اذهب إلى المحتوى
محاورات المصريين

هل تتزوج امرأة أكبر منك سنا؟


اغابي
 مشاركة

Recommended Posts

اخيراااا حادخل اجمد قلبي واقول رايي

شكرا يا س س - شكرا يا اكرم جروب

انتم اللى شجعتونى وطمنتونى انى مش حتروق فى التوبيك داه

clp:: clp::

انا رايي - لا لا لا - اوعى تتجوزى واحد اصغر منك

وانت اوعى تتجوز واحدة اكبر منك

سامحونى فى اللى مختلف معايا فى الراى

الموضوع باختصار - المرأه - متزنة فى التفكير والتصرفات - الرجل مها يكبر بيفضل طفل

فارق الاتزان والحكمة والدهاء والذكاء - اخ من الستات دول -

اقولكم ليه - لان الفتاه ومن هى فى سن المراهقة بتتحمل مسؤليه فى بيت اهلها انها العاقلة وعيب وما يصحش ............ الخ

فى الوقت اللى الولد عايش السن داه تهريج وحرية ومع اصحابه وطيشان وعاوز يجرب كل حاجة فى الدنيا

المشكلة بيعيش الطييش جواه فترات كبيرة من عمره

اذا هى فى قمة الاتزان فى عمر الزهور والعقل كدا امال لما تكبر حتبقى ايه

واذا تزوجت من هو اصغر منها - النتيجة انه - لا يوجد توافق بالمرة

للاسف بتبقى هى جيل وهو جيل

هى تفكير وهو تفكير

هى راى وهو راى

هو شباب وهى عجوزة

كيميائيا يا ابننا عنبو - يا معادلات الكيميا - تعالي خد المعدلة دى

اذا كانت الفتاه فى سن 20 تتجوز كتوافق عقلى برجل اكبر منها 10 سنوات - يبقى ممتاز

لكن انها تتجوز اصغر منها 10 سنين

يبقى نحسب 10 سنين توافق ذهنى واتزان بالاضافة 10 سنين شهادة الميلاد = النتيجة هى اكبر منه ب 20 سنه

ناتج المعادلة فارق 20 سنة - منهم 10 فى شهادة الميلاد و 10 كيميائيا وفكريا

زواج فاشل

غير مقبول

اوعو تتجوزو يا بنتوتات وانتم يا ستات راجل اصغر منكم

هى الحكاية ناقصة عيال

:sofa:

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

  • الردود 46
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

لأ لأ لأ أنا أرفض أرفض أرفض

علشان ما يجيش اليوم اللى نيجى نتناقش فيه فى أى موضوع وتقوم ناسية نفسها وتقولى

يا أبنى أسمع كلامى هو الصح والمثل بيقول أكبر منك بيوم يعرف عنك بسنة ...شوفوا

بقى لو الفرق 3 سنوات يبقى فيهم كام يوم ؟!

رابط هذا التعليق
شارك

هو بصراحة بصراحة

لو مصرية مش هتفرق يعني في حاجة

الواحدة من دول تبقي عندها 18 سنة وسنة ولا اتنين تقلب علي 88 :blink:

هما هيقلبوا علي لبناني امتي بقي :Head::Head:

رابط هذا التعليق
شارك

رأيي .. الزوجة من الأفضل يجب أن تكون أصغر من الزوج على الأقل من 3 سنين و بحد أقصى 10 سنين

هذا الفارق في رأيي مناسب للطرفين بناء على طبيعة كلا منهما .

المرأة بطبيعتها رقيقة الاحساس .. و أيضا لا تحب أن تعترف بعمرها بعد العشرين ... هو ساعات بيكون الكلام ده شكله هزار بس حقيقي المرأة بتحب أن تكون و أن تبدو أصغر سنا و دي حاجة في الأساس بتسعد الراجل لأن الجواز مش كله منطق و مناقشات جادة ...

طب لو المرأة سنها أكبر من زوجها بيتهيألي هتكون هي اللي هتحس معظم الوقت إن الوضع غير طبيعي .. ولوحاولت تعمل أي حاجة طبيعية بتعملها أي إمرأة لتبدو أصغر سنا ... هتبئى كارثة لو زوجها مخدش باله أومثلا كان مشغول بحاجة فلم يعطيها انطباعا طيبا ..

أتحدث عن الحالات العامة و الحياة الطبيعية وليس الاستثناءات .... لأن بعض الحالات الحب فيها أعمى و سيد قراره ..

 

رابط هذا التعليق
شارك

السلام عليكم جميعا

اسمحو لى بعرض وجهة نظري المتواضعة

رائ ان الزواج يبنى على (التفاهم و التوافق و الحب أخيرا (ان وجد))

متى وجدت هذه الامور فيكون الزواج ناجحا بإذن الله تعالى

وكلنا يعلم ان سيدنا محمد صلى الله علية وسلم تزوج سيدتنا خديجة وهى اكبر منه بحوالى 15 سنة

و مع ذلك ومع تعدد زوجاته الا ان السيده خديجة لها مكانتها وحبهاعند الرسول الكريم

وكانى اري امامى مشهد الرسول (ص) يوم فتح مكة وقد ترك كل البشر وجلس مع أمرأه عجوز بعد ان فرش لها رداءه

و جلس يتسامر معها و عندما ساله الصحابة عنها قال كانت تاتنى ايام خديجة

وخلاصة رايى ان الرجل يبحث عن الدفئ الاسري والموده والرحمة فقط اما السن (موش فارقة)

وسلا مصر، هل سلا القلب عنها أو أسا جرحه الزمان المؤسي

كلما مرت الليالي عليـــه رق والعهد في الليالي تقسي

يا ابنة اليم ما أبوك بخيل مـــا له مولعاً بمنع وحبس؟

أحرام على بلابله الدوح حلال للـــطير من كل جنس؟

كل دار أحق بالأهل إلا في خــبيث من المذاهب رجس

نفسي مرجل وقلبي شراع بهما في الدموع سيري وأرسي

واجعلي وجهك (الفنار) ومجراك يد(الثغر) بين (رمل) و(مكس)

رابط هذا التعليق
شارك

هو بصراحة بصراحة

لو مصرية مش هتفرق يعني في حاجة

الواحدة من دول تبقي عندها 18 سنة وسنة ولا اتنين تقلب علي 88 :blink:

هما هيقلبوا علي لبناني امتي بقي :Head::Head:

انسى يا عمرو

بنتنا اغابى

كيميائيا يا ابننا عنبو - يا معادلات الكيميا - تعالي خد المعدلة دى

اذا كانت الفتاه فى سن 20 تتجوز كتوافق عقلى برجل اكبر منها 10 سنوات - يبقى ممتاز

لكن انها تتجوز اصغر منها 10 سنين

يبقى نحسب 10 سنين توافق ذهنى واتزان بالاضافة 10 سنين شهادة الميلاد = النتيجة هى اكبر منه ب 20 سنه

ناتج المعادلة فارق 20 سنة - منهم 10 فى شهادة الميلاد و 10 كيميائيا وفكريا

المعادله دى كده مش صح لان حضرتك فارضه ان الانثى بيكون تفكيرها اكبر من الذكر اللى فى نفس سنها حوالى عشر سنين

انا بقولك المفروض العكس بحكم ان الولد طول النهار فى الشارع لو بيطلع يشتغل ويحتك بالناس فده بيدى له خبره كبيره قوى فى

الحياه على عكس البنت تماما اللى يعنى تحسسك انها ام العريف وهى ابيض ياورد

طبعاً لكل قاعده شواذ بس انا بتكلم عن الشائع يعنى

الشائع او المنتشر ان الاولاد بيطلعوا يشتغلوا فى الصيف ايام الجامعه وبيحتكوا بالناس وتلاقى لو واحد فيهم دماغه فاضيه

زى حالاتى يحضر قعدات عرب وتحقيق ويعمل فيها الحج عنبو يعنى الحاجات دى كلها بتدى خبره جامده قوى فى الحياه

فعلشان كده الواحد لو عاوز واحده متوافقه معاه ذهنياً ياخد واحده اكبر منه اقل حاجه خسم سنوات

لو عاوز واحده يربيها على ايده ويقعد يشد فى شعره من تصرفاتها ياخد واحد اصغر منه او فى سنه

طبعاً كل حاله ليها مميزاتها وليها عيوبها يعنى اللى ياخد شىء اكيد يتنازل عن شىء اخر

انا بقى ممكن اضحى باى شىء فى سبيل انى اخاد واحد اهدفنا واحده ومتوافقين مع بعض معنديش خلق لسه

انى اقعد اقولها ده صح وده غلط لا فكرى كده لا كده غلط احنا مش فى مدرسه والحياه مليئه بالمتاعب

فمش ازود عليها كمان تعب زياده

بنتنا رضوى بتقول

تمااااااام

لابد من التوافق ........... لابد من الانسجام حتى يكتمل اللحن .......... لابد من التفاهم .......... دة المطلوب ......... وبرده في اي علاقة ومالوش دعوة بالسن

التوافق والانسجام اهم عنصر من عناصر نجاح الحياه بين اي شخصين .......... وعلشان يحصل التوافق والانسجام دول ........ محتاجين مجهود من الطرفين

صعب اوي انسجم مع شخص اخر بدون بذل اي مجهود

صعب اوي اني اعتمد عليه بس في تحقيق الانسجام والتوافق دة لانه لوحده هيفشل بالتاْكيد

لازم الطرفين يساعدوا بعض علشان يقدروا يوصلوا للانسجام والتوافق دة

والاختلاف معناه قصور ....... يمكن قصور ف الاسلوب ...... او قصور ف التعامل ....... او قصور ف التواصل ....... الخ

بصى يا رضوى يا اختى الانسجام والتوافق مش محتاج مجهود يعنى الواحد لما يحب يخلط ميه مع شربات هل يحتاج مجهود لكى يحصل

الاندماج لا طبعاً لكن لما نيجى نخلط الزيت بالماء لو قعدنا نعمل مجهود من هنا للصبح ونسخن ومش نسخن ولا هيحصل

اندناج خالص علشان كده انا بقول لازم الاول تكون الاساسيات قابله للاندماج والانصهار مع بعض يعنى

ممكن بقى يحصل شوية خلافات زى لما بنجى نعشق ترس فى ترس بيحصل احتكاك وتتولد حراره بس فى الاخر مع شوية زيت تليين التروس بتلف وتبقى تمام

لابد ان تكون اساسيات او تروس التعشيق موجده حتى يتم الاتحاد

ايه انا قلبت كيما على ميكانيكا لا انا لازم امشى دلوقتى

عنبو راسه ناشفه

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

السلام عليكم و رحمة الله و بركاته

صباح الورد يا غيبو

همووووووووووت و افهم انتي حاطة التوبيك في ناحية التكافل الاجتماعي ليه..(وش حد ضارب القلم فوق ودنه و بيتساءل بعمق)

ده ع اعتبار ان احنا في موقف انساني عايزله التكافل و نلم من بعض و كده يعني و لا ايه....(وش حد عمال بيكلم نفسه)

طب لو احنا في الموقف دوت.....ليه مفترضين ان الاكبر سنا...هتبقي هي الطرف الاضعف و بالتالي فيه طرف تاني...يا حلولي هو اللي بيقرر...يا تري هياخد اللقمة وياكلها و لا هيبوسها و يحطها جنب الحيط

لو حطينا التوبيك في موضوعات شخصية....لاني شايفة كل حد فوق اتكلم من وجهة نظره

وهي دي الاجابة

كل واحد بيبقي ليه وجهة نظر....ميقدرشي يعممها ع الناس كلها

و اذا كان هو او هي...مالهومشي وجهة نظر في الحياة اصلا....و هيعتمدوا علي الكتالوجات الجاهزة بتاعت كيف تختارين عريسا....و كيف تختار عروسا صابحة كده و تعيش معاك....يبقي اعذريني....اكيد مش هيبقي ليهم وجهة نظر في الجواز....لانهم هينصبوا في القالب الجاهز

بتاع تعالي نطلع المسطرة و المازورة و ناخد حاجة كده تفصيل

وجهة نظري الشخصية جدا و لا الزم بيها اي حد....(كفاية عليا دماغي...و دماغه)

الوقت بيخلينا نشوف حاجات عمرنا ما تخيلناها...

و بيحطنا في مواقف عمرنا ما حلمنا بيها....

يبقي لازم تفكيرنا يبقي غير

مش عشان عايزين نخالف و السلام

لا

لان ببساطة جدا.....مبدا التعميم علي البني ادمين مرفوض جدا جدا....و مش انا اللي بقول...حياتنا اللي بتقول....كل القصص اللي بنسمعه و احيانا بنعيشها

الخبرات اللي احنا مصرين ناخد جانب منها واحد فقط.....و نهما ان فيه خبرات تانية متكاملة....بتقول ان الستات مش لون واحد....و الرجالة طبعا ملونين.....و الزواج اصلا بيصهر الاتنين في بلتة الوان جديدة مختلفة تماما علي اللي فات

بكتب ده.....و ع فكرة كنت واخدة قرار لا رجعة فيه ان مينفعشي ارتباط بمن هو اصغر....لكن تجربة طلاق مريت بيها في محيط اصدقائي خلتني اعيد النظر في كل حاجة

الاتنين....كانوا زي ما تقولوا كده فعلا من الكتاب....السن مناسب....المستوي الاجتماعي....الاسري...كله كله.....يعني كلنا كنا باصمين انها جوازة العمر....و دقي يا مزيكا....و دوري الشربات يا صواني

و ما حدث

تم الطلاق بعد شهر واحد يا مؤمنين

بجد....برضه يمكن مش هنعمم....بس قناعتي الشخصية ابتدت تتاكد ان الزواج اكبر بكتير من احنا نحطه في لستة معايير و نقيم شريكنا بناء عليها

و ع اعتبار ما سيكون....(يعني هتحطي التوبيك في موضوعات شخصية يعني... :P )

خليني افضفض بقي

قابلت اشخاص في نهاية الثلاثينات....حلو....

لكن قسما بالله دماغه دماغ مراهق....فيما يتعلق بالبنات...و لما نيجي ناخد قرار....طلع توتي خالص....يعني الست الحاجة ماما هي اللي بتاخد كل القرارات

وقابلت ناس في سن ال 25 و ال 26......و كانوا من النضج...و الرجولة بمعناها الحقيقي اللي لازم تحتفظ بصداقتهم حتي لو متمش الارتباط

و قابلت ناس في الاربعين و الخمسين......هوبااااا حدفنا بعيد....و اعجبت بيهم جدا....و حد هيقولي تعويض غياب الاب.....و ايه يعني

يبقي السؤال

انا لما هتجوز عايزة ايه.....

بدور علي ايه....

و عندي استعداد اني اتحمل مسئولية قراري و لا لا....

و الاهم عندي استعداد اني انجح العلاقة دي و لا لا

نفس السؤال بيبقي للطرف التاني.....احنا هنشيل قفة بودنين...ميجيش في وسط الطريق و يقولي لا اصل القفة تقلت مني....و لا انا اسيب الودن....و ارمي عليه الحمل كله

كل حد فينا عاش حياة كاملة بدماغ....يا تري لما نتقابل بنوصل لتوليفة دماغ تساعنا احنا الاتنين و لا بتلاقيني احن لدماغي القديمة لان محدش قدر يملي عيني او دماغي

طولت عليكي....بس حطيت وجهة نظري

صبااااحك...ارتباط...اختياري....محدش هيجبرني عليه....و هفرح بيه عشان هو هيفرح بيا

شمي دولم.....دولم مش زي الوحدات اللي بعتهوملي ايام حرب لماضةالساري ...ع الكويت

:give_rose::give_rose::give_rose:

رابط هذا التعليق
شارك

هو بصراحة بصراحة

لو مصرية مش هتفرق يعني في حاجة

الواحدة من دول تبقي عندها 18 سنة وسنة ولا اتنين تقلب علي 88 :blink:

هما هيقلبوا علي لبناني امتي بقي :Head::Head:

بست بست

بغض النظر عن الصورة المعبرة في التوقيع يا استاذي سمبا....(طب انا راضية ضمير حضرتك هتكتب ازاي تاني كده في احاديث رجل....التوبيك كده هيبقي منشار رجل...مفك رجل....شوية مسامير رجل.... :protest: :protest: )

طبعا من حق حضرتك تتساءل....و تحلم باليوم اللي نتحلو فيه الي النموذج اللبناني

بس اسمحلي بقي....هو مش لازم نحط جنبه كده لزم تساؤل توءمه لزم

هو حضراتكم هتقلبوا

تبقوا احمد عز....

ميل جبسون....طب بلاش.....تيم الحسن....امتي؟؟؟؟

ليه كده

ما احنا راضيين بالعيشة و اللي عايشينها....(وش اي ست مصرية بتبرطم)

صباح حضرتك....تساؤلات جنب بعضيها

رابط هذا التعليق
شارك

يا خبر يا لماضه على الرد :happy:

بس تعرفي وجهة نظر بردوا ,,

الواحد فينا مجعوص لورا وقاعد يتشرط

عاوز لبنانيه عاوز فرنسيه مش عارف عاوز ابصر ايه كاروهات

طب قوم بص لنفسك في المرايه الاول بدقنك الطويله دي وانت تبوس ايدك وش وضهر ههههه :happy:

على هامش الموضوع بقى

طنط امبارح ضربت باب المكتب برجلها الشمال

دخلت عليا وعينيها بتطق شرر ,,

قمت قايم فازز من عالكرسي طبعا وباصص في الارض ,,

قالت لي عاوزاك تقولها ,,

لو وصلت الشقه ولقيت اودتها مش مترتبه ,,

وقامت فردت ايديها وضمت قبضتها وقعدت تعمل دواير في الهوا بشكل مستمر ,,

بصراحه يا ريهام بعد مامشيت ,,

انا قعدت اركز وافكر في معنى الحركه دي ؟

يعني ايه كف مضمومه و ماسكه حاجه جامد وبتعمل بيها دواير في الهوا ؟؟

لغز من الالغاز الياباني بتاعت مغتربه ,, :redrose:

وللان مش لاقيلو اي تفسيرحتى الآن !!! :happy:

ce83a9e13b.jpg

المجد لولادك المخلصين ...

رابط هذا التعليق
شارك

هو حضراتكم هتقلبوا

تبقوا احمد عز....

ميل جبسون....طب بلاش.....تيم الحسن....امتي؟؟؟؟

ليه كده

ما احنا راضيين بالعيشة و اللي عايشينها....(وش اي ست مصرية بتبرطم)

صباح حضرتك....تساؤلات جنب بعضيها

ههههههههههه عجبنى اوى ردك ياريهام بس عاوز اقولك بردو ان الراجل مش مطلوب اوى انه يكون جميل

بس يعنى يفضل فى المرأة انها تكون جميلة وبعدين اهم حاجة الثقة فى النفس smk:

فكرتينى بمشهد فى فيلم اصحاب ولا بزنس

لما قالتلو هو انت هاتعمل فيها احمد زويل

رد وقالها

طيب هو انا لو احمد زويل هاتجوز واحده زيك اصلا

الأشجار لاتموت إلا وهي واقفة.....

...

رابط هذا التعليق
شارك

أكتر حاجة لفتت نظري في كلامك يا لموضتي

حكاية القوالب الجاهزة

طول عمري بأحاربها على فكرة

و نجحت كتير في كده بفضل الله

معملتش فرح زي ما الناس عايزة

فرشت شقتي زي ما أنا عايزة

أنجبت بفضل الله ما يراه الآخرين جنونا و آراه أنا جميلا

أفعل ما أريده و ما أنا مقتنعة به و لا يهمني ماذا يظن الآخرون

زوجي اكبر مني ب 11 سنة

ده مكانش تخطيط و لا اختيار

زواج تقليدي 100%

اتجوزته

مش مهم سنه كام و الا بياخد كام

قبلته لأني ارتحت له

اول ما مشي من عندنا قلت لماما الله يرحمها موافقة

طب والله ما حتصدقوا اني ما ركزتش في ملامحه

سافرت معاه

خلافات ... مشاكل

طبعا حصل

تنازلات عشان الحياة تمشي

أكيد حصل

بس الحياة مستمرة بفضل الله

اتعلمت معاه حاجات كتير

تأثرنا و أثرنا في بعض

و في اولادنا

و همة كمان بيعلمونا

مفيش حاجة اسمها المفروض

المفروض عندي هو ما فرضه الله تعالى علينا و بس

أما أي مفروض تاني من وجهات نظر البشر

فلا يلزمني نهائيا

فلست من النوع الذي ينتظر الرضا و التأييد من الآخرين

و لا انتظر الرضا إلا من خالقي فقط

ثم رضا والدي رحمهما الله و الذي حصلت عليهما قبل مماتهما بفضل الله

بأقولك يا لمضمض ربنا يكملك بعقلك

اندماج شخصين في حياة مشتركة هي فعلا قفة بودنين يشيلوها اتنين

ربنا يوفقك (و يوفق كل البناويت و كل من ليس لها زوج)

لزوج يسعد قلبك و يريح بالك تشعرين معه بالتكامل

آمين

و ليس مهما مواصفاته الشكلية و المادية مادام التوافق بينكما موجود

الحياة الجميلة ملهاش مقاييس

لأننا نراها بعيون مختلفة

و حياتنا تكون جميلة بعيوننا نحن فقط

و لن يزيد في جمالها إعجاب الآخرين

و لن يقلل منه انتقاد الآخرين لها

سعادتنا ليست بمقاييس

لأنها تنبع من داخلنا نحن

نرى الحياة جميلة

فقط لو أردنا ذلك

تحياتي

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك

السلام عليكم و رحمة الله و بركاته

صباح الورد يا غيبو

همووووووووووت و افهم انتي حاطة التوبيك في ناحية التكافل الاجتماعي ليه..(وش حد ضارب القلم فوق ودنه و بيتساءل بعمق)

ده ع اعتبار ان احنا في موقف انساني عايزله التكافل و نلم من بعض و كده يعني و لا ايه....(وش حد عمال بيكلم نفسه)

طب لو احنا في الموقف دوت.....ليه مفترضين ان الاكبر سنا...هتبقي هي الطرف الاضعف و بالتالي فيه طرف تاني...يا حلولي هو اللي بيقرر...يا تري هياخد اللقمة وياكلها و لا هيبوسها و يحطها جنب الحيط

لو حطينا التوبيك في موضوعات شخصية....لاني شايفة كل حد فوق اتكلم من وجهة نظره

:give_rose::give_rose::give_rose:

تصدقى انا مستنظرة رايك من يجي كدا 3 اسابيع - فاتو

ونطلب من الادارة تشيل الموضوع من باب التكافل الاجتماعى على اساس انا كنت معتبراه

تكافل اجتماعى بجد

بمعنى ايه -

بمعنى ان لو ( هى )اتجوزت واحد اصغر منها او (هو )اتجوز واحدة اكبر منه

يبقى كدا احنا بنكفل بعضيششششششنا يا لماضة - يبقى داه عمل خيري او عمل انسانى بحت

لانه عمليا غير منطقى زى ما قال س س - الكلام حاجة والواقع حاجة تانية

طبعا انا بحترم كل الاراء الوردية الجميلة البعيدة عن المنطق

لكن انا مش متخيلة الست العاقلة الحكيمة او الفتاه الرزينة تروح تتجوز واحد اصغر منها

مشاكل كتير اكيد

حتحصل

فاكرة الموضوع داه يا لماضة

هل اتزوج بشاب اصغر منى ب13 سنة

شفتى انا رديت عليها وقولت لها ايه

:give_rose:

:give_rose: :give_rose:

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

هو حضراتكم هتقلبوا

تبقوا احمد عز....

ميل جبسون....طب بلاش.....تيم الحسن....امتي؟؟؟؟

ليه كده

ما احنا راضيين بالعيشة و اللي عايشينها....(وش اي ست مصرية بتبرطم)

صباح حضرتك....تساؤلات جنب بعضيها

ههههههههههه عجبنى اوى ردك ياريهام بس عاوز اقولك بردو ان الراجل مش مطلوب اوى انه يكون جميل بس يعنى يفضل فى المرأة انها تكون جميلة وبعدين اهم حاجة الثقة فى النفس smk:

صباح الجمال النسبي جدا جدا جدااستاذي اكرم

:protest:

دايما الرجالة يقولوا عايزين المرأة جميلة...و متجددة...و مدري ايه

سبحان الله

و تلاقي ع الناحية التانية

البيه...بيعمل عرض ازياء ببنطلون البيجامة المقلم في الصالة....و معندوش مانع انه يقضي يوم الاجازة كله بالفانلة....اللي ع اللحم بحجة انه يا عيني شقيان طول الاسبوع في الشغل و عايز يقعد براحته...و كمالة الشقا و الغلب...طبعا مش هيحلق دقنه غير و هو خارج....لكن طول ما هو في البيت...(انسان الغاب....طويل الناب....مش انا اللي قولت...دي زينات صدقي....قبل ما تدلق الملوخية علي حسب الله السابع عشر)

او تلاقيه عادي جدا جدا.....في اي اجتماع تلاقي البيه اللي قاعد جنبي...راح ضارب صباعه في مناخيره....و قرب صباعه يطلع علي عينه.....و انا بتقطع جنبه

كام راجل بعد الجواز ما بتلاقهوش اصابته حاجتين

يا

1- التصحر...يعني الراجل من دولم في صورة الجواز حاجة تشرح...و الشعر واقع ع العينين...بعده بقي....بندور علي اي حتة مكويت نداري بيها اللمبة اللي بتنور ليل و صبح

2-يا وجود......بقلولة...و يفضل يخبط عليها في الراحة و الجاية و يقولك ده كرشي...يا فرحتي

طب الست بتتغير عشان بتخلف...وجسمها بيتغير.....الرجالة بقي....جسمها بيتغير ليه

....و الكرش اللي محسسني انه الطفل اللي انت انجبته لوحدك دوت....انا ايه ذنبي فيه

و كل ده و الست عمرها ما قالت بم.....بتتفرج علي ميل جبسون قدامك...و لا بتفتح بوقها و مش بعيد تروح مجاملاك ببوقين و تقول....يا سبعي...انت اللي فيهم

يا استاااااااذ اكرم

خلي الستات راضية.....و متفتحشي.....الباب دوت....احسن انا عايزة حاجة اعض فيها...(وش اطاطا قبل ما تهجم ع الضحية)

ع جنب بقي

انا عايزة رجل وسيم....راقي....جماله مش ملامح....جمال رقي مشاعر بتنبان في وشه و سلوكياته... في كل وقت.....مش بس في لحظة التصوير...يا من كاميرا المصور ...يا من كاميرا الناس

عايزة راجل...يحس بالجمال جواه....و يقدر يقراه في اللي حواليه

هو ده بقي الراجل الجميل من وجهة نظري الحقيقة

اغابي

سامحينا.....ده اكيد بره التوبيك....بس مش بره حياتنا

صباحكم جمال في ادق التفاصيل

رابط هذا التعليق
شارك

السلام عليكم و رحمة الله و بركاته

مصرية متغربة

مش عارفة اقولك ايه....غير ربنا يسعد قلبك و يقر عينك و يكون سندك في الدنيا و طريقك للاخرة

صباحك رضا و راحة بال يا رب

=============================================

غيبو

محترمة رايك جدا جدا...و كويس انك فكرتينا بالتوبيك دوت

انا فاكراه كويس....انا اتحمقت فيه زي ما يكون بتاعي....و فضلت ساعتها اخش المحاورات اكتر من مرة

بس التوبيك مخلصشي....لان صاحبته لسه مجاتشي و قالتلنا...ايه المشهد اللي احنا مشفناهوش

يعني هي اخدت راينا

حتي انا شخصيا علي فكرة كنت بقولها لا...بلاش اصغر منك....مش عشان كده بس عشان اعتبارات تانية هي ذكرتها

بس زي ما قولتلك.....وصلت لقناعة مع اخويا الاكبر مني....ان فعلا في موضوع الجواز مبقاش فيه قاعدة ثابتة

و الله بجد.....اللي انتي بتشوفيه مناسب.....مبتنجحشي....اللي مش مناسب بيتمسك بيكي و بيبقي عايزلك الرضا ترضي

انا حبيت اوضح رايي الخاص

و طبعا يمكن انا غلط

بس انا مقتنعة بيه....و بايام الحياة و قصصها من القريبين....بيتاكدلي مع مرور الوقت

لكن برضه ارجع و اقول

انا عايزة ارتبط في علاقة انسانية جدا....يبقي مينفعشي اخنقها اوي...في اتجاه واحد

فيه اتجاهات تانية...يمكن مش متخيلنها...بس بتحصل

طب ايه رايك...في الجواز من جنسية تانية....كنت هفتح بيه توبيك...و انا متاكدة من كل الردود اللي هتتقال

لكن يبقي الامر....قناعة شخصية....و اختيار كل واحد بيتحمل عقباته

صح

صبااااحك وجهات نظر.....يمكن تختلف....بس هدفها انها بتدور ع السعادة و راحة البال اللي عمرهم ما كان ليهم تعريف واااااحد

صباحك فتافيت سكر

رابط هذا التعليق
شارك

هو حضراتكم هتقلبوا

تبقوا احمد عز....

ميل جبسون....طب بلاش.....تيم الحسن....امتي؟؟؟؟

ليه كده

ما احنا راضيين بالعيشة و اللي عايشينها....(وش اي ست مصرية بتبرطم)

صباح حضرتك....تساؤلات جنب بعضيها

ههههههههههه عجبنى اوى ردك ياريهام بس عاوز اقولك بردو ان الراجل مش مطلوب اوى انه يكون جميل بس يعنى يفضل فى المرأة انها تكون جميلة وبعدين اهم حاجة الثقة فى النفس smk:

صباح الجمال النسبي جدا جدا جدااستاذي اكرم

:protest:

دايما الرجالة يقولوا عايزين المرأة جميلة...و متجددة...و مدري ايه

سبحان الله

و تلاقي ع الناحية التانية

البيه...بيعمل عرض ازياء ببنطلون البيجامة المقلم في الصالة....و معندوش مانع انه يقضي يوم الاجازة كله بالفانلة....اللي ع اللحم بحجة انه يا عيني شقيان طول الاسبوع في الشغل و عايز يقعد براحته...و كمالة الشقا و الغلب...طبعا مش هيحلق دقنه غير و هو خارج....لكن طول ما هو في البيت...(انسان الغاب....طويل الناب....مش انا اللي قولت...دي زينات صدقي....قبل ما تدلق الملوخية علي حسب الله السابع عشر)

او تلاقيه عادي جدا جدا.....في اي اجتماع تلاقي البيه اللي قاعد جنبي...راح ضارب صباعه في مناخيره....و قرب صباعه يطلع علي عينه.....و انا بتقطع جنبه

كام راجل بعد الجواز ما بتلاقهوش اصابته حاجتين

يا

1- التصحر...يعني الراجل من دولم في صورة الجواز حاجة تشرح...و الشعر واقع ع العينين...بعده بقي....بندور علي اي حتة مكويت نداري بيها اللمبة اللي بتنور ليل و صبح

2-يا وجود......بقلولة...و يفضل يخبط عليها في الراحة و الجاية و يقولك ده كرشي...يا فرحتي

طب الست بتتغير عشان بتخلف...وجسمها بيتغير.....الرجالة بقي....جسمها بيتغير ليه

....و الكرش اللي محسسني انه الطفل اللي انت انجبته لوحدك دوت....انا ايه ذنبي فيه

و كل ده و الست عمرها ما قالت بم.....بتتفرج علي ميل جبسون قدامك...و لا بتفتح بوقها و مش بعيد تروح مجاملاك ببوقين و تقول....يا سبعي...انت اللي فيهم

يا استاااااااذ اكرم

خلي الستات راضية.....و متفتحشي.....الباب دوت....احسن انا عايزة حاجة اعض فيها...(وش اطاطا قبل ما تهجم ع الضحية)

ع جنب بقي

انا عايزة رجل وسيم....راقي....جماله مش ملامح....جمال رقي مشاعر بتنبان في وشه و سلوكياته... في كل وقت.....مش بس في لحظة التصوير...يا من كاميرا المصور ...يا من كاميرا الناس

عايزة راجل...يحس بالجمال جواه....و يقدر يقراه في اللي حواليه

هو ده بقي الراجل الجميل من وجهة نظري الحقيقة

اغابي

سامحينا.....ده اكيد بره التوبيك....بس مش بره حياتنا

صباحكم جمال في ادق التفاصيل

بصى يالموضة انا مش عاوزة ارد من بدرى اللهم انى صايمة

بس انت وفيتى وكفيتى

انت حطيتى خيارين يااما تصحر يا اما بقلولة لكن ماقولتيش ايه العمل لو كان تصحر+ بقلولة

اظن كارثة والنماذج دى كتيرة فى الرجالة المصريين وكارثة لو متجوز شجرة جميز

المفروض كل واحد يرضى باختياره

لكن لازم كل واحد ياخد باله من شكله ويحاول يحافظ عليه تفاديا لعوامل السن والضغوطات

وغير كده الوراثة لها يد كبير فى الموضوع ده يعنى عاوز تختار بص لحماتك الاول حتعرف

شكل مراتك بعد كده حيكون ازاى لان التخن بيظلم الطرفين رجالة وستات من ناحية الشكل و السن

بالنسبة لموضوع السن

الامثال ماسبتش حاجة واقرب مثل (يعنى من همه اتجوز قد امه)

لازم طبعا الراجل سنه يكون اكبر من سن زوجته لان طبيعى الستات بتعجز بدرى عن الرجالة خصوصا

لو مكبرين دماغهم وعايشين حياتهم برة البيت ميت فل وعشرة واول مايدخل يركب لها

الوش الخشب ههههههههههه صدقينى بيجيب اجلها بدرى بدرى ويرجع يقولك عاوز نانسى وابصر ايه

الحمد لله على نعمة ربنا اللى بنشوفها كمان فى اولادنا بجد بقى انا عندى ابنى الكبير

احمد عز فعلا لكن النصيب متعرفيش حيحدفه على مين وخصوصا العين عليه من شجر جميزههههههههه

رابط هذا التعليق
شارك

السلام عليكم و رحمة الله و بركاته

مصرية متغربة

مش عارفة اقولك ايه....غير ربنا يسعد قلبك و يقر عينك و يكون سندك في الدنيا و طريقك للاخرة

صباحك رضا و راحة بال يا رب

hg)::

أعد شحن طاقتك

حدد وجهتك

و اطلق قواك

رابط هذا التعليق
شارك

'

بصى يالموضة انا مش عاوزة ارد من بدرى اللهم انى صايمة

بس انت وفيتى وكفيتى

انت حطيتى خيارين يااما تصحر يا اما بقلولة لكن ماقولتيش ايه العمل لو كان تصحر+ بقلولة

اظن كارثة والنماذج دى كتيرة فى الرجالة المصريين وكارثة لو متجوز شجرة جميز

المفروض كل واحد يرضى باختياره

لكن لازم كل واحد ياخد باله من شكله ويحاول يحافظ عليه تفاديا لعوامل السن والضغوطات

وغير كده الوراثة لها يد كبير فى الموضوع ده يعنى عاوز تختار بص لحماتك الاول حتعرف

شكل مراتك بعد كده حيكون ازاى لان التخن بيظلم الطرفين رجالة وستات من ناحية الشكل و السن

بالنسبة لموضوع السن

الامثال ماسبتش حاجة واقرب مثل (يعنى من همه اتجوز قد امه)

لازم طبعا الراجل سنه يكون اكبر من سن زوجته لان طبيعى الستات بتعجز بدرى عن الرجالة خصوصا

لو مكبرين دماغهم وعايشين حياتهم برة البيت ميت فل وعشرة واول مايدخل يركب لها

الوش الخشب ههههههههههه صدقينى بيجيب اجلها بدرى بدرى ويرجع يقولك عاوز نانسى وابصر ايه

الحمد لله على نعمة ربنا اللى بنشوفها كمان فى اولادنا بجد بقى انا عندى ابنى الكبير

احمد عز فعلا لكن النصيب متعرفيش حيحدفه على مين وخصوصا العين عليه من شجر جميزههههههههه

ما هي دي القوالب الجاهزة يا مدام هند

مش شرط ابدا البنت جسمها يبقى زي مامتها على فكرة

و مش شرط ان الست تعجز بدري

في ستات كتير بتحتفظ بشكلها و رشاقتها سنين طويلة

والدتي الله يرحمها مكانش سنها يبان عليها نهائيا

و دايما كانوا يدوها اقل من سنها بعشرين سنة على الأقل

ما عجزتش الا بعد وفاة والدي

مش بس عجزت

دي ماتت بالحياة

كانت أصغر من بابا سنة واحدة

عمري ما شفتها عجزت و بان عليها سنها

و الا بانت اكبر منه

امي حملت 14 مرة

بس لم يعش لها الا اربعة أبناء فقط

و كانت محافظة على جمالها و رونقها و أناقتها و برفاناتها لسه فاكرة ريحتها القوية

كانت بشرتها لحد وفاة والدي و كان عمرها 62 سنة كبشرة فتاة في العشرينات

و كنا بنلبس زي بعض و هي 60 و انا 22 !!!

كانت سعيدة من جواها

ادي حالة حقيقية بعيدة تماما عن القوالب

و مش ماما لوحدها ناس كتير اعرفهم كده من عيلتنا و من اصحابنا

أعد شحن طاقتك

حدد وجهتك

و اطلق قواك

رابط هذا التعليق
شارك

الموضوع باختصار - المرأه - متزنة فى التفكير والتصرفات - الرجل مها يكبر بيفضل طفل

فارق الاتزان والحكمة والدهاء والذكاء - اخ من الستات دول -

اقولكم ليه - لان الفتاه ومن هى فى سن المراهقة بتتحمل مسؤليه فى بيت اهلها انها العاقلة وعيب وما يصحش ............ الخ

فى الوقت اللى الولد عايش السن داه تهريج وحرية ومع اصحابه وطيشان وعاوز يجرب كل حاجة فى الدنيا

المشكلة بيعيش الطييش جواه فترات كبيرة من عمره

اذا هى فى قمة الاتزان فى عمر الزهور والعقل كدا امال لما تكبر حتبقى ايه

واذا تزوجت من هو اصغر منها - النتيجة انه - لا يوجد توافق بالمرة

للاسف بتبقى هى جيل وهو جيل

هى تفكير وهو تفكير

هى راى وهو راى

هو شباب وهى عجوزة

كيميائيا يا ابننا عنبو - يا معادلات الكيميا - تعالي خد المعدلة دى

اذا كانت الفتاه فى سن 20 تتجوز كتوافق عقلى برجل اكبر منها 10 سنوات - يبقى ممتاز

لكن انها تتجوز اصغر منها 10 سنين

يبقى نحسب 10 سنين توافق ذهنى واتزان بالاضافة 10 سنين شهادة الميلاد = النتيجة هى اكبر منه ب 20 سنه

ناتج المعادلة فارق 20 سنة - منهم 10 فى شهادة الميلاد و 10 كيميائيا وفكريا

زواج فاشل

غير مقبول

اوعو تتجوزو يا بنتوتات وانتم يا ستات راجل اصغر منكم

هى الحكاية ناقصة عيال

:sofa:

السلام عليكم

الاخت اغابي

اسمحيلي علي تعقيب صغير عمر مكان الدهاء بالسن ولكن بالخبرة وبالتالي فيكون تفكير الراجل بحكم الاحتكاك اعلي

ومش بس كدة في حد ممكن يعارضني ان نقطة ضعف الانثي في ودنها سواء كانت كبيرة في السن او صغيرة ثم كمان اي انثي تبحث عن الرومانسية مهما كانت انسانةعملية

وطبعا انتوا اكتر ناس ممكن تصدقوا دة

يبقي ازاي تفكير الانثي اعلي من الراجل ب10 سنوات

من وجهة نظري لو الراجل يعرف بسيطر علي فرق السن فلا مانع من ذلك ومعملش حساب الناس لاني عمري ماحرضي كل الناس

chem.Ahmed Hanafy

رابط هذا التعليق
شارك

بنتنا رضوى بتقول

تمااااااام

لابد من التوافق ........... لابد من الانسجام حتى يكتمل اللحن .......... لابد من التفاهم .......... دة المطلوب ......... وبرده في اي علاقة ومالوش دعوة بالسن

التوافق والانسجام اهم عنصر من عناصر نجاح الحياه بين اي شخصين .......... وعلشان يحصل التوافق والانسجام دول ........ محتاجين مجهود من الطرفين

صعب اوي انسجم مع شخص اخر بدون بذل اي مجهود

صعب اوي اني اعتمد عليه بس في تحقيق الانسجام والتوافق دة لانه لوحده هيفشل بالتاْكيد

لازم الطرفين يساعدوا بعض علشان يقدروا يوصلوا للانسجام والتوافق دة

والاختلاف معناه قصور ....... يمكن قصور ف الاسلوب ...... او قصور ف التعامل ....... او قصور ف التواصل ....... الخ

بصى يا رضوى يا اختى الانسجام والتوافق مش محتاج مجهود يعنى الواحد لما يحب يخلط ميه مع شربات هل يحتاج مجهود لكى يحصل

الاندماج لا طبعاً لكن لما نيجى نخلط الزيت بالماء لو قعدنا نعمل مجهود من هنا للصبح ونسخن ومش نسخن ولا هيحصل

اندناج خالص علشان كده انا بقول لازم الاول تكون الاساسيات قابله للاندماج والانصهار مع بعض يعنى

ممكن بقى يحصل شوية خلافات زى لما بنجى نعشق ترس فى ترس بيحصل احتكاك وتتولد حراره بس فى الاخر مع شوية زيت تليين التروس بتلف وتبقى تمام

لابد ان تكون اساسيات او تروس التعشيق موجده حتى يتم الاتحاد

ايه انا قلبت كيما على ميكانيكا لا انا لازم امشى دلوقتى

عنبو راسه ناشفه

السلام عليكم ورحمة الله وبركاته

طيب ياعنبو هو انت قولت ايه ؟؟؟

علشان تخلط مياع بشربات فده محتاج منك تقليب ودة محتاج مجهود ...... لو سيبته من غير تقليب مش هيندمج تماما

كل حاجة في دنيتنا محتاجة مجهود ....... وبلاش نحكم علي فشل اي حاجة من غير مانبذل مجهود كافي لانجاحها

لكن لو عايز تخلط الزيت بالمياه ......... يبقي انت نظرتك غلط م البداية ........ لأنك م الاول مااقتنعتش بالخصائص المميزة لكل منهم ......... واللي بتأكد استحالة اختلاطهم

بس انت رجعت جاوبت ......... ف الجملتين الفوشيا دول

اي علاقة انسانية لازم يكون فيها اختلافات ......... شد وجذب ........... عدم تعود ........... ومع الوقت كل المشكلات دي بتتلاشى

الطبيعي جداً في اي علاقة بشرية هو الاختلااااااااااااااااااف ............ المهم ان يكون فيه نية من الطرفين لبذل المجهود علشان العلاقة تنجح والحياه تمشي

وكل دة برده مالوش علاقة بالسن ........... دة يطبق علي اي علاقة انسانية

[ما هي دي القوالب الجاهزة يا مدام هند

مش شرط ابدا البنت جسمها يبقى زي مامتها على فكرة

و مش شرط ان الست تعجز بدري

في ستات كتير بتحتفظ بشكلها و رشاقتها سنين طويلة

والدتي الله يرحمها مكانش سنها يبان عليها نهائيا

و دايما كانوا يدوها اقل من سنها بعشرين سنة على الأقل

ما عجزتش الا بعد وفاة والدي

مش بس عجزت

دي ماتت بالحياة

كانت أصغر من بابا سنة واحدة

عمري ما شفتها عجزت و بان عليها سنها

و الا بانت اكبر منه

امي حملت 14 مرة

بس لم يعش لها الا اربعة أبناء فقط

و كانت محافظة على جمالها و رونقها و أناقتها و برفاناتها لسه فاكرة ريحتها القوية

كانت بشرتها لحد وفاة والدي و كان عمرها 62 سنة كبشرة فتاة في العشرينات

و كنا بنلبس زي بعض و هي 60 و انا 22 !!!

كانت سعيدة من جواها

ادي حالة حقيقية بعيدة تماما عن القوالب

و مش ماما لوحدها ناس كتير اعرفهم كده من عيلتنا و من اصحابنا

العزيزة مصرية متغربة

طول مالحياه سلسة .......... طول ماكل طرف بيسعي للوصول لقلب وعقل الطرف الاخر ............ طول ماانا عايزة اسعد جوزي ......... طول ماجوزي بيفهمني وبيتقرب من قلبي وعقلي

اكيد هنعيش طول حياتنا مع بعض سعداء ........ اكيد حتى لو بلغنا من العمر ارذلة ....... قلوبنا هتفضل شباب

اكيد هنبان اصغر من سننا بكتيييييييير وهنعيش كل عمرنا بفرحة

اكيد هنفضل حابين الحياه وبنعيش كل لحظة فيها بكل الوانها

المهم هو التواصل والتفاهم ........... واننا احنا الاتنين نمشي الطريق من اوله مع بعض .......... ولبعض

انا احاول اوصله واسعده واتنازل واضحي علشان دة

وهو برده يحاول يوصلي ويسعدني ويضحي ويتنازل علشان دة

هتبقي الحياه وردي والدنيا حب وامل وفرحة وتفاؤل

تحياتي للجميع

:give_rose:

اللهم إرزقني بفرحة ... تجعلني أسجد لك باكية .

رابط هذا التعليق
شارك

موضوعك جميل بصراحه يا اغابى

وماذا اقول بعد ما قيل

المهم وباختصار شديد

انا شخصيا معنديش مانع ان الراجل يتجوز واحده اكبر منه فى السن

لان الفرق مش فرق فى السن لا الفرق بيبقى فرق فى العقل

ممكن يكون الراجل اكبر من مراته فى السن بس عقله عقل عيل صغير وميعرفش يشيل مسئوليه بيته ومراته

وممكن العكس يكون سنه اصغر من مراته بس عقله راجح وقادر يحتوى مراته ويحسسها بالامان

لان زى ما قال اخوانا فى تعليقات فاتت ان الراجل هو المايسترو هو القبطان اللى يقدر يوصل بالسفينه لبر الامان واكيد مراته هتساعده على كده طالما فى حب وتفاهم وترابط خلاهم يرتبطو ببعض فى البدايه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

×
×
  • أضف...