25 يناير ... موعد المصريين (7)

[عنبو]

انا عندى سؤال بس عمال يزن على دماغى بقاله يوم

هو الجيش ولائه لمصر وللشعب ولا ولائه للرئيس ؟

الانتفاضه اللى حصلت دى مافيش حد خطط ليها ولكنها طالعه من الناس الناس كلها تعبانه

الناس كلها بتقول لاء

فيه ناس اعرفهم لا كان ليهم فى حاجه خالص وكانوا ماشين جوه الحيط

والاغرب كمان انهم ناس فلاحين يعنى مش بيعرفوا يقرأو ولا يعرفوا ان فيه حاجه فى الدنيا اسمها فيس بوك

وفاكرين ان الانترنت ده اكله او حاجه تانيه يعنى ناس على الفطره

وطالعين فى المظاهرات وبيقولوا لاء

كل الناس بتقول لاء فى نفس واحد بدون ترتيب بدون تجميع بدون اى حاجه اساسا

الناس كلها تعبانه سواء الغنى والفقير المثقف والجاهل

طيب الناس مطلوب من الناس دى تعمل ايه اكتر من كده

مطلوب ايه منها يعنى علشان الجيش يحمى البلد ؟

مهو استحاله الناس تفضل كده ؟

الحياه فى مصر واقفه خالص

لازم الجيش يتحرك لانقاذ مصر لانقاذ البلد

لازم القياده تسمع وتنفذ رأى الناس

والا سوف تتحول من مظاهره سلميه الى مالا يحمد عقبااااااااااه

أسأل الله العظيم رب العرش العظيم ان يجعل فى القياده رجل رشيد يخاف على هذا البلد العظيم وعلى هذا الشعب الكريم

وان يجنب البلاد شر فتنه نحن فى غنى عنها

اللهم امين

تحياتى

عنبو

[wsadani]

R.N.N | شبكة رصد هــوغو تشافيز - رئيس فينزويلا

أنه موقف شائن لأمريكا لانهم بعد إستخدام الرئيس المصري يتخلون عنه مع قيام ثورة شعبيه

وأن اوباما يجد وقتا كافيا لمكالمة تركيا والسعودية وبريطانيا للتحدث عن الشأن المصري ولم يجد وقتا لمكالمه الرئيس المصري لدعمه والوقوف بجانبه -- واشنطن رفعت الغطاء

[أسد]

الوضع الحالي مايطمنش قوي

النظام ماشي في إتجاه

والشعب في إتجاه تاني

كالعادة يعني ...

لكن المرة دي الوضع مختلف ..

الناس المرة دي لسه في الشارع ماروحوش

ما عرفته من كا من اتصلت به .. أن الجميع ضالع في الثورة الشعبية .. صحيح بمستويات مختلفة ..

لكن مصر الآن يحكمها الشعب وليس مبارك ..

الشعب يحكم مصر ..

ولن يتنازل الشعب عن حكم مصر ..

أعتقد إذا أصر الرجل العجوز على عناده المعتاد ...

فستتصاعد الثورة مراحل أكبر.. وأكبر .. وأكبر ..

[jasmin hamed]

دلوقت الموضوع ابتدى ياخد منحى جديد تماما

وهو منحى طول النفس

الجيش مش هيقرب من المتظاهرين سواء لأن رجال الجيش شرفا أو لأنهم عندهم تعليمات بعدم الاشتباك

ولكن الجيش في نفس الوقت مش هيسمح ان المظاهرات تقرب من الخطوط الحمرا

وهي بكل وضوح في صلاح سالم - مصر الجديدة

وفي نفس الوقت الشرطة هترجع تاخد أماكنها تاني وكأن شيئا لم يكن

طب والمساجين اللي هربوا هيرجعوهم ازاي يا ترى إلا لو كان الهروب ده تمثيلية !!!!!!!!!!!!!!!!!!!!!!!!!!!!!!!!!!!!

وسيب المتظاهرين يعملوا اللي عايزينه لأنهم مش هيكسروا ولا هيخربوا حاجة لأنها سلمية سلمية

وجيش البلد الشريف اللي بيحمي مصر مش هيتعرض للمتظاهرين لأنهم أبناء الوطن

لكن جيش البلد الشريف برضه هيفضل يحمي مبارك بصفته رئيس مصر وبصفته القائد الأعلى

وفي نفس الوقت يتم تشكيل الحكومة الجديدة وتبدأ تاخد شوية إجراءات عشان تبان انها ابتدت تمارس مهامها وأكيد من المهام دي انها تريح الناس شوية عشان الناس تبتدي تهدا وتقول كفاية كده

ويفضل الريس ريس

ويفضل المتظاهرين يتظاهروا

واللي فينا نفسه أطول

عشان كده لازم نعرف أن المعركة دلوقت نقدر نسميها معركة النفس الطويل

لو هنثبت على مواقفنا يبقى لازم نعرف إن الموضوع محتاج صبر وهياخد وقت

يا إما يتم نقل المظاهرات خارج ميدان التحرير والتوجه بيها وبكل وضوح لمصر الجديدة

او نثبت في أماكننا بميدان التحرير مهما طال الزمن

اسمعوا الخبر ده لسه جاي مع منى الشاذلي

نجحت قوات المسلحة في القبض على 700 مسجون من سجن وادي النطرون

طب مسكوهم فين يا ترى وبالسرعة دي وفي الظروف دي !!!!

دلوقت المعركة معركة النفس الطويل

واللي فينا نفسه أطول

كلام سليم 100% ... وللأسف النظام نفسه أطول بينما الناس وراها مسؤوليات وأشغال وهتتعب من التظاهر في النهار والحراسه في الليل وده هو هدف التأخير المتعمد الذي يمارسه مبارك ونظامه في كل خطوه ... انهاك المتظاهرين وكسب المعركة بالنقاط وليس بالضربة القاضية.

استمرار التظاهر في ميدان التحرير كان له هدف رمزي وتحقق ... والآن كسر حاجز الخوف من الأمن وضمنت حرية التجمع والتظاهر بعد دحر ميليشيات الأمن المركزي ... لكن طالما المراكز الحيوية القريبة من الميدان مثل وزارتي الداخلية والإعلام لم تصل اليها الجماهير فالنظام لن يهتم كثيرا بتجمع الناس في الشوارع والميادين المفتوحة.

رأيي أن يتم استغلال الزخم الذي تحقق - والذي من الصعب أن يتكرر لو خمد - والانتقال للخطوة التالية ... وهي اختبار موقف الجيش الفعلي بمحاولة السيطرة على ماسبيرو أو بنقل المعركة الى سراي القبة ... الجيش سيكون أمام حل من اثنين ... إما البقاء على الحياد وفي هذه الحالة سيتلقى النظام ضربة إضافية لأنه سيدرك أن الجيش قد تخلى عنه ... أو سيرد بالقوة المسلحة وبذلك ينكشف موقفه أمام الناس وتتّضح نواياه ويدخل في معركة خاسرة مع الشارع (مع احتمال حدوث حالات عصيان بالجملة وانهيار القيادة العسكرية الموالية لمبارك) ... وفي الحالتين فإن النظام خاسر ... أما بقاء الغموض في موقف الجيش مع استمرار النظام في تنفيذ مخططه وزيادة ساعات حظر التجول تدريجيا لتشمل اليوم بأكمله والعودة التدريجية للأمن الى مراكزه وانحسار التغطية الإخبارية مع بقاء حظر الانترنت والاتصالات وبدء الخلافات والانشقاقات بين قادة الانتفاضة فمعناه الموت البطئ للثورة وهذا ما يسعى اليه النظام.

فى راى سياسه النفس الطويل فى صالحنا احنا ليه

احنا بنخسرالعرب و اسرائيل فى البورصه بوقفتنا فى الشارع مليارات مش هيصبرواعليه اسبوع

امريكا عندهم اسهال سياسي و بيانتهم متصاعده ضده

الناس الى واقفه فى الشارع مش هتاخد رواتبهم الاسبوع ده و فى نقص فى المواد الالغذائيه و البترول

و الحكومه الرشيده ماعندهاش حل

وده هيشعللهم اكتر

اليوم فى شرطه و لو رفعوا ايدهم يهرشوا على الاقل فى المحافظات والنفوس لسه

هتلاقى الالفات تاكلهم لانهم فقدوا الثقه تماما

و اخيرا رد فعل مبارك المستفذ

و البطئ جدا يا راجل ده هيلارى طلعت ٣ مرات فى يومين و الاخ القائد لسه بيتمشى

كل الاسباب ديه تخلينى متاكده انه مش هيكون فيه تراجع لغاية ما الغازيه تنزل

[اغابي]

جاء لي حالا كلام جديد

من احدى صديقاتي و هي محل ثقة عندي

من مصدر موثوق فيه لديها من ضباط الأمن من أسرتها

و قد نشرته في الفيسبوك على صفحتها

هذا التفسير

اعتبرته مقنعا جدا

فليس من المعقول ان كل ضباط الشرطة صغارا و كبارا ليس منهم رجل رشيد

إليكم نص الكلام

الشرطة تعرضت للخيانة من مسئوليها

رجال الشرطة يوم الجمعة الموافق 28 يناير، لم ينسحبوا وإنما غرر بهم.

تخلت عنهم قياداتهم واضطروا للتخلص من الذي الرسمي كي ينجوا بأنفسهم. فالجيش صرح لهم بعدم مسئوليته عن أي فرد منهم إذا ما تعرض للاعتداء.

و في نفس الوقت تم حرق العديد من مراكز الشرطة دفعة واحده في جميع أنحاء الجمهورية وتسريح سجنائها على يد مجهولين ، لنشر حالة البلبلة والذعر بين صفوف الشرطة.

وفي اليوم التالي كانت الأمور أكثر سوءاً عندما تم هذا الأمر على مستوى السجون الكبرى فتسرح سجنائها ويذبح ويقتل رجال الشرطة.

هذه الأنباء وردتنا من رجال شرطة هم متخفون الآن في ذي رجال الجيش كي يقوموا بواجبهم النزيه تجاه أبناء وطنهم. فهم كانوا (كبش فداء) لتشتيت المواطن عن مطالبه و جعله يندفع بتركيزه نحو مطلب وحيد وهو الشعور بالأمان.

هذه الأعمال مدبره، الغرض منها نشر الذعر والخوف في قلوب أبناء الوطن. كي يتراجعوا عن مطالبهم ويتخوفوا من المستقبل فيعودوا بخطواتهم إلى الوراء أملين في الأمن الزائف الذي دُفنا فيه أعواماً كثيرة.

هذه المعلومات وردتنا من أبناء وطننا العاملين في الشرطة. يناشدونا أن نصل بأصواتهم عبر قنوات الإنترنت التي مُنعوا منها.

ولم أتردد في أن يكون لي هذا الدور الضئيل الذي لا نملك سوه الآن ونحهن خارج وطننا الحبيب.

حييتي يا مصر في عزة وكرامه وأمن وسلامة.

أميل جدا لتصديق ذلك

فقد عرفنا على المستوى الشخصي في محيط العائلة والأصدقاءالعديد من ضباط الشرطة الشرفاء

و كنت في قمة الذهول مما حدث

و ألجمتني الصدمة حتى عن الاستفسار

الفساد مهما كثر

فهو كالبالون

دبوس صغير

كفيل به

شوفى اللى حصل يا مصرية

الموضوع مخطط مش من مسؤليين لا داه فى جهة معينة بعتت بلطجية

انا امبارح كلمت قرايبي فى مصر وانا كنت قلقانة ليا 3 ايام مش عارفة اكلمهم واطمن عليهم

واحد رائد شرطة والتانى مقدم فى الصبح كانو فى معسكر التجنيد

اطمنت عليهم وقالولى احنا فى المعسكر وقالولى الوضع صعب جدا - لاننا نازلين باليل امر تكليف - خدمة - وان اغلب اصحابهم فى اقسام

الشرطة كانو اما بيهربو باى لبس مدنى واما انهم اتقتلو وفى من اصحابه كتير اتقتلو فعلا وما كنوش عارفين يحكو معايا براحتهم يعنى اغلب الكلام على التلفون بالمتغطى - لانهم فى المعسكر وكمان ال4 قرايبي 2 فقط ردو عليا والاتنين التانين ليهم كذا يوم ما رجعوش

البيت وكلنا قلقانين عليهم - على فكرة ظباط الشرطة اتظلموا اوى فى الموضوع داه

انا بقولكم كدا مش علشان قرايبي لكن بجد صدقونى حكولى كلام كتير امبارح انا كلمتهم امبارح الصبح وباليل

قالولى ان ناس كتير من العساكر والظباط اتقتلو وكانت الناس بتهجم عليهم وهما

مش راضيين يستعملوا الرصاص لان ما عندهمش اوامر باستعمال الرصاص ضد المتظاهرين - خاصة داخل اقسام الشرطة اللى هى مش مظاهرات ما هما الظباط اتقسمو جزء ينزل المظاهرات وجزء يبقى موجود جوة اقسام الشرطة اللى جوة قسم الشرطة

حاولو يتحملو مع الناس اللى هجمو عليهم - لكن هما كانو بيتفاجأو بان الناس عاوزة تقتلهم ومش عارفين ليه

وبيدخلو يولعو نار فى قسم الشرطة ويسرقو القسم وصدقونى حكولى كلام مرعب وربنا معاهم انا لسة مش عارفة حصل معاهم ايه امبارح باليل

ربنا يسترها عليهم ويرجعو لبيتوهم واولادهم سالمين يارب

طب ما الشرطة مصريين يعنى هما اعداء مصر والوطن مثلا ؟؟ - المفروض الناس ما تتعاملش معاهم كدا برضوه الشرطة ليهم هيبة القانون

انا مش بدافع بس فعلا انا قولت قبل كدا ان الشرطة دول بيتعاملوا مع مجرمين وناس بلطجية طول الوقت - يعنى لازم نعرف ان الظابط بيتعامل مع فئة معينة من الناس اغلب اليوم وداه طبيعي ان شخصيته يكون حازم وصارم - الدكتور بيتعامل مع المرضي - والمهندس بيتعامل مع العمال والظابط بيتعامل مع المجرمين

اللى حصل فى اقسام الشرطة والناس تهجم تطلع المحبوسين جوة القسم وتولع فيه

هل هى دى المظاهرات السلمية ولا بلطجة وكمان تقتل الظباط والمجندين اللى جوة قسم البوليس

الموضوع فعلا فيه اغلاط كتير وفى مؤمرات كتيرة هل على الفيس بوك الشباب كانو مخططين ان فئة من الناس هيهجمو على اقسام البوليس ينتقموا انتقام شخصى من من كل ظابط شرطة - يعنى فى نفس التوقيت ناس هجمت على قسم امبابة والمطرية ومصر الجديدة والزاوية وبولاق شبرا واقسام تانية كتير جدا فى نفس الوقت داه مخطط ضد الشرطة لازم نبقى عارفين كدا - وانا كلامى مصدر موثوق انا امبارح مع ابن عمتى حكى

معايا حاجات مرعبة - كدا حرام اوى

وهو اكتر حاجة مضايقاهم سرقة السلاح - كمية كبيرة اسلحة اتسرقت من اقسام الشرطة قالى الاسلحة دى لو استعملت غلط هتتقتل ناس مدنين كتير قالى انا مش مهم انا كظابط معرف مراتى وولادى يا اغابي وقت ما انزل من البيت ممكن ما ارجعش تانى - بابقى نازل امر التكليف وعارف انى ممكن ارجع ميت لمراتى - لكن السلاح داه ممكن يستعمل فى انه يقتل مدنين مش ظباط شرطة قالى احنا دلوقتى كل الظباط نازلين بالرشاشات بدل المسدسات الميرى يعنى الرد بالرصاص على اى حد معاه سلاح مسروق لكن الناس العادية فى الشوارع ايه ذنبهم - قالى كل اللى حصل داه خيانة للبلد فى جهة معينة باعت مصر وبعتت ناس فقط تأذى اقسام البوليس وتقتل الظباط وعساكر الشرطة وتولع فى الاقسام وتطلع المساجين وتسرق السلاح

وخلصت المكالمة معاه على كدا وربنا يحافظ عليهم

[Mostafa Kasem]

يبقى اكيد كلام صحيح

ان كان في مؤامرة كبيرة من داخل جهاز الشرطة هدفها توريط ظباط كتيير شرفاء

وذلك بفتح السجون و دفع البلطجية للسيطرة على الاقسام وا خذ الاسلحة

يا جماعة احنا لازم نعمل نداء علشان نلحق اللي اتبقى من رجال الشرطة المحترمين انهم ينزلوا يشاركوا المتظاهرين و يعرفوا الشعب انهم معاهم

الموضوع في مؤامرة من قيادات الجيش الكبيرة مع قلة من قيادات الشرطة الوسخة

علينا كلنا نبلغ اهلنا من ظباط الجيش و الشرطة انهم عليهم الا يتعاملون باي عنف كان مع المتظاهرين في الميدان

ياجماعة مصر لازم تصمد كمان يومين و كل الوضع هيتحل

ربنا يستر عليكي يا مصر

[Mostafa Kasem]

الرجاء على كل من المصريين الاحرار المقيمين في الخارج الاتصال بذوييهم و تعريفهم بالمخطط القذر لضرب فئات الشعب بعضه ببعض

نحن نحتاج ان نحتوي و نضم الشرفاء من ظباط الشرطة لصفوف المتظاهرين الذين يدافعون عن بلدنا الغالية مصر

لازم نعمل حاجة كلنا

[jasmin hamed]

هيثم مناع المتحدث بإسم اللجنه العربية لحقوق الإنسان

سنحاول بكل السبل إعادة الأموال المصرية المنهوبة والمهربه للخارج إلي المصريين

فهم أحق بها , وعلي دبي أن تتعاون ولا تتستر علي الأموال المصرية المهربه إليها

[jasmin hamed]

مصر تثور و العالم يرتعد و توقعات بازمه اقتصاديه عالميه لو استمرت المظاهرات

[ozoozo]

اغابي

انا طبعا مش مع اللي حصل للشرطه

بس تخيلي انك ام خالد سعيد

ووجدتي فرصه زي دي بالهجوم علي اي حد في الشرطه

مش بس عشان اللي قتل ابنها منهم

لكن عشان تواطؤهم

تخيلي في كام ام خالد

وكام ابو خالد

وكام اخو خالد

وكام ابن خالد

انا لو من اهل خالد سعيد كان ممكن اعمل اكتر من كده

لكن فعلا اللي يخلينا نقول انه ممكن تكون فعلا جهه منظمه هي اللي عملت كده انه حصل في وقت واحد

لكني لا اعتقد ذلك عشان

1-مين قاللك ان كلهم في نفس التوقيت والموبايلات كانت مقطوعه وقتها

2-حتي لو نفس التوقيت هاتلاقي التوقيت ده بعد انهيار الامن امام المتظاهرين واللي كانت التلفزيونات في نفس الوقت-الا لو كان واحد عبيط بيتفرج علي القنه الاولي .....تشانيل تو-بتنقل الحدث مباشر

فاهالي المحتجزين اللي متأكد ان اكيد منهم مظلومين ومنهم المطلوبين فعلا عرفوا انهم ممكن يستفردوا بيهم

تفتكري الاقسام دي زي قسم المطريه مثلا مفيش ظابط من دول ضرب اي مواطن تاني من الناس اللي دبحتهم دول علي قفاه او شتمه بعرضه وشرفه

تفتكري ماحدش من الظباط دول شاف واحد بيستعملوا معاه عصايه المقشه زي عماد الكبير

تفتكري مفيش امين شرطه طلب 5 جنيه من مواطن لاي سبب

انتي عارف ان في ظابط بعد مايروحوا يعملوا محضر او اي معاينه خارج القسم لازم تديله الشاي بتاعه

تخيلي الظابط بيمد ايده لاربعين وخمسين جنيه

تم تعديل 31 يناير 2011 بواسطة ozoozo

[jasmin hamed]

لماذا لم يفجر القاعدة الكنائس بعد جريمة انسحاب الأمن من الشارع ؟

كل الكنائس ليلة الجمعة الماضية كانت مغلقة و بدون حراسة تماما بعد انسحاب الأمن ، والفوضى والتخريب تعم الشوارع،وفى شارع شبرا خرج المتظاهرون – شباب الثورة الحقيقين -يكسرون فى قسم الساحل الجديد ولم يحرقوه خوفا على كنيسة سانت تريزا من إن يلحقها الضرر.

وعلى بعد خطوات وبشارع أبو طاقية كنيسة سرجيوس قام الشباب مسلمين ومسيحيين بحمايتها من البلطجية بعد دعوة الجامع بنزول الشباب لحماية الشارع من بقايا الشرطة والبلطجة والحزب الوطنى الذى فقد شرعيته فى الشارع الذين ينهبون ويسرقون لترويع المواطنين .

رغم انسحاب الأمن من الشوارع وبالطبع ترك الكنائس بدون حراسة ،وانتشرت مظاهر الفوضى والتخريب والدمار الذى طال حتى أقسام الشرطة والمحاكم ، إلا أننا لم نسمع عن عملية إرهابية واحدة ضد اى كنيسة ،ولم نشاهد جيش الإسلام الفلسطينى يقوم بتفجير احد الكنائس تنفيذا لفكر القاعدة،ولم نر متظاهر واحد يلقى بطوبة على احد الكنائس ،رغم إغلاقها وعدم وجود حراسة.

وبالطبع نظرية المؤامرة عادت تلح على ذهنى مرة أخرى ،بان يكون حبيب العادلى وبقايا نظام الطاغية وراء إحداث الفتنة الطائفية فى مصر وليس تنظيم القاعدة كما يردد ليبث الرعب فى قلوب المصريين جميعا وليس الأقباط.

وإذا رجعنا بالذاكرة إلى الوراء والى تسعينات القرن الماضى ، نشرت صحيفة النبأ قصة الراهب المشلوح،التى أثارت الأقباط وشحنتهم وجعلتهم يتظاهرون بالكنائس ،وزرعت الفتنة بين المسلمين والأقباط.

ولم نكاد ننتهى من قصة الراهب المشلوح إلا وامن الدولة اخترعت قصة إسلام وفاء قسطينين وسربتها إلى وسائل الإعلام لتثير الضغينة بين المسلمين والأقباط .

وبعد سنة تقريبا سربت امن الدولة لأحدى الصحف "سى .دى" مسرحية الكنيسة بالإسكندرية الذى تسبب فى إثارة المسلمين وخروج المظاهرات التى تهتف ضد الكنيسة ،مما أدى إلى خروج احد المواطنين المسلمين وطعن احد المسيحيين بالكنيسة .

وقبل عام وبالتحديد فى عيد الميلاد المجيد جاءت إحداث نجع حمادى الذى راح ضحيتها 6 أقباط ،واصابة اكثر من 20 وتسبب ذلك فى احتقان طائفى من الأقباط ضد المسلمين ،وتردد فى وقتها إن نائب الوطنى وراء هذه الأحداث.

وبعده بعام جاءت تفجير حادث كنيسة القديسين ليزداد الاحتقان لدى الأقباط ،إلا أن المواطنين المصريين تداركوا هذا الخطر ووقفوا ضد هذه الفتنة.

وجاءت ثورة الغضب يوم الجمع لتؤكد إن النظام وراء هذه الأحداث ليبعد الناس عن مطالبه الحقيقة ،إلا أن احمد ومايكل ومحمد وجرجس ومارى وخديجة كلهم خرجوا يوم الجمعة الماضية وأيديهم فى أيد بعض وهم يهتفون " الشعب يريد إسقاط النظام" ، الذى كان وراء كوارث المصريين

http://www.youm7.com/News.asp?NewsID=345158

[moory]

يا جماعة لازم الكل يشوف الفيديو ده

http://www.facebook.com/video/video.php?v=159983217385498&oid=158901657489942&comments

انا مالقتوش على اليوتيوب لسه

ده فيديو عملتو المصري اليوم بيوضح احداث و مشاهد مافيش ولا قناة جابتها

[Alshiekh]

شوفى اللى حصل يا مصرية

الموضوع مخطط مش من مسؤليين لا داه فى جهة معينة بعتت بلطجية

انا امبارح كلمت قرايبي فى مصر وانا كنت قلقانة ليا 3 ايام مش عارفة اكلمهم واطمن عليهم

واحد رائد شرطة والتانى مقدم فى الصبح كانو فى معسكر التجنيد

اطمنت عليهم وقالولى احنا فى المعسكر وقالولى الوضع صعب جدا - لاننا نازلين باليل امر تكليف - خدمة - وان اغلب اصحابهم فى اقسام

الشرطة كانو اما بيهربو باى لبس مدنى واما انهم اتقتلو وفى من اصحابه كتير اتقتلو فعلا وما كنوش عارفين يحكو معايا براحتهم يعنى اغلب الكلام على التلفون بالمتغطى - لانهم فى المعسكر وكمان ال4 قرايبي 2 فقط ردو عليا والاتنين التانين ليهم كذا يوم ما رجعوش

البيت وكلنا قلقانين عليهم - على فكرة ظباط الشرطة اتظلموا اوى فى الموضوع داه

انا بقولكم كدا مش علشان قرايبي لكن بجد صدقونى حكولى كلام كتير امبارح انا كلمتهم امبارح الصبح وباليل

قالولى ان ناس كتير من العساكر والظباط اتقتلو وكانت الناس بتهجم عليهم وهما

مش راضيين يستعملوا الرصاص لان ما عندهمش اوامر باستعمال الرصاص ضد المتظاهرين - خاصة داخل اقسام الشرطة اللى هى مش مظاهرات ما هما الظباط اتقسمو جزء ينزل المظاهرات وجزء يبقى موجود جوة اقسام الشرطة اللى جوة قسم الشرطة

حاولو يتحملو مع الناس اللى هجمو عليهم - لكن هما كانو بيتفاجأو بان الناس عاوزة تقتلهم ومش عارفين ليه

وبيدخلو يولعو نار فى قسم الشرطة ويسرقو القسم وصدقونى حكولى كلام مرعب وربنا معاهم انا لسة مش عارفة حصل معاهم ايه امبارح باليل

ربنا يسترها عليهم ويرجعو لبيتوهم واولادهم سالمين يارب

طب ما الشرطة مصريين يعنى هما اعداء مصر والوطن مثلا ؟؟ - المفروض الناس ما تتعاملش معاهم كدا برضوه الشرطة ليهم هيبة القانون

انا مش بدافع بس فعلا انا قولت قبل كدا ان الشرطة دول بيتعاملوا مع مجرمين وناس بلطجية طول الوقت - يعنى لازم نعرف ان الظابط بيتعامل مع فئة معينة من الناس اغلب اليوم وداه طبيعي ان شخصيته يكون حازم وصارم - الدكتور بيتعامل مع المرضي - والمهندس بيتعامل مع العمال والظابط بيتعامل مع المجرمين

اللى حصل فى اقسام الشرطة والناس تهجم تطلع المحبوسين جوة القسم وتولع فيه

هل هى دى المظاهرات السلمية ولا بلطجة وكمان تقتل الظباط والمجندين اللى جوة قسم البوليس

الموضوع فعلا فيه اغلاط كتير وفى مؤمرات كتيرة هل على الفيس بوك الشباب كانو مخططين ان فئة من الناس هيهجمو على اقسام البوليس ينتقموا انتقام شخصى من من كل ظابط شرطة - يعنى فى نفس التوقيت ناس هجمت على قسم امبابة والمطرية ومصر الجديدة والزاوية وبولاق شبرا واقسام تانية كتير جدا فى نفس الوقت داه مخطط ضد الشرطة لازم نبقى عارفين كدا - وانا كلامى مصدر موثوق انا امبارح مع ابن عمتى حكى

معايا حاجات مرعبة - كدا حرام اوى

وهو اكتر حاجة مضايقاهم سرقة السلاح - كمية كبيرة اسلحة اتسرقت من اقسام الشرطة قالى الاسلحة دى لو استعملت غلط هتتقتل ناس مدنين كتير قالى انا مش مهم انا كظابط معرف مراتى وولادى يا اغابي وقت ما انزل من البيت ممكن ما ارجعش تانى - بابقى نازل امر التكليف وعارف انى ممكن ارجع ميت لمراتى - لكن السلاح داه ممكن يستعمل فى انه يقتل مدنين مش ظباط شرطة قالى احنا دلوقتى كل الظباط نازلين بالرشاشات بدل المسدسات الميرى يعنى الرد بالرصاص على اى حد معاه سلاح مسروق لكن الناس العادية فى الشوارع ايه ذنبهم - قالى كل اللى حصل داه خيانة للبلد فى جهة معينة باعت مصر وبعتت ناس فقط تأذى اقسام البوليس وتقتل الظباط وعساكر الشرطة وتولع فى الاقسام وتطلع المساجين وتسرق السلاح

وخلصت المكالمة معاه على كدا وربنا يحافظ عليهم

أستاذة أغابى

أنا طبعا مصدق كل اللى انتى سمعتيه

وفى نفس الوقت مصدق ان كان هناة مؤامرة من داخل جهاز الشرطة ، زى اللى حصلت سنة 1986 بتاعة الأمن المركزى.

مش معنى انا قرايبك اللى حكوا لك انهم ضباط يبقوا عارفين كل حاجة بتحصل

المكاتبات والتعليمات لها درجات سرية مابين عادى وسرى وسرى جدا وسرى للغاية

وهناك مكاتبات فى ظروف مغلقة ومتشمعة بالشمع الأحمر ولاتفتح إلا بمعرفة المسئول المرسل اليه المكاتبة ، ناهيك عن امكانية استخدام قنوات اللاسلكى الخاصة والمشفرة والتى تأخذ وقتا طويلا لفك شفرتها وامكان سماعها.

علشان كده دفاعنا ممكن يكون مقبول عن الشرفاء من رجال الشرطة وهم الأغلبية ، أما العملاء السريين فهم من يقومون بتدبير المؤامرات بحرفية شديدة ينخدع فيها زملائهم .

وربنا يطمئنك على كل قرايبك ومعرفك وعلى مصر

[مسافر]

ارحل قصيدة لفاروق جويدة

إرحل كزين العابدين وما نراه أضل منك

إرحل وحزبك في يديك

ارحل فمصر بشعبها وربوعها تدعو عليك

إرحل فإني ما ارى في الوطن فردا واحدا يهفو إليك

لا تنتظر طفلا يتيما بابتسامته البريئة أن يقبل وجنتيك

لا تنتظر اما تطاردها هموم الدهر تطلب ساعديك

لا تنتظر صفحا جميلا فالخراب مع الفساد يرفرفان بمقدميك

إرحل وحزبك في يديك

إرحل بحزب إمتطى الشعب العظيم

وعثى وأثرى من دماء الكادحين بناظريك

ارحل وفشلك في يديك

إرحل فصوت الجائعين وإن علا لا تهتديه بمسمعيك

فعلى يديك خراب مصر بمجدها عارا يلوث راحتيك

مصر التي كانت بذاك الشرق تاجا للعلاء وقد غدت قزما لديك

كم من شباب عاطل او غارق في بحر فقر وهو يلعن والديك

كم من نساء عذبت بوحيدها او زوجها تدعو عليك

إرحل وابنك في يديك

إرحل وابنك في يديك قبل طوفان يطيح

لا تعتقد وطنا تورثه لذاك الابن يقبل او يبيح

البشر ضاقت من وجودك. هل لإبنك تستريح؟

هذي نهايتك الحزينة هل بقى شىء لديك

ارحل وعارك أي عارْ

مهما اعتذرتَ أمامَ شعبكَ لن يفيد الاعتذارْ

ولمن يكونُ الاعتذارْ؟

للأرضِ.. للطرقاتِ.. للأحياءِ.. للموتى..

وللمدنِ العتيقةِ.. للصغارْ؟!

ولمن يكونُ الاعتذارْ؟

لمواكب التاريخ.. للأرض الحزينةِ

للشواطئِ.. للقفارْ؟!

لعيونِ طفلٍ

مات في عينيه ضوءُ الصبحِ

واختنقَ النهارْ؟!

لدموعِ أمٍّ لم تزل تبكي وحيدا

فر أملا في الحياة وانتهى تحت البحار

لمواكبٍ العلماء أضناها مع الأيام غربتها وطول الانتظارْ؟!

لمن يكون الاعتذار؟

**

ارحل وعارك في يديكْ

لا شيء يبكي في رحيلك..

رغم أن الناس تبكي عادة عند الرحيلْ

لا شيء يبدو في وجودك نافعا

فلا غناء ولا حياة ولا صهيل..

مالي أرى الأشجار صامتةً

وأضواءَ الشوارعِ أغلقتْ أحداقها

واستسلمتْ لليلِ في صمت مخيف..

مالي أرى الأنفاسَ خافتةً

ووجهَ الصبح مكتئبا

وأحلاما بلون الموتِ

تركضُ خلفَ وهمٍ مستحيلْ

ماذا تركتَ الآن في ارض الكنانة من دليل؟

غير دمع في مآقي الناس يأبى ان يسيلْ

صمتُ الشواطئ.. وحشةُ المدن الحزينةِ..

بؤسُ أطفالٍ صغارٍ

أمهات في الثرى الدامي

صراخٌ.. أو عويلْ..

طفلٌ يفتش في ظلام الليلِ

عن بيتٍ توارى

يسأل الأطلالَ في فزعٍ

ولا يجدُ الدليلْ

سربُ النخيل على ضفافِ النيل يصرخ

هل تُرى شاهدتَ يوما..

غضبةَ الشطآنِ من قهرِ النخيلْ؟!

الآن ترحلُ عن ثرى الوادي

تحمل عارك المسكونَ

بالحزب المزيفِ

حلمَكَ الواهي الهزيلْ..

***

ارحلْ وعارُكَ في يديكْ

هذي سفينَتك الكئيبةُ

في سوادِ الليل تبحر في الضياع

لا أمانَ.. ولا شراعْ

تمضي وحيدا في خريف العمرِ

لا عرش لديكَ.. ولا متاعْ

لا أهلَ.. لا أحبابَ.. لا أصحابَ

لا سندا.. ولا أتباعْ

كلُّ العصابةِ تختفي صوب الجحيمِ

وأنت تنتظرُ النهايةَ..

بعد أن سقط القناعْ

البلد في عينيكَ ك

[اغابي]

اغابي

انا طبعا مش مع اللي حصل للشرطه

بس تخيلي انك ام خالد سعيد

ووجدتي فرصه زي دي بالهجوم علي اي حد في الشرطه

مش بس عشان اللي قتل ابنها منهم

لكن عشان تواطؤهم

تخيلي في كام ام خالد

وكام ابو خالد

وكام اخو خالد

وكام ابن خالد

انا لو من اهل خالد سعيد كان ممكن اعمل اكتر من كده

لكن فعلا اللي يخلينا نقول انه ممكن تكون فعلا جهه منظمه هي اللي عملت كده انه حصل في وقت واحد

لكني لا اعتقد ذلك عشان

1-مين قاللك ان كلهم في نفس التوقيت والموبايلات كانت مقطوعه وقتها

2-حتي لو نفس التوقيت هاتلاقي التوقيت ده بعد انهيار الامن امام المتظاهرين واللي كانت التلفزيونات في نفس الوقت-الا لو كان واحد عبيط بيتفرج علي القنه الاولي .....تشانيل تو-بتنقل الحدث مباشر

فاهالي المحتجزين اللي متأكد ان اكيد منهم مظلومين ومنهم المطلوبين فعلا عرفوا انهم ممكن يستفردوا بيهم

تفتكري الاقسام دي زي قسم المطريه مثلا مفيش ظابط من دول ضرب اي مواطن تاني من الناس اللي دبحتهم دول علي قفاه او شتمه بعرضه وشرفه

تفتكري ماحدش من الظباط دول شاف واحد بيستعملوا معاه عصايه المقشه زي عماد الكبير

تفتكري مفيش امين شرطه طلب 5 جنيه من مواطن لاي سبب

انتي عارف ان في ظابط بعد مايروحوا يعملوا محضر او اي معاينه خارج القسم لازم تديله الشاي بتاعه

تخيلي الظابط بيمد ايده لاربعين وخمسين جنيه

مش كل الظباط هما اللى قتلو خالد سعيد حرام الكل يتاخد فى الرجلين - بجهل اتنين من المخبرين المتخلفين

طب تخيل يا ازوزو ان الظباط والعساكر فى كل قسم شرطة عددهم حوالى 20 كلهم

معاهم اسلحة - الهدف من الناس اللى هجمت على كل اقسام البوليس هو السلاح اهم واول حاجة انهم ياخدو الاسلحة الموجودة مع الامن

وتانى حاجة اخراج المساجين وتالت حاجة يحرقو قسم الشرطة

الظباط كانو بيتكلمو مع بعضهم باللاسلكي مش الموبايلات

يعنى فى كل استقبال الاشارات اللى بينهم بيلاقو فى نفس الوقت اصحابهم اللى فى قسم تانى مثلا بيستغيثو زيهم فى نفس الوقت ومن نفس الاسلوب بلطجة وقتل فى الظباط وسرقة سلاح واخراج المحبوسين واشعال النيران كله داه فى وقت واحد فى جميع اقسام الشرطة فى القاهرة - شيء غريب جدا

وطلبو الجيش يستنجدو بيه والجيش عبال ما بدا يتحرك علشان يوصلهم كانت حوالى 5 ساعات والوقت داه اللى حصل فيه الهجوم والقتل والسرقة

اكيد كانت فى مؤامرة ضد ظباط الشرطة من جهة معينة والمشكلة الظباط اللى جوة قسم الشرطة مش واخدين اى اوامر باستعمال

السلاح ضد المواطنين علشان كدا بسهولة الناس غلبوهم وقتلوهم واللى عرف يهرب يهرب

ماساه بجد - ربنا يسترها عليهم

تم تعديل 31 يناير 2011 بواسطة اغابي

[Alshiekh]

من المعروف أن مبارك قد أقال حكومة نظيف

ومن ضمن تلك الحكومة طنطاوى والعادلى

لكن الملفت للنظر أن الأثنين كانوا مختفين

ولما طلع لهم حس وصوت طلع فى نفس الوقت

وأكثر من كده أنهم مازالوا فى السلطة

وبيعطوا أوامر وتعليمات

ياترى هم ماسكين ذلة لمبارك؟

والا يمكن خاطفين حد من اسرته وواخدينهم رهائن؟

مش عايز حد يقول لى دول وزراء تصريف أعمال ، علشان حاسأل طيب فين رئيس وزارة تصريف الأعمال؟ وفين وزير مالية وزارة تصريف الأعمال؟ وفين وزير تعليم وزارة تصريف الأعمال؟ وفين وفين وفين .

والا دول على رأسهم ريشة؟

هو ايه اللى بيحصل؟

[شرف الدين]

دلوقت على البي بي سي

شاب بحراوي من البحيرة بايت في ميدان التحرير

قال احنا مش هنمشي الا لما هو يمشي - وخلي تلفزيون الحكومة اللي بيقول ان مفيش حاجة يتكلم زي ما هو عايز

المذيع سألوا: طب انت مش خايف على شغلك

قال له: انا مش بشتغل أصلا - أنا بطالة - 3/4 الشباب اللي في المظاهرات دول بطالة - هو اللي جابه لنفسه - احنا كلنا بطالة وقاعدين ومفيش ورانا حاجة

سأله المذيع : طب إذا لم يتغير الوضع خلال الأيام والأسابيع القادمة هيكون موقفكم ايه

قاله ( وده الكلام المهم ) احنا هنستنى لحد يوم الجمعة - وبعدها طالعين له على مصر الجديدة - هنقعد له هناك

امبارح بقى واحد من اسكندرية ابنه استشهد ( اسمه حسام - الشهيد حسام ) قال لهم انا قاعد له هنا

وانا عندي اتنين ولاد كمان - هنزلهم هما كمان يموتوا - ومش همشي إلا لما يمشي

[اغابي]

وربنا يطمئنك على كل قرايبك ومعرفك وعلى مصر

يارب يا استاذ محمد يارب

صدقنى قلقانة عليهم اوى وبدعيلهم ربنا يرجعهم بالسلامة لبيوتهم وولادهم

ليا كذا يوم بحاول اتصل بيهم واول مرة امبارح تظبط معايا ويردو على اتصالاتى

وكمان جوزى معاه - جوز اخته مقدم شرطة وابن اخته ملازم اول - بردوه كان لينا كذا يوم مش عارفين نوصلهم ولسة

بالصدفة امبارح اطمنا عليهم - حقيقي الوضع صعب جدا مع ظباط الشرطة

ربنا معاهم

شكرا

تم تعديل 31 يناير 2011 بواسطة اغابي

[jasmin hamed]

لما مصر لها كل هذا التاثير على العالم ليه حكومتنا كانت حاطانا فى خانة الشحاتين

ليه ما نمليش شروطنا ليه دايما فى اى اتفاقي احنا الطرف الضعيف

ليه حتى لما بيجى حد يستثمر يقوللنا احمدو ربنا بو سو ايدهم هيشغلوكم

[YOUR BROTHER]

يا ريت يا جماعة ماحدش يخرجنا عن شعورنا ويقول ان الشرطة مظلومة

بعد اللى شوفناه على التليفزيون واللى أصلا عارفينو عن بتوع الداخلية الجبناء

الناس اللى مضروبة بالرصاص الحى فى جبينها فى اسكندرية

وبعدين قطاع الداخلية معروف بوقاحتو وسفالتو من اصغر مخبر لحد وزير الداخلية على حد سواء مافيش أشراف

علشان اللى شايف نفسو شريف ومش عايز يبقى ظالم , حرامى , مفترى عمروا ما يفكر يشتغل فى السلك دة

حسبى الله ونعم الوكيل.... وطوبى للشهداء