اذهب إلى المحتوى
محاورات المصريين

هل تتزوج امرأة أكبر منك سنا؟


اغابي

Recommended Posts

بصراحه صعبتوا عليا كلكم وحسيت ان معظم الستات شايلين فى قلبهم وساكتين

وبيعانوا من الكرش او من ظاهرة التصحر عند الرجل

بس مش الاول نشوف النسب يعنى كام راجل بعد الجواز بيطلعله كرش

وكام راجل بعد الجواز بيتصحر ولو ان ده حاجه مالهاش دعوة بالجواز الا اذا كانت الزوجه هيا اللى بتخليه يشد فى شعرة

وكام ست بعد الولاده بتتحول لتوك توك

نشوف بقى دول كام ودول كام وبعدين نتكلم

قال ويقولوك احمد عز

تم تعديل بواسطة akramgroup

الأشجار لاتموت إلا وهي واقفة.....

...

رابط هذا التعليق
شارك

  • الردود 46
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

دايما الرجالة يقولوا عايزين المرأة جميلة...و متجددة...و مدري ايه

سبحان الله

و تلاقي ع الناحية التانية

البيه...بيعمل عرض ازياء ببنطلون البيجامة المقلم في الصالة....و معندوش مانع انه يقضي يوم الاجازة كله بالفانلة....اللي ع اللحم بحجة انه يا عيني شقيان طول الاسبوع في الشغل و عايز يقعد براحته...و كمالة الشقا و الغلب...طبعا مش هيحلق دقنه غير و هو خارج....لكن طول ما هو في البيت...(انسان الغاب....طويل الناب....مش انا اللي قولت...دي زينات صدقي....قبل ما تدلق الملوخية علي حسب الله السابع عشر)

منك لله يا ....يا زينات .. يعني محدش افتكرها و هي حاطة سبت كتاكيت على دماغها :)

يا لماضة خليكي محضر خير :give_rose: لسة الجوازة ماتمتش أصلا ...

فيه أزواج .. بيتزينوا لزوجاتهم اقتداء بما روي عن ابن عباس ـ رضي الله عنهما ـ قال:- "إني لأتزين لامرأتي كما تتزين لي". لأن الله تعالى يقول: وَلَهُنَّ مِثْلُ الَّذِي عَلَيْهِنَّ بِالْمَعْرُوفِ .

و على قدر الحب بين الزوجين يكون اهتمام كل منهما بالآخر ... و هذه هي المودة ومن ثمرات المودة تكون السكينة و الرحمة بين الزوجين .

 

رابط هذا التعليق
شارك

ضحكتونى يا محاوراتية - كملوا كملوا انا متابعة معاكم وانتم زى العثل كدا

كلى اذان صاغية

:vian:

:P

بس برضوه

اوعو تتجوزو يا بنتوتات - تتجوزو رجالة اصغر منكم

:sofa:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

من العبيط اصلا اللى يروح يتجوز واحده اكبر منه دا بتبقى اصغر منه وبتخليه يشد فى شعره ويجيله تصحر بالك بقا اما تكون اكبر منه وبعدين انتو بتقولو جسمكو بيتغير بسبب الولاده طب وليه الستات الاجانب جسمهم مش بيتغير ليه بلاش حجج

رابط هذا التعليق
شارك

بغض النظر عن الصورة المعبرة في التوقيع يا استاذي سمبا....(طب انا راضية ضمير حضرتك هتكتب ازاي تاني كده في احاديث رجل....التوبيك كده هيبقي منشار رجل...مفك رجل....شوية مسامير رجل.... )

طبعا من حق حضرتك تتساءل....و تحلم باليوم اللي نتحلو فيه الي النموذج اللبناني

بس اسمحلي بقي....هو مش لازم نحط جنبه كده لزم تساؤل توءمه لزم

واحد مصري بيقول لصاحبه في الجنة هنتجوز نسوان قشطة خالص صاحبه سأله طيب وحريمنا هيعملوا فيهم ايه قال له دول بقي هيعذبوا بيهم الكفار :P

الفرق بين المصرية واللبنانية

45 كيلو ;)

المصري هو الوحيد اللي بيقول علي مراته حكومة علل من غير ما تحلل ؟؟

من الامثال المصرية

ضل راجل ولا ضل حيطة

الراجل ما يعبيوش الا جيبه :Head:

من اهم نصائح الحموات

قصقصي ريشه :blink

ما سبق كان اي حاجة في اي حاجة من واقع شعب كان ابن نكتة

بغض النظر بقي عن الرجل اللي قاعد في البيت بالفانلة ام حمالات وبنطلون البيجاما الكستور المقلم

علي الرغم ان البنات بتتهبل علي تمورة وعمر دياب لما بيفتحو زراير القميص :blink:

وبعدين الراجل مش بس بفانلته .. الراجل بسيجارته وولاعته واقرب طريق لقلبه معدته :closedeyes:

وبالمناسبة عن المصريات

آخر معلوماتي ان الخيول المصرية اللي كانت بتجر الحنتور بيتجمعوا كل سنة في احتفال ويحمدوا ربنا انه رحمهم من توصيل الستات للسوق واي مكان :P :P

بصراحة كان حمل كبير عليهم

جنب السكن بتاعي مكان كبير واسع ومرصوف الناس بتروح تمشي وتجري فيه ... طبعا طبعا كل الجنسيات اللي عايزين يحافظوا علي قوامهم وتصفية ذهنهم الا المصرية

هي معقول هتسيب السكن والحلل ولف المحشي ومناقرة زميلاتها في السكن وتنزل تتريض

اهي ما يحكمش :P

رابط هذا التعليق
شارك

بصراحه صعبتوا عليا كلكم وحسيت ان معظم الستات شايلين فى قلبهم وساكتين

وبيعانوا من الكرش او من ظاهرة التصحر عند الرجل

بس مش الاول نشوف النسب يعنى كام راجل بعد الجواز بيطلعله كرشوكام راجل بعد الجواز بيتصحر ولو ان ده حاجه مالهاش دعوة بالجواز الا اذا كانت الزوجه هيا اللى بتخليه يشد فى شعرة

وكام ست بعد الولاده بتتحول لتوك توك

نشوف بقى دول كام ودول كام وبعدين نتكلم

قال ويقولوك احمد عز

قولولي انتوا كام راجل بيحمل ويولد بعد الجواز؟

انتوا بتقارنوا مين بمين؟ حاجة غريبة والله

بما ان لا وجه للمقارنة اطلاقا بالمرة "لأنها لصالح المرأة طبعا"

واللي معترض يقول وأعتقد في المنتدى شوية ستات زي الورد

هايردوا على كل من تسول له نفسه انه يتكلم

موضوع الراجل يتجوز ست أكبر منه ولا لأ؟

أنا بنفسي شوفت كل الحالات ومفيش مقياس ثابت لنجاح الزواج أو فشله

لا بفارق السن ولا فارق الثقافة ولا الظروف الاجتماعية ولا المادية

كل انسان تركيبة فريدة بكل مميزاته وعيوبه

وبأحاسيسه وظروفه واستعداده للتضحية عشان الطرف التاني

وسبحان مقلب القلوب

ليتك ترضى والأنام غضاب

وليت الذي بيني وبينك عامر

وما بيني وبين العالمين خراب

رابط هذا التعليق
شارك

والله قعدت اضحك ضحك على تعليقاتكم خصوصا لماضة

على جنب ازيك ياريهام

نرجع للموضوع

طالما فرق السن بين الزوجين لم ينص علية قران ولا سنة يبقى الموضوع بالاختيار ويتبعه الشرط الرائع فاظفر بذات الدين

ماشي

طيب لو نشوف ان سيدنا محمد صلى الله عليه وسلم تزوج السيدة خديجة وهى اكبر منه وكانت حياة كلها محبة وتفاهم حتى بعد وفاتها

يبقى الموضوع متوقف على تقبل الطرفين لبعضهم ومش بقول حب من البداية ولكن على الأقل تقبل وارتياح

لو فرضنا ان كل راجل عاوز يتجوز زوجة اصغر منه علشان متكبرش عنه وجسمها وشكلها هيبان عليها الكبر قبل منه طيب لو اتجوز ملكة جمال واصغر منه ولاقدر الله مرضت مرض مستمر لو مفيش تفاهم بينهم ومودة غالبا في اقرب فرصة هيتجوز غيرها

صح ولا لأ

بجد في جوازات من برة كدة تقول مش هتنفع لكن سبحان الله ربنا لما يريد التوفيق بين الزوجين بيسر الزواج وحياتهم زي الفل

وبجد بجد الاستخارة في الامور دي مهمة جدا الموضوع مش عقل ومنطق بس

اللهم انك عفو كريم تحب العفو فاعف عنا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...