باب متكامل عن ثورة يناير 2011

[لماضة مصرية جدا]

السلام عليكم و رحمة الله و بركاته

بقترح للادارة ان حنا نعمل باب متكامل عن ثورة اللوتس يناير 2011

لان فعلا فيه حوارات قيمة جدا و افكار بتروح في قلب التوبيكات

يعني ممكن نكون بنتكمل في سياسة داخلية....و بعدين افضل ادور علي نقطة تانية في مسائل اقتصادية

الثورة اللي قامت دي و لسه هتستمر

محتاجة باب لوحدها

نحط فيه مناقشتنا

توثيق الحدث

متابعة الاخبار و اللي لازم برضه تستمر لغاية ما البلد تقوم علي رجليها

باب متكامل....اسمه....ثورة اللوتس

اللي يعدي عليه...من بعدنا يحس انه عاش الحلم معانا لحظة بلحظة من غير ما يتوه في زخم الموضوعات

و شكرا علي تفهمكم

صباحكم......زهرة لوتس...من ارض مصر

[fatfouta]

وانا كمان معاكى يا لماضة وكنت هطلب ده من الادارة الكريمة

من حقنا ان مواضيع الثورة العظيمة ماتضيعش وسط المواضيع التانية

ياريت بجد الثورة يبقالها باب لوحدها

[مغتربة]

معاكو معاكو

مؤيده و بشده

[الغريب]

يا جماعة انا اقترحت الكلام ده من زمان ومدام مصرية متغربة راسلتني على الخاص "مشكورة" وأخبرتني أن هذا الاقتراح بالفعل هو محل دراسة للإدارة ، وأعتقد أن مداخلة للفاضل سكوب قريبا أكدت أنه أصبح محل تنفيذ

يفترض الآن أن الإدارة لو أرادت مساعدة من الاعضاء أن تعلن عن هذا

بمعني أننا نساعد في تجميع روابط الموضوعات أو المساعدة في تنسيق وتصنيف الموضوعات أو الإشارة والتنبيه على كل الموضوعات التي تخص الثورة

وأحنا حاضرين ، وكله بحسابه :) هههههههههه