اذهب الي المحتوي
bodi

ماذا يدبر لثورة شباب مصر (الحقوا الثورة بسرعة)

Recommended Posts

رجعنا لعملية التخويف تاني وللأسف بعض اللي كانوا بيخوفونا من مبارك الوقتي بيشجعونا على الجيش

إيه الحكاية

لأ مش تحريض على الجيش وإنما تساؤلات مشروعة توجه له

الجيش اعترف بمشروعية مطالب الثورة والتزم بتنفيذها ... فماذا هذا التلكؤ في تنفيذ ما التزم به من جانب ... والعجلة في مواجهة المعتصمين من جانب آخر

وخصوصا أن هناك بعض المطالب التي لا يلزم لتحقيقها سوى جرة قلم مثل رفع حالة الطوارئ والإفراج عن المعتقلين وحلّ مجلس الشعب المزور وتقديم جدول زمني لعملية الانتقال لسلطة مدنية

بل وهناك بعض النقاط التي لا تحتاج إلا لقدر من الشفافية في التعامل مع الناس مثل ما طالبت به نوارة نجم من معرفة مكان ومصير مبارك وعمر سليمان وفتحي سرور ووضعهم القانوني

يا ريت المشير طنطاوي يتفهم أن الناس التي قدمت التضحيات تستحق بعض الإجراءات السريعة لتهدئة مخاوفها.

شارك هذه المشاركه


رابط المشاركه
شارك

رجعنا لعملية التخويف تاني وللأسف بعض اللي كانوا بيخوفونا من مبارك الوقتي بيشجعونا على الجيش

إيه الحكاية

الموضوع مش تخويف يا شيخ طارق

ولكن بنقول على الجيش ان يعلم تماماً ان فيه ازمة ثقه بين المصريين والنظام لذا عليه ان يتخذ قرارت سريعه لاثبات حسن النيه

انا بتعامل مع الثوره على انها مشروع قدامى

وعلشان اضمن نجاح المشروع لازم يكون تخطيطى على اسوء الظروف وعلى قدر الامكانيات المتاحه فى الوقت الحالى

اللى بيدور فى راسه اى فكره مهما كانت عليه ان يعرضها هنا ونتناقش فيها

مش عاوزين ندى البلد مسكنات تانى عاوزين نشفيها من المرض

مش عاوزين نقول كده حلو لا عاوزين الاحلى للبلد

اللى عنده اى فكره سلبيه او ايجابيه يحطها هنا يا جماعه

انا بعتقد ان سبب تقدم الدول الاجنبيه انهم مش بيسبوا حاجه للظروف اطلاقا

تحياتى

عنبو

شارك هذه المشاركه


رابط المشاركه
شارك

رجعنا لعملية التخويف تاني وللأسف بعض اللي كانوا بيخوفونا من مبارك الوقتي بيشجعونا على الجيش

إيه الحكاية

لأ مش تحريض على الجيش وإنما تساؤلات مشروعة توجه له

الجيش اعترف بمشروعية مطالب الثورة والتزم بتنفيذها ... فماذا هذا التلكؤ في تنفيذ ما التزم به من جانب ... والعجلة في مواجهة المعتصمين من جانب آخر

وخصوصا أن هناك بعض المطالب التي لا يلزم لتحقيقها سوى جرة قلم مثل رفع حالة الطوارئ والإفراج عن المعتقلين وحلّ مجلس الشعب المزور وتقديم جدول زمني لعملية الانتقال لسلطة مدنية

بل وهناك بعض النقاط التي لا تحتاج إلا لقدر من الشفافية في التعامل مع الناس مثل ما طالبت به نوارة نجم من معرفة مكان ومصير مبارك وعمر سليمان وفتحي سرور ووضعهم القانوني

يا ريت المشير طنطاوي يتفهم أن الناس التي قدمت التضحيات تستحق بعض الإجراءات السريعة لتهدئة مخاوفها.

ليس كلام حضرتك من قبيل هذا التخويف

حسب فهمي القاصر أن العجلة تسير للأمام وكل شيء انتهى فعلا فلا وجود لحالة الطوارئ الآن إلا على الفاسدين والأمر حيالهم يسير بشكل جيد

ولأول مرة في حياتي لا أتعجل بالمطالبة بإلغائء قانون الطوارئ وثقتي أنه سيلغى في القريب العاجل كما أعلنوا بأنهم ضامنون لإلغائه بعد هدوء الأمور وضامنون للإفراج الفوري عن المعتقلين باستثناء بعض المجرمين

الجيش له طريقته في التعامل مع الأمور ودائما تحركاته تحوطها السرية ولا ندري للآن قصة الساعات الأخيرة وما هي الضمانات التي قد تكون أعطيت لهذا أو ذاك من أجل إنقاذ البلاد من قادة هؤلاء العصابات التي كانت تحكم مصر

أشياء كثيرة ستتضح

الحكومة الموجودة كلها حكومة الحزب الوطني والمجالس كلها والسيطرة ولهم السيطرة الآن على كل مقدرات البلاد ونزع هذه الأشياء يحتاج لإعطاء الجيش الفرصة دون تخوين

البيانات كانت فوق الممتازة قبل وبعد السقوط وهناك تحركات داخلية وخارجية هم يرونها ونحن لا نراها بالطبع

حاجات كتير اتغيرت واللي جاي أحسن إن شاء الله

والأيام القادمة تحمل الكثير لمصر

الجيش كان بعيد عن الحياة المدنية ولا نستطيع القول بأنه قد أحاط بكل الشيء في يوم وليلة

ربنا يعينهم لم يمض سوى أيام وليس أسابيع أو شهورحتى يتم الحكم على الأمور

وكل يوم فيه حاجة جديدة صح وامبارك سقوط أنس الفقي واليوم برضه هيبقى فيه جديد وهكذا

تم تعديل بواسطة tarek hassan

شارك هذه المشاركه


رابط المشاركه
شارك

رجعنا لعملية التخويف تاني وللأسف بعض اللي كانوا بيخوفونا من مبارك الوقتي بيشجعونا على الجيش

إيه الحكاية

الموضوع مش تخويف يا شيخ طارق

أنا مش شيخ يا أخ عنبو فليس كل من يعمل بالأزهر شيوخ

وكل ما أطلبه الصبر القليل وأعرف مقدار رغبة الجميع في رؤية النتائج

والنتائج كثيرة بالنسبة للمدة التي تولى فيها الجيش مقاليد الأمور

وكفاية التليفزيون اختفى منه الأشكال اللي عانينا من نفاقها كتير

شارك هذه المشاركه


رابط المشاركه
شارك

أنا شايف يا جماعة ان موضوع تنحي الرئيس الي الآن

لم يمر عليه أكثر من 48 ساعة حتي الآن

فإن شاء الله مافيش داعي لكل الخوف ده..بس برضه ما فيش مانع

ان اننا نتوخي الحذر شوية..و ان شاء الله الجماعة اللي تم اختيارهم

كإئتلاف لشباب الثورة..يكونوا علي وعي كامل بهذه التخوفات و يبدأوا في التحرك

بمخاطبة الجيش حتي لو قاموا بزيارة الي مقر المجلس الأعلي للقوات

المسلحة.. و يحاولوا انهم يتفاهموا علي كل الأمور..و ياخدوا منهم جدول

زمني و خريطة واضحة لمعالم الفترة القادمة...و كيف رآها الجيش و خطط لها

و بعدها ان شاء الله يكون التصرف..

والله المستعان

شارك هذه المشاركه


رابط المشاركه
شارك

الاضرابات و الاعتصامات تتوالي

قطاعات كبيرة لم تشارك في الثورة الا في اخر مرحلة لكن الان تريد بعض من حقوقها

اتوقع تزايد تلك الحركات يوما بعد يوم

الان دور قيادة الجيش للحركة بسرعة

البطء لا يصلح

البطء ضيع النظام السابق

الواجب الان البيان الخامس يؤكد علي قبول مطالب الثورة و اصدار جدول زمني خلال هذا الاسبوع

طمئنه قطاع كبير من اصحاب الاعتصاملت و الاضرابات ان الجيش سوف يجعل من اولويات الحكومة تلبية مطالبهم

العمل علي ازالة اذناب النظام السابق في الوزارة الحالية و ابواقه في الاعلام و الصحافه و في الشركات و الممؤسسات و الوزارات

شارك هذه المشاركه


رابط المشاركه
شارك

الحمدلله

حل مجلس الشعب والشورى وتوقيف العمل بالدستور

أعتقد وضع الجيش تحت ضغط المطالبات لا ينتقص من ثقتنا فيه ، وبخاصة لو كانت مطالبنا بديهية زي الأمور اللي هو نفذها أهي

تم تعديل بواسطة الغريب

شارك هذه المشاركه


رابط المشاركه
شارك

بيان الجيش الآن تحدث عن اجتثاث الفساد

و حل البرلمان

تعطيل الدستور و تعديله "مش عارفة ازاي مع بعض

حكومة تسيير أعمال حتى تشكيل الحكومة

طنطاوي هو رئيس الدولة فعليا الآن

محللين أجانب بيرجحوا ان سامي عنان هيستقيل من الجيش و ينزل انتخابات الرياسة

شارك هذه المشاركه


رابط المشاركه
شارك

البيان الخامس طلع دلوقتي

حاسس انه مش متوافق مع طلبات الثورة

ديباجة طويله ملهاش لازمة

و اهم النقط في البيان تعليق العمل بالدستور

تعديل بعض مواد الدستور و ليس تاسيس دستور جديد

يعني مش معترفين بالثورة و برضه مافيش حوار مع ائتلاف الثورة

من الاخر بيان يقلق اكثر ما يريح

شارك هذه المشاركه


رابط المشاركه
شارك

عجلة التاريخ لا تعود للوراء

كل ما نحتاجه هو الصبر فقط وإعطاء الوقت لقيادة المجلس الأعلى للقوات المسلحة

يا جماعة الناس دي ممكن منامتش من اسبوعين...

واحدة واحدة

شارك هذه المشاركه


رابط المشاركه
شارك

السلام عليكم ورحمة الله وبركاته

احنا مابنلعبش ..... ولا هو كلام عيال وممكن مبارك يرجع يوقلنا هييييييه ضحكت عليكوا وهرجع تاني ...... لاياجماعة ماتم جنيه من ثمار الثورة لايمكن ضياعه

بس اسمحولي ....... لكل نظام اعداء واضحين

ولكل ثورة واصلاح اعداء جواسيس

صحيح اننا قطعنا راس الافعي ......... بس مانسساش ان ليها ديول خبيثة

يعني ياجماعة الفساد ماكنش في مبارك واعوانه الواضحين بس .......... لا الفساد انتشر انتشار رهيب في كل قطاعات الدولة

علشان كدة بقولها النهاردة

الثورة لم تتوقف بعد ............... وأعتقد المرحلة الحالية لاتقل أهمية عن المرحلة السابقة ....... بمعني

زمان كنا بنشوف الفساد بعيونا ........ بس مابنقدرش نحاربه لاننا عزل وهو مسلح تسليح خطير ............. يعني لو شوفنا موظف فاسد هنلاقي اللي اعلي منه بيحميه واعلي منهم بيحميهم واعلي واعلي ........ الخ لحد حماية راس الافعي زي ماقولنا

لكن ........ النهاردة الفساد اجبن بكتيييييييييير اوي من انه يواجهنا لان مافيش اللي يحميه ....... مش معني كدة انه هيخاف ويسكت لوحده ....... لأ احنا اللي هنخوفه

لو كل واحد فينا شاف حاجة غلط وماعداهاش واتكلم وعلي صوته وفضح الفاسدين ........ هنقضي علي الفساد واعوانه نهائياً في البلد

احنا مش لازم نطمن وخلاص بقي نقول عملنا اللي علينا وشاركنا في الثورة واحنا ابطال ونقعد في اماكنا من تاني ونطلب من المسئولين او الجيش انه يصلح ......... ونرجع نقول .... المفروض يعملوا ؟؟؟؟؟؟؟؟؟؟

لا خلاص ماينفعش حد فينا يتكلم بصيغة الغائب ........ لازم كلنا نتكلم بصيغه الجمع ...... هنعمل

مش لازم نستنى الجيش يعملنا .......... احنا لو رجعنا نمنا تاني ورضينا بالواقع وشوفنا الفساد وغمضنا عيونا ............ يبقي مافيش علي الفساد لوم لاننا اللي وفرناله التربة الصالحة لنموه

اكيد لازم نطمن علي ثورتنا وعلي مجهودنا وتعبنا ............ واكيد كلنا واثقين في ربنا سبحانه وتعالي

بس لازم نشتغل علشان نلحق نبني اللي دمره 30 سنة فساد وقرف وقبح

لازم كلنا نرجع نشتغل ونحارب بقايا النظام القديم نحارب اعوانه ومريديه ........ نحارب اي حد مهما كان طالما فاسد

ايدنا في ايد بعض ومازالت نيران الثورة مشتعلة لتأكل ماتبقي من فساد

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ثورة الفلاحين الجانب الخفي لثورة ١٩١٩

      احتفالات مئوية ثورة 1919 التى أثارت اهتمامًا شديدًا، طغى عليها أمران، الأول هو نضال سعد زغلول والوفد المصرى. أما الأمر الثانى فهو الوحدة الوثيقة التى صهرت المصريين فى بوتقة واحدة، فالمسلمون والمسيحيون فجأة أصبحوا سمنا على عسل وعاشوا وحدة حقيقية مذهلة ليس فيها تمثيل ولا شيخ وقسيس يقبلان بعضهما بل مصر المتوحدة تفكر فى الوطن. أكتب عن جانب غير معروف فى ثورة 1919، هناك دراستان حديثتان أولهما للباحث الأمريكى كايل أندرسون الذى استخرج أوراقًا هامة من دار الوثائق البريطانية تشير إلى أن ثورة الشعب فى

      في مختارات من الصحف

    • بصفة عاجلة مطلوب البدء بسرعة تفريخ خبراء في إدارة و تشغيل الصوب الزراعية

      تفقد الرئيس منذ أيام مشروعات الصوب الزراعية  و طلب أن يأكل المصريون منتجات زراعية أورجانيك بمعنى منتجات طبيعية بدون كيماويات أو مبيدات. رأينا على شاشات التليفزيون  شكل الصوب الزراعية و شكل المنتجات .. فعلا شكلها يرد الروح  و الرسالة التي وصلت لأبناء المدن  مثلي أنا    أن الزراعة في الصوب الزراعية  عملية سهلة و الإتجاه إلى الزراعة في الصوب  ستكون مثل السحر ...  تحاورت مع شقيقتي الحصيفة و التي يملك زوجها مزرعة في وجه بحري مقترحا عليها الإستفادة من فكرة الصوب الزراعية و تفضلت بعرض الجانب

      في موضوعات جادة

    • الثورة و أولويات التاريخ

      إنشغل الجميع .. و ما زالوا ( و نحن منهم ) ... في تكييف و تحديد ما قام به عبد الناصرو صحبه ليلة الثالث عشر من يوليو 52.. أهي حركة ... أو كما أُُُطُلق عليها منذ البداية "حركة الجيش المباركة" ؟ نعم ! لأنها تعتقد أنها تحركت في الوقت المناسب للقيام بعملية إنقاذ وطنية.. فإذا تطلع انسان من نافذة منزله و رأي رجلا يسقط فجأة و ليس من ينقذ.. قد يتحرك تلقائيآ و بصورة حادة .. و قد يتحرك بعد تفكير خاطف ليتأكد من جدوي تحركه .. قد يفكر نفعيآ فيما يغنم من وراء تحركه .. و ربما يحجم خوفآ من الضرر .. و عندئذ.. و

      في تاريخ مصر

    • «المطبلاتية والفلول» أشرف وأرجل من «نشطاء الثورة والإخوان»!

      الزمن كان كفيلا بإنصاف الذين ألصق بهم مصطلحات «المطبلاتية وعبيدى البيادة والفلول»، وكذبا وزورا، بعد حملة التشويه الممنهجة التى قادها ضدهم أدعياء الثورية ونشطاء السبوبة ونخب العار من البرادعى لممدوح حمزة وخالد على وحمدين صباحى وعلاء الأسوانى ودواسات تويتر، وحلفاؤهم قيادات وأعضاء جماعة الإخوان الإرهابية، منذ 25 يناير 2011، وحتى الآن.   أدعياء الثورية، ونشطاء السبوبة، وجماعات المصالح، والإخوان الإرهابية ومؤيدوها والمتعاطفون معها، وصلت بهم البجاحة وغلظ العين، إلى الدرجة أن يشوهوا المفاهيم، و

      في سياسة داخلية

    • السيسى لعلماء الأزهر : "يا غولة .. عينك حمرا .. نحتاج لثورة دينية"

      قال السيسى فى احتفال وزارة الأوقاف بالمولد النبوى الشريف ما لم يجرؤ حاكم من قبل على قوله ثورجى على الهادى .. بدون صراخ ولا جاعورة .. يقود ثورة دينية فى معقل المؤسسة التى طالبناها مرارا وتكرارا بالاضطلاع بمسؤوليتها فى تصحيح الخطاب الدينى طالبهم بثورة دينية .. ثورة على النفس .. ثورة ضمير واخلاق وسلوك قال لهم ما تبصوش من جوه .. بصوا من بره والله لأحاجيكم أمام الله عز وجل يوم القيامة معقول الفكر والنصوص - وليس الدين - التى أصبحنا نقدسها تدفعنا إلى العمل على نشر الخراب والقتل فى هذا العالم

      في موضوعات جادة

×
×
  • اضف...