جمال مبارك مكتئب طويل اللحية.. والحرس الجمهوري مازال يحرس مبارك

[Alattar]

من الجمهورية

كشف مصدر مطلع رأي جمال مبارك قبل يومين ان الحالة النفسية لرئيس لجنة السياسات بالحزب الوطني السابق سيئة للغاية.. وتبدو عليه علامات الاكتئاب والاجهاد الشديدين وكانت لحيته طويلة نسبيا.. أكد المصدر ان جمال أدي صلاة الجمعة الماضي مع العاملين والحراس بحديقة القصرين المملوك أحدهما له واللذين انتقلت إليهما أسرة الرئيس السابق داخل منتجع يمتلكه حسين سالم امبراطور الغاز والسلاح.. قال المصدر ان خديجة الجمال زوجة جمال مبارك غير موجودة مع بقية أسرة مبارك ورجح المصدر أن تكون قد سافرت مع أبيها إلي لندن قبل رحيل مبارك عن السلطة.. كان الرئيس السابق حسني مبارك الذي استقرت صحته قد انتقل مع أفراد أسرته المقيمة معه في شرم الشيخ من المقر الرئاسي الرسمي للإقامة بقصرين قريبين مملوكين ومسجلين باسم نجليه علاء وجمال بمنتجع الجولف والمملوك لرجل الأعمال حسين سالم.. ويتمتع مبارك بحسب شهود عيان بإقامة مشابهة لاقامته السابقة بالقصر الرئاسي والذي أثارت اقامته فيه بعد تخليه عن السلطة تساؤلات ومخاوف عند شباب الثورة وتم شراء تجهيزات وادوات مطبخ خاصة بالاقامة الجديدة من محلات السوق القديم بشرم الشيخ تركزت علي أوعية لحفظ الأطعمة وادوات طهو.. صرح مصدر مسئول ل "الجمهورية" بأن شيئا لم يتغير من اطقم الحراسة المشددة والمرابطة حول مقر اقامة مبارك وعائلته الجديد والتي تنتشر داخل وخارج الأسوار ولا تسمح لأي شخص غريب بالاقتراب ولا تسمح بالدخول الا المجموعة محدودة جدا من المترددين سواء من الخدم أو الاطباء وتخضع السيارات التي تقلهم للفحص مع كل مرة يدخلون فيها رغم ان جميع السيارات القائمة علي خدمة الرئيس السابق وعائلته حكومية وتتبع محافظة جنوب سيناء وتعمل 9 سيارات "شيروكي" وثلاث من نوع "البيك اب" تعمل في ركاب الرئيس السابق مع اطقم الطيارين وضباط الحرس الجمهوري والخدم والطباخين وموظفي الشئون الادارية لرئاسة الجمهورية وجميع السيارات تتبع محافظة جنوب سيناء ويعمل عليها 24 سائقا في نوبتين عمل علي مدار الشهر.

يعني ايه يبقي واحد مش ماسك منصب رسمي..و المفترض انه أصبح مواطن عادي

انه يبقي معاه الحراسة الرسمية دي..و كمان حرس جمهوري..اللي هما ولائهم

الأول و الأخير لرئيس الجمهورية فقط..ممكن حد من المسئولين يكون عنده تفسير للحتة دي؟

[rewsha]

كشف مصدر مطلع رأي جمال مبارك قبل يومين ان الحالة النفسية لرئيس لجنة السياسات بالحزب الوطني السابق سيئة للغاية.. وتبدو عليه علامات الاكتئاب والاجهاد الشديدين وكانت لحيته طويلة

يعني ايه بقى .همه هايشلغلولنا كل شويه

مبارك حالته سيئه وفي غيبوبه

دلوقتي جمال مبارك مكتئب ودقنه طويله

بعد شويه هايقولوا سوزان مبارك لبست الحجاب وله اتنقبت وقاعده تعيط

وعاوزه حد من اهالي الخير يتبرع لها بفلوس علشان تروح تعمل عُمره

ايه الهم ده ؟

تم تعديل 2 مارس 2011 بواسطة rewsha

[Alattar]

كشف مصدر مطلع رأي جمال مبارك قبل يومين ان الحالة النفسية لرئيس لجنة السياسات بالحزب الوطني السابق سيئة للغاية.. وتبدو عليه علامات الاكتئاب والاجهاد الشديدين وكانت لحيته طويلة

يعني ايه بقى .همه هايشلغلولنا كل شويه

مبارك حالته سيئه وفي غيبوبه

دلوقتي جمال مبارك مكتئب ودقنه طويله

بعد شويه هايقولوا سوزان مبارك لبست الحجاب وله اتنقبت وقاعده تعيط

وعاوزه حد من اهالي الخير يتبرع لها بفلوس علشان تروح تعمل عُمره

ايه الهم ده ؟

ياروشة أنا كل الكلام ده ما يهمنيش..ما يكتئبوا ولا يتنيلوا بنيلة

ماهم بقالهم 30 سنة معيشين الناس في اكتئاب..مش دي المشكلة

كل اللي غاظني..ان فيه حرس جمهوري معاه لحد دلوقتي ليه؟؟

مش الحرس الجمهوري دي لحماية منشآت الدولة الحيوية و حماية شخصية لرئيس الجمهورية؟؟

يبقي هما قاعدين مع رئيس مخلوع منتهي الصلاحية لــيه؟؟

[doha]

متشغلش بالك سيدي الفاضل لا بالخبر ولا بتفاصيله الدقيقة .. ببساطه لان مصدره الجمهورية الي مكانتش عمرها في يوم من الايام جريده محترمه .. لا عندها مصداقية ولا كفاءات تحريرية ..

من سنين طويلة ومقالات واخبار الجمهورية بتنكتب على طريقة ( مواضيع الانشاء ) ومن اللزمات الضرورية لها وضع توابل وبهارات تظهر كاتب المقال وكأنه عالم ببواطن الامور وتضمن له جذب القاريء لمقاله فاقد المصداقية .. ده غير الحقيقة المعروفه من ان قيادات الجريده انفسهم ولائهم عمره ماكان للشعب ولا عمر التنوير او كشف الحقائق ماكانت من اولوياتهم ..

مفيش حاجه اتغيرت فرؤساء تحرير الجريده هم هم وكتابها زي ماهم وبناء عليه فنفس تعاملك مع اخبار الجمهورية زمان مفروض يكون هو دلوقت .. ارمي ورا ضهرك ومتحاولش تتعب دماغك في تحليلها ..

[rewsha]

يبقي هما قاعدين مع رئيس مخلوع منتهي الصلاحية لــيه؟

والله كلنا بنساْل نفس السؤال ده

بس اصل خبر اكتئاب جمال استفزني

[Alattar]

متشغلش بالك سيدي الفاضل لا بالخبر ولا بتفاصيله الدقيقة .. ببساطه لان مصدره الجمهورية الي مكانتش عمرها في يوم من الايام جريده محترمه .. لا عندها مصداقية ولا كفاءات تحريرية ..

من سنين طويلة ومقالات واخبار الجمهورية بتنكتب على طريقة ( مواضيع الانشاء ) ومن اللزمات الضرورية لها وضع توابل وبهارات تظهر كاتب المقال وكأنه عالم ببواطن الامور وتضمن له جذب القاريء لمقاله فاقد المصداقية .. ده غير الحقيقة المعروفه من ان قيادات الجريده انفسهم ولائهم عمره ماكان للشعب ولا عمر التنوير او كشف الحقائق ماكانت من اولوياتهم ..

مفيش حاجه اتغيرت فرؤساء تحرير الجريده هم هم وكتابها زي ماهم وبناء عليه فنفس تعاملك مع اخبار الجمهورية زمان مفروض يكون هو دلوقت .. ارمي ورا ضهرك ومتحاولش تتعب دماغك في تحليلها ..

والله يا مدام ضحي أنا كان ليا أكثر من موضوع في باب الصحافة و الاعلام بتكلم فيهم عن نفاق جريدة الجمهورية

أنا ما يهمنيش اللي هما كاتبينه..بس الحتة اللي أنا ركزت عليها دي بالذات..كنت قرأتها في أكتر من مكان

و حاسس ان هما بيستفزوا الناس بالكلام ده..يعني ايه يبقي مواطن عادي..بل..ياريته مواطن عادي..ده المفروض

انه متهم..و هيتم ان شاء الله التحقيق معاه حسب ما قرأنا..يبقي معناه ايه انه يبقي معاه حرس رسمي؟؟

ولو الأخبار دي متفبركة..يبقي ايه الغرض منها..اللي أعرفه عن الجمهورية انها .. ماشية بنظام

معاهم..معاهم....عليهم..عليهم

يبقي ايه الغرض دلوقتي انهم يحاولوا يستفزوا الناس..أو يستعطفوهم علي مبارك و عائلته؟؟

الناس دي تعرف ايه احنا ما نعرفوش؟؟

[doha]

و حاسس ان هما بيستفزوا الناس بالكلام ده..يعني ايه يبقي مواطن عادي..بل..ياريته مواطن عادي..ده المفروض

انه متهم..و هيتم ان شاء الله التحقيق معاه حسب ما قرأنا..يبقي معناه ايه انه يبقي معاه حرس رسمي؟؟

ولو الأخبار دي متفبركة..يبقي ايه الغرض منها..اللي أعرفه عن الجمهورية انها .. ماشية بنظام

معاهم..معاهم....عليهم..عليهم

يبقي ايه الغرض دلوقتي انهم يحاولوا يستفزوا الناس..أو يستعطفوهم علي مبارك و عائلته؟؟

الناس دي تعرف ايه احنا ما نعرفوش؟؟

معتقدش ابدا ان في شيء يراد ايصاله من هذه الاخبار .. دي والله اعلم اخبار موجهة اساسا لشريحه كبيرة جدا من المصريين الي ميهمهمش ماوراء الخبر ولا بيشغلوا بالهم بتحليليه وغايه مايسعون للحصول عليه هو ( نماية ) تصلح لقعده العصاري او حوارات ماحول حجر الشيشة ..

معتقدش ان المحرر الي كتب الخبر ده كان موجهه لشخص زي حضرتك بيهتم يقرأ مابين السطور ويستنبط منها .. قراء الجمهورية عادة اما باحثين عن القرارات الوزارية او اخبار اللوائح والقوانين وممكن الوظائف .. او .. موظفين يحصلون عليها بشكل مجاني او بحكم العاده الصباحية في شراءها .. معتقدش ان في فئة ثالثة ممكن تقرأ الجمهورية اللهم الا من باب التندر او اثبات فقد المصداقية فيها زي ماحضرتك ذكرت انك كنت بتعمل زمان .. وعشان كده بقولك بثقة متشغلش بالك .. اتوقع والله اعلم ان مسألة الحرس الجمهوري وغيره مجرد تحابيش جانبية صاغها خيال المحرر وقت كتابته للخبر في مكتبه بس شكلها يعني ( وسعت منه شويه ) ..

اما بالنسبة لمخاوفك ان كانوا يعرفوا الي احنا منعرفهوش .. تقصد ان مبارك يرجع تاني ؟ دي من رابع المستحيلات وبص حواليك وكم الاضطرابات في الدول المجاورة عشان تعرف ان خلاص مبارك وقته انتهى لو هيرجع زي زمان يبقى مفيش غير نرجع الزمان نفسه ..

تم تعديل 2 مارس 2011 بواسطة doha

[Alshiekh]

كل المسئولين السابقين توفر لهم الدولة حراسات خاصة

على سبيل المثال لاالحصر ، الدكتور كمال الجمزورى يقوم على حراسته 12 فرد بالتناوب بالاضافة لضابط يشرف عليهم غير متواجد بصفة دائمة ولكنه يحضر للمرور وتفقد حالة الامن وذلك على الرغم من ان الدكتور كمال الجنزورى يسكن فى شقة عادية فى بيت عادى فى مصر الجديدة.

لكن السؤال هل هم حراسات عادية أم حرس جمهورى؟

[Alattar]

كل المسئولين السابقين توفر لهم الدولة حراسات خاصة

على سبيل المثال لاالحصر ، الدكتور كمال الجمزورى يقوم على حراسته 12 فرد بالتناوب بالاضافة لضابط يشرف عليهم غير متواجد بصفة دائمة ولكنه يحضر للمرور وتفقد حالة الامن وذلك على الرغم من ان الدكتور كمال الجنزورى يسكن فى شقة عادية فى بيت عادى فى مصر الجديدة.

لكن السؤال هل هم حراسات عادية أم حرس جمهورى؟

ما هو يا أستاذ محمد اللي بتحاول بعض وسائل الاعلام انها توصله للناس انهم حرس جمهوري

بس هما ليه عاوزين ينشروا الموضوع ده أوي كده؟؟

الأخت ضحي افتكرت اني خايف مبارك يرجع تاني..أنا عارف و متأكد بإذن الله تعالي ان ده مش هيحصل

عشان أنا كده أنا مستغرب..لأني زي ما قلتلك .. الجمهورية طول عمرها من أيام سمير رجب و هي

ماشية بمبدأ احنا مع صاحب السلطة و النفوذ..و ضد أي حد يخالفهم..يبقي ليه التعاطف اللي بيظهروه

دلوقتي مع مبارك و عائلته ده كله..الخوف بس اننا نلاقي واحد اسمه..محمود حسني مبروك...مرشح نفسه للإنتخابات الجاية