اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

وثائقيات المحاورات...فيلم لماضة الساري المرتقب


Recommended Posts

السلام عليكم ورحمة الله وبركاته ،،

طبعاً كان من المقرر ان ينزل هذا الفيلم قبل اسبوع من الان

لكن لظروف اخراجية وانتاجية ونظرا للازمة المالية العالمية اضطررنا لتأخير هذا الفيلم اسبوعاً

واترككم مع مقدمة الرفيق لماضة مصرية جداً

=======================================

اعزائي المستمعين و المستمعات

اللي قاعدين قدام الللابتوبات

واللي مستنين انتاج لماضة الساري..اللي هينسيكوا اللي فات

عشان احنا...فكرنا نعمل سلسلة وثائقيات

يعني لكل شهر من شهور السنة.....هنعمل رحلة بين التوبيكات

فاكرين لما حسين الجسمي.....اتحفنا بواحدة من الابداعات

و قال.....قلبي بيتقطع لحتات

كل ما اعدي ع التوبيكات

و افضل سهران فيكي و معاكي يا محاورات

اهو......هو.....ده.....انتاجنا الجديد من الوثائقيات

طب ما تيجوا نشوف

http://www.youtube.com/watch?v=z-8CMEUfFJ4

مشاهدة ممتعة نرجوها لكم

:clappingrose::clappingrose:

رابط المشاركه
شارك
  • الردود 43
  • Created
  • اخر رد

Top Posters In This Topic

Popular Posts

السلام عليكم ورحمة الله وبركاته ،، طبعاً كان من المقرر ان ينزل هذا الفيلم قبل اسبوع من الان لكن لظروف اخراجية وانتاجية ونظرا للازمة المالية العالمية اضطررنا لتأخير هذا الفيلم اسبوعاً واترككم مع مق

السلام عليكم و رحمة الله و بركاته حبايبي الكتاكيت لا كتاكيت ايه حبايبي العفاريت......يووووووووه مش ديت حبايبي و قرايبي و جيراني....انا عايز اخدكوا في احضاني....(وش عبد الحليم وهو بيناهد ع العجلة)

السلام عليكم و رحمة الله و بركاته استاذي اركتيكت يا خبر ابيض كل ده..... انا مبسوطة جدافي التيم...."لماضة الساري"....و لو تخلي بالك حضرتك احنا مش مختارينه كده....لا مختارينه متربك في بعضه... يعني ل

ساري وريهام ,,

انتم وصلتم لدرجة من التمكن اسمها امتلاك ادوات الابداع ,,

فالمبدع عادة مش قاعد يبدع 24 ساعه عمال على بطال ,,

لأ ,,

احيانا يدندن ,, كحليم في احد افلامه

واحيانا يتأمل ,, كانيس منصور في خلوته ,,

واحيانا يستغرق في العمل بحراره تذيب الجبال ,,

ويتنقل بسلاسة الفنان ,, من تلك الحال الى تلك

الى تلك ,,

انتم خلاص عرفتم السر ,, وامتلكتم الادوات ,, وتمكنتم منها ,,

انا لو في ايدي اوفر لكم منحة تفرغ ,,

لانكم محوتم شهر كامل غربه ,, من داخلي

اشكرك يا ريهام ,, واشكرك يا ساريفيتش :redrose:

انا لو مكان طنط ,, كنت حتشرف بيكي اوي يا ريمو

رابط المشاركه
شارك

ههههههه

الجزء بتاع الشيف بندق ماشي في الحاره :happy:

يا ويلك يا ريهام من مغتربه :redrose: ومن ضحى :happy:

فاكره مصير سهير رمزي " اغابي " في فيلمكم اللي فات ؟

رابط المشاركه
شارك

رااااااااااااااااااااااااااااااائع بجد

برغم ان مزاجى النهاردة يعنى ومش اوى ومتعكننة

من الساعة 2:20 تحديدا بتوقيت السعودية ومن بعد عودتى مباشرة من الشغل

الا انكم خلتونى ابتسم

عموما انا طبعى دايما الروقان والابتسامة ومش بحب العكننة

لكن اللى حصل معايا نهارده شيء لازم يزعل

لكن ارجع واقول البركة فيكم

روقونا روقونا يا شبااااااااااااااب

يارب يخليك يا ساري انت ولماضة ودايما كدا مبدعين

ميرسي ميرسي

:give_rose: :give_rose:

تم تعديل بواسطة اغابي
رابط المشاركه
شارك

ما فيش كلمات تعبر عن الروعة دي بصراحة

الحتة بتاعت اشكفة مايوسف و مصرية متغربة موتتني من الضحك

جامدة جدااااااااااااااا

ربنا يحلي ايامكم يا ريهام انت و الساري

:clappingrose: :clappingrose:

رابط المشاركه
شارك

ساري ... لماضه

إنتو عديتوا مرحلة الهوية وبقيتوا محترفين بجد

حاجه هايلة وأعمال فنية متتالية وبتحطوا نفسكم في مواقف بايخه لأنكم بترفعوا سقف التحدي كل مره وبالتالي لن نقبل منكم إلا كل ما هو رائع

رابط المشاركه
شارك

ميرسي لموضة و ساريكو

:clappingrose::clappingrose::clappingrose::clappingrose::clappingrose:

عجبتني اوي لما كان بيقول

ما انا كده ميت و كده ميت

يبقى حأخاف لييييييييييييييييه؟

و نزل ضرب فيه بالائلام على وشه

هههههههههههههه

فكرة برضه

ممكن نضيف الجملة الفلسفية دي للتوبيك

و نتناقش فيها

:closedeyes:

اما بقى أسرار الاشكفة

فمقدرش أصرح بأي حاجة

اعذروني

العمر مش بعزقة

:unsure:

رابط المشاركه
شارك

اشكركم جميعا على الثناء

باشمهندس architect

يا عزيزي لو اعرف بس اننا قدرنا نمسح هم لحظة غربة واحدة يبقى دا اكبر تشريف ... اشكرك جدا على مرورك ...

على جنب كدا زي ما بتقولوا ... لو الصورة دي اللي انت حطيتها كانت قبل الاشكفة ... امال حتبقى الصورة ازاي بعد الاشكفة ؟

لازم تحط قبل وبعد ... ما يكفي تحط صورة قبل بس

اغابي

ليه العكننة بس .. ؟؟ اغابي المبتسمة تتعكنن ؟؟ ... احيلك الى موضوع كيف تتخلص من التوتر النفسي للفاضلة ماكينة المنتدى اغابي ... بيني وبينك .. احس ان للصورة دخل ... اول كنتي حاطة صورة واحد مبتسمة للحياة .. دلوقتي حاطة صورة مختلفة خالص

عموما انا مبسوط اوي انك ابتسمتي شوية سيدتي الكريمة ..

:)

ريمو

الف شكر لك على التشجيع والمديح .. والله التشجيع هو اللي يمسح التعب ويحمسنا اكثر لتقديم المزيد

حتة اشكفة ما يوسف و مصرية متغربة اتمنى ان تكون عجبت الجميع كما اعجبتك

سي السيد

يا عمي محترفين ايه ... والله اللي عايزيزن نعمله اكتر من كدا

طول عمرك الداعم الاكبر يا سين يا سين

دريم وذ مي

اشكرك الف شكر على المرور والتعليق ... ويارب نبسطكم اكتر واكتر

مصرية متغربة

طول عمرك تشجعينا يا هانم .. بس ايه رايك بدور البطولة ؟؟ ... دلوقتي مافيش نعيمة الصغير ولا غيره

احب انكم تناقشوا العمل .. وتعطوني رايكم فيه .. ..لان اي ملحوظة تفيدنا ولو كانت صغيرة

مش حتخسروا حاجة لما تنتقدوا العمل بشكل ايجابي ما انا كده ميت وكده ميت ... يبقى ح اخاف من اييييييييييه .؟؟

اختي هند علي

تحياتي لك اختي الكريمة وتحياتي لعبودي ... اتمنى يكون عجبه الفيلم

اشكركم جميعا

رابط المشاركه
شارك

rdeai73jkrv51otx0mw.jpg

قبل الاشكفة :happy:

طبعا تقصد ما يوسف

ههههههههههههههه

لا بس ذوق حضرتك حلو الحقيقة

و بتختار وشوش شرقية جدا

و مصرية صميمة

ياريت نشوف الصورة بعد الأشكفة لو سمحت

:closedeyes:

رابط المشاركه
شارك

ساريكو باشا

الفيلم بجد متقن و احترافي درجة اولى

و اكيد طبعا عجبتني مشاهد الاشكفة

و فعلا لايقة جدا على قصة سكوب

خصوصا مشهد العربية

مش عارفة ليه حسيت انه فعلا مايوسف

ههههههههههههههه

بس انا متكلمتش نص كلمة

:blink:

صوتت بس

ههههههههههههه

التقل صنعة برضه

:P

اللي موتني من الضوحك بجد

ادوارد لما كان بيغني على الجيتار و بيقول

يوووووووه

ربنا يخليكو لينا انت و لموضتي

bsh:)

يوووووووووووه

قصدي

:give_rose:

رابط المشاركه
شارك

مابلاش يا ساريفيتش

يا فخري يا حبيبي :happy:

ههههه

حاضر حخلص مشوار رفيع كده ,, :happy:

وارجع واضرب صورة بعد الاشكفه ,, :redrose:

رابط المشاركه
شارك

السلام عليكم و رحمة الله و بركاته

حبايبي الكتاكيت

لا كتاكيت ايه

حبايبي العفاريت......يووووووووه مش ديت

حبايبي و قرايبي و جيراني....انا عايز اخدكوا في احضاني....(وش عبد الحليم وهو بيناهد ع العجلة)

يووووووووووه برضه مش دي

ايها الشعب المحاوراتي الرائع....(ابص يا خويا علي عدد الردود الاقيها يعني حوالي 10...ابص ع المشاهدة الاقيها عدت المية....طب ايه بقي.....بقي ايه طيب؟؟؟؟)

ميرسي كتير علي كلمة حلوة اتقالت.....وكل بوينت خضرا رااااااااحت للساري....(وش حد هيمووت ن الضحك)

و الاهم احنا اللي بنشكركم علي صبركم معانا و بجد متابعتكم بقت ترفع معنوياتنا كتير

فيه حاجة بس عايزة انوه عنها

طبعا منتدي المحاورات....ثري جدا....بوضوعاته الفكرية الجادة اللي بتسلط الضوء علي كتير من متغيرات الوطن كمصر....او اوطاننا كمغتربين

لو تلاحظوا الفيلم ما اتعرضشي لاي من الموضوعات الجادة....لان الساري و انا رأينا انها اكبر من ان احنا نطرحها في فيلم....و كمان احنا بنحاول نحافظ علي الطابع الكوميدي لانتاجنا

فيه مناطق ثرية جدا جدا في المحاورات......و جاتلنا الفكرة ان احنا نعمل توثيق سريع كده لكل الافكار اللي انطرحت في فترة زمنية عمرها شهر

الفيلم ليس سوي اجتهاد...في التوثيق....قد نخطيء فيه و قد نصيب....فقط اردنا ادخال البسمة بشكل مختلف

ع جنب بقي

انا بريئة توماما من مشهد الشيف بندق.....مغتربة....و ضحي.....ساري كالمعتاد لبسني في الحيط....و هيخش يموت هو...(وش حد جبان بيتلفت وراه حاسس انه هينضرب)

مساااكم لقطات كتيرة حلوة فوق بعضها....و احلي ما فيها انتم

رابط المشاركه
شارك

بتتبري من اللقطه ليييه يالماضه .. طب ده المودام الي عملت دوري ـ وتستاهل عليه الاوسكار في التقمص وعيش الشخصية ـ تعتبر هي صاروخ الفيلم .. تتبري من الصاروخ لييييييييييييه ( وش توهامي مذهول من عمايل وديع )..

بس ان جيتم للحق ولوعاوزين يبقى المشهد مظبوط .. وطالما يعني هنفتي في الطبيخ وكده .. فانا دوري قام بيه وباقتدار .. طلعت زكريا :closedeyes:..

بجد ابدااااع .. اكتر مشهد عجبني لما خطفوا مايوسف والي موتني ضحك ان الادفايزور بيقوله يايوسف .. لاه والسميط .. بجد بجد ملوش حل ..

رابط المشاركه
شارك

واو ..

جميل جدا ..

بجد فيلم معمول بدماااغ عالية خالص ..

بجد واو ..

كانت نفسي أديكوا نقطة خضرا بس الرصيد نفذ .. لكن هاشحن وارجع تاني .. عشان الفيلم بجد فظيع جدا clp::

شكرا شكرا شكرا على إمتعنا :give_rose: :give_rose:

رابط المشاركه
شارك

تحفة فنية جديدة تضاف إلى رصيدكم الفني

إن شاء الله نحتفل باليوبيل الفضي والذهبي والماسي

أنا بقى أحلى لقطة عجبتني "ماليش دعوة انت اللي حاطيتها يا ساري"

لما بوشكاش قال:

"ده أنا لو بأرضع مش هآكل الأكل ده كله" :P

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • نجل الفاضل الساري في ذمة الله

      بمزيد من الأسى نشاطر الزميل الفاضل و الأخ الكريم الساري الأحزان في وفاة ولده اليوم اللهم صبر قلبه و قلب زوجته على هذا المصاب الجلل اللهم تقبل هذا الملاك الصغير و اجعله شفيعا لوالديه في الجنة و صبرهم على فراقه اللهم أجر عبدك الساري في مصيبته و أخلفه خيرا منها اللهم و جازه بصبره الجنة آمين آمين آمين

      في باب الإجتماعيات

    • يا أنت تعالى يا إنتي تعالي .. ده عيد ميلاد الساري

      إييييييييييييييييييييييييييييه بقى الزولم وحش ... عبير واخده المناسبات الإجتماعية إحتكار فردي ومش مديه حد فرصة ياخد حتت تورتة زيادة حتى فبقى لي فترة بأضع خطة محكمة للإنقلاب العسكري فقولت أحسن حاجه أنا أقعد أشرب في قهوة طول النهار عشان أسهر لحد الساعة 10 بالليل .. وألحق لي عيد ميلادين ولا حاجه وهي مش موجودة فتخيلوا ييجي حظي في حبيب قلبي وفنان الجزيرة العربية " الساري " الراجل اللي مروقنا أفلام وفيديوهات وحركات كل سنة وإنتي طيب يا ساري ... ويارب السنة الجاية تكون في عش الزوجية وجايب

      في باب الإجتماعيات

    • جهزوا التورتات والليموناضة وتعالوا يللا لعيد ميلاد لماضة

      لموضة لمضوضتي حبيبتي كل سنة و انتي طيبة يا قمر بمناسبة عيد العمال طبعا :closedeyes: اليوم يومك يا عم تدللي آمري يا نور العين النهاردة احنا اللي حنسأل هو البوفيه فين ؟؟؟:blink: حاجة بسيطة كده مش قد المقام خدي مني بسرعة السلم قطع نفسي كح كح كح

      في باب الإجتماعيات

    • حدش شاف لماضة

      البت دي وحشتني انا صحيح بادخل علي فترات متقطعة بس ملاحظة غيابها وبشدة مفتقده كلامها محدش يعرف لماضة مصرية جدا راحت فيين

      في باب الإجتماعيات

    • 27 الجاري عيد ميلاد الأخ الساري

      معقولة يا ناس ؟؟؟ أضرب بعيني الاقي اسم الساري منور السطر الأخير اللي صابح عيد ميلادهم النهاردة يا للهول و عليه قررت فتح موضوع تهنئة و فتح باب التبرعات لاحضار الحاجات و المحتاجات لزوم اعياد الميلادات لا وما شاء الله عيني عليك باردة و كمان واخد وسام التألق :110: رقيتك و استرقيتك من عين كل اللي شاف الموضوع و لا صلاش على النبي ألف صلاة و سلام عليك يا حبيب الله محمد :110: عقبال ما ازفك على عروستك يارب يا ساري يا ابني (وش أم مصرية صميمة بتدمع من الفرحة بابنها اللي كبر قدام عينيها) طي

      في باب الإجتماعيات


×
×
  • اضف...