أهم قوانين الطبيعة

[masraweya]

السلام عليكم

ما رضيتش اضحك لوحدي .. و بجد كتير بتحصل معايا

قانون الطوابير :

إذا وقفت في طابور بطيء وقمت غيرته، طابورك اللي غيرته فجأة تلاقيه يمشي أسرع من اللي انت فيه

قانون التليفون :

عمرك ما تتصل برقم غلط ويطلع مشغول

قانون التصليح :

بعد ما إيدك تتزيت وتتوسخ من الشحم من الماكينة، مناخيرك تبدأ تاكلك

قانون المعدات :

إذا وقع من إيدك أي شي، تأكد انه بيفضل يتـدحرج إلى أن يوصل لألعن مكان ما تقدر تطلعه منه

قانون الأعذار :

إذا تأخرت عن الشغل وقلت لرئيسك أن كان الكاوتش مخروم، اليوم اللي بعده يتخرم الكاوتش بجد

قانون حمام السباحة:

بعد وضع جسمك في الماء، يبدأ التلفون يرررررن وما يسكتش

قانون الالكترونيات :

إذا أخذت جهاز علشان تصلحه وعايز توريه انه ما بيشتغلش، وقتها يشتغل أحلى كلام

قانون السينما :

اللي حاجزين كراسي في النص لازم يجوا آخر ناس ويدوسوا على رجلك

قانون القهوة :

أول مايجيلك فنجان القهوة سخن، يجي رئيسك ويعطيك شغلة ما تخلص إلا لما تبرد قهوتك

قانون المصادفات :

إذا كنت مع واحد أو واحدة وموش عاوز حد يشوفك معاهم، فجأة كل اللي تعرفهم يطلعوا من كل مكان

قانون الأقساط :

إذا عندك سيارة أو أي سلعة بالقسط،،، مجرد ما تخلص الأقساط تخرب

قانون الزواج :

بعد شهرين من زواجك ... يسألوك ها مافيش حاجة جاية في السكة ؟؟؟

قانون المرتب :

آخر الشهر لازم كل العزايم والهدايا والطلبات تزيد ؟؟ حبكت

قانون الطقس :

لازم بنهاية الأسبوع وانت متحمس بتطلع للحدائق أو تروح البحر

مع الصبح يبقي الجو هوى وتراب وحر ورطوبه بمعنى تاني الفصول الاربعه في يوم واحد

و أخيرا قانون البحث :

إذا حبيت تدور على شي معين(موش حتلاقيه).... مع إنك كنت كل يوم بتشوفه

كم واحد من دول بيحصل معاكم؟؟

[Om Zayd]

و عليكم السلام و رحمة الله و بركاته

الإجابة

كلهم تقريبا

ما عدا قانون القهوة .. عشان مبشربهاش

:closedeyes:

[Dreamwithme]

السلام عليكم

ما رضيتش اضحك لوحدي .. و بجد كتير بتحصل معايا

قانون الطوابير :

إذا وقفت في طابور بطيء وقمت غيرته، طابورك اللي غيرته فجأة تلاقيه يمشي أسرع من اللي انت فيه

قانون التليفون :

عمرك ما تتصل برقم غلط ويطلع مشغول

قانون التصليح :

بعد ما إيدك تتزيت وتتوسخ من الشحم من الماكينة، مناخيرك تبدأ تاكلك

قانون المعدات :

إذا وقع من إيدك أي شي، تأكد انه بيفضل يتـدحرج إلى أن يوصل لألعن مكان ما تقدر تطلعه منه

قانون الأعذار :

إذا تأخرت عن الشغل وقلت لرئيسك أن كان الكاوتش مخروم، اليوم اللي بعده يتخرم الكاوتش بجد

قانون حمام السباحة:

بعد وضع جسمك في الماء، يبدأ التلفون يرررررن وما يسكتش

قانون الالكترونيات :

إذا أخذت جهاز علشان تصلحه وعايز توريه انه ما بيشتغلش، وقتها يشتغل أحلى كلام

قانون السينما :

اللي حاجزين كراسي في النص لازم يجوا آخر ناس ويدوسوا على رجلك

قانون القهوة :

أول مايجيلك فنجان القهوة سخن، يجي رئيسك ويعطيك شغلة ما تخلص إلا لما تبرد قهوتك

قانون المصادفات :

إذا كنت مع واحد أو واحدة وموش عاوز حد يشوفك معاهم، فجأة كل اللي تعرفهم يطلعوا من كل مكان

قانون الأقساط :

إذا عندك سيارة أو أي سلعة بالقسط،،، مجرد ما تخلص الأقساط تخرب

قانون الزواج :

بعد شهرين من زواجك ... يسألوك ها مافيش حاجة جاية في السكة ؟؟؟

قانون المرتب :

آخر الشهر لازم كل العزايم والهدايا والطلبات تزيد ؟؟ حبكت

قانون الطقس :

لازم بنهاية الأسبوع وانت متحمس بتطلع للحدائق أو تروح البحر

مع الصبح يبقي الجو هوى وتراب وحر ورطوبه بمعنى تاني الفصول الاربعه في يوم واحد

و أخيرا قانون البحث :

إذا حبيت تدور على شي معين(موش حتلاقيه).... مع إنك كنت كل يوم بتشوفه

كم واحد من دول بيحصل معاكم؟؟

طبعا الحاجات دي بتحصل معايا كتير خصوصا اللي كبرتها

قانون اللبن :

بمجرد ما تحط اللبن علي النار لازم تحصل حاجة عشان تتشغل واللبن يفور جرس التليفون ....جرس الباب ...أي حاجة

قانون التأخير في المواعيد:

لو نازل متأخر عن ميعادك لازم تحصل حاجة تعطلك زيادة ..متلقيش تاكسي .....العربية تعطل أي عطلة زيادة وخلاص

بالنسبة للبحث عن الأشياء المفقودة : بمجرد ما تصرف نظر عنها وتتوقف عن البحث تجد الشئ المفقود أمامك

[masraweya]

أم زيد .. و انا كمان ما بشربهاش

:closedeyes:

احلم معايا

بمجرد ما تحط اللبن علي النار لازم تحصل حاجة عشان تتشغل واللبن يفور جرس التليفون ....جرس الباب ...أي حاجة

قانون التأخير في المواعيد:

لو نازل متأخر عن ميعادك لازم تحصل حاجة تعطلك زيادة ..متلقيش تاكسي .....العربية تعطل أي عطلة زيادة وخلاص

أيوة .. بالذا ت الأخييير

[doha]

كم واحد من دول بيحصل معاكم؟؟

بسم الله الرحمن الرحيم .. الاجابة .. كلهم ابنائي ..

ايه ده يابنتي .. تجميع عبقري

حطي عليهم قانون نسيوا يكتبوه ..

قانون الغسيل ..

انك اول ماتغسلي هدومك او تغسل عربيتك .. الدنيا تشتي ..

[المهندسه]

قانون السلف من الجيران

مش عارفه ليه لما تستلف حاجه من عند الجيران علشان تحل عندك مشكله سريعه ..لازم الحاجه دى تبوظ ...حصلتلى مرتين مره ليلى وقعت الخلاط كسرته فأستلفت خلاط جارتى...وفى نفس اليوم سافرت يومين ورجعت تعبانه ..يعنى الخلاط قعد عندى حوالى 5 ايام وكل يوم اقولها يا بنتى الخلاط هابعاتهولك ...تقولى لاء استنى اصلى نازله ..لغايه ما بعتت ابنها ياخده و هو شايله وقع اتكسر على باب شقتى...ومره تانيه هى خدت المكنسه الكهربائيه بتاعتى اول ماحطيتها فى الفيشه ...الموتور باظ مش عيب من حاجه هو عمر افتراضى مش اكتر يعنى كانت صدفه...بس هى ما بتجيش غير عند الجيران.

قانون العيال ولاد ال...

اما عن العيال بيكونوا ما ياكلوش و مدوخين اهاليهم و لما تروحوا عند حد وتقعدوا تشتكوا من قرف العيال و انهم مدوخينكم علشان مش بياكلوا ..فجأه لو اتحط الاكل يكونوا اول ناس على الطرابيزه زى ما يكون بنكدب علشان الحسد بس..حاجه محرجه جداااا

[nightmare]

ههههههه , حلوة قوانيين الطبيعة دي , سبحان الله فعلاً كلها بتحصل للواحد ونضيف عليهم كمان

قانون المصالح الحكومية

الواحد يروح يخلص مصلحة مرة واثنين الموظف مش موجود , ولما يكسل في يوم وما يرحش هو , يروح بعدها يلاقي كل الموظفين يلومونى وفي نفس واحد , انت ما جتش امبارح ليه ده كان موجود هنا لحد الساعة 5 .

قانون السجائرsmk:

بصفتى مدخن , لو متعود تنام كل يوم الساعة 1 بالليل مثلاً , في اليوم اللى السجاير تخلص فيه منك بالليل ما يجيش للواحد نوم نهائي , ولو خرجت جبت علبة سجاير ورجعت حتى لو ما شربتش منها حاجة تلاقيك رحت في سابع نومة. "ربنا يعافينا"

مع تحياتي

تم تعديل 3 نوفمبر 2010 بواسطة nightmare

[مغتربة]

من اجمل القوانين فى نظرى و احب ان اطلق عليه قانون الحياه

(اذا أردت شيئا بشده فأطلق سراحه..فأن عاد..فأنه ملك لك..وان لم يعد؟؟ فأنه لم يكن لك من البدايه )

[masraweya]

قانون العيال ولاد ال...

اما عن العيال بيكونوا ما ياكلوش و مدوخين اهاليهم و لما تروحوا عند حد وتقعدوا تشتكوا من قرف العيال و انهم مدوخينكم علشان مش بياكلوا ..فجأه لو اتحط الاكل يكونوا اول ناس على الطرابيزه زى ما يكون بنكدب علشان الحسد بس..حاجه محرجه جداااا

بتحصل كتيييييييير

العيال بيشجعوا بعض على الأكل

الجميل بقى ان اللي عازمينا بيكونوا بيشتكوا نفس الشكوى .. و فجأة نلاقي العيال توحشت و أتت على الأخضر و اليابس

:closedeyes:

[masraweya]

قانون الغسيل ..

انك اول ماتغسلي هدومك او تغسل عربيتك .. الدنيا تشتي ..

أو بالصدفة بالصدفة .. جارتك اللي فوقك تنشر أول انت ما تخلصي نشر

;)

[masraweya]

قانون المصالح الحكومية

الواحد يروح يخلص مصلحة مرة واثنين الموظف مش موجود , ولما يكسل في يوم وما يرحش هو , يروح بعدها يلاقي كل الموظفين يلومونى وفي نفس واحد , انت ما جتش امبارح ليه ده كان موجود هنا لحد الساعة 5 .

ده أساسي.. أو ده لسة ماشي حالا .. ممكن تلحقه على الباب :unsure:

[masraweya]

من اجمل القوانين فى نظرى و احب ان اطلق عليه قانون الحياه

(اذا أردت شيئا بشده فأطلق سراحه..فأن عاد..فأنه ملك لك..وان لم يعد؟؟ فأنه لم يكن لك من البدايه )

بالرغم اننا في دعوة للابتسام .. و الكلام ده كبيييييييير جدا

بس عشان خاطرك .. هتنزل المرة دي

دايما اقراها الجملة دي و رأيي فيها

العلاقات الانسانية مش المفروض يكون فيها تملك .. هو اقتراب و تفاعل

[Simba]

و أخيرا قانون البحث :

إذا حبيت تدور على شي معين(موش حتلاقيه).... مع إنك كنت كل يوم بتشوفه

اه والله صحيح

[الســـاري]

لما اجي الصبح على محل مغلق .. او اجي بعد الصلاة مباشرة والمحلات مقفلة .. يكون المحل اللي انا عايزه داااائماً اخر محل يفتح

[shawshank]

بتفكرني بقوانين ميرفي. وهي قوانين مبنية على فرض الأسوأ، أو التشاؤم. وأبو هذه القوانين وأهمها: لو هناك احتمال حدوث خطأ ما، فسوف يحدث.

كان هناك موضوع قديم للفاضل wagdi بعنوان: قوانين ميرفي.

تحياتي للفاضلة masraweya على الموضوع.

[Diab]

كم واحد من دول بيحصل معاكم؟؟

بسم الله الرحمن الرحيم .. الاجابة .. كلهم ابنائي ..

ايه ده يابنتي .. تجميع عبقري

حطي عليهم قانون نسيوا يكتبوه ..

قانون الغسيل ..

انك اول ماتغسلي هدومك او تغسل عربيتك .. الدنيا تشتي ..

حصل معايا في مرة لما كنت لسة شاري العربية جديد ودخلتها كلين في محطة البنزين وخارجة بربرق

عروسة يا ناس

مكملتش 20 متر

تك

تك

ايه ده دي بتمطر

وفجأة

دششششششششششششششششششششش غرق الشارع والطين والزحاليق والعربية بقي شكلها يصعب ع الكافر

عقابا لها سبتها يومين من غير تنضيف :closedeyes:

وفلوسي راحت في الأرض

تم تعديل 4 نوفمبر 2010 بواسطة Diab

[اغابي]

كلهم بلا استثناء بيحصلو معايا وخاصة القهوة دى اللى ما افتكرش شربتها حتى مرة واحد سخنة بسبب مديري

اضيف عليهم

قانون الاكتشاف

انى ما اكتشفش ان البيت مفهوش عيش او ان اللبن خلص او اى حاجة

الا لما تكون الساعة متاخرة ومفيش لا مخبز فاتح ولا بقالين فاتحين

[مغتربة]

من اجمل القوانين فى نظرى و احب ان اطلق عليه قانون الحياه

(اذا أردت شيئا بشده فأطلق سراحه..فأن عاد..فأنه ملك لك..وان لم يعد؟؟ فأنه لم يكن لك من البدايه )

بالرغم اننا في دعوة للابتسام .. و الكلام ده كبيييييييير جدا

بس عشان خاطرك .. هتنزل المرة دي

دايما اقراها الجملة دي و رأيي فيها

العلاقات الانسانية مش المفروض يكون فيها تملك .. هو اقتراب و تفاعل

كلمه تملك هنا تاتى بمعنى مجازى و ليس وقفى الاهم الفكره العامه للجمله

تحياتى