اذهب إلى المحتوى
محاورات المصريين

ياتري هاتكون بيضا ولا حمرا (قمه الخميس 30\12)


ozoozo

Recommended Posts

هاه

تفتكروا القمه الجديده هاتكون بيضاء ولا حمرا

القمه المره دي ذات حاله خاصه يعيش فيها الاهلي حاله من التعثر بينما الابيض يمشي بخطي ثابته من بدايه الموسم

طبعا انا اتمناها بيضا وان كنت اعتقد انها ممكن تنتهي بالتعادل او الفوز للزمالك

طبعا احنا كزمالكاويه بنتمني ان الاهلي يعود مره تانيه للمنافسه عشان الدوري يبقاله طعم مش معقول هنافس نفسينا-كنت بسمع الجمله دي كتير زمان من الاهلاويه-

هاه انتو توقعاتكم ايه

:Ahly: ولا :Zamalek:

تم تعديل بواسطة ozoozo

رابط هذا التعليق
شارك

حمرا

حمرا

حمرا حمرا :redrose:

المجد لولادك المخلصين ...

رابط هذا التعليق
شارك

سبقتني بالموضوع ،،،

بس أنا كنت هأعمله تحت عنوان

لأول مرة من سنين الديربي الأقوي في الشرق الأوسط

بتوقعات بيضاء خالصة

الواقع بيقول إن الطبيعي تكون مباراة الزمالك علي احسن الظروف تعادل

الأهلي ظروفه منيلة بنيلة غير قائمة اللاعبين العجيبة و الجهاز الفني المؤقت

حتي الكتع اللي موجودين تلت ارباعهم مصابين مفيش حارس مرمي ،، اللي موجود خلي شريف إكرامي ،،، بوفون

و مفيش هجوم ،،، حتي البسكوته محمد فضل ،،، مصاب

و مفيش دفاع أساسا من فترة

بس عموما زيزو لو لعبها صح ممكن يخرج بنتيجة كويسة

أولا الزمالك بيلعب غير الفرق اللي بيلاعبها الأهلي

الزمالك بيلعب لعب مفتوح ،، و الماتش ده بالذات هينزل لينتقم ،،، يعني مش هيكون فيه تكتل دفاعي زي بقية فرق الدوري

يعني هيكون فيه مساحات حلوة أوي لو لعيب سريع زي عفروتو أو مهاري زي بركوته يستغلوها

ثانيا ،، 90% من قوة الزمالك الهجومية شيكابالا ،،

لو فيه حد يمسكه مان صح و يوقف خطورته يبقي تقريبا حيدت الزمالك هجوميا

و مع اللي هيعمله جمهور الأهلي فيه كمان ،، إن شاء الله

بس الحد ده مين و حسام عاشور مصاب !!! ،،، الله أعلم

و مشفق علي الناشئ رامي ربيعه ،،، يتظلم من أول صعود ليه

طبعا ده تحليل من وجهة نظر حمراء صريحة

لأن الدنيا عاتمه دفاعك و حارس مرماك ضايع بيخليك نازل مغلوب أساسا 1 / 0 ،،

من قبل ما تلعب

و كمان معندكشي هجوم كمان عشان تعوض ،،،

طبعا احنا كزمالكاويه بنتمني ان الاهلي يعود مره تانيه للمنافسه عشان الدوري يبقاله طعم مش معقول هنافس نفسينا-كنت بسمع الجمله دي كتير زمان من الاهلاويه-

هاه انتو توقعاتكم ايه

:Ahly: ولا :Zamalek:

حسستني إن بقالكم عشرين سنة علي المقدمة !!!!

ما كنوش ماتشين كسبتوهم !!!!!

الدوري دورين مش دور واحد و الماتش ده علي فكرة مش الفارق أوي في الدوري

هوا بس هيعرف كل فرقة لو ماشية صح و لا لأ

الدور التاني معظم ماتشات الزمالك خارج ملعبه

و معظم ماتشات الأهلي علي ملعبه

غير عودة متعب و أحمد حسن و انتقالات يناير

تم تعديل بواسطة Ahmed Anwer

03zjkty10.jpg

رابط هذا التعليق
شارك

سودا

أتوقعها سودا

أول قمة يبقى الشحن الجماهيري فيها فاق الحد ..

وسبقه أحداث عنف غير مسبوقة في مباريات لكرة السلة بالذات

بالامس أتحكم على بعض ألتراس الزمالك بالحبس سنة مع تعويض كامل لاصحاب الممتلكات اللي دمروها في منطقة المهندسين منذ حوال شهرين

ومن أسبوعين ألتراس الأهلي نزل ملعب السلة وضربوا لاعبي نادي الجزيرة وأُلقي القبض على بعضهم وتم حرمان الأهلي من جماهيرة لعدة مباريات

بعدها مباشرة مباراة للأهلي ضد الزمالك في الباسكت برضوا وطبعاً جماهير الزمالك هي اللي حضرت فقط وتم تدمير ملعب المباراة بالرغم من إن الزمالك كسب واعتدوا على رجال الشرطة أيضاً وتم إلقاء القبض على المشاغبين ....

الاخطر بقى ... الصحفي " محمد سيف " هو واحد من الصحفيين المحترمين المحايدين ذوي الرأي الراجح .. أول أمس حذر في قناة مودرن سبورت بان لديه معلومات مؤكدة إن هناك بعض الألتراس يخططون

عارفين لإيه ؟

لخطف بنات ونساء من مشجعي الطرف الأخر وحذر من ذهاب البنات والنساء للاستاد ذلك اليوم

ما هذا ؟

وأين الدولة من ذلك ؟

وماذا عمن يزكون روح التعصب في هذا الوسط ولا يكفون عن التصريحات النارية المتعصبة ؟

عن نفسي اتمنى فوز فريقي الاهلي لكن في اطار تنافسي محترم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

اظن ان القمه في كره القدم غير السله

اعتقد واتمني ان الامن هايكون حاكم قبضته

لان لو حصل مشكله لا قدر الله هانلاقي مئات المصابين

وموضوع الالتراس اظن ان الامن والنوادي عارفين رؤساء الروابط واكيد الامن هايجتمع بيهم قبل الماتش

بس حقيقي انا مش عارف التعصب وصل للدرجه دي ازاي

زمان كان في تشجيع وشتيمه في الملعب ويمكن حدف طوب

انما عمري ماسمعت عن حرق ولا خطف

ربنا يستر

رابط هذا التعليق
شارك

زمان كان في تشجيع وشتيمه في الملعب ويمكن حدف طوب

حتى دي .. هل أصبحت الشتيمة والأباحة وقلة الأدب أمر واقع ؟

فلا تمر مباراة في الدوري المصري إلا وتنهال اشتائم القذرة من أغلبية الجماهير وأصبحت هناك اغاني تُؤلف لذلك .. وهاتك يا شتيمة بالأم والأب وبأفظع الألفاظ للاعبين والمدربين .. بل تعدينا ذلك إلى لافتات مكتوبة بالمدرجات وتُرى من على بُعد وتحمل تجاوزات معيبه .. وجميعها تقتحم بيوتنا ...

إيه اللي إحنا وصلنا له ده ... ومين الكبير اللي يوقف تلك المهزلة ؟

أنا اشجع الكرة لكي أستمتع .. تماماً مثلما اشاهد الفرق العالمية زي برشلونة وريال مدريد

وليس عندي أستعداد إن إبني يكون جنبي ويسمع تلك القاذورات ..

---------------------

أتمنى إن اللعيبة والإداريين يكونوا قدوة

والموضوع لا هو معجزة ولا اختراع نبحث عنه

فتصوروا معي لو المباراة يوم الخميس القادم قبل أن تبدأ وجدنا الفريقين ينزلون أرض الملعب وهم متكاتفي الأيدي ؟

وكل مدير فني يذهب مع الفريق المنافس لتحية الجماهير الأخرى

وينزل أيضاً أرض الملعب كل مجلس إدارة لكل فريق ويحييوا جميع الجماهير

بعد كده الفريق الافضل نقول له مبروك ....

ولا مانع أبداً من الضحك والفكاهه بعد المباراة سواء على مواقع رياضية أو منتديات ... لكن

لكن

في حدود الادب وبدون تجريح أو أستخدام الفاظ خارجه

------------

بالنسبة للمباراة

لا شك أن الزمالك مع حسام حسن يعيش ازهى أيامه منذ سنوات

لكن تظل مباراة القمة خارج كل التوقعات

ورأينا جميعنا الزمالك والأهلي في الدور قبل النهائي لكأس مصر العام الماضي .. كانت نسبة الترشيحات تتعدى 80 % للزمالك ... وبدا الزمالك بالتسجيل أول دقيقتين

وبعدها انقلبت المباراة وفاز الاهلي 3-1 .. ولولا سوء التوفيق كانت النتيجة خرجت غير عادية بالمرة

وأركز على مبراايات القمة إن دقيقة أو ثانية واحده ممكن تقلب المباراة

فنتخيل مثلاً ألتحام شيكابالا مع احد لاعبي الاهلي في الدقائق الاولى ويتم طرده .. فهل ستسير المباراة بشكل طبيعي ؟

أو حارس مرمى الاهلي يعرقل لاعب من الزمالك داخل منطقة الجزاء فيتم طرده ؟

أو ربنا يوعدنا بحكم مجنون يقلبها غم ؟

إذن هي مباراة خارج التوقعات ... ولها حسابات اكثر من 3 نقاط

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

هاه

تفتكروا القمه الجديده هاتكون بيضاء ولا حمرا

القمه المره دي ذات حاله خاصه يعيش فيها الاهلي حاله من التعثر بينما الابيض يمشي بخطي ثابته من بدايه الموسم

طبعا انا اتمناها بيضا وان كنت اعتقد انها ممكن تنتهي بالتعادل او الفوز للزمالك

طبعا احنا كزمالكاويه بنتمني ان الاهلي يعود مره تانيه للمنافسه عشان الدوري يبقاله طعم مش معقول هنافس نفسينا-كنت بسمع الجمله دي كتير زمان من الاهلاويه-

هاه انتو توقعاتكم ايه

:Ahly: ولا :Zamalek:

حتي لو لعب بفلاناته فاضية

الأهلي تملي بيكسب بالقاضية

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

حتي لو لعب بفلاناته فاضية

الأهلي تملي بيكسب بالقاضية

tshirt.jpg

vs

s1200911234410.jpg

المجد لولادك المخلصين ...

رابط هذا التعليق
شارك

من حق كل انسان انه يحلم يا كابيتشو

لكن الواقع شيئ تاني خالص البته هههه :happy:

المجد لولادك المخلصين ...

رابط هذا التعليق
شارك

من حق كل انسان انه يحلم يا كابيتشو

لكن الواقع شيئ تاني خالص البته هههه :happy:

فكرتنى لما خالد صالح قال لنور الشريف فى فيلم عمارة يعقوبيان

"اى حد ممكن يرشح نفسه .. انما مين اللى يكسب دى لعبتنا احنا" .

مش بالحكم لا سمح الله

هههههههه

رابط هذا التعليق
شارك

رغم اني اهلاوي اصيل

لكني عقلاني اصيل ايضا

صعب قوي على الأهلي المهلل الذي يلعب بدون مدرب انه يكسب

و صعب قوي على حسام حسن و فريقه المتحفز للإنتقام تضييع مثل هذه الفرصه التي قد لا تصادفهم مره أخرى

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

معلومة علي الهامش عرفتها من المنتديات الرياضية

الديربي هو لقاء بين اقوي فريقين من نفس المدينة

زي ديربي الرجاء و الوداد البيضاوي

الكلاسيكو ،، هو لقاء بين اقوي فريقين في البطولة

زي كلاسيكو برشلونة و الريال

و بما إن الأهلي في محافظة القاهرة و الزمالك في محافظة الجيزة يبقي الأوقع

إنه اسمه كلاسيكو

في وجهة نظري هو الكلاسيكو الأعرق و الأمتع و الأكثر إثارة في الشرق الأوسط

03zjkty10.jpg

رابط هذا التعليق
شارك

الأهلي بيمر بفترة تدهور الفترة دي على مستوى الجهاز الفني و اللعيبة،

والزمالك بيمر بفترة استقرار نسبي في الادارة و الجهاز و اللعيبة...

الأهلي لعيبته الأيام دي مستوااه مهزووز، ابو تريكة - جدو - جمعة - احمد السيد، و لعيبة كانت مصابة ولسه راجعه، عاشور و بركات

و الزمالك لعيبته الأيام دي مستواها ثابت نسبيا، شيكا - عبدالواحد - فتح الله ومافيش اصابات عندهم تقريبا...

الأهلي رابع دوري ب 24 نقطة، فاز 6 اتعادل 6 و خسر 1،

والزمالك أول دوري 30 نقطة، فاز 9 اتعادل 3 و خسر واحد...

هداف الدوري لحد دلوقتي شيكا بـ 9 اجوال،

والأهلي هدافه تريكة بـ 5 اجوال، ماحدش ينكر كده...

الزمالك جاب 24 جول و دخل مرماه 17،

و الأهلي جاب 17 جول و دخل مرماه 13..

يعني بالأرقام و الاحصائيات الزمالك أحسن من الأهلي الموسم ده،

و عشان كده بقووووول لكل الزملكاوية..

حـــــــــــــــــــــــمـــــــــــــــــــــــــــــــــــــــــــرا

القمة السنة دي حمرا،

لأن عمرها ماكان ليها مقيااس، ودايما بتبقى بره الارقام و الحسابات،

ولو فتحنا باااب التوقعاات،

باذنك يا رب الأهلي يكسب 2 - 1

إحنا بنعيش مرة واحدة بس،

عيش حيياتك زي ما انت عاايزها، خليها أحسن حياة

رابط هذا التعليق
شارك

عمري

الزمالك حب عمري

مش هاشجع غيره عمري

مش هايمشي لوحده ابدا مهما كان

يحصل مهما يحصل مش هاسيبه

حد ينسي ياناس حبيبه

ده اللي بيني بينه عشره من زمان

الفانله البيضاء بخطين حمر

انا هافضل احبها طول العمر

بس خلاص احسن قربت اعيط

cr((:

http://www.youtube.com/watch?v=iJfAVcVpNAY&feature=player_embedded

رابط هذا التعليق
شارك

4794Shikabala.jpg

آهاتي يا شيكا

من حبي ليكا ,,

بس اقول يا أهلي

فداك مالي وأهلي ,, :wub: :redrose:

المجد لولادك المخلصين ...

رابط هذا التعليق
شارك

زوزو ولفيف الزملكاوية وين هم الحين ؟

الزمالك كان داخل الماتش وبيحلم بأهداف غزيرة عشان الحالة اللي عليها الأهلي

لكن حسام حسن أفتكس وأفتكر نفسه جراديولا وقال لك هاعتمد على خط الوسط ومهارة شيكابالا

لكن لعيبة الاهلي رجالة وبيظهروا في الشدايد خصوصاً شريف عبد الفضيل ووائل جمعه وحسام غالي وأحمد فتحي وشهاب

لكن

واه من لكن

سيد معوق وبركات وأبو تريكه كفاية قوي قوي وبارك الله فيما رزق

برافو لعيبة الأهلي خصوصاً الشوط الثاني كان ون سايد جيم وما شوفناش احمد عادل عبد المنعم خالصصصصصصص

وبإذن الله التيرم التاني نذاكر ونجيب مجموع

هارد لك لزمالك ... ولسه كتير يا حسام ... ولازم تدقدق شويه في التدريب

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مستوى الزمالك كان اقل من المتوقع

مستوى الاهلى كان اعلى من المتوقع

الفريقين لعبوا على التعادل

و النتيجه الطبيعيه كانت التعادل

ماتش بايخ

واكيد فيه جيل أوصافه غير نفس الاوصاف

إن شاف يوعى وإن وعي ما يخاف

http://www.youtube.com/watch?v=-ngd0DARowQ

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      فى جوازات بتروح فى الوبا علشان خروجة يوم الخميس بتاعة الأصحاب وقاعدة القهوةطبعا أى حد يشوف الكلام ده يقولعرض المقال كاملاً
    • 56
      قال السيسى فى احتفال وزارة الأوقاف بالمولد النبوى الشريف ما لم يجرؤ حاكم من قبل على قوله ثورجى على الهادى .. بدون صراخ ولا جاعورة .. يقود ثورة دينية فى معقل المؤسسة التى طالبناها مرارا وتكرارا بالاضطلاع بمسؤوليتها فى تصحيح الخطاب الدينى طالبهم بثورة دينية .. ثورة على النفس .. ثورة ضمير واخلاق وسلوك قال لهم ما تبصوش من جوه .. بصوا من بره والله لأحاجيكم أمام الله عز وجل يوم القيامة معقول الفكر والنصوص - وليس الدين - التى أصبحنا نقدسها تدفعنا إلى العمل على نشر الخراب والقتل فى هذا العالم
    • 4
      مع أنه وحسب ما سمعت أن مجلس الوزراء صرح أنه لا إجازات بديلة ليوم الجمعة الموافق عيد العمال .. إلا أن الأزهر قطع امتحاناته فجأة وأجل يومها الأخير الخميس 30/4 للنقل الابتدائي للأحد القادم 3/5 /2015م http://www.azhar.eg/ar-eg/%D8%A7%D9%84%D8%AA%D9%81%D8%A7%D8%B5%D9%8A%D9%84/%D8%AA%D8%A3%D8%AC%D9%8A%D9%84-%D8%A7%D9%85%D8%AA%D8%AD%D8%A7%D9%86%D8%A7%D8%AA-%D8%A7%D9%84%D9%85%D8%B9%D8%A7%D9%87%D8%AF-%D8%A7%D9%84%D8%A3%D8%B2%D9%87%D8%B1%D9%8A%D8%A9-%D8%A7%D9%84%D9%85%D9%82%D8%B1%D8%B1-%D8%B9%D
    • 45
      كان بقالى فترة طويله ممكن عدة سنوات لم اقم برحلات سفارى بنفسى وبصراحة كان نفسى اخرج من مود السياسة والشد اللى احنا فيه من اكثر من سنة فقط كنت اشارك ال4 سنوات الماضية كمرافق او كسائح فقط فى الدول اللى كنت بازورها الاسبوع الماضى وبعض دعوة من بعض اصدقائى مغامروا الصحراء وهو الاسم الشائع لتجمع ملاك سيارات الهامر فى الخليج العربى قررت ارجع لحركات الجنون بتاعتى واشارك فى طلعة بريه مع الجروب بسيارتى الخاصة وعلى فكرة انا ولله الحمد رقمى 394 فى ملاك هامر على مستوى المملكة حيث كنت امتلكها سابقا فى 2
    • 12
      لأ .. والله العظيم لحد دلوقت معتقد إنها لعب بالفوتو شوب مع الإعتذار للفنان المرهف عمرو مصطفى هو في إيه ؟ النهاردة عرق الرجولة ينطر في قفا السيد البدوي ويستقيل من المجلس الأستشاري بحجة أن الشرعية للبرلمان فقط .. وكأنه ما كانش عارف يعني إن في حاجه إسمها برلمان يوم 23 يناير وبكره جايبين عناوين ما شوفتهاش قبل كده بصراحة
×
×
  • أضف...