كفته عضو مجلس الشعب اللي معاه إبتدائية ودخل البرلمان بنفوذه وفلوسه

وده أكبر خطر

لإن الدستور مش كده خالص ...

فلجان وضع الدستور لابد أن تكون من كل الشعب مش من المجلس التشريعي فقط ...

يعني ببساطة كده بتبقى زي ورشة عمل أو برين ستورمينج .. والكل بيقول رأيه .. والقانونيين المتخصصين بيصيغوا تلك الأفكار النهائية اللي استقروا عليها في شكل قانوني محترم لطرحها عى الشعب للأستفتاء ...

وبما إن مافيش وقت وإنتخابات مجلس الشعب بعد 5 شهور تقريباً وبعدها إنتخابات مجلس الشورى ... فبالتالي ما فيش قوى حزبية جديدة هاتستطيع خلال الفترة دي إنها تدخل المنافسة وتفرض نفسها على الشعب .....

وبالتالي هاتفضل نفس الوشوش الحمضانة اللي متعودين عليها في الماضي ..

يعني الأخوان ضامنين ما لا يقل عن 150 مقعد في مجلس الشعب القادم .. وخليكوا فاكرين الرقم ده كويس قوي قوي قوي

والحزب الوطني وفلوله واقفين متحفزين جداً عشان ينقضوا على الفريسة ...

تخيلوا حتى عشان نرضي الناس ونبرد دم الشهداء .. لم يتم حل هذا الوثن القذر اللي سرقنا وبهدلنا !!!!!!!!!..

في حين إن القرار إتُخذ بمنتهى السهولة في تونس ...

أنا مش خايف من الأخوان ولا الحزب الوطني

لكن خايف من وجود كتلة واحدة أو كتلتين هما اللي متحكمين في كل شيء

بدليل إن الإخوان والوطني كانوا متفقين على نعم للترقيع ... هما حرين وده رأيهم ..

لكن أدعو لتعدد القوى للتعبير الأمثل عن الشعب كله

وعلى فكرة

نقطة على جنب ..

هي فين قوة المسيحيين في البلد اللي كلنا عارفين إن الكنسية قالت لهم صوتوا بـ لا ؟

يعني لو قولنا هما 8 او 10 أو 6 مليون حتى ..

نشيل منهم إتنين مليون اطفال وناس تحت 18 سنة و ناس مكسلة

طب فين الباقي ؟

إذا كان اللي قالوا لا ومنهم قوى سياسية كبرى وأحزاب اعلنت ذلك بوضوح كانوا كلهم على بعض 4 مليون

مش معقول يعني كل دول مسيحيين بس ؟

إذن جاء دور المثقفين والمعارضة الحقيقية والناس اللي فاهمه ... إنها تتكلم من دلوقت وتقول

يا جماعة تشكيلة التهريج بتاعت مجلس الشعب دي اللي هاتعمل الدستور .. تدعو إلى الرثاء والدهشة ... لإننا نُصر على نظام عفى عليه الزمن وهو الخاص بالعمال والفلاحين وكوتة المرأة وما إلى ذلك ..

الشعب يُريد مجلس تشريعي محترم فاهم وواعي ومثقف .. مش مجلس أهم إشتراطاته إن عضو مجلس الشعب يكون معاه شهادة محو أمية على الأقل

ده منتهى التهريج وكان بلاها ثورة وشهداء وكنا نقعد في بيوتنا معززين مكرمين ومقهورين

Share this post


Link to post
Share on other sites

هناك نقطة هامة لابد من إثارتها في الوقت الحالي وهي تتعلق بمجلس الشورى

أنا مش لاقي له اي فايدة دلوقت خالصصصصصصصصصصصصص

وخلينا ننزل للناس ونسألهم :

يعني إيه مجلس الشورى وبيعمل إيه ؟

وده حقهم ... لإن مجلس الشورى كان بيتم إنتخابه بطريقة هزلية ومُضحكة ..

- ومعروف مجلس الشعب هو مجموعة من الناس بتتخانق فيما بينها عشان تترشح .. وبيوعودوا الشعب بالمجاري والمياه والوظائف ..

وده أكبر خطأ لإن دي وظيفة عضو مجلس محلي أو بلدية

نيجي لمجلس الشورى ... كان بيتم تجميع الدوائر الإنتخابية وبتبقى محددوة جداً على مستوى الجمهورية ... وبيقى مش معروف اللي بيرشح نفسه بيعمل كده ليه وليه ما رشحش نفسه في إنتخابات مجلس الشعب مثلاً ... و و و

ملحوظة عدد دوائر مجلس الشورى على مستوى الجمهورية 88 على الجمهورية زادت شوية صغيرين بعد إستقلال محاظفة حلون و6 أكتوبر والفيوم ... في حين عدد دوائر مجلس الشعب بتبقى 254 دائرة ... شوفتوا التهريج ؟

وبالتال من سنة 79 لحد سقوط الطاغية .. كان مجلس الشورى بيبقى 99.9 % حزب وطني ... والإنتخابات والتقفيل كان بيتم فيما بينهم

الأخطر من ذلك واللي إسمحوا لي أتهم اللجنة اللي عدلت الدستور بالطرمخه عليه ...إن في الدستور المرقع واللي هايتعمل ببعض من موادة حتى يكون لدينا دستور جديد .. هناك مادة بتنص على إن رئيس الجمهورية هو اللي بيعين ثُلث أعضاء مجلس الشورى .. وده هايحصل طبعاً

مش ممكن .. ده قمة التهريج والمأساة

عشان كده وبإختصار .. علينا الإنتظار قليلاً حتى نفهم الناس ونوعيهم بدور مجلس الشورى ... ونكتفى بوجود مجلس تشريعي ورقابي واحد الأن وهو مجلس الشعب ... ويكون تشكيل اللجنة التاسيسية لوضع الدستور مكون من أعضاء مجلس الشعب ومن أعضاء منتخبين إنتخاب حُر من الشخصيات العامة في المجتمع اللي بيمثلوا كل طوائف الشعب واتجاهاته ..

إن شالله يا سيدي لجنة مستقلة ترشحهم ويتم التصويت على إختيارهم من أعضاء مجلس الشعب ...

Share this post


Link to post
Share on other sites
وهو اللجنة التاسيسية الي ستضع الدستور الدائم .. هاتبقى من بين أعضاء مجلسي الشعب والشورى فقط ... ولا هاتضم ناس من بره من مختلف الأطياف ؟

أ أ أ أ

ماحدش عارف يجاوب . تخيلوا ؟

أتحدى حد يكون إتسأل السؤال ده في أي برنامج وقدر يجاوب ...

عارفين ليه ؟

لإن اللجنة هاتبقى عائلية وعلى الضيق فيمابينهم ... يعني مش بعيد تلاقي فيها الحاجة جمالات والحج عبدو كفته عضو مجلس الشعب اللي معاه إبتدائية ودخل البرلمان بنفوذه وفلوسه

وده أكبر خطر

لإن الدستور مش كده خالص ...

فلجان وضع الدستور لابد أن تكون من كل الشعب مش من المجلس التشريعي فقط ...

طيب مش المجلس التشريعى ده ممثل الشعب يعنى فئات الشعب كلها اشتركت فى انتخابات او هتشترك وتختار ممثلين عنهم

ليه بقى عايز تعمل دبلكيشن فى المشاركين

ومع الاسف الناس البصمجية اللى دخلوا بفلسوهم هيبقى بردوا شعبك اللى اختارهم (عشان حاسين ان دول احسن ناس يقدروا يمثلوهم)

فلو هتحكم عالناس انها مش هتعرف تختار او لسه معندهاش وعى ديمقراطى او تحمل مسئولية (فيبقى كلام عمر سليمان مظبوط ان الشعب المصرى ملهوش فى الديمقراطية) وده غلط طبعا

ولو هتحكم ان الناس عندها وعى سياسى وهتعرف تختار يبقى اختيارهم وثقتهم فى المرشحين هو اللى هيولد دستور جديد هتكون كل فئات الشعب (حسب الاغلبية راضية عنه)

-------------------------------------------------------

يمكن انا متخوف من حاجة تانية

ان البدايل اللى تنزل الانتخابات تكون كلها سيئة

وان الناس تبقى مجبرة تختار حد معين على اساس احسن الوحشين

اه وليه لاء كانت انتخابات السنوات السابقة كل محد يسالنى عن واحد اقوله مينفعش يقولى طيب انتخب مين اقوله انتخب فلان على اساس انه احسن الوحشين (او بالبلدى احسن من مفيش)

Edited by hOuSsAm

Share this post


Link to post
Share on other sites

الدستور غير يا حسام ...

ماشي ده مجلس تشريعي إحنا أخترناه ..

لكن دي إجراءات وضع الدستور ...

هاقول لك حاجه .... فرضنا تصادف إن مافيش من بين أعضاء مجلسي الشعب والشورى أي حد بيفهم في القانون الدستوري وصياغته ؟

يبقى خلاص نسلم نفسنا لمجموعة بتعك وخلاص ؟

لأ .. فلا تعارض بين تكوين اللجنة من جميع أطياف الشعب .. وبين كون مجلسي الشعب والشورى بيمثلوا الاُمة

والدليل اللي قولتهولك إن الرئيس بيعين ثلث أعضاء مجلس الشورى .. وغالباً بيبقوا فنانين على المعاش .. أو لعيبة كورة معتزلين أو أقباط الرئيس عاوز يرضيهم ....

Share this post


Link to post
Share on other sites
هاقول لك حاجه .... فرضنا تصادف إن مافيش من بين أعضاء مجلسي الشعب والشورى أي حد بيفهم في القانون الدستوري وصياغته ؟

يبقى خلاص نسلم نفسنا لمجموعة بتعك وخلاص ؟

طيب خليك معايا واحدة واحدة

هو مفيش فى الدستور بند او مادة بيحدد آلية وضع دستور جديد او تغيير مادة الاجراءات او البروسس بتمشى ازاى

يعنى مش محددين خطوات معينة نمشى عليها

ولا كله هيبقى افتكاسات جديدة وحسب مزاج او ميول المجموعة الدنيا هتمشى وزيطة فى الهيصة بقى

-----------------------

تانى حاجة هى ايه مواصفات الناس اللى هتصيغ الدستور الجديد

يعنى هنشترط عليهم خلفية سياسية واقتصادية معينة ولا اساتذة قانون ولا رجال اعمال ولا وزراء ولا رجال دين (اسلامى ومسيحى) (وانهو حد فى الناس دى مهما كتير)

يعنى مثلا اروح اقولهم عايز اشترك معاكوا وفيها لاخفيها ولا حد معين هيختارهم بالتعيين ولا بالتطوع ولا ايه

-----------------------

طيب طالما احنا عندنا مثقفين واساتذة قانون وكل الناس الحلوة اللى عايزة تشارك فى صياغة الدستور

ليه بقى منفترضش ترشحهم فى مجلس الشعب او المجلس التشريعى (ولو مش ناويين يترشحوا فى حاجة مهمة زى دى ويحاولوا ياخدوا بايد البلد) تفتكر هيبى اختيارهم فى صياغة الدستور صحى يعنى والامور ماشية تمام (ماهو الاولى طالما هيشاركوا فى الدستور وانهم صفوة الشعب من المثقفين يبقى لازم يبذلوا مجهود اكبر عشان يوصلوا للمجلس التشريعى)

انا صحيح مبفترضش نجاحهم بس لما يشاركوا هيبقى فيه احتمالين

الاول ان الشعب هيختارهم وبالتالى ضمنا ان ممثلين الشعب من السياسيين واساتذة القانون والاقتصاديين وهما اللى هيصيغوا القانون وبالتالى مش محتاجين للجنة خارجية عن مجلس الشعب والمجلس التشريعى

الاحتمال التانى ان الشعب مش هيختارهم وبالتالى الشعب مش عايزهم فى مجلس الشعب ولا المجلس التشريعى ولا حتى عايزهم فى صياغة القانون (يعنى غير كدة هيبقى فرض وصاية عالشعب)

Share this post


Link to post
Share on other sites

المجلس العسكرى لشباب ائتلاف الثورة: دستور 71 لن يعود مرة أخرى.. ونرفض دخول الدين فى السياسة.. وسنسلم مصر للرئيس "مدنية ديمقراطية"..

s320113174259.jpg

وأضاف بيان اتحاد الشباب، أن المجلس أكد أن دستور 71 لن يعود، وأن اللجنة القانونية بصدد إعلان دستورى سيعدل فيه الدستور وستلغى فيه الكثير من المواد التى تشوه الدستور، مضيفا: "تسليم السلطة للرئيس القادم فى ظل دولة مدنية ديمقراطية سليمة على قائمة أولويات المجلس، ليتذكر بعد ذلك الشعب دور القوات المسلحة فى ظل هذه المرحلة الصعبة".

وقدم الشباب عدداً من المقترحات بتنشيط السياحة وأخرى بشأن إصلاح النظام الانتخابى بتمديد فترة التصويت، والتخلى عن فكرة اليوم الواحد، وضرورة إعداد كشوف الناخبين وضرورة الرقابة الكاملة للقضاء وإشراف المنظمات الدولية على الانتخابات وتمتع المصريين بالخارج بكامل حقوقهم الانتخابية وتعميم فكرة للجان الشعبية التى قام بها الاتحاد فى بعض اللجان

Share this post


Link to post
Share on other sites

لو دستور 71 مش هيعود امال الاستفتاء على كدة كان على ايه بالظبط ؟؟!!

انا حاسس اني ما بقتش فاهم حاجة في اي حاجة mfb:

Share this post


Link to post
Share on other sites

لو دستور 71 مش هيعود امال الاستفتاء على كدة كان على ايه بالظبط ؟؟!!

انا حاسس اني ما بقتش فاهم حاجة في اي حاجة mfb:

والله العظيم وانا كمان

Share this post


Link to post
Share on other sites

النقاش الدائر الآن وخاصة المداخلات التى تتسائل عن دستور 1971 تجعلنى اتسائل بدورى

هى الناس استفتت على ايه؟

ياترى الناس كانت عارفة هى بتصوت بنعم على ايه؟ وياترى اللى صوت بلا كان عارف بيصوت على ايه؟

أهو أنا كده أتأكدت أن سرور والشريف وعزمى وحمال وعمر سليمان ماكانوش قاعدين يلاعبوا طاولة ودومينو ، أتاريهم كان شغالين شغل تقيل.

ومتشكرين ياشيوخنا وياقساوستنا ياللى تعبتوا نفسكوا وقعدتوا تحفظوا فى دستور 1971 علشان تسمعوه لنا فى الاستفتاء ، وطلعتوا مش حافظين منه غير المادة الثانية.

ولكم الله يابتوع السياسة وياللى بتنادوا بالديمقراطية والليبرالية والعياذ بالله.

متهيأ لى بعد نتيجة الاستفتاء وبداية التساؤلات عن مصير دستور 1971 ،

مافيش غير انى أقول

"غطينى وصوتى يا امه"

Share this post


Link to post
Share on other sites
"غطينى وصوتى يا امه"

وانا كمان لانى حاسه والله اعلم ان الاستفتاء راح فى الهوا وماكانش ليه لزمة التعب والخناقات

واللى فاهم يفهمنى الله يخليكم

طب عدوا الـ48 ساعة وهيعدوا كمان 24 ساعة فين الدستور المؤقت يا ولاد؟؟؟

Share this post


Link to post
Share on other sites

و الله اللي فهمته ان دستور 71 كده كده ميت

سواء كانت النتيجة نعم او لأ

و الاستفتاء على التعديلات عشان هاتكون هي اساس المرحلة الانتقالية اللي تساعد على الانتخابات البرلمانية و الرئاسية بالاضافة لمواد تانية هاتضاف اليها و بعض القوانين لتسيير العمل في الفترة الانتقالية دي

و بعد كده يجي البرلمان و الرئيس و يشكلوا لجنة لتأسيس دستور جديد يتم العمل بيه على طول

دا اللي انا فهمته

Edited by remo

Share this post


Link to post
Share on other sites

لو دستور 71 مش هيعود امال الاستفتاء على كدة كان على ايه بالظبط ؟؟!!

انا حاسس اني ما بقتش فاهم حاجة في اي حاجة mfb:

يا افندم الاستفتاء كان حاجه كده بيلهوا بيها الشعب ويحدثوا انشقاق بين القوى اللي شاركت في الثورة

وفي نفس الوقت استطاعوا عبر استخدام فزاعتي الدين والاستقرار دفع الناس للتصويت بنعم ليضمنوا إن الحكم هيفضل في ايديهم سنة اخرى على الاقل ولن يأتي رئيس يقوم بالإصلاحات التي قامت من أجلها الثورة ... وخلي أعضاء البرلمان اللي هننتخبهم يتكلموا براحتهم ما دام مافيش في ايديهم صلاحيات تنفيذيه في ظل الدستور المرقع

والحمد لله الخطة نجحت نجاحا منقطع النظير وكله شغال ضرب في كله دلوقت

وسلم لي على التغييييييييييييييير

Share this post


Link to post
Share on other sites

لو دستور 71 مش هيعود امال الاستفتاء على كدة كان على ايه بالظبط ؟؟!!

انا حاسس اني ما بقتش فاهم حاجة في اي حاجة mfb:

يا افندم الاستفتاء كان حاجه كده بيلهوا بيها الشعب ويحدثوا انشقاق بين القوى اللي شاركت في الثورة

وفي نفس الوقت استطاعوا عبر استخدام فزاعتي الدين والاستقرار دفع الناس للتصويت بنعم ليضمنوا إن الحكم هيفضل في ايديهم سنة اخرى على الاقل ولن يأتي رئيس يقوم بالإصلاحات التي قامت من أجلها الثورة ... وخلي أعضاء البرلمان اللي هننتخبهم يتكلموا براحتهم ما دام مافيش في ايديهم صلاحيات تنفيذيه في ظل الدستور المرقع

والحمد لله الخطة نجحت نجاحا منقطع النظير وكله شغال ضرب في كله دلوقت

وسلم لي على التغييييييييييييييير

لاء متقولش كدة يا بشمهندس

تفتكر اللعبة خلصت كدة ببساطة ودم الشهداء راح هدر

اكيد الشباب اللى نزلوا التحرير مش هيسيبوا الامور تعد بالساهل

-------------

وخلينا نبقى متفقين ان معظم الناس اللى صوتوا بنعم صوتوا بكدة عشان استقرار البلد والحياة تعود

معظم الناس دى اللى مقضينها شهر بشهر او يوم بيوم مش هيستحمل رزقه يتقطع 6 شهور (يموت من الجوع)

والناس دى اهم حاجة عندها لقمة العيش نسبيا بالنسبة للحرية والديمقراطية والعدالة

يوم مهيتقطع رزقه او مش هيلاقى رغيف العيش وانه مش عارف يصرف على ولاده هيقولك بلا ديمقراطية بلا هباب

للاسف ده الواقع

وياريت نبقى متفائلين اكتر من كدة

بالاضافة لكدة كمان هنكون حذرين

تحياتى لك

Share this post


Link to post
Share on other sites

********************

دفع الناس للتصويت بنعم ليضمنوا إن الحكم هيفضل في ايديهم سنة اخرى على الاقل ولن يأتي رئيس يقوم بالإصلاحات التي قامت من أجلها الثورة ... وخلي أعضاء البرلمان اللي هننتخبهم يتكلموا براحتهم ما دام مافيش في ايديهم صلاحيات تنفيذيه في ظل الدستور المرقع

والحمد لله الخطة نجحت نجاحا منقطع النظير وكله شغال ضرب في كله دلوقت

وسلم لي على التغييييييييييييييير

معقولة حضرتك كنت مع اجراء انتخابات رئاسية الاول؟؟؟؟؟؟

كنا هنضمن منين انه الرئيس الجديد ميتحولش لفرعون؟؟

كنا هنتأكد ازاي انه هيحافظ على الثورة؟؟؟

و بعدين حتى لو كنا قلنا لا .. كانوا هيعملوا جمعية تأسيسية للدستور الجديد و الناس تنشغل بيها سنة او اتنين

و كانوا مستحيل هيوافقوا على مجلس رئاسي او انتخابات رئاسية

و الناس نفسها كانت مش هتوافق على انتخابات رئاسية الاول .. احنا اتلسعنا كثيييييييييييييييييييير

عموما الناس اختارت نعم

يبقى احنا محتاجين نفكر في اللي جاي

مش نقولهم انتوا غلطتوا و احنا حذرناكم

دعوة للتركييييييز على اللي جاي

توعية الناس اهم حاجة

Share this post


Link to post
Share on other sites
Guest
This topic is now closed to further replies.

×
×
  • Create New...