اذهب إلى المحتوى
محاورات المصريين

السعودية تمنع التظاهرات وتهدد باستخدام كل الاجراءات ضدها


eslam elmasre

Recommended Posts

لسه راجع من مكة دلوقتى

فى طريق العودة وتحديدا على طريق الكر "الهدا" الامن العام بيعمل عدة كمائن

ولما طلعت الطائف وجد كتل اسمنتية فى بعض المواقع .. اعتقد انها لغلق الطرق وقت اللزوم

ربنا يستر .. اللهم احمى بلاد الحرمين من كل سوء وجنبنا الفتن ما ظهر منها وما بطن

رابط هذا التعليق
شارك

اعتقد انها كلها دعوات شيعيه

فعلا هنا الوضع مختلف لو كانت هناك دعوات

فهي دعوات طائفيه

تماما مثل البحرين فهي دعوات شيعيه اكتر منها دعوات للاصلاح

حفظ الله بلاد الحرمين من ايران واعوانها

رابط هذا التعليق
شارك

معلش نسيت اقولك حاجه يا ضحى

فاكرة اني حكيتلك على بابا انه اخدله قنبلتين غاز و وشه التهب كانه اتحرق لما كان بيجيب بنت عمتي من الكلية يوم جمعة الغضب لانها كانت في الكلية بتمتحن و البنت عندها حساسية في الصدر و اغمى عليها في الشارع من الغاز و داخ بابا على ما روح بيها و فضلت يومين تعبانة جدا

و فاكرة كمان اني كتبت هنا في المنتدى ان ليا قريب كان مشارك في المظاهرات شاب زي الفل و اتصاب اصابة خطيرة ادت لفقد عينيه الاتنين و دخلت شظية في المخ الدكاترة قالوا ما تنفعش تطلع

تفتكري اللي باقوله دا كان يخليني باشجع الماتش من مدرجات الدرجة التالتة و باقول يا طابت يا اتنين عور؟

رابط هذا التعليق
شارك

عااااادي يا جماعة ،،،

أنا أخويا الكبير مهندس شغال في الرياض ،،،،

و من أنصار حزب ،،، خربتوا البلد ،،

و أنا عايش في مصر و شغال أعمال حرة يعني من أكتر الناس اللي اتضرت

و من أنصار حزب ،،، خلوا البلد تنضف ،،

بس أنا وطني و أخويا الكبير وطني ،،

يعني مش كل المغتربين من أنصار حزب ،، خلوا البلد تنضف عشان ايديهم في الميه الباردة

أنا مقدر شعور أخويا الكبير ،، مش متعود إن كل يوم يتابع أخبار مصر يجليه أخبار حرائق و قتل و بلطجة و إعتصامات و مظاهرات

دي بلده مهما كان

متأكد إن دي نفس مشاعركم ،، مع إختلاف الرؤية مش أكثر ،،

علي الهامش ،،، أنا مع متابعة أخبار كل البلاد العربية ،،

03zjkty10.jpg

رابط هذا التعليق
شارك

انا مذهول بصراحة

دي المظاهرات قامت فعلا في السعودية

حتي شوفو

متجدد: رصد تطورات الأحداث في المنطقة ليوم الجمعة

شبكة راصد الإخبارية - 11 / 3 / 2011م - 2:23 م

مروحية تابعة لقوات مكافحة الشعب السعودية حلقت بكثافة في سماء منطقتي الاحساء والقطيف بعد ظهر الجمعة- مظاهرة الأحساء طالبت باطلاق السجناء «المنسيين» ورفعت شعارات وحدوية من قبيل «اخوان سنة وشيعة.. هذا الوطن ما نبيعه».

- حظر التجول يمتد للوسط التجاري بمدينة الهفوف في الأحساء بعد تفريق قوات الأمن مظاهرة سلمية، وسيارات الشرطة توجه نداءات بالميكروفون لإخلاء المنطقة.

- الشرطة تفرض حظر تجول في محيط المنطقة التي شهدت خروج مسيرة فرقتها قوات الأمن بعد ظهر اليوم في الهفوف.

- ناشطون يقولون أن من بين المعتقلين في مسيرة الأحساء اليوم الشيخ علي الوايل والشاب عماد البدي.

- جرح متظاهر واحد على الأقل أثناء تفريق قوات الأمن السعودية مسيرة سلمية في مدينة الهفوف في الأحساء بعد ظهر الجمعة.

- قوات الأمن السعودية تفرق مسيرة مطالبة باصلاحات سياسية في مدينة الهفوف شارك فيها المئات وانباء عن اعتقالات طالت واحدا على الأقل من رجال الدين.

- قوات مكافحة الشغب وعناصر الشرطة يهاجمون متظاهرين في الأحساء ومطاردات الشوارع والأزقة وانباء عن اعتقالات واسعة.

- خروج مسيرة من أمام مسجد أئمة البقيع بالهفوف في الأحساء شارك فيها المئات وسط انتشار أمني وتحليق مروحيات في سماء الأحساء والقطيف.

- انتشار أمني لقوات مكافحة الشغب وسط مدينة القطيف وتحليق مروحية في سماء المنطقة.

- نشطاء يتهمون قوات مكافحة الشغب بتعمد تحطيم واجهات محلات وسط مدينة القطيف في ساعة متأخرة من مساء أمس.

http://www.rasid.com/artc.php?id=43317

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك

يا جماعة الخير

لو نظرنا لوضعنا فى كل الدول العربية بلا استثناء فسنجد حكامها و توابعهم ومن فى زمرتهم يزدادون ثراءا و شعبا يتدهور حاله بنسب من عاما الى عام

اى كل حاكم يرمى بفتات الى شعبه حسب ثراءه

فازدادت الفجوة المادية بين الطبقة الحاكمة و المحكومة

و هذا كافى جدا لقيام الثورة و لو بالعدوى التى جعلت الكل ينظر الى حال نفسه

فممكن يكون فى تيسر مادى فى الدول العربية لكن فى كثير منهم فقر فى حرية التعبير و الرأى

و هذا سبب اخر للثورة

و بعدين انا مع من قالوا فعلا الشاب السعودى لا يقبل العمل ب 2000 ريال لكن لما لا يقبل لان هناك من يغترفون من مال الدولة حالهم مثل حاله الا انهم امراء

تحياتى

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

اللهم الطف بالشعب السعودي

و جنبهم الحرب الأهلية

اللهم جنبهم الخراب و الدمار

و اكتب لهم ما فيه الصالح لهم

اللهم احفظ الحرمين الشريفين

و جنبهما الخراب و الدمار

آمين

أعد شحن طاقتك

حدد وجهتك

و اطلق قواك

رابط هذا التعليق
شارك

ربى اجعل هذا البلد امنا و ارزق اهله من الثمرات

دى كانت دعوة سيدنا ابراهيم للسعوديه و اهلها ...

ما تقلقوش على السعوديه بعد دعوة ابو الانبياء...

سألني

احدهم ما أكبر دولة في العالم.. قلت له وبكل فخر (مصر).. قالي انت ملكش في

الجغرافيا.. قولتله انت اللي ملكش في التاريخ

161656_797420187_6336538_n.jpg

رابط هذا التعليق
شارك

لو في ضيف جاي يزورني لفترة مؤقتة .. ولقيته بينتقدني وعاوز يغير نظام بيتي ...

يبقى بمنتهى البساطة .. ساتهمه بالوقاحة وقلة الذوق ..

كذلك حالنا نحن المغتربين الذين نحل ضيوفاً على بلاد الأخرين ....

وتخيلوا كده في أثناء ثورتنا أو قبلها ... هل كنا سنسمح لاي حد غير مصري مهما كان إنه يتدخل في شئوننا ؟

----------------

من الواضح طبعاً المظاهرات متركزة فين وإيه مطالبهم ؟

هنا في الرياض لم نلاحظ أي شيء غريب غير التواجد الأمني المكثف منذ أمس في الطرقات الرئيسية ..

الغريب بى ... منذ أمس مساءً والرياض تشهد طقس غريب ... أمطار غزيرة مصحوبة باتربة وغبار ... وسرعة الريح شديدة ... ومن بعد المغرب تقريباً الرياح والاتربة تزايدت بشكل ما خلتناش نعرف نروح نصلي في المساجد ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الغريب بى ... منذ أمس مساءً والرياض تشهد طقس غريب ... أمطار غزيرة مصحوبة باتربة وغبار ... وسرعة الريح شديدة ... ومن بعد المغرب تقريباً الرياح والاتربة تزايدت بشكل ما خلتناش نعرف نروح نصلي في المساجد ...

سبحانك يا ربى

نفس الطقس فى الطائف .. رياح شديدة وغبار .... بس بدون امطار

رابط هذا التعليق
شارك

ايه الغريب فى كده السنة اللى فاتت كانت فى ايام كده برضه يعنى شوف يوم السيول فى الرياض كان فى شهر 5 تقريبا

الايام اللى زى النهاردة حر وبعدين تراب ومطر بتتكرر كتير فى الرياض مش أول مرة

اما بالنسبه للمظاهرات فاعتقد من الاخبار ان المشاكل فى المنطقية الشرقية فقط ولا يوجد شىء فى المنطقة الوسطى والغربية

رابط هذا التعليق
شارك

انا مذهول بصراحة

دي المظاهرات قامت فعلا في السعودية

http://www.rasid.com/artc.php?id=43317

يا اخ اسلام

لا تذهل كده ... جل المدن هادية للغاية .. فقط بضع مئات فى المنطقة الشرقية ودى مش جديدة عليهم

رابط هذا التعليق
شارك

تحت البيت عندي مباشرة في حي العنبرية بالمدينة المنورة

9 عربيات مكافحة شغب

قعدوا بعد صلاة الجمعة ملقوش حاجة مشيوا

رجعوا العصر وقعدوا لبعد المغرب زهقوا ومشيوا

العشاء محدش كان موجود

مظاهرات الهفوف والقطيف ادت الموضوع اكبر من حجمه

بيقولوا ان واحد مصري اسمه محمد صبيح من ميت غمر واحد من دعاة الثورة دي

حفظ الله بلاد الحرمين

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

المظاهرات كانت فى بعض المناطق فى المنطقة الشرقية فقط

لا الرياض ولا المنطقة الغربية ولا الشمال ولا الجونب كان فيه اى مظاهرات

ولو حد عنده اى كليب لعكس الكلام ده يا ريت نشوفه .

رابط هذا التعليق
شارك

ولما الحكايه بقى لها علاقه بالامن والامان والاستقرار انقلبت الآية واصبحت الامور لوز اللوز ومفيش ابدا داعي للاعتراض والناس البطرانة دي عاوزه ايه ؟

بما اني من اللي شايفين ان لو قامت ثورة في السعودية فا دا يعتبر بطر على النعمة هارد عليكي

بصي يا ستي

موضوع لما قامت الثورة في مصر كنا بنشجع عشان مش عايشين فيها فا دا خانك التعبير فيه لان امي و ابويا و اخواتي و خلاني و خالاتي و كل قرايبي في مصر

فا مش معقول دول ما هامونيش و انا باشجع الثورة و اللطيف اللي ما تعرفيهوش ان جوزي كان في مصر و في القاهرة تحديدا وقت الاحداث و ما رجعش من هناك الا بعد جمعة الغضب بكام يوم

يعني كنت هاموت من القلق على اهلي بس انا عارفه ان اللي حصل في مصر دا عشانا كلنا عشان مصر تكون احسن بكتير من اللي كانت فيه و اتمنى من ربنا ان دا يتحقق

اما بقى حتة ان لما في اتجاه لعدم الامن و الامان في السعودية عشان انا عايشة فيها فا انتي لو راجعتي كلامي هاتلاقيني قايلة اني ضد اي ثورة في دول الخليج كلهم بلا استثناء عشان دول حائط الصد للمد الشيعي

و انتي يا ضحى كنتي عايشة طول عمرك في السعودية في حاجه في الكلام اللي انا قولته دا مش حقيقية؟

انتي لسا نازلة مصر من اقل من سنة و كنتي بتتعاملي مع سعوديات كتير كنتي شايفة حالاتهم او حالة البلد تستدعي قيام ثورة؟

و احيلك يا ضحى للتوبيك دي عشان تعرفي ان الناس دي بيتبطروا على النعمة بجد

http://www.egyptiant...howtopic=117907

سبب التعديل اضافة اللينك الاخير

بداية اسمحي لي اؤكد للمرة الالف اني مش بشكك نهائيا في حد انا بس بحاول احلل ( الظاهرة ) الي حيرتني بجد لاني مش لاقية لها غير تفسير وحيد .. لو تكلمت عن اعضاء المحاورات فمش بقصدهم بذواتهم او شخوصهم وانما لكونهم ( نموذج ) لرد فعل الناس الي ( برا ) مقارنة بالي ( جوا ) ..

طيب دلوقت بتقولي ان الناس الي كانت برا مصر وقت ماحدث كانت قلقانة على اهلها الي لسه هناك .. بس ارد على كلامك بان قلق عن قلق يفرق اكيد .. يعني لو انا لي اب او ام عايشين في مصر فاكيد مش هخاف عليهم نهائيا زي مالو لي ابن او اخ مراهق مثلا وكان بينزل المظاهرات كل يوم . . صح ولا لاه ؟

اصل الناس الي في مصر مشكلتهم كانت في ايه ؟ اما نزول المظاهرة وتعرضهم لرصاص الامن .. او سكنهم في عشوائية غير محمية وبالتالي وقوعهم تحت ضرس البلطجية .. فان كان والدي او والدتي لا هذا ولا ذاك اضافة الى انهم مش عمال يومية مثلا هتنقطع ارزاقهم لو حصل حاجه ففي حالة زي دي هيبقى خوفي عليهم مجرد ( قلق ) بس من ان الاوضاع مش طبيعية هيبدده اكيد رغبتي الداخلية في انصلاح الحال وانهم يبقوا عايشين في بلد تستاهل ينعاش فيها مش الوضع الي كلنا كنا عارفين ان المصريين موجودين فيه ..

خوفك او خوف غيرك على اهله في مصر لا يقارن نهائيا بخوف اي حد فينا ممكن يكون في بلد غربة ويكتشف ان البلد دي لاقدر الله اتفككت واضطر يحمل اهله وبيته وعياله ويطلع يتكوم بيهم على الحدود في انتظار من يحمله الى بلده .. يعني الى المجهول ..

انا هنا بؤكد اني مش قصدي ان المسألة خوف على اكل العيش او غيرها من المعاني المستفزه الي ممكن تفهم خطأ في سياق كلامي .. وانما موقف كل مصري عايش في السعودية النهرده وخايف على البلد الي عايش فيها .. خايف من حدوث اي مما يمكن ان يهز استقرارها هو خوف طبيعي جدا ايا كانت اسبابه والي هي اكيد نفس اسبابنا نحن من كنا نعيش في مصر وقت حدوث الازمه وكنا خايفين عشانها ..

وعشان ميكونش كلامي عن آخرين .. فعن نفسي لو مكنتش عايشه في مصر في الفترة الحالية ومش ناوية ارجع لها في القريب .. لو مكنتش حاطه في ذهني ان في مؤامرة ما وان مايجري مش بالضرورة رغبة شعبية فقط وانما آخرون لهم المصلحه .. لو مش كل ده ممكن جدا ووارد بل ربما اكيد كنت هبقى مع حدوث ثورة وكان هيبقى منطقي هو ذاته ماقاله احد زملاء الفاضلة ( طبيبة في الخارج ) من ان خلي الحال ينعدل في مصر خلينا نرجع بقى .. مهو ياطابت ورجعنا ياخابت وفضلنا واحنا كده كده كنا فاضلين ..

مش عارفه بقى هل بعد ده كله عندك تفسير تاني لان كل الي كانوا مع ثورة مصرية هم ذاتهم ضد السعودية والعكس صحيح ؟

بل حتى لو لاحظتي في توبيكات مفتوحه عن ثورات ليبية وتونسية ومهلبية .. شوفي المشاركين هنا وهناك .. شوفي مين مع ومين ضد ومين متحفظ .. قارني ده بمحل اقامة كل منا لتتاكدي ان الظاهرة بالفعل محيرة طالما لم يكن لها الا هذا التفسير ..

ملاحظة اخيرة بخصوص سؤالك لي عن رايي بصفتي كنت عايشه في السعودية وحتى وقت قريب ..

يمكن لو لاحظتي فانا لم اقل راي في الاوضاع الداخلية السعودية تقريبا في اي توبيك لا هذا ولا غيره .. ببساطه لان لدي مبدأ اني ولو دخلت بيت ناس وصادف اني اطلعت على خصوصيات هذا البيت لا لشيء الا لانهم قربوني منهم او اعتبروني ( مش غريبة ) فمش من المروءة ابدا اني اتكلم عن حاجه سلبية شفتها او حتى ايجابية ممكن تؤذي اهل البيت ده .. وعلى هذا فان لم يكن لدي كلمه جيده في حق بلد استضافتني فعلى الاقل واحتراما لذاتي وللي ادخلوني بيتهم مستحيل اقول في حقهم كلمه وحشه ..

الي اقدر اقوله ومن معرفتي الاكيده بطبيعة الشعب السعودي ولكثير من الظروف الداخلية الي بيعيشها السعوديين بمختلف فئاتهم .. ان لو حصل ثورة في السعودية فده مش هيكون في صالح السعوديين انفسهم حتى لو صور لهم البعض عكس ذلك .. يمكن يكون في اصلاحات مطلوب القيام بها او اوضاع مطلوب تغييرها بس الاكيد ان الطريقة والتوقيت غير مناسبين على الاطلاق وان تغير الوضع في السعودية عن طريق التصادم مع الاسرة الحاكمة فالاكيد انه هيتغير للاسوأ ..

وعشان كده مقدرش اقول غير ربنا يسترها معانا جميعا . . والله اعلم الايام محملة بأيه ..

تصدقي برضه لاحظت الملاحظة دي يا ضحى

فعلا أستاذ إسلام كان من المعارضين للثورة في مصر:blink:

و ممكن يكون الموضوع ده مثلا

عشان نقول حقنا برقبتنا ...كان عندكوا حق تخافوا من الثورة يا اللي عايشين في مصر

:P

و أنا طبعا من صاحباتك و حبايبك و اللي كنت مؤيدة لثورة مصر طبعا

عن نفسي مش خايفة على فكرة

انا باتمنى الخير للناس اللي هنا اللي همة أهل البلد يعني

و اللي احنا عايشين معاهم

عن نفسي فكرت والله

لو لا قدر الله حصل تخريب ( لأنها عمرها ما حتكون سلمية زي ثورتنا لأسباب التعدد العرقي كما سبق و ذكرت لحضراتكم)

لو ده حصل - الله لا يقدر - حأعمل ايه؟؟؟

لقتني مش في تفكيري نهائي أجري على السفارة المصرية عشان ارجع مصر

أصل ان لي تجربة في ليبيا

أخويا ما جريش على السفارة و لا حتى كان عايز

و فضل هناك

و بعد اما الاحداث هديت في بنغازي لم عيلته و رجع بنغازي في بيته هناك

و عادي يعني

قصدي ان اللي يجرى ع الكل يجرى علينا

ما احناش خايفين

و الأمان على فكرة من ربنا وحده

يعني اخويا بفضل الله وحده محصلوش أي حاجة و رجع بيته سالما

اللي مكتوب له حاجة حيشوفها في أي مكان و زمان

لكن طبعا لازم نتفاءل بالخير

و مانتمناش الشر والخراب ( الثورة هنا حتبقى شر و خراب و مش سلمية زي ما كانت عندنا)

و لازم دايما ندعي ربنا أنه سبحانه يكفي المؤمنين القتال

و ربنا يدبر الأمور بما فيه الصالح

آمين

هي الجزئية دي من كلامك استاذتي الفاضلة .. "منتمناش الشر والخراب والثورة هنا مش هتبقى سلمية زي ماكانت عندنا "

من فين جاء التاكيد ان الثورة في مصر هتكون سلمية ؟ هل مقصود ان المتظاهرين مش هيكسروا حاجه في طريقهم او ان الجيش مش هيضرب عليهم نار ؟ هي دي بس المشاكل الي كنا متخوفين منها وطالما تأمنت يبقى مفيش من الثورة خوف ؟

على فكرة السلامة الشخصية للمتظاهرين عمرها ماكانت المشكلة ولا كانت هي سبب تخوفنا نحن من عاش الازمه ولا اظنها هي سبب تخوفكم معشر المقبلين عليها ..

ملاحظة جانبية ..

كل مااقرأ او اسمع عن اخبار سيئة في ليبيا بقلق جدا على اخوك واسرته معرفش ليه وكأني اعرفهم من زمان .. مش عارفه ليه حاسه ان طالما هم الحمد لله بخير يبقى المصريين الي في ليبيا كلهم هيبقوا كذلك .. اتمنى تنقلي لنا الاخبار حية كل ماتتسنى لك الفرصة وتطمنينا على وضعه هناك لاني بجد لا اطمئن غير كل مااقرأ لك انك كلمتيهم والحمد لله اوضاعهم مستقرة وبخير ..

ربنا يسترها مع الجميع يارب ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

ولاد خالتي كانوا بينزلوا المظاهرات و من اول يوم و بالليل يرجعوا عشان يوفقوا في اللجان الشعبية

و عندي اخوات بنات اختي لسا مكلمة 21 سنة يا ضحى و بنموت كلنا لما بتنزل الشارع من القلق عليها لحد ما ترجع

وبابا منعها بالعافية من المشاركة في المظاهرات و كنا كلنا خايفين تنزل من وراه

و زي ما قولتلك جوزي كان هناك من قبل يوم 25 و ما رجعش الا بعد جمعة الغضب بكام يوم

تخيلي بقى انا هنا لوحدي ببنتي في الغربة و جوزي في مصر وقت المعمعة و ما اعرفش هايرجع و لا لأ

و ما فيش اي اتصال من اي نوع لما قطعوا التليفونات و كتيرررررررررررررررررررررر اتصل على الارضي و ما يجمعش

ما تفتكريش يعني ان دا ما كانش ضغط جبار على اعصابي دا انا كنت هاتجنن و ما ببطلش عياط

كلنا في الايام دي عدت علينا ايام رعب

لما بابا اللي عامل حادثة و متكسر و ماشي على عكاز و يوقف تحت البيت للحراسة

و ماما لما اكلمها صوتها مرعوب

و انا هنا مش عارفه اعمل ايه من رعبي عليهم و سنهم مش صغير و ما فيش عندي اخوات صبيان يسندوهم

على فكرة اللي برة قلقه بيبقى اكتر من اللي جوه لانه ويله ويلين لكن لما الناس بتكون مع بعض بيقوا بعض شوية

و للعلم انا مش زعلانة من كلامك لاني عارفاكي بس بارد على تحليللاتك باحاسيسي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...