اذهب إلى المحتوى
محاورات المصريين

الاستفتاء على التعديلات الدستورية


masraweya

  

68 اصوات

  1. 1. هل توافق على التعديلات الدستورية المقترحة كلها

    • نعم
      29
    • لا
      39


Recommended Posts

لماذا أرفض التعديلات الدستورية؟

« My Bookmarx 03/08/2011

My Bookmarx 03/11/2011 »

لماذا أرفض التعديلات الدستورية؟

11 مارس 2011 من تأليف Tamer Mowafy

هناك أكثر من سبب يدعونى لرفض التعديلات الدستورية المقترحة حاليا و لكننى أرغب أن أسلط الضوء بشكل تفصيلى على أهم هذه الأسباب فى رأيى الشخصى..

التعديلات الدستورية ترسم خارطة طريق لوضع دستور جديد للبلاد و رغم أن هذا من حيث المبدأ يبدو إيجابيا و هو ما يمكن لكثيرين أن ينخدعوا به إلا أن السبيل الذى تحدده التعديلات لوضع الدستور الجديد مناقض تماما للأصول الديموقراطية لكتابة دستور يؤسس لحياة ديموقراطية سليمة..

توكل التعديلات إلى مجلسى الشعب و الشورى المنتخبين فى أول إنتخابات لاحقة بإقرار التعديلات مهمة إختيار لجنة مكونة من مائة عضو تقوم بوضع الدستور الجديد .. و لا تنظم التعديلات بأى شكل طبيعة اللجنة المفترض إختيارها و لا توضح حتى إن كان ينبغى إختيارهم من بين أعضاء المجلسين أم لاو بالتالى فالأمر متروك بالكامل لما يتفق عليه أغلبية أعضاء المجلسين.

البعض يجد أن المشكلة تكمن هنا فى أن الإنتخابات البرلمانية المتعجلة فى خلال شهرين فقط من إقرار التعديلات قد تأتى ببرلمان لا يعبر عن التوازن النسبى الحقيقى للقوى السياسية فى الساحة خاصة و أن معظمها يفتقر إلى أدوات التعامل مع العملية الإنتخابية .. و رغم أن هذا صحيح و مصدر قلق إلا أن ماهو أهم من ذلك أنه يغيب عن النقاش إلى حد كبير حقيقة أن الجمعية التأسيسية التى ينبغى أن تقوم بوضع دستور جديد للبلاد تختلف إختلافا جذريا عن البرلمان الممثل للتوازنات السياسية.

إختلاف الجمعية التأسيسية عن البرلمان ينبع أساسا من إختلاف مهمة كل منهما .. فالبرلمان دوره تشريعى و رقابى و يعبر عن توجه سياسى إختاره غالبية الشعب لقيادة البلاد لفترة محددة مع إمكان تبدل الإختيار الشعبى لهذا التوجه مع نهاية هذه الفترة .. فى المقابل الجمعية التأسيسية تنتخب من الشعب لأداء مهمة محددة واحدة و هى كتابة دستور هو عقد إجتماعى يرسم طبيعة الدولة و حقوق مواطنيها و طبيعة السلطات الحاكمة و علاقة كل منها بالأخرى إلخ .. و حيث أن أى عقد هو بطبيعته توافقى و لا يمكن لأى طرف فيه أن يفرض إرادته على الأطراف الأخرى فإنه لا يجوز تغييب أى طرف محتمل عن كتابة العقد أو الموافقة على بنوده.

هذه الحقيقة الهامة هى ما يحكم طريقة إنتخاب أى جمعية تأسيسية و طريقة عملها و أسلوب التوصل إلى قراراتها .. فهى لابد أولا و قبل أى شيئ أن تعبر عن كافة فئات المجتمع الذى ستكتب دستورا جديدا لدولته ..و هذا يستدعى أمرين:

1 – إنتخاب الجمعية التأسيسية لا يتم بنظام الإنتخاب الفردى بل بإنتخاب قائمة موحدة يتم فيها تمثيل كل طائفة و فئة فى المجتمع بنسبتها العددية ..

2 – قرارات الجمعية التأسيسية لا تتم بغالبية أعضائها مباشرة بل تشترط تمثيل كل الفئات و الطوائف فى الأغلبية بنسبها أيضا..

و دون الدخول فى المزيد من التفاصيل فإن التعديلات الدستورية و بينما ترسم طريقا لكتابة دستور جديد فإنها قد وقعت فى خطأين فادحين:

1 – حرمت الشعب من أن ينتخب بشكل مباشر الجمعية التأسيسية التى ستكتب دستورا دائما يكون حاكما لتفاصيل حياته لفترة غير محددة من تاريخه.

2 – لم تضع أى شروط لطريقة إختيار الجمعية التأسيسية أو لطريقة عملها تضمن أن يكون الدستور الذى ستكتبه عقدا توافقيا معبرا عن كافة طوائف و فئات الشعب و هى بذلك تهدر حقوق كل الأقليات العددية داخل البرلمان علما بأن هذا البرلمان تحديدا قد يحتوى أقليات عددية تمثل أغلبية فى الشارع!

هذا فى إعتقادى الشخصى هو أهم دوافعى لرفض التعديلات الدستورية المقترحة

39_17.png

39_18.png

رابط هذا التعليق
شارك

  • الردود 341
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

نتكلم في المفيد بقى

انا بادور على الحوار اللي اتعمل مع طارق البشري عن التعديلات الدستورية

طبعا انا على رأي علاء سيف من القلة المندسة اللي حتصوت بنعم على التعديلات الدستورية، لأن اللي بيقول لا مش بيطرح اي بديل غير ان الجيش يقعد اكتر من كده

الجيش ينفع يقعد اكتر من ست شهور؟ ده قعد شهر ونص وابتدا يزهق وابتدينا نتعب

انا شايفة ان التعديلات دي كويسة، خصوصا ان المادة 189 مكرر بتنص على ضرورة انتخاب لجنة تأسيسية لكتابة دستور جديد، وانتخاب لجنة من برلمان منتخب احسن واكرم وانزه، امال يعملوا دستور جديد من لجنة تعيين المجلس العسكري؟ ده دستور مؤقت ومنصوص فيه انه دستور مؤقت

وبعدين انا مش عايزة الجيش يقعد اكتر من كده، لو ينفع يمشي امبارح يبقى ياريت

عن نفسي، انا قاعدة في بيتنا دلوقت، ومش حانزل غير اروح الشغل، وارجع اقرا التعديلات واعمل المناقشات واكتب في الموضوع ومش ناوية انزل غير على الاستفتاء ان شاء الله

لأني مش عايزة الجيش يقبض على حد تاني ولا يعذب حد تاني، ويبدو ان اقناعه بأي حاجة من دي صعب

هم بالنسبة لهم المليون ده الشعب، حيبوسوه ويحضنوه وينططوه على الدبابة ويشيلوا عياله ويسيبوه يتصور جنبهم

اقل من مليون لحد ميت الف، ده العيال بتوع الفيس بوك، وما عرفوش يقنعوا الشعب بكلامهم

اقل من ميت الف لحد عشرتلاف، دول المجانين اللي مش عارفين هم عايشين ليه

اقل من عشرتلاف دول القلة المندسة والبلطجية واللي عندهم اجندات وبياخدوا 50 يورو او بيشتغلوا لحساب امن الدولة او عملاء للخارج او الداخل او اي حاجة.. المهم ان دول حينضربوا ويتعذبوا ويتاخدوا في محاكم عسكرية ويتعمل فيهم اللي ما اتعملش.. واللي حيتقبض عليه من وسطهم يبقى بلطجي، امال كان نازل في اقل من عشرتلاف ليه؟

فأنا شخصيا مش حانزل غير مع الشعب بعد كده...

دلوقت، الشعب يريد أن يفهم الدستور. آه ليه؟ ولا ليه؟ ولو آه ايه اللي حيحصل، ولو لأ ايه اللي حيحصل؟

- بالنسبة للمجلس الرئاسي، مافيش تشكيلات اتعملت بالمجلس الرئاسي واسماء واضحة للناس

ومن ثم

مافيش مليون نزلوا يقولوا عايزين المجلس الرئاسي

وعليه

فالمجلس العسكري اللي ما بتوصلوش ذبذبات اصوات اقل من مليون مش حيسمع مجلس رئاسي لأنه مش حيحط حد مش منتخب

يبقى كده المجلس الرئاسي بخ.. ما نزلتش معاه العدد المطلوب

وبعدين المجلس الرئاسي وتشيل المشير طنطاوي؟ انت لو بتبرم في الشارع وبتتكلم مع الناس العادية زيي تعرف ان المشير طنطاوي تحول الى بطل شعبي دلوقت واي حد الجيش بيضربه ويعذبه الناس بتقول: اصلهم بيشتموا سيادة المشير

عشان تقنع الناس بأن المجلس الرئاسي ده عشان تريح سيادة المشير مش عشان تمشيه وتزعله، لازم تنزل تتكلم مع الناس، ولازم تعرض عليهم اسماء، ما عملتوش الشغل ده من بدري ليه؟ الوقت بيمر والجيش ابتدا يجز على سنانه، وانا حضرت فض اعتصام التحرير والاهالي بيزايدوا على الجيش في الضرب وبيقولوا للمعتصمين: انتوا بتقولوا ادبكم على الجيش.. نعمل ايه احنا دلوقت طاه؟

ناخد بالنا بقى من عصام شرف، ونقدم له طلب بتجميد امن الدولة والتحفظ على العاملين فيه مش اعادة هيكلته، هيكلة ايه؟ مش عايزينه تاني ده

ونقول له يتوسط لنا عند المجلس العسكري عشان يطلع الناس اللي اخدت احكام عسكرية، وياريت يبقى ما يعذبش حد تاني.. بعد اذنه يعني

بديل ان الجيش يقعد اكتر من مدة ست شهور ده مش مطروح اساسا.. يا اما ما اسمعش حد يشتكي بعد كده ويقول الجيش عذبني الجيش ضربني.. هو ده النظام، حيقعد اكتر من ست شهور على كده؟

البديل: دستور جديد

ايوة اللي هو ايه؟ مين اللجنة اللي حتعمله؟ وحتتشكل بناء على ايه اللجنة دي؟ يعني انا قدامي فرصة اني يبقى عندي لجنة منتخبة واختار لجنة مفروضة عليا من الجيش؟ وتعمل لي دستور جديد؟ لا بقى.. في الحالة دي يبقى ننزل القضاة انتخابات بقى، وتخيل بقى المستشار طارق البشري نازل في انتخابات واحنا كاتبين على وشنا

yes we can

.. وكده الجيش حيقعد اكتر

انا ممكن اتعامل مع برلمان 50 في المية منه منتخب فساكونيا، اتعامل مع رئيس منتخب فساكونيا، ولا اني اتعامل مع حكم عسكري لمدة اطول.. سيبوهم يمشوا بقى، اتخنقوا.. اتخنقوا.. وخنقتهم مش حلوة علينا، لحم قصاد حديد، وما بيستوعبوش قلة ادبنا، مافيش ظابط حيقبل انه يتهزأ قدام العساكر بتوعه، ويتهزأ دي يعني لما يقول لك اعمل حاجة تقوم ما تعملهاش.. دي بالنسبة لظابط جيش قلة ادب ولو ما سمعتش كلامه قدام العساكر بتوعه يبقى بتهزأه..

لازم يرجعوا ثكناتهم، احسن لهم واحسن لنا

بالنسبة للانتخابات البرلمانية

انا متفائلة بيها

لأن قوة التصويت ايام مبارك كانت 30 في المية.. او على وجه الدقة، 27 في المية

فيه تلاتة وسبعين في المية ما كانوش بينزلوا عشان مش عايزين المطروح، التلاتة وسبعين في المية دول حينزلوا الانتخابات البرلمانية، ومش نازلين عشان ينتخبوا الوطني والا كانوا انتخبوه طول السنين اللي فاتت، ومش نازلين ينتخبوا الاخوان اللي عاملين لكم عقدة دول، والا كانوا نزلوا سندوهم قدام الوطني، ولا طبعا حينتخبوا الاحزاب الكرتونية والا كانوا نزلوا انتخبوها قبل كده

دول نازلين ينتخبوا حاجة جديدة بورقها

حضروا لهم الجديد اللي بورقه

لكن مافيش حاجة اسمها تقول: سقط كل الدفعة عشان انا مش مذاكر ولو امتحنت حاسقط

طب ما تذاكر وفيه ناس كتير مستعدة تديك درجات رأفة

حضر حزبك وقوائمك وشيلهم في التلاجة لحد ما قانون الاحزاب ينزل واهو قرب ينزل واعمل حزبك في ساعتها وانزل للناس في الشارع بقى واتكلم معاهم، واطلع في التلفزيون كتير واهو التلفزيونات اتفحت واون تي في بقت اذاعة الثورة ومتحمسين قوي يعرضوا اي حاجة لها علاقة بالتغيير، حتلحق تكون خميرة في الشارع لو طلعت في التلفزيون باسم حزبك وطلعت حد نضيف يتكلم وتنزل ناسك الشارع

تأجيل الانتخابات البرلمانية حيدي فرصة للحزب الوطني انه يلم نفسه تاني وهو متدهول دلوقت

واذا كنتوا خايفين من الاخوان.. اطمنوا، مبارك عمل ضدهم دعاية عايزة تلاتين سنة تانيين عشان تتمسح من مخ الناس

انا مطمئنة ان شاء الله للانتخابات البرلمانية، واغلب الظن ان البرلمان اللي جاي حيبقى برلمان ائتلافي، لأن الناس حساسة قوي دلوقت، واي حد بيتشم من ريحته انه بيعوز يكتسح بيخسر عشر نقط عند الناس فورا، كل الناس مقدمة

low profile

عشان حاسة ان الناس مش قابلة زعامة ولا اكتساح

بعد كده الانتخابات الرئاسية حتبقى كويسة ان شاء الله

قوم تعمل دستور جديد ببرلمان فيه نسبة نزاهة على اقل تقدير خمسين او سبعين في المية

قوم البرلمان ده ينتخب اللجنة التأسيسية بما يعبر عنك

لكن ما تعملش دستور جديد بلجنة اللي عاملها لك المجلس العسكري.. وإلزامي ان البرلمان والرئيس يعملوا دستور جديد، ده في المادة 189 مكرر

المهم يعني الاستفتاء شكله كده حيتأخر.. وانا بصراحة مش عايزاه يتأخر، لأن ده معناه ان الجيش حيقعد اكتر

ومش عايزاه يفشل لأن برضه ده معناه ان الجيش يقعد اكتر

والدنيا عمالة تبهوأ وتظروط وتفك من بعضها، ولو فضلت الوتيرة كده الجيش حيرمينا من الشباك، مش بس حيعذبنا

المهم

اقروا البوست ده

واقروا الحوار مع طارق البشري في الاهرام النهاردة الصفحة 10 في عدد الجمعة

البرادعي عايز الجيش يقعد سنة، وبيقول لنا

why the rush

طبعا يا عم.. هو انت اللي بتنضرب؟

منقووووول عن نوارة نجم ،،،

النهاردة كنت في الميدان ،،

و قعدت في جلسة نقاش بالصدفة ،،

الناس متحفزة جدا و عندهم خوف غير عادي ،،

و متضايقين جدا من إنهاء الإعتصام

و حاسين بسرقة الثورة لأقصي درجة ممكنة ،،

و بيتناقشوا بس ايه الآليات الجديدة أو إزاي يجمعوا الناس للمظاهرات و الإعتصام (( عازرهم مهما شايفين دي الطريقة الوحيدة اللي بتجيب نتيجة ))

بعضهم هاجم حركة 6 أبريل و هاجم ائتلاف شباب الثورة شايف إنهم ركنوا للهدوء و تخلو عن الشارع و رجعوا بيوتهم

و بيقترحوا عليهم مادام هما كرروا تعليق الاعتصامات يبقي ندبسهم في لجان شعبية مع الشرطة و الجيش لإعادة الأمن

رأي تاني إنهم يجيبوا طلبة الجامعة و دوول إحضارهم سهل جدا لأنهم حماسيين بطبعهم

راي تالت ينضموا للاقباط في إعتصامهم منها رسالة وحدة وطنية و منها تأكيد علي المطالب القديمة

راي رابع تشكيل مجلس رئاسي في الظل و عمل دستور في الظل و حكومة في الظل كأمر واقع ،،، و إجبار المجلس العسكري عليه

عن طريق الإعتصامات و المظاهرات المليونية و لازم المجلس العسكري يوافق

رأي خامس عمل قناة للثورة حالا للوقوف ضد الإعلام الموجهه و ضد حالة إختراق الفيس بووك الفظيعة

بعض الحكماء ،، قالوا نشكل جهة أو إئتلاف و نضغط علي المجلس العسكري و عصام شرف و شايفين إن فكرة الإعتصامات تم إختراقها و فقدت بريقها

أنا قولت رأيي و قولت نركز في الانتخابات و نقف ورا مرشح واحد بحد أدني من المطالب نعاهده عليها و من خلاله نحقق مطالبنا

قوبل رأيي باستهجان و حتي اتكتب بطريقة كوميدية (( تأجيل المطالب بعد الانتخابات الرئاسية )) و فكرتي طبعا مش بالسذاجة دي

الإجماع علي القلق و الإحساس بسرقة الثورة و إنعدام الثقة في اي حد غير مطالب الثورة بحذافيرها

الجميل برده إن كان فيه إجماع علي إن حتي لو الجيش داسهم بالدبابات مش هيقفوا ضده أبدا ،، لنفس السبب اللي قلت قبل كده إن الجيش مش قادة

الجيش كيان كبير مختلف و متنوع

03zjkty10.jpg

رابط هذا التعليق
شارك

بخصوص الاستفتاء على التعديلات

في تنويه من القوات المسلحة امبارح عن آليه الاستفتاء

1. كل من يحمل بطاقة الرقم القومي وعمره 18 سنة فما فوق من حقة الانتخاب ويبلغ عدد المرشحين للانتخاب 40 مليون مواطن باستثناء الفئات الممنوعة من الانتخابات وهي رجال الجيش والشرطة والقضاء

2. الانتخاب بالحبر الفسفوري لضمان عدم تكرار الانتخاب وكل من يحاول الانتخاب اكثر من مرة يعاقب بالحبس مدة لا تقل على 6 شهور ولا تزيد عن عام مع غرامة ماليه ( مش فاكر قيمتها )

4. يسلم الناخب ورقة فيها ارقام المواد المقترحة للتعديل وامام كل مادة خانتين اوافق / لا اوافق

5. يقوم بالاشراف على الاستفتاء 16 ألف من رجال القضاء ويجوز لكل رئيس لجنة الجمع بين اربع لجان على ان يقوم بازالة الفواصل بينهم بيحيث يكونو جميعا ظاهرين امامه ويشرف عليهم مباشرة

منقوووووووول من منتدي آخر

03zjkty10.jpg

رابط هذا التعليق
شارك

هل الموافقة علي التعديلات الدستورية هو تأخير العمل بدستور جديد الذي يعلو الصوت فيه علي العمل علي الغاء المادة الثانية من الدستور

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

اخواني المواطنين الشرفاء

لاحظت ان اغلب البرامج التي تستضيف الداعمين للموافقة على التعديلات الدستورية و الشارحين لها تكون

في التليفزيون المصري (فاقد المصداقية

في ساعات متأخرة من الليل

مش عارفة ملاحظتي دقيقة ام لا

لكنها ذكرتني بمشهد في مسرحية سك على بناتك

سامح .. و هو يصر أن يفعل عكس ما يقول استاذه

حتى لما قاله "اعمل اللي انت عاوزه" .. كان رده التلقائي -بعد شحنه من نادية- مش هعمل اللي انا عاوزه

يا ريت ما يكونش دافعنا للقبول او الرفض هو شخص المئيد او المعارض

بل قناعتنا و فهمنا

لهذا تعمدت وضع وجهتي النظر

و ساعدتني فتفوتة

:give_rose:

39_17.png

39_18.png

رابط هذا التعليق
شارك

طب الله يخليكى يا مصراوية تقراى كلام نوارة نجم لانها جعلتنى اكثر ترددا

انا كنت ناوية ارغي تاني في التعديلات الدستورية عشان انا اسيبكم اقعد اقرا في حاجات واكلم ناس قانونيين اسألهم

وكل ما اقرا واسأل اكتر الاقي نفسي متمسكة باني اقول نعم للتعديلات الدستورية، ما حدش يضحي بديمقراطية وحياة مدنية ويفضل عليها حكم عسكري الا اذا كان اهبل، ولما الناس بتطول في الحكم ممكن دماغها تزقزق

هم حددوا لنفسهم معاد يمشوا فيه، ولازم يمشوا فيه، اسكتوا لبعدين تكبر في دماغهم ويفضلوا قاعدين

المهم، المادة 190 دي مادة معطلة سقطت بانتهاء الفترة الاولى للسادات وفيه اسباب ليه ما اتشالتش حابقى اشرحها لما افضى، المادة 189 ملزمة لانها احالة الى منهجية التعديل وليس الى صلاحية التعديل

الخلاصة: الدستور ده مؤقت، يلزم البرلمان والرئيس بكتابة دستور جديد، ويخلي الرئيس والبرلمان اللي جايين انتقاليين

وكمان سألت في المجلس الرئاسي، المجلس الرئاسي ما هو الا ستار للمجلس العسكري، بمعنى ان المجلس الرئاسي هو حكم عسكري بمشاركة مدنيين واحنا مش محتاجينه لان الوزارة المدنية تغني عنه، والمجلس العسكري مش حيسلم السلطات الا لسلطة شرعية منتخبة وهي البرلمان والرئيس، يعني حتى لو عملنا مجلس رئاسي الشرطة العسكرية حتفضل موجودة، والجيش مش حيرجع لثكناته

احنا مش محتاجين اعلان دستوري لان الدستور القائم هو دستور مؤقت، وهو بمثابة الاعلان الدستور، كل ده واكتر حاحكي فيه بعد ما قعدت مع قانونيين فهموني، وابقوا اقعدوا انتوا كمان مع قانونيين ما يبقوش متغاظين انهم ما حدش حطهم في اللجنة

كمان الدستور الدائم محتاج يتعمل على مهل

وفي ظروف يبقى فيه حياة مدنية متكاملة، مش شرطة عسكرية ومحاكم عسكرية، قال وبتتخانقوا مع الجيش عشان مش معترف بحقك في الاحتجاج والتظاهر السلمي.. انتوا حتمثلوا؟ احنا في احكام عرفية وتحت حكم عسكري، هو فيه حكم عسكري عامل احكام عرفية وسايب البلد نادي الجزيرة كده؟

اثناء كتابة دستور جديد احنا محتاجين نقاش مجتمعي، يمكن ينتج عنه بعض المساجلات، التي قد تؤدي الى بعض الاحتجاجات، وفيه نقاط حساسة، زي مثلا المادة التانية، وزي خمسين في المية عمال وفلاحين، وطبعا الناس حتسخن، وعايزة تنزل تتظاهر

تنزل بقى والشرطة العسكرية تعذبها وتقدمها لمحاكم عسكرية؟

استمرار الحكم العسكري لاكتر من ست شهور حيعمل في المصريين حاجة من الاتنين:

يا اما حيكسر نفسهم ويرجعوا زي ايام عبد الناصر ومحمد علي ويتكتموا وعمرهم ما يتقام راسهم تاني

يا اما حيحصل احتكاك بين الجيش والشعب والجيش يفقد هيبته ومن ثم امن البلد القومي كله يتعرض للخطر

الجيش لازم يمشي.. الجيش لازم يمشي

مافيش حاجة حتمشيه غير الدستور المؤقت ويسلم السلطة لسلطة شرعية منتخبة... وعيب قوي ان احزاب مرخصة تدعي انها خايفة من منافسة حزب الشعب عمل عليه ثورة اساسا، وجماعة قعدت تلاتين سنة محظورة، وهم الاحزاب الشرعية الوحيدة، وتيارات سياسية كلهم كانوا ماسكين منابر البلد واخدوا فرصهم ايام مبارك اكتر من الاخوان بكتير، الفاشل فاشل، والله لو اجلنا له الانتخابات خمسين سنة، عمره ما حيفلح، ومش عشان هم فشلة احنا نفضل تحت حكم عسكري

الخلاصة، اللي عايز يطول الحكم العسكري يقول لا للتعديلات الدستورية

الحياة المدنية احسن الف مرة من اي حكم عسكري.. وعشان انا باحب الجيش واخاف تغير.. احسن يرجع ثكناته ويفضل محتفظ بصورته الحلوة في خيال الناس، وهو كمان حيرمينا من الشباك بعد شوية لانه اساسا مش فاهم احنا ايه ده؟ عيال مطولة شعرها، وبنات بتنام في الشارع وحاجة اخر هرجلة، ودي ناس من 86 ما جاتش من الصحرا، وواحد فيهم يقول لي: انا مش منعزل، انا بانزل اجازات.. يا جدعان خليهم يروحوا في حالهم بقى

رابط هذا التعليق
شارك

بخصوص الاستفتاء على التعديلات

في تنويه من القوات المسلحة امبارح عن آليه الاستفتاء

1. كل من يحمل بطاقة الرقم القومي وعمره 18 سنة فما فوق من حقة الانتخاب ويبلغ عدد المرشحين للانتخاب 40

مليون مواطن باستثناء الفئات الممنوعة من الانتخابات وهي رجال الجيش والشرطة والقضاء

صحيح

2. الانتخاب بالحبر الفسفوري لضمان عدم تكرار الانتخاب وكل من يحاول الانتخاب اكثر من مرة يعاقب بالحبس مدة

لا تقل على 6 شهور ولا تزيد عن عام مع غرامة ماليه ( مش فاكر قيمتها )

صحيح

4.يسلم الناخب ورقة فيها ارقام المواد المقترحة للتعديل وامام كل مادة خانتين اوافق / لا اوافق

غير صحيح .. الاستفتاء لا زال جملة واحدة على لسان عضو المجلس العسكري مساعد وزير الدفاع للشئون القانونية و الدستورية

5. يقوم بالاشراف على الاستفتاء 16 ألف من رجال القضاء ويجوز لكل رئيس لجنة الجمع بين اربع لجان على ان يقوم بازالة الفواصل بينهم بيحيث يكونو جميعا ظاهرين امامه ويشرف عليهم مباشرة

صحيح

منقوووووووول من منتدي آخر

جزاكم الله خيرا

39_17.png

39_18.png

رابط هذا التعليق
شارك

طب الله يخليكى يا مصراوية تقراى كلام نوارة نجم لانها جعلتنى اكثر ترددا*************

شوفي يا حبيبتي

نوارة لخصت مخاوفنا من قول لا .. لو راجعتِ المداخلات .. هتلاقي ده اللي خايفين منه.. طول بقاء العسكر .. لا و ايه .. هنبقى احنا اللي اتحايلنا عليهم يطولوا مدتهم

أكبر مخاوفي شخصيا لو قلنا نعم .. كانت ان الرئيس الجديد ييجي قبل المجالس أو يحل المجلس و اللجنة التأسيسية

خصوصا ان صلاحياته غييييييير محدودة

لكن اعترف ان هذه المخاوف هدات كثيرا

39_17.png

39_18.png

رابط هذا التعليق
شارك

بالمناسبة .. اللواء ممدوح شاهين قال ان اللجان هيعلن عنها على موقع اللجنة القضائية العليا للانتخابات

اذا كنت في محافظة أخرى .. تعتبر من الوافدين و يحق لك الادلاء بصوتك في اي لجنة

اللجنة القضائية العليا للإشراف علي استفتاء تعديل الدستور المصري

رابط هذا التعليق
شارك

المشكلة إن كل واحد راسم سيناريو في خياله ،، و شايف إنه الأفضل ،،

و المشكلة التانية ،،، الخوف و عدم الثقة في اي شئ ،،

طب لو عملنا بيان دستوري مؤقت ،، أيه الضامن إن الرئيس (( المنتخب )) و مجلس الشعب ((المنتخب ))

ميتحفوناش بدستور ديكتاتوري محترم ؟؟؟؟

في وجهة نظري إن الضامن هو عنصر الوقت السريع ،، قبل ما الثورة تفقد زخمها و الناس تهدي و تنسي

و الضامن التاني الديمقراطية السريعة

مفيش قوة دلوقتي تقدر تحصد الأغلبية

و الإختلاف و التنوع و تضارب المصالح و الأفكار هوا الضامن و ليس مجلس الشعب الملائكي المثقف الواعي الفاهم اللي أي حد بيحلم بيه

هما السيناتورات و لا مش عارف اسمهم ايه دوول بتوع أمريكا ،، ناس فاهمة و واعية و مثقفة و الشعب الأمريكي خبير سياسي بيختارهم بناء علي ذلك ؟؟

خلينا نتفق إن الحزب الوطني ،،،،، إستحالة ينتهي !!!!!

ممكن نحله ،،، بس هنبقي مجرد بنحل رمز صوري و بنطيب خاطر الناس مش أكتر

الحزب الوطني فكرة قائمة علي استغلال السياسة من أجل المصلحة الشخصية

و ده عمره ما هيخلص !!!!!!

للابد هيفضل الناس اللي عايزه تشتغل في السياسة منهم اللي بيدور علي الفلوس و منهم اللي بيدور علي السلطة و منهم اللي بيدور علي المجد الشخصي

و قلة منهم اللي هتكون بتدور علي خدمة الناس فعلا

أيه الحل ؟؟؟

إن إحنا ندور علي ما يقلل ذلك لأقصي درجة ،،

- انتخابات نزيهة بجد

- قانون يجرم الرشوة السياسية (( أعتقد موجود بالفعل ))

- أفكار فنية تانية زي الانتخاب بالقائمة للالتفاف حول القبلية

- إعلام شفاف (( اصبح متوفر الان عن طريق الإعلام الشعبي )

- جهات رقابية و قضائية لا تخضع لأي سلطة

ساعتها هيكون العمل السياسي عبء و تكليف أكثر منه مصلحة و سلطة

اتمني قوي الثورة تتخطي مرحلة الشكليات و السيناريهوات المملة سريعا و تنتقل للهدف السادس من أهداف ثورة يوليو

** إقامة ديموقراطيه سليمه **

مع إضافة كلمة من عندي بأسرع وقت ممكن و كفاية خووووووف

تم تعديل بواسطة Ahmed Anwer

03zjkty10.jpg

رابط هذا التعليق
شارك

التعديلات ترقيع لا داعى له

انا شايف ما يلى :

1- اعلان دستور 25 يناير : مختصر ويتضمن مطالب الثورة واهدافها

2- يتم تسليم السلطة لمجلس رئاسى منتخب لمدة سنتين خلفاً للمجلس الاعلى للقوات المسلحة الذى تولى تنفيذ معظم مطالب الثورة حتى الان بنجاح

3- اتمنى انشاء نظام تصويت الكترونى مرتبط بالرقم القومى وبنظام تشفير محترم لاختيار المجلس الرئاسى والاختيار بين صياغات مواد الدستور المطروحة .. مادة .. مادة .. على مدى سنتين من الان .

4- بعدها يتم انتخاب مجلس الشعب ولا أرى اى داعى لمجلس الشورى.

ضوابط صياغة مواد الدستور الدائم :

------------------------------------

1 - صياغات مواد الدستور الدائم يمكن ان يتقدم بها اى حزب سياسى تم اشهاره .. وينبغى ان تنصهر التكتلات المهنية والدينية والخيرية داخل احزاب سياسية ليصل راى اعضائها السياسى بطريقة سليمة ولا يحدث تضارب مصالح.

2- لابد من وضع فترة شهرين على الاقل من الان لاتاحة تكوين الاحزاب الجديدة .

3- بعد ذلك تؤخذ الاقتراحات للمواد .. واحدة واحدة ..ويتولى رئيس المحكمة الدستورية و المجلس الرئاسى فلترة الصياغات المتشابهة .. ويتم التصويت الالكترونى عليها .

4- بالنسبة للأميين يتم التاكيد على عدم اعطاء كلمة السر لاى شخص ثم اتاحة لجان تصويت الكترونى بها كبائن مغلقة مجهزة بشاشات وسماعات تقرأ عليه ما هو مكتوب على الشاشة وترشده للضغط على خيار نعم او لا بعد ادخال الرقم القومى وبعدها كلمة السر.. كأنه يطلب تليفون تماماً

وينبغى تجهيز كبائن خاصة لذوى الاحتياجات الخاصة ايضاً.

5- يجب التحضير لهذا المشروع خلال الشهرين القادميين بالتوازى مع فتح باب تكوين الاحزاب

6- يمكن للمواطنين اختيار اى صيغة من الصيغ الملائمة او رفضها جميعاً .. بحيث لا تبقى مادة بالدستور الا وهى حاصلة على تأييد اغلبية الشعب

( كفى بالمرء إثماً أن يحدث بكل ماسمع )

رابط هذا التعليق
شارك

يعني الحزب الوطني موافق علي التعديلات نعمل احنا ايه بقي

مصراوي

الحزب الوطني يدعو أعضاءه لتأييد التعديلات الدستورية

دعا الحزب الوطنى الديمقراطى قياداته وأعضاءه فى محافظات الجمهورية إلى المشاركة فى الإستفتاء على التعديلات الدستورية المقررة "السبت" القادم.

وأكد الأمين العام للحزب الدكتور محمد رجب - فى تصريح صحفى "الأحد" - أهمية خروج أعضاء الحزب وأبناء الشعب المصرى لتأييد التعديلات الدستورية لما تتضمنه من تيسيرات جديدة أمام الراغبين فى الترشح لمنصب رئيس الجمهورية وتحديد مدة الرئاسة بمدتين فقط بالإضافة إلى باقى التعديلات المهمة التى أصدرتها لجنة تعديل الدستور.

وقال: إنه أصدر توجيهاته لقيادات وأعضاء الحزب فى المحافظات بضرورة المشاركة فى الإستفتاء وتأييد التعديلات الدستورية لما تحققه من الشرعية الدستورية والإنتقال إلى مرحلة جديدة من العمل الوطنى.

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

قرر المجلس الأعلى للقوات المسلحة اعتبار السبت المقبل 19 مارس إجازة رسمية بالجهاز الإدارى بالمدارس والجامعات بمناسبة الاستفتاء على التعديلات الدستورية.

ورئيس اللجنة العليا: الاستفتاء في موعده… وإشراف قضائي كامل والجيش والشرطة يؤمنان اللجان من الخارج

رابط هذا التعليق
شارك

كل المقترحات البديلة للتعديلات جميلة جدا

لكن الواضح ان الشارع غير متفاعل معها

اما لعدم الفهم و بالتالي عدم الاهتمام

او - وهو ما أرجحه - انقسام المثقفين حولها

كان المفروض يتفقوا مثلا على انتخاب مجلس رئاسي بدستور مؤقت و ظيفته تسيير البلاد و الاعداد لدستور جديد و تنقية القوانين و تهيئة المناخ المناسب .. و من ثم انتخابات حقيقية

و حيث ان هذا لم يحدث و لا زال الانقسام مستمرا و لا يوجد تصور لمرحلة ما بعد لا غير استمرار المجلس العسكري و نترجاهم يدخلوا معاهم مدنيين

فأظنني "مضطرة" لقول نعم

اما حكاية الحزب الوطني .. فرأيي الشخصي ان هذا لا يخرج عن امرين

خيالهم المريض بيصور لهم ان انتخابات برلمانية سريعة تضمن لهم العودة للبرلمان

(لا أظن الشعب المصري- حتى في الصعيد حيث العصبيات- يمكن ان يعيد احدا من هؤلاء .. خصوصا اذا تم تامين اللجان و تفعيل القوانين التي تجرم شراء الاصوات)

او

بيقولوا كده عشان نعند و نقول طب لا

ساعتها ممكن ننجر لفوضى و يفلتوا هم

:closedeyes:

رابط هذا التعليق
شارك

زائر
هذا الموضوع مغلق.
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...