اذهب إلى المحتوى
محاورات المصريين

مغامرات كليو هانم أفنظيم فى إسطنبول


Cleo

Recommended Posts

كمان كام يوم ....

كمان كام يوم ؟؟؟؟؟؟؟؟؟؟؟؟؟؟؟؟؟!!!! :rolleyes: taz:: pht:

اشوف فيكي يوم يا كليو ...

آدي آخرة اللي يتابع مسلسل بتكتبه واحدة ست.....

:blink: mfb:

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • الردود 148
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

كمان كام يوم ....

كمان كام يوم ؟؟؟؟؟؟؟؟؟؟؟؟؟؟؟؟؟!!!! :P  taz::  :P

اشوف فيكي يوم يا كليو ...

آدي آخرة اللي يتابع مسلسل بتكتبه واحدة ست.....

:blink:  mfb:

ست....!!!!! أنا مش شايف قدامى أيها ست...!!! pht:

يا سكوب... عقلى الباطن بيقوللى إن حشيش فتح موضوع جديد عشان يسرق الزباين اسسمه شخصية مين... قلت استنى لما الناس تلعب بيه شوية و لما يتحرق (الموضوع... مش حشيش :rolleyes: ) نبقى نرجع نكتب تانى

كليو

تجارة خارجيو و تسويق

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

أنت بنت كليو .....

من شان أية تمط و تطول فى حكايات و تعمل هتشكوكات ...

كلمتى مامات تكسر درج مكتب فى مصر و تقولك رقم فيزات .....

بيروقراطية فى مصر تعمل واحد بدل فاقد فى واحد شهر و تدفع فلوس يوك فى تليفونات محمولات أفنظيم ....

رابط هذا التعليق
شارك

أنت بنت كليو .....

من شان أية تمط و تطول فى حكايات و تعمل هتشكوكات ...

كلمتى مامات تكسر درج مكتب فى مصر و تقولك رقم فيزات .....

بيروقراطية فى مصر تعمل واحد بدل فاقد فى واحد شهر و تدفع فلوس يوك فى تليفونات محمولات أفنظيم ....

كفاية إفندم... كفاية...

حظرتنا موش قول لمامات افتح درجات و طلع رقم فيزات من شان حظرتنا موش قول لمامات إن فيه أزمات فى سفريات...

مامات خاف كتيييييييييير ألا بنات.. أقلق كتييييييييييييير و مفيش نوم فى ليلات... و ارتفاع فى ضغطات... و اكتئابات.. إفندم

ألاشان إيه ولد كفاية إفندم عذب مامات؟؟

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

المهم الراجل اللى اسمع معرفش مين ده سألنى إنتى فين فى اسطنبول؟؟ قلتله فى تاكسيم...

- حلو جدا فيه عندك فى المنطقة فرع للبنك بتاعنا... روحلهم بالكارت بتاعك و احكيلهم القصة و هم يسحبولك المبلغ اللى انتىعاوزاه manually من غير ماكينة ولا حاجة...

قلت يا فرج الله..!!!!

جريت على فرع البنك و كان 5 دقايق مشى من الأوتيل بتاعنا من فضل ربنا..

دخلت البنك و حكيت السنيورة اللى كانت واقفة هناك القصة و طلبت منها تسحبلى فلوس...

طلبت منى الباسبور بتاعى و بصت فيه و أخذت منه صورة و راحت واخدة كارت الفيزا حطته على حاجة كدة غريبة...

فاكرين زمان قبل الكمبيوتر الماكينة اللى كانوا بيقطعوا عليها تذاكر الطيران؟؟

المهم حطت الكارت على الماكينة و فوقيه استمارات مكربنة و جرت الماكينة على الكارت و الاستمارات قامت بيانات الكارت البارزة انطبعت على الاستمارات...

- عاييزة تسحبى قد إيه؟؟

(الفلوس التركى مليانة أصفار... و عشان تحسب قيمة الفلوس بالمصرى لازم تعد تشيل ماعرفش كام صفر و تضرب فى كام و تقسم على كام... عملية عايزة واحد دماغه رايقة... مش فى ظروفى)

مش فاكرة كان كام المبلغ اللى طلبته... بس أول ما قلته البنت ابتسامتها تلاشت و بصتلى باستغراب شديد و بعدين هزت كتافها على طريقة (أنا مالى.. إياكش تولع)

مضيت الاستمارة...و أخدت الفلوس و رجعت الأوتيل...

لما حكيت لأصحابى عرفت هى ليه بصتلى بقرف....

أصل المبلغ اللى أنا طلبته كان يوازى 150 جنيه مصرى بس... و ماينفعش أعم عملية سحب تانى قبل 24 ساعة :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

النهاردة بأعلن مولد نجمه جديدة في عالم الأدب إسمها " كليو زياده " لتنضم إلى بيت الأدب المحاوراتي تحت قيادة اديبنا الغضنفر حشيش ...

انا اللي صعبان عليه في القصة دي صاحبتك شيرين ... كليو عمال تمرمط فيها وكل شوية تقول " البنت إبتدت تتشائم " وهي أساساً من الأول انا حاسس إن طلعلها غراب فوق راسها من التشائم ....

كليو لو سمحتي انا جتتي مش خالصه .. حاولي لما تيجي ترد على أي موضوع ليه أو تبعتي رسال أو كده يبقى فيه وسيط ... يعني عشان على الأقل ياخد هو اللي فيه النصيب وأبقى أنا في الامان :lol: ..

كملي وبعد الـ 150 ج اللي لو كنتي ميلتي على أي سيرفيس بوي في الفندق كان دفعهم لك وخلصنا من أفلام الرومينج اللي شكلك هاتدفعي فاتورة أكتر من المبلغ اللي سحبتيه .. حصل إيه بعد كده ؟

والله حاسس إنك هاتقولي وفي هذه الأثناء حدث زلزال من اللي بنسمع عنهم في تركيا وأوقات كانت الأرض بتنشق وتبلع قرى بأكملها ...

كملي يا كليو يا أم سر باتع ... وإبعدي عن حكايات عن الدول الصديقة مش عايزين نخرب العلاقات معاهم اكتر ماهي خربانة .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أنت ولد كليو أفنظيم ....

كمان دى مشكل واحد توركى .... أنت نسيت رقم كارت و و علاقات يوك مع صديقات ... بنك توركى خدمات سريعات ..... من شان اية موش سألت موظفات فى بنك توركى يشرح موقف عملة تركى مع دولار ؟؟؟؟

كليو هانم .. مين خرج من دارة أفنظيم لازم أعرف فين مطار قديم ؟؟ فين مطار جديد ؟؟ لازم أعرف حافظ على فلوس و كاميرات و مش أنسى أرقام فيزات كمان أفنظيم لازم أدرس أسعار عملات بلاد توركى .....

كمل أفنظيم .. كمل ..

رابط هذا التعليق
شارك

النهاردة بأعلن مولد نجمه جديدة في عالم الأدب إسمها " كليو زياده " لتنضم إلى بيت الأدب المحاوراتي تحت قيادة اديبنا الغضنفر حشيش ...

أولا يا س س أشكرك على المجاملة الرقيقة دى... و لازم تعرف إن الأديب العظيم يولد ولا يصنع... يعى محدش له فضل فى الموهبة الفذة دى غير ربنا..

بس على فكرة لو قصدك إن مألفة الأحداث دى... ولله العظيم هو ده اللى حصللى فى إسطنبول من غير زيادة ولا نقصان ولا تأليف...

كملي يا كليو يا أم سر باتع

إنتوا لسة شوفتوا حاجة..!!!

ده بعد المغامرات.. هاكتب كام موقف كدة حصلوا على هامش السفرية... :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

قعدت طبعا فى الأوتيل محروق دمى... :lol:

2 زميلاتى كانوا لسة فاضلين فى الأوتيل ماخرجوش... لاحظوا إنى كنت رايحة جاية على الريسبشن و ببعت فاكسات و أطلع أجرى من الأوتيل عالشارع و من الشارع عالأوتيل.... و مكالمات عالموبايل و الآخر شكلى فعلا عندى مشكلة كبيرة...

- خير يا كليو؟؟ فيه حاجة؟؟

حكيتلهم مختصر قصة الفيزا و إن المبلغ اللى معايا صغير جدا... مايكفيش أعمل أى حاجة لغاية بكرة..

- يا بنتى ولا يهمك... طالما الكاش اللى معاكى يكفى مواصلات خلاص... إعملى المشتروات بالفيزا و خللى الكاش للمواصلات و بس...

لقيت بصراحة إن الحل منطقى جدا و المشكلة بسيطة..

خرجت معاهم رحنا منطقة تجارية اسمها أك سراى و لاليليى... حتة كدة تحسها بالظبط بورسعيد... معظمها بائعين جملة.. لكن لما يحسوا إنك هتاخ منهم بيعة كويسة ممكن يتساهلوا و يبيعوا قطاعى..

أختى كانت موصيانى أشتريلها جيليه شامواه لأن الشامواه فى تركيا فعلا لقطة.. لقيت جيليه حلو قوى... تمنته حسب أسعار مصر مش أقل من 300 جنيه... طلع إن تمنه 125 جنيه بس..!!

- أوكى أى ويل تيك أيت (ماشى هاشيل)

الست راحت منزله من الفترينة و بعتت تجيب كيس تحطه فيه و طبقته و لفته وكان ناقص تاخدنى بالحضن..

و رحت بكل ألاته مطلعالهم كارت الفيزا .... :D

الست بصتلى بمنتهى الأسف و قالت:

- سورى... نو فيزا..!!!

تم تعديل بواسطة Cleo

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

قمت طبعا كنت أحرجت...

بعد كل ده لو مادفعتش الفلوس زميلاتى هايفهموا إن ده بسبب مشكلة الفلوس... و هايروحوا متطوعين و عارضين إنهم يسلفونى تمنه... و منظر فعلا هايبقى بايخ أوى...

قمت مطلعة من جيبى ال150 جنيه و دفعت و أخدت الباقى...

مش ممكن.... هاموت..!! لازم الاقى حل للمشكلة الرخمة دى.... :lol:

و أخيرا.......

أخيرا.......

جاتلى فكرة نميييييييييييييييييييسة...... taz::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

خرجنا من المحل و فضلنا ماشيين شوية...

زمايلى لاحظوا إنى مسهمة و ماببصش على أى محلات و مش بنطق كلمة....

كنت عمالة أفكر فى الفكرة اللى جاتلى, و أقلبها فى دماغى يمين و شمال... و أبيعا لزمايى إزاى... كدة..

- مالك يا كليو؟؟

- بصوا إنتو عارفين طبعا مشكلة الفيزا د و أنا بصراحة محتاجة الكاش... واضح إن التعامل فى المحلات فى تركيا بالفيزا مش سهل.... فأنا بقول لو مثلا جينا تغدى فى حتة.. أنا ممكن أدفع إجمالى الفاتورة باليزا و أخد منكم الحساب كاش...

- فكرة كويسة جدا... صحيح... بدل ما ندفع كاش للمحل .. إنتى خديهم...

فضلت ألف معاهم فى الشوارع و كل ما أحس إن واحدة فيهم هاتفتح بقها أدعى إنها تقول كلمة واحدة بسسسسس.......

أنا جعانة

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

على فكرة يا كليو قبل ما تسافرى تانى إبقى إسألى على سعر تحويل الفلوس فى البنك و السعر اللى الفيزا بيستعملوه لإن - هنا فى كندا- سعر تحويل ال credit cards عموما بيبقى أقل من البنوك و لما أنا بسافر باشترى شيكات سياحية عشان ماستعملش الفيزا فى بلاد الأجانب.

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك

بس على فكرة لو قصدك إن مألفة الأحداث دى... ولله العظيم هو ده اللى حصللى فى إسطنبول من غير زيادة ولا نقصان ولا تأليف...

ليه كده سؤ التغذية قصدي سؤ الظن ده ... يا كليو أدب الرحلات ده نوع مهم وشيق من أبواب الأدب وممكن يكون غيرك كثير راحوا تركيا وعاشوا فيها كمان لكن لا يستطيعون صياغة ما شاهدوه بشكل شيق زي اللي إنتي بتحكيه بتلقائية كده .. والجدير بالذكر إن من أبرز رواد أدب الرحلات هذا .. اديبنا الكبير الأفوكاتو اللي بصراحة بأحسدة على طلاقته في اللغة العربية ودقة وصفة لتفاصيل الرحلات لدرجة ما شاء الله بيبقى فاكر إن في الرحلة الفلانية وفي الغداء الساعة 3 وربع السندوتشات اللي أكلها كانت جبنة بالطماطم ولا مربة لارنج .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بس على فكرة لو قصدك إن مألفة الأحداث دى... ولله العظيم هو ده اللى حصللى فى إسطنبول من غير زيادة ولا نقصان ولا تأليف...

ليه كده سؤ التغذية قصدي سؤ الظن ده

طبعا لازم يبقى فيه سوء تغذية؟؟ بقوللك ابتديت الرحلة من غير فلوووووووووووس... إفففففف...

و بعدين مش إنت اللى أسأت الظن بى و عمال تقوللى شيرين طلعلها إله النحس عند قدماء الأتراك؟؟

عشان تبقى فاهم يا س س مع احترامى لك و للجميع... شيرين مش بس خرجت معايا... دى كانت شريكتى فى الأوضة 5 أيام....

و الأوضة ما ولعتش بينا ولا مرة.... trch:

wlch::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

عشان تبقى فاهم يا س س  مع احترامى لك و للجميع... شيرين مش بس خرجت معايا... دى كانت شريكتى فى الأوضة 5 أيام....

ودي كانت نهاية فرقة شيرين رضا ...

فعلاً دلوقت بس تأكدت من الحكمة الأغريقية التي تقول إن " قد يدفع البعض ثمن اخطاء الآخرين " وبما إنك ماكنش معاكي فلوس فالبنت الغلبانة دي هي اللي دفعت الثمن ...

يالله بقى ماعدش ينفع البكاء على اللبن المدلدق .. ربنا يتولاها .

أحكي بقى وسيبك من الغربان والبوم .. وخلي كل حاجة تيجي في وقتها

حابس حابس كابس كابس ... ربنا يجعل كلامنا خفيف عليهم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كليو كليو mf(

زودى فى التفاصيل على اد ما تقدرى اصل فيه خبر مريييييييع :o

عندنا رحله لاستانبول bngn:: صدفه مذهله مش كده !! انا نفسى ماصدقتش :)

ادعوا لى يوافقوا على الاجازه cbyb:

وحاجه كمان wlch::

ماتحصلش تفجيرات فى تركيا :D

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

عندنا رحله لاستانبول  ;) صدفه مذهله مش كده !! انا نفسى ماصدقتش  ups:

وحاجه كمان  ;)

ماتحصلش تفجيرات فى تركيا  cl:

شوف الناس اللى مش بتتعظ..!!!!

يا بنتى خافى على نفسك... إنت لسة صغيرة و المستقبل قدامك واسع..!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

فضلنا نلف.... نلف... و انا كل همى إن زمايلى يبتدوا يتعبوا و يجوعوا علشان ندخل أى مطعم أستخدم فيه الفيزا و أخد منهم الكاش..

مكنتش أعرف إن الشعب المصرى حمال أسية كدة و صبور بالشكل ده...

فضلوا يلفوا حوالى خمس ساعات و يشتروا و يفاصلوا و يتفرجوا.... و أنا مش طايقاهم.... <_<

أخيرا... الساعة 6:00 صوا لبعض

- أنا خلاص اشتريت اللى أنا عوزاه... إنتى عايزة حاجة تانى؟؟

- لأ.. أنا كدة أنجزت... كفاية كدة النهارده....

:D

(طب راعوا ظروفى يعنى..!!) :D

-أنا بقول بأة ندخل فى حتة نتغدى و نروح...

هم قالوا كدة و أنا اتشاهدت.... أخيرااااااا....

كنا و احنا بنتمشى شوفت مطعم كدة فارش فى الشارع و شكله نضيف جدا.... و أهم حاجة...

شفت البتاعة اللى بيقدموا فيها الشيك ملزوق عليها علامة الفيزا بحجم كبيييييييييييييييير.... :)

قلت دانا ربنا بعتنى هنا مخصوص عشان المحل ده..

قعدت أوحى لزمايلى إن المكان ده باين عليه نضيف... و بعدين فى الهوا الطلق بدل كتمة التكييف و أدينا نعد فى الشارع و نتفرج عالناس و كدة... taz::

فعلا استجابوا... و دخلنا المطعم...

قعدت أدعى ربنا إنهم يستغلوا الطلبات (يعنى ينقوا حاجات غالية)

المهم...

طلبنا... أنا أخدت شوربة كريمة و حاجة كدة كانت زى فراخ بالكارى...

الأكل كان تحففففففففففففة...... فعلا لذيذ جدا... و القعدة كمان كانت ظريفة و المكان كان دمه خفيف جدا...

أكلنا و اتبسطنا و استريجنا من اللف طول النهار...

و أخيرا جاءت اللحظة المنتظرة....

ساعة الحظ........

طلبنا الشيك...

الجرسون هوا... فريرة كان جايب الشيك...

بصيت عالفاتورة و قعدت أحسب كمان 1/4 ساعة عايكون معايا كاش قد إيه...

وبعدين بمنتهى الثقة رحت مرجعة الشيك للجرسون ومعاه كارت الفيزا...

الراجل ابتسملى بمنتهى الأدب و أخد الشيك و الكارت و اختفى...

قعدنا مستنيين الكارت عشان نقوم....

الجرسون اتأخر...

اتأخر.....

اتأخر قوى.......

أخيرا ظهر و جاى و معاه البتاعة الجلد اللى ملزوق عليها هلامة الفيزا بحجم كبير و فتحهالى....

جواها الكارت بتاعى......

من غير الريسيت....

- سورى مادام... فيزا ماشين إيز نوت وركينج توداى..

mil:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

- سورى مادام... فيزا ماشين إيز نوت وركينج توداى..

<_<

أعتقد و الله اعلم ان بعد كل هذا يا كليو لا محيص من إنك

ترقعى بالصوت cbyb:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

- سورى مادام... فيزا ماشين إيز نوت وركينج توداى..

mf-:

أعتقد و الله اعلم ان بعد كل هذا يا كليو لا محيص من إنك

ترقعى بالصوت cbyb:

ليه أرقع بالصوت؟؟؟

عادى يعنى.... :angry:

cbyb:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...