الخوف ... من دعوة للأبتسام الي موضوعات جادة

[عادل أبو عمر]

أهو في دي بئى بالذات البنت زي الولدددددد ما هيش كمالة عدددددد ....

في الاحتمال و الجلد مذكورة في المعجزاااااااااااااات :cheer: ...

مش ده كلامكم و لا كلام أحمد زكي :)

http://www.youtube.com/watch?v=1SGKWxdKclc&feature=related

توضيح بس : «الكوتا» (باللغة الانكليزية quota) معناها «نصيب» أو «حصة نسبية» و دي كلمة متداولة عالميا حتى في الاتفاقيات التجارية بين الدول

[جويرية]

وعلى ايه ياجويرية ده كله ماتقعد فى بيتها افضل ويدوها اعانة كمان ماهو تشتغل عدل

ياتقعد فى بيتها احسن وتسيب فرصة للشباب العاطل اللى مش لاقى شغل

بصى هو فى نظام دلوقت مش بطال فى بعض الوظائف وخاصة الحكومية صديقتى مهندسة فى الحى

بتشتغل 3 ايام فى الاسبوع وبتقعد 3 ايام لان معاها بيبى صغير وطبعا بتقبض نصف الاجر لانها

مش عاوزة تعمل زى زميلاتهاالاسم انهم شاغلين وعلى نص اليوم يزوغوا او يتهربوا من الشغل

كمان فى بعض المدارس بتطبق نفس النظام المدرسة بتشتغل نصف حصصها بنصف الاجر

ماهو مش معقولة واحدة حتنزل ساعتين مواصلات عشان تشتغل ساعة تصفصف معاها على ربع ساعة انتاج

صحيح و اللي ربنا يريحو من ده كلو يبقي محظوظ

[جويرية]

أهو في دي بئى بالذات البنت زي الولدددددد ما هيش كمالة عدددددد ....

في الاحتمال و الجلد مذكورة في المعجزاااااااااااااات :cheer: ...

مش ده كلامكم و لا كلام أحمد زكي :)

http://www.youtube.com/watch?v=1SGKWxdKclc&feature=related

توضيح بس : «الكوتا» (باللغة الانكليزية quota) معناها «نصيب» أو «حصة نسبية» و دي كلمة متداولة عالميا حتى في الاتفاقيات التجارية بين الدول

صحيح البنت زي الولد مهياش كمالة عدد

طيب ما يقولوه نصيب أو حصة بدل الكلمة الأنجليزي دي ،

[doha]

مع ان العنوان مش واضح بس الي فهمته كده اننا بنتكلم عن عمل المرأة المصرية وان كان القانون بيديلها حقوقها كاملة ولا لاه ..

الفكرة في حد ذاتها جديرة بالمناقشة جدا .. ومن اهم القضايا الي بشوف ان مجالس المرأة المتخصصة لا تتصدي لها بالجدية الكافية موضوع اضطرار معظم السيدات في مصر للتخلي عن طموحاتهم العملية في سبيل استمرارهم في رعاية اسرهم .. مفيش قوانين كافية تدي اي ضمانات للست تخليها تترك وظيفتها بشكل مؤقت لرعاية اسرتها وهي عارفه انها ممكن ترجع لها تاني لما تسمح الظروف .. الي بتترك وظيفتها ـ الا لو كانت حكومية ـ بتتركها وهي خلاص عارفه انها ذهاب بلا عوده ..

والاهم من كده ان برضه مفيش اي قوانين تضمن لها حقوقها بعد سنين طويلة لو احتاجت ماديا واكتشفت انها ( مع نفسها ) لاوشوفي مصلحتك ..

الموضوع شائك جدا لان لو وضعوا قوانين تجبر اصحاب الاعمال على معاملة خاصة للسيدات العاملات عن الرجال ده مش هيكون في صالحنا لان رب العمل هيفضل تعيين الرجال على السيدات في الحالة دي ولنا في تجربة البنوك عظة .. وفي نفس الوقت استمرار الحال على ماهو عليه ظلم بين للست فان مكانش عندها وظيفة حكومية بينتهي عملها فيها بدري بحيث تلحق تروح بيتها قبل عوده ابنائها من مدارسهم وان مكانتش في احد الوظائف الي دخلها من ثلاثه خانات بحيث يمكنها ده من توظيف شغاله وغيره من الي ممكن يساعدها للقيام بعملها فالست هنا في مازق حقيقي صعب جدا انها تجمع مابين بيتها ووظيفتها وان حصل فبالتاكيد هيكون على حساب واحده منهم ..

بقيت ملاحظة اخيرة لك اختي الفاضلة جويرية .. هي ملاحظة عاوزه اقولها لك من زمان خاصة بعد موضوع وسائل المواصلات .. في فرق كبير مابين اني اكتب مايدور في ذهني بطريقة توصل فكرتي للناس وهي بتضحك عليه وبين اني اكتبه بطريقة تانية توصلهم الفكرة برضه بس وهم بيضحكوا علي ..

الكتابة الساخرة فن وموهبة ومش كل الناس للاسف عندهم الحكاية دي فلو انا عندي موضوع مهم وعاوزه اتكلم فيه او حتى عاوزه افتح اي مواضيع والسلام بحيث اسمي يبقى موجود على الساحه فمفيش مشكلة اقول الي عوزاه بس بلاش اقوله بتهريج او ارد باستظراف وانا معنديش الادوات لان ممكن جدا موضوعي يكون مهم وممكن جدا اكون فاهمه فيه اكتر من اي حد تاني لكن بكل اسف طريقتي في ايصال مااريد قوله لو مكانتش صح هتسيب انطباع سلبي عند الناس تجاهي ممكن جدا ينفرهم من فكرتي ومن كلامي حتى لو الي بقوله صح ..

ياريت اختي الفاضلة لو انتي فعلا جاده في الافاده والاستفاده زي مايبدوا لي لحد الان انك تفكري في كلامي السابق لاني شيفاكي بتطرحي مواضيع مختلفة تستحق التوقف عندها بس بطريقة مش هتعود عليكي انتي شخصيا في رايي غير بالسلب ..

[اغابي]

بنجور

شوفى يا جويرية

ما هو ما يبقاش كدا خالص ولا كدا خالص

يعنى مش مبلوعة من 7 ساعات لساعتين لاءة خلينا نقول مثلا ل5 ساعات - حلوين اوى

ويعملوا حضانة فى نفس المبنى للاطفال العاملات وداه معمول بيه فعلا فى بعض الوزارات والشركات

لكن

لكن

لكن

تشيلي العميل العيل - يا شيخة حرام عليك - انت ايه عاوزة تجيبى سكتة قلبية للرجالة اللى على المحاورات

هى توصل انى فى البنك اقول للعميل اللى جاى يصرف شيك ولا يعمل شيك امسك شيل الواد لغاية ما اغيرله البامبرز

احمممم قصدى

لغاية ما اخلص لحضرتك اجراءات الشيك

انت عاوزة تطفشي العملاء والزباين

احنا نطلب حقوقنا فعلا اننا ما نتساواش ابدا ابدا المفروض - فى ساعات العمل والاجازات بالرجالة

يعنى نشتغل 4 أيام فقط فى الاسبوع ويا دوب ال3 ايام يقضونا كوافير ومنكير

ونطبخ فيهم ونقابل اصحابنا فى الجيم

وفعلا 5 ساعات ممتازين اوى جدا خالص - يدوب حيضيعوا فى الضحكة الحلوة على التلفون

والرسالة الحلوة على الموبايل ونطمن على الاولاد فى الحضانة

:swing:

ونختصر منهم ساعتين للعمل الجاد

tv_:

ميرسي

[جويرية]

صباح الفل ، ميرسي علي ذوقك يا اغابي

واللهي الشغل ده شئ مجهد ، خاصة الألتزام بالمواعيد

يعني الواحد بيشتغل في البيت كتير ، بس مفيش ساعة معينة لازم يعمل فيها حاجة ، وممكن نأجل حاجة و نعمل غيرها

بس مواعيد الشغل و الألتزام بالساعة و بالدقيقة ، ده بصراحة شئ كان بيضايقني

بالنسبة لتجربة الحضانات في الوزارات ، فأظن ان جربوها و فشلت لأن الأمهات بيسيبوا شغلهم و يقعدوا مع ولادهم

[Folana]

السلام عليكم ورحمة الله..

الأخت الفاضلة جويرية...

حضرتك اختارتى عنوان "الخوف" لموضوعك ، وبدأتيه بمداخلة تناقشى فيه الخوف عند الاطفال او عند البنات تحديدا ثم قفزتى الى فكرة اخرى تناقش مطالبك من نائبات مجلس الشعب..ثم ...ثم...

ونظرا لعدم وضوح فكرة موضوعك بعد..تم نقله الى منتدى موضوعات خفيفة حتى تتضح الرؤية ونستطيع اتخاذ قرار بنقل الموضوع الى المنتدى الذى يناسب فكرتك ..والتى نرجو أن تتضح قريبا

ومافيش داعى تشغلى الاخوة الاعضاء بمسابقات حول تصنيف موضوعاتك...خلينا نناقش ماهو أهم...

شاكرين تفهمك وسعة صدرك...

عن فريق الاشراف

[جويرية]

شكرا يا اخت فولانة علي ان النقل ده مؤقت

موضوعي الأصلي جاد لكن التعليقات كلها جات علي احدي المداخلات

ادي موضوعي الأصلي و اتمني تعليقات الأخوة تكون عنه

هذا الموضوع

بناويت زي العسل

اذا اتكلمنا عنه في موضوعات جادة

و بالأحصائيات النساء اللي بيعانين من الخوف المرضي او نوبات الهلع هما ضعف عدد الرجال

اما آن الأوان ان النساء يلاقوا معاملة تختلف عن الرجال ، معاملة يتفق مع طبيعتهم ، ابتداء من التربية ثم التعليم ثم العمل ، وفي كل مناحي الحياة

[جويرية]

http://www.egyptiantalks.org/invb/index.php?showtopic=113087

الضغوط المهنية تصيب النساء بالنوبات القلبية

[sherifff]

وكمان لو مسكت كبشة الملوخية بالأيدين الأتنين و سابت عجلة التنمية ده حيكون احسن ، ده اذا كانت لسة موجودة عجلة التنمية

ههههههههههههههه

[جويرية]

وكمان لو مسكت كبشة الملوخية بالأيدين الأتنين و سابت عجلة التنمية ده حيكون احسن ، ده اذا كانت لسة موجودة عجلة التنمية

ههههههههههههههه

في قناة سودانية لقيت بيتكلموا عن عجلة التنمية برضو ، مش عارفة ايه موضوع العجلة دي ، بس عشان انا بنادي بعودة الحمير ، ممكن اقول حمير التنمية