ليبيا تشتعل غضبا - متابعة أخبار الثورة الليبية

[Simba]

نفس السيناريو الغبي قطع النت فرار المساجين انتشار البلطجية .... مفيش إبداع ولا لمسة شخصية ........ مدينة الشرقية الليبية تستقل ولا وجود لأي عنصر امني هناك

[مغتربة]

ربنا معاهم بجد و ينصرهم

مشكلتهم انهم بيجاهدوا ضد واحد مصاب بداء العظمه رسمى

امبارح للاسف غلطت و انا بقلب القنوات و جت فى ايدى قنوات ليبيه حتى القنوات الرياضيه الليبيه كل القنوات كانت جايبه صور مظاهرات التاييد و واحد شاعر كدا القى بقصيده اقسم بالله ان انا مسمعتش زيها فى النفاق و الكدب دا انا لولا انه قال فى البدايه انه بيقولها فى القائد العظيم المغوار معمر القذافى لكنت قولت انه اكيد كتبها فى احد الخلفاء الراشدين

كمان التعتيم الاعلامى الرهيب المفروض تصورا مراسل الجزيره طالع مش قادر يقول الحقيقه طالع بيقول للمذيعه دول اقليه بتنشط فى الليل بحرق كام مقر كدا و خلاص و بتروح على طلوع النهار

المذيعه مش مصدقاه و بتحاول تساله لكن كل اجاباته من نوعيه مش هقول غير كدا انا عندى ولاد عايز اربيهم

ربنا قادر يقف معاهم باذن الله و ينصرهم

[Simba]

قوات امن في بنغازي تنضم للمتظاهرين وتندد بالمرتزقة الأفارقة

[tarek hassan]

نفس السيناريو الغبي قطع النت فرار المساجين انتشار البلطجية .... مفيش إبداع ولا لمسة شخصية ........ مدينة الشرقية الليبية تستقل ولا وجود لأي عنصر امني هناك

لابد وأن يفهم الشعب الليبي أنه سينتصر لو صبر وقدم الشهداء ونظم صفوفه وحدد هذفه الأول وهو ذهاب المجنون إلى غير رجعه وإقامة نظام مبني على العدالة والعلم لا الظلم والجهل والتخلف الذي ظل فيه مع القذافي 44 عاما

وأن يستفيد من تجربة الشعب المصري وأن يبدأ من حيث انتهى

[Simba]

سقوط 3 قتلي من المرتزقة وتعليق جثة احدهم امام المستشفي .... الشعب الليبي وصل الي نقطة اللاعودة

[عنبو]

انا ملاحظ نفس السيناريو اللى كان فى مصر بالضبط

ربنا ينصر كل من يرد الحريه

ربنا ينصر الحق على الباطل

[الغريب]

ليبيا أهم بلد هتفيد مصر أن شاء الله بعد تحررها

لأن رؤوس أموال الصندوق السيادي الليبي هتوجه للإستثمار بمصر بلا نزاع

[Simba]

الشعب يسيطر علي مدينة البيضا ويطرد الأمن ... وتتوحد الهتافات هناك الشعب يريد اسقاط النظام

[Simba]

معارض علي قناة بي بي سي كان بيقول امبارح ان بترول ليبيا اكتر من الخليج ومحدش عارف فين بتروح ثروة البلد

[أحمد سيف]

سقوط أي نظام استبدادي في العالم العربي هو نصر للثورة المصرية ... وسقوط نظام القذافي بالتحديد هو تدعيم لقوة مصر لأن ليبيا هي جارتنا وعمقنا الاستراتيجي

[mahmoh]

الشعب يسيطر علي مدينة البيضا ويطرد الأمن ... وتتوحد الهتافات هناك الشعب يريد اسقاط النظام

عقنال اما يسيطر على المدن كلها ويطرد الواد المجنون بتاع ليبيا زى ماكان السادات بيقول علية

[Simba]

اطلاق كل السجناء في طرابلس والجيش ينتشر ف كل شوارع ليبيا

[Simba]

الثوار يحاولون اقتحام الكتيبة الأمنية في بنغازي .... هي تقريبا زي امن الدولة عندنا كده

[Simba]

مواطنون مدينة البيضاء يتوجهون لشاطئ الحنية لصد اي هجوم محتمل

[egyptawy]

بعد نزول القذافى فى المظهرات ضد نظام حكمه مع شعبه وشالوه على كتفهم و هو بيهتف ...

طلب منهم يختارو حد ينوب عنهم علشان يقول مطالبهم .. فاختاروه طبعاا .. علشان يتفاوض مع نفسه ..

و طلب منهم فرصه يقعد مع نفسة شويه ... وغالبا المفاوضات هتنتهى بتنحى القذافى و هيمسك البلد تانى بس بصفته زعيم الثوره

معلش اسمحلى انا نقلتها منك

تم تعديل 18 فبراير 2011 بواسطة egyptawy

[Simba]

سي ان ان المتظاهرون يجوبون شوارع بني غازي حاملين جثث الشهداء

[ComingSoon]

من تويتر

القذافي : السجن خمس سنوات لمن يقتل نفسه حرقا

القذافي قطع النت هانت يا ليبيا فاضل الاجندات والكنتاكي وغزوةالجمل واول ماتشوفوا الدبابات ترقبوا ظهور الراجل اللى وراعمر سليمان #feb17 #libya

تم تعديل 18 فبراير 2011 بواسطة ComingSoon

[Simba]

اخبار غير مؤكدة عن انضمام الجيش للشعب في بني غازي

[Simba]

المحتجون في ليبيا يشنقون رجلي امن ..... ايه الناس دي دول موش هيستنوا محاكمات ولا غيره

[أحمد سيف]

الثوار سيطروا على محطة الإذاعة في بنيغازي ويبثون الآن برامج مؤيدة للثورة

تعليقي على الخبر: لو كان الثوار في مصر سيطروا على مبنى التلفزيون منذ اليوم الأول للثورة لسقط النظام خلال 24 ساعه ولانتهينا من تحقيق جميع المطالب قبل وقت طويل ... مازال الإعلام هو السلاح الأقوى في جعبة النظام