اذهب إلى المحتوى
محاورات المصريين

ما رايكم فى ترشيح عماد الدين اديب ..وزيرا للاعلام؟؟


Salwa

Recommended Posts

السلام عليكم.

من ضمن الاسماء المرشحة لوزارة الاعلام....اسم..عماد الدين اديب.

طبعاااااااا.....ناس كتير حاتطلع وتقول ده اكيد حايغير نظرتنا للاعلام الحالى واكيد حينقلنا نقلة كبيرة لأن الرجل من الممكن ان يغير المنظومة كلها ..

طيب...

طيب...

سبق لى فى موضوع آخر ان تحدثت عن هذا الرجل بما فيه الكفاية ..

حقيقة ...كنت انا ايضا فى البداية ممن خدعوا باعترافاته ( البريئة ) ..

هيا بنا نقرأ له ....حديث واحد من الآف الأحاديث التى ادلى بها ...

http://www.moheet.com/show_files.aspx?fid=332520

ايضا ...

يجب الاعتراف ايضا ان الرجل ( عماد الدين اديب ) لديه شركات خاصة به ....ويعنى هو رجل ميسور ( جدااا ) ...وطبعااا محدش برضه سأله من اين لك هذا ؟؟؟....معروف انه صديق ( شخصى ) لكل عائلة الرئيس السابق حسنى مبارك..

لو كان بامكانى الاختيار ......لن اختاره ابداااااا

هو امتداد .....لمنظومة فاشلة ..

بس.

شئ لايصدقه عقل بجد....هو فيه ايه؟؟؟

سلام .

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

في الدول المحترمة مافيش حاجه اسمها وزارة الإعلام

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

غير موافق لأني عاوز نخلص من الكيان الفاشل اللي إسمه وزارة إعلان

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

طبعا زي مالأستاذ أحمد سيف و أبو 2 سين قالوا

احنا مش عاوزين يبقي عندنا وزارة بألإسم ده أساسا

لأن مش هيبقي ليها شغلانة غير نفاق النظام..و خصوصا ان

هيبقي علي رأسها وزير..يعني فرد من أفراد الحكومة

يا سلام بأه لو عماد الدين أديب ده بقي وزير اعلام بجد

بدل ما أخوه عمال يتنطط كل شوية في قناة

هنلاقيه بعد كده علي القناة الأولي و التانية بأه

و مش بعيد كمان علي القناة السابعة...تشانيل تو

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

امبارح في اكثر من قناه كان الرأي شبه المتفق عليه من الضيوف ان وزارة الاعلام برمتها مفروض تتلغى زي ماحصل في كل الدول المتقدمه .. ويتم استبدال وزير الاعلام بمنصب آخر وهو رئيس اتحاد الاذاعه والتلفزيون ..

اعتقد ان الرأي ده اسلم بكتير ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

في الدول المحترمة مافيش حاجه اسمها وزارة الإعلام

ده كان كلامه امبارح فى اتصال هاتفى معاه عالفضائية المصرية يبقى يخليه اد كلامه بقى ومايقبلش

لا انا مش موافقة طبعا مش متقبلاه ولا هو ولا اخوه لانهم كلهم على صله بمبارك وعيلته ماحدش يغره اللى عمله عمرو اديب فى الفيديو ده كله تمثيل وخصوصا

لما قال عماد اديب كانوا بيسكتوه عشان راجل مثقف والكلام ده كله بصراحة حسيت انه نفاق

منين عماد الدين اديب فى تانى يوم للثورة طالع يتكلم بلسان مبارك مع عمرو الليثى ويقول احنا قولنا للاحزاب ماتطلعش فى المظاهرات ومنين دلوقتى بقى حسنى وحش وكان بيخرس لسانه عشان مثقف وقلبه عالبلد

ودلوقتى عاوزينه يبقى وزير اعلام والناس تقبله لألأ طبعااااا

رابط هذا التعليق
شارك

غير موافق لأني عاوز نخلص من الكيان الفاشل اللي إسمه وزارة إعلان

صح فعلا واعتقد ده راى كل الناس

وده الخبر اللى مكتوب عن الكلام ده...يعنى انا عاوزة افهم حاجة هو احنا مش بنتعلم من اخطاء غيرنا ليه؟؟ احمد شفيق بيعمل كده ليه؟؟؟

اقراو الخبر

أعلن الدكتور أحمد شفيق رئيس مجلس الوزراء أن الإعلامى عماد الدين أديب من أبرز المرشحين لمنصب وزير الإعلام، بعد استقالة أنس الفقى. وبمجرد تردد انباء عن هذا القرار المحتمل رفض ثوار 25 يناير تولية عماد اديب واعتبروه من بقايا نظام مبارك الفاسد

رابط هذا التعليق
شارك

حد سمعه على بي بي سي و هوا بيقول للمذيعة ان اللي في الميدان دلوقت إخوان ..بدليل دقونهم!!!! .. و مصر يشخصن الحوار معاها و انها مش بتسمعه

الاهم بقى

ليه يبقى فيه وزارة إعلام

ليه ما يبقاش اتحاد الإذاعةو التليفزيون رغم ان تمويله من الدولة مستقل زي ال بيبيسي؟؟

و يكون عليه رقابة مالية

و هيئة مستقلة للرقابة على المحتوى المقدم .. المواطنين يشتكولها التجاوزات اللي بيلاحظوها و تاخد الاجراء المناسب

رابط هذا التعليق
شارك

طالما أحمد شفيق أنتيم حسني ماسك الوزاره يبقى نتوقع مثل هذه الترشيحات للمنافقين من رموز العهد البائد فالطيور على أشكالها تقع ... كلهم دماغ واحده ومصممين على العناد مع الشعب والاستهزاء بمطالبه ... لازم الوزاره دي تمشي في أقرب فرصه وتيجي مكانها وزارة محترمة مكونة من اختصاصيين وخبراء مشهود لهم بالكفاءة ونظافة اليد وعدم الارتباط بالنظام السابق ... مش عايزين ناس من نوعية أبوالغيط ومفيد شهاب وعائشة عبدالهادي في الحكومة المصرية.

أحمد شفيق على فكره هو نسخة من حسني مبارك بعناده وتكبره ... حتى بعد أن سقط رئيسه لازال يطلق التصريحات المستفزة تحدّيا للشعب ... واليوم قال أن ان المجلس الأعلى للقوات المسلحة، الذي يتولى ادارة البلاد، هو من سيحدد وظيفة عمر سليمان نائب الرئيس السابق، مضيفا انه "يمكن أن يشغل منصبا مهما في الفترة المقبلة" ... بصراحة مش لاقي تعليق مناسب ردّا على هذه العنجهية من هذا الشخص وأتمنى أن يكون أول مطلب لنا الآن هو أن يلحق بصديقه ورئيسه السابق في شرم الشيخ علشان يسليه.

تم تعديل بواسطة أحمد سيف

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

وزارة الاعلام سمه من سمات النظم الشموليه لحصر وسائل الاتصال بالشعب زي التلفزيون والصحافة والراديو بهدف المراقبة والتوجيه نحو افكار معينه يتبناها نظام الحكم المستبد ,,

ده حتى زمان في مصر بعد الثورة كان اسمها وزارة الارشاد تقريبا

اقترح الغائها تماما و ماتبقى منها يتبع وزارة الثقافة ,,

المجد لولادك المخلصين ...

رابط هذا التعليق
شارك

لا أوافق أن يشغل أي منصب لا هو ولا أي من عائلته

و لا أوافق على وجود وزارة للإعلام و لا وزارة للثقافة و لا أي وزارة ليس لها وجود في الدول المتقدمة

أعد شحن طاقتك

حدد وجهتك

و اطلق قواك

رابط هذا التعليق
شارك

ممكن أقتبس مشاركة سابقة لي

السلام عليكم و رحمة الله و بركاته

الغريب ان قنوات كثير من اللي موجودة بتعلن انها بتخسر .. أو يا دوب ممشية أمورها

ماذا عن الميزانيات و الأجور الضخمة التي نقرأ عنها

هل الهدف أصبح المحطات العربية

و المشاهد العربي؟

هل هناك ذو ذوق سليم يمكن أن يعجبه هذا الغثاء؟

في حاجات كويسة .. بس برده بقت بتجاري اللغة العجيبة دي

حتى لو مش عشوائيين

و المشكلة الناس بتقلد .. خصوصا مع الالحاح المستمر

بيقلدوا في الكلام و في اللبس و التصرفات

يمكن سفري انجلترا أتاح لي فرصة ابعد و اقيم أحسن

رغم ان هناك بيتكلموا في كل حاجة .. لكن فيه منظم لما يقدم و يتلقى شكاوى

OFCOM

ده غير ان القنوات نفسها ممكن تبعتيلهم شكوى و بيهتموا بها

المشاهد لازم يبقى له رأي

ما ينفعش ما نتفرجش و خلاص

اقول لكم على حاجة

كان بييجي هناك برنامج

DEAL OR NO DEAL

له شعبية جامدة

رغم اني كنت بستتقل دم المقدم .. لكن معمول بحرفية عالية

بيطلع قصة انسانية من كل واحد .. آماله .. عثراته .. شخصية كل متسابق بتخلي كل حلقة مختلفة

بقلب في التليفزيون هنا .. لقيت برنامج لعبة الحياة

مأخوذ منه

بس هايف هيافة

رغم الانجليز كان عادي يبوسوا بعض و يحضنوا بعض ,, الا انهم كانوا اكثر احتراما من الهيافة اللي شفتها في نسخة الحياة

رابط هذا التعليق
شارك

فعلا وزارة مفروض تتلغي تماما هيا ووزارة الثقافة و الأثار

الدولة مفروض تنفق علي البنية الأساسية للدولة و الأمن فقط

الا بذكر الله تطمئن القلوب

رابط هذا التعليق
شارك

لا أعلم شيئا عن عماد او عمرو أديب اللهم إلا بعض اليوتيوب

ولكننى أرفض وبشدة أن تكون هناك وزارة للإعلام والإرشاد ـ تحدد للناس يسمعوا ايه ويشوفوا ايه

لا لوزارة إعلام

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

لا حول ولا قوة الا بالله

عمال يفكر في وزارة الاعلام اللي مالهاش أي لازمة دي

و سايب وزارة التعليم من غير وزير..أنا كنت سمعت انهم مرشحين محافظ

القاهرة ليها..بس متهيألي ان الي الآن لسه مافيش وزير تعليم

ولا هو اعلامهم الموجه..أهم من التعليم؟؟

فعلا زي ما الأستاذ أحمد قال..مافيش غير انه يروح يونس سونسون

في شرم الشيخ..و بالمرة يطمئن علي سوزي و ياخدلها كيسين نبوت الغفير اللي بتموت فيه

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

لا أعلم شيئا عن عماد او عمرو أديب اللهم إلا بعض اليوتيوب

ولكننى أرفض وبشدة أن تكون هناك وزارة للإعلام والإرشاد ـ تحدد للناس يسمعوا ايه ويشوفوا ايه

لا لوزارة إعلام

http://www.youtube.com/watch?v=aut-4wmZ_wM

دا فيديو للمتلون عمر اديب

:protest:

لا لوزارة الإعلام

(شفيق = حسنى رقم 3 )

مازال مستمر فى غباوته واختيار بعض الرموز اللى الناس قرفانه منها

امتى حيفهم بقى ؟؟

sob7an2_www_different-des_com.gif

astghfr_www_different-des_com.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...