اذهب الي المحتوي
Cleo

مغامرات كليو هانم أفنظيم فى إسطنبول

Recommended Posts

لم أزر تركيا

ولكنى سمعت أحد الأصدقاء الذى زارها

يقول أن الأتراك متعجرفون ولابد من منادات التركى بلقب بيه حتى لو ماسح أحذية

هل هذا صحيح .. ؟

لم تصادفنى حكاية "بيه" دى...

بس بمناسبة متعجرفون...

لما رحت أور التوب كابه.. المفروض فيه جواه زى متحف لصور السلاطين العثمانيين... و عشان بيخافوا عليها من الرطوبة و النفس (الله يرحم المتحف المصرى) ... فبيدخلوا الناس مجموعات 10*10... و الفرق بين كل مجموعة و الثانية دقيقة...

المهم المجكوعة بتاعتى أنا كنت واقفة أول الصف... و كنت زهقانة جدا.. و مستنية الدور...

المرشدة (القصيرة اللى من الزاوية الحمرا اللى قلتلكم عليها قبل كدة..) حست إنى زهقانة و حبت تشرحلى الموقف "بالتركى" ..!!!! رغم إنها كانت بتقول الشرح بالانجليزى..!!

- لولولولولولولولولو دقيقة

فهمت إنها بتقولى حاجة زى استنى عدد من الدقايق أو يمكن دقيقة واحدة... المهم انها عايزانى أستنى و خلاص..

فهزيت دماغى من فوق لتحت كدة يعنى أنا فاهمة...

الست بصتلى فى عنية أوى و بعدين بمنتهى الاستهزاء راحت سألانى بالانجليزى..

- دو يو أندرستاند وات أى ساى؟؟

- يس.. دقيقة..

بصتلى باستهزاء أكتر...

- وير دو يو كم فروم؟؟

- ميسير (مصر بالتركى... cl: )

اتكبست..

بس فعلا اتغاظت من الطرييقة اللى بتبص بيها..!!

وبعدين لما هى أصلا مرشدة انجليزى.... بتكلمنى تركى ليه؟؟ cbyb:

شارك هذه المشاركه


رابط المشاركه
شارك
يمكن اتفتكرتك تركية.....لأن شكلك يجيب تركي مثلاً

أنا مثلا كتير بيفتكروني ايراني او تركي...لقرب الشبه بهم ويبدأو الحديث معي بالفارسي

cl:

هى الحقيقة افتكرتنى تونسية أو مغربية...

مع إن فى أسبانيا كانوا يفتكرونى إسبانية و كانوا على طول يكلمونى أسابنى... و بعد ما أكلمهم بالأسبانى أول جملتين تلاتى يبقوا مش مصدقين

إنى مش أسبانية... لحد ما مع كتر الكلام يبتدى يبان مثلا إن فيه لكنه.. أو كدة... فيبتدوا يقتنعوا..

شارك هذه المشاركه


رابط المشاركه
شارك

صباح شريف ولد كليو .....

من شان اية انت موش كمل حكايات زيارات لبلاد توركى موتسلسلات ....

احنا موش نعرف من فين جبت فلوس أكمل بية رحلات فى بلاد توركى عظيمات و أكيد جيبتو معاك كتير موشتاراوات ...

كمان من شان اية أفنظيم قولتو على الرطوبة = طوب ..... و المجموعة = مجكوعة.. و أسبانى = اسابنى ..... كمان دى تأثير زيارات ؟؟؟؟!!!!!

قول ولد كليو أفنظيم قول .... موش خبى ... روح أفندينا قرب أطلع .....

جويد باشا أوغلو

القنصل العام العثمانلى أمان يا لاللى

شارك هذه المشاركه


رابط المشاركه
شارك

شكرا

للأخت كليو على هذا الموضوع والمعلومات الغزيرة فيه عن الشعب التركى

حقيقى استمتعنا بقراءته

وياريت تكتبى عن بلاد أخرى زرتيها

تحيتى

شارك هذه المشاركه


رابط المشاركه
شارك
بأة أنا بقالى سنة عمالة أقولهم سافرت من غير فلوس... الفيزا حصلها ماعرفش إيه.. ماكينة الفلوس فرقعت فى وشى... و هم يقولولى استمتعنا قولى كمان..!!! :blink:  إلا ماحد فيهم حط إيده فى جيبة و قالى اتفضلى يا كليو.. ابقى رديها حين ميسرة... إحنا اخوات..!!!....

طيب أنا هاسيبهم متشوقين كدة يعرفوا الرحلة خلصت على إيه و مش هاكمل حكايات إلا لما يشخشخوا جيبهم..

من شان اية انت موش كمل حكايات زيارات لبلاد توركى موتسلسلات ....

فالله بالله تالله كفاية أفنظيم حظرتونا مشغول كتير إيجمع محصول قطن فى أبعديات تبع حظرتونا... حظرتونا موش عندو وقت إحكى إحكى إحكى... كفاية أفنظيم وقت يعنى فلوس أفنظيم... stnd::

كمان من شان اية أفنظيم قولتو على الرطوبة = طوب ..... و المجموعة = مجكوعة.. و أسبانى = اسابنى ..... كمان دى تأثير زيارات ؟؟؟؟!!!!!

يالكفاية يالخبيبى أنا كلمتو الإينت أنا لما نرووخ أسبانيا إيفتيكرو الأنا من خيناك... يعنى أنا يالخبيبى موس يعرفتو كليمتو اتنين كيلمة أرابى سوا سوا كالا... بس أنا يوعد الخضريتك أنا راخ ناخود اتنين خيسة فالأرابى و نرجعتو كلمتو الإنت أرابى بولى كالا...

كالا يالخبيبى؟؟

تم تعديل بواسطة Cleo

شارك هذه المشاركه


رابط المشاركه
شارك

والنبى يا مانولى , عايزين 2 كيلو سمك باكالاة .. و نصف كيلو زيتون كالاماتة .. و تمن جبنة تركى و حزمة بصل أحمر ...

خريستوبولو ... كاليميرا ...يا خبيبى

شارك هذه المشاركه


رابط المشاركه
شارك
كمان من شان اية أفنظيم قولتو على الرطوبة = طوب ..... و المجموعة  = مجكوعة.. و أسبانى = اسابنى ..... كمان دى تأثير زيارات  ؟؟؟؟!!!!!

والنبي تقولها حاجة يا كفايه .. اديكوا اتراك زي بعض وبينكم لغة مشتركة ...

كليو طلعت عيني من تصحيح الكراريس بتاعتها ونظري راح خلاص ...

س س مصحح لغوي وبأصلح ساعات والله يسامحك يا كليو .

شارك هذه المشاركه


رابط المشاركه
شارك

كمان من شان اية أفنظيم قولتو على الرطوبة = طوب ..... و المجموعة  = مجكوعة.. و أسبانى = اسابنى ..... كمان دى تأثير زيارات  ؟؟؟؟!!!!!

والنبي تقولها حاجة يا كفايه .. اديكوا اتراك زي بعض وبينكم لغة مشتركة ...

كليو طلعت عيني من تصحيح الكراريس بتاعتها ونظري راح خلاص ...

س س مصحح لغوي وبأصلح ساعات والله يسامحك يا كليو .

على فكرة يا س س الأخطاء دى كلها متعمدة...

و ده لأن الإدارة كلفتنى إنى أفتعل أخطاء إملائية عشان تختبر إخلاص المشرفين و المنسقين فى العمل...

وبما إن محدش فيكم لغاية دلوقتى تدخل لتصحيح هذه الأخطاء... و بعد أن استدرجتكم للاعتراف بتقصيركم فى أداء مهامكم...

استنوا بأة خطابات إنذار بالفصل من الإدارة...

راعوا ربنا فى أكل عيشكو... مش كدة...!!!

إفففففففففف..........

مليتو البلد...!!! stnd::

الحكاية إنى لما بكتب من الشغل... باكون مستعجلة عشان أشوف اللى ورايا.... فمش بدقق أوى...

و لما بكتب من البيت... ده عادة بيكون بلليل... فبكون تعبانة و مرهقة من الشغل و غالبا بكون مطفية النور عشان نوفر الكهربا... قصدى... عشان الإضاءة الخافتة بتعملى ريلاكسيشن و بتبقى مريحة للأعصاب..

فمش بشوف الكيبورد كويس... :blink:

شارك هذه المشاركه


رابط المشاركه
شارك
الحكاية إنى لما بكتب من الشغل... باكون مستعجلة عشان أشوف اللى ورايا.... فمش بدقق أوى...

و لما بكتب  من البيت... ده عادة بيكون بلليل... فبكون تعبانة و مرهقة من الشغل و غالبا بكون مطفية النور عشان نوفر الكهربا...  قصدى... عشان الإضاءة الخافتة بتعملى ريلاكسيشن و بتبقى مريحة للأعصاب..

فمش بشوف الكيبورد كويس...  stnd::

طب ما تقولي كده من الأول ..

طب تحبي حظرتك نحجزلك رويال سويت فوول بورد مع اللاندري في فندق موفنبيك المطار .. ويكون الجناح بيبص على النيل على طول .. عشان سيادتك تاخدي راحتك وتكتبي المذكرات بدون أي اخطاء إملائية .

بس تعرفي بعد التكاليف دي كلها إلا مش هاتقل بأي حال من الاحوال عن 43 جنية .. لو لقيت همزة ناقصة يا كليو :blink: ... إنت عارفه اللي هايحصل ...

أنا مش كل يوم أقتل لي 3 أعضاء في المحاورات . mfb: ax: s-:

شارك هذه المشاركه


رابط المشاركه
شارك
وبما إن محدش فيكم لغاية دلوقتى تدخل لتصحيح هذه الأخطاء... و بعد أن استدرجتكم للاعتراف بتقصيركم فى أداء مهامكم...

استنوا بأة خطابات إنذار بالفصل من الإدارة...

طب تحبي حظرتك نحجزلك رويال سويت فوول بورد مع اللاندري في فندق موفنبيك المطار .. ويكون الجناح بيبص على النيل على طول .. عشان سيادتك تاخدي راحتك وتكتبي المذكرات بدون أي اخطاء إملائية .

بس تعرفي بعد التكاليف دي كلها إلا مش هاتقل بأي حال من الاحوال عن 43 جنية .. لو لقيت همزة ناقصة يا كليو  ... إنت عارفه اللي هايحصل ...

خلاص يا س س ... دورك انتهى..

مش هاتلحق... ابقى سيب المهمة دى للى هايمسك الكرسى بعدك.. :blink:

شارك هذه المشاركه


رابط المشاركه
شارك

من الأخر كدة ... ناوية تكملى اللى حصل فى السفرية ؟؟؟ و لا خلاص على كدة ؟؟؟؟

يعنى هتقولى جبتى فلوس منين ؟؟ و الباسبور لما أتسرق و روحتى طلعتى وثيقة سفر من القنصلية ؟؟ و المعاملة الزفت اللى شفتيها لغاية ما عرفتى تقابلى القنصل العام و ضيعتى يوم كامل فى القنصلية ....

و أخر يوم لما اتأخرتى فى السوق ورجعتى الاوتيل لقيتى الجروب ركبوا الأوتوبيسات و راحوا على المطار .. و أخدتى تاكس ب 50 دولار و جرى على المطار ... و هناك أفتكرتى أنك نسيتى أكياس مشتروات أخر يوم فى لوبى اللوكاندة ... و كنتى مش عارفة تدفعى 100 دولار تاكسى رايح جاى .. ولا الحاجات ما تسواش ؟؟؟؟ بس دول كان فيهم معظم هدايا أولاد أختك ؟؟؟

ها ... قولى بقى رجعتى الأوتيل ولا ركبتى الطيارة :blink: ؟؟؟؟؟؟؟؟

قولى بالتركى ..... بالجريجى .....انشاللة بالعربى المكسر بتاعك ... stnd::

شارك هذه المشاركه


رابط المشاركه
شارك
من الأخر كدة ... ناوية تكملى اللى حصل فى السفرية ؟؟؟ و لا خلاص على كدة ؟؟؟؟

آآآآآآآآآه....

كفاية ابتدى يتنرفز و هايطلع علينا الظرابين التركى أفنظيم..!! taz::

ماشى... إنشاء الله ناوية أكمل... و خصوصا اللى حصل فى الطيارة و احنا راجعين.... ups:

بس الكتابة فى الموضوع ده عايزة بال رايق و أنا بجد الأسبوع ده طالعان عينى شغل... :unsure:

شارك هذه المشاركه


رابط المشاركه
شارك

الثلاث أيام اللى بعد كدة عدوا بهدوء "نسبى" مقارنة بأول يومين... لأنى كنت خلاص... عرفت سكتى للبنك و ابتديت أظبط كميات الفلوس اللى باسحبها كل يوم... و بقيت أوفر كارت الفيزا لعمليات الشراء.

طبعا الأمر ماكانش يسلم من موقف كدة ولا كدة... بس ياللا... الواحد كان اتعود على كدة...

لحد ما جاء يوم العودة إلى مصر الحبيبة... (بجد عمرى ما اتعلمت قد ايه مصر حلوة إلا فيكى يا أسطنبول...!!!)

شارك هذه المشاركه


رابط المشاركه
شارك

المفروض إن المياعد الإقلاع كان الساعة 11:00 مساء...

الساعة 8:30 كنا كلنا فى اللوبى بتاع الفندق بشنطنا و حاجتنا كلها...

الدنيا كانت بتمطر بشكل غريييييييييب..!!! يعنى كأنك واقف تحت الدش بهدومك..!!! (مع إن احنا كنا فى أغسطس و الدنيا كانت حر موت..!!! mfb: )

طبعا الناس أصحاب القلوب الشجاعة اللى زى ... الناس قلب الأسد.... فى الظروف اللى زى كدة يعدوا دماغهم تودى و تجيب...

- "إحنا هانطير إزاى كدة!!! ده شوية مطرة خايبين من بتوع مصر و يقوللك قفلوا المطار و الموانى...!! كدة يا إلا نبات هنا... يا إلا نطير فى الجو الصعب دة... بس لو طرنا كدة ممكن الطيار ما يبقاش شايف كويس و يخبط فى أى عامود نور...!!" mfb:

المهم.... ركبنا الأوتوبيس و رحنا المطار...

المفروض إن احنا عددنا مان 300... مننا حوالى 150 طلعوا فى طيارة تانية قبلنا بأربع ساعات...

لما وصلنا المطار... كان ضيق جدا و زحمة جدا... و طبعا كل واحد فى الزملا كان جاى فاضى و راجع معاه بتاع 5 شنط غير الكراتين... و أصلا مطار صبيحة ده صغير جدا... يعنى قد صالة بيتنا لو فتحناها عالمطبخ مثلا... rs:

عرفنا هناك إن الطيارة هاتتأخر ساعة non::

شارك هذه المشاركه


رابط المشاركه
شارك

اتخنقنا من الزحام... قولنا نعمل بوردنج...

أصلا المكان اللى المفروض بنستنى فيه بعد البوردنج عبارة عن ممر حوالى 15 متر فى متر و نصف...!!!

بعد ما كلنا عملنا بوردنج....

و كلنا خلاص.....

محبوسين فى المكان الضيق ده....

قالولنا الطيارة هاتتأخر و مش عارفين إمتى هاتطلع..!!

قلت أكلم بابا أقولله يستنى ماينزلش بدرى ....

- ألو... ماما... الطيارة هاتتأخر مش عارفين لحد امتى

- ده بابا نزل خلاص راح يستناكى هناك...!!! non::

شارك هذه المشاركه


رابط المشاركه
شارك

المهم... قاعدين 150 واحد محبوسين فى المكان الضيق ده... و طبعا ممنوع نخرج منه... لا على السوق الحرة (اللى مافيهاش أى حاجة) ولا على الكافيتريا ولا أى حاجة...

يا ولدى محبوس محبوس محبووووووووووووس.... يا ولدى..

غير إن الكراسى كانت ناشفة جدا و متعبة.....و عددنا كبير و حاجة خنقة...

وكأن الواحد كان ناقص....

ابتدت أخبار الطيارة اللى وصلت قبلينا تجيلنا بالموبايلات..

إتبهدلوا فى الجمارك...!!!! و منهم واحد اتحجز فى الصالة الحمرا... و قعدوا يدوروا على حد يحلله مشكلته...

طبعا كله (كلله mfb: ) ركبه سابت... و ابتدى فى ق التعب اللى كنا فيه يزيد علينا التوتر و شدة الأعصاب من حكايوة الجمارك دى كمان... non::

تفتكروا قعدنا بالوضع ده إيه؟؟؟ mfb:

خمس ساعات..... rs:

شارك هذه المشاركه


رابط المشاركه
شارك

أخيرا....

اللحظة المفترجة و هانركب الطيارة..!!!

الواحد أول ما سمع كانت رجليه بتفرك فى الأرض من شدة الاستعجال إنه ينهى الكابوس ده و يرجع بأه....

أففففففففففف....... non::

المهم ركبنا الطيارة... و قبل ما الطيارة تتحرك...

هرج و مرج

أصوات عالية من ورانا

توتر و زحمة فى أحد جوانب الطيارة

اتنين مندوبين بيتخانقوا مع بعض مين اللى يعد جنب الشباك...!!!! rs: mfb:

شارك هذه المشاركه


رابط المشاركه
شارك

طبعا كان فال زى الفل....

هى دى العينة اللى الواحد هايقطع معاها الرحلة... non::

المهم الطيارة قامت... و بعد خمس دقايق... المضيف دخل علينا... لو سمحتوا قائد الطيارة بيقوللكم تعدوا على كراسيكم علشان توازن الطيارة

(حاجة بتاعت 30-40 مندوب سايبين الطيارة كلها و متجمعين فى آآآآآخر الطيارة خالص كأنه أوتوبيس رحلة القناطر)

ما سألوش فيه... mfb:

خمس دقايق وراح كابتن الطيارة مكلمنا فى المايك بخطاب شديد اللهجة mfb:

مسألوش فيه.. :D

خمس دقايق راح الكابتن مطفى علينا النور زى الدبان.......!!!!!!!! rs:

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • مغامرات عصابة "حساس"

      قريبآ علي هذه الشاشة.. رائعة الأدب العالمي الكوني اليونيفيرسي الفظيعة... مغامرات عصابة "حساس" ملخص ما سبق بعد استيلاء الجامعة الأمريكية علي"كلية بهية الخاصة" و القبض علي بعض الطلاب بتهمة الشيوعية الهمبكية… و القبض علي الباقي منهم في المحاولة الفاشلة التي حاولوا بها القيام بأنقلاب في دولة"نفاقستان" المجاورة…تركت شلة الأصدقاء الدراسة و قرروا القيام بأول مشروع عملي… فأنشأوا شركة "حساس أعلانات ليميتد" للأعلانات…. و حاولوا تسويق غسالة فول أوتوماتيك تعمل بالمانافيللة.. و لكن فكرة اعلا

      في دعوة للأبتسام

    • مغامرات فريق التواصل " الإلكتروني الأمريكي " في بلاد العرب

      بسم الله الرحمن الرحيم تحية طيبة لكم اخواني واخواتي الكرام ,,, ربما الكثير منا قد سبق له وان سمع او قراء لــــ فريق التواصل الإلكتروني التــــابع ,,, لوزارة الخارجية الأمريكية ؟؟ وبــــ التأكيد قد تبادر الى ذهن كل من سمع أو قراء عن هذا الفريق الكثير من الأسئلة المشروعة . ؟؟؟...... اليكم بحث مهم جداً يـــــــ تحدث عن هذا الموضوع ,,, يــــ سعدني ويــــشرفني أن أضع هذا البحث المهم بين يدي القاريء الكريم , للــــعلم والطلاع والمعرفة . --------------------------------- في 2005 عين جور

      في سياسة دولية

    • مغامرات س س فى الشقق المصرية؟؟؟

      انا كنت قريت من فترة موضوع عن مغامرات الاستاذ الكبير س س وقال ان الموضوع هيكملة فى رمضان ورمضان قرب على المنتصف ومفيش لا حس ولا خبر الموضوع تم الغاءة من خريطة رمضان ولا اية انت فين يا س س انت وخبراتك فى موضوع الشقق والعقارات ؟؟؟؟؟؟؟؟؟؟؟ اوعى تقول كسلت بعد ما اكلت المانجا

      في مسائل إقتصادية - economic issues

    • صور البابا وهو يصلى صامتا تجاه مكة فى محراب قبلة جامع إسطنبول ... !!!!

      توصل إمام الجامع فى إسطنبول الى ما لم تتوصل اليه المظاهرات .... !!! توصل إمام الجامع فى إسطنبول الى ما لم تتوصل اليه المظاهرات .... !!! "البابا يصلى صلاته الصامته فى محراب القبلة وفى إتجاه الكعبة الأسلامية " فقد وقف مع البابا فى المحراب أمام القبلة متجهان الى الكعبة وقرأ الأمام التركى الفاتحة ... بينما تعمق "البابا" فى صلاة صامتة دامت "دقيقتين" ... وكان يقف وقد تعاقدت يداه أمام صدره .... نشرت صور هذه اللحظات فى أنحاء العالم وأذاعتها محطات التلفزيون العالمية ... كيف بدأت الق

      في معرض الصور

    • مغامرات نونو وبيبي (الحلقة العاشرةوالاخيرة)

      في الحقيقة وفي الواقع هو المفروض انزل الموضوع ده بعد اسبوعين او شهريييييييين يعني اريحكو شوية من الشخابيط الى عمالة ترف عليكو يادي الكسوووووووووف :blush: mfb: بس بما اني مش ضامنة اني اقدر اكتب بعد كده جايز لفترة او بمعنى اصح احتمال ما اقدرش ادخل نت اهئ اهئ اهئئئئئئئئئئئئئ حدش عنده كليوووووووونكسسسسسس ماعلينا ....................... وبناء عليه ........ عسل الكلمة دي تقلش سيباويه ياخيييييييييي اجري كده وبلاش غلبة عايزة تقولي ايه يابت ياشهد اجري اروح فيييييييين ماما قالت لي ما ت

      في أدب و شعر و قراءات

×
×
  • اضف...