اذهب إلى المحتوى
محاورات المصريين

دايت يا ولاد الحلال


Simba

Recommended Posts

عملت تحليل كليسترول والدهون الثلاثية والاتنين طلع نسبتهم عالية في الدم والنوع الاخير نسبته عالية بشكل مش مطمئن

طبعا النصيحة الطبية الاولي تنظيم الاكل والابتعاد عن الزيوت النباتيةوالنشويات والاكثار من اكل الخضار والفاكهة

هنا بقي المشكلة

انا اغلب اكلي كان من المطاعم اللهم الا في ايام الاجازات فرجائي من اهل الخبرة

اي الوصفات الدايت اللي ممكن تتعمل ويكون لها طعم مقبول

رابط هذا التعليق
شارك

السلام عليكم و رحمة الله و بركاته

ألف سلامة و ربنا يعافيك

الوصفات كلها بتعتمد على الاستبدال

يعني زيت الزيتون بدلا من المواد الدهنية

منتجات الالبان نصف او منزوعة الدسم

ادخال الخضروات و الفواكه بصورة كافية (5 حصص) على الأقل

الرياضة .. الرياضة .. الرياضة

الأكل في الفرن او جريل بدل المقلي

اختار المقاطع و اللحوم قليلة الدهون

الأسماك و الجمبري و صدور الفراخ أفضل

تم تعديل بواسطة Om Zayd
رابط هذا التعليق
شارك

الف سلامة على حضرتك

اضافة على كلام om zayd

الخضار السوتيه افضل من المسبك

تقليل النشويات والارز والمكرونة

اللحوم البيضاء اقل ضررا من اللحوم الحمراء وافضلها الاسماك خصوصا المشوية

رابط هذا التعليق
شارك

عملت تحليل كليسترول والدهون الثلاثية والاتنين طلع نسبتهم عالية في الدم والنوع الاخير نسبته عالية بشكل مش مطمئن

طبعا النصيحة الطبية الاولي تنظيم الاكل والابتعاد عن الزيوت النباتيةوالنشويات والاكثار من اكل الخضار والفاكهة

هنا بقي المشكلة

انا اغلب اكلي كان من المطاعم اللهم الا في ايام الاجازات فرجائي من اهل الخبرة

اي الوصفات الدايت اللي ممكن تتعمل ويكون لها طعم مقبول

ليه كدا يا سمبا الف بعد الشر عنك يا خويا

كدا زعلتنى - اولا عليك مبدئيا وعلى الخس - بيخفف الكولوستيرول

وخليني اجمعلك شويه حاجات ومعلومات تساعدك اكتر علشان تكون مشاركتى مفيدة

فاصل

:give_rose:

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

انا متشكر جدا جدا ليكم

بس انا فاهم الكلام ده كويس انا بسأل عن الوصفات زي اي وصفة اكل بتتحط في باب المطبخ ده

يعني انا معرفش يعني ايه جريل

والسوتيه يعني اجيب خضار واسلقه وخلاص ولا ايه صعب اوي يتاكل كده !!!

رابط هذا التعليق
شارك

وخليني اجمعلك شويه حاجات ومعلومات تساعدك اكتر علشان تكون مشاركتى مفيدة

فاصل

مستني يا اغابي

خصوصا اني زهقت من اكل التونة

رابط هذا التعليق
شارك

grill

شوي بس مش على الفحم .. من غير ما تضيف مادة دهنية

زي الطاسة بس معرجة

و ممكن تحت شواية الفرن

مثلا .. صدور الفراخ .. تبلها بليمون و بابريكا و زعتر و ملح و فلفل و زنجبيل.. سيبها ساعتين او في الثلجة طول الليل و بعدينأما تدخلها الفرن و تقطع معاها بصلاية و فلفل أخضر و ملون لو موجود و إكليل الجبل.. رشة زيت خفيفة و تغطيها

أو جريل على العين من فوق 5 دقايق على كل ناحية و تتأكد انها استوت

صدور الفراخ ممكن تقطعها مكعبات صغيرة و في ملعقتين زيت فيهم توم و زنجبيل و على نار عالية 5 دقايق .. بعدين تكون مقطع بصل فلفل جزر كوسة رفيع جدا تضيفهم عليها و ملح و فلفل و صويا صوص و عصير ليمون و ممكن دبس رمان لو بتحبه في الأكل

تم تعديل بواسطة Om Zayd
رابط هذا التعليق
شارك

شوف يا سمبا

انا بابا عنده القلب وكولوستيرول ولما كان عندى فى الكويت الصيف الى فات كان كل اكله جريل وسوتيه

حاقولك انا كنت بعمله ايه

1-

اولا السمك الفيليه لشريحة فيليه واحدة

بتقطع عليه حلقات بصل وشبت وبقدونس وقشر ليمون وملح ومعلقتين زيت زيتون وفص واحد توم

وتقلبهم مع بعضهم وتحطهم فى حلة وتغطيها على نار هادية جدا وضعيفة

الفيليه حيستوى بالبخار لان غطا الحلة مقفول

مع النار الهاديه حيستوى -

2-

الفراخ او اللحمةالمشويه

بس بصراحة انا عندى شوايه

الشوايه الجريل دى موجودة فى الغانم فى من 12 دينار لغاية 30 دينار

انا علشان عندى شوايه باستاند ودى عادية مش جريل

والشواية الجريل ارخص وبتجمع بين الشوي والسوتية وانا باعتبرها افضل

لانك بتحط عليها الفلفل الرومى والبطاطس وقطعة الجمبرى او اللحمة او الفرخة

وبتقطعها الفرخة قطع صغيرة شوية وشوية ملح

او تحطهم فى فرن البوتاجاز عادى ومعلقة زيت زيتون

-3

الرز انا عندى جهاز الرز بالبخار وبيدينى الرز طعمه جميل جدا

بلاش بقى الرز المفلفل بالشعرية داه سيبك منه - خلينا فى الرز سوتيه

كمان فى جهاز بيبقى 3 طبقات وداه اضمن حاجة هو فى الغانم ب 19 دينار

بيبقى اول صف للحوم

وتانى صف للخضار

والصف الاخير للرز

وبتملى الخزان ميه وتشغله فى 10 دقايق بتاكل اكل سوتيه روعة وجميل جدا

4-

نيجي بقى لسلطات والخضار

سلطة بدون زيت الا زيت الزيتون لانه مفهوش كوليسترول

اشترى الزيت الاسباني مش اى زيت زيتون او التركي

السلطة بقى يكون فيها الفجل والبنجر حتى لو مش بنحبهم

والجرجير والخس داه شيء اساسي والكرافس او الشبت

بس اساسي لازم تسترى جهاز يساعد معاك من الاجهزة اللى قولتلك عليها وكما زيت الزينون ما تستبدلهوش باى زيت تانى

وادعيلى وطمنى عليك

ربنا معاك

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

فيه افكار بسيطة في الموقع ده

لو بتحب البطاطس المحمرة

فيه قلاية مهربا من تيفال بتقلي كيلوالبطاطس بملعقة زيت واحدة

أو

و هو ما افضله

تقطع البطاطس

wedges

"اربع تربع و كل ربع نصين

ادعكها بملح و زعتر و رشة زيت خفيفة و في الفرن .. تحفة

تم تعديل بواسطة Om Zayd
رابط هذا التعليق
شارك

سلطة بدون زيت الا زيت الزيتون لانه مفهوش كوليسترول

اشترى الزيت الاسباني مش اى زيت زيتون او التركي

طيب معلش يا اغابي زيت الزيتون اللي بتستخدميه اسمه ايه انا اخر عبوة جبتها كانت بكر ومكتوب عليها عصرة اولة بس طلع طعمها مر بطريقة مش معقولة ولا تطاق

حاجة كمان ان اسمع ان الطبخ بزيت الزيتون علي النار بيعلي الكيلسترول والاحسن انه يتحط علي السلطات والاجبان بس

ده صحيح ولا ايه

تم تعديل بواسطة سمبا
رابط هذا التعليق
شارك

فيه افكار بسيطة في الموقع ده

لو بتحب البطاطس المحمرة

فيه قلاية مهربا من تيفال بتقلي كيلوالبطاطس بملعقة زيت واحدة

أو

و هو ما افضله

تقطع البطاطس

wedges

"اربع تربع و كل ربع نصين

ادعكها بملح و زعتر و رشة زيت خفيفة و في الفرن .. تحفة

انا متشكر اوي يا أم زياد

بس البطاطس دي نشويات والمفروض التقليل منها !

رابط هذا التعليق
شارك

سلطة بدون زيت الا زيت الزيتون لانه مفهوش كوليسترول

اشترى الزيت الاسباني مش اى زيت زيتون او التركي

طيب معلش يا اغابي زيت الزيتون اللي بتستخدميه اسمه ايه انا اخر عبوة جبتها كانت بكر ومكتوب عليها عصرة اولة بس طلع طعمها مر بطريقة مش معقولة ولا تطاق

حاجة كمان ان اسمع ان الطبخ بزيت الزيتون علي النار بيعلي الكيلسترول والاحسن انه يتحط علي السلطات والاجبان بس

ده صحيح ولا ايه

الاول كنت باستخدم زيت اسمه ساسو

بس كان يظهر فترة ويختفى فترة من الجمعيات - كان بيعجبنى طعمه هو ايطالى

بعدين استبدلته بزيت اسباني اسمه

RS

داه علطول موجود فى الجمعيات ومش حيختفى ابدا وسعره كويس وطعمه كويس

وفى عندك ريتا ورحمة وانواع كتير

لكن موضوع انه يتغلى والكلام داه - ما اعرفش انا اعرف ان الديكتور نصح بابا ان اى طبخ يبقى بيه علشان الكليوستيرول اللى عنده بلاش يطبخ باى زيت الا زيت الزيتون - الله واعلم

:give_rose:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

الأطعمة التي تساعد على خفض الكولسترول

........................................

تلعب الحمية دورا هاما جدا في تخفيض نسبة الكولسترول، وهناك بعض الأطعمة التي تخفض هذه النسبة وتحمي القلب، وتساعد على البقاء بصحة جيدة بدون أدوية. وفيما يلي بعض هذا المواد الغذائية:

1- الشوفان ونخالة القمح: يحتوي الشوفان على ألياف ذائبة، تقلل من البروتينات الدهنية القليلة الكثافة LDL(الكولسترول الضار)، كما توجد هذه الألياف الذائبة في أطعمة أخرى مثل الفاصوليا، والتفاح، والأجاص، ولسان الحمل، والشعير.

وتقوم الألياف الذائبة بتقليل امتصاص الكولسترول في الأمعاء، فتناول عشرة غرامات من الألياف الذائبة في اليوم يستطيع أن يخفض مستوى الكولسترولLDL ، فتناول كوب ونصف من الشوفان المطبوخ يوفر للجسم ستة غرامات من الألياف، وبإضافة الفواكه، مثل الموز، فان هذا يضيف أربعة غرامات أخرى من الألياف.

2- المكسرات كاللوز والجوز: أثبتت الدراسات بأن الجوز يمكن أن يقلل الكولسترول في الدم بشكل ملحوظ، فالجوز غني بالأحماض الدهنية المتعددة غير المشبعة، كما يساعد على المحافظة على الأوعية الدموية مرنة وسليمة، كما يمتلك اللوز نفس التأثير، ويمكن ملاحظة التحسن عند استعمال اللوز او الجوز خلال أربعة أسابيع. وإتباع حمية خاصة بتخفيض الكولسترول فالحصول على 20% من السعرات الحرارية من الجوز تخفض الكولسترولLDL بنسبة 12%، إلا أن المكسرات غنية بالسعرات الحرارية، فتناول قبضة من المكسرات ستفي بالغرض، أما تناول المزيد بالإضافة إلى الطعام فإنه سيؤدي إلى زيادة الوزن، ومعروف ان زيادة الوزن تعرض لخطر الإصابة بأمراض القلب، ولتجنب زيادة الوزن، تستبدل الأطعمة الغنية بالدهون المشبعة بالمكسرات، فمثلا: يستبدل الجبن، او اللحم، او الخبز المحمص في السلطة بقبضة من اللوز او الجوز.

3- السمك والأحماض الدهنية اوميغا

3: أثبتت الأبحاث فائدة تناول السمك في تخفيض مستوى الكولسترول لاحتوائه على مستويات عالية من الأحماض الدهنية اوميغا3، الذي يساعد على حماية القلب بتقليل ضغط الدم وخطر تجلط الدم، ويساعد زيت السمك، او الأحماض الدهنية اوميغا 3 الأشخاص الذين سبق إصابتهم بالذبحات الصدرية على تقليل خطر الوفاة المفاجئة بشكل ملحوظ.

وينصح الأطباء بتناول السمك ثلاث مرات أسبوعيا، وتوجد الأحماض الدهنية اوميغا 3 بنسب مرتفعة في سمك المكاريل، والتروت، والسردين، والسلمون والباكور، والتونا، وللحصول على فوائد السمك في المحافظة على سلامة القلب، يفضل تناول السمك مشويا، وللأشخاص الذين لا يحبون السمك، يمكن الحصول على الأحماض الدهنية اوميغا 2من بذور الكتان المطحونة، او من زيت كانولا.

كما يمكن الحصول عليه عن طريق تناول الكبسولات، غير أن هذا يعني عدم الحصول على المكونات الغذائية الأخرى للسمك مثل السيلينيوم، وللتعويض عن ذلك ينصح بتناول اللحوم والخضار تعويضا عن السمك.

4- زيت الزيتون: يحتوي زيت الزيتون على مزيج فعال من مضادات التأكسد التي تستطيع خفض الكولسترول الضار، وتحافظ على الكولسترول الجيد (البروتينات الدهنية عالية الكثافة) HDL بمستوياته الطبيعية.

وينصح الأطباء بتناول ملعقتي طعام من زيت الزيتون يوميا للحصول على فوائده في الحفاظ على سلامة القلب، ويمكن إضافة زيت الزيتون إلى الطعام بعدة طرق، فيمكن قلي الخضار باستعماله، او بمزجه مع الخل وإضافته إلى السلطة، او تستبدل السمنة او الزبد بزيت الزيتون عند الطهي.

وتشير بعض الأبحاث العلمية إلى أن خفض الكولسترول يكون اكبر باستخدام زيت الزيتون البكر، فهذا يعني أن هذا الزيت اقل تصنيعا ويحتوي على مزيد من مضادات تأكسد آمنة لسلامة القلب، وينصح بتجنب زيت الزيتون الخفيف، والذي يكون مصنعا أكثر ولونه افتح، ولا يحتوي على دهون او سعرات حرارية.

5- الأطعمة المحصنة بالاسترولات او الاستانولات تتوفر حاليا أطعمة محصنة بالاسترولات او الاستانولات، وهي مواد توجد في النباتات وتمنع امتصاص الكولسترول.

فالمرجرين، وعصير البرتقال، واللبن المحصنة بهذه المواد يمكن أن تقلل الكولسترول الضار بنسبة تفوق 10%، ويحتاج الجسم إلى كمية لا تقل عن غرامين منها، والتي تعادل 237 مليمتر من عصير البرتقال المحصن يوميا.

ولا تؤثر النباتات المحصنة بهذه المواد على مستويات الترايجلسرايد او الكولسترول الجيد في الجسم، كما لا تتداخل مع امتصاص الفيتامينات التي تذوب في الدهون مثل: ا، د، ك، هـ 6- التركيز على الحمية الغذائية قبل إجراء أي تغيير على الحمية الغذائية المتبعة يجب الانتباه إلى أنواع وكميات الدهون المقتطعة، والتي يمكن أن تزيد او تنقص من مستوى الكولسترول في الدم، مما يؤثر على الصحة العامة.

فالدهون المشبعة كالموجودة في اللحم وبعض أنواع الزيوت، يمكن أن ترفع

مستوى الكولسترول. أما الدهون المتحولة والتي تستعمل لصناعة أنواع البسكويت والكيك، فتزيد من مستوى الكولسترول الضار وتخفض من مستوى الكولسترول الجيد، لذلك يجب الحد من السعرات الحرارية التي تستهلك يوميا عن طريق الدهون المشبعة فلا تزيد عن 10%، كما يجب استبعاد الدهون المتحولة من الوجبات قدر الإمكان.

كما ينصح المريض المصاب بارتفاع الكولسترول بممارسة الرياضة وخصوصا المشي، والانقطاع عن التدخين، وتجنب المشروبات الكحولية.

الرباط الخاص بي

رابط هذا التعليق
شارك

الف سلامه عليك يا سيمبا و متشوفش شر ان شاء الله بخصوص الكوليسترول انا والدى عنده كوليسترول و علشان يقلله الدكتور نصحه ياكل تفاح عالريق كفطار يعنى لان التفاح و الجزر بيقللوا الكوليسترول اما بالنسبه لزيت الزيتون فالافضل تاكله عالسلطه و الجبن اما لو حطيته عالنار هيبقى زيه زى اى زيت تانى

طبعا لازم تقلل البيض لانه بيرفع الكوليسترول و كمان اللحوم الحمرا يعنى خليك فى السمك شوفلك كده مطعم سمك و اعمل فيه ابونيه (اشتراك)المهم يكون سمك مشوى او صينيه

او جيب فراخ مشويه فحم او شوايه بس المهم تشيل الجلد لانه بيبقى فيه كميه دهن كبيره و حاول يبقى عندك عالطول فاكهه و خضار فى البيت الخيار و الخس حلوين و بيملوا المعده

ايه تانى ايه تانى اه الفطار خليه جبنه قريش او حلوم او لبنه دايت او فول يبقى احلى واحلى اما العيش فخليه العيش الاسمر بلاش الابيض وصدقنى مع الوقت هتتعود عليه و ابعد عن الكبد و القلب و الكلاوى لانها بتعلى الكوليسترول

اما العشا فخليه زبادى خالى الدسم و ممكن تضيفله معلقه عسل ابيض لو مش بتحبه ساده

اخيرا قلل من السجاير(لو مدخن)و من الشاى و القهوه و اهم حاجه تهتم و متطنش و كمان تمشى و لو مش هتعرف تمشى استعمل السلم بدل الاسانسير و ربنا يشفيك و نطمن عليك دائما

انا عالفكرة عندى السكر و الضغط و برضو الكوليسترول عالى علشان كده مهتمه بالموضوع مع انى لسه 27 سنه شفت بقى :sad:

رابط هذا التعليق
شارك

المواد التى تحتوى على اعلى نسبة كليسترول

والكولسترول موجود في المنتجات الحيوانية فقط. والمنتجات النباتية كلها، وحتى الزيوت النباتية والمكسرات، فهي خالية من الكولسترول. والمنتجات الحيوانية الغنية بالكولسترول هي:

- اللحوم الحمراء بأنواعها. وأقلها بالكولسترول هو لحم الجمل، ثم العجل، ثم الدجاج، ثم البقر، ثم الضأن.

- الأعضاء، مثل الكبد والكلى، غنية بالكولسترول.

- البيض.

رابط هذا التعليق
شارك

ألف سلامة عليك و ربنا يعافيك

مش هقدر اضيف كثير

بس عايزة أؤكد على البعد عن البيض و الاكثار من السمك و المنتجات البحرية

الألياف مهمة جدا

الرياضة

39_17.png

39_18.png

رابط هذا التعليق
شارك

السلام عليكم و رحمة الله و بركاته

انا مش فاهمة حاجة.....(وش لينا و هي بتاخد من تحت الحوض)

بصوا بقي عشان انا علامي علي ادي......هو حضراتكن....تحطولنا وصفات كده.....خطوة خطوة....و يا سلام لو حاجة متجربة زي اللي بيعملها الشيف الفولاذي بندق

و يا سلام بقي لو تحطولنا الصورة...عشان لو معرفناش نعملها يبقي ع الاقل نفرجهم في البيت ع الصورة و كده يعني

ع جنب بقي

مليون سلامة استاذنا سمبا......و ابقي طمنا علي حضرتك

مساحضرتك .....قليل الدسم..

رابط هذا التعليق
شارك

هو حضراتكن....تحطولنا وصفات كده.....خطوة خطوة....و يا سلام لو حاجة متجربة زي اللي بيعملها الشيف الفولاذي بندق

و يا سلام بقي لو تحطولنا الصورة...عشان لو معرفناش نعملها يبقي ع الاقل نفرجهم في البيت ع الصورة و كده يعني

والله هو ده كان قصدي من بداية الموضوع لكن الحمدلله طلعت بمعلومات جميلة

واتمني يكون فيه وصفات سهلة اقدر اعملها

رابط هذا التعليق
شارك

طيب بما اني قررت استثمر اموالي في شراء حلة الرز اللي بالبخار دي

كنت بسأل هو الرز له طريقة معينة بيتعمل فيها ولا بيتحط فيها وخلاص

ممكن الوصفة لو لها وصفة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      أسس صفحة أون لاين إنجيجمينت.. يعنى راسين فى الحلال إليكترونيا.. والجديد أنه يتابع متابعيه بخطابات وتوصياتعرض الصفحة
    • 0
      خطبة عن الحلال والحرام للشيخ محمد نبيه بمسجد العطار يوضح فيها تعريف الحلال والحرام ويبين قواعد الحلال والحرام في الإسلام. مقدمة عن الحلال والحرام قال تعالى : (وَأَنَّ هَٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ). (سورة الأنعام: الآية 153) هذا الصراط المستقيم هو منهج المسلم، وطريقه الذي يسير فيه، وفقاً لأمر الله (افعل) و(لا تفعل)؛ لأن (افعل) يعني المسلك “الحلال”، الذي من سلكه فاز ونجا، و(لا تفعل) هو المسلك “الحر
    • 0
      العرب فى أوروبا.. الأثرياء والفقراء.. يشترون اللحم الحلال جاهزا.. وفى الماضى كانوا يشترونه من الجزار الهندى أعرض المقال كاملاً
    • 0
      هذه الحكايات حكايات من وحى خيال الكاتب والرسام وليست لها أى علاقة بالواقع الجميل حكاية أب شايف المصلحة وعارعرض الصفحة
    • 0
      الرئيس يحنو على طفلة من ذوى الهممعرض الصفحة
×
×
  • أضف...