اذهب إلى المحتوى
محاورات المصريين

حد هنا بيعرف يشوي؟؟


Alattar

Recommended Posts

بس ما حدش جاب سيرة بنطلون البيجاما الأزرق اللي بقي كله اخرام...ما حدش عنده فكره كيف أستغله؟؟

إيه الناس دي ؟ هو لسه في كده ؟

tvradio.304631.jpg

أنا أخر واحد أعرفه كان بيلبس بيجاما مخططة 17735khleeg.jpg

مات سنة 1919 ... أثناء ثورة عرابي وهو في محطة سعد زغلول

ومن بعديها لغوا بيجامات التيل نادية وأستبدلوها بترنكات - جمع ترنك - أو عبايات - جمع عبايه - أو أيها شورت وفالنه وكاب

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بس ...كده

نحبشه ...اه وندققه

ونخففه....

ونشففه

ونشوشوه

يا فندم سعادتك ...

اهم حاجة تشوي علي معدة شبعانة ...عشان الحموضة

وزي ماقالت لك اغابي خل وزبادي للفراخ وبلاش لمون بيمرر

ولو ريش(عفاف شعيب ) يبقي ملح وفلفل ...وثوم تغرسه فيها

وماتسمعش كلام المغرضين اللي بيقلولك اسلق الفراخ وعرضها للصدمة سواء كهربائية او نفسية

وما تكترش البربكيو صوص او الكاتشب في التتبيلة ....لانه بيساعد علي حرقها بسرعه .ومنظرها بيخدع

c696575594.jpg

رابط هذا التعليق
شارك

ولو ريش(عفاف شعيب ) يبقي ملح وفلفل ...وثوم تغرسه فيها

والثوم هغرسه في عفاف شعيب ازاي؟؟و يبقي أنا ستفدت ايه؟؟

متشكرين يافندم عالنصيحة الغالية

نحبشه ...اه وندققه

ونخففه....

ونشففه

ونشوشوه

ان شاء الله هعمل ده كله..و أبعتلك النتيجة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

بس ما حدش جاب سيرة بنطلون البيجاما الأزرق اللي بقي كله اخرام...ما حدش عنده فكره كيف أستغله؟؟

إيه الناس دي ؟ هو لسه في كده ؟

tvradio.304631.jpg

أنا أخر واحد أعرفه كان بيلبس بيجاما مخططة 17735khleeg.jpg

مات سنة 1919 ... أثناء ثورة عرابي وهو في محطة سعد زغلول

ومن بعديها لغوا بيجامات التيل نادية وأستبدلوها بترنكات - جمع ترنك - أو عبايات - جمع عبايه - أو أيها شورت وفالنه وكاب

بص يا سين سين..هي مش بيجاما أوي يعني..هي بين البيجاما و الترنك

بس المشكلة ان المدام هي اللي كانت جايبهالي ذات مرة من المرارير..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

والثوم هغرسه في عفاف شعيب ازاي؟؟و يبقي أنا ستفدت ايه؟؟

قطعناها الست دي ....ده احنا بهدلناها والله

زمانها موتت ابن اختها

:P

نسيت اقولك ما تنساش تاخد معاك كوزين بطاطا تشووهم في الفحم نفسه بعد الشوي ما يخلص

عشان الدهون ما تنقطش عليها اثناء الشوي وتبقي طعمها وحش

اوي

اوي

وتخلي لي بطاطاية رفنوعة متشوشوه

c696575594.jpg

رابط هذا التعليق
شارك

والثوم هغرسه في عفاف شعيب ازاي؟؟و يبقي أنا ستفدت ايه؟؟

قطعناها الست دي ....ده احنا بهدلناها والله

زمانها موتت ابن اختها

:P

نسيت اقولك ما تنساش تاخد معاك كوزين بطاطا تشووهم في الفحم نفسه بعد الشوي ما يخلص

عشان الدهون ما تنقطش عليها اثناء الشوي وتبقي طعمها وحش

اوي

اوي

وتخلي لي بطاطاية رفنوعة متشوشوه

من عونيا ان شاء الله..المدام كانت لسه بتقترح عليا امبارح نشوي ذرة..لكن ما فيش مانع من كوزين بطاطا في الآخر لزوم التحلية..و معاها كبايتين شاي صعيدي عشان مدام أغابي

و بالنسبة لتانت عفاف..دي زمانها ولعت في أختها هي كمان..عشان عودت ابنها علي انه بتعشي كباب كل يوم..أو بيتزا..و سايبين العبد لله الغلبان يشوي في الحمام

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

السلام عليكم و رحمة الله و بركاته

اتصدق يا استا عطارين

اني عمالة اقرا التوبيك من صباحية ربنا ايه

حد هنا يعرف بيشوي

يعني الباء اللي حضرتك لازقاها في "يعرف" لزقتها في انا في "يشوي" و طلع توبيك تاني خالص توماما...و مكنتش راضية اخشه اقول ايه ده....هنتكلم عن الفتنة الطائفيةو افطرا رمضاني و الحركات دي و كده

انا عارفة حضرتك هتقولي ايه دلوقتي...هتقولي...يا بنتي انتي سبتي ستة ابتدائي امتي...(حقك يا فندم)

و بما اني جيت التوبيك.....احب اقول لحضرتك

انامعرفشي اي حاجة خالص في موضوع الشوي.....بس بحب اكله طبعا

بس لفت نظري حاجة و لازم اقولها

حضرتك قولت

المهم..قلت أطلع في حتة كده علي السطح بتاع البيت و أديها بأه...جت الدنيا مطرت و رياح شديدة

كان المفترض اني ألغي فكرة تمامن من دماغي ..

انا بؤمن جدا في موضوع علامات.....و كل موضوع ليه علامة...الله يكرمك....لما تبقي تنوي عل فكرة لوذعية زي دي تاني

ابقي اشتري شمسية..........و استمر علي بركة الله

حد ياخد بايدي و يطلعني من التوبيك......ريحة الشوي عمتني خاااااااااالص

كان معكم

لماضة

كح......كح.....كح

رابط هذا التعليق
شارك

السلام عليكم و رحمة الله و بركاته

اتصدق يا استا عطارين

اني عمالة اقرا التوبيك من صباحية ربنا ايه

حد هنا يعرف بيشوي

يعني الباء اللي حضرتك لازقاها في "يعرف" لزقتها في انا في "يشوي" و طلع توبيك تاني خالص توماما...و مكنتش راضية اخشه اقول ايه ده....هنتكلم عن الفتنة الطائفيةو افطرا رمضاني و الحركات دي و كده

انا عارفة حضرتك هتقولي ايه دلوقتي...هتقولي...يا بنتي انتي سبتي ستة ابتدائي امتي...(حقك يا فندم)

و بما اني جيت التوبيك.....احب اقول لحضرتك

انامعرفشي اي حاجة خالص في موضوع الشوي.....بس بحب اكله طبعا

بس لفت نظري حاجة و لازم اقولها

حضرتك قولت

المهم..قلت أطلع في حتة كده علي السطح بتاع البيت و أديها بأه...جت الدنيا مطرت و رياح شديدة

كان المفترض اني ألغي فكرة تمامن من دماغي ..

انا بؤمن جدا في موضوع علامات.....و كل موضوع ليه علامة...الله يكرمك....لما تبقي تنوي عل فكرة لوذعية زي دي تاني

ابقي اشتري شمسية..........و استمر علي بركة الله

حد ياخد بايدي و يطلعني من التوبيك......ريحة الشوي عمتني خاااااااااالص

كان معكم

لماضة

كح......كح.....كح

:blink:

!!!شمسية..و شواية...وفوق السطح

ده انتي ناقص تقوليلي البس الشورت..و أي حد يغرق اقلع الفالنة و انزل هاته

ده لو كان حد من السكان طلع عليا و أنا بالمنظر ده..كان زمانهم جابوا عيالهم و كل واحد واقفلي برغيف عيش بلدي مفتوح..و مستني حتة فحمة...أ..أ..قصدي حتة لحمة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

بس ما حدش جاب سيرة بنطلون البيجاما الأزرق اللي بقي كله اخرام...ما حدش عنده فكره كيف أستغله؟؟

إيه الناس دي ؟ هو لسه في كده ؟

tvradio.304631.jpg

أنا أخر واحد أعرفه كان بيلبس بيجاما مخططة 17735khleeg.jpg

مات سنة 1919 ... أثناء ثورة عرابي وهو في محطة سعد زغلول

ومن بعديها لغوا بيجامات التيل نادية وأستبدلوها بترنكات - جمع ترنك - أو عبايات - جمع عبايه - أو أيها شورت وفالنه وكاب

معلشي سؤال بره الشواية خالص

الصفحة اللي حضرتك جياباها دي يا ساتاذ سين سين...من كتاب الاحياء...بتاعت الرجالة بتاعت دلوقتي

اصل انا اخر حاجة اعرفها....انكم بتلبسوا كده

50060083456007555.jpg

يعني بغض النظر عن العشرة كيلو دهب اللي في ايد نفيسة

مش انتو بتلبسوا الجلابية و بتطقموا عليها القطقوط

سؤال بس عشان بنألف كتاب.....بيجامات الرجالة...الواقع و المامول...صح و لا لا؟؟؟

شكرا جزيلا

كان معكم لماضة.....باحث تاريخي في العلوم الانسانية

:closedeyes:

رابط هذا التعليق
شارك

تصدق انه عينى وجعتنى من الحكى؟

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

تصدق انه عينى وجعتنى من الحكى؟

أمال تعمل ايه لو كنت مزنوق معايا يا بندق ياخويا..ده أنا بعاني لحد دلوقتي

و كل ما أدخل الشقة..أحس ان انا داخل مبني الحزب الوطني اللي اتحرق

يلا..هي كانت غلطة..و ان شاء الله المرة الجاية هظبط الدنيا كده..و مافيش حاجة هتتحرق بعد كده

و ان شاء الله كلكوا معزومين.....بس كل واحد يجيب نص مشكل معاه و هو جاي

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

شوف يا عطار احنا مش بناكل الفراخ غير مشويه او مسلوقه علشان الكوليسترول ال عند ابوليلى

بص يا سيدى بالنسبه للتتبيله فهى بالظبط زى ما قالتلك اغابى

انا جربت كل انواع الفراخ و احجامها فى الشوى لانها وجبتنا الاساسيه كل يوم

و هديك نصائح خفيفه بما انك فى السعوديه

ما تشتريش الفراخ المتبله جاهزه فى بندا لانك ما تضمنش نضافتها

احسن حجم فراخ يديك طعم ال فوق 1000 جرام علشان يبقى فيها دهن ينزل يعمل الطعم

تقسمها نصين و تضغط جامد عليها بأيدك تبططها يعنى و تنغزها بسيط و تسيبها فى التتبيله من بليل

انا عن نفسى تتبيلتى

كوب زبادى

نص ليمونه او خل

معلقه كبيره زعتر"اساااسى بيدى طعم رائع"

ملح

فلفل اسود

معلقتين زيت اساسى برضه

طماطم مبشوره

بصل مبشور

بص يا سيدى انت ممكن تحط كل ده فى الخلاط مع بعض علشان توفر وقت ما تقعدش تبشر بالمبشره

تانى حاجه دى نصيحه مهمه ...انك اشتريت شوايه فحم هتخليك تكسل تشوى لانها بتعمل دخااان كتير و بطيئه و محتاجه حد جنبها

اشترى اى شوايه كهرباء من ال بتحطلها ماء من تحت ..مش ال هى سطح صاج و بس

حط الفرخه على وشها الداخلى الاول على حراره متوسطه او اعلى سنه يعنى المؤشر يكون فى الوسط و غطيها

دى اهم حاجه علشان البخار يتخلل جواها فتستوى"دى اكتسبتها من الخبره" و ما يبقاش فيها ده

وعد على الساعه ربع ساعه بالضبط من غير ما تيجى جنبها يعنى اشرب الشاى براحتك قدام التليفزيون

و بعد الربع ساعه اقلبها على وشها ربع ساعه برضه من غير ماتيجى جنبها

و بعدين كده خلاص بالهنا و الشفا

طعمها رااااائع و الدهن ال فى الفرخه بينزل يديها طعه المشوى على الفحم

و خالى بالك دى صحيه عن شوى الفحم لان الفحم عباره عن كربون بيطلع فى الفرخه و احنا بناكله

اسمع نصيحتى انا يوميا بشوى و الله مش هتخسر ابدا لانها بتوفر فى الوقت و المجهود جدا مش محتاج تبقى قاعد جنبها

الشوايه هتلاقيها فى بندا او كارفور بحوالى 69 ريال يعنى مش شرط شوايه ماركه ب 200 300 ريال لان فكره عملها بسيطه

و مش بتبوظ ..ان عندى و الله بقالها 4 سنين شغاله يوميا

اسمع كلامى و و الله مش هتندم

سألني

احدهم ما أكبر دولة في العالم.. قلت له وبكل فخر (مصر).. قالي انت ملكش في

الجغرافيا.. قولتله انت اللي ملكش في التاريخ

161656_797420187_6336538_n.jpg

رابط هذا التعليق
شارك

نسيت اقولك انهامش بتملى الشقه دخان زى الفحم انت حطها فى المطبخ تحت الشفاط و غطيها

و كل و ادعيلى

سألني

احدهم ما أكبر دولة في العالم.. قلت له وبكل فخر (مصر).. قالي انت ملكش في

الجغرافيا.. قولتله انت اللي ملكش في التاريخ

161656_797420187_6336538_n.jpg

رابط هذا التعليق
شارك

جزاكي الله خيرا يا أم ليلي

وبالنسبة لموضوع الشواية الكهرباء..أنا عارف انه ممكن يكون حل أنظف و أسهل شوية من الفحم..بس انتي عارفة ايه أحسن حاجة في موضوع الفحم ده؟؟

موضوع الشواء نفسه..ده غير الطعم طبعا..و الناس بحس انها بتستمتع بالموضوع نفسه..عشان كده بيعملوا الموضوع ده لما بيكونوا خارجين مكان مفتوح

بالنسبة للتبيلة ان شاء الله هحاول أعملها في البيت أحسن فعلا..و مش هشتري جاهز تاني..و ان شاء الله هفتكرك بكباية شاي مع مدام أغابي...و كوزين بطاطا

مع مدام سبين..و ليلي هحاول أشيللها حتة لحمة..عشان تاكل و تتغذي كده..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

أنا ماليش في الفحم و باستعمل الشواية الكهرباء زي بتاعة المهندسة

و التتبيلة بتاعتي برضه الخل و الزبادي و الزيت و ( الزعتر أو السماق أو الكركم )واحد فيهم بس مش كلهم مع بعض

فيه إضافة حلوة

و هي إننا نعمل خليط من زيت الزيتون و الخل و الليمون و الملح و الفلفل و السماق

و نقلبه كويس

ولما الفراخ تبدأ تحمر ندهنها بالخليط ده بالفرشة مرتين تلاتة على فترات

بيديها طعم حلو و قرمشة

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 5
      حد بيعرف يعمل شكلمه و تطلع حلوه و مفيهاش ريحه زفاره البيض او اي حلويات بجوز الهند عندي كيلو و نص جوز هند عايزه اتصرف فيهم قبل ما يبوظوا :blink:
×
×
  • أضف...