اذهب إلى المحتوى

استفسار من مغتربى سلطنه عمان


 مشاركة

Recommended Posts

وعليكم السلام ورحمة الله وبركاته

أخي الكريم bolika , مرحب بيك في المنتدي وسط إخوانك وأخواتك

ما ذكرته يا أخي في مشاركتك السابقة لن يستطيع أحد أن يفيدك بشأنه , لأن العملية نسبية فأنت لم تحدد مؤهل حضرتك ايه وخبرتك كام سنة في مجالك , المراحل التعليمية لأولادك

باقي تفاصيل العقد , لانها على قدر كبير من الأهمية مثل الراتب , زي السكن والتأمين الصحي والإنتقالات والأجازة السنوية

اكتب التفاصيل تجد المفيد , لكن بهذا الإختصار لن يستطيع شخص ان يقيم هل هو عقد جيد ام لا

مع تمنياتي لك بالتوفيق والسداد

مع تحياتي:roseop:

رابط هذا التعليق
شارك

انا طبيب مقيم نسا وتوليد دفعه 2003 و ماشيه فى الماجستير بقالى سنتين

خبرتى 5 سنوات طبيب مقيم نسا

ابنى فى الصف الاول الابتدائى بمدرسه اجنبى و بنتى 4 شهور

العقد ب 650 ريال شامل كل حاجه الا السكن 160 ريال

التأمين الصحى على افراد الاسره

الاجازه 48 يوم + 75% من التذاكر نقدا فى الاجازات

بس يا ريت متقوليش انك معندكش معلومات عن العقود فى مجالى لانى سؤالى هو هل حقدر احوش حاجه من مرتبى ده لو شغلى بره مسقط ولا حيبقى الجاى على اد اللى رايح

انا بس بسأل عن مستوى المعيشه والاسعار وكده

وجزاكم الله خيرا وكل عام وانتم بخير

رابط هذا التعليق
شارك

ادينى كتبت التفاصيل و محدش رد عليا=============\

هو مفيش حد شغال فى عمان يقوللى عن الاسعار و مستوي المعيشه ولا ايه؟؟؟؟؟؟؟؟

ولا رد واحد حتى؟!!!!

رابط هذا التعليق
شارك

انا طبيب مقيم نسا وتوليد دفعه 2003 و ماشيه فى الماجستير بقالى سنتين

خبرتى 5 سنوات طبيب مقيم نسا

ابنى فى الصف الاول الابتدائى بمدرسه اجنبى و بنتى 4 شهور

العقد ب 650 ريال شامل كل حاجه الا السكن 160 ريال

التأمين الصحى على افراد الاسره

الاجازه 48 يوم + 75% من التذاكر نقدا فى الاجازات

بس يا ريت متقوليش انك معندكش معلومات عن العقود فى مجالى لانى سؤالى هو هل حقدر احوش حاجه من مرتبى ده لو شغلى بره مسقط ولا حيبقى الجاى على اد اللى رايح

انا بس بسأل عن مستوى المعيشه والاسعار وكده

وجزاكم الله خيرا وكل عام وانتم بخير

شوف يا دكتور

العقد ده طبعاً عقد حكومي ودى فى حد ذاتها حاجه كويسه

الراتب ده كويس وتقدر تحوش منه حوالي 300 ريال مستريح بس بشرط انك ماتبقاش في مسقط علشان الحياة والسكن والمعيشه في مسقط غاليه قوي

زي ماقلت قبل كده في مشاركاتي السابقه أنا كنت في مدينة صحار لمدة عام و نصف وحالياً في مدينة صلاله المعيشه والأسعار تختلف من مدينه لأخري يبقي لازم تعرف أنت رايح علي أي بلد

لو بلد غير مسقط يبقي تقدر تصرف من 200 ريال الي 250 ريال وحتبقي مستريح ومش حارم نفسك من حاجه

علي فكره انا نفس ظروفك تقريبا بس أنا مدرب سباحه في وزارة الشؤون الرياضيه ودفعة 1999 وراتبي تقريباً نفس راتبك وعندي بنت في كجي وان وولد عمره سنتين بس أنا بادفع قسط سياره يعني تقدر تحوش كويس

مشكلتك الرئيسيه لما تعرف البلد اللى أنت رايحها هي هل فيها مدارس أنترناشونال ولا لأ

يعني هنا في صلاله في المدرسه البريطانيه بس دي مصاريفها حوالي 2000 ريال سنوياً وفي مدرسة صلاله العالميه ودي بالتعاون مع مدرسه أستراليه مش فاكر أسمها ودي مصاريفها 1000 ريال سنوياً وفي مدرسه أسمها الضياء ودي مصاريفها 500 ريال سنوياً المهم تشوف أنت رايح فين علشان لو البلد اللي أنت رايحها مافيهاش مدارس إنترناشونال حتتعب قوي

ربنا يوفقك وأنا تحت أمرك في أي حاجه

رابط هذا التعليق
شارك

جزاك الله خيرا يا استاذ solimady ---انت بجد افدتنى كتير مش بس فى ردك ده لأ---انا متابعه كلامك من قبل ما تسافر لما كنت بتسأل كده زيى ولما وصلت وكل حاجه===ربنا يوفقك انت و اسرتك====كل عام وانتم بخير و سلام واشكرك جدا

رابط هذا التعليق
شارك

جزاك الله خيرا يا استاذ solimady ---انت بجد افدتنى كتير مش بس فى ردك ده لأ---انا متابعه كلامك من قبل ما تسافر لما كنت بتسأل كده زيى ولما وصلت وكل حاجه===ربنا يوفقك انت و اسرتك====كل عام وانتم بخير و سلام واشكرك جدا

العفو أنا معملتش حاجه واللهي أنا بس بحاول أساعد علشان أنا مجرب الشعور قبل السفر بيبقى عامل إزاي

علي ال عموم كل عام و أنتم بخير وربنا يوفقك ولو في أي مساعده أقدر أقدمها أنا تحت الأمر

رابط هذا التعليق
شارك

السلام عليكم===كل عام وانتم بخير وسلام

برجاءمن الاستاذ solimady او احد الاخوه الاجابه عن هذا السؤال ضرورى و شكرا

اذا حضرت للعمل فى السلطنه ثم لم يعجبنى ظروف الشغل و نزلت طوارئ و لم اعود مره اخري==ايه بيكون مصير لتأشيره ؟ يعنى هل حقدر ارجع عمان على شغل تانى ولا لأ== ولو حقدر بيكون بعد اد ايه؟؟

كمان كم تكاليف استقدام الزوج والاطفال؟ وهل اجراءات الاستقدام سهله ولا معقده؟

وشكرا

رابط هذا التعليق
شارك

السلام عليكم===كل عام وانتم بخير وسلام

برجاءمن الاستاذ solimady او احد الاخوه الاجابه عن هذا السؤال ضرورى و شكرا

اذا حضرت للعمل فى السلطنه ثم لم يعجبنى ظروف الشغل و نزلت طوارئ و لم اعود مره اخري==ايه بيكون مصير لتأشيره ؟ يعنى هل حقدر ارجع عمان على شغل تانى ولا لأ== ولو حقدر بيكون بعد اد ايه؟؟

كمان كم تكاليف استقدام الزوج والاطفال؟ وهل اجراءات الاستقدام سهله ولا معقده؟

وشكرا

شوفي يا دكتوره بالنسبه لإستقدام الزوج و الأطفال سهله مافيهاش حاجه خاصة إن عقدك عقد حكومي بس حتبقي مشكلتك إنك مش حاتخدي بدل سكن علشان الزوجه لما بتعمل إستقدام لزوجها مش بتاخد بدل سكن لكن الزوج من حقه بدل سكن علشان كده لازم تدوري علي سكن الأول وتجهزيه

أما بالنسبه للتأشيره أنا معرفش أيه اللى ممكن يحصل لو عملتي اللى بتقولي عليه لكن اللى أعرفه إن الموظف الحكومي اللي بينهوا خدماته لازم يلغوا تأشيرته و إقامنه قبل مايسافر وبرضه إاللى أعرفه إن لما موظف أو عامل بيهرب الكفيل سواء كان خاص أو حكومه بيعمل إعلان في الجرائد إن الشخص ده هرب و ممنوع حد يتعامل معاه ولو الشخص ده لم يتقدم بإعتراض علي هذا الإعلان في خلال 15 يوم من حق الكفيل سواء كان حكومه أو خاص أن يذهب لوزارة الخدمه المدنيه ويلغي تأشيرة الشخص الهارب و يحق له إصدار تأشيره أخري بدلاً عنها لإستقدام شخص آخر

دي المعلومات اللي أنا عارفها ياريت أكون قدرت أفيدك

رابط هذا التعليق
شارك

  • 2 years later...
  • 9 years later...

السلام عليكم ورحمة الله وبركاته انا جاي ليا عقد عمل في عمان ب 340ريال في وزارة التعليم العماني فكنت عاوزه اعرف هل ينفع اخد زوجي معايا من اول يوم ادخل فيها عمان ولا لازم انا اسافر الاول وبعد كده اعمله استقدام ؟ لو لازم انا اروح الاول الإجراءات بتاخد مده قد ايه علشان يقدر يحصلني؟والاجراءات المطلوبه ايه مع العلم اني املك طفله عمرها سنتين ونص فقط ؟ وهل زوجي ممكن يعمل في السلطنه وماهي الاوراق التي يجب توثيقها من السفاره له بحيث تسهل له العمل بمجرد وصوله ارجو  الاهتمام والرد ولكم جزيل الشكر علي الاهتمام واسفه علي الاطاله

 

 

 

 

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
×
×
  • أضف...