اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
masraweya

الاستفتاء على التعديلات الدستورية

  

68 اصوات

  1. 1. هل توافق على التعديلات الدستورية المقترحة كلها

    • نعم
      29
    • لا
      39


Recommended Posts

صفحة على الفيس بوك للجنة الاستفتاء للإجابة على التساؤلات

أعلنت اللجنة القضائية العليا المشرفة على استفتاء تعديل الدستور، أنها أنشأت صفحة خاصة بها على موقع

التواصل الاجتماعى "فيس بوك"، تتضمن كافة ما يصدر عن اللجنة من بيانات عقب كل اجتماع لها، وكذلك للتواصل

من المواطنين والرد على كافة تساؤلاتهم بشأن عملية الاستفتاء المقرر لها يوم 9 مارس الجارى.

وقال المستشار دكتور محمد أحمد عطية النائب الأول لرئيس مجلس الدولة رئيس اللجنة، إن إنشاء الصفحة على

"فيس بوك" هو خطوة مبدأية لحين تدشين الموقع الإلكترونى الخاص باللجنة، وحتى يكون هناك تواصل دائم بين

اللجنة وجمهور المواطنين.

الصفحة باسم اللجنة القضائية العليا للإشراف على استفتاء تعديل الدستور المصرى".

http://www.facebook.com/EgyRef2011

تم تعديل بواسطة Hend ali

شارك هذه المشاركه


رابط المشاركه
شارك
الأخ الفاضل أبو محمد شكرا جزيلا لتفضلك بالرد علي تساؤلي والشرح لي لكن لازلت غير مقتنعة بنقطة أن الرئيس المنتخب ومجلس الشعب ملزمين بانشاء دستور جديد

يعني اللي أنا فاهماه أنهم لهم الحق بالاعلان عن انشاء دستور جديد وباقي المواد بتنظم هذه العملية لكن الاعلان في حد ذاته متروك للرئيس ومجلسي الشعب والشوري

في انتظار شرح أكثر من حضرتك ورد علي مقال أستاذ طارق دياب

والنهاردة في جريدة الشروق هناك مقال مهم لشخص أنا شخصيا باحترمه وهو د/عمرو حمزاوي

الفاضلة Dreamwithme

العفو يا سيدتى .. هذا واجب أشعر بأنه التزام علىَّ

ياسيدتى .. نص المادة 189 مكرر واضح وفيه أن أول نشاط للبرلمان هو انتخاب الجمعية التأسيسية .. وأن انتخاب الجمعية التأسيسية وجوبى .. وتجعل إعداد الدستور الجديد فى ظرف ستة أشهر من أول اجتماع للبرلمان أمرا وجوبيا وفقا لما جاء فى المادة 189 (المعدلة بإضافة الفقرة الأخيرة) .. وتلك الفقرة الأخيرة تلزم الرئيس بطرح الدستور الجديد للاستفتاء فى ظرف 15 يوما من انتهاء الجمعية من تقديمه إليه

قرأت المقالين .. وواضح أن دوافع الكاتبين واحدة .. خوفهما من الإخوان وفلول الحزب الوطنى .. وأنا لست من مشجعى الفصيلين ، ولن أكون سعيدا لو فاز أحدهما بالأغلبية .. ولكنها لعبة الديموقراطية التى ينبغى أن نتحمل مسؤولياتها الجسيمة .. فالديموقراطية ليست ديكورا سياسيا .. بل مسؤولية .. ومسؤولية ضخمة .. الأخوان لن يحصلوا على الأغلبية مع أنى أعتقد أنهم يستطيعون ذلك .. السبب هو ما أعرفه عنهم وعن منهجهم ، بحكم قربى من بعض قيادييهم .. لقد قالها مرشدهم الأسبق عمر التلمسانى أيام الرئيس الراحل أنور السادات .. قال : "إن الأخوان ليسوا أغبياء لكى يسعوا إلى تحمل هذه التركة الثقيلة " .. كان فى رأيهم أن البلد بايظة (أيام السادات) ولن يتورطوا فى تحمل تلك المهمة التى "تنوء عن حملها الجبال" .. كان هذا رأيهم فى ذلك الوقت .. فما بالك برأيهم الآن ؟ .. لذلك ترينهم يرفعون شعارا مرحليا يقول : "مشاركة لا مغالبة" .. إلى أن يقضى الله أمرا كان مفعولا

وأنا أحترم رأى الكاتبين القائل بانتخاب الرئيس قبل البرلمان .. ولكنى أخالفهما الرأى .. فانتخاب رئيس بلا مؤسسات هو أمر من أخطر ما يمكن تصوره .. وأرى فى خوفهما من انتخاب البرلمان قبل الرئيس إستمرارا للدوران فى الحلقة المفرغة من عدم الثقة بالشعب ووعيه السياسى ، وعدم الثقة فى أى نظام سواء كان نظاما منتخبا انتخابا ديموقراطيا ، أو نظاما مفروضا بالقوة على الشعب ، وعدم الثقة فى أى حاكم حتى لو اختاره الشعب

الأخت الفاضلة مصراوية

أعتذر بشدة

خطأ غير مقصود

لا داعى للاعتذار يا سيدتى .. دى كانت قفشة بسيطة

ما فهمته ان المادة 189 ظلت على وضعها الاصلي (لتمثل الآلية).. و تمت اضافة الفقرتين التاليتين لتجعله امر وجوبي

تمام كده .. الله ينور عليكى

(و ان كنت لا زلت معترضة على الصياغة
اعتراض فى محله باسيدتى .. ولكنك بهذا الاعتراض تثيرين موضوعا كبيرا وهو فن الصياغة .. ورأيى أن الصياغة الحالية للتعديلات هى صياغة راقية تتجنب الإطناب Redundancy والتكرار .. أنظرى إلى هذا المثال :
يجب أن يمارس أول مجلس شورى بعد إعلان نتيجة الاستفتاء على تعديل الدستور بأعضائه المنتخبين إختصاصاته. و يجب أن يتولى رئيس الجمهورية فور انتخابه إستكمال تشكيل المجلس بتعيين ثلث اعضاءئه و يجب أن يكون تعيين هؤلاء لإستكمال المدة الباقية للمجلس على النحو المبين بالقانون. و يجب أن تعرض هذه المواد الدستورية المعدلة على المجلس الأعلى للقوات المسلحة ثم يجب أن تعرض على الشعب للاستفتاء

ينفع كده ؟ :)

بشرط أن يتم انتخاب المجالس قبل انتخاب الرئيس بوقت كاف

بحيث يجد نفسه امام مجالس منتخبة و جمعية تأسيسية بدأت وضع الدستور الجديد

تمام يا فندم .. الله ينور

السؤال .. ماذا لو حل الرئيس الجديد هذه المجالس او علق عمل اللجنة التأسيسية؟

يبقى مخالف للدستور .. والناس موجودة ، والميدان موجود

ماذا لو تمت الانتخابات الرئاسية اولا؟؟

خطر

و يبقى السؤال الاكبر .. ماذا لو قال المصريون للتعديلات .. لا؟

يبقى رجعنا للمربع رقم 1 اللى فى لعبة السلم والتعبان .. ونبدأ من جديد

نقطة أخيرة .. من الواضح ان المهمة التي كلفت بها لجنة التعديلات كانت محاولة الخروج بالدستور القديم الى صورة تضمن انتخابات رئاسية و برلمانية نزيهة و وضع آلية لدستور جديد

فقط

تمام كده يا فندم .. وده واضح من إعلان المجلس العسكرى تعطيل العمل بالدستور .. ثم دستور مؤقت أو "إعلان دستورى" وذلك بتعديل بعض مواد الدستور المعطل اللى تضمن انتخابات حرة نزيهة تجيب برلمان منتخب ورئيس منتخب يشتغلوا بالدستور المؤقت لغاية لما يعرضوا علينا دستور جديد ..

شارك هذه المشاركه


رابط المشاركه
شارك

لو جات نتيجة الأستفتاء لا اوافق

يبقي لجنة تعديل الدستور حتفهم ايه من النتيجة دي ، يعني اي مادة بالظبط الناس مش موافقة علي تعديلها

و بعدين يتعمل تعديل جديد و استفتاء جديد لمدة كام مرة يعني

و بعدين هل الأنتخاب بالبطاقة الشخصية ؟ طيب و الناس اللي بتروح كذا لجنة و تدلي بصوتها فيها ، يا تري حيبقي الوسيلة هيا الحبر الأحمر اللي بيعلموا بيه الأيدين

و اخيرا :)

ايه الرموز اللي حيستخدموها ، يعني مثلا المادة 76 رمز الكنكة و المادة 77 رمز الكوباية ، عشان نفهم بس عشان الكلام ده مكلكع خالص

شارك هذه المشاركه


رابط المشاركه
شارك

الأخ الفاضل أبو محمد أكرر عميق شكري وامتناني لأهتمام حضرتك في الرد والتوضيح والصبر علي جهلي

أنا شخصيا كنت أفضل أن تكون صياغة نص المادة الأساسية ملزم بشكل واضح أكثر حتي لو كان في اطناب من الناحية اللغوية

للأسف موروث ثقيل من عدم الثقة.

أما بالنسبة لموضوع الانتخابات الرئاسية أولا أم البرلمانية أولا فأنا من مؤيدين البرلمانية أولا لكن في حالة وجود فترة انتقالية

بمعني إن حاليا لازال قانون انشاء أحزاب جديدة غير معدل وبالتالي لاوجود لأحزاب جديدة وطبعا أحزاب المعارضة القديمة ليست لها شعبية في الشارع

ولا تمثل المجتمع المصري.

سامحني هأختلف مع حضرتك إن اللي عايزين فترة انتقالية ومجلس رئاسي لفترة سنة كل خوفهم من الأخوان ولكن في رأيي وده خوفي أيضا إن البرلمان اللي بنحلم بيه

اللي المفروض يراقب الرئيس والحكومة يكون غير معبر عن الشعب وده فعلا اللي هيحصل لو حصل انتخابات برلمانية في الوقت المحدد لها

لأسباب عدة أهمها عدم امكانية تكوين أحزاب جديدة تعبر عن الشارع الذي تغير كثيرا بعد 25 يناير و بالتالي لو هتكلم عن نفسي

عندما أنزل لأنتخب هأكون بأفاضل بين مرشح حزب وطني أو مرشح أخوان أو مرشح من أحزاب المعارضة الموجودة حاليا واللي أنا شايفة أنهم لا يمثلون الواقع الجديد

إلي جانب نقطة في وجهة نظري خطيرة ثقافة الانتخاب في حد ذاتها الناس كانت بتختار المرشح علي أسس قبلية ومحبة أو من يستطيع أن يقدم خدمات أكثر للمنطقة من حيث

وظائف لأولادهم ويجيب تأشيرة مهمة علي أوراقهم وهكذا ....إلي جانب فئة من النواب كانت بتعتمد علي العامل المادي

يعني الاختيار لم يكن يتم عن طريق أداء وأراء هذا المرشح السياسية وكيف سيكون أدائه السياسي في البرلمان

عشان كده من وجهة نظري محتاجين فترة انتقالية لمصلحة الشعب ككل وليس محابة لأحد ولا خوفا من أحد

ومن قراءاتي البسيطة هذا حدث في دول كثيرة تحولت من نظام ديكتاتوري إلي النظام الديمقراطي

وطبعا أرفض بشدة أن تكون الانتخابات الرئاسية أولا فكيف أضع شخص بكل هذه الصلاحيات (مع الدستور الحالي حتي بعد التعديلات) أيا كان حتي لو كان ملاك

ثم أثق أنه لن يتحول إلي فرعون وأنه هو نفسه سيقلص من صلاحياته وكمان من غير ما يكون في برلمان رقيب عليه؟!

أنا أسفة طولت علي حضرتك بس عذري إني جاهلة سياسيا ونفسي أفهم من حد عنده علم زي حضرتك

مشكلة أخري في التعديلات الدستورية إني لو اقتنعت فعلا أن هيتم انشاء لجنة تأسيسية لأنشاء دستور جديد

مين اللي هيختار هذه اللجنة؟ الرئيس والبرلمان........البرلمان اللي لوتمت الانتخابات الخاصة به في وقتها غالبا هيكون لا يمثل الشعب تمثيل حقيقي

وبالتفاؤل هيكون بيعبر عن الشعب بنسبة 50%......فمن سيضمن لي اختيارهم للجنة؟

بعكس إذا تم انشاء لجنة تأسيسية حاليا لأنشاء الدستور ستكون بالانتخاب أو باختيار المجلس العسكري من شخصيات يرتضيها الشعب

أتفق مع حضرتك إن الديمقراطية مسئولية ولازم نتحملها لكن في رأي ما سيحدث لو تمت الموافقة علي التعديلات

والاسراع في الانتخابات الرئاسية والبرلمانية أيا كان الترتيب

فما سيحدث لن يكون نتيجة للديمقراطية ولكن نتيجة لعملية الاسراع الغير مبررة من وجهة نظري فلماذا لا نسير علي خطي واضحة واثقة لكي نصل إلي مصر جديدة قوية

ولا نحتاج كل شوية ننزل ميدان التحرير لأن سامحني ياسيدي الكلمة دي بتضايقني أنا نزلت ميدان التحرير واثنين من أصدقائي استشهدوا يوم 28 يناير

وآخر فقد بصره في بسبب رصاصة مطاطية

يعني مش من الأفضل أننا نصلح الأوضاع حاليا بالحل الأفضل والنموذجي بدل ما كل شوية ننزل ميدان التحرير اللي ماكنش نزوله فسحة

هل لا يستحق هذا الجيل اللي ضحي بالكثير أن يحلم بدستور محترم لبلد بحجم مصر؟

سؤالي الأخير هل إذا تم التصويت بلا علي التعديلات سيتم العمل بالدستور القديم أم تتم إعادة التعديلات ؟ ووقتها كيف سيحددوا التعديلات التي تم رفضها؟

شارك هذه المشاركه


رابط المشاركه
شارك

********************

ولا نحتاج كل شوية ننزل ميدان التحرير لأن سامحني ياسيدي الكلمة دي بتضايقني أنا نزلت ميدان التحرير واثنين من أصدقائي استشهدوا يوم 28 يناير

وآخر فقد بصره في بسبب رصاصة مطاطية

يعني مش من الأفضل أننا نصلح الأوضاع حاليا بالحل الأفضل والنموذجي بدل ما كل شوية ننزل ميدان التحرير اللي ماكنش نزوله فسحة

هل لا يستحق هذا الجيل اللي ضحي بالكثير أن يحلم بدستور محترم لبلد بحجم مصر؟

سؤالي الأخير هل إذا تم التصويت بلا علي التعديلات سيتم العمل بالدستور القديم أم تتم إعادة التعديلات ؟ ووقتها كيف سيحددوا التعديلات التي تم رفضها؟

الاب الفاضل ابو محمد

أشترك مع حبيبتي دريم في عميق الشكر لحضرتك

و أشترك معها أيضا في التساؤل .. أليس من الأفضل دستور جديد الآن؟

تكلفة النزول للميدان مرة أخرى كبيرة

بل و أزعم انها قد تكون أعنف من المرة السابقة

و يبقى التساؤل .. ماذا بعد؟

شارك هذه المشاركه


رابط المشاركه
شارك

التعديلات تمام و انا مقتنعة انها رائعة فعلا

بس بعد حلقة دكتور برادعي امبارح لقيتنا فعلا بنقول ودنك منين يا جحا

نعدل الدستور و بعدين لما يتعمل واحد جديد نحل المجلس و نعمل انتخابات رئاسية تاني

الله طب ما هو من الاول بقى

و بعدين هو صياغة دستور جديد مش هاتاخد اكتر من 4 شهور

يبقى ايه المانع انه يتم من دلوقتي تأسيس اللجنة دي و تغير الدستور و تتم الانتخابات على نضيف و مايا بيضا زي ما بيقولوا بدل تضييع وقت

ماهو كده كده المجلس العسكري قال هايحكم لمدة 6 شهور فات منهم شهر بس

طيب ما خلال حكمه الحالي يتعمل دستور جديد

شارك هذه المشاركه


رابط المشاركه
شارك

انا شايف ناس بتقول عايزين دستور جديد الان

طيب ممكن تقولونا من سيضع هذا الدستور الان ؟

القانونين اللي هايحطوه بعدين يحطوه دلوقتي

شارك هذه المشاركه


رابط المشاركه
شارك

انا شايف ناس بتقول عايزين دستور جديد الان

طيب ممكن تقولونا من سيضع هذا الدستور الان ؟

القانونين اللي هايحطوه بعدين يحطوه دلوقتي

هنا لب المشكلة

اذا اتي الجيش بشخص اسلامي سيقول العلمانيين هذا الشخص منحاز ولايمثل الشعب

واذا اتي الجيش بشخص علماني والغي الماده الثانية مثلاً ستقوم الفتنة في البلد وسيخرج السلفيين وغيرهم للتظاهر ويمكن كمان يكون هناك دم

وفي كل الاحوال سيقال بعد ذلك هذا دستور اتي بارادة الجيش واي رئيس يريد الغاؤة سيلغية بكل سهولة

لابد ان تكون اللجنة التي ستضع الدستور لجنة منتخبة من مجلسي الشعب والشوري وليست لجنة معينة من احد حتي يكون لها شرعية ولانكرر اخطاء الماضي

شارك هذه المشاركه


رابط المشاركه
شارك

انا شايف ناس بتقول عايزين دستور جديد الان

طيب ممكن تقولونا من سيضع هذا الدستور الان ؟

القانونين اللي هايحطوه بعدين يحطوه دلوقتي

هنا لب المشكلة

اذا اتي الجيش بشخص اسلامي سيقول العلمانيين هذا الشخص منحاز ولايمثل الشعب

واذا اتي الجيش بشخص علماني والغي الماده الثانية مثلاً ستقوم الفتنة في البلد وسيخرج السلفيين وغيرهم للتظاهر ويمكن كمان يكون هناك دم

وفي كل الاحوال سيقال بعد ذلك هذا دستور اتي بارادة الجيش واي رئيس يريد الغاؤة سيلغية بكل سهولة

لابد ان تكون اللجنة التي ستضع الدستور لجنة منتخبة من مجلسي الشعب والشوري وليست لجنة معينة من احد حتي يكون لها شرعية ولانكرر اخطاء الماضي

طيب سؤال هو ما ينفعش اللجنة دي يتعمل عليها استفتاء من الشعب و بكده هاتكون منتخبة مش معينة؟

شارك هذه المشاركه


رابط المشاركه
شارك

انا شايف ناس بتقول عايزين دستور جديد الان

طيب ممكن تقولونا من سيضع هذا الدستور الان ؟

القانونين اللي هايحطوه بعدين يحطوه دلوقتي

هنا لب المشكلة

اذا اتي الجيش بشخص اسلامي سيقول العلمانيين هذا الشخص منحاز ولايمثل الشعب

واذا اتي الجيش بشخص علماني والغي الماده الثانية مثلاً ستقوم الفتنة في البلد وسيخرج السلفيين وغيرهم للتظاهر ويمكن كمان يكون هناك دم

وفي كل الاحوال سيقال بعد ذلك هذا دستور اتي بارادة الجيش واي رئيس يريد الغاؤة سيلغية بكل سهولة

لابد ان تكون اللجنة التي ستضع الدستور لجنة منتخبة من مجلسي الشعب والشوري وليست لجنة معينة من احد حتي يكون لها شرعية ولانكرر اخطاء الماضي

طيب سؤال هو ما ينفعش اللجنة دي يتعمل عليها استفتاء من الشعب و بكده هاتكون منتخبة مش معينة؟

ماينفعش

ليه ؟

لأن لجنة وضع دستور جديد ستكون مكونة من 50-100 شخص

لو ذهب فلاح مصري او موظف او شخص عادي او مهندس او دكتور وتم اعطاؤه ورقة فيها 1000 اسم ليختار 100 هل تظني انه سيعرف الجيد من السئ

استفتاء مثل هذا هو تهريج مطلق لأنه حتي الشخص المثقف سياسياً لن يستطيع حفظ اسم 100 شخص جيد لينتخبهم من وسط 1000 شخص

هذا سيكون اصعب من امتحان الثانوية العامة!!!!

علاوه علي ذلك لجنة وضع دستور يجب ان تكون ممثلة للشعب كله فيها المسيحي وفيها المرأه

اذا جائت بانتخابات من الشعب مباشره لن يأتي فيها الا مسلمين ذكور وفي النهاية سنعود لنفس المشكلة ان بعض الفئات ستري انها غير ممثله في هذا الدستور

ارجو ان تقرأي مانقل في هذا الموضوع عن مجموعة الليبراليين المهرجين التي تجمعهم المصري اليوم في ندوات ليحتالوا علي الشعب وليس عندهم اي تصور ستجديهم معارضين لكن لايطرحوا اي بديل

هم فقط يريدون تعطيل العملية الديمقراطية لأنهم يعرفون انهم بدون شعبية

شارك هذه المشاركه


رابط المشاركه
شارك

انا شايف ناس بتقول عايزين دستور جديد الان

طيب ممكن تقولونا من سيضع هذا الدستور الان ؟

القانونين اللي هايحطوه بعدين يحطوه دلوقتي

هنا لب المشكلة

اذا اتي الجيش بشخص اسلامي سيقول العلمانيين هذا الشخص منحاز ولايمثل الشعب

واذا اتي الجيش بشخص علماني والغي الماده الثانية مثلاً ستقوم الفتنة في البلد وسيخرج السلفيين وغيرهم للتظاهر ويمكن كمان يكون هناك دم

وفي كل الاحوال سيقال بعد ذلك هذا دستور اتي بارادة الجيش واي رئيس يريد الغاؤة سيلغية بكل سهولة

لابد ان تكون اللجنة التي ستضع الدستور لجنة منتخبة من مجلسي الشعب والشوري وليست لجنة معينة من احد حتي يكون لها شرعية ولانكرر اخطاء الماضي

طيب سؤال هو ما ينفعش اللجنة دي يتعمل عليها استفتاء من الشعب و بكده هاتكون منتخبة مش معينة؟

ماينفعش

ليه ؟

لأن لجنة وضع دستور جديد ستكون مكونة من 50-100 شخص

لو ذهب فلاح مصري او موظف او شخص عادي او مهندس او دكتور وتم اعطاؤه ورقة فيها 1000 اسم ليختار 100 هل تظني انه سيعرف الجيد من السئ

استفتاء مثل هذا هو تهريج مطلق لأنه حتي الشخص المثقف سياسياً لن يستطيع حفظ اسم 100 شخص جيد لينتخبهم من وسط 1000 شخص

هذا سيكون اصعب من امتحان الثانوية العامة!!!!

علاوه علي ذلك لجنة وضع دستور يجب ان تكون ممثلة للشعب كله فيها المسيحي وفيها المرأه

اذا جائت بانتخابات من الشعب مباشره لن يأتي فيها الا مسلمين ذكور وفي النهاية سنعود لنفس المشكلة ان بعض الفئات ستري انها غير ممثله في هذا الدستور

ارجو ان تقرأي مانقل في هذا الموضوع عن مجموعة الليبراليين المهرجين التي تجمعهم المصري اليوم في ندوات ليحتالوا علي الشعب وليس عندهم اي تصور ستجديهم معارضين لكن لايطرحوا اي بديل

هم فقط يريدون تعطيل العملية الديمقراطية لأنهم يعرفون انهم بدون شعبية

طيب لو اتوافق على التعديلات الحالية و تم انتخاب برلمان و رئيس و جه وقت تكوين اللجنة بتاعت تأسيس الدستور جديد مش هايكون في نفس الخلاف و لا وقتها الرئيس هو اللي هايعين اللجنة دي و اللي هايستفتي عليها هما النواب؟

كده انا فهمت صح؟

شارك هذه المشاركه


رابط المشاركه
شارك

ده رأي المستشار البسطويسي انا نقلته من توبيك تاني هنا لأهميته في موضوع التعديلات انا مع رأيه وهو دستور مؤقت يضم التعديلات دي يا ريت تسمعوه

http://www.youtube.com/watch?v=ApKVDqji3Vc&feature=player_embedded

شارك هذه المشاركه


رابط المشاركه
شارك

طيب لو اتوافق على التعديلات الحالية و تم انتخاب برلمان و رئيس و جه وقت تكوين اللجنة بتاعت تأسيس الدستور جديد مش هايكون في نفس الخلاف و لا وقتها الرئيس هو اللي هايعين اللجنة دي و اللي هايستفتي عليها هما النواب؟

سيكون هناك خلاف لكن هناك طريقة لحله

سيطرح اسماء المرشحين اسم اسم امام البرلمان ويجري عليه تصويت من ممثلي الشعب حتي يتم اختيار اللجنة

في هذه الحالة لايستطيع احد قول اي شئ علي اللجنة لأنها اتت بانتخاب صحيح وعلني من ممثلي الشعب

فهناك قاعدهع مهمه وهي ان (الديمقراطية لايستفتي عليها)

لذلك لايوجد احد يستطيع ان يتكلم علي لجنة منتخبة بطريقة صحيحة وديمقراطية

شارك هذه المشاركه


رابط المشاركه
شارك

احب اذكر بنقطة صغيرة ان حتي اللي بيأيد التعديلات بيشرطها بانتخابات برلمانية الاول وده شكله مش حيحصل لان فكرة المجلس الرئاسي زي ما المستشار قال ما عرفوش يتفقوا عليها

شارك هذه المشاركه


رابط المشاركه
شارك

ما رأيكم دام فضلكم

اليس من المفروض ان يتم مناقشة مكثفة للتعديلات الدستورية وخصوصا فى القنوات التليفزيونية المحلية

كيف ستصل هذا التعديلات وتشرح للمواطن البسيط العادى

http://ayamsoda-awe.blogspot.com/2011/03/blog-post_10.html?spref=tw

Thursday, 10 March 2011

دستور يا اسيادنا

نزلت النهاردة زي مااتفقنا اننا ننزل الشوارع ونشوف الناس عندها علم أو دراية عن اللي هيحصل يوم 19 مارس من استفتاء على <a style="color: rgb(51, 0, 153); font-weight: bold; font-style: italic;" href="http://waelk.net/node/37">التغييرات الدستورية .

أنا كان نفسي افرحكم واقول خير بس اللي شفته كان غير مبشر على الاطلاق :

بعض الناس كانت رافضة تماما تتكلم معايا بحجة الخوف والشك لسا النظام القديم مسيطر عليهم وهاجس ان الكلام في السياسة هايوديهم في داهية ده كان كلام عم شعبان 68 سنة فارش بمفكات ومفاتيح انابيب وشواكيش رفض اني الصوره أو اخد اسمه بالكامل .

أول ماسألته عن التعديلات الدستورية قال لي يلا أمشي من هنا خربتوا البلد قلت له أنا اسفة وأخدت بعضي ومشيت راح منادي عليَّ تعالي هنا رحت رجعت له وقالي انت عاوزة ايه ؟ ثورة ؟ ماحصلت الثورة .. مبارك امسكوه وحاكموه على اللي خده بس ماتجوش كل يوم كل واحد يعمل اعتصام وقفتوا حالنا ماأنا بقى حاجة مش عجباني هاعمل اعتصام وحسن - جاره بيصلح عجل - يروح يعمل اعتصام أنا مش عارف - لسا الكلام على لسان عم شعبان - أنا مش عارف اروح اقبض معاشي علشان موظفين البوسطه عاملين اضراب

مفيش خير يا بنتي زمان كان كل واحدة تعمل حلة طبيخ تروح غارفة طبق وبعتاه لجارتها , دلوقت الوحدة من دول تشتيري بجنيه برسيم تخبيه في" جلبتيها" وهي داخلة البيت علشان محدش يشوفها

...........

عaعابد حسين صالح 34 سنة بطاقته بتقول انه عامل تبرد وتكيف بس هو بيشتغل مندوب مبيعات بيبيع اطباق وكوبيات ازاز سألت عماد هتروح الاستفتاء على الدستور قالي استفتاء ايه على ايه يا ابلة ؟ واضح انه ميعرفش حاجة عنه حاولت اشرح له بصعوبه قال لي طيب أنا اروح ماشي بس اروح اقول آه أو لأ على حاجة معرفهاش ؟؟ معرفتش ارد عليه ..

سألته طيب هاتنتخب مين لو قدامك البرادعي وعمرو موسى وحمدين صباحي قال لي احب احتفظ بالاجابة لنفسي معرفش ايه وجه السرية في كده بس شكرته وقلت له قشطه يا عماد.

واحد تالت فلاح بسيط كان داخل مجلس المدينة عنده شكوى لانه راح يركب عدد كهربا فطلبه منه" مقايسة "في "مكتب هندسي" وبيقول ان ده ماكانش بيحصل زمان أيام " الريس" وانتوا بتصعبوا الدنيا كده .. سألته عارف حاجة عن استفتاء التعديلات الدستورية الجديدة قال لي لأ

..........

محدش قال لي أي حاجة ومعرفش حاجة

جمال الفرماوي وسيد الفرماوي تتراوح اعمارهم بين 40 45 سنة عمال في بوفيه سألتهم نفس السؤال قالوا مش رايحين ومش عاوزين نقول آه أو لأ على حاجة منعرفهاش ماتطبخوش الطبخة وتاكلوها لنا .. بيوجه كلامه ليَّ أنا اني أنا اللي طبخة الدستور أنا وصحابي .

سألته عن البرادعي وعمرو موسى وحمدين وايمن نور قال لي أنا مع عمرو موسى البرادعي ده راجل بتاع امريكا وأنا مبحبوش

واحد اتدخل في الكلام نسيت اخد اسمه قال لي :

blank.gif

.......

احمد يسري مقاول 33 سنة يبدو انه ملم بموضوع التغييرات وان فه استفتاء بس مشكلته انه محدش شرح له ايه الاستفتاءات دي وليه وكده لكنه قال انه أما يفهم هيروح الاستفتاء ويقول آه أو لأ حسب مايشوف بس اهم حاجة يفهم ايه هي المواد وايه اللي هايتغير

هو ده الشارع يا اخوانا الحصيلة تكاد تكون صفر واحنا قاعدين على فيسبوك وتويتر نعيد ونزيد في ذات نفس الكلام مابنزهقش

لازم لازم لازم حملة تثقيفية للناس دي

آه بالنسبة للستات اللي قابلتهم ولا واحدة وافقت تتكلم معايا... يا ريت بتوع مليونية المرأة بدل ماينزلوا التحرير ينزلوا يشوفوا خيبة الستات القوية

شارك هذه المشاركه


رابط المشاركه
شارك

«الأعلى للقوات المسلحة» يشكل لجنة لرصد الملاحظات حول التعديلات الدستورية

علمت «المصري اليوم» أن المجلس الأعلى للقوات المسلحة شكل لجنة جديدة برئاسة اللواء ممدوح شاهين، مساعد وزير الدفاع للشؤون القانونية وعضو المجلس، وتضم في عضويتها عدد من القانونيين ومنهم المستشار حاتم بجاتو، رئيس هيئة المفوضين بالمحكمة الدستورية العليا، تقوم بصياغة مراسيم القوانين كالمرسوم بقانون الذي أقره مجلس الوزراء والذي يقضي بمعاقبة الخارجين عن القانون وتسببت جرائمهم في الموت أو الشروع في القتل بالإعدام، بالإضافة إلي القوانين المتعلقة بالتعديلات الدستورية الأخيرة، ومنها مباشرة الحقوق السياسية، والرئاسة، ومجلس الشعب ومجلس الشورى.

وتختص اللجنة بمتابعة كل ما ينشر أو يذاع من ملاحظات ووجهات نظر حول التعديلات الدستورية الأخيرة التي أجرتها لجنة تعديل الدستور المكلفة من المجلس برئاسة المستشار طارق البشري، نائب رئيس مجلس الدولة، في إطار الحوار المجتمعي الذي أعلن عنه المجلس العسكري للوصول إلي أفضل صيغة قانونية للتعديلات الدستورية خلال المرحلة الإنتقالية.

وصرح مصدر مسؤول، أنه تم تكليف المستشار حاتم بجاتو، رئيس هيئة المفوضين بالمحكمة الدستورية العليا، بالإشراف علي متابعة كل ما ينشر في الصحف حول وجهات النظر المتعلقة بالتعديلات الدستورية الأخيرة، لكتابة تقرير بأهم ما جاء بهذه الملاحظات، علي أن تتابع لجنة أخري تابعة للقوات المسلحة كل ما يذاع في القنوات الفضائية أو الراديو أو مواقع الانترنت، علي أن يشرف اللواء ممدوح شاهين علي اللجنتين.

وأضاف المصدر أنه سيتم استدعاء لجنة تعديل الدستور لتسلمها تقرير بأهم الملاحظات القانونية لتعيد قراءتها ومراعاتها في الصياغة النهائية للتعديلات قبل طرحها للاستفتاء .

المصرى اليوم

شارك هذه المشاركه


رابط المشاركه
شارك

صفحة المستشار طارق البشري ،،

بيشرح فيها الاستفسارات عن التعديلات الدستورية و وجهة نظره

http://www.facebook.com/pages/%D8%A7%D9%84%D9%85%D8%B3%D8%AA%D8%B4%D8%A7%D8%B1-%D8%B7%D8%A7%D8%B1%D9%82-%D8%A7%D9%84%D8%A8%D8%B4%D8%B1%D9%8A/137283689625431

شخصيا مش قادر أكون رأي ،،

شارك هذه المشاركه


رابط المشاركه
شارك
زوار
هذا الموضوع مغلق.

  • محاورات مشابهه

    • انفراد| ننشر التعديلات المقترحة بقانون الضرائب العقارية

      - «المالية» تطلب تعديل 13 مادة.. والعرض على البرلمان فى دور الانعقاد الحالى - حظر توصيل المرافق للوحدات السكنية قبل الإقرار عنها بالضرائب العقارية - ضمانات لعدم تباين الضريبة على العقارات فى نفس المنطقة - زيادة مدة العمل بتقديرات القيمة الإيجارية إلى 7 سنوات بدلا من 5 - إلزام شركات الكهرباء والمياه والصرف والغاز بتقديم بيانات عملائها للمأموريات انتهت وزارة المالية من إعداد مقترح بتعديل 13 مادة من قانون الضرائب على العقارات المبنية «الضرائب العقارية» وذلك من أصل 36 مادة وذلك بناء على

      في مختارات من الصحف

    • سأقول غدا لا للتعديلات الدستورية

      سأقول لا بالفم المليان فى الإستفتاء على التعديلات الدستورية غدا ، ببساطة أرفض أن يتولى مجلس به 50% عمال و فلاحين بالإضافة ل كوتة المرأة ... أرفض أن أعهد لهذا المجلس بمهمة تاريخية تحكم سير الحياة السياسية فى مصر لأجيال و أجيال. أرفض أن أعود للحياة تحت ظل دستور مهلهل و أرفض أن أعهد بمهمة وضع دستور جديد لمجموعة أشخاص أبعد ما يكون عن أن يكونوا خلاصة الفكر القانونى فى مصر. و أتعجب من الإلتباس الذى سمح به المجلس الأعلى للقوات المسلحة و أظنه إلتباسا حدث بحسن نية حيث أن العسكريين أبعد ما يكونون عن

      في سياسة داخلية

    • هل تذكرون إستفتاء ١٩ مارس ؟ على التعديلات الدستورية

      كنت من المتحمسين بشدة لهذا الإستفتاء  و كنت أتوقع أو أتمنى أن يكون الإستفتاء على إلغاء نسبة ال ٥٠٪‏ للعمال و الفلاحين و فوجئت بأنها لم ترد في أسئلة الإستفتاء. بالنسبة لي كان الإستفتاء "مقلب"

      في الحياة النيابية و الديموقراطية فى مصر

    • المحكمة الدستورية في كوريا الجنوبية تقضي بعزل رئيسة البلاد

      المحكمة الدستورية في كوريا الجنوبية تقضي بعزل رئيسة البلاد القاضي والرئيس أيهما يعزل الآخر ؟ على رأي الرئيس ترامب حينما قال : رأي هذا المسمى بالقاضي مثير للسخرية وسيتم إبطاله .. الأمر في مصر كان شاذا أو أكثر شذوذا حينما جعل قاضي من نفسه خبيرا تاريخيا وجغرافيا وخرائطيا ... وجعل نفسه فوق الرئيس والحكومة والبرلمان وكأنه كان يقول لا معقب لحكمي ولا راد لقضائي والنهاردة مفيش حكومة ولا برلمان أنا الحكومة  بعيدا عن حكاية رئيسة كوريا نحترم القضاء حينما لا يتعدى حدوده ولا يزايد على الد

      في سياسة دولية

    • الدستورية العليا تقضي بعدم قبول دعاوى حل تأسيسية الدستور

      حكم فكسان وجاء بعد الهنا بسنة تأسيسية ايه وشرعية ايه واحقية ايه ماهم طلعو لطاف جدا امال المتأسلمين كانو بيرهبوهم ليه

      في سياسة داخلية

×
×
  • اضف...