اذهب إلى المحتوى
محاورات المصريين

ماذا يدبر لثورة شباب مصر (الحقوا الثورة بسرعة)


bodi

Recommended Posts

يا جماعة انا حاسس ان في شي بيتم تدبيره للثورة

اولا: صحيح ان مبارك تخلي عن الحكم للجيش بس لو بصينا للبيانات الاربعة للجيش كلها لم يذكر صراحة أو يؤكد علي مبدأ الثورة المصرية يعني الجيش لم يعترف بالثورة حتي الان و اكثر من ذلك كل كلام الجيش علي الشرعية التي يرتضيها الشعب طب لما لا يذكروا بصراحة تاكيدهم علي شرعية الثورة. الجيش لم يرد علي بيان الثورة و لم يحاول ان يعطي جدول زمني لتنفيذ رغبات الشعب. اليوم الجيش ضغط بشوية عنف عشان يخلي المتظاهرين. ممكن ان يطمئن الجيش الشعب بشوية تطمينات و جدول زمني. جريدة الشروق بتتكلم علي ان مبارك في شرم لازال يتمتع بصلاحيات رئاسية و تأتيه تقارير رئاسية و لازال طاقمه الرئاسي يساعده كالسابق. بعيد عن كده الاذاعة المصرية اليوم تتكلم عن استفتاء لاختيار يوم لعيد الشباب (يوم 28 كيوم الصمود او يوم 9 فبراير كيوم سابق للشباب) وليس كعيد لثورة الشباب. احدي المتصلات تكلمت عن اننا يجب ان نحتفل بالثورة في يوم 11 فبراير و لكم مذيعات الاذاعة قفلواعليها و قالت لها بنحترم وجهة نظرتك. اللي حسته من تغطية الاذاعة ان وجهة النظر الرسمية حتي الان ان مافيش حاجة اسمها ثورة او شرعية ثورية جديدة.

برضه لو بصينا لاركان النظام القديم ما فيش اي كلام علي توقيف او محاسبة سرور او الشريف او عزمي. انس الفقي كان بيتكلم بكل ثقة امبارح و شكله مش خايف من المحاسبة. احمد عز برضه بيتكلم بكل ثقة و انه معاه كل المستندات اللي تثبت حسن موقفه. عبد الله كمال بيتكلم و كاتب مقاله كأنه موجود و ليس براحل. يوسف بطرس غالي سافر بأذن من الحكومة مش غريبه دي. كل الرموز المكروهه لسه زي ما هي في الوزارة.

يا جماعه انا في احساس قوي بداخلي ان في لعبة لاستمرار النظام القديم بطريقة ما وخايف ان الجيش ما يحلش مجلسي الشعب و الشوري و نعيش بنفس الوشوش السابقة

رايكم ايه يا جماعة

رابط هذا التعليق
شارك

من استطاع ان يقطع رأس الافعى بسيفه

لا يخشى اذنابها ,,

وان بقيت

قطعت ,,

المجد لولادك المخلصين ...

رابط هذا التعليق
شارك

هو لعب عيال و الا ايه؟

و الا ترهيب جديد و نشر اشاعات؟

مصدر حضرتك جريدة الشروق و لا نثق فيها من أصله

الناس دي بتحاول حتى آخر نفس

يمكن يقدروا يعملوا حاجة

و بعدين فين كلام أنس الفقي و مش هامه حاجة

بعد ما أحمد شفيق أقاله قدام الناس كلها في التلفزيون

احساس حضرتك القوي ده احساس داخلي مستخسر فيك الفرحة

أرجو إن حضرتك تقاومه

و تخللي ثقتك في الله سبحانه و تعالى كبيرة

إنه يتم علينا فرحتنا بكرمه

أعد شحن طاقتك

حدد وجهتك

و اطلق قواك

رابط هذا التعليق
شارك

من استطاع ان يقطع رأس الافعى بسيفه

لا يخشى اذنابها ,,

وان بقيت

قطعت ,,

حقاً

وان عدتم عدنا وبمنتهى القوه

الجيش يعلم تماما مدى قوة الشعب ويعلم تماما ان من يتحكم فى الامور هو الشعب وليس هو

تحياتى

عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

كتير من شكوك حضرتك في محلها فلغاية الآن معظم ان لم يكن كل الرموز القديمه موجوده ومفيش اي حديث عنها ..

المشهد الحالي وكأن مطلب الجماهير الثاني هو الذي تحقق (( الشعب يريد اسقاط الرئيس )) وتقريبا كده محدش بيجيب سيرة المطلب الاولاني خالص (( الشعب يريد اسقاط النظام )) ..

فعليا وحتى هذه اللحظة رحل الرئيس ولكن بقي النظام ..

عموما ومن متابعتي لاحداث تونس الاخيرة وقبل ماانشغل فيما حدث في مصر فان لم تخني الذاكرة برضه سقط بن علي واستمرت رموز النظام السابق والمعارضه المستأنسة في تسيير امور البلاد .. على حسب مافهمت من وسائل الاعلام وقتها فالناس الي امسكت بزمام الامور مكانتش بتحظى برضى وقبول الجماهير ومش عارفه الموضوع دلوقت رسي على ايه وهل تغير الوضع ولا لاه لاني معدتش متابعه الوضع في تونس والاهم .. الاعلام توقف عن متابعتها وتجمد على مشهد ازاحة بن علي ..

ارجع واقول نصبر يومين ونشوف .. ولعل القادم خير ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

ممكن ندى الجيش فرصة للخميس لو معملش حاجة تبقى دعوة لمظاهرة أقوى وأشد احنا مناخدش الكلام ده اللى انت بتذكرة أكيد مئة بالمئة ولكن فعلا لا ينبغى ترك جميع الأمور معلقة

رابط هذا التعليق
شارك

الجيش ليسه له مصلحة في إستمرار الوجوه الفاسدة

والجيش يقف الان مع المطالب الواضحة التي طالبت بها كل فئات الشعب

والجيش لا يُريد ان تهتز صورته أمام الناس .. ومن الواضح أنه لا يسعى لسُلطة أو حكم .. وإلا سينقلب عليه الشعب كله

وبالتالي من حق الناس إنها تطالب بألا ترى الوجوه القديمة العفنة ... ومن حق الجيش أن ياخذ وقته في تعيين حكومة مؤقتة ذات كفاءة .. لكن برضوا الناس مش هاتصبر لان فعلاً في أسماء في مصر تستحق أن تكون في المقدمة وتستحق أن تنهض بالبلاد

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مع إحترامي في كل وجهات النظر التطمينية

إلا إني مع عدم إطفاء جرس الإنذار .. "من خاف سلم"

لازم نخاف على مكاسبنا

ولا نحسن الظن إلا بالثورة والشعب

الجيش على العين والرأس ، ولكننا ننتظر منه المزيد على أرض الواقع

الحذر لازم يكون على قدر الحدث

والحدث هو شلة كبيرة من المفسدين ، لن تنتهي في يوم وليلة

أصبروا وصابروا ورابطوا

ehm448.gif

رابط هذا التعليق
شارك

يا جماعة الشكوك دي هي أكبر أسباب الفشل

هو ربنا بيهزر معانا يعني

استغفر الله العظيم

مش ربنا اللي يدينا الأمل ده كله

و يسحبه مننا تاني

لازم نحسن الظن فيه سبحانه

الشكوك دي من شياطين الإنس والجن

عشان تضيع علينا فرحتنا

و تحبطنا

و منعرفش نعمل أي حاجة من اللي بنخطط لها

لازم نكون متأكدين إن الكون كله مليان بالأخطار و السلبيات و المخاوف

و الخطر عمره ما بيتلاشى و دايما موجود

و صمام الأمان الوحيد

هو الله جل و علا

نبطل بقى تحليلات

و نفكر في بلدنا و كيف ننهض بها

و نسيبنا من القلق و المخاوف اللي ربنا كفيل بحماية بلدنا منها

أعد شحن طاقتك

حدد وجهتك

و اطلق قواك

رابط هذا التعليق
شارك

بلاغات للنائب العام تتهم «مبارك والعادلى وعز والشريف وسرور» بالقتل العمد والتحريض على تخريب البلاد

كتب عمر حسانين ويسرى البدرى وفاروق الجمل وأسامة المهدى وفاطمة أبوشنب والمحافظات - السيد أبوعلى وصلاح البلك وأحمد أبودراع ١٣/ ٢/ ٢٠١١

قدم عدد من المحامين بلاغات إلى النائب العام ضد حسنى مبارك، رئيس الجمهورية السابق، وحبيب العادلى، وزير الداخلية السابق، للمطالبة بضبطهما وإحالتهما إلى محاكمة عاجلة، والتحقيق معهما فى تهم إطلاق الرصاص الحى على المتظاهرين وسحب قوات الشرطة من الشوارع، لإحداث الفوضى فى البلاد وتحريض البلطجية والمسجونين والمسجلين خطر على تخريب البلاد.

كما قدم محامون بلاغاً آخر ضد ١٣ من القيادات الأمنية والحزبية بينهم أحمد عز وفتحى سرور وصفوت الشريف وعدد من أعضاء مجلس الشعب والشورى يتهمونهم فيها بارتكاب ممارسات أدت إلى المساس باستقلال البلاد ووحدتها وسلامتها واستخدام القوة والعنف والتهديد والترويع والتحريض على تخريب ممتلكات الوطن.

وقدم المحامى حسن أبوالعينين ٣ بلاغات إلى النائب العام ضد حبيب العادلى، وزير الداخلية السابق، واللواء إسماعيل الشاعر، مساعد أول وزير الداخلية لقطاع أمن القاهرة، واللواء أحمد رمزى، رئيس قطاع قوات الأمن المركزى، و٤ ضباط آخرين، واتهمهم بقتل ٣ من المتظاهرين يوم ٢٨ يناير، بإطلاق الأعيرة النارية عليهم فى الرأس والقلب. وادعى مقدم البلاغ مدنياً بتعويض مدنى مؤقت لكل من الضحايا الثلاثة بمبلغ ٢ مليون جنيه.

وفى سياق آخر، شهدت محافظتا شمال سيناء وسوهاج تبادلاً لإطلاق النار بين عناصر مجهولة وقوات الشرطة، أسفرت عن مقتل ٧ وإصابة ٣٤ آخرين فى العريش، فيما أصيب ١٨ فى سوهاج بطلقات الرصاص الحى والاختناق بالغاز المسيل للدموع، إضافة إلى إتلاف ٨ سيارات للشرطة.

وقرر اللواء محمود وجدى، وزير الداخلية، نقل اللواء عاطف شريف، مساعد وزير الداخلية لقطاع مصلحة السجون، إلى ديوان الوزارة، وتعيين اللواء عبدالجواد أحمد عبدالجواد بدلاً منه، بعد اقتحام مجهولين سجن المرج وهروب ما بين ٦٠٠ و٨٠٠ سجين، وطالب «وجدى» بتحقيق عاجل فى الواقعة.

وتواصل أجهزة الأمن جهودها لضبط الهاربين من السجون عقب أحداث الانفلات الأمنى، بعد مظاهرات ٢٥ يناير، والذين بلغ عددهم ٢٣ ألفاً و٦٠ سجيناً هارباً، تم القبض على ١٠ آلاف و١٤٧ سجيناً، خلال الأيام الماضية.

رابط هذا التعليق
شارك

انا عند ظن عبدى بى فليظن بى ما شاء

يا جماعة هو مش لعب عيال

الريس تنحى وده عبر وسائل الاعلام كلها يعنى رسمى واللى قال الخبر نائبه ومدير عام المخابرات السابق يعنى مش بيلعب

وطالما الريس اتنحى يبقى سلطاته كلها اتسحبت منه

بالنسبة لشرم الشيخ القصر اللى هناك مش تبع الرئاسة فى شئ ده بتاعه الشخصى (بصرف النظر هو اتبنى ازاى)

ولو حد لسه بيساعده من نظامه القديم فده موضوع شخصى ولا يلومن الا نفسه (وكل واحد حر فى ولائه)

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك

يا جماعة الشكوك دي هي أكبر أسباب الفشل

هو ربنا بيهزر معانا يعني

استغفر الله العظيم

مش ربنا اللي يدينا الأمل ده كله

و يسحبه مننا تاني

لازم نحسن الظن فيه سبحانه

الشكوك دي من شياطين الإنس والجن

عشان تضيع علينا فرحتنا

و تحبطنا

و منعرفش نعمل أي حاجة من اللي بنخطط لها

لازم نكون متأكدين إن الكون كله مليان بالأخطار و السلبيات و المخاوف

و الخطر عمره ما بيتلاشى و دايما موجود

و صمام الأمان الوحيد

هو الله جل و علا

نبطل بقى تحليلات

و نفكر في بلدنا و كيف ننهض بها

و نسيبنا من القلق و المخاوف اللي ربنا كفيل بحماية بلدنا منها

ونعم بالله

ولكني سأظل متخوف على المولود الجديد حتى يكبر ويثبت أقداه في الأرض

خوفي عليه من منطلق فرحتي به

ehm448.gif

رابط هذا التعليق
شارك

يا جماعة الشكوك دي هي أكبر أسباب الفشل

هو ربنا بيهزر معانا يعني

استغفر الله العظيم

مش ربنا اللي يدينا الأمل ده كله

و يسحبه مننا تاني

لازم نحسن الظن فيه سبحانه

الشكوك دي من شياطين الإنس والجن

عشان تضيع علينا فرحتنا

و تحبطنا

و منعرفش نعمل أي حاجة من اللي بنخطط لها

لازم نكون متأكدين إن الكون كله مليان بالأخطار و السلبيات و المخاوف

و الخطر عمره ما بيتلاشى و دايما موجود

و صمام الأمان الوحيد

هو الله جل و علا

نبطل بقى تحليلات

و نفكر في بلدنا و كيف ننهض بها

و نسيبنا من القلق و المخاوف اللي ربنا كفيل بحماية بلدنا منها

ونعم بالله

ولكني سأظل متخوف على المولود الجديد حتى يكبر ويثبت أقداه في الأرض

خوفي عليه من منطلق فرحتي به

تمام كده

هو مين اللي رزقنا المولود؟

هو مين اللي نصرنا على الظلم ؟

{أَلَيْسَ اللَّهُ بِكَافٍ عَبْدَهُ وَيُخَوِّفُونَكَ بِالَّذِينَ مِن دُونِهِ وَمَن يُضْلِلِ اللَّهُ فَمَا لَهُ مِنْ هَادٍ }الزمر36

أعد شحن طاقتك

حدد وجهتك

و اطلق قواك

رابط هذا التعليق
شارك

رساله للجيش المصري: البطء في الاستجابة لمطالب الناس كان أحد أسباب سقوط النظام السابق فلا تكرروا نفس غلطته ... الشعب وثق بكم وأعطاكم تفويضا لتنفيذ تطلعاته ولكنه ليس تفويضا بلا نهاية فأرجو أن تفهموا الرسالة وتبدأوا فورا في تنفيذ الإصلاحات المطلوبة قبل أن تشتعل الأمور مرة أخرى

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

رساله للجيش المصري: البطء في الاستجابة لمطالب الناس كان أحد أسباب سقوط النظام السابق فلا تكرروا نفس غلطته ... الشعب وثق بكم وأعطاكم تفويضا لتنفيذ تطلعاته ولكنه ليس تفويضا بلا نهاية فأرجو أن تفهموا الرسالة وتبدأوا فورا في تنفيذ الإصلاحات المطلوبة قبل أن تشتعل الأمور مرة أخرى

معاك يا استاذ احمد مليون فى الالف ...

انا مش فاهم ليه البطء الشديد ده

شفيق يستبدل الفقي باسامه الشيخ المتهم من منال عجرمه باتلاف مستندات تظهر الفساد والسرقه بالتلفزيون؟

sob7an2_www_different-des_com.gif

astghfr_www_different-des_com.gif

رابط هذا التعليق
شارك

يا جماعة اصبروا شوية عالجيش وخلى عندكم حسن ظن بيه وان شاء الله خير

اعتقد ان كان بيان الجيش امبارح يعتقد على حاتين مهمين ورسالتين واضحين

اول حاجة ان مصر ملتزمة بالمعاهدات الدولية وده طبعا عشان اسرائيل اللى عمالة تزن كل شوية وتقول لازم تلتزموا بمعاهدة السلام لانها خايفة بعد رحيل مبارك لا ننقض المعاهدات ذى السلام والغاز

وتانى رسالة كانت موجهة للشرطة انهم لازم يكونوا اد المسئولة ذى ما قال البيان انه يجب على الشرطة الالتزام بالشعار ودقق قوى على الشعار وهو الشرطة فى خدمة الشعب

يا ريت نصبر شوية ولا نتشائم وقولوا يارب

رابط هذا التعليق
شارك

يعني ايه المشكلة ان الجيش يوكد عي قبوله مبدئيا علي مطالب بيان الثورة المحتوية علي 11 بند و يؤكد علي اعداده جدول زمني.

النهارده كان في خبر في اليوم السابع بخصوص دخول مبارك في غيبوبة كامله و للغرابة تعليقات كثيرة تبكيه و تدعي ان الشعب ظلمه عدد التعليقات الكبير فكرني بخلايا الالكترونية بتاعه الحزب الوطني اللي اكلم عليهم وائل غنيم.

من شويه علي شبكة رصد كان في خبر عاي انطلاق مظاهرة تطاب من المعتصمين بفض اعتصمهم.

علي موقع الشروق في موضوع اخباري عن سيناريوهات انتقال الحكم : الاول منها تاسيس دستور جديد و الثاني استمرار الدستور الحالي مع فقط التخلي عن سرور و الشريف لادارة مجلسي الشعب و الشوري. يعني معني كده تعديل المواد السته زي ما قال مبارك و دراسه الطعون و يفضل المجلسين تحت ادارة شبكة الفساد

تصوري ان شبكة الفساد في النظام تعيد ترتيب اوراقها و اهوه مبارك اتنحي و اللي كنت عايزينه حصل و كل واحد يروح بيته و سبونا نرتب امورنا بالشكل اللي احنا شيفيناه و اللي مش عاجبه يبقي ضد الاستقرار و مع الفوضي.

اللي انا شايفه قرائن ضعيفه و محدوده و ممكن مش واضحه اوي للعيان بس انا باحساسي ان في شي مش كويس بيترتب له لمنه تحول مصر لنموذج تركي اخر

يا جماعة دعونا نكون متيقظين لو ثبت سوء هذه التوقعات ما فيش مشكلة بس لو ثبتت صحتها لازم كلنا ناخد رد فعل قوي.

رابط هذا التعليق
شارك

الجيش ليسه له مصلحة في إستمرار الوجوه الفاسدة

والجيش يقف الان مع المطالب الواضحة التي طالبت بها كل فئات الشعب

والجيش لا يُريد ان تهتز صورته أمام الناس .. ومن الواضح أنه لا يسعى لسُلطة أو حكم .. وإلا سينقلب عليه الشعب كله

وبالتالي من حق الناس إنها تطالب بألا ترى الوجوه القديمة العفنة ... ومن حق الجيش أن ياخذ وقته في تعيين حكومة مؤقتة ذات كفاءة .. لكن برضوا الناس مش هاتصبر لان فعلاً في أسماء في مصر تستحق أن تكون في المقدمة وتستحق أن تنهض بالبلاد

1-تفاءلوا بالخير تجدوه.

2-الصبر.ربنا لم يخلق الدنيا في يوم واحد

3-امبارح سمعت يسري فوده على قناة اون تي في بيقول ان في ناس كتير عُرضت عليها الوزاره لكنهم رفضوا ...لان ماحدش عاوز يحرق نفسه في الفتره دي

:egyflag:

407086_10150519470631088_583296087_9114843_428326208_n.jpg
رابط هذا التعليق
شارك

من بلوج نواره نجم

انا ما اقدرش اقول للناس تعمل ايه لان الناس هي اللي عملت وغيرت وكل حاجة بس انا عندي مخاوف من حقي اعبر عنها والناس تفكر وتوزنها والشعب اللي حرر بلده يقدر يلاقي لها حل

1- فين مبارك؟

لا بجد فين؟ ايه الغموض ده؟ بن علي راح السعودية عرفنا انه في السعودية، مبارك شوية يقولوا لنا في الامارات وشوية يقولوا في شرم الشيخ وشوية يقولوا في غيبوبة وشوية يقولوا زي القرد مافيهوش حاجة

انا مش عايزة اخوف حد، بس افتكروا ثورة مصدق وافتكروا عودة الشاه اللي قعد بعدها سنين طويلة يعذب في الايرانيين، وافتكروا ان مبارك له اذناب وعيال وناس مصالحهم متشابكة معاه ومع نظامه ومش حيسيبوه يقع بالساهل

مبارك لو في شرم الشيخ، الجيش ملزوم يقبض عليه ويتحفظ عليه لحين محاكمته

لو في الامارات يبقى الامارات ملزومة تطلع لنا بيان رسمي تقول انه عندها

وفي كل الاحوال، الراجل ده لازم يتحاكم، ويرجع الفلوس، ويتحاكم بتهمة الخيانة العظمى، العادلي بيقول انه اخد كل التعليمات من مبارك مباشرة، يعني كل ما يوجه للعادلي من تهم - ومن ضمنها الخيانة العظمى لما سحب الشرطة من الشارع - تتوجه لمبارك

فيه حد رفع قضية دلوقت على الراجل ده؟ ولا سايبينه

ثم شرم الشيخ ايه؟ القصر اللي قاعد فيه ده بتاعنا اساسا

اديني باحذركم اهو.. الراجل ده او ابنه او حد من نظامه ممكن يرجعوا في اي لحظة وينتقموا منا كلنا

2- وبمناسبة اي حد من نظامه.. فين عمر سليمان؟

قاعد فين دلوقت؟ وشغلته ايه دلوقت؟ وضعه القانوني ايه؟ عمر سليمان اسرائيل وامريكا بيحبوه... والراجل ده مجرم حرب وله تاريخ طويل من التعذيب والقتل، هو فين؟ ثابت بالوثائق انه كان بيعذب وبيقتل وبيضخ غاز مسمم في الانفاق

حد رفع عليه قضية؟ ولا مستنينه لما تترستق الامور وامريكا واسرائيل ينططوه علينا؟

3- احمد شفيق قاعد ليه؟ وايش عرفكم ان احمد شفيق مش على اتصال بمبارك وعمر سليمان

ثم هو قاعد لكن هو فين؟ مختفي من وشنا ليه؟ مش ده شفيق اللي قال علينا هايد بارك؟ مش ده شفيق اللي قال حابعت لهم بسكوت وبون بون؟ مش ده شفيق رئيس حكومة مذبحة الاربعاء؟ عادلي ايه اللي بيتحاكم على مذبحة الاربعاء؟ المذبحة دي حصلت ومحمود وجدي هو وزير الداخلية مش العادلي، وبعدين هو مش ابو العينين هو اللي اعترف انه سلط البلطجية؟

4- فين صفوت الشريف؟ فين فلوسه؟ وفين ارصدته؟ وفين التحقيق معاه؟ وهو قاعد فين دلوقت حاليا؟

5- انتوا ناسيين ان فيه حاجة اسمها الحرس الجمهوري ولاءهم الاول لمبارك؟ وبياخدوا اوامر من مبارك؟ ومسلحين؟

شفيق وحكومته ليه ما تمشيش دلوقت حالا وتتشكل حكومة كفاءات بشكل عاجل، دي تتعمل في يوم واحد

ليه ما يتمش الاعلان عن مكان مبارك والجيش يطمنا انه متحفظ عليه؟

ايه وضع الحرس الجمهوري دلوقت؟ جابو سيرة الشرطة وماحدش قال لنا ايه وضع الحرس الجمهوري

احنا عايزين الجيش يتحفظ على مبارك وصفوت الشريف وعمر سليمان ويحل حكومة شفيق والكلام ده ينفع يتعمل النهاردة، مش صعبة

وعايزين النائب العام دلوقت حالا يفتح تحقيق مع المذكورين وعلى رأسهم مبارك وولاده وعمر سليمان، وده برضه ينفع يتعمل النهاردة

وعايزين الجيش يقول لنا وضع الحرس الجمهوري بالظبط ايه دلوقت، وليه ما يتحلش؟ هو مش الحرس الجمهوري ده شغلته يحرس الرئيس؟ طب مافيش رئيس دلوقت، موجود بيعمل ايه الحرس الجمهوري ده؟

وعايزين حل جهاز امن الدولة

وليه فيه قانون طوارئ دلوقت حاليا؟

احنا حننام كده؟ انا سمعت واحد بيقول حنرجع يوم الجمعة الجاية لميدان التحرير

جمعة جاية؟ النهاردة الاحد، انت عارف من النهاردة للجمعة ايه اللي ممكن يحصل؟

اديني قلت لكم مخاوفي وعقلكم في راسكم تعرفوا خلاصكم، واللي الناس حتستقر عليه انا معاكم

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

اتكلمت قبل سقوط مبارك ان تنحى مبارك ليس غايه ولكنه اخد اهداف الثوره

ولكن الهدف الاهم للثوره هو اسقاط النظام كاملاً متكامل

على الجيش ان يعى ذلك جيداً

ليه الجيش لم يسلم البلد الى رئيس المحكمه الدستوريه العليا وفقا للدستور السابق

ورئيس المحكمه الدستوريه العليا هو من يتولى البلد لحين تعديل الدستور والانتقال السلمى للسطه ؟

ويبقى الجيش للحفاظ على النظام والامن اللى هى اساسا مهمته

ومن بعد الاستقرار يعود الجيش الى ثكناته

لازم قرارت الجيش تبقى سريعه لانه بيتعامل مع مدنين وليس عسكريين

ومن اجل مصلحة البلد لان اى صدام بعد ذلك هتبقى كارثه ومعنها احراق المركب على اللى فيه

وقد وصل حالة اليأس لدى الناس بسبب سياسة الرئيس المخلوع السابق انهم لا يوجد لديهم ما

يبكون عليه

ارجو من القوات المسلحه ان تسرع فى اتخاذ الاجراءات اللازمه لاثبات حسن النيه

تحياتى

عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...