اذهب إلى المحتوى
محاورات المصريين

أحداث كنيسة أطفيح لمصلحة من ما يحدث؟


أحمد سيف

Recommended Posts

Sidi Bouzaid

بارك الله فيك انك نبهتني

فعلاً التعميم خطأ

عندما تكلمت عن الاقباط لم اقصد جميع الاقباط بل بالتحديد الفئة التي تقف خلف شخصيات مثل مايكل منير ونجيب جبرائيل وبيشوي وغيرهم ممن يديروا مشروع تخريبي في مصر

رابط هذا التعليق
شارك

  • الردود 265
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الغريب في الأمر هو إصرار الأقباط المصريين على الدعوة للدولة المدنية

أو لنكون أكثر وضوحا الدولة العلمانية التي يختفي معها أي تمييز ديني

لو سلمنا جدلا أن هذه الدولة قامت

فهل سيخرج أقباط مصر من الكنيسة كوصي عليهم، ليمارسوا مواطنتهم ومدنيتهم في الدولة ؟؟

هل لو قام أي مواطن مصري مسلم مثلا بإرتكاب أي مظلمة ضد قبطي ، هل سيهرع للقضاء ليأتي بحقه أم إلى الكنيسة لتتظاهر وتعتكف من أجله ؟؟

أليس هذا القضاء الذي رفض الأقباط حكمه على القس ميتأوس ؟؟

ehm448.gif

رابط هذا التعليق
شارك

لا أرى فائدة من التحذيرات و الإنتقادات فما يحدث هو إفراز للطبيعة القبلية اللتي ما زالت تتحكم في عواطف الكثير منا

سبب مشكلة أطفيح أن هناك شاب مسيحي على علاقة بفتاة مسلمة و الباقي لا يحتاج لشرح .. هذه المشكلة العاطفية الدائمة و المستمرة تتسبب دائماً في فتن و معارك بين أبناء الوطن

القضية لا علاقة لها بالثورة و لا بالشهداء و لا ترى أبعد من موضع الأقدام أصلاً ..

عندما نتمكن من القضاء على النعرات و القبلية سوف نستطيع التحرك للأمام

إرحم القلب الذي يصبو إليك

رابط هذا التعليق
شارك

ده كلام مايكل منير عالحياة امبارح بيشرح ليه الاخوة الاقباط اتظاهروا بعد وعود المشير طنطاوى بإعادة بناء الكنيسة

وبيشكر الدكتور عصام شرف..

مايكل منير الناشط المسيحي على الحياة

الكهنة قعدوا مع الجيش اول امبارح وخدوا وعد ببناء الكنيسة بس تاني يوم الجيش انسحب من قرية صول خالص، الشباب كملوا تظاهرهم وكانوا ح يقطعوا كوبري ستة اكتوبر وقطعوا المحور وما قدرناش نسيطر عليهم، بالليل ارسلت رسالة على الموبايل لرئيس الوزرا بالليل ق...وي فوجئت انه اتصل بيا ودعاني اروح له البيت، رحنا له وفد من خمسة اقباط واتكلمنا في كل النقط اللي عاملة احتقان وفهم وجهة نظرنا ووعد بالاستجابة للمطالب بس ما اعلنش اي حاجة عشان قال انا لازم اكون متأكد من تنفيذ اللي ح اوعد بيه، النهارده اتصل بيا وقال انه جاي مبنى ماسبيرو عشان يكون في وسط الناس، جه بس ما قدرش يكون في وسطهم ولا حتى احنا عشان الزحام الرهيب. ووعد بتحقيق المطالب اللي اتفقنا عليها:

-اعادة بناء الكنيسة في مكانها الاصلي

-تعويض الضحايا

-محاسبة المخطئين

اللي أخر فض الاحتجاجات هو ان كان الشباب عندهم شكوك مستمرة، يعني لما المشير قال ح نبني الكنيسة فوجئنا بيقولوا لنا ده جه في شريط صغير في التليفزيون فالشباب احتجوا تاني، بعد شوية قالوا خلاص ظهرت بشكل واضح، الاول يقولوا تبنى الكنيسة في مكان خارج القرية وبعدين يبقى الكلام على انها في مكانها وهكذا كذا موقف بالشكل ده..

بيقول كمان لازم اقول بصراحة لأول مرة تحصل كل الحاجات دي: ان رئيس الوزرا يهتم بالشكل ده، انه يدعوا ناس محتجين يجوا له في بيته، انه يهتم بالنزول في وسط المحتجين وخصوصا بالنسبة لنا احنا الاقباط عمرها ما حصلت. لازم اوضح ان سيادة رئيس الوزرا يكون تعبان ويضغط على نفسه ويصر ينزل في وسط الناس دي رسالة ممتازة لينا.

تم تعديل بواسطة fatfouta
رابط هذا التعليق
شارك

أخواني .. مسلمين ومسيحيين .. أهل مصر الأبطال .. شباب الثوره ..أسمعونى أرجوكم

تفتكروا .. زمان .. لما كانت تحصل مشكله في مصر تمس الحزب الوطنى او تظهر قصور الدوله في شئ ما .. كان الحزب الوطنى يفتعل مشكله أو أزمه او فرقعه بعيد عن الحدث الأصلي ليخطف انتباهكم ويبعد تركيزكم عن المشكله الأساسيه .. واعتقد هذا ما حدث .. عاوزين يشدوا انتباهكم بعيد عن التركيز في مطالب الثوره ومحاسبة المسؤلين التقال اللى الى الأن لم نسمع ان طلبهم النائب العام للتحقيق وكذلك افتعال ازمه طائفيه في هذا الوقت الحرج .. فلا تأكلوا الطعم .. مسلمين ومسيحيين لا تأكلوا الطعم .. وعد الجيش انه سيبني الكنيسه .. ولا داعي لأثارة القلق في هذه المرحله الحرجه التى تمر بها البلد وتمر بها الحكومه الجديده والتى لديها أولويات يجب ترتيبها أولا .. فأدعو عقلاء المسيحيين ان يهدئوا الناس ونتصرف بعقلانيه .. انا ارشح الأستاذ نجيب ساويرس للتعامل مع هذا الملف وكمان لا داعي لأهدار طاقتنا ووقتنا الغالى الثمين في هذه المرحله في الجدل الذي لن يعود علينا بنفع بل العكس

ورزقك ليس ينقصه التأني * ولا يزيد في الرزق العناء

إذا ماكنـت ذا قلـب قنــوع * فأنت ومالك الدنيـا سـواء

" الشــافـعـي"

رابط هذا التعليق
شارك

مايكل منير كذاب

موقعة بعد الحوار ده بعتلي دعوة لمظاهره مليونية اليوم لأنني اصلاً مشترك معهم عملاً بالحكمة القائلة (ابقي اصدقائك قريبين منك ،،ولكن ابقي اعدائك اقرب)

47397701.png

علي فكرة اخطر هذه الوجه مايكل منير لأنه مراوغ وموقعة لايعمل لشئ سوي دولة انفصالية

رابط هذا التعليق
شارك

أخواني .. مسلمين ومسيحيين .. أهل مصر الأبطال .. شباب الثوره ..أسمعونى أرجوكم

تفتكروا .. زمان .. لما كانت تحصل مشكله في مصر تمس الحزب الوطنى او تظهر قصور الدوله في شئ ما .. كان الحزب الوطنى يفتعل مشكله أو أزمه او فرقعه بعيد عن الحدث الأصلي ليخطف انتباهكم ويبعد تركيزكم عن المشكله الأساسيه .. واعتقد هذا ما حدث .. عاوزين يشدوا انتباهكم بعيد عن التركيز في مطالب الثوره ومحاسبة المسؤلين التقال اللى الى الأن لم نسمع ان طلبهم النائب العام للتحقيق وكذلك افتعال ازمه طائفيه في هذا الوقت الحرج .. فلا تأكلوا الطعم .. مسلمين ومسيحيين لا تأكلوا الطعم .. وعد الجيش انه سيبني الكنيسه .. ولا داعي لأثارة القلق في هذه المرحله الحرجه التى تمر بها البلد وتمر بها الحكومه الجديده والتى لديها أولويات يجب ترتيبها أولا .. فأدعو عقلاء المسيحيين ان يهدئوا الناس ونتصرف بعقلانيه .. انا ارشح الأستاذ نجيب ساويرس للتعامل مع هذا الملف وكمان لا داعي لأهدار طاقتنا ووقتنا الغالى الثمين في هذه المرحله في الجدل الذي لن يعود علينا بنفع بل العكس

شكرا يا ابو عمر على كلام حضرتك

مجدى الجلاد قال نفس الكلام امبارح عل اون ت فى وهو انهم كل فترة يشغلوا دماغنا بحدث عشان كلنا نتشغل فيه عن باقى الاحداث المهمة ذى الدستور مثلا

رابط هذا التعليق
شارك

http://www.youtube.com/user/ONtveg#p/a

يسرى فودة فى حوار مع اللواء حسن الروينى

قائد المنطقة المركزية بخصوص احدث كنيسة القديسين بأطفيح

تم تعديل بواسطة aimen

sob7an2_www_different-des_com.gif

astghfr_www_different-des_com.gif

رابط هذا التعليق
شارك

مايكل منير كذاب

موقعة بعد الحوار ده بعتلي دعوة لمظاهره مليونية اليوم لأنني اصلاً مشترك معهم عملاً بالحكمة القائلة (ابقي اصدقائك قريبين منك ،،ولكن ابقي اعدائك اقرب)

47397701.png

علي فكرة اخطر هذه الوجه مايكل منير لأنه مراوغ وموقعة لايعمل لشئ سوي دولة انفصالية

يوم 25 يناير لما قريت خبر رجوع الراجل دا مصر تشائمت جدا

و عرفت انه نازل لشئ تاني

لانهم وقت انفصال السودان عملوا في امريكا اجتماع و اعلنوا فيه الدولة القبطية في مصر

و الخبر دا تناقلته وكلات انباء كتير بس بعدها اختفى

و حصلت الاحداث في 25 يناير و لقيته رجع فورا و دا ما ريحنيش نهائي

بجد ربنا يستر

اتمنى من عقلاء المسيحين ينتبهوا للخطر دا و يدافعوا عن مصر بلدنا كلنا

و الاهم ان الناس اللي بتدعو لتقسيم مصر دول يفهموا ان دا مش هايحصل الا على جثثنا كلنا

رابط هذا التعليق
شارك

مابين مظاهرات المسيحيين الغاضبة بسبب حرق كنيسة أطفيح و مؤتمرات وندوات السلفيين

تشابه كبير ونكاد أن نقول أنهما وجهان لعملة واحدة وهى العزف على وتر الفتنة الطائفية

فبعد أن ظهر الشيخ محمد حسان الداعية الشهير فى عدد من قنوات التليفزيون فى بداية

أحداث الثورة وهاجمها بكل عنف و أطلق عليها عدد كبير من فتاواه التى تكفر من شاركوا

فى الخروج على ولى الأمر نجده يعود قائدا ومنظرا وضيفا هاما فى مؤتمرات السلفيين

فى كل محافظات مصر والغريب أنها بدأت فور تنحى مبارك وتمت لها دعايات قوية وواضحة

فى كل الشوارع والميادين ، ولم يقتصر الامر على تلك الندوات ولكن وبطريقة ما تم دفع

بعض من أئمة المساجد ممن يعتنقون المذاهب السلفية لألقاء خطبة صلاة الجمعة فى عدد كبير

من المساجد وكان تركيزهم على مهاجمة ثورة الشعب المصرى و أتهام من قاموا بها بالعلمانية

والكفر والالحاد والتركيز على تشويه مكتسبات تلك الثورة لأنها لم تتبع الطريق الصحيح وهو

طريق الله !!!!!!.

طبعا لن أذكركم بما كانت يفعله جهاز أمن الدولة بتوجيه مظاهرات السلفيين ضد الكنيسة

فى موضوع وفاء قسطنطين وكاميليا فى القاهرة و الأسكندرية

وكذا فأننا لن ننسى موقف قادة الكنيسة من حكم مبارك ورفضهم الخروج عن الشرعية وتأييدهم

له ، وأيضا لن ننسى موقف شيخ الأزهر و مفتى مصر الذى أفتى بجواز منع صلاة الجمعة فى

ميدان التحرير .

محاولة جر الشعب المصرى لما سبق من سيناريو الفتنة الطائفية وحكم رجال الدين وتحكمهم فى

مجرى حياة البشر بالتكفير والحرمان كلها أمور من المفترض أن تنتهى من حياتنا فالمعلوم

لنا كشعب أن أمن الدولة هو من كان يتحكم بوتيرة تلك الفتنة وله عملاء فى الطرفين

يتلقون أوامره لهدم ثورة الشعب و أغراقه فى دوامة العنف الطائفى

عن نفسى لن أرضى بقيام حكم دينى فى مصر ، فحكم مبارك بكل جرائمه وطغيانه لن يقارن

بهذا الحكم لأن مجرد الاختلاف معه ولو فى قضية بسيطة سيتحول الى تكفير و المطالبة بتطبيق

الحد على الخارجين على شرع الله ... و لا حول ولا قوة الا بالله .

رابط هذا التعليق
شارك

ببساطة .. سيادة القانون

و عدم خضوع القضاء للضغط

يا ناااااااااس .. الفترة النتقالية دي خطيرة جدا

بنأسس فيها مصر الجديدة

مش عايزين بقايا فاسدة من النظام السابق

ناس كثير لسة محتاجة اعادة تاهيل

عموما .. خطوة اولى صحيحة

استقبل اليوم أهالى قرية صول مركز أطفيح الموجود بها كنيسة الشهيدين, لجنة تقصى الحقائق التى شكلها المجلس الأعلى للقوات المسلحة برئاسة اللواء حسن الروينى, وعضوية اللواء عابدين يوسف مدير أمن حلوان, وعدد من القيادات التنفيذية بالمحافظة, بالهتافات الرافضة لإعادة بناء الكنيسة داخل القرية.

مكثت اللجنة ثلاث ساعات فى محاولة للوقوف على أسباب الحادث الذى أدى لإشعال الوضع, وتناقشت اللجنة مع شيوخ العائلات من المسلمين والأقباط .

ووجه الروينى رئيس اللجنة نداء إلى الشباب لترك الأمر إلى حكماء القرية للتصرف .

عايزين دولة قوية

رابط هذا التعليق
شارك

ببساطة .. سيادة القانون

و عدم خضوع القضاء للضغط

يا ناااااااااس .. الفترة النتقالية دي خطيرة جدا

بنأسس فيها مصر الجديدة

مش عايزين بقايا فاسدة من النظام السابق

ناس كثير لسة محتاجة اعادة تاهيل

عموما .. خطوة اولى صحيحة

استقبل اليوم أهالى قرية صول مركز أطفيح الموجود بها كنيسة الشهيدين, لجنة تقصى الحقائق التى شكلها المجلس الأعلى للقوات المسلحة برئاسة اللواء حسن الروينى, وعضوية اللواء عابدين يوسف مدير أمن حلوان, وعدد من القيادات التنفيذية بالمحافظة, بالهتافات الرافضة لإعادة بناء الكنيسة داخل القرية.

مكثت اللجنة ثلاث ساعات فى محاولة للوقوف على أسباب الحادث الذى أدى لإشعال الوضع, وتناقشت اللجنة مع شيوخ العائلات من المسلمين والأقباط .

ووجه الروينى رئيس اللجنة نداء إلى الشباب لترك الأمر إلى حكماء القرية للتصرف .

عايزين دولة قوية

تمام كده التصرف دا من المجلس العسكري 10 على 10

لجنة تدخل هناك و تسمع من دا و دا

مش تاخد قرارها بناءا على الاعلام

رابط هذا التعليق
شارك

يبدو أن هناك تحايل ببناء كنيسة في دار مناسبات وعلى كده بيكون أمن الدولة لسه بيرقص ولذلك الشغل ماشي على ما يرام ابني هنا واهدم هنا واتظاهر هنا وأقفل الطريق واطلق أعيرة في الهواء

ماذا يريدون بعد قرار بناء كنيسة على نفقة الدولة

الأمر بصراحة لم يعد يطاق ولابد من الحسم

لأن الأمور كلها استغلال وابتزاز الوقتي وتعريض أمن الوطن للخطر والانقياد لكل شاردة ووارده من أجل إحداث فتن وليس في مصلحة أحد ما يحدث

لأننا بكده هنرجع للصفر في العلاقة مع بعض وكفاية طبطبة

أنا سمعت خبر مش عارف صح ولا غلط

أنه تم توجه البعض لميدان التحرير لتخليص كاميليا شحاته والخبر موجود الوقتي على الفيسبوك ودول طبعا للسلفيين بايعاز من أمن الدولة

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

حاليا على الجزيرة فيه اشتباكات بين المسلمين والمسيحيين بمنشية ناصر

وإن الجيش ضرب نار

ورصد كمان قالت ان فيه اطلاق نار من أمام مسجد بالمحلة وفق شهود عيانط

رأيي إن الجيش يتخذ مواقف حاسمة من الابتزاز اللي في كل مكان الوقتي ويعتبره خيانة للوطن في ظروف إحنا أحوج فيها للاستقرار وهي مش ناقصة تنفيذ أجندة أمن الدولة من ناس متعصبة وغير مسئولة ومطالب فئوية في الوقت ده

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

| شبكة رصد

رصد |القاهرة| مؤكد :حوالى 1500 متظاهر أمام مجلس الشعب احتجاجاً على الإحتجاجات الطائفية ويتهمون أمن الدولة بتأجيج الطائفية

رابط هذا التعليق
شارك

الواحد مكتئب وقرفان من الصبح عشان الاخبار اللي تغم دي

الاتنين اغبي من بعض سواء بتوع كنيسه اطفيح ولا بتوع كاميليا

جاتكم نيله انتم الاتنيين

رابط هذا التعليق
شارك

الغريب في الأمر هو إصرار الأقباط المصريين على الدعوة للدولة المدنية

أو لنكون أكثر وضوحا الدولة العلمانية التي يختفي معها أي تمييز ديني

لو سلمنا جدلا أن هذه الدولة قامت

فهل سيخرج أقباط مصر من الكنيسة كوصي عليهم، ليمارسوا مواطنتهم ومدنيتهم في الدولة ؟؟

هل لو قام أي مواطن مصري مسلم مثلا بإرتكاب أي مظلمة ضد قبطي ، هل سيهرع للقضاء ليأتي بحقه أم إلى الكنيسة لتتظاهر وتعتكف من أجله ؟؟

أليس هذا القضاء الذي رفض الأقباط حكمه على القس ميتأوس ؟؟

كلام مضبوط

في أوروبا هل حين يعتدى على مسلم تتفاوض الحكومة مع المسجد

هل يذهب للمسجد لياتي له بحقه ام للشرطة والمحكمة

هو ده المفروض في اي دولة مدنية

حدود السلطة الدينية عند باب دور العبادة

يعني القساوسة والرهبان ما لهمش غير داخل الكنيسة... بره باب الكنيسة السلطة للدولة

ما ينفعش ناخد من الديمقراطية على مزاجنا ... الديمقراطية عبارة عن دستور ومؤسسات

رابط هذا التعليق
شارك

الواحد مكتئب وقرفان من الصبح عشان الاخبار اللي تغم دي

الاتنين اغبي من بعض سواء بتوع كنيسه اطفيح ولا بتوع كاميليا

جاتكم نيله انتم الاتنيين

يقال أنها ليست كنيسة ولكنها دار مناسبات يراد لها أن تكون كنيسة في الزحمة ومحاطة ببيوت مسلمين

والموضوع مش مستاهل كل هذه الإثارة وليس في مصلحة المسيحيين وفين الكنيسة من إدانة التظاهر وقطع الطرق وإطلاق النار وإثارة الفتنة في هذا الوقت الخطير الذي ننتظر فيه الأسوأ من أمن الدولة في اليومين الجايين

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

يبقى نحل امن الدولة ولا ما نحلوووووش... نحله ولا ما نحلوووووووووووووش

ده اللي كشف ان اللي عمل كل حكاية اطفيح دي اتنين امن دولة هم الاقباط المتحدون، فاهمين يعني ايه الاقباط المتحدون؟ دول عاشوا عمرهم كله يقولوا المسلمين هم الوحشين مش صحيح ان امن الدولة له علاقة

اهو اهو

http://www.copts-united.com/Arabic2011/Article.php?I=736&A=32327

يبقى نحل امن الدولة ولا ما نحلووش

نحله ولا ما نحلووووووششششش

نحل امه ولا ما نحلوووووووووووووش

قال وانا اللي كنت عايزة ابعت لهم

the good cop

مافيش جود كاب

فيه ام باد كاب وعلى رأي فيصل

even worse cop

والخبر نازل في البديل كمان

http://elbadil.net/%D8%A3%D9%82%D8%A8%D8%A7%D8%B7-%D9%85%D8%AA%D8%AD%D8%AF%D9%88%D9%86-%D9%85%D8%AE%D8%A8%D8%B1-%D8%A8%D8%A3%D9%85%D9%86-%D8%A7%D9%84%D8%AF%D9%88%D9%84%D8%A9-%D8%AD%D8%B1%D8%B6-%D8%B9%D9%84%D9%89-%D9%87/

ولسه.. حنشوف اسامي اللي نزلوا لكاميليا شحاتة

دول بقى انا متأكدة انهم كلهم لواءات امن دولة اساسا

لا.. مظاهرة النسوان دول كانوا شاحنينهم على العباسية وهربوا من العربية وراحوا على ميدان التحرير

طيب

ممكن بقى مدام عرفنا ان امن الدولة هو اللي قسمنا سلفيين ومسيحيين ونسوان ممكن بقى نرجع شعب تاني زي ما كنا؟

نوارة نجم

تم تعديل بواسطة fatfouta
رابط هذا التعليق
شارك

الواحد مكتئب وقرفان من الصبح عشان الاخبار اللي تغم دي

الاتنين اغبي من بعض سواء بتوع كنيسه اطفيح ولا بتوع كاميليا

جاتكم نيله انتم الاتنيين

و الله انا من رأيك

الاهم دلوقتي مصر

القوات المسلحة نزلت لجنة تحقق خلاص لو حد له حق هاياخده و خلصنا

و الجيش وعد ببناءالكنيسة مرة تانية عاوزين ايه بقى

و الاخوة بتوع كاميليا معلش كاميليا ليها رب يحميها و لو اتقتلت عشان اسلمت تبقى ان شاء الله من الشهداء

لكن الابقى دلوقتي الدولة ككل

مش بعد ما خلصنا من الغمة نرجع من اول و جديد نطحن في بعض بقى بمزاجنا

حقيقي جاتهم القرف ملوا البلد

الواحد ما عارف يفرح بحاجة

كل ما تحصل حاجه تفرحنا لازم بعدها يسدوا نفسنا

ربنا يرحمنا برحمته

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...